رواية دنيتي انتي الفصل الخامس 5 والاخير بقلم جيجي

رواية دنيتي انتي الفصل الخامس 5 والاخير بقلم جيجي

الاخير.....عز قال..... احيه  ليه  السؤال ده عملتى ايه في البنت يا سماح 

سماح قالت.... خطفتها هقول لابوها لو ما ادانيش 20 مليون مش 10 مش مرجعاه تانى بس يعني انا موقفه ثلاث اربع رجاله كده عليها كانو مستنينك تنزل ويشقطوها كنت  متاكده انك مش هتسيبني زعلانه يعني حديلك العنوان و تروح تلحقها 

عز قال ....انتى  بتهزري صح 

سماح قالت ......كنت عايزه اخد حق  ابوك  ايه ياخد فلوسي واسكتله بتبصلي كده ليه

 عز قال...... اتصلي بيهم بسرعه يلا اتصلي بيهم يلا قوليلهم ما يقربوش منها  لو حد فيهم لمس شعره من دنيا انا هولع فى نفسى سمعتي يا سماح 

سماح قالت..... سمعت خلاص بطل زن واتصلت بالتليفون وسكتت شويه

 وقالت.....يالهوى  انا كده ما اوديكوش مكان وتنستروا فيه ابدا يا اولاد المفضوحه 

عز قال بخوف....في ايه ايه اللي حصل دنيا  كويسه صح 

سماح قالت...... هربت منهم ومش عارفين راحت فين 

عز قال...ايه يعنى هتكون راحت فين بس دلوقتى 

 سماح قال...الله اعلم  بقى انا ايش عرفنى 

عز قال ....طب هربت عند فين يعنى هاتيلى العنوان عشان ندور حواليه  واخد العنوان وراح وبقى يدور عليها وينادى عليها  ويورى صورتها للناس اللى هناك بس وقف مكانه  بصدمه لما سمع صوتها بتصرخ جرى عليها برعب وشاف اربع شباب محاوطينها جرى عليها بسرعه

 وقال...انتو سيبو البنت يلا روحو هى سماح مش قالتلكم سيبوها دنيا بصتله بصدمه

 وقالت...ايه هى مامتك اللى بعتاهم  يخطفوني

 بس واحد 

منهم قال...سماح مين يا عم ابعد كده وهات الحته بتاعتنا  

عز خلاها ورى ضهره بتملك

 وقال...قولت روحو من هنا دى مراتى يلا غورو من وشى بس الشباب اشتبكه معاه ونزلو ضرب فيه بس هو كان بيضربه ومش قابل يسيب دنيا ابدا  بس واحد منهم طلع مطوه وادالو بيها وعز حط ايده على الجرح ووقع على الارض بس الشباب سحبو صاحبهم وجريو بخوف  ودنيا قعدت على الارض 

وقالت ببكى .....عز حبيبى قوم قوم يا عز يلا عز

 عز مسك ايدها  وبصلها بتوهان 

وقال بألم ..... انا اسف سامحينى انا حبيتك قوى والله 

دنيا قالت...اش اهدى  انت هتقوم  انا كلمت الاسعاف وهم هيجو  دلوقتى يا روحى هيساعدوك و هتبقى كويس يا عز هنعيش انا وانت بعيد عن امك وعن بابا هنعيش بعيد عنهم كلهم  هنعيش لوحدنا  بس عز غمض عيونه ودنيا قالت...قوم  يلا متوجعش قلبى عليك وضمته 

وقالت بصراخ ....عز قوم رد عليا عز رد عليا عز ووصلت الاسعاف واخدوه وبعد وقت كانو واقفين عند اوضت العمليات  ودنيا قاعده بتبكى جامد وطلع الدكتور

 وقال ...هو كويس خيطنا الجرح وبقى كويس وهننقله اوضه تانيه وبعد وقت كانت دنيا قاعده جمب عز وماسكه ايده وعز فتح عنيه بتوهان 

