_نور بتوتر_
مين اللي دخل
_الباشا ما يردش عليها..
وبكل غضب يشد الأجزاء ويضر،ب طلقه ف الهوا..
ونور تخاف أكتر..لكن تحاول تتحكم ف أعصابها
_نور بثبات_
أنته مين وعايز إيه
_الباشا بغضب_
إصحابك حكموا على نفسهم بالمو،ت
_نور ف سرها_
الباشا.._(وتعلي صوتها)_
طيب اهدي يا باشا وفهمني إيه اللي حصل
_الباشا بغضب_
إسمعي يا نور..أنا كان فيه بيني وبينك إتفاق..
إني لا أقرب منك ولا من إصحابك..
بس من اللحظه دي..
أنا هبدأ ف أذيه إصحابك واحد ورا التاني..
وبعد ما هخلص عليهم هييجي دورك
_نور تبلع ريقها من الخوف_
طيب أنا عايزه أعرف إيه اللي حصل..
وبعدين حضرتك أعمل اللي أنته عايزه
_الباشا بغضب_
إصحابك خطفو ميري وسهيله..
وأنا اللي ياخد مني حاجه..
يبقي حكم على نفسه بالمو،ت
_نور بهدوء_
خطفوهم إزاي يعني..
وبعدين إصحابي هيوصلو لميري وسهيله إزاي..
إلا إذا كان ميري وسهيله اعترضوا طريقهم..
هوا حضرتك كنت ناوي تأذي إصحابي ولا إيه
_الباشا بغضب_
إسمعي يا نور
_نور تقاطعه_
يا باشا أنا مش مقتنعه بالكلام اللي بتقوله ده..
مفيش عقل يصدق إن إصحابي يخطفو ميري وسهيله..يا باشا إصحابي مش فرقه قوات خاصه..
إصحابي دكتوره وممرضه وإبنها..
وواحد رجله مقطو،عه..
وبنت خالي لا حول لها ولا قوه..
وسمير الله أعلم هوا عايش ولا م،يت
_الباشا بغضب_
إسمعي يا نور..
أنا مش هقول كلام غير وأنا متأكد منو..
سمير وسمر أخدو سهيله..
والدكتوره وابن الممرضه أخدو ميري..
ولو بيعملوا كده عشان يرجعوكي يبقوا أغبيه..
لأن إنتي أول واحده هتتأذي بسبب اللي حصل ده
_(نور تحاول تتكلم لكن الباشا يقاطعها)_
أنا هديلك فرصه يا نور..
عشان تصلحي العك اللي إصحابك عملوه ده..
وتنقذي نفسك من اللي هعملو فيكي..
قدامك 12ساعه..
وتقوليلي أوصل لأصحابك إزاي..
وأخلص عليهم إزاي
_(وقبل ما ترد يسيبها ويخرج ويقفل الباب وراه)_
_______________________________
__(في النادي المخزن السري)__
_سمر_
كنت هتطلع وتكشفلها نفسك على مفيش
_سمير_
إيه اللي حصل
_سمر_
جات أخدت بنت من قدام النادي ومشيت
_سمير بإهتمام_
مين البنت اللي أخدتها دي
_سمر_
البنات ملحقوش يصوروها..
لأن اللي حصل..حصل بسرعه وبرا النادي..
والتركيز كله كان على إن الدكتوره هتدخل النادي
وهيتعمل عليها كماشه جوه النادي..
بس حصل عكس اللي اتوقعناه
_سمير_
إسمعي يا سمر..أنا لازم أواجه الدكتوره..
عشان أنهي القصه دي وأعرف مكان نور
_سمر_
عالفكره أنته مينفعش تخرج..
البنات اللي برا بلغوني إن الحكومه..
مراقبه النادي والمستشفى
_سمير بغضب_
يعني إيه..هنفضل محبوسين هنا..
إنتي مش مقدره الخطوره اللي فيها نور دلوقتي..
يا سمر نور ف خطر من لحظه ما أخدتي منهم..
البت اللي جوه دي
_سمر_
والله عارفه إن نور ف خطر دلوقتي..
بس إحنا لازم نعمل حساب لكل خطوه بنخطيها..
والبنت اللي جوه دي أنا متأكده إن لو ضغطنا عليها
وعصرناها هنطلع منها بمعلومه..
أو أي طرف خيط نمشي وراه
_سمير_
البت قدامك جوه..
إدخلي اعصري فيها زي ما انتي عايزه..
إنما أنا مش هفضل محبوس ومتكتف هنا..
كلمي البنات اللي برا..
خليهم يعملوا مشكله..
عشان يغلوشو على المخبرين اللي مراقبين المكان
وخليهم يجهزولي موتوسيكل وخوذه
_(سمر لسه هتتكلم يقاطعها)_
نفذي اللي قولتلك عليه
_بقلم...محمد طه
______________________________
__(في المستشفى)__
_الدكتوره وصلت بميري المستشفى..
