رواية وجع صامت الفصل الثاني عشر 12 والثالث عشر 13 بقلم اروي الشرقاوي
عمار خرج من ادهم لقا ايتن لسه بتلعب مع تاليا ميل عليها وقال لها بهمس :
نسيت اقولك انى انا المجنون
سابها ومشى
ايتن ابتسمت غصب عنها
............ .......... ............
فى مكان اخر فى احدى الاماكن الشعبيه
تسكن فتاه جميله هادية الطباع تسكن هو ووالدتها وتبحث عن عمل لكى تعيش هى ووالدتها
مى :ياماما منا لازم اشتغل معاش بابا معدش بيكفى ومصاريف علاجك كتير لازم اشتغل
سعاد :انا خايفه عليكى
مى :من ايه ياست الكل فى اعلان فى الجرايد شركه جديده فى مصر وطالبين موظفين وانا هروح المقابله ادعيلى يقبلونى
سعاد :ربنا يوفقك يابنتى يارب
خرجت مى من الحاره وركبت الاتوبيس ووصلت الى شركه اسر ولكنها وجدت الكثيرون وبالنسبه اليهم فهى لاترتدى ملابس مثلهم فقط ترتدى فستان بيسط وعليه حجاب لايقارن بملابسهم ودعت ربها لانها تريد هذا العمل
السكرتيره :انسه مى حسن دور حضرتك يافندم
مى دخلت غرفه اسر
اسر استغرب انها جايه محتشمه مش جايه تستعرض جسمها زى الى قبلها
اسر :اتفضلى ياانسه
مى قعدت
اسر فتح الc.vبتاعها انبهر
اسر :كل سنه كنتى بتجيبى امتياز مبروك عليكى الشغل ياانسه مى
مى :بجد شكرا يافندم واوعدك هكون عند حسن ظنك
مى خرجت من عند اسر فرحانه جدااا بت بالشغل
اسر اتصل على ساره وهى شافت الرقم فرحت جداا بس مش هتبين
ساره :عايز ايه
اسر :كويس انك عارفه ان انا الى بتصل
عايز اقولك وحشتنى
ساره :الى بعده
اسر :فى ايه ياساره لسه قلبك محنش انتى ايه الجبروت الى انتى فيه ده انا زهقت عمال اتحايل عليكى زهقت ياساره قولتلك ان الظروف الى عملت فيا كده
ساره :انا تعبت اكتر منك استنيت كتير
اسر :ورجعت تعالى نعوض الى فات مننا ساره عايز اشوفك
ساره :مش هينفع عندى شغل
اسر :هجيلك حالا قدام المستشفى وايامى متنزليش سلام
ساره :واللهى مجنون
وبعد فتره وصل اسر امام المشفى وساره خلت صاحبتها تاخد مكانها ونزلت
ساره :نعم عايز ايه
اسر :اركبى حالا بدون كلام
ساره :ركبنا نعم
اسر ساق العربيه من غير كلمه
ساره :رايح فين استنى هنا
بعد فتره وصل بيها لمكان هادى مفيهوش ناس
اسر :بحبك ارجعيلى ياساره
ساره :هتجرحنى تانى يااسر
اسر فرح بشده :اوعدك هفضل جمبك علطول بس انتى وافقى نرجع لبعض
ساره :موافقه
اسر :بحبك هتقدم لاادهم انهارده ..اه نسيت انتى ازاى تحضنى سامر قدامى
ساره ضحكت :سامر اخويا فى الرضاعه يعنى زى ادهم
اسر :بردك اياك تعمليها تانى مفهوم ولا اى حد تحضنيه غيرى اتفقنا
ساره :مجنون امشى ياله يااسر وصلنى لشغلى
اسر وصل ساره للمستشفى وراح شركته تانى وهو فرحان جداا ان ساره وافقت ترجعله
........... .......... .......... ........
