ملك تجرى علي منال وتحاول تفوقها ودموعها تنزل علي خدها في صمت وهي بتفتكر اوقاتها مع اياد
وفجأة تصحـي ملك من الحلم وهى بتقول : اعوذ بالله من الشيطان الرجيم الحمدلله يارب الحمدلله
ومنال تسألها عن سبب خضتها لما صحيت وملك تكون هتجاوبها بس تحصل دربكة ونفس المشهد الي حلمت به ملك وملك تبص لهم بخوف وتسأل الممرضة عن السبب ولكن الممرضة تقول لها ...
الممرضة بفرح : المريض الي ف غرفة 601 حالته اتحسنت وفاق والدكتور راح يشوفه
وملك قلبها هيطير من الفرحة اما تسمع الاخبار وتبتسم بسعادة ومنال كمان وتروح عشان تصلي شكر لله
ملك للممرضة : طب هو احنا ممكن نشوفه امتي ؟
الممرضة بأبتسامة : اول ما يفوق خالص من تأثير البينج ويتنقل لغرفة عادية تقدروا تشوفوه
تبتسم لها ملك وتلف الممرضة وتمشي
_______________________
ملك قاعدة يجيلها اتصال من هند
ملك : ايوة يا هند
هند : اية يا بنتى بكلمك من بدرى ما بترديش لية من امبارح
ملك : معلش اصل اياد .... وتحكيلها كل الي حصل و...
هند : طيب انا هاجى واطمن عليه وكدة واجى معاكى عشان ماتمشيش لوحدك
ملك : انتى مش متخيلة يا هند انا خوفت ازاى
هند : امممم شكلك وقعتى خلاص
ملك : معرفش ، مش عارفة اى حاجة . اوقات بحس انه شهم وجدع وفعلا صادق واوقات احس انه كداب
هند : طيب طيب هنتكلم كتير اما اشوفك يلا باى
ملك : باى
________
في بيت نهي .،،
نهي في اوضتها قاعدة وبتفكر وتخطر لها فكرة وتقوم ناحية الدولاب وتطلع هدوم عبارة عن بنطلون جينز وبلوزة نص كم وتلبس هدومها وتاخد شنطتها وتخرج وتلاقي مامتها في المطبخ ، تروح للمطبخ وتبص لوالدتها وتقول ..
_ ماما انا هأنزل اشترى حاجات وجاية
هزت مامتها راسها بموافقة وقالت ..
_ ماشي بس ماتتأخريش
نهي : تمام يلا سلام
وتلف نهي وتمشي وتخرج من البيت لأتجاه بيت شادى
وبعد نص ساعة تقريباً ..
في بيت شـادى ،،،،
توصل نهي لبيت شادى وتدخل لان الخدم عارفينها كويس وتلاقي شادى قاعد في الجنينة بتاعت الڤيلا وبيشرب سجاير وتروح تقعد جمبه وتقول بدلع ..
_ شادى حبيبي ازيك
يبتسم شادى ابتسامة صفرة ويرد ..
_ كويس ، انتى اية اخبارك
نهي : تمام جدا
وتبصله وتقول بتساؤل ..
_ شادى ، هو مين ملك دى
بصلها شادى بسرعة وسألها ..
_ انتي تعرفيها منين ؟
نهي بأرتباك : آآ انا ماعرفهاش بس سمعتك بالصدفة بتقول اسمها
شادى بشك : اممم ماشي
وبغضب مصطنع : ملكيش دعوة بالموضوع دا فاااهمة
نهي بخوف : فاهمة فاهمة
__________________
اياد في غرفته ووالدته ووالده جانبه وتدخل ملك
ملك لاياد : حمدلله علي سلامتك
اياد بتعب : الله يسلمك
منال : شكرا علي وقفتك جنبنا يا بنتي
مدحت : ايوة صحيح اسف نسيت اشكرك
ملك : انا معملتش اى حاجة اى حد كان هيعمل كدة واكتر
مدحت : قوليلي بقا انتى اسمك اية ؟
ملك : ملك محمد السويفي ( ملحووظة : ملك ماكنتش مركزة مع اسم اياد اوى لانها فكرت تشابه اسماء بس )
مدحت بصدمة : اية !! انتى بنت محمد السويفي
ملك بأستغراب : ايوة ، هو حضرتك تعرف بابا ؟؟
مدحت بأرتباك واضح : آآآآ لا لا بس سمعت عنه وبأبتسامة صفرة : شكرا يا ملك
____________
تيجي هند المستشفي وتسأل الاستقبال عن اوضة اياد ويقولوها وتطلع وتبتسم وتتمني الشفاء لاياد وبعد شوية تمشي هى وملك لــ بيوتهم
_________________
ملك مع والدها في بيتــهم و ....
ملك : بس تعرف يا بابا في حاجة غريبة اوى حصلت مع انكل مدحت والد اياد
محمد بأرتباك بسيط : حصل اية يا حبيبتي ؟!
