رواية حب تحت التهديد الفصل الثالث 3 بقلم جمال المصري
بسم الله ولا إله إلا الله
فهد .. عملت ايه يا صالح
صالح .. نفذت كل اللي حضرتك قولته وسحبت الحراس كلهم من الناحيه الغربيه عشان الانسه فيروز تهرب بس انا مستغرب انت عرفت ازي انها هتحاول تهرب
فهد .. من اول ما عيني جات في عينها وانا عرفت البنت دي قويه ومش بتستسلم بسهوله وكنت متاكد انها هتعمل كل اللي تقدر عليه عشان تهرب من القصر وكمان دي فرصه عشان تتاكد ان الانسان اللي حبته خانها وباعها بارخص تمن خليها تفوق من حالة الحب اللي عايشه فيها وبعد كده تقرر المهم وصلت فين دلوقتى
صالح .. الرجاله بلغوني انها وصلت و لسا داخله الفيلآ
فهد .. تمام يلا نتحرك قبل ما الكلب ده يفكر ياذيها
صالح .. اتفضل معاليك
وبيتحركوا و يركبوا عربياتهم و يطلعوا علي فيلا ناصر واول ما بيوصلوا الفيلا وفهد بينزل بيشوف ناصر وهو بيزق فيروز في حمام السباحه وبيجري باقصي سرعه والحرس وراه بيمسكو ناصر وليلي وبيحطو المسدسات في دماغهم اما فهد فبينزل في حمام السباحه علي طول وبيلاقي فيروز بتنزل في قاع الحمام ويمسكها وبيشدها لفوق وبيشيلها وبيطلع بيها من حمام السباحه وبيحطها علي الارض وبيحاول يفوقها
ناصر .. ابوس ايدك سيبنا هي اتهجمت علينا ووقعت في حمام السباحه
ليلي .. انا ما ليش دعوه هو اللي رمها
ناصر .. بتقولي ايه يا واطيه يا زباله
صالح .. اخرس يا كلب انت وهي لو الانسه فيروز حصلها حاجه يبقا انتو الاتنين هتموتوا ومش عايز اسمع ولا كلمه
ناصر .. سكت وجسمه كله بيترعش وخايف
ليلي .. بتبكي ومستنيه تشوف مصيرها ايه وبعد ما كانت عايزه فيروز تموت بقت تدعيلها تعيش
فهد .. مش مركز في اي حاجه غير فيروز
فيروز .. اخيرا بدات تفوق و بتكح وبتفتح عنيها بتلاقي نفسها في حضن فهد
فهد .. انتي بخير
فيروز .. بتحاول تجمع حصل ايه وبتفهم ان فهد هو اللي انقذها الحمد لله بخير وشكرآ ليك انك انقذتني
فهد .. المهم انك بخير
فيروز .. بتحاول توقف
فهد .. يساعدها و يلبسها جاكت البدله بتاعة
فيروز .. انت طلعت فعلآ كلب و حقير وتوصل بيك انك تحاول تقتلنى
فهد .. بيطلع المسدس عشان يضربهم بالنار
ناصر .. بيصرخ ابوس ايدك لااااااااااا
فيروز .. بتمسك ايده وبترفعها لفوق والطلقه بتطلع في الهواء عشان خاطري بلاش قتل سيبه يفضل يتعذب طول حياته بسبب اللي عمله
فهد .. بصلها ورجع بص علي ناصر وليلي احمدو ربنا لولا فيروز كان زمانكم في جهنم دلوقتى صالح
صالح .. اوامرك يا فهد بيه
فهد .. الكلب ده تتاخد منه الفيلا والعربيه وباقي الفلوس ويرجع شحات زي ما كان
فيروز .. عارف ايه اكتر حاجه و جعتني هي رسماتى اللي كنت فاكراك بتحافظ عليه وطلعت بتبيعها اتفو عليك كلب حقير وانتي يا اعز صحباتي اشبعي بيه انتو الاتنين من نفس الصنف وبتتحرك عشان تخرج من الفيلا
فهد .. بيتحرك معاها وبيفتحلها باب العربيه
