رواية في قبضة الفهد الجزء الثالث3 بقلم جنات
رواية في قبضة الفهد الجزء الثالث3 الفصل السادس والعشرون26 بقلم جنات
يوم جديد فى ڤيلا فى فرنسا اللى عايش فيها راكان وشروق وريان وجميله .
راكان وشروق كانو بيستنو مراد وسيلا اللى ريان وجميله راحو يستقبلوهم فى المطار .
شروق:هما اتاخرو ليه كدا ؟!
راكان:كلمت ريان وقالى انهم قربو خلاص .
سمعو صوت عربيه .
راكان:وصلو اهم .
دقايق ودخل ريان وجميله اللى شايله يزن ووراهم مراد وسيلا .
شروق حضنت سيلا:وحشتينى اوى يا سيلا .
سيلا:وانتى والله يا شوشو وحشتينا كلنا .
راكان سلم على مراد: عامل ايه يا بطل ؟
مراد:بخير يا عمى الحمدلله .... انت اخبارك ايه ؟
راكان:زى الفل قدامك اهو .
شروق اخدت يزن من جميله:زيزو القمر وحشتنى اوى اوى .
راكان:يلا يا ولاد اطلعو غيرو وارتاحو اكيد تعبانين على ما شوشو تحضرلنا الاكل .
شروق:جميله وصليهم اوضتهم يا حبيبتى .
جميله:من عيونى يا شوشو ... يلا يا سيلا .
مراد وسيلا مشو مع جميله وطلعو الدور التانى من الڤيلا وجميله وصلتهم لحد الاوضه:اتفضلو دى اوضتكو .
سيلا:شكرا يا ميلا .
جميله:روح ميلا انتى .
جميله نزلت ومراد وسيلا دخلو الاوضه .
بعد اكتر من ٣ ساعات .
سيلا ومراد كانو قاعدين على السفرة مع عيله راكان وبياكلوو سوا .
سيلا:تسلم ايدك يا شوشو .
شروق:بالف هنا يا حبيبتى .
جميله:انا بقااا عملالكو كيك احلى من كيك جنه مليون مرة .
شروق ضحكت وبصت لسيلا:بتحاول تقنعنا من يوم ما جينا هنا انها هتعوضنا عن الكيك بتاعه جنه .
سيلا ضحكت .
جميله:طب بذمتك يا شوشو حلوياتى وحشه .
راكان:سيبك من رايهم يا جوجو انا بحب كل اللى بتعمليه وباكله .
جميله:انت حبيبي يا ريكو .
ريان:بما ان فى كيك يبقي قهوة بقااا معاها ويبقو كدا تسلم ايديكو اوى .
سيلا:انا هعمل القهوة .
جميله:وانا هشيل الاكل وبالمرة اعرفك اماكن الحاجه فى المطبخ .
شروق:وانا هلاعب زيزو حبيبي .
مراد بص لراكان:عمى احنا لازم نتكلم فى الشغل .
راكان:تعالو فى المكتب يا شباب ... شروق ابقي خلى سيلا تجبلنا القهوة فى المكتب .
شروق:حاضر .
بقلم الكاتبة جنات
ــــــــــــــــ★ــــــــــــــ
فى المكتب .
الشباب كانو قاعدين قدام راكان .
مراد ماسك الملفات وبيشوفها بتركيز .
مراد:عمى ده الشركه من اكتر ٣ شهور مش بتاخد ولا صفقه ولا مناقصه مع ان كل الورق سليم والحسابات ممتازة ... ازاى ده بيحصل ؟!
راكان:للاسف الشركه فيها مشاكل كتير وبتخسر ملايين يوميااا .
مراد:احتمال كبير يكون في حد بيخرج اسرار الشركه لشركات منافسه .
ريان:ده اللى فكرنا فيه انا وبابا .... وبنراقب كل الموظفين وخصوصاا اللى ماسكين الحسابات ... بس لحد الوقت مش قادرين نوصل لاى حاجه .
