رواية في قبضة الفهد الجزء الثالث3 بقلم جنات
رواية في قبضة الفهد الجزء الثالث3 الفصل الثامن والعشرون28 بقلم جنات
فى المستشفى .
تمارا اللى الناس فى الشارع ساعدوها وكلمو الاسعاف اللى وصلو واخدو الفهد اللى كان نبضه ضعيف جدا .
تمارا كانت كأنها جسد بلا روح حتى دموعها رافضه انها تنزل .
وفى الوقت ده وصل رجاله وشباب العيله والبنات .
زينه جرت على تمارا وهى بتعيط:ماما ... بابا ماله طمنينا عليه ونبي .
مريم:تمارا حبيبتى طمنينا على فهد .
مروة:تمارا انتى سمعانا ؟
تمارا عينيها كانت على اوضه العمليات اللى الفهد فيها ومش بترد ولا بتتكلم .
زين شايف خوف مامته قعد جمبها واخدها فى حضنه: حبيبتى يا توتا ... متخافيش الفهد قوى وهيقوم منها كلنا عارفين كدا صح .
زين نهى كلامه وهو بيبص لافراد عيلته اللى كلهم منهارين .
حسن:اكيد ... الفهد هيقوم منها بكل قوته ... ادعوله انتو بس ربنا يقومه بسلامه .
الكل:يارب يارب .
عدت ساعه ومحدش بيخرج ولا بيطمنهم وخوفهم بيزيد .
فهد اللى ضامم حياه اللى منهارة لحضنه .
وايان اللى قاعد جمب حنين وماسك ايديها وبيحاول يهديها .
جنه اللى واقفه جمب زين اللى اخد تمارا فى حضنه وبتحاول تخفف عنه .
وزينه اللى قاعده جمب اسر وحاطه راسها على كتفه ودموعها نازله زى الشلال على خدها .
مريم ومروة اللى كل واحده بتحاول تخفف على جوزها .
ديما اللى اصرت تدخل تساعد فى العمليه .
باب اوضه العمليات اتفتح وخرج الدكتور وديما اللى بتحاول تبان قويه .
كنان:طمنا يا دكتور فهد عامل ايه ؟!
الدكتور:مش هضحك عليكم العمليه كانت صعبه ... بس ستر ربنا ان الرصاصه ماكنتش فى القلب مباشر .... بس كمان كانت قريبه جدااا .
زين:يعنى ايه يا دكتور ياريت تفهمنا والدى عامل ايه !!
الدكتور:العمليه عدت على خير وقدرنا نخرج الرصاصه بس مش هنقدر نحكم غير لما يفوق .
حسن:هو المفروض يفوق امته ؟!
الدكتور:المفروض خلال ١٢ ساعه ... ولو مافاقش للاسف يبقي ده مؤشر انه دخل فى غيبوبه .
الكل خافو من كلام الدكتور اللى خلص كلامه ومشي .
زينه قربت من ديما:هو بجد بابا ممكن يدخل فى غيبوبه .
ديما دموعها نزلت اخيراا بعد ما كانت منعاها طول ماهى فى اوضه العمليات .
ديما: الرصاصه كانت قريبه اوى ... وكنا خايفين جداا ان القلب يقف اثناء العمليه ... بس الحمدلله عدت على خير .... بس ممكن احتمال يدخل فى غيبوبه لو مفاقش خلال ١٢ ساعه .
ادم قرب من ديما لانه حاسس اد ايه صعب انها تكون موجوده فى عمليه لحد هى بتحبه جداا وقريب منه اوى واخدها فى حضنه
وديما عيطت اكتر:جدو هيخرج الوقت بس هيدخل العنايه لانه لازم يكون تحت مراقبه كبيرة .
ادم:ديما حبيبتى اهدى وتعالى غيرى هدوم العمليه ونرجع تانى .
ديما مشت مع ادم وراحت على مكتبها .
تمارا كانت سامعه كلامها كله وبتحاول تستوعب معقول فهد جوا فى اوضه العمليات ... معقول فهد يسيبها .... وكان نفسها تصرخ باعلى صوت وتنادى عليه .
واخيرا صوتها خرج:انا ... السبب
الكل بصو ليها ومستغربين هى السبب ازاى .
حسن قرب منها:انتى السبب ازاى يا تمارا ؟!
