رواية في قبضة الفهد الجزء الثالث3 الفصل التاسع عشر19 بقلم جنات
عدى اسبوع وحياه مش بتروح الشركه لانها تعبانه .
وده جنن جاد لانه مش قادر يوصلها ولا يشوفها .
وكان بيحاول يشغل نفسه فى افتتاح المنتجع وتجهيزه لحفله افتتاح الشركه الجديده بس بردو كان هيتجنن لانه مش قادر يشوف حياه .
بقلم الكاتبة جنات
ــــــــــــــــ★ــــــــــــــ
فى يوم كانت ديالا نازله على السلم وبتكلم حنين .
ديالا:يا بنتى نازله والله اهو وكلها نص ساعه واكون عندكو اهدى بقااا ..... طيب يلا سلام يا حلوة .
ديالا قفلت وهى مبسوطه انها راحه واخيرااا لقصر الفهد عشان تشوف حياه اللى وحشتها وانها هتتعرف على باقى افراد عيله الفهد .
ديالا وقفت لما سمعت صوت جاد:رايحه فين ؟!
ديالا لفت وشافته قاعد على الكنبه:وحضرتك عايز تعرف ليه !! ... اظن حاجه متخصكش ولا ايه .
جاد قام وقف:اتكلمى بطريقه احسن يا ديالا بلاش تتحدينى عشان محدش هيندم غيرك ..... وحضرتك ناسيه انك بنت خالتى وعايشه معايا والمفروض اكون عارف بكل تحركاتك .
ديالا:انا مش بروح فى حته غير لما بقول لعمو فريد .
جاد:رايحه فين يا ديالا ؟
ديالا نفخت بضيق:راحه قصر الفهد ارتاحت كدا !
جاد:ليه ؟!
ديالا:هو ايه اللى ليه راحه اشوف حياه والبنات عادى يعنى .
جاد:تمام استنى عشان اوصلك .
ديالا:وده ليه بقا ان شاء الله !!
جاد:هو ايه اللى ليه ؟
ديالا:مالوش لزوم تتعب نفسك يا ابن خالتى انا هروح مع عمو محمد .
جاد:وانا قولت هوصلك انا كدا كدا كنت رايح عشان اعطى دعوات حفله افتتاح الشركه الجديده للفهد .
ديالا:طب ممكن تنجز لانى كدا هتأخر عليهم .
جاد:انجز ... بقيتى بيئه اوى على فكرة .
جاد سابها ومشي وديالا بصتله بقرف واتكلمنى بتريقه:بقيتى بيئه .... رخم ... بس قمر اوى .... اسكتى الله يخربيتك هيسمعك .
ديالا فضلت تستناه اكتر من نص ساعه وده عصبها جداا .... بعد شويا جاد نزل وخرج من غير حتى ما يكلم او يبص لديالا اللى كان نفسها تقتله على بروده ده .
ديالا خرجت من الڤيلا وركبت العربيه اللى كان جاد ركب مكانه وفى انتظارها ... وقفلت الباب بقوة وجاد بصلها ببرود واتحرك بالعربيه .
بقلم الكاتبة جنات
ــــــــــــــــ★ــــــــــــــ
فى قصر الفهد .
البنات والماميز كانو متجمعين كلهم فى الجانب الخلفى للقصر وبيستنو ديالا .
حياه:هى ديالا اتاخرت ليه ؟
حنين:لما كلمتها قالتلى نص ساعه واكون عندكو بقالها اكتر من ساعه ولسه ما جيتش .
مريم:مش يمكن حصل معاها اى حاجه ومش هتقدر تيجى .
سيلا:اكيد كانت هتقولنا يا مريومه .
ديما:انا بصراحه متشوقه جدا اشوفها واتعرف عليها من كلامكو عليها .
حياه:ديالا بنت جدعه وطيبه جدااا يا دودو والله .
تمارا:بدام حياه قالت عليها كدا اكيد هتبقي بنت مافيش منها .
بقلم الكاتبة جنات
ــــــــــــــــ★ــــــــــــــ
فى ريسبشن القصر كان قاعد كل الرجاله والشباب .
دخلت واحده من الخدم:فهد باشا الانسه ديالا وصلت ومعاها الباشمهندس جاد .
الفهد:خليهم يدخلو .
خرجت البنت اللى من الخدم وبعدها بشويا دخلت ديالا ووراها جاد .
ديالا ابتسمت:مساء الخير .
الكل:مساء النور .
جاد:مساء الخير يا فهد باشا .
الفهد:مساء الخير .
