رواية فتاة انحنت من أجل الحب
الفصل الخامس والاربعون 45 والسادس والاربعون 46
بقلم دودو محمد
🌹فتاة انحنت من أجل الحب🌹
🌷الفصل الخامس والاربعون 🌷
فى شقة توفيق
صرخت نبيله بصوت عالى وقالت
نبيله / بنتتتتتتى
امير / طلع يجرى على زهره وقعد يخبط على وشها ويقول بدموع زهره زهره فوقى وحياتى عندك ردى عليا زهره متسكتيش كده وشالها ونزل يجرى بيها
سامح ونبيله نزلو وراه امير وركبو معاه العربيه وراحو على المستشفى
ملك / بصت لعاطف بدموع وقالت استفدت ايه مدام كده كده هطلق ليه عذبتها ووصلتها تعمل كده فى نفسها
عاطف / انا بحب زهره يا ملك ومكنتش عايز ابعدها عنى بس لما لاقتها هتأذى نفسها طلاقتها بس قلبى واجعنى اوى عليها ومش عارف هقدر اعيش ازاى من غيرها
ملك / بس هى عمرها ما حبتك زهره بتحب امير وانت عذبتها كتير اوى لو بتحبها بجد سبها تعيش مع اللى بتحبه وتفرح قلبها وتعيش ايامها الجايه سعيده ومبسوطه مع اللى قلبها اختاره
عاطف / بصلها وقال انا مقدرش اعيش فى مكان واحد مع زهره واشوفها مع حد غيرى انا هصفى كل شغلى فى مصر و هسافر اكمل علاجى واعيش الباقى من حياتى هناك لو حابه تيجى معايا تعالى لو مش حابه وعايزه تعيشى هنا مش هحرمك من ولادك هخليهم معاكى وهسافر لوحدى
ملك / راحت وقفت قصاد عاطف ومسكت أيده وقالت انا مقدرش ابعد عنك يا عاطف منين ما تروح هروح معاك بس قبل اى حاجه عايزه اعرف عنوان امى واخواتى اروح ازورهم
عاطف / هقولك مكانهم بس تعالى نزلينى
ملك / بفرحه حاضر وقومته من على الكرسى وسندته ومسكت الكرسى فى ايديها التانيه وخرجت ملك مع عاطف من الشقه وقفلت الباب وراها ونزلت وهى مسنده عاطف ركبو العربيه وراحو على الفيلا
____________________________
فى المستشفى
دخل امير وهو شايل زهره وبيجرى ودموعه نازله منه ودخلها اوضت الكشف وشويه وجه الدكتور علشان يكشف عليها
امير / خرج من الاوضه وهو خايف وقلقان
نبيله / يا قلب امك يا بنتى مشوفتيش يوم حلو فى حياتك الدنيا جايه عليكى اوى
سامح / احنا السبب يا ماما احنا اللى قولنا ليها تتجوز عاطف ده
نبيله / انا مش هسامح نفسى ابدآ علشان انا اللى طلبت من البنأدم ده يتجوزها بس ربنا يعلم انا عملت كده علشان كنت خايفه عليها وعايزه أبعدها عن وجع القلب اتارينى حدفتها بأيدى فى وسط النار
وفى الوقت ده خرج الدكتور والكل طلع يجرى عليه
امير / خير يا دكتور طمنى
الدكتور / جرحت شريان ايديها بس مش غويط اوى بس سبب ليها نزيف بسيط وهى علشان ضعيفه جدآ مع الانهيار العصبى سبب ليها الاغماء ده
سامح / يعنى فيه خطر علي حياتها
الدكتور / انا خيط ليها الجرح وعلقت ليها محلول وشويه وهتفوق بس ياريت تهتمو بيها شويه فى موضوع الاكل وحاولو تخرجوها شويه من الضغوطات اللى مسببه ليها الانهيار العصبى ده
امير / حاضر شكرآ يا دكتور
الدكتور / العفو عن اذنكم وسابهم ومشى
سامح / ادخلى يا امى عندها ولما تفوق بلغينا
نبيله / ماشى يا حبيبى وفتحت الباب ودخلت وقعدت جنبها ومشيت ايديها على شعرها وقالت سلامتك يا حبيبتى حقك عليا يا ضنايا مكنتش اعرف ان كل ده هيحصل قومى يا زهره انتى خلاص بقيتى حره اتجوزى اللى بتحبيه امير هيعوضك عن كل الالم والدموع اللى شوفتيها فى حياتك انا عارفه انك بتحبى امير وعمرك ما كرهتيه وده كان عذاب ليكى اكبر من عذاب عاطف بس خلاص الموازين اتظبطت من تانى وهتبقى جنب اللى قلبك اختاره من زمان وبستها فى راسها وقعدت تمشى ايديها على شعرها
____________________________
مرت شهور على طلاق زهره بدون احداث تذكر
زهراء / اتحسنت صحتها ونزلت الشركه من تانى مع امير وبدأت ترجع ليها ضحكتها من تانى وحبها لامير بيزيد كل يوم اكتر من اللى قبله
امير / عايش سعيد ومبسوط بوجود زهره جنبه وبيحاول يخرجها من الحاله اللى كانت فيها ومأجل طلب الجواز لحد ما زهره تبقى حالتها الصحيه احسن من الاول
شريف ولميس / عايشين اسعد أيامهم مع بعض ولسه محصلش حمل
ريم ومحمود / ناقر ونقير تملى بس حبهم بيزيد اكتر من الاول وحامل فى تانى شهر ليها
سامح وروز / لسه روز مجنونه زى ما هى وخلصت امتحانات ومنتظره النتيجه بتموت فى سامح بس بتتغاظ من حركاته معاها وسامح كالعاده تقيل جدآ بيحب روز جدآ جدآ لكن بيتغاظ من دلعها وعدم سمعنها الكلام وكان تملى معاها لحظه بالحظه فى أيام الامتحانات
جهاد واسلام / لسه اسلام بيحاول معاها علشان تسامحه بس هى رافضه تديه فرصه رغم حبها الشديد ليه وحاولت تبعد عنه فتره علشان تقدر تركز فى الامتحانات وحاليآ خلصت امتحاناتها ومتوتره وخايفه من النتيجه
عبير / قدرت فى الفتره دى تكون مجتهده فى دراستها وقربت جدآ جدآ من روز وجهاد وبتحاول تصلح العلاقه ما بين اسلام وجهاد وبتحاول تخلى سامح يسامحها ويثق فيها
عاطف وملك / سافر عاطف وملك ومعاهم الاولاد ليكمل علاجه ويبدأ حياته من اول وجديد هناك وبيحاول يقفل صفحة زهره لكن مقدرش ينساها ومش قادر يحب ملك رغم كل محاولاتها معاه ووقفتها جنبه فى اصعب أوقاته
أحمد وساره / خلصت ساره اخر سنه ليها فى الجامعه وجهزت هى وأحمد كل حاجه لجواز بيعشقو بعض لحد الجنون واليوم هو فرح أحمد وساره
_____________________________
اشرقت شمس صباح يوم جديد بنورها الساطع فى سماء العاصمه لتبدأ ساره بفتح عيونها على صوت تليفونها بصت فيه لاقته رقم احمد ابتسمت وردت عليه وقالت
ساره / صباح الخير
أحمد / يا صباح السعاده يا صباح الهنا يا صباح الحب الصافى
ساره / هههههههههه ايه ده كله يا ابنى
أحمد/ ابنك ايه يا ماما ده كلها كام ساعه وهتبقى نايمه فى حضنى
ساره / احمد بطل قلة ادب
أحمد/ لاء ده النهارده اليوم العالمى لقلة الادب
ساره / والله
أحمد / اسمعى منى بس ده النهارده هيبقى فيه زلازيل هههههههههههه
ساره / ههههههههههههه انت بجد مشكله
أحمد / طيب قومى يا قلب المشكله علشان تجهزى واخدك مركز التجميل
ساره / حاضر هقوم اجهز اهو
أحمد / بلؤم اجهزى بذمه ها
ساره / والله العظيم انت قليل الادب
أحمد / هههههههههههه سلام يا عمرى
ساره / قفلت السكه وبصت على التليفون بكسوف وضحكة وقالت قليل الادب بس دمه شربات بموووووووت فيه
وفى الوقت سمعت صوت زهره بتقول
زهراء / ههههههههه يا بت اجمدى كده
ساره / زوزو انتى هنا من امته
زهراء / من ساعة ما قولتى واتكلمت بصوت ساره هو قليل الادب بس دمه شربات وبمووووووت فيه هههه
