بيبص حواليه وبيلطم وبيصحي جني ونادين ..
ابتسام: نادين احنا فين طمنيني والنبي مش عاوزك تصدميني
نادين : اااه حاضر بس كده احب ابلغك يا عزيزي ان احنا في عالم الروبيتات بتاع هارون !!
ابتسام: نهار اسوح هانتعارك مع أليييييين روبترات كده كتيييير كتيييير اوي منك لله يا أدهم منك لله يا هارون منك لله يا نادين...
نادين: يييييييه اسكت بقا انت علطول بتنوح كده
ابتسام: بنوح ؟!...كمان مش عاجبك هل في مصيبة احسن من كده للنواح اااه يا حظي العفش ياني
جني: يا جماعة مش وقته ...قابلوا ....
ابتسام: نقابل ايه انا تعبت والنبي ما تقولي ان في حاجة ممكن تخضني ..
بصوا لقوا روبوت كبير جاي عليهم لونه أحمر...
وقفوا بسرعة في ضهر بعض .
ابتسام: عارفين يا بنات كنت بحب اللون الأحمر أوي
نادين: ودلوقتي
ابتسام: كرهته كرهته اهئ اهئ
بيرفع الروبوت ايده وبيطلع منها نار وبيرمي عليهم ..
جني في نفس الوقت بتعمل مجال حماية مغناطيسي. .
ابتسام: هانعمل ايه دول اليييين مش بشر يعني هزيمتهم مش سهلة خالص مالص
نادين: ايه هانستسلم ماينفعش نقبل بالهزيمة لازم نحارب لأخر نفس
ابتسام: لأخر نفس اشطا انا كده اطمنت
جني مش بتقدر تخلي مجال الحماية المغناطيسي اكتر من كده وبيتشال في نفس الوقت الروبوت بيصيبها بالنار ..
ابتسام بيجري عليها بسرعة وبيطفي النار اللي مسكت فيها
نادين بتتعصب وعينيها بتطلع شعاع نار وبتجري علي الروبوت وبتضرب فيه ...
ابتسام بيبص علي جني اللي بتتألم بيسيبها وبيطلع يجري عالروبوت يضرب فيه...
بتطير نادين اللي عينيها بتطلع نار وبتحرق وشه
وابتسام عينيه بتطلع شعاع ليزر بيفصل الروبوت اتنين وبيقع عالأرض وبكده بيكونوا انتصروا عليه
بيجري ابتسام ونادين علي جني ...
جني: ماتقلقوش دا حرق بسيط
ابتسام: ان شاء الله ينشك في ايده ابن الجزمة ده
نادين: خلاص بتدعي عليه ليه احنا دمرناه ..
ابتسام: وريني الحرق كده ياختييييي هانجيب معجون سنان هنا منين
نادين: ليه
ابتسام: عشان الحرق ههههه شوفتي نفسك وانتي عينك بتطلع نار مسخرة بس جامدة
نادين: نفس شكلك وانتي عينك بتطلع ليزر..
بيشوفوا الأرض بتتهز ...
ابتسام بيبلع ريقه وبيقفوا كلهم يشوفوا في ايه ؟!
ابتسام بيبص للسما وبيعيط..
نادين: في ايه
بيشاور ابتسام ..وبيطلع هارون بس جسمه ضخم جدا..
ابتسام بيلطم: كم التوتر والخوف ده غلط عليا بالله عملها ازاي ابن اللزينة ده فهموني..
بيضحك هارون وبيوطي وبيمسكهم وبيكونوا صغيرين جدا في ايده..
ابتسام بصويت: هانعمل ايييييه هانعمل ايييييه مش انتي عارفة هارون ده وهزمتيه قبل كده ده هايفعصنا زي الصراصير
نادين: هارون عمره ما عمل كده دي شكلها تقنية جديدة اخترعها!
ابتسام: علي حظي ما اناااا مبخت .....ساكتة ليه يا جني
جني: اعمل ايه بتشاهد ..