عمار راح على القسم وقابل اللواء رفعت
رفعت :كده القضيه متقدملنا على طبق من دهب
عمار :بس يافندم فى اسامى كبيره متورطه معاهم
رفعت :مفيش حد فوق القانون احنا شغلنا نحمى الناس الغلبان قبل الغنى الشرطه فى خدمة الشعب مهمتنا نجيب الحقوق مش نخاف من الكبار ونيجى على الفقير كل القوات تجهز النهارده علشان المجرم ده يتقبض عليه
عمار :يافندم انا فكرت منير طبعا هو الى هيحضر التسليم انا بقترح نفضل مراقبين منير لحد مايستلم بالعكس نسهله التسليم
ووقت مايوزع البضاعه ونصورهم كمان فيديوهات وهوما بيستلمو ونطلع قرار بالقبض عليهم وبكده يبقى معانا ادله عليهم لان ناس زى ديه هتحاول تلاقى الف حاجه تطلعها من القضيه دى
رفعت :برافو ياحضرت الظابط حلوه الفكره بالتوفيق
عمار نهى كلامه مع اللواء رفعت وخرج راح على مكتبه
اتصل بأدهم وبلغه بالخطه وطلب منه نمرة اسر
عمار اتصل بااسر وقاله انه عايزه فى موضوع مهم واخد منه ميعاد يروحله البيت
اسر استغرب ان عمار عايز يقابله بس مأخدش فى باله
........ .......... .......... ....
هند واسيل فى تدريب الملاكمه
اسيل :احنا مجناش من فتره
هند :انا جيت اتدرب شويه قبل الفرح انتى عارفه فاضلى ايام معدوده واودع العزوبيه
اسيل :دى السنجله جنتله
هند :بذمتك من قلبك دانتى دايبه فى ادهم من ساسك لراسك على هنود ياحلوه
اسيل :ادهم ده عوض ربنا ليا ده الى انقذنى انا وايتن من الضياع بعد الى الكلب منير كان ناوى يعمله معايا تعرفى انا عمرى ماتمنيت لنفسى اكتر من كده واحد يحمينى ويحتوينى ويحبنى انا محتاجه ايه تانى ويحسسنى بوجودى
هند :الله الله ياست اسيل دحنا نتعلم منك
اسيل :وبالنسبه ليكى انتى وسى عدى ايه دانتو خربنها اسكتى متخلنيش احسدكم
هند :ياساتر عينك ليكى ياختى ياله نكمل تدريب
........... ........... ............. ........
عند ادهم بيكلم حد فى التليفون
الشخص :يعنى نهايتهم
ادهم :خلاص انهارده او بكره بالكتير البوليس هيخلصنا منهم وحقنا يرجعلنا
الشخص ؛انا نفسى الكلاب دول يتعلمو الادب ٣٢٤
ادهم :كلنا لينا تار عند منير ورنا
واكملو حديثهم
وبعد فتره جاء اليه عدى
عدى :مش معقول كده رامى الشغل كله فوق دماغى وانتا ولا انتا هنا وانتا عارف كلها اربع ايام واتجوز
ادهم :مالك ياعدى ياحبيبى خلقك بقا ضيق ليه
عدى :نسيت اوسعه قبل ماجى
ادهم :وكمان بتلقش دنتا عسل انتا عارف انى مشغول بحاول بأقصى اخلص ورق المستشفى والارض وكده يعنى مش فاضى وقضيه رنا واللغبطه دى كلها
عدى :ياضنايا يابنى دانتا شايل هموم
ادهم :شوفت ياخويا انى مش فاضى
عدى :شوفت بعينى محدش قالى تعالى فى حضنى وعيط
ادهم :عدددددى على شغلك
عدى :مشينا انتا الواحد ميتكلمش معاك ابدا
عدى مشى وساب ادهم
............. ........... ...........
