ملك تفتكر اياد وهو بيقولها والله الفيديو دا قديم يا ملك وتبكي بصمت
منال : كان بيخونك ازاى يعني ؟!
ملك : اصل آآ في حد بعتلي فيديو لأياد وهايدى دى وانه يعني آآ كان بيخونى معاها
منال بصدمة : لا طبعا ، دا يمكن كان قبل اياد ما يحبك ، لكن بعد ما حبك ماخانكيش خاالص وانا اضمنلك دا
ملك : ما انا كنت حاسه يا طنط بس كنت عايزة تأكيد عشان ماتخدعش تاني
منال : طيب يا حبيبتي
ملك : اسيبك ترتاحي بقا يا طنط
وتخرج ملك من عند منال وهي بتفكر ازاى تثبت براءة اياد
____________
في مكان بالقاهرة تحديداً بالمعادى في شقة
رجل : عفارم عليك يا مرزوق
مرزوق : تمام يا باشا انا في الخدمة بس الواد شكله هيلبس القضية وبعدين انا مش فاهم هو ارتبك كأنه هو الي قتلها
الرجل : حظه بقا وقعه فـ المصيبة دى نعمله اية
مرزوق : ماشي يا باشا
الرجل : المهم بقا انا عايزك تسافر برة القاهرة فـ اسرع وقت ممكن عشان الواد دا ابن اكابر والبوليس مش هيسكت وهيدور علي اى خيط يوصله للقاتل
مرزوق : حاضر يا باشا ، سلام
ويمشي مرزوق ويقعد الراجل يفتكر يوم الحادثة
فلاااش باااكـ
راجل طالع من باب العمارة وبيبص حواليه كويس وطالع يتسحب ويوصل لشقة هايدى وتكون الساعة 3 إلا عشرة ولسة هيخبط علي الباب يوقف وهو بيسمع مكالمة هايدى
هايدى : الوو يا اياد تعالالي الشقة بتاعتى دلوقتي
اياد : اقسم بالله يا هايدى لو جيت هقتلك يا حقيرة
هايدى : تعالي وبعدها هروح معاك علي ڤيلتك واقول لمراتك ان الفيديو دا قديم
اياد : ماشي يا هايدى ماشي ، اما نشوف اخرتها معاكى
وتبتسم هايدى ابتسامة شر
ويخبط الراجل علي الباب وتقوم هايدى عشان تفتح الباب وهي مستغربة مين ممكن يجي في الوقت دا وتتصدم لما تشوف الشخص دا و..
هايدى بأرتباك : انت اا اية الي جابك
الراجل : جاى اخد حقي
هايدى : حق اية انت ملكش حقوق عندى
ويزقها الراجل جوا ويقفل الباب ولسة هايدى هتصرخ يروح يكتم بؤها بسرعة و...
الراجل : هدى نفسك عشان تموتي موته سهلة بدل ما اعذبك عذاب عمرك ما شوفتيه وبعدين اموتك
وهايدى مرعوبة وبتبكي من غير صوت ومرزوق واقف تحت العمارة وبيراقب الجو عشان لو حد جه يبلغه
وتفلت هايدى منه بصعوبة وتجرى علي المطبخ وتاخد سكينة و..