الفهد بص للبنت اللى من الخدم:خدى الانسه ديالا برا للبنات .
البنت:اتفضلى يا انسه ديالا .
ديالا مشت معاها .
حسن شاور على الكنبه:اتفضل يا جاد .
جاد قرب وقعد:انا اسف انى جيت بدون معاد ... بس حبيت اجى واقدملكو دعوات افتتاح الشركه هى هتكون كمان اسبوع .. طبعاا انتو الشركه اللى اسستها ووجودكو مهم جدااا اكيد ... ومش هقبل اى اعذار المرة دى يا فهد باشا .
جاد مد ايده بالدعوات والفهد اخدهم:اكيد هنحضر يا جاد .
جاد:ده شرف كبير ليا يا فهد باشا واتمنى ان العيله الكريمه كلهم ينورونا .
الفهد:ان شاء الله .
زين:تشرب ايه يا جاد ؟
جاد:قهوة ساده .
زين نادى على واحده من الخدم وطلب قهوة ليهم كلهم .
بقلم الكاتبة جنات
ــــــــــــــــ★ــــــــــــــ
فى الجانب الخلفى للقصر .
ديالا دخلت ورا الخدامه .
ديالا:مساء الخير .
كلهم بصو ناحيه الصوت .
حنين:اخيراااا يا ست ديالا شرفتى .
ديالا ضحكت وقربت منهم وسلمت على حنين وحياه وسيلا .
حنين:تعالى بقا اعرفك على باقى مزز العيله .... دى ياستى تمارا هانم زوجه الفهد ودى بنتها زينه ومامت حياه و الدكتورة ديما .... ودى مريومه ودى جنه بنتها ومامتى انا وفهد ...... ودى مروة هانم مامت اسيل هانم ام سيلا .... والصغنين دول حور بنت ديما ويزن ابن سيلا .... هااا اتلخبطتى ولا لسه .
ديالا ضحكت:بصو انا اتشرفت جدااا بمعرفتكو اكيد بس هاخد وقت على ما احفظكو .
تمارا:تعالى اتفضلى يا حبيبتى .
جنه:ومعلش لو الهبله دى دوشتك .
ديالا قعدت:لا خالص انا بحب حنين جدااا وجنانها .
حنين:شكراا يا ديالا هانم .
ديالا:عامله ايه الوقت يا حياه احسن .
حياه:الحمدلله يا دودو وبجد شكرا ليكى بتسالى عليا يوميااا ربنا يخليكى ليا .
ديالا:انتو اخواتى يا حياه ومبسوطه انى اتعرفت عليكوو .
ديما:انا بصراحه حبيتك جدااا من كلامهم دايما عليكى يا ديالا وكان نفسي اشوفك .
ديالا:وانا جدااا والله كان نفسي اتعرف على الدكتورة ديما .
تمارا:واديكى يا ستى عرفتى طريق القصر وتقدرى تيجى وتورينا فى اى وقت .
ديالا:اكيد .
مروة:طب خلونا بقاا نتعشي الاول وبعدها نسهر براحتنا سوا .
مريم:خلونا نتعشي هنا والرجاله يتعشو برا .
زينه:فكرة حلوة تعالى يا جنه نحضر العشا ونعرفهم برا .
مريم:هاجى معاكو يلا .
زينه وجنه مريم راحو يحضرو العشا .
بعد شويا كان الكل بيتعشو الرجاله جوا القصر والبنات برا القصر وقضو وقت جميل جداا كله ضحك وهزار وديالا كانت مبسوطه جداا وهى فى وسطهم .
جاد كانت مضايق جداا لانه ماشافش حياه ابدااا .
جاد:فهد باشا لو سمحت خلى حد ينادى على ديالا عشان نمشى احنا بقااا .
اسر:خليك شويا يا جاد .
جاد:نستاذن احنا بقااا ونبقي نيجى مرة تانيه .
الخدامه دخلت عند البنات:انسه ديالا الباشمهندس جاد عايز يمشي .
ديالا قامت وقفت:انا لازم امشي بقااا ... وبجد اتبسطت جداا بالوقت اللى قضيتو معاكو .
تمارا:هنستناكى تيجى تانى يا ديالا .
ديالا:اكيد بجد انا حبيتكو جداااا .
ديالا سلمت على الكل وخرجت كان جاد مستنيها فى العربيه وباين عليه العصبيه واتحرك بسرعه رهيبه .