ملك تحكيله الي حصل في المستشفي و...
والدها بهدوء : ملك انتى عارفة اياد اسمه اية بالكامل
ملك : لا ماركزتش انا اعرف انه اياد مدحت بس
محمد : اسمه اياد_مدحت_السويفي يا ملك
ملك بصدمة : اييية يعنى آآآ يعنى انكل مدحت يبقي عمي
محمد : ايوة
ملك : طب لية عمرك ما قولتلي انى ليا عمام
محمد بحزن وهو يتذكر : لان حصل مشاكل كتييرة زمان
فلاش باااااك
محمد ومدحت كانوا بيشتغلوا مع بعض وفي شخص منافس ليهم كان عايزهم يبعدوا عن بعض ويكرهوا بعض
مدحت في مكتبه وهو بيتكلم مع شخصا ما
مدحت : ازاى الشحنة ما وصلتش ليهم انا مأكد عليها
الشخص : وانا سلمت الاوراق لمحمد بيه وهو قالي هيهتم بالموضوع
مدحت للسكرتيرة : اطلبيلي محمد بيه فورا
يجي محمد بخضة : اية الي انا سمعته دا يا مدحت
مدحت بشك : الموظف بيقول انك اخدت الاوراق منه
محمد : ايوة فعلا وحصل ظرف كان لازم امشي وسبت الاوراق في المكتب ومشيت
مدحت : بس الاوراق مابقتش موجودة وانت اخر واحد ظهر في الكاميرات
محمد : انت بتتهمنى يا مدحت عشان انا الي اتحمل الكارثة دى
ويتخانقوا خناقة كبيرة ويفضوا الشراكة ويقاطعوا بعض خااالص
باااااااااك للواقع
ملك : يااااه يا بابا كل دا حصل وما تحكيليش
محمد بحزن : اهو الي حصل بقا يا ملك
ملك : بابا بس انا آآآ
محمد : انتى اية ؟
ملك : انا معجبة بـ اياد وهو آآآ هو بيحبني
محمد بصدمة : ايية !! لا طبعا مستحييل ، انتى واياد ابن مدحت مستحيل
ملك ساكتة و... عن اذنك يا بابا
وتقوم ملك وتمشي لاوضتها وتدخل وتقفل الباب وتقعد علي السرير ويتصل بيها اياد
ملك بصوت حزين الي حدا ما : الو يا اياد
اياد : الو مالك يا ملك
ملك : مفيش ، انت عامل اية ؟
اياد : كويس ،، انا قولت بس اطمن عليكي
ملك بأبتسامة صفرة : شكرا انا كويسة
اياد : طيب اسيبك انا بقا عشان شكلك مش رايقة
ملك : اوك شكرا
اياد : العفوا سلام
ملك : سلام
ويقفلوا مع بعض وملك تفكر ان لازم تقول لاياد كل حاجة وتنهي اي حاجة كانت هتبتدى بينهم
_________
يـــمـــر شهر مافيش حاجة حصلت فيه او حاجة جديدة غير ان اياد اتحسن وخرج من المستشفي وامتحانات التيرم الاول بالجامعه انتهت كمان
___________
بيوم من الايام يتصل اياد بملك و ...
اياد : ملك ازيك
ملك : انا كويسة يا اياد وانت عامل اية ؟
اياد : تمام ، كفاية انتظار انا عايز اقابل باباكي بقا
ملك بأرتباك : اصل آآآ
اياد : انا هاجى بيتكم النهاردة بليل ، باى يا حبيبتى اشوفك بليل
ملك بخوف : آآآ طب باى
______________
بـلـيــل في القاهرة
تحديدا في ڤيلا محمد السويفي يجي اياد مع باقة ورد وهو لابس بدلة سوداء و..
اياد للخادمة : ممكن ادخل لاستاذ محمد لو سمحتي
الخادمة : هبلغه وارجع يا فندم اتفضل في الصالون
بعد شوية يجي محمد و....
محمد : اهلا يابني ، خير عايزنى ؟
اياد : انا اياد السويفي وطالب ايد الانسة ملك
محمد بصدمة : اسف ، معنديش بنات للجواز
اياد بحزن لاحتمال فشل خطته : طيب عن اذنك
ويمشي اياد وملك تسمع كل كلامهم وتزعــل الي حدا ما
_______________
تمر ايااام كتييرة ومدحت يعرف بمحاولة اياد لخطبة ملك ورفض اخوه الكبير ويزعل لتفريقه هو واخوه ومايحكيش لاياد اى حاجة
____________
في يووم من الايام يجي شخص لڤيلا مدحت السويفي ويطلب انه يتكلم معاه في حاجة مهمة جداا تخصه هو واخوه محمد السويفي ومدحت يستغرب وينزل عشان يشووفه و.....