اياد بصدمة : انت !!
عمرو بأستغراب : انا ايية ، مش فاهم
ملك : اياد دا عمرو وعمرو دا اياد
ويمد عمرو ايده عشان يسلم علي ايد ويسلم عليه اياد وهو علي نفس صدمته وهو بيفتكر معاملته لملك علي انها خاينة وضربها واهانته المستمرة ليها وتهديداته واهم من كل دا خياااانته ليها وملك وعمرو بيتكلموا مع بعض ومايقدرش اياد يقعد اكتر من كدة ادامهم وحاسس انه محتاج يقعد مع نفسه شوية و...
اياد : انا اسف يا عمرو بس محتاج اقعد مع نفسي شوية
عمرو : اه طبعا اتفضل
ويطلع اياد ويسيبهم وشعوره بالذنب تجاه ملك ملازمه وتنزل دمعه منه وهو بيفتكر ملك ويناام
_________
في مكان اخر بالقاهرة يتصل مرزوق بنفس الرجل و..
مرزوق : ايوة ياباشا انا راقبتها وبالصور كمان وهي مش بتعمل حاجة مهمة غير انها كل يوم بتروح شركة واحد اسمه مدحت السويفي وبتروح الكوافير وتعمل شوبينج وحاجات عادية ومرة وقفت مع واحد وسمعتهم بيتكلموا عن شخص وبتديله فلوس في مقابل انه يجبلها تحركات الشخص دا
الرجل : طيب يا مرزوق تعالالي الشغل وهات الصور وخد حسابك
مرزوق : حاضر يا باشا
الرجل : وكمان عايزك تشوفلي مسدس صغير
مرزوق : انت تأمر يا باشا بس دا هيكلفك كتير
الرجل : مش مهم ، مش مهم اى فلوس
____________
تطلع ملك بعد ما عمرو يمشي وتلاقي باب اوضة اياد مفتوح وتروح تشوف وتلاقي اياد نايم بس تخبط في الكرسي غصب عنها فـ يقوم اياد و...
اياد بلوم : لية ماقولتليش انك كنتى بتشوفي اخوكى دا وبتخرجوا
ملك بأستغراب : عادى يعني ماجتش فرصة وبعدين من امتي وانا بقولك اى حاجة عني
اياد : لا من هنا ورايح لازم تقوليلي وبعدين مش اى حد تفضلي تحضنيه وتجبيه بيتي من غير اذنى
وتربط ملك الاحداث ببعضها وكلام اياد انها خاينة وانه شافها ودلوقتي معرفته انها قابلت عمرو وتوتره لما عرف ان عمرو اخوها و..
ملك بغضب : عشاان كدة كنت مفكرنى خااينة وكنت بتعاقبني علي حاجة انا ماعملتهاش لمجرد وساويس في دماغك انت
يسيبها اياد ويمشي من غير ما يرد
________
ايمن قرر انه لازم ياخد خطوة في موضوع سارة ويتقدم لها ويعيش حياته كأى شاب في سنه و...
ايمن لوالدته : ماما انا عايز اخطب
الام : يااه واخيرا يا ايمن ، مين بقا ؟!
ايمن : سارة بنت طنط مني جارتنا
الام : زين ما اخترت يابني ومن بكرا هروح اكلم والداتها دا ابوك الله يرحمه لو كان عايش كان فرحلك اووى
ايمن : الله يرحمه بس انا بقولك لسة هتقدم يا ماما مش هتجوز عـ فكرة
الام : بردو يابني
ايمن : ماشي ياستى انا هقوم اروح شغلي بقا
وفي اليووم التالي تروح الام تزور مني وتقولها وتطلب منها منى مهلة تفكر وتسأل والد سارة وتاخد رأى سارة كمان وبالفعل تسأل الوالد ويوافق موافقة مبدأية وتروح تسأل سارة و...
الام : اية رائيك يا سارة في ايمن جارنا ؟!