مراد:يبقي احنا نمسك الحسابات لحد يكون ثقه .
راكان:مين الحد ده ؟!
مراد:الفهد مبعتش معايا سيلا عشان تبقي معايا وخلاص يا عمى هو عارف هو باعتها ليه .
ريان:قصدك سيلا تمسك ادارة الحسابات .
مراد:ايوا بس مش غير ما تروح الشركه .
راكان:وده ازاى ؟!
مراد:هنخلى سيلا تقوم بكل امور الحسابات من هنا وهى قاعده فى الڤيلا .... وده طبعاا هيتم بدون معرفه اى موظف من الشركه ... وموظفين الحسابات هيقومو بشغلهم عادى جداا وطبعا كل موظف بيعمل حاجه بيكون موقع عليها .... وهنقارن شغلهم بشغل سيلا ووقتها نعرف الغلط الكبير من انهو موظف.
راكان:فكرة حلوة جدااا .... فى مناقصه مهمه جدااا والفهد عايزنا ندخلها وناخدها عشان نقدر نوقف الشركه تانى على رجليها لان الشركه تقريبااا بقت فى الارض .
مراد:يبقي ننفذ خطتنا فى المناقصه .
راكان:المناقصه دى تقريبا هنحط فيها كل الفلوس اللى لسه فى خزنه الشركه ولو خسرناها يبقي الشركه هتتقفل .
مراد:سيبها على الله يا عمى ان شاء الله خير .
راكان وريان:يارب .
مراد:فى كاميرات فى اوضه الاجتماعات اللى فى الشركه .
ريان:اكيد .
مراد:تمام عايزين سيلا تحضر الاجتماع من خلال الكاميرات دى كأنها معانا .
ريان:سيب الموضوع ده عليا .
مراد:انا هروح افهم سيلا كل حاجه عشان تجهز نفسها .
راكان:تجهز نفسها ازاى يعنى !!
مراد ضحك:اصلها مفكرة نفسها جايه هنا اجازة ومش هتشتغل متعرفش اللى فيها .
ريان وراكان ضحكو ومراد خرج من المكتب .
بقلم الكاتبة جنات
ــــــــــــــــ★ــــــــــــــ
بليل فى قصر الفهد .
حياه كانت قاعده فى اوضتها وفهد ماكنش لسه رجع من الشركه .
وكانت متوترة وبتفتكر كلام جاد ليها والخطر اللى بيشكله اتجاه عيلتها .
ومش عارفه تقول للفهد ولا لأ .
حياه:احسن حاجه اقول لجدو هو هيتصرف بعقل ... لكن فهد اكيد هيتعصب ده ممكن يروح يقتله .... بس جدو لازم يعرف .
حياه خرجت من اوضتها .
بقلم الكاتبة جنات
ــــــــــــــــ★ــــــــــــــ
فى مكتب الفهد اللى كان قاعد وبيكلم مراد عشان يعرف منه كل جديد .
الباب خبط ودخلت حياه:جدو حضرتك فاضى ؟
الفهد:هكلمك بعدين يا مراد ... سلام .
الفهد قفل وبص لحياه:تعالى يا حياه .
حياه دخلت وكانت متوترة جدااا .
الفهد ملاحظ توترها قام وقرب منها واخدها وقعدو على الكنبه:مالك متوترة ليه كدا ؟؟
حياه:جدو فى حاجه حصلت وحضرتك لازم تعرفها ... بس بلاش فهد يعرف لانه ممكن يتهور ووقتها معرفش ممكن يعمل ايه .
الفهد:حاجه ايه يا حياه اتكلمى .
بقلم الكاتبة جنات
ــــــــــــــــ★ــــــــــــــ
بعد اكتر من اسبوع .
جاد اللى كل ما يدخل فى مناقصه او صفقه تروح منه وتاخدها الشركه المجهوله وده معصبه جداا لان الشركه خسرت ملايين كتير وهى لسه بتدأ ودى اول مرة تحصل معاه لانه معروف فى مجال شغله انه ممتاز ومش بيخسر ابدااا .
