رواية في قبضة الفهد الجزء الثالث3 بقلم جنات
رواية في قبضة الفهد الجزء الثالث3 الفصل الخامس والعشرون25 بقلم جنات
جاد كان فى مكتبه اللى فى شركه الفهد وهيتجنن وعايز يدخل لحياة بس حنين لسه عندها .
الباب خبط ودخلت السكرتيرة واتكلمت بدلع: باشمهندس جاد حنين خرجت من مكتب حياه وراحت على مكتبها.
جاد: تمام روحى انتى .
جاد خرج من مكتبه وراح على مكتب حياه ودخل من غير ما يخبط حتى .
حياه خافت لما شافته قدامها فجاه وقامت وقفت:انت بتعمل ايه هنا ... اتفضل اخرج برااا حالااا .
جاد قعد على الكرسي ببرود:ولو مخرجتش هتعملى ايه يا حياتى !!
حياه:لو سمحت يا باشمهندس اخرج برا مكتبي يا ما هاكلم فهد او الامن واخليهم يخرجوك بطريقتهم .
جاد برفعه حاجب:بجد ... المفروض اخاف من سي فهد بتاعك .... على حد علمى المفروض انتى اللى تخافى وتترعبي منى بعد اللى حضرتك عملتيه .
حياه:انا عملت ايه عشان اخاف منك اصلا .
جاد:مسكتى ايده قدامى وكمان اتجاهلتى سؤالى ومردتيش عليا .
حياه بتحاول تكون قويه:اولا انا مسكت ايد جوزى حاجه متخصش حضرتك ... ثانيا بقااا ارد ماردش انا حرة بردو .
جاد ابتسم:حلوة القوة دى يا حياه ... بس انصحك بلاها عشان وقتها اللى هيتأذى فهد مش انتى لانى مش هقدر أأذيكى او اوجعك الصراحه .
حياه:انا مش خايفه منك يا جاد ولو مفكر بتهديدك ده انى هبعد عن فهد تبقي غلطان ... انا بحب فهد وهفضل عمرى كله معاه لانه جوزى وحبيبي وابو ابنى اللى هينور حياتنا قريب جدااا .
جاد بيحاول يسيطر على اعصابه عشان ما يتعصبش:متخافيش يا حياتى ابنك هيكون جوا عيونى اصله ابنك انتى وهعامله زى ابنى كمان .
حياه خبطت على المكتب بعصبية:دانت مجنون بجد .... امشي اطلع برااا يلاااا .
جاد قام وقف:هطلع يا حياتى هطلع ... باى .
جاد مشي خطوتين ولف تانى بص لحياه:اه صح الدكتورة ديما عامله ايه الوقت .... اصل عرفت انها منزلتش شغلها بعد اللى حصل .
حياه اتصدمت هى كانت شاكه فيه انه ورا موضوع ديما بس مش متخيله انه خطير بشكل ده .
حياه:انت اللى عملت كدا فى اختى ؟
جاد:اى حد يفكر يقف فى طريقى او يفكر يعرف حاجه مش من حقه ده عقابه ... اختك اه معملتش حاجه تضايقنى بس جوزها عمل ... بيدور ورايا ودى اكتر حاجه بكرهها الصراحه .... وده كان درس صغير .... باى يا حياتى .
جاد خرج من المكتب وحياه قعدت على الكرسي بصدمه مش متخيله الخطر اللى بيحوم حولين عيلتها .
حياه:احسن حاجه اقول لجدو هو اكيد هيعرف يتصرف .. كدا احسن .
الباب اتفتح فجأة وحياه اتخضت .
فهد:مالك يا حياه خوفتى كدا ليه !
حياه:ابدا انا بس كنت سرحانه وانت دخلت فجأه عشان كدا اتخضيت .
فهد:طب اهدى وقومى يلا ... النهارده ناوى اعزم مراتى حبيبتى على الغدا .
حياه اتبسمت:فكرة حلوة بردو .
فهد:طب يلا .
حياه خرجو من المكتب والشركه كلها .
بقلم الكاتبة جنات
ــــــــــــــــ★ــــــــــــــ
بليل فى ڤيلا جاد .
ديالا كانت لسه قاعده مكانها على الارض وبتعيط بعد اللى حصل بينها وبين جاد الصبح .
فونها اللى من الصبح وهو بيرن برقم فريد عمها بس هى مش قادرة حتى ترد عليه لانه اكيد هيعرف انها مش كويسه اول ما يسمع صوتها ولانه بيحس بيها من وهى صغيرة .
جسمها اتنفض لما باب اوضتها اتفتح بقوة وكان جاد .
جاد بصلها وهى قاعده على الارض وبتعيط .
ديالا مسحت دموعها:جاى عايز ايه تانى .