فى المينا منير يستلم الشحنه تحت مراقبه البوليس وسهل له البوليس ذالك وقام بنقلها الى المخازن واتصل ب الناس الى هتستلم البضائع والادويه والبوليس محاوط المكان والناس وصلت ورنا ومنير كمان موجودين طبعا واثناء التسليم قام البوليس بتصوير كل ماحدث وبعد فتره قامو بإطلاق النار الكل بيحاول يهرب
عمار :رايحين فين المكان كله محاصر مش تعزمونا نجى معاكم اخص عليكم الى ياكل لواحده يزور
قام احدهم بالرد على عمار :انتا اتجننت مش عارف انتا بتكلم مين
عمار :ام البلد كل ماجى اقبض على حد يقولى مش عارف انا مين انا اقولك انتا مين شويه حراميه وعايزين تخربو البلد وانا واجبى اخلص البلد والناس منكم
ياله من غير شوشره قدامى كلكم
منير :انا ماليش دعوه بالليله دى كلها رنا هى الى مسؤله وهى اجبرتنى ابقى موجود
رنا :انتا اتجننت يامنير بترمينى للبوليس انتا الى متفق انا موجوده برفان وخلاص
منير :متصدقوهاش انا معايا ورق يثبت كل ده
عمار :فى القسم هنشوف الورق وكل حاجه ايامكو سوده والى ليه حق هياخده بالقانون البلد دى فيها قانون
عمار اخدهم وطلعو كلهم على القسم ودخلو الحبس على مايتعرضو على النيابه
عمار بلغ ادهم واسر باالى حصل والكل فرح ان رنا اخيرا وقعت وخلصو منها
فى اليوم التالى اتعرضو على النيابه ومحامى منير جاب الورق الى رنا مضت عليه( فاكرينه )الى يثبت انها المسؤله عن كل ده وان منير ملهوش علاقه بحاجه وان هو كان مجبر وطلع قرار الافراج عنه
فى النيابه منير راح عند رنا يشوفها لاخر مره
رنا :عملتها يامنير هرجعلك يامنير وهموتك
منير :الكلام ده متقلهوش وانتى رايحه على حكم المؤبد اشوفك على خير ياحلوه كان لازم أءمن نفسى ياحلوه
رنا :صدقنى يامنير انتى رمتنى هنا وانا هدمرك موتك على ايدى ياكلب انتا الى دمرت حياتى هقتلك
منير سابها ومشى
الكل اضايق ان منير متعاقبش زى رنا
........... ......... ............
عمار راح لا اسر وطلب منه يتجوز ايتن
اسر :انتا تعرف ايتن منين شوفتها فين
عمار :فى فيلا ادهم
اسر :يعنى اكيد عارف ظروفها ازاى عايز تتجوزها .
ايتن دخلت فى الوقت ده
ايتن :ايه الى عجبك فى واحده مشلوله هتقضى طول حياتها على الكرسى نش هتقدر تساعدك وتقف جمبك مش هتقدملك حاجه مش هتطبخلك وتغسلك وتوصل عيالك للمدرسه فى اى مناسبه مش هتقدر تمشى جمبك زى اى واحد ماشى مع مراته عايزنى ليه
عمار :تقدرى تقولى ان الحب من اول نظره كنت بدور عليكى من زمان قدامى كتير بس مفيش حد فيهم لفت نظرى زيك البرأه الى فى وشك والهدوء مش عند اى حد انتى مميزه بيهم
وركع على ركبه قدام الكرسى المتحرك بتاعها :وافقى تتجوزنى وانا هخليكى اسعد واحده فى الدنيا كلها
ايتن :سيبنى افكر واسر هيبلغك بقرارى
