رواية لا تراجع ولا استهبال الفصل السادس6 بقلم حنين عادل

في نفس الوقت دخل البودي جارد من باب المخزن جري ابتسام علي البوابة الخضرة وفي ايده المفتاح اللي اخده من جيب ادهم لما حضنه 

ابتسام : اجري يا چني

جرت جني بس قبل ما تجري مسك ادهم رجلها ومابقتش عارفة تتحرك ...

وفي نفس الوقت البودي جارد بيقرب وهايمسكهم..

ابتسام: سيبها يا كلب سيبها يا مجنون ! منك لله منك لله علي حرقة الدم دي دمي نشففففف !

أدهم: دا بعدك مش هاتنتصروا عليا

ابتسام: لييييييه هو احنا في حرب بغداد منك لله ضيعت أمالي اني أبقي أب اهئ اهئ قطعت خلفي الهي يخلص منك يا شيخ !

كانت اللحظات صعبة غمض ابتسام عينيه :

انا قبل كده وقفت الوقت يارب أقدر المرة ده هانروووح فيها !

خد نفس طويل وركز فحس بقوة غريبة فتح عينيه وبص حواليه لقا كل حاجة واقفة..

البودي جارد واقفين مكانهم وأدهم ماسك چني..

ابتسام: الله عليك يا حبيب والديك الله عليك يا ابتسام بيك وبص بص الحركة دي حتي بص اللقطة دي واااو انا البطل الخارق كل الخوارق ابتسام مان يع ايه الاسم ده ايه ده هابقي افكر في اسم مش وقته

قرب من ادهم وهو بيضحك وضربه بالقلم وهوا بيرقص:

اكل ما اتاكلش ...اه يا ادهم ..أغلب مااتغلبش ...اااه يا أدهم ..حاسب ما تحاولش ...اه يا أدهم ..اهييييي

وبعدين ضربه ...وهو بيضحك: 

ضيعت مستقبلك زي ما انت ضيعت أمالي بكره أما تتجوز هاتقولك ده عند أمك يا أدهم ! 

فك ايده من علي چني وبعدها شالها وراح ناحية البوابة ..

بص لها بضحك:

عقبال ما أشيلك يوم الفرح يا چنچون! ياااه حلم بعيد ان شاء الله هايكون قريب

وكل حاجة حواليه ساكنة مش بتتحرك

دخل من البوابة وبعدها قفلها وراه لقي زراير كتيرة وفي زرار كبير مكتوب عليه on ضغط عليه وحس باهتزاز قوي

ابتسام: بوراحة والنبي بوراحة احنا هاننسخط ولا ايه 

چني وكأن الوقت رجع اشتغل تاني نزلت من علي ايديه بعصبية ..

اشتغلت البوابة وبتتهز بقوة چني اتشعلقت في رقبته من الخوف 

ابتسام بصوت عالي: 

كنت هاتبسط جدا لو كنا في مكان تاني غير ده اتشاهدي يا چني اتشاهديييييييييييي 

چني: أشهد أن اله الا الله محمد رسول الله

ابتسام: ابقي افتكري اني ضحيت بشبابي عشااانك منك لله احتسب كله عند الله منك لله يا أدهم منها لله اختك التوأم منه لله صنف الانسان اعااااااا

چني: مش فاهمه افرح ولا أحزن ولا ايه

ابتسام: صوتييييييي صوتييييي طلعي الكبت مش هتلاقي أحسن من الموقف ده

فجأة حصل ضوء أبيض وماكانوش شايفين أي حاجة لحد ما غابوا عن الوعي ...

_________________________

ادهم كان بيتوجع والبودي جارد واقفين يضحكوا عليه وبيكتموا ضحكهم ..

قام وقف بالعافية ووقف قدام اخت چني التوأم .

أدهم: فاكرين انهم هاينتصروا عليا ده مستحيل .

بص للبوابة الخضرا بشر وضحك بشر:

ههههههههههه انتم مش عارفين ايه اللي هايقبلكم !

___________________________

بيفتح ابتسام عينيه علي حد بيضربه بالقفا ...