وأخدتها على الغرفه السريه..
اللي ف مكتب مدير المستشفى
_الدكتوره_
شاكر..إرميها على السرير ده..
وفيه سلاسل تحت السرير..سلسلها كويس
_(وتبدأ الدكتوره تفتكر لما كان المدير..
مسلسلها على نفس السرير)_
_شاكر_
حاضر يا دكتوره..هيا فعلا لازم تتسلسل..
عشان لما هتفوق مش هنقدر عليها
_الدكتوره_
إطمن..قبل ما هتفوق هكون قضيت على أعصابها..
مش هيبقي فيها حيل حتي تقوم تقف على رجليها
_وتبدأ الدكتوره تحضرلها أكتر من حقنه ل إتلاف
وتدمير الأعصاب وبدأت الدكتوره تحقنها
وبعد حوالي ساعه بدأت ميري تفوق
_ميري بإجهاد وتعب_
إنتو مين
_الدكتوره بغضب_
إحنا اللي عايزين نعرف إنتو مين ونور فين
_ميري بإجهاد وتعب_
إنتو مش عارفين أنا ممكن أعمل فيكوا إيه
_الدكتوره بغضب_
فكها يا شاكر عشان نشوف هتعمل فينا إيه
_(شاكر يبص للدكتوره وقلقان وخايف إنو يفكها)_
_الدكتوره بغضب وصوت عالي_
بقولك فكها
_وبعد ما شاكر فكها..تحاول تنزل من على السرير..
تقع على الأرض ومتقدرش تقوم..فقدت قوتها تماما
_الدكتوره_
تحبي نساعدك ولا هتقدري تقومي لوحدك
_ميري بتعب_
إنتوا عملتوا فيا إيه
_الدكتوره بغضب_
لحد دلوقتي إحنا لسه ما عملناش حاجه..
بس إن ما قولتيلناش نور فين هنبدأ نعمل..
وهنعمل فيكي كتير أوي وإنتي مش هتستحملي
_(وتبص لشاكر)_
شيلها إرميها على السرير وسلسلها
_ميري بغضب_
أنا لو خرجت من هنا عايشه..
أوعدكم إني هولع فيكم صاحيين
_الدكتوره بغضب_
شاكر..فيه جركن بنزين تحت السرير..
شطفلي العروسه بيه
_أخد شاكر الجركن من تحت السرير..
وفضاه كله على ميري وطلع ولاعه من جيبه
_الدكتوره بغضب_
عالفكره إحنا لا بنهزر ولا بنلعب..
وإن متكلمتيش هنولع فيكي بجد
_ميري بأنفاس متقطعه_
هقولك على اللي إنتي عيزاه بس بشرط
_الدكتوره بغضب_
هتقوليلي على اللي أنا عيزاه ومن غير شروط
_ميري بجديه_
مش هنطق بكلمه قبل ما أطمن على أختي
_(الدكتوره بدأت تفكر وبصت لشاكر..
وشاكر هز راسه بالموافقه)_
_الدكتوره تطلع تلفونها_
أختك رقمها كام
_ميري بغضب_
هوا إيه اللي أختي رقمها كام..
هيا أختي قاعده ف البيت وأنا عايزه أطمن عليها..
أختي ما أنتو خاطفينها
_الدكتوره بإستغراب_
خاطفينها إزاي يعني..إنتي هتستهبلي
_ميري بغضب_
سمر خطفتها ف الليله اللي هربت فيها سمير من القسم.. وزمانهم دلوقتي بيعذ،بوها
_شاكر يقرب من الدكتوره ويكلمها بصوت واطي جدا
_شاكر_
أكيد أختها دي تبقي البنت اللي قت،لت علي
_الدكتوره بكل غضب تروح تخنق ميري..
وميري مش قادره تتنفس..
وشاكر بيحاول يبعد الدكتوره عن ميري ومش قادر
_الدكتوره بغضب_
أختك دي اللي قت،لت زميلنا
_ميري بأنفاس محبوسه_
أنتو ليكم روح قصاد روح..وأنا روحي قصاد زميلكم..
وفوق كده هسلمكم الباشا..أنا الوحيده اللي كشفته..
وأعرف هوا مين..بس كنت ساكته عشان لو حاول
يغدر بيا أنا وأختي أهدده إني هكشفه وأبلغ عنو..
وهقولكم على مكان نور والباشا المزيف اللي معاها
_شاكر باستغراب_
إيه الباشا المزيف دا كمان
_ميري والدكتوره لسه خنقاها_
الباشا الحقيقي مفيش حد من اللي شغال معاه شاف وشه..عشان بيبقي لابس قناع وبيكلمنا من جهاز تغيير الصوت..ولما بيبقي ف وسطيكم هنا..
واحد من رجالته بيتنكر مكانه..
عشان محدش يحس بغيابه..........😲😲😲😲😲