اسر :ياله ياخفيف من هنا لاحظ انى موجود بتلاغى اختى قدامى
عمار :خلاص متذوقش هنمشى واستنى ردك جيه الوقت واسر يتثبت كده
عمار مشى
اسر :انتى ليه مخلتنيش اقوله ان ممكن تعملى عمليه وتمشى تانى
فلاش باك
ادهم وسامر قاعدين مع اسر ايتن
سامر :انا دراستى كانت على الحاله الى عندى ايتن ممكن اعملها عمليه وتقدر تمشى
ايتن :وانا موافقه بس على شرط محدش يعرف غيرنا كده انى ممكن امشى
اسر :متقلقيش اهم حاجه عندى انك موافقه انا فرحان قوى انك ممكن تمشى تانى
باك
ايتن :عايزه اشوف هيمتسك بيا ولا لا انا منكرش انى انشديت ليه من اول ماشوفته بس لازم اعرف ردت فعله وافرض عملت العمليه ومنجحتش يسيبنى وارجع انعزل تانى واتصدم يبقى من الاول اعرف ردت فعله ولانى نفسى اعيش حياتى مش عايزه احبس نفسى تانى لان دى ارادت ربنا انا ماليش يد فيها ومش هعمل حساب للناس اهم حاجه انا وانك عمار عايزنى انا موافقه بلغه انى موافقه
ومضى الليل على ابطالنا بكل مافيه من وجع
اروى الشرقاوى
وجع صامت
#الفصل الثالث عشر
اروى الشرقاوى
فى اليوم التالى خرجت الفتيات الى المول هند واسيل وساره وايتن
اسيل :بس انتى خلاص وافقتى على عمار
ايه الى غير تفكيرك
ايتن :عايزه اعيش ده الى غير تفكيرى
وبعدين احنا خارجين نستجمع قبل العمليه
اسيل :والاخت ساره شايفكى انتى واسر بقا بينكم نظرات وكده ايه رجعتو لبعض
ساره :اه رجعنا اتهدى بقا ومش هقولك
هند :هتقوليلى انا صح
ايتن :لا هتقولى انا دى حبيبتى حبيبتى خمسه حبيبتى
اسيل :اموااااه
ساره :هحكيلكم يازنانه انتى وهى
ساره ه
حكت ليهم الى حصل
هند :شوفتى اخوكى وهو مسحول
اسيل :شوفت ياختى رجاله اخر زمان الله يرحمك يارجوله
جاء صوت من خلفهم
سامر:ابقى اقريلها الفتحه ياروح امك
اسيل :وايه دخل امى فى الموضوع هنقبح ولا ايه
سامر :خلاص ماسوره وطفحت
اسيل : انتا متأكد انك كنت بتدرس فى لندن مش فى كفر ولا عزبه
سامر :ماشاء الله دمك خفيف وعسل
ادهم :انتا هتعاكس مراتى وانا موجود لم نفسك ياله
ساره :انتو بتعملو ايه هنا
ادهم:جايين نقعد معاكم اهوه نتسلى الاخ اسر جاى يقعد مع اخواته وانا جاى اقعد مع مراتى واختى واسر لزق فينا وعدى طبعا جا لخطيبته
عدى :عن اذنكم ياله ياهند نتجول وننطلق ياله دى عيال نحس اصلا
عدى اخد هند ومشيو
ساره :حاسره عليا الا مالقيه حد انطلق معاه
اسيل ؛الحال من بعضه يااختاه
ايتن :دعونا نلطم فى صمت مش عايزه لطم خاص عايزه لطم عام
ادهم :انا سمعتى باظت ياشباب باين كده
ساره :تقريبا انا رأى تاخد مراتك تفسحها من اجل حفظ ماء الوجه
ادهم :طب يأخت ساره الاخ اسر اتقدملك وبالنسبه ان هو حكالى شويه حاجات كده انا اقتبست منها انك موافقه عليه وتقدرى تتمشى معاه شويه
ايتن :حصره عليا هقعد اكلم نفسى شكلى كده