ديالا كانت مستغربه حالته وايه اللى حصل عصبه كدا بس ما حبيتش تتكلم معاه وتساله لانه اكيد هيرد عليها ببرود و هيعكر مزاجها وهى مبسوطه جدا بالوقت اللى قضيته فى قصر الفهد ومبسوطه اكتر انها اتعرفت عليهم لانها كانت مفتقده جو العيله المترابطه دى لان باباها ومامتها اتوفو وهى صغيرة وخالتها اللى هى اترتبت فى بيتها اتسجنت كمان وهى صغيرة وفضلت عايشه مع فريد وجاد اللى كان اغلب وقته مشغول فى شغله او مسافر .
بقلم الكاتبة جنات
ــــــــــــــــ★ــــــــــــــ
عدى اسبوع على الكل .
وجه يوم حفله افتتاح شركه جاد الجديده .
الافتتاح كان كبير جداا وحضره ضيوف كتير من بلاد مختلفه واصحاب شركات ضخمه ومعروفه فى العالم وده طبعااا لمكانه جاد فى عالم الهندسه .
جاد كان واقف فى استقبال ضيوفه وكان مستنى وصول الفهد وعيلته وبالاخص حياه وفهد اللى جاد كلمه بنفسه اكتر من مرة واصر عليه يجى ويجيب حياه معاه .
بعد شويا جاد ابتسم لما شاف عربيه الفهد اللى نزل ولف فتح الباب لتمارا اللى جت معاه ووراهم كانت عربيه فهد ومعاه حياه الى كانت لابسه فستان رقيق وكانت جميله فوق الوصف .
الفهد قرب من جاد:مبروك افتتاح الشركه الجديده يا باشمهندس .
جاد:الله يبارك فيك يا فهد باشا .
تمارا:الف مبروك .
جاد:اهلا تمارا هانم نورتينا والله يبارك فيكى .
تمارا:شكراا .
جاد:اتفضلو .
الفهد وتمارا دخلو .
فهد قرب من جاد وحضنه:مبروك يا جاد .
جاد:الله يبارك فيك يا فهد .
حياه:الف مبروك يا باشمهندس .
جاد:الله يبارك فيك يا باشهندسه .... الجمال ده كله بفضلك انتى وبفضل مجهودك .
حياه ابتسمت:الفضل مش ليا لوحدى ... الفضل كله يرجع لكل مهندس اشترك فى التصميم وتنفيذه .
جاد:اتفضلو .
فهد دخل هو وحياه وراحو للفهد وتمارا .
عربيه ادم وصلت ومعاه ديما وحور بنتهم .
ادم:مبروك يا باشمهندس .
جاد:الله يبارك فيك يا سياده الرائد .
ديما:مبروك .
جاد:الله يبارك فيكى .... اتفضلو .
ادم وديما دخلو وجاد عينه عليهم وافتكر مكالمه حازم ليه .
•• فلاش باااك ••
جاد:يعنى اللى اسمه اسامه كان تبع ادم ؟
حازم:ايوا يا باشا .... ومستسلمش بعد موت اسامه لا ده كلف حد تانى يدور على معلومات عنك عن والده حضرتك .
جاد:يبقي اللى اسمه ادم ده محتاج قرصه ودن عشان يحرم يلعب فى الخفا .
حازم:اؤمر يا باشا .
جاد:نعرف نقطه ضعفه .
حازم:اكيد بنته ومراته .
جاد:يبقي نستغل حد منهم عشان نضغط عليه ... استنى منى خبر وانا اقولك تعمل ايه .
حازم:تمام يا باشا .
•• بااااك ••
جاد عينه على ادم اللى واقف مع الفهد وعينه على مراته وبيتكلم معاها بحب .
جاد فى نفسه:شكلك بتحب مراتك جداا يا سياده الرائد ... لو قرصت ودنك عن طريقها هابقي اذيتك واذيت الفهد لانها حفيدته بردو ... حلو الكلام .
جاد عينه جت على حياه اللى واقفه وفهد محاوط خصرها وهو بيقولها حاجه وهى بتبتسمله بحب واضح جوا عينيها .
جاد كان بيحاول يتمالك اعصابه عشان محدش لاحظ وبدأ يتحرك وسط ضيوفه اللى بيباركو ليه على نجاحه فى مجال الهندسه بس عينيه بيتخونه وبتروح ناحيه حياه اللى واقفه مع فهد اللى ملازمها ومش بيبعد عنها ابداااا .
جاد بعد عن الناس وطلع فونه ورن على حازم اللى رد عليه بسرعه:خير يا باشا .