جاد:مابترديش على عمك ليه ؟
ديالا:حاجه متخصكش .
جاد:والله مافيش حاجه تخصك تهمنى اصلا ... بس فريد بيه قلقان عليكى لانك مش بتردى عليه ومن الصبح عمال يرن عليا عشان يطمن عليكى .... فياريت تردى عليه انا مش ناقص وجع دماغ وياريت كمان تسافرى لانى مش عايز اشوف وشك .
جاد خلص كلامه وخرج من اوضتها وقفل الباب بقوة .
وديالا عيطت اكتر ومسكت فونها وبعتت مسدج لعمها "عمو فريد انا اسفه بس انا كنت نايمه تقريبا كدا داخله على دور برد شديد فقولت بلاش انزل الشركه وارتاح شويا ومتقلقش عليا انا بخير لما افوق هابقي اكلمك "
ديالا قفلت فونها وقامت بتعب من على الارض ودخلت الحمام غسلت وشها وغيرت هدومها وخرجت من الحمام قفلت باب الاوضه بالمفتاح ونامت على السرير بتعب .
بقلم الكاتبة جنات
ــــــــــــــــ★ــــــــــــــ
فى قصر الفهد .
الكل كانو بيتعشو سوا .
الفهد قام وقف:الحمدلله .... فهد خلص اكلك وتعالى على المكتب عايزك فى موضوع مهم .
فهد:انا خلصت الحمدلله يا جدو اتفضل .
الفهد:تمارا هاتيلنا ٢ قهوة على المكتب .
تمارا:حاضر .
بقلم الكاتبة جنات
ــــــــــــــــ★ــــــــــــــ
بعد اكتر من ساعتين .
الكل كانو متجمعين سوا فى الريسبشن ولسه فهد مع الفهد فى المكتب .
اسيل:طب ليه تاخدها معاك يا مراد ... سيب سيلا ويزن معانا هنا .
مراد:واهون عليكى يا حماتى افضل لوحدى يعنى .
ادهم:مش هتصعب عليها هى اهم حاجه عندها بنتها تبقي معاها .
ادم:والله انا شايف ان سيلا فرحانه انها مسافرة ونفسها تسافر الوقت قبل بكرة .
سيلا ضحكت:الصراحه اه ... دانا مسافرة فرنسا يا جدعان .
مروة بصت لاسيل:وانتى زعلانه عشان هتبعد عنك وهى مش ساله فيكى اصلا .
اسر:حبيبه خالها بتفكر فى مصلحتها وبس .
سيلا:حبيب قلبي يا خالو انت ياللى فاهمنى .
حنين:انا بقااا هطق ونفسي اسافر يعنى اشمعنا كلهم يسافرو وانا لأ .
ايان:يا بنتى انتى ناسيه انك حامل .
زين ضحك:لما تقومى بسلامه يا نونا انا هسفرك بنفسي .
حنين:حبيبي يا زيزو انت .
مريم:وهتسافرو امته ؟
مراد:طيارتنا كمان يومين .
تمارا:انا اللى مطمنى انكو هتفضلو مع راكان وشروق وريان وجميله .
مراد:عمى فهد قال بلاش نفضل فى بيت لوحدنا ونفضل معاهم فى الڤيلا احسن .
حنين:كمان ڤيلا وفى فرنسا يا ربي .
ايان:والله يابنى ربنا يستر وتوصلو على خير والطيارة متوقعش بيكو فى البحر .
كلهم ضحكو على كلام ايان .
ووقفو ضحك لما سمعو باب المكتب اتفتح بقوة وخرج منه فهد وكان شكله متعصب جدااا وخرج من القصر كله من غير ما يكلم او يبص على حد فيهم .
جنه:هو فى ايه يا زين فهد شكله متعصب .
زين:مش عارف فى ايه .
حسن:هروح اشوف الفهد افهم منه فى ايه .
حسن لسه هيقوم بس وقف لما الفهد خرج من المكتب .
تمارا:فى ايه يا فهد وليه فهد خرج متعصب كدا ؟!
الفهد:مافيش حاجه يا تمارا ... انا بس طلبت حاجه من فهد يعملها فى الشغل وهو اضايق شويا مش اكتر متقلقوش .
حياه كانت قاعده قلقانه وبتفكر ياترى ايه اللى عصب فهد كدا لانه بالعاده بيسمع كلام جده ومش بيعارضه ابداا .
الفهد قعد جمب حياه:متقلقيش يا حياه هو كويس ... شويا وهيرجع متخافيش .
حياه ابتمست لجدها وهزت راسها باه .
بقلم الكاتبة جنات
ــــــــــــــــ★ــــــــــــــ
بعد منتصف الليل .