هايدى بخوف وايدها بتترعش : والله لو قربت منى هقتلك
الراجل بسخرية : هأ ، ارمي السكينة من ايدك يا حلوة عشان ماتتعوريش
ويهجم عليها مرة واحدة وياخد منها السكينة وهايدى بتحاول تتخلص من مسكته وتعوره بالسكينة يروح مطلع المسدس ويضربها رصاصة بس هايدى ماتموتش وتفضل تطلع فـ الروح يقوم واخد السكينة من جمبها ويدبحها ويتأكد انها ماتت ويسيبها مرمية وياخد السكينة والمسدس ويمشي بسرعة وينزل ياخد مرزوق ويمشوا
الراجل : انا لازم اتخلص من المسدس والسكينة دول ويروح يرميهم في مقلب زبالة كبير ويمشي بسرعة
باااااااكـ
الراجل : مش انا الي علي اخر الزمن ست تضحك عليا ، اتطلقت من جوزها بعد ماخدت منه فلوسه وعايزة تنصب عليا انا كمان ، دا مستحيييل
______________
في مديرية القاهرة تحديداً في مكتب المقدم عصام
عصام : مش عاارف ، القضية دى شكلها مُعقدة
حسام زميله : ولا مُعقدة ولا حاجة ، واحد كان بيخون مراته ولما عشيقته فضحته وقالت لمراته قرر يقتلها ويخلص منها خالص ، سهلة
عصام بتفكير : مش عارف بس حاسس ان في طرف تالت فـ الموضوع
ويدخل العكسرى : الطبيب الشرعي عايز حضرتك يافندم
عصام : دخله
ويدخل الطبيب الشرعي
عصام : خير يا دكتور ؟! في حاجة جديدة ولا اية
الدكتور : في حاجة اكتشفتها ويقلع نضارته ويحطها علي المكتب ويفتح شنطته ويطلع ورق و..
الدكتور : لما عملنا تحليل للدم الي كان علي الارض مكنش دم المجني عليها وعملنا تحليل للمتهم وبردو ماكنش متطابق ودا يدل علي انه في حد تانى كان في الشقة واحتمال كمان مايكنش اياد هو القاتل
عصام بتفكير : انا محتاج اروح شقة المجني عليها ضرورى ، يلا يا حسام
وياخد مسدسه وطاقيته ويخرج يروح لشقة هايدى ويفتح الباب ويدخل ويلاقي ريحة الشقة قذرة
____________
شخص فقير ماشي في الشارع وبيقلب في الزبالة علي اكل وايده تخبط في حاجة حديد وينعكش في الزبالة اكتر ويلاقي مسدس وسكينة مليانة دم ويتخض وهو مش عارف يعمل اية وياخد المسدس والسكينة بالكيسة الي كانوا فيها ويروح علي اقرب قسم شرطة
___________
هند في اوضتها وتقرى تتصل بملك عشان تطمن وتعرف لية ماكنتش بترد عليها الايام دى وتعرف ظروفها ....
ملك قاعدة في اوضتها سرحانة وبتفكر ويرن موبايلها وتلاقي الاتصال من هند وترد و..
هند : واخييرا ، اية يا بنتي قلقتينى عليكي ماكنتيش بتردى لية
ملك : انا ضايعة اوووى يا هند ومش عارفة اعمل اية واتصرف ازاى
هند بقلق : لية خير حصل اية تانى احكيلي
ملك تحكيلها كل الي حصل من اول ما الشرطة جت الفيلا و..
هند بصدمة : يا نهاار اسود طب والعمل
ملك : مش عارفة حاجة مش عارفة
هند : طب اهدى كدة واكيد البوليس هيلاقي القاتل
ملك : يارب
هند بسخرية : قال وانا كنت عايزة اقولك علي فرحى الي مفروض بعد 4 ايام
ملك : بجد ، مبروووك يا هنودة ، كان نفسي اكون معاكى بس الظروف عكسنا
هند : لا طبعا انا مش هعمل الفرح الا اما تكونى حاضرة انتى واياد
ملك : لا لا ماينفعش تأجلي عشانى انتى اعملي فرحك عادى وانا هحاول اجي اباركلك
هند : بس...
تقاطعها ملك بحزم ..
ملك : مابسش مفيش تأجييل ابداً
هند : هييييح ماشي يا ملك طول عمرك عنيدة
وتقفل ملك مع هند وهي علي نفس حالتها
_____________
عصام وحسام في شقة هايدى و..
عصام : انا حاسس اني هلاقي حاجة في الشقة دى ويفضلوا ماشيين وهما حذرين انهم مايلمسوش اى حاجة وفجأة يخبط عصام في الكنبه وموبايله يقع ويوطى عشان يجيبه ويتصدم لما يشوف .....