بيبص حواليه وفجأة بتتغير ملامح وشه:

نهار اسوح فنناعة...فلانعة ...فشنعة ..فراعنة اهئ اهئ

بص علي لبسه لقاه لابس لبس فرعوني جيبة عليها رسومات

ابتسام: صحيح مش باللبس !

كان واحد ضخم واقف وابتسام وجمبه ناس واقفين طابور 

الضخم رايح جاي يتفرج عليهم وماسك كرباج اسود:

سأختار منكم اثنان للعمل بقصر فرعون مصر الملكة حتشبسوت .

ابتسام غمض عينيه:

يارب ما يختارني! يارب دا انا غلبان 

الراجل الضخم: انت ايها العبد ما اسمك!

ابتسام: ابتسام

الراجل الضخم: ماذا ؟! ما هذا الاسم الغريب

ابتسام: اسمي ابتسام فخرع

الرجل الضخم: حسننا لقد اخترتك ..

اختاره الراجل الضخم ومعاه واحد وابتسام ماشي وراه مبهور بالعجلات الحربية...

ابتسام: شوف سبحان الله بحب الفراعنة بشكل وكان نفسي أكون أيامهم واشوف عظمة جدودي ودهبهم  وخيرهم وزيد كمان دهبهم أبقي بينهم دلوقتي اصل انا مؤمن وقلبي ابيض ربنا لما بيدي مابيديش بحساب! 

وصلوا القصر ووقفوا قدام الملكة..

ابتسام بصدمة : جني تبقي الملكة حاشتبسوت

قربت منهم فابتسم ابتسام وحضنها وفجأة كل الحرس اتلم حواليه وموجهين سهامهم عليه..

بص لهم بصدمة: 

نهار اسوح ! في ايه يا چني دا انا رفيق الكفاح !

حتشبسوت بعصبية: 

من الذي تجرأ واحتضن فرعون مصر سيكون عقابه عسير ليكون عبرة لكل من تسول له نفسه فعل هذا !

فليعدم علي المنصة امام الشعب بأكمله .

ابتسام : هههه دا انتي عليكي حاجات يا چني دا انا اقتنعت بالله ممثلة فوق الوصف ياجدع.

حتشبسوت: ما الذي تقوله ايها الأبله !

ابتسام: لا انا مش أبله انا استاذ اهيهيه انا في الالش ماعنديش ياما ارحميني

حتشبسوت: زجوا به في السجن حتي محاكمته غدا !

بيمسكه الحراس ..

ابتسام: ايه ده هو الموضوع بجد ولا اييييه يا جدعان اهئ اهئ هاموت في عصور قبل الميلاد ! 

خدوه ومشوا وهو بينده:

جني جني ماتهزريش انا اه قولتلك عمري فداكي بس ده كلام اي راجل انا كذاب انا بعترف انا عاوز اميييييي وحشتني اميييييييي 

رموه في السجن ...

كان عتمة ..

ابتسام: طب انا بخاف من العتمة يا كفره ولعوا النور ! اه صحيح عمنا اديسون لسه مااخترعش اللمبة ! 

طب ايييه هاموت بكره ياتري كيف سأموت ؟!

منك لله يا جني انتي واختك وادهم في ساعة واحدة ..عاااااا انا عاوز اروح لأمي ابوس ايدها وحشني صوتك يابا وانت بتقول انا ميت مرة اقول اقفل باب التلاجة ياااااه ..

وحشتني الزحلقة اللي بكنت بتزحلقها لما التلاجة تسرب مية يااه وحشتني التلاجة اللي كل شوية بابها يقع علي رجلي لما هرتها ..اااه من التلاجة ااااه

_________________________

في الصباح 

بيصحي ابتسام علي حد بيضربه برجله بيفتح عينيه ..

ابتسام: يارب يكون حلم ..ده حلم 

بص شاف الرجل الضخم...

ابتسام: اهئ اهئ مش حلم مش حلم ! طلع علم ازاي مش مهم .

خادوه الحراس ووقفوه عالمنصة والملكة حتشبسوت واقفة...