سامر :الحال من بعضه تعالى نتكلم فى العمليه الى هنعملها بكره واهوه نبقى عملنا حاجه
ادهم :ولاد ناس ياله نخلع سلام ابقى وصل ايتن البيت ياسامر
سامر :من عنيا
الكل مشى وساب سامر وايتن
سامر :ايتن انتى وافقتى على عمار ليه
ايتن :هتصدقنى لو قولتلك انى حبيبته فجأه كده لقيته اقتحم قلبى واحد عايز يتجوزنى برغم انى مشلوله يعنى هقصر معاه فى حاجات كتير وبالعكس قولتلو عليها ولسه مصر على الجواز مينى فى الاخر انا عمر ماكنت هلاقى واحد زيه يرضى بوضعى ده ويفضل متمسك بيا كده انا محظوظه انى لقيت واحد زى عمار وحاسه ان ربنا عوضنى بيه واسر بلغه موافقتى وهيجى يتقدم رسمى ومش عامل حساب الناس
سامر :هو الى محظوظ بيكى ياايتن بجد انتى مش عارفه قيمة نفسك انتى طيبه اوووى واى حد بيتشدلك بسرعه انتى ناقيه وصافيه من جواكى ووشك مليان برأه زى الاطفال والى يشوفك لازم يحبك يابخت عمار
ايتن :انتا بتتكلم كده ليه نبرت صوتك متغيره
سامر :انا كنت فاكر انك حاسه انى معجب بيكى
ايتن بصدمه :معجب بيا
سامر :اتصدمتى ايوا انا اعجبت بيكى
ايتن :لا ياسامر انجذابك ليا مجرد انجذاب طبيب لحاله انجذاب لبوستاتى وكتاباتى على الفيس اتشديت للشخصيه الى بتكتب وبتوصف الواقع والحياه انتى لما جيت ممكن يكون عجبك شكلى بس عادى مجرد اعجاب انا محسيتش ناحيتك بأى حاجه زيك زى اى حد متشديتش ليك انما عمار من اول ماشوفته وانا انجذبت ليه وصدقنى اما تقابل الانسانه المناسبه هتلاقى نفسك تلقائى كده بتقولها بحبك وعايزك مس هتفكر مليون مره هتلاقى قلبك بيدق بسرعه فى وجودها هتلاقى نفسك بتصنع الاعذار علشان تبقى معاها لو لقيتها ياسامر يبقى متترددش وقولها بحبك لان الحب بيجى مره واحده هتصدقنى لو قولتلك انى فى اليومين دول حسيت ان حياتى مع ايمن كانت مجرد اعجاب اعجاب بإنى واخده شاب من مستوايا البنات صحاب بيحسدونى عليه انا اخترت ايمن بعقلى مش بقلبى ومش بس كده ووهمت نفسى انى بحبه وهو وهمنى بالحب بس حصلى حاجه فوقتنى من الى كنت فيه الحادثه بينتلى ان مش ده الحب ده حب مظاهر مش حب قلوب وان ربنا كان شايلى الاحسن وهو عمار
سامر :ياه بجد انا بحسد عمار انتى بجد انسانه مختلفه سنك مش لايق على عقلك
ايتن ؛عمار ميعرفش انى هعمل العمليه وانى ممكن امشى ومع ذلك موافق هو ده الحب ربنا يوفقك وتلاقى حب حياتك
ودلوقتى ممكن تروحنى البيت
سامر :ممكن ياله بينا
سامر اخد ايتن يروحها
عند اسر وساره
اسر :بحبك بحبك بحبك
ساره :مجنون اقعد هتفضحنا
اسر :مجنون بحبك نفسى اغمض عينى وافتح الاقينى انا وانتى فى بيت واحد بصحى كل يوم على وشك العسل ده وانا بردك على وشك ونجيب عيال يبقو شبهك
ساره :تعرف يااسر انا كنت بحلم باللحظه الى اشوفك فيها بحلم نقعد القاعده دى انا تعبت فى بعدك اوى وكل يوم يتقدم عريس اتخيل نفسى معاه الاقينى فجأه معاك انتا فى حضنك انتا بحبك