تماارا بصت لحسن:انا اللى قولتله تعالى نخرج .... لو ماكنتش طلبت منه ماكنش خرج وماكنش حصل كل ده يا حسن .
حسن اخدها فى حضنه:ده نصيب يا تمارا .... بلاش تحملى نفسك الذنب يا حبيبتى .
مروة:صح يا تمارا ... ده قدر ومكتوب يا حبيبتى ... ادعيله ربنا يقومه بسلامه .
تمارا:يارب .. يارب .
فى الوقت ده خرج الفهد اللى نايم على سرير والممرضين بيحركوه .
العيله كلهم واولهم تمارا قربو منه .
تمارا باسته من راسه وهى بتعيط:قوم بسلامه عشان خاطرنا كلنا يا فهد .
الممرض حرك السرير وبعد عن العيله اللى انهارو لما شافو حاله الفهد اللى متعودين دايما انه قوى جداا ولا اى حاجه تقدر تهزه بس المرة دى كان ضعيف جداااا .
اليوم عدى عليهم كأنه سنه .
حسن اللى طلب يجهزو جناح كبير فى المستشفى عشان العيله تفضل فيه .
وكلهم بيستنو الـ١٢ ساعه يعدو عشان الفهد يفوق .
الباب خبط .
كنان فتح الباب كان الدكتور وديما وراه وبتعيط .
حسن:طمنا يا دكتور الفهد فاق ؟!
الدكتور:للاسف الفهد دخل غيبوبه .
تمارا بصدمه:غيبوبه !!
الدكتور:بصو انا مش عايزكو تخافو ابداا ... وافهمو ان العمليه ماكنتش سهله وكمان عمر الفهد كبير عشان كدا كان ممكن لقدر الله نخسره اثناء العمليه .
زين:والغيبوبه دى هطول ؟
الدكتور:على حسب ... ممكن اسبوع . شهر ممكن سنه ده مش فى ايدينا .... ياريت تدعوله كتير .
الدكتور خرج والعيله كلهم انهارو من الخبر .
حياه اللى اغمى عليها وفهد وديما جرو عليها .
ديما:نيمها على السرير بسرعه يا فهد .
فهد شال حياه ونيمها على السرير .
ديما:انا هنادى الدكتورة المختصه تشوفها احسن .
ديما خرجت من الاوضه وبعد شويا رجعت ومعاها دكتورة حياه اللى بدات تكشف عليها .
الدكتورة:اللى حصلها بسبب الضغط اللى هى فيه انا هعلقلها محلول وان شاء الله هتبقي كويسه ... وياريت انتى كمان يا حنين ترتاحى عشان مايحصلش معاكى زى حياه .
مريم:تمام شكراا يا دكتورة .
الدكتورة خرجت وجت الممرضه علقت لحياه المحلول وخرجت .
حسن:انا من رايي انكو ترجعو القصر ... وجودنا هنا مش هيفيد بحاجه .
تمارا:انا مش همشي من هنا من غير الفهد .
كنان:تمارا انتى سمعتى كلام الدكتور الفهد دخل فى غيبوبه ووجودنا مش هيعمل حاجه .... ياريت ترجعو كلكو على القصر .... عشان البنات ما تتعبش ممكن .
حسن:وانت يا ادم مهمتك تعرف مين عمل كدا .
ادم:متقلقش يا جدو انا القضيه فى ايدى بس عايز افهم من توتا ايه اللى حصل بظبط .
تمارا بدات تحكيله اللى حصل .
ادم:تمام انا هشوف الكاميرات اللى فى المكان ده واكيد هنوصل للى عملها .
حسن:اسر يلا خدو الكل روحوهم ... لان اسيل فى البيت لوحدها مع حور .
ادم:بابا معاها يا جدو .
حسن:انا بقول كلكو تمشو وكل واحد يشوف وراه ايه .... فهد الشركه مسؤليتك انت وايان ومعاكو اسر يلا .
الكل مشو وفضل فهد مع حياه لحد ما خلصت المحلول وبعدها اخدها على القصر .
وفضل حسن وزين وكنان فى المستشفى ومعاهم ديما وتمارا اللى اصرت متمشيش من المستشفى غير والفهد معاها.
بقلم الكاتبة جنات
ــــــــــــــــ★ــــــــــــــ
فى ايطاليا .
