ابتسمت جني: هاتعرف دلوقت
_اهلا بيك !
بص ابتسام علي مصدر الصوت وفتح عينيه بصدمة:
انتي !
بتكون الست العجوزة اللي ادته الشيكولاته. .
ابتسام: انتي ، أنا مش فاهم حاجة
ابتسمت چني: هاتفهم كل حاجة دلوقتي .
الست العجوزة كان قدامها بلورة زرقا ..
قعدت قدامها وقالت :
البلورة اختارتك عشان تديك قوتها ولازم تكون قد ثقتها وتستخدمها في الخير والا ....
ابتسام : والا ايه ؟!
الست العجوزة: والا هاترجع انسان طبيعي
بص ابتسام ل.چني:
وانتي كمان زيي ؟!
جني: ايوه بس مع اختلاف بسيط
الست العجوزة: دلوقتي لازم تساعد چني وكل ما هاتعمل خير هاتتعزز بقوة جديدة من البلورة مكافأة ليك .
ابتسام هز براسه ...
مشت جني وابتسام معاها:
ماعدش عندنا وقت ادهم مجنون وعارف سرنا وممكن يئذي أختي بس هانستني لما الدنيا تليل !
ابتسام : خلاص قربت أهي ..
مشي ابتسام مع چني لحد ما دخلوا اوضة وفتحت النور وجابت له قناع يغطي وشه
ابتسام: ههههه ناقصني بدلة بقا عشان ابقي سوبر هيرو
جني: مش بالبدلة هاتبقي سوبر هيرو بأفعالك !جاهز
ابتسام : جاهز..
بيروحوا لمكان قديم عليه حرس زي مخزن بيستخبوا في جمب الحيطة.
بيحاول ابتسام يسمع تفكير حد منهم ..
واحد من الحرس:
أنا مش قادر هاموت وأدخل الحمام بس أدهم باشا محرص علينا طب أعمل ايييه أنا محصووووور
الحرس التاني:
اللي غاب عن عيني ميته يا ناس يجيني ياااااه يابت يا لوزة وحشتيني انا تعبان قوي ماهو حرام اتجوز واجي بعدها وانا ببدلة الفرح عاوز اكون اسرة يا نااااااس
ضحك ابتسام بصوووت فابصت ليه جني وكتمت بوقه..
ابتسام: ههههه انا اسف
جني: ايه اللي حصل
ابتسام: الاتنين محصورين يا عيني واحد عاوز يخش الحمام والتاني عاوز يخش دنيا !
چني: احنا لازم نشتتهم ...
ابتسام : الحمد لله واحد راح الحمام اهو نخش عالتاني دربن دح نصدمه او عندي فكرة ...
جني: ايييه هيا قول. ..
بعد دقايق ...
اتمشت چني قدام الحارس بدلع وبعدين عملت نفسها اتخبطت في رجلها
اجي الحارس يجري عليها..
ابتسام: هكذا نحن الرجال ما بنصدق نلاقي حتة طرية ههه
واجي من وراه وضربه علي دماغه ..
اجي الحارس اللي راح الحمام يجري ورافع مسدسه جري عليه ابتسام بسرعة الضوء وعيونه ازرقت وقعد يضرب بونيات كتير بسرعة في كل جسم الحارس لحد ما طار ..
نفخ ابتسام في ايده وبعدين باسها..
وبعد كده اتنطط من وجع ايده..
ابتسام: ولا يهمك. أكل العسل حلو بس النحل بيقرص
ضحكت چني عليه وبعدين دخلوا المخزن يتسحبوا
كان زي ما يكون معمل ...
سمع ابتسام صوت :
الحقووووووونااااا
قرب ابتسام من مصدر الصوت لقي اربع سلاحف وفار
علي دماغها قطع قماش أحمر وازرق وبنفسجي وبرتقالي ..
وفار
ابتسام برق :
نينجا ترتر!
اتكلمت سلحفة منهم:
احنا مش نينجا بالله لا أنا مايكل أنجلو ولا بحب البيتزا أنا عاوز أعيش طبيعي ياناس اكل خس ولا ده ليوناردوا ولا ده رافايل ولا ده دوناتيلو احنا كنا بنستجم علي البحر عادي اجي ابن الجزمة ادهم وخدنا وحبسنا.
اتكلم الفار:
وانا مش معلمهم أنا كنت ماشي لا بيا ولا عليا ولا حواليا بقرقض جبنة رومي وببحث في المجاري عن قوت يومي شوفت المجنون خدني ....
ضحك ابتسام:
معلش هي الحياة صعبة
اتكلمت سلحفاة تانية:
مش أصعب من سلحفة خانت جوزها مع كلب بحر كله رايح كله رايح
ابتسام: ييياه ازاي حصل ده انا أسف
اتكلمت سلحفة :
ياعم خوده من هنا دا هايخلينا ننتحر مش كفاية ان فرحي كان في نفس اليوم بعد ما أبوها رفضني ٩ سنين وانا بعافر معاه عشانها وافق وخلاص كنت هافوز بحب عمري منكم لله يا بشر حاشرين مناخيركم في كل حاجة
اتكلمت السلحفة الرابعة:
انا ماعملتش أي حاجة في حياتي بس كنت ناوووي كنت ناوي اهئ اهئ قولت لأمي خلاص هافرحك واجبلك أحفاد واتجوز وابقي مسؤول امي هاتتجلط لو ما رجعتلهاش هاتتجلط
ابتسام: خلاص قطعتوا قلبي ...بس هو عاوز منكم ايه
ردت السلحفة:
عاوز يعملنا نينجا ونحارب في صفه دا هرانا حقن أنا ماعدتش حاسس ب .....اهئ اهئ
جت جني تجري:
انت واقف بتعمل ايه من ساعتها يلا انا لقيت اختي ومحتاجة تساعدني
ابتسام فتح لهم الأقفاص ..وراح يجري معاها ..