ساره / هههههههه اتلمى يا غلسه
زهراء / هيييييييح اوعدنا يارب
ساره / ايه يا بت هو اخويه مش بيشبعك رومانسيه ولا ايه ده انتى بتحبى على نفسك
زهراء / بتوتر ا.ا ايه اللى انتى بتقوليه ده لاء طبعآ اخوكى رومانسى بس فى حدود الأدب
ساره / يا بت عينى فى عنيكى كده هههههههه
زهراء / ق.ق قومى يا غلسه اجهزى انا ماشيه
ساره / استنى هنا رايحه فين
زهراء / هسيبك تجهزى براحتك وانا هستناكى تحت وغمزت ليها وقالت اجهزى بذمه ها هههههههه
ساره / حدفتها بالمخده وقالت بس يا بارده
زهراء / هههههههههههه مجنونه وخرجت وقفلت الباب وراها
ولسه هتنزل قابلت امير فى سكتها على السلم
امير / صباح الحب رايحه فين كده
زهراء / صباح النور نزله استنى ساره تحت
امير / بغمزه طيب ما تيجى استنيها عندى فى الاوضه
زهراء / ضربته على صدره وقالت اتلم يا أمير
امير / قلب امير من جوه امته بقى نتجوز هموت واخدك فى حضنى
زهراء / احم ا.ا انا نازله
امير / مسكها من دراعها وقربها ليه وبص فى عينيها وقال بجد يا زهره امته هنتجوز انا خلاص مش قادر على بعدك اكتر من كده
زهراء / ا.ا امير س.س.سيب دراعى
امير / انا من ساعة ما اطلقتى من عاطف ومش عايز اكلمك فى موضوع الجواز قولت لحد ما صحتك تتحسن وتقدرى تنسى الفتره اللى عدت عليكى بس انا صبرت كتير يا زهره ارجوكى بلاش بعد اكتر من كده
زهراء / بدموع يعنى انا مش عايزه يا أمير انا بتمنى اكتر منك بس لحد دلوقتى اعصابى تعبانه من اللى كان بيحصلى مع عاطف مش قادره انسى كل يوم بشوف كوابيس وبيبقى عاطف فيها انا تعبت يا أمير ونفسى اقدر اعيش طبيعيه زى اى واحده فى سنى
امير / صعبت عليه زهره شدها فى حضنه وباس راسها وقال خلاص يا زهره أهدى مش مستعجل عليكى خدى وقتك وريحى اعصابك وانا جنبك علطول وفى اى وقت هتحتاجينى هتلاقينى جنبك ومعاكى
زهراء / انا عارفه انك بتضغط على نفسك جامد بسببى بس والله يا أمير مش بأيدى ومش عايزه اتسرع ونتجوز وتعب اعصابى يأثر على علاقتنا بعد الجواز
أمير / مسك وشها بين ايديه وضحك وقال كفايه عليا اشوف العيون الجميله دى وهى فرحانه مش عايز اى حاجه من الدنيا دى تانى
زهراء / ضحكت ومسكت أيده وقالت ربنا يخليك ليا
أمير / ويخليكى ليا يا نور عنيا بحبك يا زهره
ساره / ده على اساس ان اخويه مش مشبعك رومانسيه ههههههههه
زهراء / اتوترت وقالت اتلمى يا ساره
امير / مين اللى قال كده
ساره / هيييييح واحده كانت بتحب على نفسها من شويه وبتدعى ربنا يوعدها هههههههههه
زهراء / كده وربنا ما انا سيباكى وطلعت تجرى وراها
ساره/ يخربيتك انا عروسه وفرحى النهارده
زهراء / انتى عروسه انتى عرسه مش عروسه لازم اطلع روحك فى ايديه وقعدو يجرو وراه بعض وامير يضحك عليهم وفرحان بضحكة زهره وشويه ووصل احمد اخد ساره ومشى
_____________________________
فى شقة شريف
صحيت لميس من نومها وقعدت تبص على شريف وهو نايم بحب ومشيت صوابعها على خده وقربت منه وبسته بوسه خفيفه وقعدت تلعب فى شعره
شريف / حس بأيد لميس فى شعره فتح عينه وقال صباح الخير
لميس / صباح النور يا حبيبى
شريف / لسه هيقوم من على السرير
لميس / مسكته من دراعه وقالت بأستغراب مالك يا شريف
شريف / اتنهد وقال مفيش
لميس / وانا عبيطه عنك يا شريف انت متعصب من حاجه
شريف / قعد وحط أيده على وشه وقال انتى يا لميس
لميس / انا ليه عملت ليك ايه
شريف / حبك ليا هو سبب زعلى مش قادر اعوضك الحب والحنيه بتاعتك مش عارف احقق ليكى امنيتك زى اى واحده حاسس أن انا عاجز متكتف مش قادر اخليكى ام يا لميس
لميس / قامت من على السرير وراحت قعدت على ركبتها قدامه ومسكت وشه بأيديها وبصت فى عنيه وقالت انت فرحتى يا شريف حنيتك عليا بكل الدنيا انت جوزى وابويه وأخويه وابنى انت كل حاجه ليا فى الدنيا دى انا مش مستعجله على موضوع الحمل ده احنا لسه متجوزين بقالنا شهور لسه العمر قدامنا اتعالج براحتك وانا معاك حتى لو محصلش نصيب انا معاك وجنبك وعمرى ما هسيبك لأنك انت عمرى ومقدرش اعيش من غيرك انت سندى وضهرى وانت مضحكتش عليا قولتلى كل حاجه قبل الجواز وانا قبلت يبقى انت ملكش ذنب فى حاجه انا قابله بأى حاجه مدام جنبك وفى حضنك انا بعشقك يا شريف انت معنى الحياة بالنسبه ليا وحطت راسها فى حضنه
شريف / بدموع انا بتعذب علشانك يا لميس نفسى افرحك واخليكى ام
لميس / لفت دراعها حاولين شريف وقالت الحاجه دى مش بأيدى ولا بأيدك الحاجه دى بأيد ربنا احنا مش فى ايدينا حاجه غير ندعى ربنا وهو قادر على كل شئ وبعدين يا شيفو افرض انا اللى مش بخلف كنت هتسيبنى وتروح تشوف واحده تانيه
شريف / لاء طبعآ مقدرش اكون لحد غيرك انتى عمرى كله لو فيكى ايه
لميس / خلاص يا شيفو وانا زيك يبقى بلاش ننكد على روحنا بقى قوم يلا خد شاور كده وروق وبسته فى خده ولسه هتقوم
شريف / شدها وقال طيب ما تيجى
لميس / ها اجى ايه
شريف / بغمزه تعالى نكمل موضوعنا على السرير
لميس / دلوقتى يا شريف قوم يا حبيبى ربنا يهديك ووقفت ولسه هتمشى
شريف / شدها ونيمها على السرير وقال ده احلى حاجه لما يكون على الريق وقرب منها
لميس / بدلع شريف بس بقى
شريف / بصوت لميس المدلع شريف بس بقى ده انتى صوتك بيقول انك عايزه وبثلث كمان هههههههههه
لميس / ههههههههههههه
شريف / ايوه بقى وقرب منها وبسها و(سكتت شهرزاد عن الكلام الغير مباح 😉😉)
_____________________________
فى شقة توفيق
فى اوضت سامح
صحى سامح من نومه وبص على الساعه فى التليفون وبعدين طلب رقم روز وانتظر الرد
روز / بزعل الو
سامح / مالك يا اخرت صبرى
روز / مفيش
سامح / مفيش ايه بس انا حافظ الصوت ده صم قولى يا اختى واشجينى
روز / انا خايفه من النتيجه وقلبى هيوقف عليا ومش بنام وانت حضرتك ولا همك نايم وبتشخر ولا على بالك
سامح / لسه بدرى على النتيجه ورجعت معاكى كل الامتحانات ولاقتك بسم الله ماشاءالله الاجابات كلها صح اعملك ايه يعنى اجى اعيط جنبك ولا اصوت ولا انتحر وارتاح من الغلب ده
روز / لاء ولا ده ولا ده انت اصلا مبقتش تحبنى زى الاول
سامح / اتنهد ومسح بأيده على وشه وقال هو يعنى مينفعش يوم يعدى علينا من غير ام الاسطوانه دى وام النكد المستمر ده
روز / اه ما انا واحده نكديه خلاص مبقتش اعجب الله يرحم لما كنت هتموت عليا
سامح / تصدقى اقسم بالله رغم انك اتولدى وتربيتى فى أمريكا بس سبحان الله جواكى ست مصريه اصيله تقوليش كلكم نسخه واحده وعرق النكد عندكم بالوراثه
