رواية كعموشا الفصل السادس 6 والاخير بقلم محمد منصور
ح(6)
الاخيرة
قلع سعد هدومة و نط في الترعه ومع كشاف وبدا يدور علي زرار البوابه دي و ملقاش اي حاجة طلع من الترعه وبص ل توفيق وقال
مش لاقي زرار بوابه المزغودا بس هن،،،،،،،
وسكت لما شاف صحافين
واغلب وسائل الاعلام ومندوبين عن المواقع الاخباريه واقفين بيصورو اللي بيحصل ووراء منهم واقف الخواجة بيبص ل سعد وهو مبتسم لكنه بعدها بص للصحفين وقال
زي ما وعدكم بث حي ومباشر ل فضيحة هتهز عرش نجمكم المفضل اللي الجنان مسكو ونازل الترعه يدور علي زرار ل بوابه المزغودا،،،،،،،،
كعموشا
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
سعد بص ل توفيق مش مصدق اللي بيحصل وطلع من الترعه وقال ل توفيق
اتفقت مع الخواجة عليه
توفيق بارتباك
انا ماليش دعوي
سعد
لسة هتكدب ما حدش غيرك يعرف اني جاي هنا وفي الوقت دة وجاي ادور علي اية
وبداو الصحافين يسالو سعد
واحد قال
اية حكاية بوابة المزغودا دي
وفعلا في الترعه بوابه
واحد تاني
لية فنان زيك ولية قاعدة جماهيرية كبيرة يعمل حاجة زي كدة هل دي دعاية لفليمك الجديد كعموشا
سعد كل دة بيحاول يوصل ل عربيته لكنه ما كانش عارف يوصل وصحفي تالت قال
هو لي،،،،،،،،
سعد شخط فيهم كلهم وقال
بس بقي كفاية وانا عملت اللي عملتو دة علشان مجنون وبشوف ناس مش موجودة ممكن بقي تسيبوني اروح
وبص سعد للخواجة وقال
اديني قولت اللي يخليك تفرح و تنزل الفيلم من غير ما تخاف من اي تصريح ليا يحطك انت وصناع الفيلم في ورطة. ما في بلدنا ما حدش بيسمع ل مجنون
و العاقل هو اللي يقدر يسيطر علي عقول المجانين. مجانين الكورة اللي بسببهم خلو انصاص المواهب وعيال في العشرينات يمسكو الملايين. و مجانين الفن اللي بسببهم خلو انصاص الموهوبين نجوم صف اول
وبص سعد للكاميرات اللي بتصورو وقال
وانا واحد منهم ما عنديش نص موهبه غيري لكني نجم صف اول علشان قدرو يبلعوني للناس بالعافية وبقيت بفلوسهم اراجوز في مولد بيحركو صاحبو والاراجوز بيحرك بوقه بالكلام اللي عايز صاحبه يقولو. انا الاراجوز اللي عايش في دنيا. كلها مرضي
بالكعموشا
وبدا سعد يزق فيهم واحد وراء التاني لغاية ما وصل
ل عربيته ودور عربيته واتحرك وسابهم وراء منه. والصحافين بداو يمشوا واحد وراء الثاني لغاية ما المكان فضي ومابقاش في
الا توفيق والخواجة وهنا راح توفيق للخواجة وقال
مبسوط دلوقتي بعد الحاله اللي وصل لها
الخواجة
انا خيرتك ما بين انك تقتلو و ترحينا منه او تجننو وتخلي يشوف هلاوس ونطلعو قصاد الناس كلها مجنون. وانت اخترت الجنان لي واهو حصل وطول اوقات التصوير وانت بتحط بايدك في اكله وشربه اللي يخلي يهلوس
توفيق
ما انا طلبت منك ترحمو وهو ما كنش هيتكلم
الخواجة
اللي معانا لما بيتكلم مرة مش هسمي عليه لغاية مايتكلم كمان مرة.