مراد اللى بينفذ الخطه مع راكان وسيلا وريان وبيحاولو يعرفو مين الخاين اللى بينهم فى الشركه والفهد اللى على تواصل دايم معاهم .
بقلم الكاتبة جنات
ــــــــــــــــ★ــــــــــــــ
فى فرنسا .
مراد كان قاعد مع سيلا وراكان فى المكتب اللى فى الڤيلا .
مراد كان فى ايده الملفات الخاصه بالحسابات:كدا عرفنا مين الخاين يا عمى .
راكان:لسه عايزين نعرف هو بيشتغل تبع مين ؟
مراد:دى سيبها عليا يا عمى .
راكان:هتعمل ايه يا مراد ؟
مراد:متقلقش انا همارس شغلى اللى نسيته من ورا الهندسه بتاعتكو دى .
راكان ضحك:طب خد ريان معاك .
مراد:اكيد .
مراد خرج من المكتب .
راكان بص لسيلا:برافو عليكى يا بت يا سيلا وبردو عيله الفهد رجاله وبنات مافيش زيهم .
سيلا:طبعا داحنا جامدين اخر حاجه .
راكان ضحك:طب قومى نشوف شوشو وميلا بيعملو ايه .
سيلا:يلا .
بقلم الكاتبة جنات
ــــــــــــــــ★ــــــــــــــ
بعد اكتر من ٥ ساعات .
مراد وريان كانو واقفين وقاعد قدامهم الموظف اللى كان بيخرج اسرار الشركه واللى وشه كان كله كدمات .
مراد بص لرجاله اللى تبعه:ينفع اللى عملتوه فيه ده .... دانا قولتلكو اتعاملو معاه بكل حنيه يا شباب .
فتحى الموظف:هو انا عملت ايه يا باشا عشان تعملو معايا كدا ؟
ريان:وكمان بتسال يا تتح ... ده مش عارف عمل ايه يا مراد .
مراد:مش عيب ولاد البلد يعضو فى بعض فى الغربه يا تتح ... بتخون ولاد بلدك ومش بس كدا دانت خونت الفهد بذات نفسه .
فتحى بخوف:الفهد .
ريان:اه الفهد اللى عرف بعملتك واحمد ربك انه مش هنا .
مراد:واحنا نتعب الفهد ويجى لحد هنا ليه .
مراد بص لفتحى اللى هيموت من الخوف:بهدوء كدا هتتكلم وتقول كل حاجه ياما نبعتك فى اول طيارة لعند الفهد .
فتحى بخوف:هتكلم والله يا باشا وهقول كل حاجه .
ريان بص لمراد وابتسم .
مراد:شاطر يا فتحى ... ريان كلم الفهد عشان يسمع كلامه بنفسه .
ريان رن على الفتح فيديو كول وفتحى بدأ يقولهم كل حاجه بخوف من الفهد اللى كانت نظراته لفتحى كلها غضب .
بقلم الكاتبة جنات
ــــــــــــــــ★ــــــــــــــ
بعد يومين .
جاد كان قاعد فى مكتبه فى شركته .
ومتعصب جدااا لانه خسر صفقه جديده ومهمه جداا لشركه .
الباب اتفتح بقوة ودخل الفهد بكل ثقه وغرور .
السكرتيرة بصت لجاد بخوف:والله انا قولته ماينفعش يدخل كدا بس هو رفض يا جاد باشا .
جاد بص للفهد:روحى انتى .
السكرتيرة خرجت
والفهد قرب وقعد على الكرسي وحط رجل على رجل .
جاد:نورت الشركه يا فهد باشا .
الفهد بصله وماردش عليه .
الفهد:اخبار الشغل ايه ؟
جاد:تمام .
الفهد ولسه عينه على المكتب:كنت جاى وعايز اعرض عليك شغل ايه رايك ؟
جاد كان مستغربه لان مش الفهد اللى يروح لعند اى حد ويعرض عليه شغل:ده شرف كبير ليا يا فهد باشا .