روز/ هه خفه وانت بسم الله ماشاءالله عليك برميل غلاسه وتناكة ولا مبالاة اهو انت بقى راجل مصرى اصيل
سامح / يخربيتك نفسى مره اصحه على كلمة صباح الخير يا حبيبى زى اى اتنين مخطوبين إنما انتى تصبحى عليا بالنكد وتمسى عليا بالنكد انا خلاص تعبت حاولت اصلح منك كتير لكن انتى ولا هنا اللى فيكى فيكى
روز / بدموع خلاص مدام انت شيفنى كده طلقنى انت خلاص مبقتش تحبنى زى الاول
سامح / روز اقفلى يا حبيبتى بلاش لعب عيال
روز / بعصبيه انا مش عيله يا سامح بلاش كل شويه تقولى لعب عيال لعب عيال مدام انت شيفنى عيله هتتجوزنى ليه ها
سامح / شوفى نفسك بتعملى ايه وانتى هتعرفى ليه بقولك كده
روز / ماشى يا سامح سلام وقفلت السكه فى وشه
سامح / حدف التليفون جنبه وقام قعد وحط راسه ما بين ايديه وقال بعصبيه خلاص انا تعبت كل يوم حرقة دم ووجع قلب واللى فيها فيها
نبيله / دخلت عنده علشان تصحيه شافته كده قالت مالك يا حبيبى
سامح / مفيش يا ماما
نبيله / لاء شكلك بيقول فيه حاجه متخانق مع روز برضه
سامح / اتنهد وقال ايوه يا امى كالعاده انا تعبت بجد مبقتش عارف اعمل ايه معاها مدلعه اوى وبحاول اغيرها لكن هى مش قابله التغير ده
نبيله / معلش يا حبيبى استحمل انت بتحبها ومتقدرش تعيش من غيرها وهى برضه لسه صغيره ولو مكانتش تدلع عليك هتدلع على مين خليها تعيش سنها وتفرح وانت بلاش تقفش عليها كده خلى صدرك واسع وروحك طويله الستات عايزه الراجل الحنين عليها يفهمها من غير ما تتكلم يتقبل تقلبتها المزاجيه يشاركها كل أفكارها يهديها وقت ما تكون متوتره ويحتويها وقت زعلها ويفرح وقت فرحها انتو نصين مكملين بعض لازم تكون روحكم طويله اليوم اللى بيعدى من عمركم مش هيرجع تانى عيشو ايامكم بحب وسعاده ربنا يفرح قلوبكم ويهديكم يارب وخرجت وسابته فى الاوضه
سامح / اتنهد وبص على أمه وهى خارجه ومسك تليفونه علشان يتصل بروز لاقه تليفونها مقفول اتنهد وقال ربنا يهديكى يا روز مجنونه وجننتينى معاكى بس بحبك ومقدرش اعيش من غيرك وحط التليفون على السرير وقام خرج من اوضه ودخل الحمام
_____________________________
فى فيلا امير
فى اوضت ريم ومحمود
صحيت ريم من نومها قبل محمود وبصت عليه وهو نايم ومره واحده عيطت وصرخت وقالت
ريم / عاااااااا محموووووود
محمود / قام قعد بخضه وقال ايه ايه فيه ايه حصلك حاجه اللى فى بطنك كويس
ريم / عاااااااا انا قومت لاقيتك نايم ومدينى ضهرك لدرجاتى بقيت تقرف منى عاااااااا
محمود / اللى هو ازاى حضرتك ما انا جيت اخدك فى حضنى بليل قولتيلى ابعد عنك مش قادره تستحملى ريحتى
ريم / عاااااااا وانت ما صدقت صح ايوه ما انت خلاص مبقتش تحبنى واكيد شوفت واحده غيرى احلى منى انا غلطانه أن وافقت عليك من الاول وحبيتك عاااااا
محمود / فيه ايه يا ريم انتى صاحيه من النوم تقولى شكل للبيع
ريم / عااااااا وكمان شيفنى واحده نكديه عاااااااا
محمود / لاء يا حبيبتى انتى زى العسل وقمر وانا اللى نكدى ومش وش نعمه حلو كده
ريم / عاااااا وكمان بتخدنى على قد عقلى شيفنى مجنونه عاااااا
محمود / يا دين النبى طيب قوليلى عايزانى ازاى وانا تحت امرك
ريم / قعدت تشم بمناخرها وقالت الله ريحت فسيخ عايزه اكل فسيخ
محمود / بصلها بصدمه وفتح بؤقه وقال ها
ريم / يلا بقى يا حوده انا جعانه وعايزه اكل فسيخ وحطت ايديها على بطنها وقالت لا مش انا ابنك اللى عايز فسيخ
محمود / انتى بتقولى ايه هجيب منين البتاع المقرف ده
ريم / من عند انتن بتاع فسيخ عايزه فسيخ من اللى هو ريحته وحشه
محمود / يخربيتك انتى الحمل جننك على الاخر
ريم / عااااااا وكمان طلعت بخيل انا بكرهك يا محمود بكرهك
محمود / بس بس انسدى هقوم اجبلك زفت الطين
ريم/ ضحكة وقالت حبيبى يا حوده بسرعه الله يكرمك احسن ابنك يطلع راس فسيخه هههههه
محمود / اللهى يجيبو ويحطو عليكى يا بعيده ولبس الجاكت على الشورت وفتح الباب
ريم / هتنزل حافى يا حوده البس شبشبك
محمود / بص على رجله وبعدين بص لريم وقال منك لله ودخل لبس شبشب ونزل
زهراء / بصت على محمود وضحكت وقالت مالك شعرك منكوش كده وشكلك يضحك
محمود / لا ولا حاجه اختك الحمل جننها وهى جننتنى معاها
زهراء / ههههههههه ريم دى ست العاقلين
محمود / على يددددددددى بأمارة ما هى عايزه تاكل فسيخ ومن عند انتن واحد وتكون ريحته وحشه
زهراء / ههههههههههههههه
محمود / بتضحكى اشوف فيكم يوم ما انا كنت عايش ومقضيها لازم اتنيل على عين اللى خلفونى واتجوز
زهراء / هههههههه ما انت كنت هتموت عليها دلوقتى بقت وحشه
محمود / ياريتنى كنت موت ولا شوفت يوم زى ده انا اروح عند بتاع فسيخ اه يا زهرة شبابك اللى اتفسخت يا محمود عن اذنك يا اختى وسابها ومشى
زهراء / هههههههههههههه
امير / بأستغراب بتضحكى على ايه
زهراء / حكت لامير على محمود وريم وهى مش قادره تمسك نفسها من الضحك
امير / هههههههههههه احسن خليها تربيه
زهراء / ههههههههه والله صعب عليا ده اتبهدل خالص يا عين امه هههههه
امير / ربنا يكرمنا انا وانتى وساعتها لو طلبتى منى حته من السما هجبها ليكى
زهراء / احم ا.ا أن شاءالله
امير / وقفه ليه اقعدى
زهراء / احم ه.ه.هروح اشوف خالتى امينه بتعمل ايه
امير / امى فى اوضتها اقعدى معايا شويه
زهراء / قعدت وبصت على الأرض
امير / اموت واعرف ليه بتتكسفى لما اكون قاعد معاكى احنا متربين مع بعض بس مكنتيش كده
زهراء / احم زمان غير دلوقتى احنا دلوقتى كبرنا
امير / رفع وشها وقال هتفضلى زوزو العيله الصغيره اللى قعدت تكبر قدام عينى
زهراء / بصت فى عنيه وقالت مفيش حاجه بتفضل زى ما هى ياريت كنت فضلت زهره العيله الصغيره اللى كان كل همها تشترى فستان جديد يكون حلو عليها
امير / طول عمرك هتفضلى العيله الصغيره الشقيه بضحكتها اللى كلها حيويه ونشاط واللى بتبقى زى الفراشه الطايره وهى فرحانه ومبسوطه هتفضلى زوزو بنت قلبى
زهراء / ضحكت ليه بكسوف
امير / قرب منها وبص على شفايفها ولسه هيبوسها دخل محمود وهو ماسك مناخيره
زهراء / زقته ورجعت لوراه ورجعت شعرها وراه ودنها وهى متوتره
امير / غمض عينه وداس على سنانه وقال لنفسه يخربيت رخمتك ده وقت تيجى فيه
محمود / هو انتو بتعملو ايه
امير / بغيظ وانت مالك وبعدين ايه الريحه المعفنه دى ده كأنها ريحة ميت بقاله اسبوعين ميت