جاد كان قاعد فى اوضته ومستمتع جدااا وهو شايف صورة الفهد اللى واقع على الارض والدم حوليه .
جاد:كدا تمام اوى .... كدا بقاااا نكمل باقى الخطه .
جاد رن على رقم حياه بس كان مقفول .
جاد:وماله نستنى شويا يا حياتى ... بس مهما طولنا هتبقي ليا انا وبس .
باب الاوضه اتفتح بقوة وكان فريد .
جاد:اظن فى باب تخبط عليه .
فريد:انت اللى عملت كدا فى الفهد ؟!
جاد:عملت ايه ؟!
فريد بعصبيه:بلاش تستفزنى ببرودك ده يا جاد الراجل تقريبا كان هيموت انت ايه يابنى شيطان .
جاد:والله انا قدامك اهو ومعملتش حاجه وماليش دخل باى حاجه بتحصل .
فريد:المفروض اصدقك يعنى !
جاد:المفروض يا والدى .
فريد:صدقنى هيجى الوقت اللى تندم فيه يا جاد ووقتها مش هتلاقينى جمبك .
جاد بسخريه:ليه حضرتك ناوى تسافر ولا ايه ؟!
فريد بصله بحزن وخرج من الاوضه وراح على اوضته .
فريد دخل اوضته وفتح الدولاب وطلع التحاليل الخاصه بيه وافتكر لما كان بيحس بصداع شديد وتعب جامد وراح لدكتور وطلب منه يعمل تحاليل دى ولما عملها وراحله مرة تانيه والدكتور قاله انه عنده ورم بالمخ وانه فى المرحله الاخيرة وللاسف مالوش علاج .... وللاسف ايامه بقت محدودة جدااا .
فريد:الوحيده اللى هيفرق معاها موتى هتكونى انتى يا ديالا .... لكن ابنى ...
فريد نزلت دمعه من عينيه بحزن وحط ايده على راسه لما حس بصداع رهيب اللى بقاا ملازمه الفترة الاخيرة .
فريد:نفسي اطمن عليكى قبل ما اموت يا ديالا .
بقلم الكاتبة جنات
ــــــــــــــــ★ــــــــــــــ
حياه خلصت المحلول بتاعها وبعدها رجعت على القصر مع فهد .
فهد:اطلعى ارتاحى يا حياه وانا هرجع المستشفى اشوفهم لو محتاجين منى حاجه .
حياه:حاضر .
حياه طلعت اوضتها .
ودخلت اخدت شاور وغيرت ونامت على السرير واخدت فونها من الشنطه كان فاصل شحن .
علقته على الشاحن القريب من السرير وفتحته .
ولاقيت مسدجات ومكالمات كتير من ناس كتير ومنهم ديالا اللى كانت بعتلها مسدجات بتحاول تطمن على الفهد .
حياه بعتتلها مسدج انه دخل فى غيبوبه وانها تدعيله كتير .
ديالا اول ما وصلها المسدج طلبت حياه اللى ردت عليها .
ديالا:حياه طمنينى عليكو انتو كويسين ؟!
حياه:محدش فينا كويس يا ديالا جدو هو رمز قوة العيله ومن غيره كلنا تايهين .
ديالا:حبيبتى ربنا يقومه ليكو بالف سلامه ويرجع ينور القصر .
حياه:يارب يا ديالا ادعيله كتير اوى .
ديالا:والله بدعيله يا حبيبتى ... حياه انا بجد حبيتكو اوى كأنكو عيلتى .
حياه:حبيبتى يا ديالا ربنا يخليكى ليا يارب .
ديالا:انا هسيبك ترتاحى اكيد تعبانه ... وهابقي اكلمك اطمن منك .
حياه:حاضر يا ديالا .
حياه قفلت مع ديالا وحطت الفون على الكمود جمبها ولسه هتنام فونها رن برقم اول ما شافته عرفت انه من بلد اجنبي .
حياه مجاش فى بالها جاد ابداا وفكرت ان ممكن يكون اى حد بيحاول يطمن على جدها .
حياه ردت:الو .
جاد:وحشتينى يا حياتى .
حياه اتصدمت لما سمعت صوت جاد .
جاد:اياكى تقفلى ... لو قفلتى صدقينى هتندمى يا حياه .