جاد:فهد يمشي من الحفله حالا باى طريقه .... وكمان نعطيه درس صغير يا حازم صغيييير فاهم .
حازم:من عيونى باشا .
جاد قفل وحط فونه فى جيبه وراح ناحيه المسرح وقرب من شاب وعطاه مايك .
جاد:احب ارحب بكل الضيوف اللى شرفونا النهارده فى حفلتى المتواضعه عشان يشاركونى نجاحى بافتتاح شركه جديده هتنضم لسلسله شركاتى حول العالم .... انا كان ممكن اكلف اصغر مهندس فى شركاتى ويقدر يصمم لى احسن وافخم شركه .... بس و انا فى ايطاليا سمعت كتير عن شركه الفهد ونجاحها الكبير فى مجال الهندسه وخبرتهم الكبيرة فحبيت انى اتعرف عليهم وبالفعل جيت مصر وقابلت الفهد بذات نفسه وكان شرف كبير ليا اكيد .... واول تعاقد ما بينا كان المنتجع اللى افتتحته هنا فى اسكندريه .... وتانى تعاقد ما بينا كان شركتى دى .... كنت مستغرب جدااا لما الفهد كلف مهندسه صغيرة عشان تصمم الشركه بس لما عرفت انها حفيده الفهد كنت متاكد ان التصميم هيكون حاجه عظيمه لان الكل عارف ان عيله الفهد ممتازة فى كل حاجه تقريبااا وفعلا لما شوفت التصميم انبهرت بجماله وعشان كدا انا بشكر شركه الفهد كلها على مشاركتهم فى نجاحى وشكر خاص لمهندسه العظيمه حياه على التصميم الاكثر من رائع ده .
كل الموجودين فى الحفله سقفو بقوة وعينيهم على الفهد .
بعد شويا وقت جاد قرب من التربيزة اللى قاعد عليها الفهد وعيلته .
جاد:يارب تكون الحفله خفيفه وعجبتك يا فهد باشا .
الفهد:حفله ظريفة .
جاد ابتسم ابتسامه مصتنعه وفون فهد رن ورد عليه:خلاص تمام انا جاى حالااا .
الفهد:فى ايه يا فهد ؟!!
فهد:الحارس بتاع الشركه بيقول انه حس ان فى حد جوا الشركه وكمان مكتبي كان نوره مفتوح .
ادم:طب تعالى انا هاجى معاك نشوف الحكايه ايه .
فهد:لا خليك انت ... انا هروح اشوف فى ايه وهابقا اقولك لو الموضوع كبير .
الفهد:خليك وكلم الحرس يشوفو الموضوع يا فهد .
فهد:مش مستهاله يا جدو .... انتو قاعدين ولا هتمشو ؟
الفهد:هنمشي شويا كدا .
فهد بص لحياه:حياه ابقي ارجعى مع جدو تمام .
حياه:حاضر خد بالك على نفسك .
فهد ابتسم:حاضر يا حياتى ... سلام .
جاد اتنفس براحه لما فهد مشي وفرح انه هيقدر يتكلم مع حياه شويا لوحدهم باى حجه بس اتفاجأ لما الفهد قام وقف .
الفهد:احنا هنمشي يا باشمهندس والف مبروك مرة تانيه .
جاد:لسه بدرى يا فهد باشا ده الحفله لسه فى اولها .
الفهد:كفايه كدا انا مش بحب جو الحفلات ده .
الفهد مشي ومعاه عيلته وخرجو من الحفله وركبو العربيات واتحركو .
بقلم الكاتبة جنات
ــــــــــــــــ★ــــــــــــــ
فهد راح الشركه وطلع على مكتبه وكان النور مفتوح فعلا بس ماكنش فى حد فى المكتب ولا فى الشركه كلهااا ولما شاف الكاميرات ماكنش فى حد ظاهر فيهم انه دخل او خرج من الشركه .
فهد خرج من الشركه وركب عربيته وكلمهم وعرف انهم راجعين على القصر .
فهد ركب عربيته واتحرك فى طريقه على يرجع على القصر .
فهد كان سايق العربيه وفجأه حس بخبطه قويه فى العربيه من الخلف وشاف عربيه كانت بتقرب منه بطريقه غريبه وبتخبط عربيته بقوه .
فهد كان بيحاول يبعد عنها بس مش عارف لانهم كانو ماشين بسرعه رهيبه وفهد للاسف اختل توازن عربيته ودخل فى عمود كهربا وراسه اتخبطت بقوة فى دركيسون العربيه وغمض عينيه بوجع من قوة الصدمه .......