فريد لاحظ ان هند وعدى متجنبين بعض وقرر يتكلم مع حد فيهم فى الموضوع ده لان هند قربت منه الفتره ده وهو كان حكيم معاها وهى بتحبه وفى يوم هند كانت بتذاكر فى غرفتها استأذن منها وقرر انه يكلمها ويفهم منها
فريد خبط باب غرفه هند وهند سمحتله بالدخول
فريد :انتى فاضيه دلوقتى ياهند عايزه اكلمك
هند :اتفضل ياعمو
فريد :انا هدخل فى الموضوع علطول انا حاسس ان فيه حاجه بينك وبين عدى معدش بيجى زى الاول ولما بيبقى موجود بحس انه بيبقا قاصد ميتكلمش معاكى ونظرتك ليه حاسس ان فى حاجه لو انتى فعلا هتعتبرينى زى والدك اتكلمى معايا بكل صراحه
هند قصت على فريد كل ماحدث
فريد :بس انا حاسس انك بتبادليه نفس الشعور
هند بدموع :انا فعلا حبيته جداا انا مش عارفه انا عايزه ايه حاسه انى تايهه انا تعبانه اوى ونفسى حد يسمعنى اسيل قالتلى اروح لدكتور نفسانى
فريد بصدمه لانه متوقعش ان هند توصل للمرحله دى
هند شافت علامه الصدمه على وشه كملت كلامها :متتصدمش كده حضرتك انتا مفكر ماما الى عايشه معاك دى مش محتاجه دكتور نفسانى هى كمان مش حاسس انها فعلا مش طبيعيه زى وجواها وجع
فريد :انا حاسس انها موجوعه بس مش عارف وهو بتحاول تدارى وجعها
هند :'واحده جوزها كان بيجيب ستات فى بيتها وينام معاهم على سريرها وكل حياتها ضرب فى ضرب كان بيعاقبها على حبها ليك
فريد بصدمه ودموع على حبيبته الى شافت كتير
وفى هذا الوقت قررت سالى الدخول التى كانت تستمع اليهم من اول الحديث
سالى :هند كفايه كفايه
وهنا هند علت صوتها :لا مش كفايه مش كفايه انا تعبت انا قرفت عايزه تعرفى كان بيعمل معايا ايه انا كمان وعاقبنى ازاى لما شوفت الستات داخله طالعه كنت مفكره انك مش عارفه وقولتله انا هقول لماما وقرر انه يعاقبنى خلانى اشوفه وهو معاهم توقعى بنت عندها ١٠ سنين تشوف باباها فى الوضع ده عارفه انا كنت حاسه بإيه وقتها كنت قرفانه منه وكنت بحاول اطلع كرهى عليكى بمعاملتى معاكى حتى عدى لما اعترفلى انه معجب صديته لانى خايفه اه خايفه ان عدى يطلع زيه وخايفه من شكل العلاقه والمنظر القذر الى فدماغى اتحط فيه فهمتى انا ليه بقيت كده انا تعبت
وهنا هند مقدرتش تكمل اغمى عليها
فريد اتصل بالدكتور والدكتور قالهم انه انهيار عصبى وادلها مهدئ
وسالى موجوعه علشان بنتها مفكرتش ان جوزها عمل كل ده مع بنته وقررت انها تعرضها على دكتور نفسانى
.......... ......... ........... ..........