حياه:انت عايز ايه منى حرام عليك سبنى فى حالى بقااا وابعد عنى .
جاد:مقدرش ابعد عنك يا حياه ... انا اموت لو بعدت عنك .
حياه:انت مجنون ومريض ... انا واحده متجوزة وبحب جوزى وحامل منه عايز تخرب حياتى ليه حرام عليك .
جاد:انا لما جيت مصر كنت بخطط لحاجات كتير بس ماكنش فى حسابي انى اشوفك واعشقك يا حياه .
حياه:انا هقفل واياك تتصل عليا تانى .
جاد:شكلك عايزه العيله كلها تحصل الفهد .
حياه:قصدك ايه .... قصدك ان انت اللى ورا اللى حصل لجدو .
جاد:ايوا وعلى فكرة انتى السبب .
حياه:انا !
جاد:جدك جالى شركتى وهددنى انى ابعد عنك .... وعرفت انك قولتيله ... ماكنش لازم تقوليله يا حياه ... انتى اللى عرضتى حياته للخطر .
حياه عيطت:حرام عليك ... حرام عليك .
جاد:عايزة تنقذى كل عيلتك ... تطلبي الطلاق من فهد وتيجى لحد عندى .
حياه:مش هيحصل ... انا مش هبعد عن فهد انت فاهم واعمل اللى تعمله .
جاد:حلو اوى .... يبقي بكرة هتقرى الفاتحه على روح جدك اللى فى المستشفى وجوزك وممكن ابوكى بردو .
حياه عيطت اكتر وقفلت فى وشه وكانت منهارة مش عارفه تعمل ايه .
بقلم الكاتبة جنات
ــــــــــــــــ★ــــــــــــــ
صباح تانى يوم .
الماميز والبنات قاعدين فى ريسبشن القصر والحزن ظاهر على وشوشهم .
زينه اللى مقهورة وقلبها وجعها على والدها .
حنين اللى خوفها على جدها كبير فوق الوصف .
حياه اللى منامتش طول الليل وهى منهارة ومحمله نفسها ذنب اللى حصل مع جدها بعد كلام جاد ليها ... وخوفها الاكبر ان جاد ينفذ كلامه ويأذى جدها فى المستشفى او فهد .
الكل فاقو من حزنهم لما شافو شروق وجميله وسيلا اللى شايله يزن نايم على كتفها داخلين القصر .
مروة:حمدلله على السلامه يا شروق ... معرفتوناش ليه انكو جايين .
شروق حضنتها:الله يسلمك يا حبيبتى .
شروق وجميله وسيلا سلمو على الكل .
شروق:طمونا الفهد عامل ايه ؟
مريم:للاسف يا شروق دخل فى غيبوبه ومش عارفين هيقوم منها امته .
شروق:راكان اول ما سمع الخبر كان هيتجنن وطلب انهم يجهزو الطيارة الخاصه وجينا على هنا .
جنه:اومال هما فين ؟
سيلا:راحو على المستشفى كانو هيتجننو لان مافيش حد عايز يقولهم جدو فهد عامل ايه .
جميله:اومال فين توتا ؟
زينه:انتى عارفه ماما يا جميله مستحيل ترجع من غير بابا .
شروق:ان شاء الله يقوم بالف سلامه ويرجعو ينورو بيتهم من تانى .
الكل:يارب .
مروة:اطلعو ارتاحو يا شروق اكيد تعبانين من السفر .
شروق:انا هطلع اخد شاور واغير واروح اشوف تمارا .
مريم:ارتاحو يا شروق ساعتين وهنروح كلنا سوا .
شروق:حاضر .
اسيل:هاتى يزن انيمه فى اوضته يا سيلا واطلعى ارتاحى شويا .
اسيل اخدت يزن وراحت تنيمه فى اوضه بتاعته مع حور .
شروق وسيلا وجميله كل واحده طلعت اوضتها يرتاحو من السفر .
حياه بتعب واضح:انا هروح المستشفى اطمن على توتا وجدو وبعدها هروح الشركه لان ماينفعش نوقف شغل .
زينه:شركه ايه يا حياه في الوقت ده ... وبعدين انتى شكلك تعبانه بلاش تخرجى من البيت وخليكى روحى المستشفى معانا .
