رواية جحيم اهلي الفصل الاول 1 بقلم زينب نور
اني اسمي شمس وعمري حاليا 19 سنه مواليد 2000 اصلي من بغداد ماما وبابا بغداديين
ملامحي .. عيوني كبار ورموشي طوال وسود كولش وحلكي منفوخ شويه😁وخشمي صغير وحواجبي ثخينه بيها جوزي على سواد واني بيضه وعيوني لونها جوزي وعندي غمازات صغار...
خلي ارجع من جان عمري 10 سنوات من سنة 2007
خلي اعرفكم على عائلتي...تتكون من ام واب و 5 اخوان واخت وحده عمرها 16 ..
بابا كولش متشدد لدرجه اذا ماالبس جوارب وعبايه وجواها جبه يكتلني بالصونده حيل متشدد ... واكثر من الكتل
ماما عصبيه وهم تعلمت من ابويه تتشدد عليه .. بس حنينه وحبابه
ام اخواني ال 5 همه الشياطين الي دمرو حياتي ...
اما اختي هيه ملاكي وتحميني من جحيمهم وشياطينهم دائما ...
♡■♡■♡■♡■♡■♡■♡■♡■♡■♡■♡■♡■♡■
اني من عمري 8 اشتغل واغسل واطبخ حرموني من طفولتي ويكتلوني اذا مشتغلت واني دائماً من اصعد على السطح واشوف بنات بكدي يلعبن بالشارع
ويروحون يشترون وعندهم فلوس ويصعدون بايسكلات .... من اشوفهم اكوم ابجي لان اهلي حارميني من طفولتي واتمنى العب واشتري بس همه ميخلوني لباب البيت اطلع...
شنو ذنبي ابجي واشيل هموم واني عمري 8 واضل اشهك وابجي وانزل جوه اشتغل حتى ميكتلوني ..
واستمر الوضع
الى ان صار عمري 10
فديوم من الايام دااشتغل على السطح شفت بزونه تخبل حلوه صغيره تجنن سميتها كرستينا ... وكمت انطيها لحم وكليوم اطلع على السطح انضفه والكاها...
فديوم من الايام بابا شافني ممسويه جاي وكام يعيط عليه واني فوك .. عفت كرستينا ونزلت سويتله
وانطيتيه الجاي واني بالي يمها(كرستينا) ... وشرب شويه وجب الجاي عليه كام يعيط ويكول ليش حاطتله ملح بصراخ
واني احتركت لان الجاي حار كمت ابجي ... وكتله بابا والله ماادري خربطت عبالي شكر والله
مااعيدها ... وجاب الواير وكام يضرب بكل قوته وكمت اصرخ واكول لا لا بابااااا والله ماادري ويضرب واني اصرخ اجتي اختي وامي ....
اختي حضنتني حيل وامي لزمت الواير منه ... يكول بنت الكلب حاطتلي ملح وتجذب عليه ....
جان يكولها لأختي توخر واني جلبت بيها وكتلها لتعوفيني نور 😭
واصرخ حيل وهيه معافتني وبابا بكل قوته كام يضرب الواير واختي (نور ) كامت تبجي واني ابجي واصراخ وامي تلزم بي ....
وضل يضرب ويغلط واعيط واختي هربتني لغرفتها الفوك .... واني ركضت انهزمت وقفلت الباب ....
وابجي ومتأذيه و اسمع صراخ اختي يضرب بيها حيل لان حمتني منه ... واني بالغرفه كمت اصرخ وحطيت ايدي على اذاني ....
حتى مااسمع صراخها
وكمت اصرخ صراخ هستيري ... اوووف واني طفله عمري 10 ذكريات ماتمنى اتذكرها ... واتوقف صراخ اختي ....
ختلت جوه الجربايه وابجي واجه هوه يدك الباب يكول اني اربيج بنت الكلب ولج افتحيييي .... وضل يدك بلباب واني حاطه ايدي على اذاني من الخوف ...
واله شويه ويكسر الباب ... واني كمت اقرا ايات وادعيه ... وامي كالت يابه طفله وغلطت دعوفها البنيه ... وراح ويا امي للمطبخ ويسب ....
فتحت الباب على كيف طلعت دااشوف اختي .... رحت دااشوفها وانصدمت كولش مشوه جسم اختي من الضرب وهيه تبجي وتشهك واني ابجي وياها
واكولها كوله بسببي ... واعتذر وهيه تكولي لا هوه هيج نحس ... رحنا سوا للغرفه وامسح بدموعها وهيه عالجت جروحها وجروحي بعصاره وبديتول ....
وهذا موقف من هوااايه مواقف مؤلمه صارت ويايه
ملاحضه (اخواني ال5 مأجوي من سمعو الصراخ لان متعودين هيج يسمعون صراخ وميجون يدافعون ونصهم بالشغل)
وثاني يوم رحت اشكي همي لكرستين وهيه نايمه بحضني ...
واستمر الوضع التعذيب والكتل والشغل ... الى ان صار عمري 13 ونور صار عمرها 19 ...
وبطلوني من المدرسه لان ماعندهم بنيه تدرس اوووف هوه هذا مستقبلي ...
وكرستين هم كبرت وصارت تؤأم روحي اختي الثانيه ... لان دائما عذابي كوله يمها واشكي همي بس الها صح هيه حيوان بس احن من البشر ...
وصرت من اطلع يلبسوني جواريب وعبايه وكفوف وجبه جوه العبايه ...
بس مجبوره البسها واني من ارجع للبيت اشبع بجي واشكي همي لكرستين ...
اكولها انقهر اشوف الي بكدي ميلبسون عبايه ولا كذا وكذا واشوفهم احرار وعايشين حياتهم😭وكرستين صافنه بعيوني الحمر من البجي....
ومشت الايام واجه تاريخ
2010/6/25 هوه يوم عيد ميلادي بس محد يسويلي عيد ميلاد وكل سنه بعيد ميلادي ابجي دم..
بس اختي تجيبلي هديه بسيطه وتكولي كل عام وانتي بالف خيرر حياتي ...
وتسويلي حفله صغيره تجنن بس بسيطه ... بس كولش افرح لان بس هيه تحبني وتهتملي ...
اصلا لو مو نور اموت بدونها لان هيه جمال حياتي وسعادتي وضحكتي مستحيل افارقها ...
ودخلت الجحيم بتاريخ 2010/11/5
اجتي نور وتبجي كالت شمس راح اموت الحكيلي راح اهرب كتلها شكو كولي كالت .... يتبع ....