وقال..دنيا 

 دنيا قالت...... عز انت كويس يا حبيبى الف سلامه يا روحى 

عز قال....ماما بعتتهم بس هى  بس دنيا قاطعته 

وقالت...بابا هيكتبلك الفلوس وهنبدء بيهم انا وانت هنقعد بعيد منهم هنبدأ من جديد  بعيد عن خنقاتهم ومشاكلهم هنعيش حياه هاديه يا روحى  هنعيش انا وانت وبس  

عز قال ..لا انا وانتى واولادنا

 دنيا قالت ...واولادنا يا روحى  بس انت قوم 

عز قال... هقوم يابت هروح فين عمر الشقى باقى وبعد سنه  كان عز لابس بدله انيقه وشكله تحفه وجات دنيا بفستان سهره جميل جدا وكانت قمر حرفيا

 وقالت زيزو الحقنى هيغمى عليا 

عز حط ايده ورى ضهرها وقال.. ايه حامل تانى 

دنيا قالت....حامل ايه بس مصيبه 

عز قال...ايه يا قلبى الناس بتقول مبروك النجاح مبروك الافتتاح من نجاح لنجاح ايه الحقنى مصيبه دى جديده 

دنيا قالت...مامتك وبابا مسكه فى بعض تانى وقدام الضيوف كمان 

 عز قال..... ايه وبيتخانقوا ليه

 دنيا قالت..... ما فيش كنت مشيله الولد لبابا وجات مامتك وقالت هاتى حفيدى  قلتلها حاضر دقيقه واجيبهولك راحت هي تاخده من بابا لوحدها  والضيوف واقفين ومنظرنا هيبقى زباله اعمل اي حاجه اتصرف

عز بص ناحيتهم وكانت سماح بتتخانق مع سامى 

وبتقول .....هات الولد لتعديه ويطلع نصاب زيك 

 عز قال....طب بقولك ايه ما تسيبك منهم هم يصطفلوا مع بعض في الولد اي واحد ياخده ولا ان شاء الله حتى يرموه و في الزباله اللي بره  انا عايزك فى حاجه مهمه جوه

 دنيا ضربته في صدره وقالت .....حاجه ايه اللي عايزنى فيها  جوه بقولك ماسكين في بعض قدام الضيوف انت ايه كله عندك خبر خير

 عز قال...كله خير طالما انتى معايا مش مهم الباقى يارب ابوكى يولع بجاز عادى

 دنيا قالت....امم جد ومامتك

 عز قال...يارب تحج يمكن تتهدى او تتجوز يمكن تتهد اى حاجه

 دنيا ضحكت بخفه وقالت...طب يلا روح حل المشكله دى بسرعه 

عز قال...اه رايح اهوه  بس مش تسيبينى افرح بنجاحى  شوفى بقيت مدير شركه محترم  وجوز حلو وشيك وأب كمان عشان اثبتلك ان كلامى صح  شوفتى  ليه ابوكى لسه زعلان منى عشان اخدتك منه مش قادر يسامحني ما تاجى  نسيبنا منهم ونطلع نريح فوق شويه 

 دنيا قالت....اعمل فيك ايه يا أخى حس بالموقف اللى احنا فيه 

 عز قال....طب ما تحسى انتى بعدين اعملى فيا اللى انتى عايزه الا بعدك عنى بعدك قتال وجمالك قتال يعنى قربك نار وبعدك دمار وانا فى النص واقف محتار

 دنيا ضحكت بخفه وقالت....لا انا مقدرش ابعد لان بعدك انتحار وانا مقدرش اعمل كده 

عز قال...ربنا يخليكى لقلبى يا روحى ونبض قلبى انتى غيرتينى للأحسن وخلتينى انسان تانى انا كل همى فى الحياه انى اخليكى اسعد واحده فى الدنيا  انتى مش بس حليتى دنيتى انتى غيرتيها قلبتى كيانى وغيرتينى وبقيتي دنيتى

🌹🌹🌹🌹🌹🌹🌹🌹🌹🌹🌹🌹🌹🌹