ابتسام: لا متستسلميش هنحارب الحيااااة غالية وبقت غالية أكتر من يوم ماقابلتك يا جنجون
نادين: مش وقتك يا عم النحنوح...
بيقفل هارون ايده عليهم ....ومش بيكونوا قادرين ياخدوا نفسهم
ابتسام: مخنوووق الأكسجين بتاع ربنا يا كفرة مستخصرينه فينا حرااااام اللي بيحصل ده
بيحاول يزق صوابعه ويفتح ايد هارون هو وجني وابتسام مش بيقدروا..
في نفس الوقت ادهم بيضحك وهو بيتفرج عليهم في البلورة السحرية :
اهي التقنية الجديدة دي اختراعي انا مااستخدمتهاش قبل كده وكنت بقول مالهاش لازمة بس طلع كل حاجة ليها لازمه ههههههه
ولسه هاتشوفوا تقنياتي العظيمة التانية انا موجود عشان اتعبكم انتوا فيران تجارب في عالم كبير صممته يسليني هههههههه
__________________________
جلهوم كان قاعد بيشرب سيجارة طفاها بملل:
يعني ايه الواد ده راح فين ؟!
واحد من رجالته:
بقاله كام يوم مختفي يا معلم....
جلهوم: مش يمكن يكون مستخبي في بيته وبيستقرضنا احنا نهجم علي البيت نجيب عاليه واطية ونجيبه نعلمه الأدب ههههههههه
في نفس الوقت
العصافير بيكونوا بينهجوا..
العصفورة: خلاص كده هانموت ماعدش فيه أمل وابن البني ادم بيستمتع بحياته مش مسمحاه دنيا واخره ..
العصفور: اهئ اهئ صعبان عليا اتحملك كل السنين دي وماموتش بجلطة وفي الاخر اموت من الجوع
العصفورة: اخص عليك يا خسيس انا دا انا فرشالك القفص ورد دا انا ببقيك علي نفسي ومش باكل الا لما تاكل وتشبع مش بشرب الا لما تشرب وتملاها كرشت وشعرك وقع ومابصيتش لغيرك وقولت ربنا يعوضني خير علي صبري رضيت بيك علي عيبك وانك مش بتخلف صحيح رضينا بالهم والهم مش راضي بينا
العصفور: كل ده شايلاه في قلبك وساكتة !!!
اخص عليك ولية نمرودة دا انا كفاية مستحمل سحنتك
العصفورة: دلوقتي بقيت وحشة يا شايب يا عايب يبتليك من كل مرض نايب طلقنييييييييي طلقنيييييييي مش عوزاك تكون جوزي في الجنة
العصفور: علي اساس هاتشمي ريحتها يا ختيييي طب روحي وانتي....
_____________________________
ابتسام وجني ونادين مش قادرين ياخدوا نفسهم..
ابتسام: هانموووووت يارب دخلني الجنة انا غلبان
نادين وبتاخد نفسها بالعافية: ادعيلنا معااااك
مش بيستسلموا وبيحاولوا تاني يفتحوا ايد هارون مش بيعرفوا
ابتسام عينيه بتتلون وبيطلع شعاع وفي نفس الوقت نادين بتطلع نار من عيونها
ايد هارون بتتفتح وبيقعوا منها وهما بيصوتوا لحد ما بيلاقوهم وقعوا في مية
ابتسام بتنهيدة :
لقد كان هذا وشيكا
نادين: لا ماتتطمنش
بيبص بيلاحظ زعنفة القرش...
ابتسام: ههههه دا قرش..
وبيبص يمينه :
هههههه دا تمساح ..وزغرطي يا انشراح اللى جاي انقح كتير من اللي رااااح عااااااااااااااا
بتحاول نادين تطير مش بتقدر وابتسام بيكون متشعلق فيها
ابتسام: مش بعرف اعوم مش بعرف اعووووم
القرش بيقرب والتمساح بيقرب جني بتركز وبتعمل مجال حماية مغناطيسي..