اسر :هعوضك ياساره كل السنين الى غبتها عنك
ونسيبهم يكملو كلامهم
ادهم واسيل
ادهم:خروج وخرجت فسح وفسحتك كلام حلو وقولتلك مش هتجوز بقا ارحمينى انا تعبت
اسيل :الى بيرحم الكل ربنا وبعدين انا لسه مأخدتش عليك سيبنى افكر
ادهم :مأخدتيش على مين وبالنسبه لحضنى الى بتنامى فيه كل ليله ده ايه هوا بالنسبه لحضرتك يعنى ولا ايه
اسيل :خلاص هعيد النظر فى الموضوع ده واسترأف بحالتك
ادهم:اه بالله عليكى دنا غلبان
عند عدى وهند
عدى :هند مفيش حاجه كده قبل الفرح تصبيره
هند :اتلم ياروحى بدل مااكسرلك عضمك قبل الفرح
عدى :دنا هبقى جوزك اهون عليكى
هند :اهوه انتا قولت هتبقى جوزى لسه مبقتش يعنى وحرام انى اديك حاجه مش من حقك واغضب ربنا
عدى بإعجاب :كل يوم بحمد ربنا على انى اخترت صح ربنا يباركلى فيكى ياحياتى
............ ............. .............
فى المساء اتى عمار هو ووالده ووالدته لطلب ايتن
والغريب ان والدته اعجبت باايتن ولم تعلق على اعاقتها
امل :بجد يازين ماخترت ياعمار ربنا يباركلكم
ايتن :ممكن اسألك سؤال ياطنط
امل :اتفضلى
ايتن :انتى ازاى كده ازاى موافقه ان ابنك يتجوز واحده معاقه زى
امل :هو انتى السبب فى الاعاقه دى
ايتن :لا دى ارادة ربنا
امل :ونعم بالله ازاى بقا هحاسبك على حاجه انتى ملكيش يد فيها واللمعه الى شايفها فى عين ابنى تخلينى اوافق وانا مغمضه لانى ابنى سعيد وفرحان بيكى ليه احرمه من الفرحه دى
ايتن طلبت من امل انها تحضنها
(اوعو تيأسو من رحمه ربنا ربنا بيعوض ولما بياخد مننا حاجه بيعوضنا بأحسن منها وكل خير )
واتفقو على ميعاد الخطوبه بعد اسبوعين خطوبة اسر وساره وايتن وعمار
.......... .......... ........
فى اليوم التالى ذهبت ايتن لعمل العمليه
ولم تخبر عمار بأى شئ لانها تريد انا تفاجأه اذا اراد الله ونجحت العمليه
الكل امام غرفة العمليات ينتظر
اسيل :هوما تأخرو ليه كده انا قلقانه
ادهم احتضنها وقام بتهدئتها :متقلقيش ادعيلها هى محتاجه انك تدعيلها دلوقتى اهم من اى حاجه
اسر ماسك مصحف وبيقرأ فيه
واسيل تدعى لها والجميع متوتر ومنتظر خروج اسر عشان يطمنهم
بعد فتره خرج اسر من غرفه العمليات اتجه الجميع اليه
اسر :سامر ايتن عملت ايه
سامر :الحمدلله هى بخير والعمليه نجحت بس هى دلوقتى فى الافاقه وشويه وهينقلوها غرفتها
اسر سجد :وشكر ربه
وكذلك الجميع
وبعد فتره انتقلت ايتن الى غرفتها
ايتن :ادهم بعد اذنك ممكن تكلم عمار لانى محتاجه اتكلم معاه
ادهم :مش وقته
ايتن :لا وقته اتصلى بيه
ادهم اتصل بيه وعمار دخل واتفاجأه باايتن نايمه على السرير وجنبها المحاليل
عمار :فيه ايه وايتن مالها