توفيق
طيب خلتني انا اعمل في كدة دة صاحبي
الخواجه
كان لازم اخلص عليه بايد اقرب واحد لي وعلشان ما يشكش اني ناوي له علي الشر لما حد غريب يبدا يقرب منه
توفيق
انا مش قادر اسامح نفسي ولا مصدق اني عملت كدة وخلي بالك الكلام اللي قالو سعد دلوقتي هيقلب الدنيا
الخواجه
واية يعني هيبقي تريند دة عز الطلب علشان الفيلم لما ينزل يكسر الدنيا. ولو الكلمتين دول عملو قلبان خبر صغير في موقع من المواقع الصفراء نقول فيها ام تقتل ولادها و تاكلهم هي وعشيقها. ويتنسي حوار سعد نهائي
وحط الخواجه ايده علي كتف سعد وقال
اللي مع الاعلام مع السلطة
وراح الخواجة ناحية عربيته وركبها ودور المحرك و اتحرك لكنه وقف مرة واحدة ورجع لوراء بالعربية وقال
توفيق انت كدة اتكلمت مرة والمفروض اني ما استناش تتكلم كمان مرة لكن هعمل نفسي مصدق انك زعلان علي صاحبك وهعديها المرة دي بس مرة كمان هتلاقي اقرب حد ليك بيخلص عليك
واتحرك الخواجة بالعربيه وساب توفيق لوحدة خايف من بكرة ومن اقرب الناس لي، ،،،،،،،
وبدات حاله سعد تبقي في النازل و الهلاوس بتزيد وتزيد و مابقاش قادر يسيطر علي اعصابه وعرف ميعاد العرض الخاص وبما انه بطل الفيلم راح العرض الخاص واشتغل الفيلم وكان سعد قاعد جنب الخواجة وهو بيضحك علي كل افية بايخ في الفيلم وعلي كل مشهد مليان اسفاف وسعد دموعه بتنزل وهو شايف كل اللي في القاعه بيضحكوا اوي فلاحظ الخواجة حاله سعد فقال
مالك مش عجبك الفيلم ولا اية
سعد
لا ازاي دة من احلي افلامي
الخواجة
اومال ما بتضحكش لية زي الموجودين في الصاله
سعد
انا هضحك لما النهاية تليق بابطال الفيلم
الخواجة
لو عايز تغير النهاية مش هينفع لان خلاص النهاية اتصورت والفيلم بيتعرض
سعد
انا اقصد النهاية في القصة الحقيقية قصتي انا وانت
الخواجة
ما القصة خلصت وانت طلعت مجنون
سعد
ولو مجنون قتل تفتكر يدخل السجن
الخواجة
هي مش فكرة نهاية القاتل اية. هي الفكرة ان المقتول اللي هو انا في زيي كتير جاهزين يعملو اللي انا بعملو اصل دلوقتي ما فيش ارخص من البني ادم ولا انت ناسي انا اشتريتك بكام اول مرة شوفتك فيها
سعد بتهكم
ب 1000 ج. و ربع كفته
الخواجة
ما انت يا حبيبي كنت جعان
سعد
ولسة جعان ومش هشبع الا لما اشرب من دمك
وطلع سعد مطواة صغيرة كان شايلها وسط هدومة وحط ايد علي بوق الخواجة وطعن الخواجة اكتر من عشر طعنات في كليته وفي رقبته و الممثله اللي كانت جنب الخواجة حست بالدم علي وشها وهدومها صرخت ونور السيما نور وسعد كان بيقطع الشاشة البيضاء اللي بيتعرض عليها الفيلم وبيلحس دم الخواجة اللي علي المطواة وقال
انا النهاردة خفيت من الكعموشا، ،،،،،،،،،،،
النهاية مش زي ما انتم بتحبو لكن دي النهاية اللي تليق باي حد بيعرف ازاي يضحك علينا ويبيع لنا الاونطة علي انها ابداع وفن
اسف بس احنا في زمن
كعموشا
تمت بحمد الله
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
لقراءة باقي الفصول اضغط هنا