الفهد بصله وابتسم بسخريه:بس انا متعودتش اشتغل مع شركه خسرانه يا جاد .
جاد:قصدك ايه ؟!
الفهد:اللى عرفته انك خسرت ٣ مناقصات ده غير الصفقات المهمه اللى خسرتها شركتك .... ياترى هتقدر تشغل الشركه رغم الخسارة الكبيرة دى .
جاد:هو ليه حاسس انك شمتان فيا !
الفهد:تؤ تؤ عيب تقول كدا يا جاد داحنا كان بينا شغل بردو ... وفوق كدا انا جاى اعرض عليك شغل عشان تقدر تعوض الخسارة الكبيرة دى .
جاد:لا متقلقش يا فهد باشا ... انا داخل مناقصه مهمه وناوى اكسبها ووقتها هعوض الخسارة الكبيرة .
الفهد:طب كويس جدااا .. ربنا يوفقك .
جاد:يارب .
فهد عينيه كانت بتدور فى المكتب بيتفرج عليه:شغل حفيدتى ممتاز جداا .
جاد:اكيد .
فهد بصله واتكلم بحده خفيفه:حياه مش مجرد حفيده عندى ...كل احفادى عندى ليهم مكانه كبيرة عندى .... بس حياه دى روحى فيها .... واللى يفكر يقرب منها يكون اخر يوم فى عمره .
جاد بصله وابتسم بخفه .
الفهد قام وقف:اللى كنت جاى عشانه خلصته يا جاد .... سلام .
الفهد مشي خطوتين ووقف ولف لجاد:صح مبروك عليك اللى هيحصل فى شركتك اللى فى فرنسا .
جاد باستغراب:فرنسا ... قصدك ايه ؟
الفهد:كلها كام دقيقه وتعرف قصدى ايه .
الفهد خرج وجاد كان مستغرب ومسك فونه وكلم حازم اللى رد عليه:حازم كلم مدير الشركه اللى فرنسا واعرف منه وضع الشركه بسرعه .... اعمل اللى بقولك عليه من غير ما تسال يلا .
جاد قفل:جاى تهددى يا فهد باشا .... معقول حياه قالتله .... لو عملتيها وقولتى لجدك يا حياه .... يبقي انتى اللى حكمتى عليه بالموت .
فون جاد رن برقم حازم:عرفت ايه الوضع هناك ؟
حازم:شركه الفهد اخدت المناقصه مننا يا باشا .
جاد وقف بعصبيه:ازاى ده حصل .... مش المفروض الغبي اللى اسمه فتحى بيجبلنا اوراقهم ومدير شركتنا بيظبط ورقه على الاساس ده عشان نكسبها احنا .
حازم:ماهو جبلهم الورق وهما ظبطو بس تقريباا اللى اسمه راكان غير الورق باخر لحظه .
جاد:تخلى رجالتنا يجيبو اللى اسمه فتحى اكيد اتفق معاهم .
حازم:حاضر يا باشا .
جاد قفل وكان هيتجنن معقول الفهد عرف بانه هو اللى كان السبب فى المشاكل اللى بتحصل فى شركته اللى فرنسا .
جاد:الظاهر جه وقتك يا فهد ولازم اخلص منك ... بس قبلها لازم اسافر ايطاليا .
جاد مسك فونه وبعت مسدج لحازم عشان يجهز كل حاجه عشان يسافر ايطاليا بطيارته الخاصه .
جاد اخد حاجاته وخرج من المكتب والشركه كلها ورجع على الڤيلا .
بقلم الكاتبة جنات
ــــــــــــــــ★ــــــــــــــ
فى ڤيلا جاد .
اللى وصل ونزل من عربيته وطلع على اوضه ديالا وخبط على الباب:دياااالا .
ديالا ردت من ورا الباب:عايز ايه ؟
جاد:هكون عايز ايه منك .... اتفضلى حضرى شنطتك عشان هنسافر ايطاليا .