محمود / وهو ماسك مناخيره قربه لامير وقال فسيخ منتن شم
امير / الله يقرفك ابعد البتاع ده عنى
زهراء / مسكت مناخيرها وقالت لاء بجد الريحه فظيعه انت جايبه منين
محمود / من انتن واحد فيكى يا مصر يلا خليها تاكله وتتكل على الله والواحد يرتاح من الجنان الرسمى ده
زهراء / بعد الشر على اختى
محمود / ربنا ينتقم منك ومن اختك على ريحة الميت ده وسابهم وطلع
امير / بص لزهره واتفتحو فى الضحك على محمود
محمود / طلع ودخل الاوضه بالفسيخ وقال جبت ليكى القتيل اهو
ريم / عاااااااا ايه الريحه المنتنه دى اطلع بيها برررررره وطلعت تجرى على الحمام وقعدت ترجع
محمود / لا إله إلا الله مش انتى اللى طلبتيه
ريم / عااااااااااا اطلع بره بيه يا محمووووووود
محمود / قربه منها وقال طيب شمى ريحته منتنه اهى زى ما انتى عايزه
ريم / زقت أيده بالفسيخ ورجعت وقالت همووووووت اطلع بره يا ابن المبقعه
محمود/ تصدقى ميطمرش فيكى الخير ابدآ انا غلطان أن سمعت كلامك
ريم / عااااااااااا
محمود / خلاص خلاص دى جوازه سوده على دماغى وخرج من الاوضه ونزل بيه
زهراء / ايه مرضتش تاكله
محمود / لاء وعماله ترجع فوق تقوليش جبت ليها سم
امير / ده السم ارحم من ام البتاع ده روح ارميه فى اى مصيبه
محمود / اه يا صغير على الهم يا انى اه اللى اتبهدلت على ايد ريم يا انى وخرج يرمى الفسيخ
امير وزهراء/ ههههههههههههههه
_____________________________
انتهى اليوم وبدأت المعازيم تتجمع فى القاعه ووصل احمد وساره وبدأت الزفه والكل رقص فيها وكان سعيد ومبسوط وبعد وقت انتهت ودخلو ساره وأحمد القاعه وطلب منهم الدجى يبدأو الرقصه السلو
أحمد / اخيرآ جه اليوم اللى بحلم بيه انا مش مصدق نفسى
ساره / بكسوف بصت على الارض
أحمد / رفع وشها وبص فى عينيها وقال مبروك يا احلى مخلوقه على الأرض مبروك يا ملاكى
ساره / بكسوف الله يبارك فيك
أحمد / طالعه زى القمر ربنا يخليكى ليا ويقدرنى واخليكى اسعد واحده فى الدنيا دى
ساره / بكسوف انا فعلا اسعد واحده فى الدنيا دى علشان مراتك
أحمد / بجد يا ساره يعنى مش هتندمى فى يوم انك اتجوزتينى
ساره / عمرى يا احمد انت نعمه من عند ربنا بعتها ليا ولو قعد عمرى كله اشكر ربنا عليها مش هوفيك حقك
أحمد / بحبك يا اغلى ما ليا فى الدنيا دى
ساره / وانا كمان
أحمد / وانتى كمان ايه
ساره / ب.ب.بحبك
أحمد/ شالها وقعد يلف بيها والكل سقف ليهم وقعدو يصفرو ليهم وشويه ونزلها وبسها فى راسها وكملو الرقصه
والدجى طلب من الكابلز يشاركهم الرقصه
عند شريف ولميس
لميس / فاكر فرحنا يا شيفو
شريف / عمرى ما اقدر انساه ده اليوم ده اللى اتولد فيه من جديد على ايدك
لميس / بحبك اوى يا شيفو
شريف / وانا بعشقك ياروح شيفو
لميس / انا معاك بحس أن اسعد واحده على الأرض بحس أن انا معايا كنز كبير اوى اوى اللى هو انت يا شريف
شريف / كتير عليا والله انا لما بسمع كلامك ده بحس ان انا طاير فى السما من الفرحه
لميس / ربنا يقدرنى واخليك تملى سعيد ومبسوط كده
شريف / ضحكتك هى سعادى الحقيقيه يا لميس
لميس / اترمت فى حضنه وقالت بمووووووت فيك اوى اوى يا شريف
شريف / بسها فى راسها وقال وانا بعشق التراب اللى بتمشى عليه يا روح شريف وكملو الرقصه
عند سامح وروز
سامح/ مش ناويه تفكى التكشيره دى بقى
روز / لاء انا اصلا مكنتش عايزه اجى معاك بس دادى هو اللى غصب عليا
سامح / يا روز انا معملتش حاجه لكل ده انا عارف انك مضغوطه بسبب النتيجه بس ده مش ذنبى انا بحاول على قد ما اقدر اخفف عليكى واطمنك
روز / مش دى المشكله يا سامح المشكله انك عصبى عايز الكلمه بتاعتك تتسمع وتتنفذ من غير نقاش عايز تكون سى السيد وانا امينه المنكسره مبقتش حنين عليا زى الاول انت وعدنى انك هتخلينى سعيده ومبسوطه لكن أنا معاك العكس علطول بنام ودموعى على خدى علطول بقيت حزينه حاسب عليا انفاسى متتكلميش متضحكيش كده ما تهزريش كده متقوليش كده محسسنى ان انا طفله بجد وانت واصى عليا
سامح / ياااااه يا روز كل ده فى قلبك ليا
روز / ايوه يا سامح انا تعبت بجد بلاش تشوفنى فى عينك البنت اللى متربيه فى أمريكا وحيدة ابوها وامها ومدلعه علطول علشان انت مدام شيفنى كده عمرنا ما هنتفق شوف روز اللى انت حبيتها واتعلقت بيها شوفنى انسانه نضجه وكبيره شوفنى بشكل تانى ارجوك
سامح / حضنها وبسها فى راسها وقال حقك عليا ياروز حقك عليا بجد يمكن فعلا انا اللى كنت غلطان فى حقك وهحاول اصلح الغلط ده بس اللى عايزك تعرفيه أن انا بحبك بجنون ومهما حصل عمرى ما اقدر اكرهك
روز / لفت أيدها حاولين وسط سامح وحضنته جامد وقال وانا بموت فيك ومهما تعمل فيا بعشقك اكتر واكتر
سامح / عقبالنا بقى لما نتجوز ونروح شقتنا
روز / بزعل لسه كتير اوى معرفش ليه مصمم انت ودادى أن الجواز بعد ما اخلص جامعه ما ناس كتير بتتجوز وهى بتدرس عادى
سامح / علشان الجواز مسؤوليه وعايز تفرغ تام علشان لما ربنا يكرمنا بأطفال تقدرى تخدى بالك منهم
روز / بس بعيد اوى يا سامح
سامح / انا مستعجل اكتر منك بس ده لمصلحتك انتى
روز / ماشى
سامح / خلاص مش زعلانه
روز / هزت راسها بمعنى لاء وقالت مقدرش ازعل منك علشان بحبك
سامح / حضنها وقال ربنا يخليكى ليا وكملو رقص
عند ريم ومحمود
محمود / بحبك يا مجننانى
ريم / وانا بموت فيك يا حوده مع انك بتزعلنى كتير بس انا قلبى كبير وبسامح
محمود / لا والله انا اللى بزعلك ما علينا المهم انك هاديه الحمدالله
ريم / بعصبيه ليه شيفنى ببقى مجنونه وبشد فى شعرى ولا بخبط راسى فى الحيطه
محمود / لاء بتطلعى بس طلعات مجنونه بس بتبقى قمر فى كل حالاتك حتى وانتى متعصبه
ريم / بهدوء بحبك يا حوده
محمود / بصوت واطى يا منجى من المهالك يارب وضحك ليها بتوتر وقال وانا بموت فيكى يا قلب حوده
ريم / بقولك ايه ما تيجى ونجيب مليجى
محمود / بصلها وقال نعم
ريم / ما تيجى نستحمو ونجيب حمو
محمود / حط أيده على دماغها وقال شكلك بتخرفى يا حبيبتى
ريم / بغمزه تعال يا ولا مش هتندم
محمود / هو الحمل ده عملك تخلف عقلى ولا ايه يا بنتى ده ايه الجوازه السوده دى ياربى
ريم / والله انت اللى خسران كنت هعيشك ليله ولا الف ليله وليله
محمود / انا خايف اصدقك يكون الراجل اللى بيضرب بالسيف ده اللى اسمه مسرور يبقى مستنينى هناك فى الاوضه ما انتى ملكيش امان يا حبيبتى