ابتسام شاف بنت طبق الأصل من چني في علبة ازاز كبيرة ومتجنزرة
حاول يكسر في الازاز بكل قوته مش بيتكسر
الدنيا كانت عتمة اضاءة خفيفة جدا فجأة صرخ بكل قوته وقعد يرجع لورا:
أعوذ بالله من الشيطان الرجيم لاتئذيني ولا اذيك وتئذيني ليه والنبي أنا غلبااااان اهئ اهئ 😢
چني : أدهم.
ابتسام: ماله انت مش شايفة العفريييت قولي اية الكرسي كنت حافظها والله بس مش فاكرها قوليها بسرعة عشان يتحرق قولي مش فاكرة من الخضة الله الرحمن الرحيم الملك القدوس السلام مش دي مش دي التانية اهئ اهئ اهئ
جني عملت حاجز مغناطيسي وحاولت تركز..
جني: دا ادهم مش عفريت !
كان ابتسام نايم علي الأرض وداخل علي حالة سكتة قلبية ..
ابتسام ضحك: بجد
وقام نفض هدومه..
ابتسام:
حد يخض حد كده يا جدع.
بص له ابتسام بخوف وبعدين طلع ايده لسعه قلم ورجعها تاني
ابتسام: هههه ايه الحلاوة دي
أدهم بص لهم بعصبية :
هاتخضعي لي يا چني هاتخضعي لي
طلع ابتسام ايده للمرة التانية ولسعه قلم تاني وهو بيضحك ..
چني لسه مش متحكمة في المجال المغناطيسي كويس ..
طلع ابتسام ايده ومسك أدهم من رقبته في نفس الوقت المجال المغناطيسي اختفي بص ابتسام واتبدلت ملامح وشي :
طبعا دلوقتي اللي هو ....بص يا عم أدهم الموقف اللي احنا فيه ده عصيب فا انا ......
وبعدين نزل مسك ايده وعيط:
ابوس ايدك سامحني !
كان أدهم ضخم وبيعمل تجارب علي نفسه وشعره نص أبيض ونصه أسود...
مسكه أدهم من قفاه ...
بص ابتسام ل.چني:
انتي قولتي عالم مجنون انا فكرته هايكون شكل اينشتاين مش هالك مش هالك ياجني منك لله
چني: هاحرر اختي منك يا ادهم ومش هاسيبك تعمل اللي انت عاوزة..
ابتسام : وانا والنبي والنبي دا شكله من اكلي لحوم البشر
أدهم : مش هاتقدري...
وبعدين كمل وهو بيفكر:
لأن أختك في عالم تاني أنا أسسته ولازم تيجي تدخل جسمها من تاني
ابتسام:
احييييه مش هاتقدري ياختي !
چني: ليه
ابتسام: عشان أختك في عالم تاني ولازم تيجي تدخل جسمها من تاني..
بص له أدهم باستغراب:
انت عندك قوة خارقة
ابتسام:
أنا لا مش أنا ده أيمن
أدهم: أيمن مين ؟!
ابتسام:
أيمن ابن خالتي فتحية عقبال أملتك كان مسافر السعودية ورجع بالجلابية البيضة يقول ايش حالك ايش اخبارك ايش مش عارف ايه فا هو اللي عنده
ادهم: عنده ازاي
ابتسام: اه ماهي الجلابية البيضه فيها السر اصله حط مسك عثماني أصله يمني جاي من بلاد الهند الهنود الحمر عملوه فابيدي قوة خارقة زي بتاعت سوبر مان كده انا وصيته يجبلي حبة اوصيه يجبلك !
ادهم بص له باستغراب
ابتسام:
ممكن تسيب قفايا بقا عشان بلستيجي والنبي..
چني: اختك في عالم ايه يا ادهم
ادهم: عالم افتراضي لو عاوزة تنقذي اختك تنفذي كل اللي أقولك عليه والا انسيها للأبد
وبعدين خبط علي جيبه وقال بتفكير:
بوابة العالم ده في جيبها مفتاحي وهو ورا الباب الأخضر ده ودي طريقة هاتخليني احقق كل مشروعاتي
عمل ابتسام نفسه دايخ وحضنه فبعده عنه أدهم...
ابتسام: اااه سيب قفايا بقا يا جدع
بص ابتسام لچني وشاور لها علي البوابة بس مافهمتوش .
ابتسام شجع نفسه وضرب أدهم بالبونيات وبعدين ارتاح أكتر فضربه أكتر :
دا عشان خضتني يا عفريت معاك كل الفلوس دي ومش عارف تچلچل شعرك
في نفس الوقت دخل البودي جارد من باب المخزن جري ابتسام علي البوابة الخضرة وفي ايده المفتاح اللي اخده من جيب ادهم لما حضنه
ابتسام : اجري يا چني
جرت جني بس قبل ما تجري مسك ادهم رجلها