ديالا فتحت الباب:نرجع ايطاليا ليه ؟!!
جاد:عندى كام حاجه هعملها هناك وهنرجع مصر تانى .
ديالا:وانا افضل راحه جايه ليه ان شاء الله .... سافر خلص اللى عندك وانا هفضل هنا اتابع الشغل .
جاد:انتى عايز عمك يفتحها معايا تحقيق عشان سبتك هنا لوحدك .
ديالا:انت قولت مش هتتأخر يبقي مالوش لزوم بقااا وبعدين انا هنزل شغلى ومالكش دعوة بيا انا هابقا اكلم عمو فريد .
جاد:انتى حرة ... سلام .
جاد راح يحضر شنطته .
وبعد ساعه جاد نزل وركب عربيته وراح على المطار .
بقلم الكاتبة جنات
ــــــــــــــــ★ــــــــــــــ
فى قصر الفهد .
الفهد كان قاعد فى مكتبه وبيكلم راكان ومراد وريان فيديو كول .
راكان:خدنا المناقصه وانقذنا الشركه يا صاحبي .
الفهد:كنت متاكد انكو قدها يا صاحبي .
مراد:كل حاجه بقت تمام هنا يا عمى .... نكسب الصفقه اللى داخلين عليها ونشوف حد ثقه يمسك الحسابات وبعدها نرجع واحنا مطمنين .
الفهد:عملتو ايه مع اللى اسمه فتحى ؟
ريان:طلعو بيهددوه بعيلته يا عمى .... فاحنا حطينا حراسه عليه وعلى عيلته لحد ما نرجعه مصر بامان .
الفهد: كويس .... خلصو شغلكو عشان ترجعو بقااا .
راكان:مش قادر على بعدنا ولا ايه يا صاحبى .
الفهد ابتسم:يلا سلام .
الفهد قفل وكان مرتاح انه قدرو يحلو مشكله الشركه .
بقلم الكاتبة جنات
ــــــــــــــــ★ــــــــــــــ
تانى يوم فى ايطاليا .
جاد وصل ڤيلته اللى فى ايطاليا وكان فى استقباله والده فريد .
فريد حضنه:حمدلله على السلامه يا جاد .
جاد:الله يسلمك .
فريد:اومال فين ديالا ؟!
جاد:رفضت تيجى معايا وقالت انها عايزة تفضل فى مصر وتتابع الشغل .
فريد:وانت ازاى تسيبها لوحدها يا جاد ... البنت لوحدها ومتعرفش حد ابداا هناك .
جاد: بقولك رفضت تيجى هجيبها غصبن عنها يعنى هى عيله صغيرة .... وبعدين مين ده اللى متعرفش حد دى اتعرفت على عيله الفهد وبقو حبايب .
فريد:وده طبعاا مضايقك !
جاد بصله ومردتش عليه وسابه وطلع على اوضته .
فريد:ربنا يهديك يا بنى ويبعدك عن الطريق اللى ماشي فيه .... ويسامح عمك .
بقلم الكاتبة جنات
ــــــــــــــــ★ــــــــــــــ
بعد يوم طويل حل الليل فى ايطاليا .
جاد نزل من اوضته وخرج من الڤيلا وركب عربيته وراح على قسم كبير لشرطه فى ايطاليا وفيه عدد كبير من المساجين .
جاد نزل وقرب من الحارس اللى واقف على الباب: كل شئ جاهز ؟!!
الحارس:تمام يا فندم ... اتفضل .
الحارس دخل ووراه جاد ... ودخل على اوضه صغيرة فيها تربيزة صغيرة وكرسين .
جاد قعد على كرسي فيهم .
الحارس خرج من الاوضه .
وبعد كام دقيقه باب الاوضه اتفتح ودخلت ست كبيرة فى السن وعينيها اللى بتعكس فرحتها على جاد .
الست قربت وقعدت على الكرسي اللى قدام جاد .
جاد رجع بضهره على الكرسي:اهلا صوفيااا هانم ..... ولا اقول يا ماما ....