فى شركة الصياد يجلس ادهم مع عدى
ادهم :للاسف لازم نكمل المشروع معاهم العقد فيه شرط جزائى
عدى :متأكد انك هتقدر تتعامل مع رنا ومنير
ادهم :ادهم الشافعى مبيخافش من حد انا قرفان منهم بس ولولا وجود شرط جزائى كان زمانى لغيت العقد
عدى :مقابلتك معاهم هتبقى بعد ساعتين فى الشركه عندهم
ادهم :ماشى انتا هتيجى معايا
عدى :لا انا دماغى مش رايقه ليهم
ادهم :براحتك انا سيبتك متتكلمش بمزاجى ودلوقتى لازم تقول ايه الى مضيقك فيك
ايه ياصاحبى
عدى :فيه انى اتوجعت جامد فيه انى اترفضت من انسانه كنت فاكر انها متجاوبه معايا وممكن تحبنى زى مابحبها فيه ان قلبى اتجرح ياصاحبى وللاسف حبيتها اوى
ادهم :اهدى كده وفهمنى كل حاجه براحه
عدى قص عليه ماحدث بينه وبين هند
ادهم :محاولتش تفهم منها سبب الرفض
عدى :منا قولتلك قالتلى انها بتحب واحد تانى
ادهم :انتا اتأكدت انها بتحب واحد تانى ولا ٠ده كلام بطفشك بيه وخلاص
عدى :وهى هتستفاد ايه انها تقول كده
ادهم :الى انا شوفته فى عنيها وهى بتبصلك بيقول غير كده انصحك تراقبها وتعرف فيها ايه كلم والدك وخليه يتكلم معاها ويشوف فيها ايه
عدى :هحاول اسيبك واروح لشغلى
خرج عدى وترك ادهم يفكر فى اسيل التى اصبح يشتاق اليها بشده ولايعرف سبب ذلك الذى يعرفه هو انه يريد رؤيتها
وبعد فتره ذهب ادهم لمقابله رنا ومنير فى شركةالصياد
..... ....... ....... ....... ...... ..
فى المطعم عند اسيل خلصت شغلها وهى خارجه من المطعم اتهجم عليها واحد
ورفع فى وشها مطوه
اسيل بإستخفاف وثقه :ارمى ياشاطر مبرد الظوافر ده لحسن يعورك ووسع الطريق بدل مخلى ميطلعش عليك صبح
الشخص:انتى مفكره الشويه دول هيخيلو عليا انا عارف انك خايفه من غير دوشه كده تعالى معايا بدل مأزيكى ومسك يديها وقام بشد اسيل
اسيل :يبقى انتا الجانى على روحك خليك فاكر انى قولتلك بلاش انتا الى صممت وانا مش هزعلك ولازم تاخد حقك
وبدأت اسيل بتصديد بعض الضربات الى هذا الرجل وسألته من الى بعته قالها ان منير الى بعته واخذت تضربه بقوه نعم فإنها تتضرب على الملاكمه من فتره طويله وتستطيع الدفاع عن نفسها وبعد فتره وقع هذا الشخص مغشى عليه من كثرت الضرب
جرته اسيل ووضعته فى العربيه وتوجهت الى شركه الصياد وبعد فتره وصلت اسيل وكان ادهم يجلس مع رنا ومنير فى المكتب يتناقشو فى العمل سمعو صوت عالى من بره خرج الجميع من المكتب
سحبت اسيل الشخص واتجهت الى منير وانصدم ادهم من منظر اسيل وهدومها الى متبهدله ومنير مصدوم ازاى اسيل عملت كده والشخص مقدرش يخطفها
اسيل وهى توجه كلامها لمنير :اتفضل الراجل بتاعك بس انا اسفه هتحتاج تعالجه لانى مسبتش فيه حته سليمه وبعد كده اما تبعت حد يخطف اسيل الصياد تبقى تستنضف بلاش تختار رجاله بلاسم زيك ابقى اختار صح وبعدين انتا متخيل انى مش عارفه باالراجل الى انتا مخليه يراقبنى تبقى غلطان انا عارفه وسيباه بمزاجى وبعدين انا سيبتلك انتا والى جمبك الفلوس لانى كنت قرفانه منك وانا مخطوبه ليك متخيل دلوقتى انى ممكن اوافق عليك علشان الفلوس تبقا غلطان وبحذرك يامنير ملكش دعوه بيا كفايه عليك رنا هانم انتو شكل بعض ولايقين جدااا على بعض كفايه عليكو الفلوس
وتركتهم ورحلت
وذهب ادهم وراءها مسرعا
ادهم :انسه اسيل استنى عايزك
اسيل :نعم مين حضرتك
ادهم :ذاكرتك مش ضعيفه اوى انك تنسينى يعنى
اسيل :لخص فى الحوار نعم
ادهم :تتجوزينى
اسيل بصدمه وفرحه :نعم وده اسمه ايه ده
ادهم :انا عايز احميكى من منير لانه مش هيسيبك فى حالك افهمى
اسيل بخيبه امل :وانا اقدر احمى نفسى كويس شكراا لحضرتك واسفه طلبك مرفوض
وتركته ورحلت وادهم طلع تليفونه واتصل بأحد الاشخاص وقص عليه ماحدث لاسيل من منير
ادهم :خايف منير يإذيها وده دماغه سم وخطوه زى الى عملها انهارده دى مفاجأه لينا
الشخص:اهم حاجه اسيل
ادهم :متقلقش انا خايف عليها اكتر منك وعلشان عرضت اتجوزها لانها لو مراتى منير ميقدرش يتعرضلها وكده اطمن واعرف افوق لمنير ورنا
الشخص :وهى قالتلك ايه
ادهم :رفضت
الشخص :انا هقولك تتجوزها ازاى وهساعدك لانى عارف انك خايف عليها وعمرك مهتزعلها
وقص عليه هذا الشخص خطة الجواز
.... . ....... ........ ........ ......