فيروز .. بتوقف انا مش هينفع اتزوجك ولا ارجع معاك القصر
فهد .. ومين قالك انك هترجعي القصر انا هوصلك شقتك وفكري ولو وفقتي بكره هكون مستنيكي في القصر اتفضلي اركبي
فيروز .. ركبت وهي مش مصدقه ان فهد هيوصلها شقتها فعلآ
فهد .. بيتحرك و الحراسه وراه ويوقف قدام العماره اللي فيها الشقه اللي فيروز وخداها ايجار
فيروز .. بتبص لي فهد شكرا
فهد .. مفيش شكر ولا حاجه لو تحبي تاخدي الفيلآ بتاعت ناصر مفيش عندي مشكله
فيروز .. لا شكر انا مش باخد حاجه مش من حقي
فهد .. زي ما تحبي اتفضلي
فيروز .. بتنزل وبتطلع علي شقتها وتفاجئ بصاحب الشقه مستنيها وبتقرب منه خير يا عم محمد الايجار لسا قدامه اسبوع
محمد .. ابتسم لا انا مش هنا عشان الايجار اتفضلي يا بنتي
فيروز .. ايه ده
محمد .. ده عقد بيع العماره باسمك وان شاء الله تكون فاتحت خير عليكي
فيروز .. عمارة ايه يا عم محمد انت بتهزر
محمد .. اتفضلى العقد اهو والف مبروك عليكي والف مبروك خطوبتك من فهد بيه وبينزل علي السلم
فيروز .. يا عم محمد اسمعني طاب فهمني
محمد .. بيمشي
فيروز .. بتفح الباب وبتدخل وبتقرا العقد فعلآ العماره كلها بقت ملكها بقا كده يا فهد فاكر بكده هتخليني اوافق علي الجواز منك وتقطع العقد و ترميه في الزباله و تقلع جاكت فهد و بتدخل تاخد دش وهي بتفكر في كل اللي حصل من اول ما فهد كان هيدوسها بالعربيه لحد اللحظه دي
محمد .. بينزل يلاقي فهد في العربيه تمام يا فهد بيه نفذت كل اللي حضرتك طلبته
فهد .. صالح اديله فلوس العماره
صالح .. اتفضل
محمد .. الف شكر يا فهد بيه وانا الصبح هروح اسجل البيع في الشهر العقاري
صالح .. تمام تقدر تمشي
محمد .. السلام عليكم
فهد .. وعليكم السلام ورحمة الله وبركاته يلا اتحرك يا صالح
صالح .. حاضر يلا يا اسطى اطلع وهما ماشين بالعربيه بيبص علي فهد ممكن اسال حضرتك سؤال
فهد .. عايز تعرف انا عملت ليه كده مع فيروز مع اني عارف انها مش هتوافق
صالح .. فعلآ هو ده السؤال اللي كنت هساله
فهد .. لما عرفت قصة حياتها وقد ايه اتعذبت وفضلت محافظه علي دينها ونفسها قولت يمكن حاجه زي دي تعوضها عن التعب اللي شفتوا
صالح .. طاب ايه العمل دلوقتى لازم نشوف عروسه عشان حفلة بكره
فهد .. خلاص مفيش داعي الغي الحفله وخلي عمي يبقا هو الزعيم
صالح .. انت عارف ان عمك من اكبر اعدائك ولو مسك الزعامه هيحاول يتخلص منك وكمان هيجر العائله كلها لبحر دم
فهد .. طاب هنعمل ايه ده العرف لازم الزعيم يكون متزوج
صالح .. نجيب اي بنت تتجوزها وخلاص
فهد .. انت عارف اني اللي هتكون مراتي هتدخل الجحيم برجليها وانا خلاص مش مستعد حد يتاذي بسببي
صالح . اول مره اشوفك مستسلم كده
فهد .. اخد نفس وبيقول في نفسه معك حق يا صالح بس انا اول ما حسيت اني فيروز ممكن تروح مني وهي في حمام السباحه كنت زي المجنون وكنت حاسس اني انا السبب واول مره احس ان عندي قلب زي كل البني ادمين
