رواية لا تراجع ولا استهبال الفصل العاشر10 بقلم حنين عادل

بيتكلم اللي واقف: 

خلصتوا...

نادين بتضحك وبترفع وشها:

مش معقولة ! انا مش مصدقة هارون البروفيسور هارون  ...

شهريار :هارون مين ؟!  انا الملك شهريار يا حراس امسكوهم...

ابتسام : اهئ اهئ منك لله يا أدهم الكلب منك لله ...

بيقرب الحراس وبيمسكوهم نادين بتحاول تضرب فيهم وابتسام وجني بس بيرشوا عليهم حاجة وفجأة مش بيحسوا بأي حاجة

ابتسام: هي مالها بتضلم كده ليييييه ربنا ينتقم منكم يا بعده اهئ اهئ 

وبيغيب عن الوعي...

في نفس الوقت أدهم بيكون قاعد قدام البلورة بيضحك...

أدهم: قولتلكم كل ما تفكروا انكم كسبتوا هارجعكم لنقطة الصفر تاني

بيقوم يقف وبنشوف ان هارون في صندوق زجاجي جمب نادين...

أدهم: ههههههه جبتلك عدو قديم بقي صديق بس رجع تاني عدو مش فاكر اي حاجة عن اللي فات هايكون ليكم عقبة ومش هاتعرفوا تنتصروا أبدا هههههههه

بيفوق ابتسام وبيبص عليه بيلاقيه في أوضة واقف وماسك سيف وعليه دم 

ابتسام : عااااا ايه ده دم لاا مااتفقناش علي كده ..

بيبص بيلاقي بنت مقتولة بيقع علي الأرض بصدمة ...

بيبص ليه الملك شهريار:

انت خايف ليه دي وظيفتك من هنا ورايح

ابتسام بخوف: وظيفة ايه ولا مؤاخذة يعني اصل مهبط شوية .

الملك شهريار: 

انت السياف اللي هاتموت البنات مراتاتي بعد ما اقضي معاها الليلة وكل ليلة كده

ابتسام: مراتاتك ومنشكح اوي يا خويا لييييه حرام عليك ليييه تقتلهم..

الملك شهريار:

لأن مافيش بنت مش خاينة دا عقابهم

ابتسام: مين ابن العبيط الأهبل اللي فهمك كده

الملك شهريار: احم...أبويا الملك فخريار

ابتسام: لا مؤاخذة مااقصدش ...جني جني ونادين فين ..

الملك شهريار :

نادين بتجهز عشان اتجوزها الليلة وبكره هاتجوز جني

ابتسام: ايه ايه ايه ايه وانا ؟! كله ليك يعني الغلابة مش يعيشوا ويتجوزوا ويحبوا في البلد دي يا ظلمة سيب حد بطل طمع ماحدش ضامن صحته

عند جني ونادين...

چني والجواري حوالين نادين:

هانعمل ايه 

نادين: هاعمل ايه هاتجوزه

جني: يا سلام انت ماتعرفيش قصته ولا ايه

نادين: ههه ما انا هاكون شهرزاد بقا ليوم ...انا عارفة هارون ودماغه ماتقلقيش ..

_______________________

بتدخل نادين والجواري حواليها وابتسام بيبص بخوف 

ابتسام: نهار اسوح البت هاتروح مننا اعمل ايه ..

بتطمنه نادين وبتبتسم..

الملك شهريار:

كل اللي اتجوزتهم عندهم مواهب مختلفة اللي بترقص واللي بترسم واللي بتطبخ انتي موهبتك ايه

نادين:

بحكي

الملك شهريار: ازاي ده

نادين: اسمعني وانت تحكم.  

الملك شهريار : سامعك

نادين:

هاحكيلك عن لغز حليته مش هاتتجوزني وتسيبني أمشي وتعتقني ايه رأيك؟! 