عند منير ورنا بعد ذهب اسيل سحبت رنا منير من يده ودخلت المكتب
رنا بعصبيه :عايز اعرف الى حصل بره ده انتا زباله يامنير بقا انا عملت كل ده علشانك وانتا لسه بتحب الست اسيل
اعملك ايه تانى انتا عايزه ايه انطق
منير بعصبيه:اه لسه بحبها وانتى عارفه انا بعمل كل ده ليه اوصلها وبعد كده هبقى معاكى علطول بس الاول لازم اخدها بمزاجها او غصب
رنا :لا يامنير خلاص احنا شركا فى كل حاجه وانا بقولك لا وصولك ليها كوم وشركتنا كوم لانى مش هسمح بكده يامنير ومتخلنيش اقلب عليك
منير مسكها من ايديها وحط ورا ظهرها
منير :اوعى تنسى نفسك يارنا دنا الى عملتك والى انتى فيه ده كله بسببى خليكى حلوه واسمعى الكلام بدل ماتلاقى نفسك فى الشارع تانى
رنا بوجع :سيب ايدى وجعتنى
منير ساب ايديها : خلى كلامى فى دماغك يارنا
واخذها وذهبو الى الفيلا
....... .......... ........ .......
وصلت اسيل لبيتها وجلست فى غرفتها تبكى بحرقه وصل صوت بكائها الى ايتن
فذهبت اليها ودقت الباب ودخلت
ايتن :انتى بتعيطى يااسيل امال فين البنت الجامده الى الدنيا مش عارفه تكسرها
اسيل :تعبت محدش سايبنى فى حالى منير كان بعت واحد ليا يخطفنى انهارده
ايتن شهقت :الكلب احنا سيبناله الفلوس وهو والزباله الى معاه عايز ايه تانى
اسيل :تعبت منهم مش عارفه هرتاح امته انتى عارفه ياايتن انا نفسى اسر يظهر لانى تعبت بجد نفسى يبقى ليا ظهر لما الدنيا تجى عليا هو يبقى سندى يقف قدام الكل انا وانتى مهما كان بنتين لوحدنا فى الدنيا
ايتن :اسر حاسه ان نسينا ونسى اننا موجودين من وقت اما مشى وهو مسألش علينا ولافكر يطمن علينا مع انه عارف رنا وادى ايه هى انسانه حقيره
اسيل :ربنا اعلم بحاله انتى اتعشيتى
ايتن :اه وانتى اكلتى ولا لسه
اسيل :اكلت فى المطعم هتعملى ايه دلوقتى
ايتن :هقعد على التليفون شويه وبعدين هصلى وانام ياله قومى صلى ونامى تلاقيكى جايه تعبانه
اسيل :ايتن انتى بتصحى الفجر نفسى اصلى الفجر حاسه انى مقصره فى حق ربنا
ايتن بفرحه :انا فرحانه بيكى انك بقيتى مواظبه على الصلاه ولبستى الحجاب هصحيكى تصلى
وخرجت ايتن وتركت اسيل وقامت اسيل وتوضئت وصلت فرضها ودعت ربها ان يصلح حالها
ذهبت ايتن لغرفتها وجلست على هاتفها
وجدت رساله من احد الاشخاص على ماسنجر
محتوى الرساله (اسف جداا انى بكلم حضرتك من غير سابق معرفه بس اسم الايميل جذبنى بجد الملاك الحزين وكمان بوستاتك جميله جداا هى الى دفعتنى ان اكلمك لان شخصيتك تخلى اى حد يبقى عنده فضول ان يكلمك و اسف كمان مره )
ايتن لنفسها :ايه الكائن الغريب ده بس انا مش هرد عليه انا مش عايزه اتعلق بجد وبعدين دخلت على صفحته وعجبها شكله
ولقت رساله منه كمان بيقولها ترد عليه
ايتن ردت عليه تشوفه عايز ايه
ايتن :رديت نعم
الشخص :متبقاش اخلاقك ضيقه كده براحه علينا
ايتن :صدق هعملك بلوك اسهل لانى مش ناقصه وجع دماغ
