رواية لا تراجع ولا استهبال الفصل التاسع9 بقلم حنين عادل

بيفتحوا القفص وابتسام بيفتح بوقه بصدمة..

ابتسام للحرس : ههههه عدي كده شوية لو سمحت 

بيبعد الحرس فابيقع ابتسام مغمي عليه في نفس الوقت الحرس بيكبوا عليه ميه..

بيفتح ابتسام عينه: يارب يكون حلم يارب ايه ده مش حلم اهئ اهئ طب خلوه ياكلني وانا مغمي عليا احسن يا كفرة...

بيدخلوه القفص وبيقفلوا عليه ...

بيسمع صوت الأسد فابيغمض عينيه وهو بيلطم:

كل حاجة هنا ضخمة ضخمة ضخمة حتي الأسد ....

بيقرب الأسد منه ...

ابتسام: ايه ده انا عندي قوة خارقة ممكن استخدمها الخضة نستني هههه تعالي يا عسل تعاليلي يا قطة

الأسد: تعالي هنا ماتفرهدنيش..

ابتسام: يعني مش كفاية هاتكلني مكسل تعافر معايا !

الأسد: ولا اخلص انا لسه مااصطبحتش عاوزة افطر عشان اصطبح..

ابتسام بخوف: بص بقا يا شاطر لا تكون فاكرني عيل نايتي مثلا لا ياحبيبي دا انا بقزقز الظلط كنوع تحلية بلاش تتغر في نفسك ..

الأسد : اه انت هتاكل دماغي بقا طيب....

بيقرب منه الاسد وابتسام بيستعد وبيقعدوا يلفوا قصاد بعض وبيجري الاسد يهجم عليه ابتسام بيضربه بالبونية بيطيره ..

ابتسام بصدمة: هيييه قوتي موجودة بس ده معناه حاجة واحدة ان جني قريبة ..

بيقوم الاسد متعصب وبيقرب منه بيضرب فيه تاني ..

وبيجري ابتسام ناحيته بسرعة وبيضربه بالشلوت الاسد بيترفع لفوق وبيقع علي الارض وماعدش قادر يتحرك..

ابتسام: ليه طلب اخير قبل ماتموت ايه ده انت موت ولا ايه يلا كله رايح...

بيحاول ابتسام يفتح الباب ..في نفس الوقت بتكون جني واقفة قريب من القصر عاوزة تتطمن عليه بس بعد كده بتمشي وهي خايفة ..

بتروح لحد البوابة بيكون التعبان نايم .

جني: ههههه دي اثار علقة امبارح ..

_انتي مين يا الدلعادي..

بتلف جني بخوف ...

جني: الأفعي.....

الأفعي بشر: انتي اللي موتي عيالي !

____________________________

بيصحي جلهوم...

جلهوم وهو ماسك ضهره:

اه يا عضمي اللي اتكسر اه يا صغير ومحير عالهم يا جوما..

دخلت شكري بصينية الفطار..

جلهوم عيط :

بقا تعملي فيا كده عااااا اهي اهئ

بتحضنه شكري:

بس بس خلاص ماتزعلش

جلهوم بيمسح دموعه:

مش زعلان بس اديني رينج قبلها باسبوع اجهز نفسي نفسيا وجسديا! مش تاخديني كده ! 

شكري: احنا في عصر السرعة

جلهوم: اهئ اهئ ...

______________________________

الأفعي بتلف حوالين جني وجني بتحاول تضرب فيها ..

وبتبص بتلاقي الشمس خلاص قربت ..

بتعافر معاها لحد ما بتضرب الافعي وبيغمي عليها ..

جني بتقف قدام التعبان اللي بيصحي من النوم فجأة..

التعبان: اهئ اهئ حرام عليكم مش كفاية اللي عملتوه وخلاها تعمل كده  فيا انا مش حمل ضرب تاني انا تعبت 

جني: البوابة اللي وراك دي!

التعبان: ايوه هيا النيلة

جني: طب هاتفتحها بالذوق ولااااا

التعبان: هو لسه فيها ولااااا اتفضلي 

قام التعبان يعرج وبعد عن مكان البوابة ....

التعبان اتفاجئ لما شاف مراته الافعي مغمي عليها

التعبان: 

انتي اللي عملتي فيها كده

وقفت جني واستعدت انها تضربه

التعبان: والله ما اقصد دا انا بس عاوز اشكرك روحي الهي يسترك الهي يوقفلك في كل خطوة سلامة ..

بتقرب جني من الباب وبتشوف ازاي هاتفتحه

__________________________

بيحاول ابتسام يفتح الباب بايده وبكل قوته مش بيعرف ..

بيضرب الباب برجله بعصبية ...

وفجأة بيطلع شعاع احمر من عينيه بيفتح الباب....

ابتسام بضحك: 

هههه انا جامد جدا انا واد مشكلة طب بص بص الحركة دي بص بص اللقطة دي ...جايلك يا حتشبسوت قال ايه عوزاني اموت طب والله لايقه انا انفع اكون شاعر...

بيتسحب وكل مايشوف حراس يستخبي منهم لحد مابيوصل لاوضة حتشبسوت..

ابتسام: هي واقفة مع مين يكون (سننموت) الخاينة .

سننموت: انتي مُلكي وملكتي ومملكتي لقد تربعتي في عرش قلبي 

حتشبسوت: وماذا عن الجارية سمعت انها مفضلتك 

سننموت: ماذا ..كيف هذا

حتشبسوت: سننموت انت عارف لو خونتني انا هاعمل فيك ايه اظبط يلا أحسنلك بدل ما اعملك جنازة ملوكي

ابتسام: ملكة من بولاق.ماشاء الله هههه

سننموت: اخونك ازاي يا هبلة هو انا هلاقي احسن منك ولا اجمل منك ولا ارق منك مهما لفيت

حتشبسوت: يعني لفيت؟!