ايد هارون بتتمد وبتخترق المجال وبيشيلهم وبيحط كل واحد في قفص ..
ابتسام: هااااا وبعدين هاتعمل فينا اييييه يا مفتري..
في نفس الوقت ادهم بيضحك:
فاكرين السلاحف اللي بعمل عليها تجاربي عشان يبقوا زي البشر وعندهم قدرات خارقة انا هاعمل عليكم نفس التجارب كده بس كده سهلة اهي....
بيمسك هارون ابتسام من رجله وبيكون طاير في الهوا ..
ابتسام : هاتعمل ايه يابن المجنونة نزلنيييييي نزلنييييي
ابتسام الليزر اللي في عينيه بيشتغل وبيحرق هارون فهارون بيسيبه
ابتسام: انا غلطان امسكني امسكني والنبي
في نفس الوقت حد بيمسكه بسرعه بيلاقيها نادين اللي بتكون شايلة جني كمان وبيهربوا منه بسرعة البرق...
ابتسام: هانروح فين وهانخرج من المخروبة دي ازاي.اااااه
بيبص ابتسام بيلاقي سن صغير في ايده وبيبص وراه بيلاقي روبيتات طايرة صغيرة ..
ابتسام: ايه ده انا هاموووووت ولا اييييه اعمل ايه
بيحاول يفتح عينه وهو بيروح عن الوعي بيشوف البنت اللي بتساعدهم وهي بتعلي صوتها:
الحل في البير الحل في البير
وبعدين بيغمي عليه....
نادين: اصحي ...اصحي
بتكون نادين بتفوق فيه..
ابتسام: ايوه طيب ...يارب يكون اللي فات كله حلم
بيبص حواليه وبعدين بيقول بحزن:
مش حلم مش حلم
نادين: قولنا مش هانستسلم لازم نعرف الطريقة اللي هاتخرجنا من هنا
جني: البنت اللي بتساعدنا ماجتش المرة دي
ابتسام: بس انا حلمت بيها
جني : والله حلمت بيها ليه ان شاء الله يعني بتفكر فيها اوي كده
ابتسام: لا والله مش كده يعني بس هي تقريبا عشان تساعدنا
نادين: حلمت بايه
ابتسام: الحل في البير الحل في البير ده اللي قالته ليا الموضوع كده سهل بقا ..
نادين: لأ .لأني وانا بجري من هارون شوفت تلات أبار الحل في انهي واحد فيهم وايه هو الحل اصلا يعني نرمي نفسنا فيه ولا نشرب منه ولا ايه ؟!
ابتسام: مش عارف الصراحة ! يبقي هانستني كمان علامة بس كده قولي علينا يارحمن يا رحيم
جني: احنا نروح نشوفهم جايز يظهر حاجة تعرفنا هانخرج ازاي من هنا...
نادين: طب يلا..
بيروحوا عند اول بير ...بيبص ابتسام فيه وبيرجع بخضه ...
ابتسام: لا اله الا الله محمد رسول الله دا بير افاعي !!
بيبص نادين وجني عليه وبيدوروا حواليه عن اي خيط مش بيلاقوا...
بيروحوا للبير للتاني وبيكون جواه مية ..
ابتسام: مافيش برده اي دليل انا حاسس ان مافيش امل
نادين: اصبر بس الأمل في البير التالت
بيروحوا عند البير التالت وبيبصوا فيه بيشهق ابتسام بخضة وبيرجع لورا:
الأمل ؟! دي امل ماتت وادفنت فيه
بيكون بير مليان عقارب ..
نادين بفرحة: بصوا كده لقينا الحل!
ابتسام وجني بيبصوا...
ابتسام بتتغير ملامحه وبيكون هاين عليه يعيط :
احيييييه !!!!!يا سنة سوخة يا ولاد....منك لله هو انا لسه هاعيد الكلام منكم لله كلكم كلكم منكم لله اهئ اهئ
ياتري ابتسام ونادين وجني شافوا ايه وهايعرفوا يطلعوا من عالم الروبوتات ولا لأ ..