صالح .. فهد بيه سرحت في ايه
فهد .. اه ولا حاجه نفذ اللي قولتلك عليه وهنشوف بكره هنعمل ايه مع عمي
صالح .. حاضر معاليك
رافت .. طمني يا خلف فهد عمل ايه في حكاية الزواج
خلف .. اطمن يا رافت بيه الزعامه هتكون من نصيبك الرجاله اللي زرعناهم وسط رجالة فهد بيقولوا ان البنت مش موافقه وهربت من القصر
رافت .. دي اخبار جميله مش عايز اي مفاجآت الزعامه دي من حقي انا بعد اخويا ما مات وانا مش هخلي عيل زي ده ياخدها مني
خلف .. انا عايزك تطمن وتحط في بطنك بطيخه صيفي تحب نخلص علي البت
رافت .. مفيش داعي طول ما هى هربت يبقى نفدت بجلدها بس خلي رجالتك تفتح عنيها لو بكره عدى وفهد علي الاقل ما اعلنش خطوبته يبقى خلاص الزعامه هتبقى من حقي وهكون انا زعيم مافيا السلاح علي مستوي العالم
خلف .. ما تقلقش دبة النمله في القصر بنعرفها
رافت .. عايز صالح بي اي تمن هو اللي يعرف كل خبايا شغلنا
خلف .. انت عارف ان صالح مستحيل يخون فهد
رافت .. للاسف عارف بس لازم نلاقي اي حل لازم يبقى معانا
خلف .. ممكن بعد ما تبقي الزعيم بحكم منصبك تجبره يبقى معاك
رافت .. معاك حق بكره بس يعدي وكل حاجه هتكون تمام
فيروز .. بتصحي من النوم وبتاخد دش وبتلبس وبتنزل وبتاخد تاكسي وبتطلع علي القصر مجرد ما بتوصل القصر الابواب كلها بتتفتح قدامها
صالح .. بيستقبلها وبيدخلها اوضة المكتب بعد اذنك هبلغ فهد بيه ان حضرتك وصلتي وبيطلع يخبط علي اوضة فهد
فهد .. ادخل
صالح .. الانسه فيروز تحت
فهد .. اتعدل مره وحده فيروز هنا ماشي قدم لها عصير لحد ما البس وانزل
صالح .. حاضر يا زعيم
الخدامه .. بتقدم العصير لي فيروز
فيروز .. بتاخد العصير وبتشكر الخدامه
فهد .. بيدخل السلام عليكم
فيروز .. وقفت وعليكم السلام ورحمة الله وبركاته
فهد .. اتفضلي ارتاحى
فيروز .. شكرا ان جيت عشان اشكرك انك انقذتني واقولك اني قطعت عقد العماره ومش محتاجه حاجه من حد
فهد .. مفيش داعي للشكر اما العماره خلاص بقت ملكك وتسجلت باسمك في الشهر العقاري
فيروز .. لا انا مش موافقه ومش هاخدها ومش هوافق علي الزواج
فهد .. انتي خلاص وفقتي
فيروز .. ازي بقا
فهد .. انا قولتلك لو وفقتي تعالي القصر وانتي جيتي بنفسك فخلاص كده انتي وفقني يا داليا
داليا .. نعم معاليك
فهد .. من دلوقتى انتي المسئولة عن الانسه فيروز وحميتها ولو دبانه قربت منها هتموتي مفهوم
داليا .. مفهوم يا فهد بيه
فهد .. ويلا جاهزيها للفرح يلا يا انسه فيروز
فيروز .. لا مستحيل
فهد .. وقف انا عشانك امبارح سبت ناصر وليلي وممكن دلوقتى اجيبهم وقتلهم وهيكون زنبهم في رقبتك وكمان داليا هتموت لو فكرتي تهربي هي كمان زنبها هيكون في رقبتك انتي قولتي ايه
فيروز .. شافت بعينها وهو بيقتل الراجل في المكتب سكتت