الشخص:لا استنى انا اسمى سامر وانتى
(سامر ابن عم ادهم الى فى لندن)
ايتن :تشرفنا عايز ايه
سامر :صراحه عندى فضول اتعرف عليكى لان شخصيتك غريبه وبوستاتك اغرب ولو حقيقيه مش مجرد كلام يبقى انتى انسانه موجوعه ممكن تتكلمى معايا
ايتن :للاسف مش هينفع لانى منفعش لاى حاجه
سامر :ليه اليأس ده الحمدلله على كل حالى احنا فى عندنا نعم كتير نحمد ربنا عليها وربنا سبحانه وتعالى خلقنا علشان نشتغل ونعمر الكون مش نقول اننا مننفعش لاى حاجه
ايتن :انا بقى واحده مشلوله تقدر تقولى اشتغل ازاى انا حمده ربنا على كل حاجه وعلى كل حال على ان خطيب سابنى لما اتشليت الى كان بيقولى بحبك كل دقيقه وعنده حق هيتجوز واحده مشلوله ازاى ودراستى سيبتها لانى مش عايزه اشوف نظرت شفقه فى عيون حد
سامر مصدوم بس كمل كلامه:وايه يعنى مشلوله طلاما فيكى نفس لازم تحاربى وتدرسى اهم حاجه تحققى ذاتك مش تقفلى على نفسك وخطيبك ميستهلش لان واحد زى ده تأمنى على نفسك معاه ازاى احمدى ربنا ان ظهر على حقيقته من الاول
ودراستك الى سيبتيها ديه لازم تكمليها لان مش معقول هتكملى حياتك كده بيت اربع حيطان انتى كده بتموتى نفسك على البطئ وبعدين فى عمليات كتير ليه محاولتيش
ايتن :خايفه من الفشل خايفه اعمل عمليه والنتيجه تبقى انى هفضل زى مانا وفى الوقت ده مينفعش لان فلوس بابا مراته اخدتها
سامر :على الاقل تحاولى انتى مشكلتك الفلوس انا دكتور وتخصص مخ واعصاب يعنى تخصص حالتك ومستعد اعالجك بس اهم حاجه نفسيتك تبقى كويسه واهو لو نجحت فى عمليتك هتعمللى سمعه كويسه والدكتور مننا ايه غير سمعه بس ممكن تصورلى الاشاعات الى عندك علشان يبقى عندى علم بالحاله
ايتن :هو انتا بتتكلم بجد يعنى انتا ممكن تعملى العمليه وامشى تانى واكمل حياتى
سامر :امال بهزر يعنى خلى املك فى ربنا كبير هسيبك دلوقتى على امل نتكلم تانى وصورلى الاشاعه وهبلغك بنسبة نجاح العمليه
ايتن :شكرااا جدااا واكيد هنتكلم تانى سلاام
سامر :سلام
ايتن فرحانه انها ممكن تمشى تانى
وسامر فرحان انه كلم ايتن وانه ممكن يقدر يساعدها
ومر الليل على ابطالنا وكل منهم يفكر فى حاله
ماذا سيحدث لهم وما يخبئه القدر لهم
من هو المجهول الذى يتحدث معه ادهم
وجع صامت
#الفصل السابع ..اروى الشرقاوى
بعد عدة ايام
فى الصباح فى فيلا الشافعى يجلس ادهم مع والدته وساره
ادهم :انا هتجوز وهبعت العمال يجهزو الجناح الى فوق
صفيه بفرحه:فعلا ياادهم انا فرحانه مين العروسه
ادهم :العروسه هتحبيها جداا لانها طيبه
ساره :اكيد هنحبها مش انتا حبيتها
ادهم :احم احم ..انا رايحه الشركه سلام
وتركهم ورحل
صفيه :مالك ....اروى الشرقاوى
ساره :حاسه ان فى حاجه ومش مرتاحه للجوازه الغريبه ده وبسرعه كده
صفيه :الى فيه الخير يقدمه ربنا اهم حاجه انه يتجوز ...اروى الشرقاوى
....... ......... ......... ......... ......... ..