الملك شهريار: أنا واثق في فطنتي وعلمي وذكائي احكي يا نادين

ابتسام: اخر حاجة هاتقوليها يا ختييييي انا جسمي متخشب كده ليه هاااا انت بتتحكم فينا ولا ايه السر منك لله يا أدهم الكلب يمكن مهبط بس عشان ماكلتش كويس 

نادين:

بلغني أيها الملك السعيد ذو الرأي الرشيد عن بلاد التعامل فيها مش بالفلوس انما بالذكاء لو غبي ودخلتها منحوس وتتدبح في يوم احتفالات وفرحة فاقت الحدود ..ارض غريبة تروح لها بسرداب غريب بينور في ليلة يكون البدر كامل أوله سهل بعد كده فيه مصاعب ماتقدرش تتنفس ولازم تعافر اصل الحياة غالية والفضول كافر

تليفونك مش بيدخل معاك اخرك تاخد قلم تكتب بيه وقلم في نفس الوقت علي قفاك اللي خلي فضولك وصلك ليه 

لو بتقرأ روايات المفروض عرفت انا بتكلم علي ايه ؟!

ابتسام: جايبة اشهر رواية عالشوشال ميديا يا متخلفة هاتخليني قاتل وادبحك بايدي وتدمري مستقبلي وطموحاتي واحلامي مع جني وابقي قتلت اختها منك لله  !!

بصت نادين علي شهريار:

عرفت الاجابة !!

الملك شهريار:

لأ ..

نادين ابتسمت:

كده تمام تسمحلي بالرحيل ..

بيهز شهريار راسه وبيتنهد ابتسام ..

ابتسام: وانا كمان والنبي يا عم الملك الخضة علت مستوي الحرق اوي..

_______________________

بتقرب نفس البنت اللي ساعدت جني قبل كده بتكون بين الجواري ..

جني: انتي؟! طب الحمد لله ايه الحل المرة دي..

البنت: الحل المرة دي في قلادة الملك هي اللي تقدر تطلعكم من العالم ده من غير اي مخاطر هي الطريقة الوحيدة

جني: طيب هانشغلها ازاي مش فاهمة

البنت: في مكتبة القصر كتاب في نصه مدخل للقلادة. لازم تلاقوا الكتاب وتحطوا فيه القلادة وهاتتفتح لكم بوابة الخروج بس لازم قبل صياح الديك لطلوع نهار بكره

بتكون نادين واقفة تسمعها...

بتجري عليها جني وبتحضنها...

جني: كنت خايفة عليكي اوي انتي عملتي ايه

حكيت ليها نادين اللي حصل. ..

البنت : انا لازم امشي .

بيشوفها ابتسام..

جني بتحكيله البنت قالت ايه

ابتسام: يووووه عالفرهدة منك لله يا ادهم الكلب

نادين: انتي اللي عليكي الدور تروحي لهارون بكره او شهريار ادهم ده متحكم فيه كليا فاهتجيبي منه القلادة 

ابتسام:ايه ايه ايه تروح لمين ان شاء الله دلوقتي بس عاوزين الكتاب ..يلا مانضيعش وقت وبكره يحلها حلال

بيتسحب ابتسام ووراه جني ونادين وكل ماحارس يعدي يستخبوا ..

لحد ما فجأة بيظهر حارس ضخم قدامهم 

نادين بتضربه بسرعه وبيقع فاقد الوعي

ابتسام: اووووه يااااه ثبات انفعالي رهيب خارقة الخوارق وملكة البطارق

نادين: بتقول ايه

ابتسام: مش مهم مستوي الأدرينالين عندي عالي بس !

بيفتحوا في اوض القصر...

ابتسام فتح أوضة ...

_ايه التخلف ده حد يدخل علي حد كده

بيكون نمرين قاعدين فيها وبيقرب منه النمر بعصبية ..

بيقفل ابتسام الباب بسرعة ووشه أصفر....

باقي الأوض بيفتحوها لحد ما بيدخلوا المكتبة

ابتسام بصدمة: 

اهئ اهئ شايفين الكتب قد ايه هانلاقي الكتاب ازااااي منك لله يا ادهم الكلب منك لله يا هارون منك لله يا شهريار منك لله يا فخريار منكم لله كلكم ..اهئ اهئ

نادين: اهدي كل حاجة هاتتحل ما تيأسش. .

ابتسام: أيئس لا خالص اهئ اهئ

نادين: يلا دوروا علي الكتاب 

بيدور ابتسام وجني وابتسام عمال ينفخ...

بعد فترة بيمسح وشه بملل:

اييه الحل كده محتاجين سنة ما قالتش الولية دي علي اي امارات للكتاب .

_انتم بتعملوا ايه ؟!