ايتن بصوت تعب :ممكن تسبونا لوحدنا ياجماعه
الكل خرج
عمار :ممكن افهم فى ايه
ايتن :انا عملت عمليه والدكتور بلغنى انها نجحت وبإذن الله اقدر امشى تانى مع العلاج الطبيعى
عمار :وليه مقولتيش انك هتعملى عمليه للدرجه دى احنا بعاد عن بعض
ايتن :مكنتش عايزه اخليك تحط امل وممكن العمليه مكانتش تنجح وتزعل وكنت اشوف تمسكك بيا لاخر لحظه
عمار :للدرجه دى شايفه حبى ليكى ضعيف انا حبيتك وانتى كده ياايتن
ايتن :وانا عارفه ياعمار ومقدره كل ده وانا كمان حبيتك وخوفت عليك
عمار :قولتى ايه حبيتنى يالهوى قالتها بنت الصياد
ايتن ضحكت جامد وبعدين اتوجعت
عمار :مالك فى ايه
ايتن :واحده طالعه من العمليه مش عايزه تتوجع
عمار وايتن قعدو يتكلمو ونسيو انى فى ناس بره
ومر اليوم على ابطالنا
وعمار مش سايب ايتن فى المستشفى قاعد معاها ليل ونهار وسامر ادرك كلام ايتن ان اعجابه بيها كان مجرد اعجاب بكلامها واعجاب طبيب لحاله وانها وجدت حبها ودعى انه يلاقى حبه
وعدت الايام وجاء يوم زفاف هند وعدى
طبعا ايتن مش هتحضر الفرح لسه تعبانه
عدى هو الى جاب الفستان لهند وطلب منها متشفهوش غير وقت ماتيجى تلبسه
وكذلك ادهم اختار فستان اسيل وقالها هيبعتهولها مع فستان هند
هند فى غرفه المخصصه ليها فى الفندق الى هيقام فيه حفل الزفاف
هند :انا خلصت الميك اب فين الفستان
اسيل:وانا كمان فين فستانى انتى عروسه يعملك مفاجأه انا مالى بقا انا هلبس فستان عادى اتأخر ليه بقا
ساره :انا الوحيده الى مسيطره فستانى معايا
خبط احدهم باب الغرفه سمحو له بالدخول ووضع الفساتين على السرير وكل واحده فستانها مكتوب عليه اسمها
هند فتحت الفستان اسيل انبهرت بيه هى وساره وكذلك الميك اب ارتست
اسيل بتفتح فستانها اتفاجأت انه فستان زفاف
اسيل :ايه ده ده جيه بالغلط البس انا دلوقتى بس شكله تحفه قوى الله كان نفسى البس فستان زيه
وهى بتشيل الفستان تشوفه لقت جواب واقع منه
(انا اخترتلك الفستان على ذوقى يارب يكون عجبك وعارف انك هتبقى قمر فيه انا وعدتك انى هعملك فرح زى اى بنت بحبك يااسيل وربنا يقدرنى واقدر اسعدك واعوضك عن اى حاجه وحشه حصلتلك ..بحبك )
اسيل :قلبى هيوقف الحقونى
ساره راحتلها هى وهند وقرأو الجواب
ساره :يخربيت الرومانسيه البسى ياختى اما نشوف اخرت المحن ده ايه
هند :انا فرحانه هتجوز انا وانتى فى يوم
اسيل لبست هى وهند وطلعو بره اسر جيه اخد اسيل علشان يسلمها لاادهم
وفريد اخد هند يسلمها لعدى
وكانو فى قمه الجمال
دخلو القاعه
وبدؤا بالرقصه الرومانسيه ولكن المفاجأه ان ادهم هو الى غنى الاغنيه الرومانسيه
اغنيه (عشانك )(احمد فهمى )
لقيتك زى ماتمنيت وصلى ده لما بيك حسيت عرفت ان الحياه بدأت كده
لمس من نظره قلبى هواك وقولت انا لازم ابقى معاك سنينى وعمرى ملك لحبنا