ريم / اخس عليك يا حوده بقى انا كده لالالا انا زحلانه
محمود / انتى ايه يا اختى
ريم / زحلانه
محمود / لالالا انتى الحاله دى ميتسكتش عليها ابدآ
ريم / طيب ما تجيب بوسه
محمود / نهارك اسوح انتى انحرفتى ولا ايه بوسه يا سعديه وشربتى حشيش ولا لسه يا سعديه
ريم / بصوت عالى ههههههههههههههه
محمود / الله البوكس بتاع الاداب يحضر حالا مراتى انحرفت يا جدعان
ريم /اخس عليك هو انا علشان فرحانه شويه تتريق عليا كده
محمود / ما المصيبه انا عارف ايه اللى هيحصل بعد الفرحه دى هتقلب بعياط طول الليل وابعد عنى علشان مش طايقه ريحتك تحسى ان عندك انفصام فى الشخصيه الصبح شخصيه وبليل شخصيه تانيه خالص
ريم / هرمونات الحمل بقى يا حوده
محمود / وحوده تحت امر ام الهرمونات يا قلب حوده من جوه
ريم / حضنته وقالت بحبك يا ابن الورمه
محمود / هعيط وربنا من كتر الرومانسيه يا بركة دعاكى يا امه وضمها فى حضنه وقال بعشق امك يا بنت المجنونه وبسها فى راسها وقعد يرقصو
عند جهاد
كانت قاعده بتتفرج عليهم وهما بيرقصو وشافت حد بيمد أيده ليها رفعت راسها وبصت لفوق لاقته اسلام بصت ليه وبصت لايده وقالت
جهاد / اسفه مش برقص مع حد غريب
اسلام / وانا مش غريب انا هبقى خطيبك وجوزك
جهاد / ده فى المشمش مين ضحك عليك وقالك كده
اسلام / شاور على قلبها وقال قلبك وشاور على عينيها وقال وعنيكى
جهاد / اتوترت وقالت ا.ا.احلم بقى براحتك انت حر ولسه هتمشى
اسلام / مسكها من دراعها وقرب منها وقال خلاص بقى يا جهاد سامحينى شوفى بقالى قد ايه بطلب منك السماح
جهاد / وايه غصبك
اسلام / حبى ليكى اللى غصبنى يا جهاد مش قادر اشوف غيرك اقسم بالله بحبك ومستعد اروح اقولها فى المايك لناس دى كلها
جهاد / اسلام بلاش جنان وشغل العيال ده
اسلام / طيب سامحينى
جهاد / ممكن تسيب دراعى
اسلام / حاضر هسيبه بس قبل ما اسيب دراعك قولى انك مسمحانى
جهاد / لوى دراع يعنى
اسلام / لاء بالحب والرضا
جهاد / اتنهدت وبصت الاتجاه التانى وعينيها كلها دموع
اسلام / مد أيده وسحب وشها ليه وبص فى عينيها وقال وحياة اغلى حاجه عندك بلاش الدموع اللى فى عينيكى دى ولو انا مضيقك وهكون سبب لدموعك انا مستعد ابعد عنك نهائى حتى لو فيها موتى
جهاد / بلهفه بعد الشر عليك واخدت بالها انها اندفعت غمضت عينيها وقالت بتوتر س.س.سيب دراعى لو سمحت
اسلام / بفرحه مدام انتى لسه بتحبينى وخايفه عليا كده ما تسامحينى وننسى اللى فات ونبدأ بصفحه جديده بيضه مفيهاش غير الحب والاحترام ما بينا
جهاد / بصت ليه وقالت انا تعبت يا اسلام لا قادره انساك واكرهك ولا قادره اسامحك على الوجع اللى عيشته بسببك
اسلام / انا اسف بجد انا واحد غبى وحمار ومش بفهم أن عملت كده
جهاد / بلاش تشتم نفسك ارجوك
اسلام / هتسامحينى طيب
جهاد / بصت ليه شويه وسكتت وبعدين قالت هسامحك بشرط
اسلام / بفرحه بجد موافق على اى شرط تقوليه انشالله لو طلبتى منى ارمى نفسى فى البحر
جهاد / لاء مش لدرجاتى بص انا هسامحك لو نجحت وجبت المجموع اللى يدخلنى الكليه اللى انا عايزاها
اسلام / بصدمه وافرضى مجاش المجموع ايه هيبقى وضعى
جهاد / معرفش شوف انت بقى
اسلام / بفرحه لالالا انا واثق انك شاطره وهتجيبى المجموع اللى انتى عايزه انا مش مصدق نفسى حاسس أن بحلم بجد بعشقك يا جهاد
جهاد / بصت ليه وضحكت وسحبت دراعها من أيده وسابته ومشيت
عند عبير
كانت ماشيه بتبص حاوليها بدور على حسام وهى بتبص وراها خبطت فى حسام ووقعت عليه المايه
عبير / بتوتر ا..ا.اسفه وبعدين قالت بصدمه انت
حسام / لاء بقى ده انتى مستقصدانى
عبير / لاء بجد والله مكنتش اقصد اخبطك غصب عنى وعلى العموم انا اسفه ولسه هتمشى
حسام / استنى هنا انتى صدقتى يا بنتى انا بهزر متبقيش قفوشه كده
عبير / بس والله مكنتش اقصد
حسام / يا بنتى مصدقك انتى قولتى ليا اسمك عبير صح
عبير / هزت راسها وقالت ايوه
حسام / ده انا مش قادر انساكى من المره الفاتت صورتك تملى قصاد عينى
عبير / بكسوف ع.ع عن اذنك
حسام / على فكره انا بتكلم بجد وده عمره ما حصلى معرفش ايه جرارى من ساعة ما شوفتك فى الفرح اللى فات وكنت بدعى ربنا ان اشوفك تانى وقولت لو شوفتك تانى همسك فيكى بأيدى وسنانى ومش هسيبك تمشى تانى
عبير / قعدت تدعك ايديها فى بعض من التوتر وبصت على الأرض وقالت بكسوف م.م.مش عارفه اقولك ايه بصراحه
حسام / قولى انك حسيتى بحاجه من نحيتى انتى كمان
عبير / احم ا.ا انا لازم امشى
حسام / استنى هنا مش هسيبك تمشى الا لما تجوبى على سؤالى الاول
عبير / ل ل لو سمحت بلاش تكسفنى اكتر من كده
حسام / طيب افهم ايه يعنى حاسه ولا مش حاسه
عبير / احم ز.ز.زيك عن اذنك وسابته ومشيت
حسام / بفرحه زيك يا عبير يا بت استنى طيب هاتى رقم حد من أهلك
عبير / احم انا معنديش غير اخويه اللى واقف هناك ده عن اذنك وطلعت تجرى
حسام / بص على اسلام وقال ومالو نروح نكلم اخوها وراح عند اسلام وقال السلام عليكم
اسلام / بأستغراب وعليكم السلام ايوه حضرتك
حسام / انا واحد معجب بأختك وكانت عايز اتقدم ليها
اسلام / بأستغراب اختى وشوفتها فين
حسام / فى كتب الكتاب بتاع ساره ما انا ابقى ابن عمها
اسلام / اه اهلا وسهلا
حسام / اهلا بيك ها قولت ايه بقى
اسلام / مينفعش الكلام هنا وطلع كارت وقال ده فيه ارقامى ابقى كلمنى ونتفق على ميعاد تيجى تتقدم فيه
حسام / اخد الكارت وقال إن شاءالله عن اذنك وسابه ومشى
عند زهراء
كانت بدور بعينيها على امير بس كانت مش شيفاه ومره واحده انطف النور وسمعت صوت امير بيقول
امير / زهره انا بحبك بعترف إن غلط فى حقك كتير ووجعتك وظلمتك كتير بس كان من حبى فيكى غيرتى كانت عامينى كنت ببقى واحد تانى لمجرد ما اشوفك مع حد غيرى بس حبك عمره ما قل فى قلبى بالعكس كان بيزيد كل يوم اكتر من اللى قبله انا من غيرك بضيع انتى النفس اللى بتنفسه انتى دقات قلبى انتى الدم اللى بيجرى جوه شريانى انتى زهرة حياتى انتى الحياة يا زهره انا بتقدم ليكى قدام الناس كلها وبوعدك أن عمرى ما هزعلك ولا انزل دمعه من عنيكى هيبقى كل همى ارسم الضحكه على شفايفك هكون سندك وضهرك هكون ليكى الزوج المخلص اقبلى يا زهره ومش هتندمى عمرك بلاش فراق اكتر من كده بلاش نضيع يوم تانى فى البعد والنور نور وراح عندها وقعد على ركبه وفتح علبه قطيفه حمرا وقال تتجوزينى
زهراء / دموعها نزلت منها وبصت ليه وقالت ............