فهد .. كده انتي شاطره يلا يا داليا خديها وزي ما فهمتك
داليا .. حاضر يا فهد بيه اتفضلي يا انسه فيروز
فيروز .. اتحركت معاها وهي بتقول في نفسها انا مش عايزه حد يموت بسببي
فهد .. صالح
صالح .. بيدخل نعم يا فهد بيه
فهد .. جهز كل حاجه كتب الكتاب هيكون العصر عايز فرح محصلش قبل كده وخلي بالك من رجالة عمي اللي حططهم وسط رجالتنا لحسن يفكر يعمل حاجه في الفرح
صالح .. تحب اخلص عليهم
فهد .. لا كده كده من خلالهم بنوصل المعلومات اللي احنا عايزين نوصلها لعمي فخليهم لما يجي وقتهم
صالح .. تمام يا فهد بيه بعد اذنك ابلغ الرجاله عشان الخبر يوصل لعمك
فهد .. اتفضل
خلف .. بيدخل المكتب بسرعه علي رافت
رافت .. خير مالك داخل المكتب كده
خلف .. النهارده العصر فهد هيتجوز
رافت .. وقف مره وحده هو ده اللي انا كنت خايف منه لازم نتصرف بسرعه بلغ رجالتنا اللي في القصر يقتلوا العروسه قبل كتب الكتاب
خلف .. لو ده حصل فهد ممكن يعرف انك انت اللي وره الحكايه دي وينتقم منك
رافت .. امال هنعمل ايه
خلف .. احنا بس هنسرب الخبر وانت عارف ان الامريكان مش عايزين فهد يمسك الزعامه بعد ابوه وهما هيقوموا بالازم
رافت .. تسلم دماغك يا خلف نفذ فورا ويمكن يقدروا يخلصوا عليه هو كمان وكده يبقى ارتحنا منه للابد
خلف .. حاضر بعد اذنك
رافت .. اتفضل
فهد .. داليا كل حاجه جاهزه
داليا .. ايوه يا فهد بيه والعروسه جوه بفستان الفرح
فهد .. بيفتح الباب ويدخل جاهزه يا عروسه
فيروز .. انا مش عارفه ازاي هتتجوز وحده غصب عنها
فهد .. الجواز ده هيكون علي الورق بس ما تقلقيش بس عشان اقدر امسك الزعامه
فيروز .. بس
فهد .. بيقاطعها من غير بس يلا عشان الكل مستني والماذون موجود في جنينة القصر وبيمسك ايدها وبينزلوا سوا
كل الموجودين بيسقفه وعلي الصفين وقفين وفهد وفيروز ماشين في النص والورود تترمي عليهم لحد ما بيوصلوا عند الماذون و يقفوا قدام الماذون وبيبداء كتب الكتاب
الماذون .. يا فهد علي محمد المختار موافق ان تكون فيروز احمد يونس محمود زوجه لك
فهد .. موافق
الماذون .. يا فيروز احمد يونس محمود هل توافقي علي الزواج من فهد علي محمد المختار
فيروز .. تسكت وقبل ما تتكلم بتطلع طلقه من قناص و تيجي في الماذون
فهد .. بيسحب مسدسه ويضرب القناص والفرح يتحول لساحة حرب
المسلحين بيدخلوا من البوابه و بيقتلوا كل اللي في طريقهم وباقي المسلحين بينطو من السور عن طريق حبال مجهزه لكده
ورجالة فهد بيضربوا عليهم وبيكون تبادل لي اطلاق النار عنيف
واثناء الضرب واحد منهم يوجه المسدس ناحيت فيروز
فهد .. بيرمي نفسه قدام الرصاصه وبيضرب الشخص ده بنار
فيروز .. فهد وبتحضنه وبتنزل بيه علي الارض
صالح .. الكل يحمي فهد بيه
فهد .. صالح
صالح .. ما تقلقش يا فهد بيه الدعم وصل
فهد .. فيروز امانه عندك مهما حصل مش عايز حد يلمسها
فيروز .. بلاش تتكلم عشان النزيف