عشانك مستعد اعمل حبيبى كتير
عشانك اى حاجه تهون
مكانك جوه قلبى ملينى فرحه وخير
حنانك عندى يسوى الكون
فى حبك مرت الاوقات بجد ده مش كلام حكايات
تملى عنيا ليك متشوقه
مادام احساسى ليه اداريه وانا جمبك هخاف من ايه من الدنيا ماليش غيرك بقا
عشانك مستعد اعمل حبيبى كتير
عشانك اى حاجه تهون
مكانك جوه قلبى ملينى فرحه وخير
حنانك عندى يسوى الكون
وخلص الاغنيه والاتنين شالو عرايسهم ولفو بيهم
اسيل فى دنيا تانيه مش مصدقه الى هى فيه
ادهم نزلها وركع على رقبته وفتح علبه فيها خاتم ومسك الميكرفون
ادهم :تقبلى تعيشى معايا بقيت حياتك تقبلى تشاركنى حياتك
اسيل عنيها دمعت وشاورت بدماغها على انها موافقه
ادهم قام ولبسها الخاتم وحضنها جامد كأنه عايز يدخلها جواه
وقال فى الميكرفون بأعلى صوته:بحبك
الكل متفاجأ من ادهم محدش كان متوقع
ان ادهم يطلع منه كل ده
كل واحد اخد عروسته وراح قعد
عدى :بحبك بحبك بحبك
هند :شوفت ادهم عمل ايه وانتا بتقولى بحبك كده اتعلم منه
عدى مسمحلهاش تتكلم وراح اخد المايك
عدى :بحبك ياهند وبعشقك وقلبى كان مقفول قبل ماشوفك واول ماشوفتك حبيتك من اول نظره وعشقتك وعمرى ماكنت اتخيل انى احب حد كده انتى نعمه ربنا رزقنى بيها ياهند انا بتمنى اقضى عمره كله معاكى واوعدك انى هفضل عايش بس عشان اسعدك
هند قامت اخدت المايك وغنت اغنيه( امال ماهر )(لو رسمته )
حبيبى لو رسمت كل تفصيله فيه
حنيته ابتسامته والطيبه الى فى عنيه
رجولته الى فى ملامحه
وسمار لونه وجماله وتقله وانا بصالحه وغيرته وانفعاله عايزالى الف صوره لو قالى ارسمينى هرسم بقلبى صوره وهكمل بعينى
حبيبى من وسامته القمر بيغير
فى الجدعنه وشهامته يتكتب اساطير
لو شاف قلقى فى عنيا من قبل مابشتكيله
الاقيه طبطب عليا فى حضن مالهوش بديل
......الخ )
وبعدها خضنها حضن حست انها ملكت الدنيا كلها بيه وحست ان ربنا عوضها بعدى
اسر :عقبالنا ياساره امته هنتجوز
ساره :مش اما نعمل الخطوبه الاول
سامر :ماتيجى نخليها خطوبه وجواز
ساره :لازم اغلبك شويه واسحلك ونتمرمت وكده
اسر :عن اذنك انا قولت جوازه مش جايبه همها
اسر مشى وسابها
سامر ماشى خبط فى واحده
مى :اه
سامر :انا اسف
مى :عادى محصلش حاجه عن اذنك
مى سابته ومشيت
سامر لنفسه :اول مره اشوف بنت واحد يخبطها ومتمرمتهوش سبحان الله
ساره :بتكلم نفسك يااهبل
سامر :يخربيت الفصلان عايزه ايه
ساره :الحق عليا لقيتك غلبان قولت اجبر بخاطرك واسأل عليك انا ماشيه خليكى كده زبله لوحدك
وسابته ومشيت والكل فرحان وصفيه فرحانه جدااا ان ابنها اخيرااا لقى الى الى تسعده
وفجأه انقطع النور وحاله من الهرج عمت المكان وبعد فتره جاء النور ولكن حدث مالم يكن فى الحسبان لم يجد ادهم اسيل بجانبه