ابتسام: چني ! فوقي ياچني عشان خاطري هاتموتيني دا احنا عشرة عمر والنبي والنبي

حتشبسوت: اعدموه شنقا حتي الموت

ابتسام: هو ايه اللي عندموه شرقا حتي الموت كده بعد ماضحيت بنفسي ومستقبلي عشانك كده تخلي بيا ..

فوقي عودي لوعيك 

حتشبسوت: فليكن عبرة لمن لم يعتبر ..

وبعدين بصت لواحد ..

ضحك ابتسام وقال:

ايتها الملكة الجميلة هل اقتربتي مني للمرة الأخيرة لأخبرك شيئا هاما جدا جدا

قربت منه...

ابتسام: شايفة الرسام او المهندس ايا كان اللي هناك ده سننموت هاسيطك واخلي فضيحتك بجلاجل انتي اه مفضوحة في التاريخ بس انا هاقول لجوزك تحمتس واقول لشعبك ان ملكتكم بتحب الرسام وبتخون الفرعون وشوفي بقا اه انا عارف ان جوزك مالوش لازمة وانتي مسيطرة بس الكهنة ماهيصدقوا يمسكوا عليكي حاجة ..

حتشبسوت بتوتر: ماذا تريد ؟!

ابتسام: ماموتش طبعا ! بس كده دي أقصي طموحاتي وتستضفيني في قصرك الشامخ  الفخم الجامد ده 

حتشبسوت غمضت عينيها وبعدين قالت:

لقد رأيت امون رع واخبرني ان هذا الشاب لم يفعل شيئا خاطئا وامرني بالعفو عنه ..

وبعدين شاورت للحراس سابوه....

ابتسام: قرار في محله ..

مشي ورا الملكة لحد القصر...

ابتسام: انا هفتان وجعان هاتيلي اكل..

وهو بيقعد علي الكرسي بتاعها المدهب

ضحكت حتشبسوت:

ايه يلا انت صدقت ان انت هددتني

وقف ابتسام بصدمة:

ايه ده انتي من امبابة ولا اييه

حتشبسوت: 

مش كنت موت مشنوق احسن لك بدل اللي هاتشوفي مني ياض دا انا موت اخويا هاسيبك

ابتسام نزل علي رجله ومسك فستانها:

والنبي اعتقيني يا ملكة يا عظمة

حتشبسوت:

كان فيه وخلص يا حراااس ..

اجوا الحراس...

حتشبسوت بضحكة شريرة:

تعلمون ما يجب فعله...

هز الحراس راسهم وخدوا ابتسام وهما بيجرجروه علي الأرض...

ابتسام: ماتموتنيش ...انتي كده هاتخللي الزمن ....منك لله يا أدهم حبشبسوت هاتعمل معايا الجلاشة ...

ماتموتنيش هو عشان عاوز اعيش الكل هايموتني ..

بيحطوه الحراس في صندوق خشبي وبيحاولوا يقفلوا عليه بالغطا وهو كل شوية يترفع ياخد نفسه يقوموا قافلين تاني..

ابتسام:ياكفرة هاتدفنوني حي ...طب هاتوا صندوق كبييير شوية خلوا في رحمة حد يعمل كده في حفيده ..

بيقفلوا عليه الصندوق بالقوة وهو قاعد يحاول يطلع..

ابتسام بعياط:

اهئ اه‍ئ انا عندي بوبيا من الأماكن الضيقة منكم لله منك لله يا أدهم العفريت ....

الصندوق بيتحط علي عربية وبيلاحظ ابتسام انها مشت..

والصندوق رايح جاي ..

ابتسام وهو جوه الصندوق:

خفوا مطبات يا ظلمة اتدشدشت علي ايديكم يا فراعنة..هو انا بحاول من الصبح فين قوتي الخارقة ولا انا مش مركز ولا ايه لا بالله تشتغلي انا هاتسوح اهئ اهئ

وفجأة العربية بتقف وبيفتحوا الصندوق بيطلع وماسك ضهره وبيبص حواليه وكان هاين عليه يعيط:

انتم هاتعملوا فيا ايه!  

بيقرب منه الحراس وهو بيرجع لورا بخوف و