حياه كانت قاعده فى اوضتها بتستنى فهد يجى .
وقامت وقفت لما الباب اتفتح ودخل فهد .
حياه قربت منه بخوف:فهد انت كويس .
فهد:كويس يا حياتى متخافيش .
حياه:ايه اللى حصل بينك انت وجدو خلاك تخرج متعصب كدا .
فهد:حاجه فى الشغل يا حياه متشغليش دماغك .
حياه:طب ادخل غير هدومك عشان تنام وترتاح .
فهد ابتسم وحط ايده فى جيب البنطلون وطلع علبه صغيرة:اتفضلى يا حياتى .
حياه اخدتها منه وفتحتها كانت سلسله على شكل صدفه بحر وجواها لؤلؤة
!
حياه:دى حلوة اوى يا فهد ربنا يخليك ليا .
فهد اخد منها السلسله ولبسها لحياه اللى كانت فرحانه بيها جدااا .
فهد ابتسم لما شاف فرحتها وضمها لحضنه:ويخليكى ليا يا حياتى .
فهد بعد حياه عنه وحاوط وشها بين ايديه:مش عايزك تقلعيها ابدا يا حياه فاهمه .
حياه:اكيد مش هقلعها كفايه انها منك يا فهد اوعدك مش هشيلها من رقبتى ابدااا .
فهد باس راسها:هدخل اخد شاور واغير .
حياه:حاضر .
بقلم الكاتبة جنات
ــــــــــــــــ★ــــــــــــــ
عدى يومين وجه اليوم اللى هيسافر فيه مراد وسيلا .
الكل متجمعين وبيودعوهم .
اسيل اللى حاضنه يزن ومش عايزة تسيبه .
ادهم:يا اسيل يا حبيبتى هيتاخرو على الطيارة ماينفعش كدا .
اسيل:هيوحشنى اوى يا ادهم .
مراد:يا حبيبه قلبي احنا مش هنغيب عنكو كلها شهر ونرجع كلنا مع عمى راكان .
حسن:ان شاء الله ... ربنا يعينك يا بنى .
مراد:يارب .
سيلا قربت من اسيل:يا ماما ونبي متصعبيش الامر عليا انا اللى كنت فرحانه عشان هسافر بس بجد مش عايزة ابعد عنكو هتوحشونى اوى .
حنين وحياه وديما حضنو سيلا .
مروة:خلاص بقاا يا اسيل .
ادم قرب من اسيل:يا ست الكل مانتى معاكى حور اهو هطلع عينك لحد ما يزن باشا يرجع من فرنسا .
اسيل ضحكت:وماله لما يطلعو عينى دول حبايب قلبي ويعملو اللى يريحهم .
مراد اخد يزن وودع الكل هو وسيلا وركبو العربيه وفهد وايان راحو يوصلوهم المطار .
زين فونه رن وبعد عنهم عشان يرد .
وبعد شويا رجع وقرب من الفهد وهمسله بكلمات محدش سمعهم غير الفهد اللى ابتسم وبص لزين:براڤو عليكو .
بقلم الكاتبة جنات
ــــــــــــــــ★ــــــــــــــ
فى ڤيلا جاد .
ديالا قاعده فى اوضتها سرحانه وفاقت على صوت فونها اللى بيرن برقم فريد عمها .
ديالا اتنهدت براحه وردت عليه:حبيبي يا عمو ياللى واحشنى .
فريد:مالك يا ديالا بقالى كام يوم برن عليكى وانتى مش بتردى ولو رديتى بيكون بمسدج .... من امته واحنا بنتكلم بمسدجات يا ديالا !
ديالا:انا كنت تعبانه والله يا عمو وماكنتش قادرة اتكلم خالص واغلب وقتى كنت بنام من التعب .
فريد:ولما انتى تعبانه اوى كدا مروحتيش تكشفى ليه يا حبيبتى .
ديالا:كنت باخد علاج والحمدلله بقيت احسن متقلقش عليا .
فريد:مقلقش عليكى !! .... دانا كنت هتجنن لما مردتيش عليا لدرجه انى فكرت انزل مصر عشان اطمن عليكى بنفسي .
ديالا ضحكت:ربنا يخليك ليا يا عمو انا بجد بحبك اوى .
فريد:انتى بنتى يا ديالا عارفه يعنى ايه بنتى .
ديالا:عارفه يا حبيبي .
فريد:ديالا .
ديالا:نعم !
فريد:هو جاد زعلك او حصل حاجه بينكو .
ديالا بتوتر:لالا مزعلنيش ولا فى اى حاجه حصلت بينا .... ليه حضرتك بتقول كدا !
فريد:بعد كل التوتر ده وعايزانى اصدقك يا ديالا !