فى مكتب عدى يتحدث مع احدهم المكلف
بمراقبة هند
عدى :متأكد من كلامك ده
الشخص :ايوا ياباشا متأكده دى من الفيلا للجامعه ومن الجامعه للفيلا حتى سألت عليها ناس فى الجامعه قالو انها لو شاب اتعرضلها او حاول يكلمها بتفرمه وملهاش علاقه بأى حد
عدى قفل مع الشخص
عدى لنفسه :ياترى حكايتك ايه ياهند ...اروى الشرقاوى
.......... ........... .......... .....
اسيل فى الجامعه مع هند
اسيل :كل ده حصل وانا معرفش شغل المطعم اخدنى منك بس انتى دلوقتى كويسه ومتابعه جلسات العلاج النفسى
هند :اه الحمدلله وانتى حساكى متغيره فى حاجه حصلت
اسيل قصت عليها ماحدث بينها هى وادهم
هند :انتى بتحبيه ليه موافقتيش
اسيل بحزن : هيتجوزنى علشان يحمينى انتى عدى قالك معجب بيكى انما ادهم هيتجوزنى يحمينى بيعمل خير
هند :تلاقيه بيحبك وعايز يجيبها فى الموضوع ده ...اروى الشرقاوى
اسيل :ولو بيحبنى ايه الى يخليه ينكر الحب ده وانا شيفاه مع واحده فى المطعم ومعاه بنت صغيره اكيد متجوز وعايز يعمل فيها راجل شرقى ويتجوز اتنين
هند ضحكت :يخربيت الافلام الى بوظت مخك متجوز ازاى عدى قالى انه مطلق وعنده بنت
اسيل:خلاص قفلى انا خلاص رفضت الموضوع اتقفل خلاص ياله ياختى عندى شغل سلاام
وتركتها اسيل وخرجت على باب الجامعه تنتظر الاتوبيس فهى حاليا لاتستعمل اى مواصله غيره لعدم توافر المال معها بكثره
واثناء انتظارها وقفت امامها سياره سوداء وهبط منها ٣ اشخاص ذو هيئه ضخمه لم تستطع اسيل السيطره عليهم وقام احدهم بوضع شئ استنشقته وبعدها لم تدرى بشئ وقامو بوضعها فى السياره ورحلو بيها
بعد فتره فى غرفه صغيره شبه مظلم فاقت اسيل وجدت نفسه بين اربع حيطان ولاتسمع صوت احد اصبحت تصرخ بأعلى صوت
اسيل وهى بتخبط على الباب:انتو ياعالم يالى هنا انا فين وجايبينى ليه هنا انتو ناس زباله وحقيره انا هعرفكم ازاى تعملو كده
فتح احدهم الباب واشعل الضوء ودخل
اتصدمت اسيل عند روئيته
اسيل :منير حقير وزباله عايز مينى ايه
انتا ايه كل الفلوس ديه مكفتش عايزه ايه تانى
منير :عايزك وبرضاكى ...اروى الشرقاوى
اسيل :اتفووه ..نجوم السما اقربلك مينى يامنير
منير :بكره تيجى بشوقك ومش هتخرجى من هنا خليكى قاعده واختك متلاقيش الى يسأل عليها واجيبها جمبك هنا واهوه تعيشو مع بعض هنا
فكرى يااسيل وهستنى ردك
اسيل :يبقى هتستنى عمرك كله كلب زيك مرضاش ابص فى وشه يبقى اغضب ربنه علشانه امشى يامنير انا واثقه انى هخرج من هنا ..حسبى الله ونعم الوكيل
خرج منير وظلت اسيل تدعو ربها لن ينجيها من هذا الشخص الذى لاينتمى للبشر بشئ فأقل مايقال عنه انه حيوان
..... ........ ......... ......... .....