حياه:لازم كل حاجه تمشي كأن جدو موجود يا ماما ... لما يقوم بسلامه باذن الله لو عرف اننا قصرنا فى شغلنا اكيد هيزعل مننا .
اسيل جت من اوضه الاطفال:شركه ايه يا حياه انتو مافيش واحده فيكو هتخرج من هنا .
مريم:روحى يا حبيبتى وحنين كمان قومى روحى معاها ... السواق برا وكمان الحراسه هتبقي وراكو .
حنين:حاضر .
البنات خرجو من القصر .
زينه:انا خايفه عليهم ليه قولتيلهم يخرجو !
مروة:يا حبيبتى كدا عشان يتلهو فى الشغل وينسو حزنهم شويا .
مريم:لو فضلو قاعدين فى البيت هيفضلو بالحاله اللى شيفاهم عليها دى ... وانتى عارفه الحزن غلط عليهم وهما حوامل .
اسيل:احنا مش عارفين مين العدو اللى بيحوم حولينا يا مريم والخوف الكبير على الولاد ... المفروض ماكنوش خرجو من القصر خالص .
مروة:ياجماعه ... متقلقوش الحراسه معاهم ... يلا يا زينه انتى وجنه ومعاكو اسيل جهزو الاكل عشان ناخده معانا المستشفى اكيد تمارا والكل مأكلوش حاجه .
زينه:حاضر .
بقلم الكاتبة جنات
ــــــــــــــــ★ــــــــــــــ
فى المستشفى .
كان قاعد كنان وحسن ومعاهم الشباب .
واتفاجأو لما شافو راكان وريان ومراد داخلين عليهم .
راكان قرب من ايان بغضب:انا مش برن عليك يا حيوان مابتردش عليا ليا ؟؟
ايان بص لحسن .
حسن:انا اللى قولتله ما يردش يا راكان .
راكان:انا كنت هتجنن لما سمعت الخبر ومش عارف اوصل لاى حد فيكو .
كنان:اهدى يا راكان ... حمدلله على سلامتكو .
مراد:عمى الفهد عامل ايه ؟؟!
ادم:للاسف دخل فى غيبوبه .
راكان:الدكتور قالكو ايه طمنونى ؟
كنان:للاسف يا صاحبي ... الغيبوبه مش معروف هيصحى منها امته .
راكان:انا مش مصدق ان كل ده حصل .... ومين اللى عمل كدا فيه ؟!
اسر:ادم لسه بيحقق فى الموضوع يا عمى .
مراد:انا معاك يا ادم قولى المفروض نعمل ايه واحنا نعلمه سوا .
ادم:انا فرغت الكاميرات واخدنا رقم العربيه ولسه بندور على اصحابها .
راكان:انا عايز اشوفه .
كنان:هو فى العنايه يا راكان وممنوع الزياده ... ممكن تشوفه من برا تعالى معايا .
ريان قرب من زين وطبطب على كتفه:هيقوم منها يا زين .... الفهد قوى يا صاحبي ويا جبل ما يهزك ريح .
زين:يارب يا صاحبي .
فى الوقت ده وصلت حياه وحنين .
حياه:صباح الخير .
الكل:صباح النور .
حسن:ايه اللى خرجكو من البيت !
حنين:جينا نطمن على جدو وبعدها نروح الشركه .
زين:احنا قولنا بلاش شغل الوقت ... احنا هنقوم بكل حاجه وانتو تفضلو ف البيت كده امان ليكو .
اسر:روحو بصو على الفهد وشوفو تمارا وبعدها فهد وايان هيوصلكو القصر والشغل مالكوش دعوة بيه وممنوع خروج من القصر .
حياه:بس يا بــ ...
زين:من غير بس يا حياه يلا اسمعو الكلام .
حياه وحنين:حاضر ...
بقلم الكاتبة جنات
ــــــــــــــــ★ــــــــــــــ
عدى اكتر من شهر .
والفهد لسه فى الغيبوبه .
تمارا اللى رافضه تسيب المستشفى .
والحزن مسيطر على العيله كلها .
تهديدات جاد اليوميه لحياه وده مخوفها جداا .
مراد وادم اللى عرفو صاحب العربيه اللى ضربت نار على الفهد بس لسه مش قادرين يوصلو ليه لحد الوقت .
وليد ورفعت اللى لسه بيدورو على هنا ومش قادرين يعرفو طريقهاا .