ديالا:والله مافيش حاجه .. حضرتك عارف ان انا وجاد بنشد اوقات سوا عادى يعنى .
فريد:ماشي يا ديالا ... بس هرجع واقولك تانى لو جاد زعلك تعرفينى .
ديالا:حاضر .
فريد:انتى هتروحى الشركه النهارده ؟
ديالا:لا مش هروح لما احس انى بقيت كويسه جدا هابقي انزل الشركه .
فريد:ماشي يا حبيبتى ولو حاسه انك لسه تعبانه خلى جاد ياخدك لدكتور بسرعه .
ديالا:حاضر يا عمو .
فريد:انا هقفل معاكى وهابقي اكلمك وقت تانى .... واياكى مترديش عليا هتلاقينى نزلك مصر .
ديالا:طب ياريت والله يا عمو .
فريد:حبيبه عمك انتى ... يلا سلام وخدى بالك على نفسك .
ديالا:حاضر يا حبيبي .
ديالا قفلت ورمت الفون على السرير جمبها:انا اسفه يا عمو اول مرة اكذب عليك وكله بسبب ابنك جاد باشا .
باب الاوضه خبط .
ديالا:مين ؟
واحده من الخدم:ديالا يا بنتى جاد باشا مستنيكى على الفطار .
ديالا:قوليله يفطر هو يا نعمه انا مش جعانه .
نعمه:حاضر يا بنتى .
بعد دقيقه ديالا اتخضت لما لاقت خبط قوى على باب اوضتها وكانت متاكده انه جاد وحست براحه لانها قافله الباب بالمفتاح .
ديالا:نعم .
جاد:انا مش بعتلك عشان تفطرى معايا .
ديالا:واظن انا قولت لنعمه تقولك انى مش جعانه .
جاد:بس انا قولت هتفطرى يلا اخرجى من الزفته اللى حابسه نفسك فيها دى .
ديالا:مش هفطر يا جاد واظن انه مش بالعافيه يعنى افطر انت وروح شغلك ومالكش دعوة بيا .... اعتبرنى مش موجوده معاك خالص .... وبعدين انا بنفذ كلامك مش حضرتك مش عايز تشوف وشي .
جاد اتعصب من طريقتها وضرب الباب بقوة ومشي وديالا سمعت صوت عربيته بتتحرك بسرعه رهيبه وخرج من الڤيلا .
بقلم الكاتبة جنات
ــــــــــــــــ★ــــــــــــــ
فى شركه جاد اللى قاعد فى مكتبه وكان متعصب من طريقه ديالا .
الباب خبط .
جاد:ادخل .
حازم فتح الباب ودخل وهو متوتر جداا:صباح الخير يا جاد بااشا .
جاد بصله ومردش عليه:موضوع البت اللى اسمها هنا ايه لسه حد بيدور عليها .
حازم:هى لسه فى المكان اللى هى فيه مش بتخرج منه ... والشرطه بدور عليها فى كل مكان .
جاد:قولها متخرجش من مكانها ابداا ولا تكلم اى حد .
حازم بتوتر:مانا قولتها كدا يا باشا .
جاد شايف توتر حازم:مالك يا حازم متوتر ليه ؟؟!
حازم:لا مافيش يا باشا .
جاد بعصبيه:هو انا مش عرفك ... انطق قول ايه اللى حصل .
حازم:بصراحه يا باشا ..
جاد:انجز يا حازم مش ناقصك انا .
حازم:المناقصه راحت من ايدينا .
جاد رفع عينه وبصله:هااا قولت ايه !!!
حازم:المناقصه يا باشا اخدتها شركه تانيه .
جاد ضرب على سطح المكتب بكل قوته:وازاى ده حصل ... المناقصه كانت فى ايدينا احنا ايه اللى حصل ؟ ... ومين اللى اخدوها ؟!
حازم:شركه تحت الانشاء يا باشا ولسه محدش اعلن عن اسمها .
جاد بغضب:كمان .... مانا مشغل معايا شويا بهايم .... انت عارف احنا هنخسر اد ايه بسبب خسارة المناقصه دى ؟!!
حازم:والله يا باشا انا عملت كل اللى حضرتك طلبته بس ....
جاد:بس ايييييه يا غبي ... شكلك كدا مابقيتش نافع فى شغل يا حازم .
حازم:يا باشا والله الشركه دى دخلت فجأه المناقصه واخدوها بلمح البصر كأنهم مخططين لكل حاجه .
جاد:تعرفلى من اصحاب الشركه انت فاهم .
حازم:حاضر يا باشا .
حازم خرج من المكتب وجاد كان متعصب جدااا وفضل يكسر كل حاجه جوا المكتب بسبب الخسارة اللى اتعرضت ليها الشركه ........