بيتخض ابتسام من الصوت وبيخبط في المكتبة بيقع فوق دماغه كتاب..

ابتسام : ااااه 

وبيغمي عليه ...

بتجري نادين علي الحارس وبتضربه وبتقرب جني من ابتسام اللي واقع علي الارض وبتلاقي الكتاب مفتوح وبيطلع هو الكتاب ..

نادين بتجري تفوقه ..

جني: لقينا الكتاب يا نادين

نادين بضحك: مرزق ابتسام ده هههههههه

في نفس الوقت ادهم بيكون مراقبهم في البلورة ...

بيخبط ايده في الحيطة بعصبية ....

______________________

بتاخد نادين الكتاب معاها هي وجني وابتسام بيروحوتا الأوضة واتقدم لهم احسن الأكلات بأمر من الملك

ابتسام وهو بياكل في ورك الفرخة: 

يستحيل اسيبك تروحي له 

جني: اومال هانعمل ايه

نادين: مافيش حل تاني 

ابتسام: انا لايمكن اغامر طب انتي يانادين عارفة هارون جني لأ بصوا من الأخر انا اللي هاروح له 

نادين وجني في صوت واحد: ايييييه ؟!

ابتسام: ماتقلقوش كله تحت السيطرة...

__________________________

تاني يوم....

ابتسام بيكون لابس لبس بنت ومغطي وشه وماشي يتقصع ...

ابتسام: ايه رايكم يا بنانيت أنفع ؟!

جني ونادين ضحكوا في صوت واحد !!!

ابتسام وهو ماسك خصلة من الباروكة :

عجايب مابتفهموش في الجمال 

نادين: انا قلبي مش مرتاح

جني: ومين سمعك

بتتنكر نادين علي انها ابتسام وبتقف مكانه في اوضه الملك 

بيدخل ابتسام وبيمشي يتقصع ..

الملك شهريار: 

مغطية وشك ليه

ابتسام بصوت رفيع:

اما تحل الفزورة هاكون ليك زي اختي ما عملت اه ماحدش احسن من حد ..

ضحك الملك شهريار:

اه دا انتم استلمتوني بقا

ابتسام:

ماعاش يا غالي بس الساسبنس مطلوب برده

الملك شهريار: 

طب قولي...

ابتسام:

شاشي شاشي عدي البحر ولا اتبلاشي يبقي ايه

ضربت نادين ايدها في دماغها ...

الملك شهريار بضحك:

العجل في بطن أمه ههههه تعاليلي يا حلوة 

ابتسام بلع ريقه :

انت حليتها قول والمصحف ..

بيقرب شهريار من ابتسام

ابتسام : لاااااااااا

 لحد ما فجأة بتضربه نادين علي دماغه بيفقد الوعد

ابتسام: الهي يسترك دنيا واخره يا شيخه اهئ اهئ

بتاخد نادين القلادة وبتطلع تجري هي وابتسام وبيروحوا لجني.

ابتسام بصدمة :

مش احنا سايبينك هناك جيت هنا ازاي يا لهوييييييي

الملك شهريار:

انتم غلطتم غلطة جزاءها الاعدام يا حراس !!!!

بيحاوطهم الحراس بس نادين بتطير وبتضرب فيهم وجني ...

ابتسام بيلف وبياخد سكينة الفاكهة وبيحطها علي رقبة الملك شهريار....

ابتسام: ولاااا يا شهريار قولهم يوقفوا بدل ما ادبحك زي خروف العيد ..

شهريار:

بس وقفوا...

بيقف الحراس وبتفتح جني الكتاب بسرعة وبتحط القلادة وبيتفتح بوابة من نور..

ابتسام بيزق شهريار وبيدخل يجري هو وجني ونادين ومش بيشوفوا حاجة...

_________________________

بيفتحوا عينيهم ..

ابتسام : ااااه يا حوستي السودة انا تعبت ..

بيبص حواليه وبيلطم وبيصحي جني ونادين ..

ابتسام: نادين احنا فين طمنيني 

نادين : اااه حاضر احب ابلغك يا عزيزي ان احنا في عالم الروبيتات بتاع هارون بس كده ..

ابتسام: نهار اسوح هانتعارك مع أليييييين كده كتيييير كتيييير اوي منك لله يا أدهم منك لله يا هارون منك لله يا نادين.