_____________________________
بقلمى دودومحمد
🌹فتاة انحنت من أجل الحب 🌹
🌷الفصل السادس واربعون 🌷
فى فرح أحمد وساره
اتقدم امير لزهره قدام الكل وانتظر الرد عليه وقال
أمير /زهره تتجوزينى
زهراء / دموعها نزلت منها وبصت ليه وقالت امير
امير / قطعها وقال وافقى يا زهره ارجوكى وانا اوعدك أن هنسيكى كل اللى فات
زهراء / حطت ايديها على بؤقها وبصت على الناس اللى واقفه منتظره منها الرد وبصت على ساره لاقتها بتشاور ليها انها توافق وبصت لاخواتها اللى واقفين منتظرين ردها وريم اللى بتشاور ليها توافق وبصت لامير تانى وبدموع هزت راسها بمعنى موافقه
امير / مصدقش نفسه ودموعه نزلت منه وقال بجد موافقه يا زهره
زهراء / هزت راسها تانى بمعنى موافقه وقالت ايوه يا أمير موافقه
امير / اخد الخاتم من العلبه ولبسه ليها وقرب من ايديها وبسها برقه ووقف مسك وشها بين ايديه وبص فى عينيها وقال مبروك عليا انتى يا زهره بحبك اوى اوى
زهراء / بدموع الله يبارك فيك
الكل /سقف ليهم والشباب قعدت تصفر ليهم
زهراء/ بصت على كل الموجودين وبصت لامير وضحكت ليه بحب
امير / ضحك ليها وقال ربنا ميحرمنيش من ضحكتك ابدآ
وانتهى الفرح وكل واحد راح على بيته وطلع العرسان على اوضتهم فى الفندق
____________________________
فى الاوضه عند أحمد وساره
وصل أحمد وساره عند الباب وكانت ساره متوتره أحمد بصلها بحب وفتح الباب وميل على ساره وشالها ودخل الاوضه وقفل الباب برجليه
ساره / بكسوف ا.ا.احمد نزلنى
أحمد / انزلك ايه بس انا لو فضلت شايلك العمر كله عمرى لا هتعب ولا همل منك
ساره / بلعت ريقها بصعوبه و بصت الاتجاه التانى
أحمد / نزلها على السرير وهو مقرب منها بص على شفايفها وقرب منها
ساره / بعدت عنه وحطت ايديها على بؤقه وقالت م.م.مش دلوقتى
أحمد / باس ايديها وقال ليه بس يا صرصور دى تصبيره
ساره / ب.ب.برضه لاء
أحمد / اتنهد وقال ماشى يا قلبى براحتك
ساره / م.م.ممكن تطلع بره على ما اغير هدومى
أحمد / ليه يا ساره ما تغيرى هدومك عادى وانا موجود
ساره / يا سلااااام يا اخويه لاء طبعآ مش هينفع
أحمد / ليه بس ده انا حتى زى جوزك
ساره / احمد متغلسش بقى
أحمد / ماشى يا ساره لما نشوف اخرتها ايه ووقف ومشى لحد الباب ورجع تانى
ساره / فى ايه رجعت تانى ليه
أحمد / وقف وراها ومد أيده فتح السوسته بتاعة الفستان
ساره / ا.ا احمد انت ب.ب.بتعمل ايه
أحمد / وهو بيمشى أيده على جسمها اللى ظاهر من الفستان وبسها فى رقابتها برقه وأتكلم بصوت واطى جدآ جنب ودنها وقال بساعدك فى الفستان علشان متأكد انك مش هتعرفى تفتحى السوسته لوحدك
ساره / بتوتر وكسوف ش.ش.شكرآ
أ حمد / لف ساره ليه وبص فى عينيها وقال تعرفى انا فضلت احلم باللحظه دى قد ايه من سنين طويله اوى يا ساره كنت حاسس أن هو حلم بعيد اوى وصعب اطوله انا لحد دلوقتى مش مصدق نفسى أن انا وانتى بقينا مع بعض علطول وبص على شفايفها وهو بينهج وقرب منها وبسها بوسه طويله ومشى أيده على ضهرها العريان ونزل على كتفها وبسها وبعدين على رقبتها وبسها وطلع تانى على شفايفها وبسها ومد أيده على كتف الفستان ولسه هينزلو ليها بعدت عنه وقالت
ساره / اتكلمت بصعوبه وقالت م.م.مش هينفع دلوقتى
أحمد / ليه يا ساره
ساره / ن.ن.نصلى الاول
أحمد/ اتنهد وقالت عندك حق انا خارج غيرى هدومك براحتك وبسها فى راسها وخرج
ساره / غمضت عينيها واخدت نفسها بصعوبه وبلعت ريقها وحطت ايديها على وشها وقالت نهار اسوح انا حاسه انا قلبى هيقف عليا وقلعت الفستان ودخلت الحمام اخدت شاور واتوضت ولبست قميص نوم ولبست فوقيه اسدال الصلاة وشويه ودخل أحمد واخد هدوم ودخل الحمام اخد شاور واتوضه ولبس هدومه وخرج صلى بساره ركعتين وقال الدعاء وبص لساره وضحك وقال
أحمد / ربنا ميحرمنيش منك وتفضلى علطول منوره حياتى وقرب من راسها وبسها ووقف ووقفها وقلعها طرحة الاسدال ومد أيده وفتح السوسته بتاعة الاسدال ولسه هيقلعو ليها
ساره / حطت ايديها على ايد أحمد علشان تمنعه يقعلها الاسدال وبصت على الأرض بكسوف
أحمد / قرب ايديها من شفايفه وبسها وقال ساره بصى ليا
ساره / كانت مكسوفه وبصه على الأرض
أحمد / رفع وشها ليه وبص فى عينيها وقال ساره انا بحبك ومستحيل اعمل حاجه تأذيكى لو مش حابه اللمسك دلوقتى انا مستعد والله حتى لو هاجى على نفسى انا مش متجوزك علشان الحاجه دى المهم عندى انتى تكونى سعيده ومبسوطه وتبقى معايا فى حضنى مش محتاج من الدنيا حاجه اكتر من كده
ساره / هزت راسها بمعنى لاء وقالت بتوتر احم ع.ع.عارفه يا احمد وده حقك الشرعى بس غصب عنى خ.خ.خايفه ومتوتره
أحمد / عارف ان ده شئ طبيعى لاى بنت فى الليله اللى زى دى بس انا مش عايز اغصبك على حاجه
ساره / احم ده حقك يا أحمد
أحمد / مش حكاية حقى يا ساره انا عايز اعمل اللى يريحك انتى مش عايز حقى وخلاص
ساره / بصت فى الارض بكسوف وسكتت
أحمد / طيب اقولك حاجه بلاش النهارده يكون التوتر ده خف شويه منك اهم حاجه عندى انتى
ساره / بصت ليه بفرحه وقالت بجد يا أحمد مش هتقرب ليا النهارده
أحمد / بحب ابتسم وقال ايوه يا قلب أحمد بس مش هتنازل انك تنامى فى حضنى
ساره / بصت ليه بكسوف وهزت ليه راسها بمعنى ماشى
أحمد/ تاكلى
ساره / هزت راسها بمعنى لاء
أحمد / مسك ايديها وراح نام على السرير وفتح ليها دراعه وقال تعالى
ساره / بصت على السرير وبصت على دراعه ونامت جنبه وهى مكسوفه
أحمد / شدها فى حضنه وبسها فى راسها وقال هتنامى بالاسدال
ساره / ا.ا.ايوه
أحمد / ضحك وقال ماشى اللى يريحك وحط راسها على صدره وقعد يلعب فى شعرها
ساره / حست براحه كبيره اوى فى حضنه وهى شامه ريحته وغمضت عينيها ونامت وهى سعيده
أحمد / حس بأنتظام نفس ساره عرف انها نامت بص عليها بحب ومشى صوابعه على شفايفها واتنهد وقال بعشقك يا ساره يا احلى فرحه دخلت حياتى وبسها فى راسها وقعد يمشى أيده على كتفها لحد ما عينه راحت فى النوم ونام هو كمان
____________________________
فى شقة شريف
فى اوضت نوم شريف
دخلت لميس وهى فرحانه وقالت
لميس / انا فرحانه اوى لزهره اخيرآ هترتاح مع الشخص اللى بتحبه وامير يستاهل كل خير منساش أن هو اكتر واحد وقف جنبى لما انت كنت عايز تبعد عنى ومش عايز تعترف بحبك ليا
شريف / امير راجل بجد وعاش عمره كله مخلص لزهره اختى ولحبها بس للاسف زهره الاول كانت طموحاتها اكبر منها خسرتها كتير بس الحمدالله فى الاخر الاتنين هيعشو مع بعض الباقى من عمرهم ربنا يسعدهم يارب
لميس / يارب وقعدت على السرير وقالت بس الفرح النهارده كان حلو اوى
شريف / قعد جنبها وقال بس يوم فرحنا كان احلى بكتير
لميس / طبعآ يا قلبى علشان كنت انت احلى واجمل عريس فى الدنيا دى بحالها
شريف / وانتى احلى ست فى الدنيا دى بحالها
لميس / ربنا يخليك ليا يا حبيبى وقامت تغير هدومها
شريف / قرب منها وفتح السوسته بتاعة الفستان ووقف قدامها وبص ليها فى عينيها وقال واحشتينى
لميس / تانى يا شريف
شريف / فيها ايه بس يا لميس اعمل ايه بس مش بشبع منك خالص