فى شركة ادهم الشافعى دخلت هند مسرعه الى مكتب عدى وفتحت ودخلت رغم ان السكرتيره لم توافق ولكن عدى اشار لها بالسكوت
هند :الحقنى ياعدى اسيل اتخطفت
عدى بصدمه :اسيل الصياد مين خطفها
هند :اكيد الكلب منير ومراته الزباله رنا
عدى :وعرفتى منين انها اتخطفت
هند :خرجت علشان اديلها كشكول المحاضرات نسيته معايا لقيت ناس بيشولها يحطوها فى عربيه جريت وراهم ملحقتهومش
عدى :تعالى بسرعه نقول لادهم
وخرجو وذهبو لادهم وقصت عليه هند ماحدث
واثناء الحديث رن هاتفه وكلم احد الاشخاص
الشخص :منير الى خطفها ياباشا انا فضلت وراهم لحد ماعرفت راحو بيها فين ومنير لسه خارج من عندهم
ادهم :خليك مراقب المكان وانا هجيب ناس واجيلك بس لو حسيت بأى حركه مش تمام بلغنى
اغلق ادهم الخط
عدى :عرفت خادوها فين ومين الى خطفها
ادهم :فى غيره الزباله منير كده تخطى كل الحدود فضله معايا غلطه وهنصفه
هند :انا ماليش دعوه انا عايزه اسيل عقول لاختها ايتن ايه وانا خايفه عليها
ادهم :ايتن عرفت وزمانها فى الفيلا عندى دلوقتى لانى عارف ان منير مش هيسيب ايتن والنهارده اسيل هتبقى فى بيتى ومراتى
عدى :هتتحرك امته ...اروى الشرقاوى
ادهم :بلغت شركه الحراسه يبعتولى ناس وزمانهم على وصول لانى مش مستعد اضحى بااسيل ومنير ده لازم اخسره كل الفلوس وادخله السجن
وبعد فتره وصل البودى جارد واخذهم ادهم وذهب واصر عدى على الذهاب معهم ولكنه لم يوافق على ذهاب هند واوصلها الى فيلا ادهم لتجلس مع ايتن لتخفف عنها
قد حل الظلام على اسيل كانت تفكر فى ايتن ماذا حل بيها وكيف ستخرج من بين هذه الحيطان وانها ليس لها احد ولا لاختها ونسيت ان الله معها
بعد فتره وصل ادهم الى المكان الذى اخبره الشخص عنه واطلق الرجال الرصاص وقامو بضرب رجال منير والسيطره على الوضع ادهم تركهم يتعاملون مع الرجال وذهب للبحث عن اسيل واصبح ينادى عليها مثل المجنون سمعت اسيل صوته ولم تصدق ان احدهم جاء لانقاذها
ونادت عليه وذهب ادهم الى مكان الصوت
وقام بكسر الباب اسيل لم تصدق ان الله استجاب لدعواته شدها ادهم وخرج بيها من المكان كله وسط ضرب النار وقد استطاع رجاله التخلص من رجال منير وذهبوا ايضا
.اخذ ادهم اسيل فى سيارته هو وعدى وذهبو الى فيلا الشافعى
وكل هذا واسيل لم تتفوه أى كلمه
اسيل :هو احنا رايحين فين
ادهم :ياريت متتكلميش الا اما نوصل والى هقولوه تنفذيه اختك ايتن فى الفيلا عندى
اسيل :ايه فى فيلتك ازاى
ادهم :ايه اسيبها لمنير يخطفها هى كمان
اسيل فرحت بداخلها لانه خاف على ايتن
وصمتت الى ان وصلو الى الفيلا
ودخلو رحبت بيهم صفيه ودخل عدى وكانت هند هناك ايضا
عدى :ادهم احنا اطمنا على اسيل اخدها اوصلها هى وهند وايتن بقا