حازم اللى بيروحلها دايما من ورا جاد .
حسن وكنان وراكان اللى دايما فى المستشفى عشان يبقو قريبين من الفهد وتمارا وديما اللى بتابع حاله جدها .
زين واسر وريان ومعاهم الشباب فهد وايان بيتابعو امور الشركه .
الشركه المجهوله اللى لسه بتاخد المناقصات والصفقات من شركه جاد وده هيجننه لانه مش قادر يوصل لمعلومات عنهم ابداا .
البنات مابقوش ينزلو شغلهم بامر من الكبار خوفااا عليهم وده مطمن حياه لكن جاد بيوصل ليها عن طريق الفون او بمسدجات .
فريد اللى تعبه بيزيد كل يوم وجاد ابنه مش حاسس بيه .
ديالا اللى بتابع شغل الشركه لان جاد لسه مرجعش مصر .
بقلم الكاتبة جنات
ــــــــــــــــ★ــــــــــــــ
اشرقت شمس يوم جديد فى مكان اول مرة نزوره فى الجيزة وهى نفسها الشقه اللى قاعده فيها هنا .
الباب اتفتح ودخل حازم والشقه كانت هاديه جدااا .
حازم قفل الباب وحط الشنط اللى فى ايده على التربيزة الموجوده فى الصاله ودخل اوضه النوم كانت هنا لسه نايمه .
حازم قرب منها وباسها من خدها وهنا قامت مخضوضه .
حازم: اهدى ده انا .
هنا:خوفتنى يا حازم وقولتلك مليون مرة متدخلش تتسحب كدا .
حازم:انا اسف ... جيت وجبتلك اكل معايا قومى يلا نفطر سوا قبل ما امشي .
هنا:هو انا هفضل محبوسه كدا كتير يا حازم انا زهقت .
حازم:هنعمل ايه ! .... الشرطه مش بيزهقو ولسه بيدورو عليكى فى كل حته .
هنا:طب وانت لو الباشا بتاعك عرف انك بتجيلى هيقتلك .
حازم:الباشا مش هنا مسافر كام يوم ... لما يبقي يرجع مش هابقي اجيلك .
هنا:انت ما ينفعش تيجلى كل شويا كدا يا حازم الناس هتقول عليا ايه ؟!
حازم:انتى عبيطه يا بنتى ... انتى مراتى على سنه الله ورسوله ومايهمنيش كلام اى حد .
هنا:بس محدش يعرف انى مراتك يا حازم .
حازم مسك ايدها:بكرة الكابوس ده ينتهى وهاخدك ونسافر ونعيش احلى حياه سوا .
هنا:امته بقااا بجد ؟!
حازم:قريب اوى يا حبيبتى ... انا اسف انا اللى دخلتلك فى الحور ده .
هنا:انت مالكش ذنب كل اللى حصل بسبب طمعى انا وبس .
حازم:كل ده هيعدى متقلقيش يا حبيبتى .
هنا:ربنا يخليك ليا يا حازم انت اللى مهون عليا الخنقه دى .
حازم:احنا هنفضل نتكلم كتير ولا ايه ... يلا انا جعان موت .
هنا ضحكت:ماكنتش بدخل المطبخ ولا بغسل كوبايه حتى الوقت بعمل كل حاجه عشان خاطر عيونك انت وبس .
حازم:حبيبي يا ناس .
هنا قامت جهزت الفطار وفطرو سوااا .
حازم كان فرحان من قلبه بتغير هنا اللى مبقاش فارق معاها الفلوس ولا شكلها بالعكس دى نست الفلوس اللى معاها وعرضت عليه انه ياخدهم ويحاولو يسفرهم لاى بلد عشان يهربو بس هو رفض .
حازم خلص الفطار وخرج من الشقه وركب عربيته ومشي .
وفى نص الطريق لاقى عربيه نقل واقفه وقفله الطريق .
حازم نزل وقرب من مكان السواق:انت واقف فى نص الطريق كدا ليه اتحرك يلا .
بس فجاه حازم اغمى عليه لما حد ضربه على راسه بعصايه .
ونزل ٤ رجاله من العربيع النقل وشالو حازم وركبوه العربيه بتاعته واتحركو بسرعه قبل ما حد يشوفهم .
والعربيه النقل اتحرك معاهم ........