لميس / بصت ليه بكسوف وضحكة وبصت فى الارض
شريف / رفع وشها ليه وقرب من شفايفها وبسها ومد أيده على كتفها ونزل الفستان من على جسمها وبعد عن شفايفها وحط راسه على رأسها وقال بحبك اوى يا لميس انتى عمرى كله
لميس / وانت احلى واجمل حاجه حصلت ليا فى الدنيا دى ومدت ايديها على زراير القميص بتاعه وفتحت ليه وبسته فى صدره
شريف / قرب منها وبسها فى شفايفها وشالها حطها على السرير و(سكتت شهرزاد عن الكلام الغير مباح 😉😉)
____________________________
فى فيلا امير
فى اوضت محمود وريم
دخلت ريم وهى بتضحك وحدفت الجزمه فى الارض وحدفت الشنطه الجنب التانى وقعدت على الكرسى
محمود / بص ليها بأستغراب وقال اموت واعرف بتضحكى على ايه
ريم / ههههههههههه ولا اعرف بس مزاجى اضحك وخلاص هرمونات بقى يا حوده هههههههههههه
محمود / يقطع هرموناتك وسنينها ده اللى يشوفك يقول انك عامله دماغ عنب
ريم / ههههههههههههه اقولك حاجه ومتزعلش
محمود / لاء زعل ايه بقى قولى يا اختى
ريم / شكلك عامل شبه الفسيخه المنتنه هههههههههههههه
محمود / بصلها بصدمه وقال انتى اتجننتى وربنا فين ريم البنت اللى كانت بتتكسف من خيالها
ريم / ذهبت ولم تعد هههههههههه وقامت وقفت وراحت عنده وقربت منه وقالت هات بوسه بقى يا حوده
محمود / ريم بلاش الشغل ده انا ماسك نفسى بالعافيه لحد ما يخلص اول شهور الحمل زى ما الدكتور قالى
ريم / هههههههه تعال بس ده هيبقى سر بينى وبينك وقربت اكتر ليه وقلعته الجاكت بتاع البدله وفكت ليه الكرافته وفتحت ليه الزراير بتاعة القميص وبسته فى صدره
محمود / نفسه سرع وبصلها وقال ريم ابوس ايدك أهدى انا بنهار
ريم / انهار وفيها ايه وانا حد غريب انا مراتك ههههههههههههههه
محمود / وهو بيتنفس بسرعه قال الموضوع مش هزار يا ريم الدكتور منبه علينا مفيش اى علاقه اول تلاتة شهور
ريم / يا ابنى انت مش من مره مفيهاش حاجه وقربت من شفايفه وبسته وزقته على السرير ونامت جنبه
محمود / نهار اسوح ومنيل مراتى بتغتصبنى في ايه يا وليه انهدى الله يحرقك
ريم / جر ايه يا حوده مالك
محمود / يحرق حوده وسنينه يا بت ارحمى امى فيكى ايه اول مره اشوف حمل بالطريقه دى
ريم / زقته وقالت ليه انت شوفت مين حامل قبل كده يا محمود اه تلاقى واحده من اللى كنت ماشى معاهم قول الحقيقه انت متجوز عليا يا محمود
محمود / بصلها بصدمه وقام قعد وخبط بأيده الاتتين على بعض وقال اللهم لا أسألك رد القضاء ولكن أسألك اللطف فيه
ريم/ ليه شيفنى مصيبه ولا بلوه اه ما انا خلاص مبقتش اعجب مدام كده طلقنى يا محمود
محمود / وقف ومشى أيده على راسه من وراه وقال بعصبيه بجد انا مبقتش فاهمك يا ريم اى لحظه حلوه ما بينا لازم تختم بنكد انا كلمتى كانت عادى لما قولت اول مره اشوف حمل بالطريقه دى مش معنى كده أن انا متجوز عليكى انا تعبت يا ريم بتحاولى تخلقى نكد من تحت الارض وترجعى تقولى هرمونات الحمل بس انا ليا طاقه والصراحه طاقتى نفذت منى وتعبت فين ريم البنت الكيوت الهاديه بقيتى واحده تانيه مش قادر افهمها ارجوكى يا ريم بلاش طريقتك دى وارجعى زى الاول
ريم / بدموع انا كده ولو مبقتش عجباك سهله طلقنى واخلص من نكدى الاول كنت بتشوفنى بطريقه تانيه علشان كنت بتحبنى وبتتقبل منى اى حاجه إنما انت دلوقتى مبقتش تحبنى يا محمود
محمود / راح عندها ومسك وشها ما بين ايديه وبص فى عينيها وقال لاء يا ريم غلطانه انا بحبك زى الاول واكتر وعمرى ما اقدر اكرهك ومسح دموعها وبسها فى راسها وشدها فى حضنه وقال حقك عليا يا ريم دموعك دى غاليه عليا
ريم / انا ممكن اكون عصبيه شويه من الحمل وممكن ساعات بكون مجنونه شويه بس والله العظيم غصب عنى انا بحبك اوى يا محمود ومش قصدى ازعلك منى
محمود / خلاص يا حبى انسى انا كده كده عارف انك مجنونه بس الانحراف اللى فيكى النهارده ده جديد عليكى بس حلو الصراحه
ريم / ضربته فى صدره وقالت محمود بطل غلاسه
محمود / طيب ايه مش ناويه تكملى اللى كنتى بتعمليه ههههههههه
ريم / هههههههههه لاء اصل انت مش وش نعمه وبعدين مش انت قولت الدكتور قال ممنوع ايه غير رأيك تانى بقى
محمود / هو ممنوع بس يعنى انتى جريتى ريقى وبعد كده تقولى مفيش حرام عليكى يا ظلمه
ريم / ههههههههههه الحمل وهرموناته بقى يا حوده وبسته فى خده واخدت هدوم ودخلت الحمام
محمود / انتى يا بت بت يا ريم عشمتينى وخليتى بيا اشوف فيكى يوم يا ظلمه وغير هدومه ونام على السرير وشويه وخرجت ريم وفتح ليها دراعه نامت فى حضنه وضمها ليه جامد وبسها فى راسها وقال بعشقك يا بت المجنونه
ريم / هههههههه وانا بموت فيك تصبح على خير يا قلبى
محمود / وانتى من أهله يا حبى والاتنين غمضو عنيهم ونامو
____________________________
اشرقت شمس صباح يوم جديد بنورها الساطع فى سماء القاهره لتبدأ زهره بفتح عيونها بصت على الخاتم اللى فى ايديها وضحكت بحب وحطت الخاتم فى حضنها وقالت
زهراء / يااااااه اخيرآ يا أمير حاسه ان انا بحلم وخايفه اوى لتحصل حاجه متكملش فرحتى دى يارب متكسرش قلبى ولا قلبه احنا تعبنا كتير اوى لحد ما جت اللحظه دى وفى الوقت ده تليفونها رن برقم امير ردت وقالت صباح الخير
امير / صباح الحب والعشق والجمال على احلى عيون واحشتينى
زهراء / بكسوف احم ا.ا.انت عامل ايه
امير / انا حالتى حاله علشان انتى واحشانى اوى اوى اوى
زهراء / خلاص بقى يا امير متكسفنيش
امير / ااااااه بقولك ايه ما تيجى نتجوز اخر الاسبوع ده
زهراء / بصدمه الاسبوع ده يعنى كمان اربع ايام
امير / ايوه فيها ايه كل حاجه جاهزه كفايه بعد بقى يا زوزو حرام انا تعبت
زهراء / ا.ا.ايوه يا امير بس هنعرف نخلص كل حاجه فى اربع ايام
امير / ملكيش دعوه انتى بس وافقى وكل حاجه هتلاقيها جاهزه
زهراء / خايفه يا أمير
امير / خايفه من ايه يا قلب امير
زهراء / خايفه من الدنيا بعد ما تعشمنا بالفرحه تخدها مننا تانى
امير / طول ما انا وانتى ماسكين ايد بعض محدش هيقدر يفرقنا حتى لو الدنيا نفسها
زهراء / بدموع والله بقيت اخاف افرح بحس أن انا اتخلقت للحزن والوجع وبس
امير / حرام يا زوزو متقوليش كده انسى كل اللى فات وفكرى فى بكره وبس فى حياتنا مع بعض فى أولادنا اللى هنجبوهم وهنحكى ليهم عن قصة حبنا انا وانتى يا قلبى
زهراء / يارب يا أمير يارب
امير / ها قولتى ايه وافقنى على اخر الاسبوع ده الفرح
زهراء / بخوف وتوتر م.م.ماشى يا أمير موافقه
امير / بفرحه بجد بعشقك يا احلى واجمل وارق ما شافت عينى بلاش تنزلى بقى الشغل اليومين دول خليكى مريحه وانا هتفق مع اخواتك على كل حاجه
زهراء / م.م.ماشى باى وقفلت السكه مع امير وحطت ايديها على قلبها وقالت كفايه وجع وخوف بقى افرح انك خلاص هتبقى مع حبيبك اللى عشت عمرك كله بتتمنه خايف ليه من النهارده مش لازم تخاف افرح وبس وقالت يارب يارب كمل فرحتنا على خير وقامت خرجت من الاوضه وقالت صباح الخير يا ماما
نبيله / صباح النور يا حبيبتى
زهراء / فين سامح
نبيله / فى اوضه لسه نايم
زهراء / ماشى يا حبيبتى عن اذنك ودخلت الحمام اتوضت وخرجت دخلت اوضتها أدت فرضها وخرجت قعدت جنب امها