ادهم :لا محدش هيمشى فى مفاجأه مستنيه الكل نكمل اليوم بقا
الكل فى صوت واحد :مفاجأه
واخبرت الخادمه ادهم ان شخصين ينتظروه اخبرها ان تسمح لهم بالدخول
عدى :مأذون ليه
ادهم :هتجوز اسيل
اسيل :ايه مين
ادهم :اقعد ياسيدنا الشيخ ابدأ
الكل مذهول ومصدوم
مال ادهم على اسيل وهمس لها :انتى شايفه حصل ايه انهارده وافقى لازم حد يقف لمنير
وافقت اسيل وتم الجواز وذهب عدى وهند ولكن عدى لم يتحدث هند اوصلها الى البيت وذهب الى شقته وشعرت هند بغضه فى قلبها
نامت ايتن مع ساره فى غرفتها على مايجهزولها غرفه
وذهبت اسيل مع ادهم الى الجناح الخاص بيه
اسيل :ممكن اتكلم معاك
ادهم :اتفضلى
اسيل :انتا عملت الى انتا عايزه وبجد شكراا ليك انك انقذتنى من منير وحمية ايتن وفكرت فيها احنا جوزانا طبعا على ورق يعنى جواز مصلحه بالنسبه ليه انك هتحمينى انتا ليه بقا عملت كده كان ممكن تساعدنى من غير جواز
ادهم:ماما دوشانى عايزانى اتجوز وعلشان بنتى تاليا محتاجه ل ام
اسيل :بس انا شوفتك فى المطعم ومعاك بنت وكنت مفكره ساره اختك مراتك هى تاليا بنتك فين مامتها وانتو منفصلين
ادهم :مامتها كانت عايشه معاكى
اسيل :معايا انا مين ....اروى الشرقاوى
ادهم :رنا مرات ابوكى كانت مراتى وام تاليا
اسيل لسه مصدومه لانها اول مره تعرف :وليه طلقتها وازاى تنخدع فى واحده زى رنا دى وتتجوزها دى زباله وحقيره هى والكلب منير
ادهم قص عليها سبب الطلاق
اسيل :ياه وسابت بنتها عشان خاطر الفلوس دى طلعت احقر مما كنت اتصور معندهاش قلب
ادهم :انا نفسى ادمرها هى والكلب الى اسمه منير لانهم تخطو كل الحدود
ايسل :وانا هساعدك فإنك تتخلص منه
ادهم :انا عايزك تبعدى عن الموضوع ده سيبينى انا اتصرف معاهم
ايسل :انا ليا تار عندهم وليا حقوق ولازم اخدها حق رميتى فى الشارع انا واختى وحق خيانتها لبابا وحق خطفى وحق اسم بابا الى هو بيوسخه بى صفقاته المشبوهه
ادهم :صفقات مشبوهه
اسيل ؛منير بيتاجر فى المخدرات وكمان فى تجارة الاعضاء
ادهم :وانتى عرفتى منين
اسيل :دى شركتنا قبل مايستولى عليها الموظفين كلهم اصحابى واخباره بتوصلنى كلها
ادهم ؛كده اللعب بقى على تقيل وعرفنا هنوقعهم ازاى دلوقتى ننام والايام كتير واكيد هنعرف نوقعه
اسيل :وانا هنام فين
ادهم :على السرير
اسيل :وانتا
ادهم :متخافيش انا هنام على الكنبه
اسيل دخلت الحمام غيرت بجامه ساره ادتهلها على ماتروح تجيب هدومها من الشقه وطلعت نامت على السرير وكذلك ادهم غير هدومه وطلع نام وهو بيفكر فى الى جاى وازاى يوقع منير وحياته مع اسيل هتبقى عامله ازاى
وبعد كده نام
ومر الليل على ابطالنا وكل منهم بداخله وجع يخفيه
اروى الشرقاوى