سارة : ماله يعني يا ماما ، شاب محترم واخلاق وكويس معايا
الام : اصله طلب ايدك
سارة بأرتباك بسيط : آآ طيب هصلي استخارة واقولك ردى يا ماما
______________
تمر الايام واياد يغير معاملته الي حدا ما مع ملك وهو بيحاول يقنع نفسه انها بردو هتفضل زى هايدى
__________
ملك ترجع الجامعة تانى وهي بتتجنب اياد تماما وفي يووم الصبح تصحي ملك وتلبس وتخرج من اوضتها وبالصدفة تلاقي اياد كمان خارج من اوضته وتمشي علي طول لتجنب اى مشاكل معاه ولكن ...
اياد : ملك استني
ملك : نعم
اياد بتردد : آآ انا هوصلك الجامعة انا كدة كدة رايح الشركة
ملك : مافيش داعي تتعب نفسك
اياد : ولا تعب ولا حاجة ، يلا
ويروحوا للـجامعة سوا وتنزل ملك ويستنى اياد اما تدخل خلاص حتي يمشي بس يلاقي شاب وقفها وهى بتتكلم معاه ومبتسمة وبتجاريه في الكلام والدم يغلي في عروقه ويحس بأحساس غريب وينزل من العربية ويشد ملك يبعدها عنه و...
اياد بصوت عالي نسبياً : مين حضرتك وعايز اية ؟!
الشاب : انت الي مين واية الي دخلك !
اياد : انا جوزهاا
اترددت كتير كلمة جوزها في ودن ملك وهي مبسوطة بغيرة اياد عليها وفي نفس الوقت مش قادرة تنسي الي عملوا معاها
ويجوا الناس علي صوتهم ويفضوا المشكلة وملك تشرح لأياد انه مجرد زميل وكان بيسألها عن حاجة
_____
اياد في اوضته بليل وبيفكر في ملك و...
اياد لنفسه : بس انا لية اتضايقت كدة لما شوفتها واقفة مع واحد ماتوقف وانا مالي
نفسه : لا انت ليك لانها مراتك وحقك تغيير عليها
اياد : لا انا مش بحبها ، بس انا بكون مبسوط وانا معاها وبكوم عاوزها معايا دايما و آآ
نفسه : شوفت اهوو انت اعترفت انك بتحبها
اياد : لا لا انا مابحبش حد وماينفعش احب تاني وناام يلا ناااام
_________
سارة وافقت علي ايمن بعد ما صلت صلاة الاستخارة واتطمنت وايمن فرح واتحدد ميعاد خطوبتهم وابتدت سارة تقرب ايمن من ربنا وكل يوم وعند كل فرض تكلمه وتخليه ينزل يصلي في المسجد وايمن حس بالفرق الشاسع بين مريم وسارة وحمد ربنا
___________
اياد وملك معاملتهم تتحسن ويتفقوا علي انهم يكونوا اخوات واصحاب علي الاقل لحد ما يتطلقوا وملك حزينة بس فرحت لانه علي الاقل هيعاملها حلو
____________
في يووم يرن موبايل اياد ويكون رقم غريب وتكون ملك جمب الموبايل وتنادى اياد ويجي اياد واول ما يشوف الرقم يرتبك وياخد التليفون و...
اياد بأرتباك : ملك انا هرد علي التليفون وجاى تانى
ملك : ماشي
ويروح اياد يرد في البلكونة وتكون هايدى ويرد ويحط التليفون ع ودنه و..
اياد : مش قولتلك ماتتصليش بيا تاني ، انتى مابتفهميش ولا اية
هايدى : اسمعني كويس يا اياد ، انا بعتلك فيديو ليا وليك من سهرات زماان ولو ماحولتليش 5 الاف جنية فـ حسابي بكرا الصبح الفيديو دا هيكون واصل لمراتك واياد مصدوم ومش عارف يعمل ايـة وازاى يوقف هايدى عند حدها بس اخد قرار