نبيله / مش نازله الشغل ولا ايه يا حبيبتى
زهراء / لاء يا امى امير ادانى اجازه علشان عايز نعمل الفرح اخر الاسبوع ده
نبيله / اخر الاسبوع ده وانتو هتلحقو تعملو حاجه فى اربع ايام
زهراء / هو بيقول هيقدر يخلص كل حاجه فى اربع ايام
نبيله / ربنا يسعدكم يارب ويبعد عنكم ولاد الحرام
زهراء / حطت راسها فى حضن امها وقالت ايوه يا ماما ادعيلى علطول الدعوه دى احسن خايفه اوى مش عارفه ليه
نبيله / افرحى يا حبيبتى اخيرآ ربنا هيجمعك بحب عمرك انتى وامير تعبتو اوى ربنا ميحرمكمش من بعض أبدآ
زهراء / يارب يا امى
وفى الوقت ده زهراء سمعت صوت تليفونها
نبيله / اكيد امير ده قومى يا حبيبتى ردى عليه
زهراء / ضحكت وقالت حاضر يا ماما وقامت وقفت ودخلت الاوضه وقفلت الباب وراها
____________________________
فى اوضت احمد وساره
فتح احمد عينه وبص على ساره وهى نايمه فى حضنه وبسها فى راسها ومشى أيده على شعرها وقعد يبص عليها بحب
ساره / حست بأيد أحمد فتحت عينيها وبصت ليه بكسوف
أحمد / بحب صباح الخير يا عمرى
ساره / بكسوف صباح النور
أحمد / تعرفى أن ده احلى يوم فى حياتى كلها علشان كنتى نايمه فى حضنى طول الليل
ساره / احم م.م.ماشى ولسه هتقوم
أحمد / شدها تانى فى حضنه وقال رايحه فين يا قلبى
ساره / احم ه.ه.هدخل الحمام
أحمد / مش لما تقوليلى ايه شعورك وانتى نايمه فى حضنى طول الليل
ساره / ها وزقته ولسه هتقوم
أحمد / متحاوليش علشان مش هتعرفى تقومى
ساره / ا.ا.احمد ا.ا اوعى خلينى اقوم
أحمد / لاء وبص على شفايفها وقرب منهم وبسها برقه وقال بحبك حتى وانتى مكسوفه وخدودك حمرا كده
ساره / مسكت في كتفه بتلقائيه من كسوفها
أحمد / بص على مسكت ايديها فيه ونفسه سرع قرب منها وبسها بوسه طويله وقلعها الاسدال وقرب منها و(سكتت شهرزاد عن الكلام الغير مباح 😉😉)
____________________________
مر باقى الاسبوع وجه ميعاد فرح امير وزهراء
اشرقت شمس صباح يوم جديد بنورها الساطع فى سماء العاصمة ليبدأ امير بفتح عيونه بص فى التليفون شاف الساعه وطلب رقم زهراء وانتظر الرد
زهراء / بكسوف صباح الخير
امير / صباح الكسوف صحيتى امته
زهراء / صاحيه من بدرى
امير / انتى شكلك منمتيش اصلا بتفكرى فى ايه يا زوزو اوعى تكونى بتفكرى فى اللى فى دماغى
زهراء / امير بطل قلة ادب
امير / وانتى ليه دماغك راحت شمال ايه عرفك أن انا بفكر فى حاجات قليلة ادب
زهراء / ها ا.ا اصل ي.ي.يعنى ي.ي.يعنى
امير / ههههههههههههه
زهراء / والله العظيم انت واحد غلس وانا غلطانه أن رديت عليك اصلا
امير / هههههههه روقى يا زوزو انا فعلا بفكر فى السيكو سيكو
زهراء / ايه السيكو سيكو ده
امير / هههههههه بليل بقى واللى هيحصل فى الاوضه
زهراء / عاااااااا اتلم يا أمير احسن انا مجنونه وممكن اقولك مفيش فرح ولا فيه جواز
امير / خلاص خلاص احنا اسفين يا صلاح ههههههههههه
زهراء/ هههههههههه ايوه كده اتظبط وأقفل بقى علشان اشوف اللى ورايا
امير /بلؤم اللى هو ايه بقى
زهراء / اقفل يا أمير
امير / طيب اجى اساعدك طيب
زهراء / اميررررررررررر
امير / احم طيب يا حبيبتى حاولى تخلصى اللى وراكى بسرعه علشان انا نص ساعه بالكتير وجاى اخدك سلام يا مزتى وقفل السكه وقعد يضحك على كسوف زهره
وفى الوقت ده دخل محمود وقال
محمود / لولولولولولوى اخيرآ يا راجل ده انا يئست والله واحلى حاجه أن مراتى رايحه معاك على السكه عند اختها وانا بقى اقعد استكينص مع نفسى شويه بقى
أمير / انا مالى ما توصل انت مراتك حد قالك أن السواق بتاعك انت ومراتك
محمود / اللهى ربنا يسعدك ويجبر بخاطرك وما تشوف اللى بشوفه من اختها ابدآ يارب
امير / خلاص خلاص انت هتشحت اطلع بره علشان اجهز وخلى مراتك تجهز
محمود / هتلاقيها جاهزه ومقعدها بشنطة هدومها على باب الفيلا
امير/ بغيظ اطلع بره يا محمود
محمود / لاء خليك هادى ده الجواز عامل زى شكة الدبوس اقولك روح عند زهره وصلها وتعال اديك درس فى الليله بتاعة النهارده
امير / بقى انت يا معفن يا ابو شخه هتدينى انا درس امشى يا أهبل يا متخلف
محمود / من الواضح كده انك بتشتمنى بس هعديها لأن انت شكلك متوتر خالص
امير / مسكه من هدومه وقال اطلع بره يا آخرة صبرى
محمود / احم طيب يا ميرو هسيبك بقى تجهز نفسك وطلع من الاوضه يجرى
امير / بص عليه وهو خارج وهز راسه يمين وشمال وقال مستحيل يكون طبيعى ابدآ ودخل الحمام يجهز نفسه وبعد وقت خرج ولبس هدومه واده فرضه ونزل اخد ريم وراح عند زهره اخدها وصلهم الاوضه اللى فى الفندق ورجع تانى على الفيلا علشان يجهز نفسه
____________________________
فى شقة توفيق
فى اوضت سامح
كان قاعد بيكلم روز
سامح / الكل اتجوز مبقاش فيه غير انا وانتى يا رورو
روز / والله يا سامح انت ودادى مقعدنها قولتلك نتجوز واكمل تعليمى بعد الجواز
سامح / مش حكاية تعقيد يا رورو بس مش هتقدرى على شيل المسؤوليه والتعليم فى وقت واحد يا حبيبتى
روز / خلاص براحتك خلينا كده كام سنه مستنين الفرج
سامح / هههههههههههه بعدين انتى مراتى يا رورو اي نعم مش راضيه تدينى بوسه بس مش هييأس وهفضل وراكى لحد ما اخدها
روز / بعينك خليك مستنى سنين زى ما انت عايز
سامح / انا ممكن اخدك فى بيتى فى اى وقت انتى مراتى يا قلبى شرعآ وقانونآ
روز / طيب اتشطر واعمل كده هههههههه
سامح / ههههههههههه بلاش تتحدينى يا قلبى علشان هتخسرى هههههه
روز / اموت واعرف جايب التقل ده منين
سامح / التقل صانعه يا جميل
روز / هه خفه يلا بقى سلام يادوب الحق اجهز نفسى للفرح باى
سامح / باى يا قلبى وقفل معاها وقام من على سريره وخرج من اوضه دخل الحمام
____________________________
انتهى اليوم وجاء الليل سريعآ وبدأت المعازيم التجمع فى القاعه ووصل المأذون فى انتظار العرسان
فى اوضت امير اللى فى الفندق
محمود / دخل هو شريف وقال ايه يا عريس كل ده مخلصتش المأذون جه تحت والمعازيم كلها وصلت
امير / خلاص اهو خلصت
شريف / والله وجه اليوم اللى شوفتك فيه عريس يا صاحبى مبروك يا ميرو وحضنه
امير / الله يبارك فيك يا صاحبى انا مش مصدق نفسى أن خلاص هتجوز زهره
شريف / مش هوصيك على اختى لان عارف انت بتحبها وبتخاف عليها قد ايه
امير / زهره دى اغلى من عمرى يا شريف
محمود / سبحان الله يا اخى حتى الكوسه فى الموضوع ده اشمعنا سايبه يحب فى اختك وهى حتى لسه مش مراته قدامك إنما انا كانت مراتى وحرمتونى اتكلم عليها قدامكم
شريف / ياااااه قلبك اسود اوى يا اخى
محمود / لاء فوشيه يا اخويه انا بفكر ارجعلك اختك من تانى مش عايزها
شريف / لاء اسف البضاعه المباعه لا ترد ولا تستبدل
محمود / حلو يعنى انا لبست
شريف / بشفى يا حبيبى
محمود / اشوف فيكم يوم يا عيلة توفيق كلها إلا خالتى نبيله علشان بحبها
امير / بعد الشر على زوزو حبيبتى اتلم يا محمود
محمود / طيب يلا يا عم الحبيب
شريف / يلا يا ابنى ده المجانين فى نعيم
وخرج امير ومحمود وشريف وراحو عند اوضت زهراء وخبطو على الباب و............