ابتسام بصدمة: 

انهم النساء يا سادة علي مر العصور ..هههههه

سننموت: لا مابقتش عيشة دي !

حتشبسوت: اه مش طايق لي كلمة !

سننموت مشي وهو متعصب.  ..

حتشبسوت: هاقتلك وهاقتلها اهئ اهئ

دخل ابتسام وحضنها:

عيطي يا ختي الرجالة دول وحشين اوي فضفضي ماتشيليش في قلبك يا غالية ..

حتشبسوت بتمسح دموعها وبتبص له بصدمة :

انت

حضنها تاني:

مش وقته يا ختي فضفضي ماحدش واخد منها حاجة قلبي عندك يا ختييييي

حتشبسوت: 

يا حراس

ابتسام: 

لأ بقا مابدهاش ! انت اللي اجبرتيني اعمل كده

_____________________

خلاص الوقت قرب وجني واقفة قلقانة...

جني: انت فين يا ابتسام هانتحبس هنا باقي عمرنا 

بتشوفه علي بعيد شايل نادين وبيجري باقصي سرعته

ابتسام : افتحي الباب بسرعه هانتشلوااااااح 

بتشهق بخضة لما بتلاقي الجيش بيجري وراه والارض بتكون بتتهز وكأنه زلزال..

بتقرب من الباب وبتفتحه بتوتر وبتدخل وبيدخل ابتسام بس الافعي بتفتح عينيها وبتمسك رجله 

بيخبطها بقوة.....

بيضحك التعبان: 

يسلم رجلك ياشيخ 

وعلي اخر لحظة الباب بيتقفل وبيلاقوا ضوء ابيض وماعدوش شايفين حاجة وبيفقدوا الوعي

ادهم بيكون شايفهم في البلورة بيتعصب وبيكسر المختبر وبعدين بيهدي:

دا كان اول اختبار ولسه ..

___________________________

بيفتح ابتسام عينيه بيلاقيه في صحرا ..

بيبص جمبه بيلاقي جني ونادين ...

ابتسام: واخيرا ...

فجأة بيلفوا الحراس حواليهم ...

الحراس بيمسكوا جني ونادين اللي بيفوقوا وبيكونوا مش فاهمين حاجة..

الحراس: دول ملك للملك شهريار

ابتسام: هههه ابن الملك فخريار؟!

الحراس: ايوه

ابتسام: نهار اسود اهئ اهئ احيييييه !..

نادين بتمسك دماغها:

انا مش فاكرة حاجة..ايه في ايه يا جني وايه اللي جابنا هنا

جني: نخلص بس من المشكلة دي وهاحكيلك علي كل حاجة ...

بيقفوا هما التلاتة في ضهر بعض...

ابتسام: لا تقولي شهريار ولا فخريار ملكك يلا بيتشطر عالحريم والحريم هاتعلمكم الأدب

جني بضحك: انت بتقول ايه ؟! 

نادين: قصف جبهة ولكن في مرمانا!

ابتسام: مش وقته يلا واحد اتنين تلاتة استعنا عالشقا بالله 

جني بتضرب في الحراس ونادين بتطير وعينيها بتطلع شعاع بيحرقهم..

وقف ابتسام وفتح بوقه: 

ايه ده كله ايه ده كله !

جني بتضحك وبتضرب في الحراس ...وكل مادا بيجي حراس جداد.

ابتسام وهو بيضرب فيهم وبيلف عليهم بسرعة البرق:

انتم مابتخلصوش ليييه...

نادين: مش عارفة دا احنا دمرنا جيش !

جني : اقولكم وما تاخفوش..

ابتسام : قولي انا خدت علي الصدمات خلاص اللي شوفته في حياتي مش قليل خالص .

جني: لأننا في قصر الملك ..

ابتسام : ههههه وانا اقول في ايه 

نادين وهي بتضرب في واحد: العب ..

ابتسام: العب ايه احييييه ...هانهرب ازاي...

جني: كنا ممكن الأول نقلق لكن احنا معانا دلوقتي نادين

بتمسك نادين ابتسام وهو باصص لها ومش فاهم حاجة وبتمسك جني وبتطير بيهم....

ابتسام بحماس: هوووووووو طاير ياهوا طاير في مارينا راجع يا هوا مين مستنينا !

جني : انت بتقول ايه !

ابتسام: مش وقته عيشي اللحظة مش وقته ...

فجأة شبكة كبيرة بتترمي علي نادين وابتسام وجني وبتوقعهم ...

ابتسام: كنت متأكد كنت متأكد مع اني كنت شاكك

في نفس الوقت كلهم بيقعوا وبيصوتوا في نفس واحد ! ..

بيحاولوا يقطعوا في الشبكة وبيشوفوا حد بيقرب منهم بيبصوا له..

جني: قشطات عسلات فولات!

ابتسام بص لها ونفخ: 

اه هو وسيم بس يعني مش للدرجادي عشان شعره اشقر الأسود احلي هيبة كده وشياكة ولا عشان عيونة خضرا مثلا دا كده نظره ضعيف وقريب هايلبس نضارة وان كان علي العضلات ضارب بروتين أماينو يعني ايه الحلو اللي فيه بقا ؟! مقايسكم يا بنات للجمال غريبة! 

جني: والجمال بالنسبة لك ايه ؟!

ابتسام: انا راجل مصري عصري حصري !

بيتكلم اللي واقف: 

خلصتوا...

نادين بتضحك وبترفع وشها:

مش معقولة ! انا مش مصدقة .