رواية في قبضة الفهد الجزء الثالث3 الفصل السابع عشر17 بقلم جنات
فى ڤيلا جاد اللى نايم فى اوضته وبدأ يفتح عينيه على صوت رنه فونه .
جاد قام قعد وسند ضهره على ضهر السرير ومسك فونه ورد على حازم مدير اعماله .
جاد:امممم .
حازم:فهد خرج امبارح .
جاد فجأة عينيه وملامحه اللى اتحولت للغضب وقام من على السرير بعصبيه:خرج منها ازاى يا غبي !!
حازم:الواد فاق وقال انه مش فهد اللى ضربه بالسكينه .
جاد:اومال قال مين ؟!!
حازم:مقالش يا باشا مات قبل ما ينطق اى حاجه .
جاد قفل فى وشه ومسك ازازة البرفيوم ورماها على مرايه التسريحه بكل قوته وكان متعصب جدااا .
جاد:المرة دى خرجت منها بسهوله ... بس المرة الجايه انا اللى هخرجك بس من الدنيا كلها يا فهد ... ووقتها حياه هتكون ليا انا وبس .... حياتى انا .
جاد كان متعصب جدااا وفضل يكسر فى الاوضه كلهاا .
وفاق من عصبيته على صوت خبط جامد على باب جناحه .
جاد فتح الباب بعصبيه وشاف ديالا واقفه قدامه وشكلها لسه صاحيه من النوم وباين على وشها الخوف .
جاد بحده:عايزة ايه ؟!!
ديالا بصت على الاوضه اللى كلها تقريبا متكسرة ورجعت بصت لجاد:انت كويس !!
جاد اتنهد:كويس .
ديالا حولت تدارى خوفها عليه واتكلمت بحده خفيفه:ولما حضرتك كويس عامل قلق من الصبح ليه .... صحيتنى من النوم .
جاد بصلها برفعه حاجب:نعم !!
ديالا:هو ايه اللى نعم !! .... بعد كدا راعى انك مش عايش لوحدك فى الڤيلا وبلاش تعمل قلق لغيرك .
ديالا قالت كدا ومشت بسرعه من قدامه بعد ما شافت الغضب بدأ يظهر على ملامح وشه .
جاد اتنهد بضيق ودخل ورزع الباب بكل قوته:قال صحيتنى قال .
جاد قعد على السرير وسند ضهره على ضهر السرير وبدأ يفتكر اول مرة راح فيها شركه الفهد وشاف حياه وحنين لما ركبو معاه الاسانسير وسحرته بجمالها وروحها ورقتها وكان مستغرب نفسه جداا .
وعينه اللى كانت بتروح عليها من وقت لتانى فى اول اجتماع بينهم وافتكر لما عرف انها حفيده الفهد وكمان متجوزه فهد ابن عمتها وده ضايقه جدا .
ووقتها مشي من الشركه ورجع على شقته وكان متعصب جداا لانه من وقت ماشافها وهو حاسس انها ملكه هو وبس .
وعصبيته وغضبه اللى بيحاول يداريه كل مرة بيشوفهم سوا واد ايه بيحبو بعض .
وافتكر لما بعتلها الورد اول مرة على مكتبها وكل مرة كان بيبعت مسدج ليها ولفهد عشان يخوفهم وتبعد عنه وتطلب الطلاق .
والصور اللى كان حد تبعه بيصورها لحياه وهى فى شرم مع فهد وبعتهم لفهد فى مسدج على فونه .
ولما اتفق مع ناس عشان يخبطو عربيتها ويخوفها بس حذرهم محدش فيهم يأذيها وهو لحقها وانقذها ووقتها حس انه كسب ثقه فهد والعيله كلها باستثناء الفهد لانه غامض جدااا .
واخيرا فهد وثق فيه وحكاله على كل اللى بيحصل معاهم وهو قدر يستغل ده لصالحه .
لما شاف نظرات الاعجاب من رياض لحياه بس كان اعجاب بالمهندسه اللى بيدرب معاها مش حب لانه عارف انها متجوزة فهد .
وبعدها اخد ملف من رياض من وراه وامر حد خبير فى تقليد الخطوط عشان يكتب الرسالة اللى بعتها مع الصور على قصر الفهد والامضا اللى بحرفه وحرف حياه اللى كان متاكد ان ادم او مراد بحكم شغلهم اكيد هياخدو بالهم منها .
ولما فهد بدأ يشك في رياض اللى فعلا ماكنش ليه حد ودايما من شغله لبيته .
جاد جمع معلومات عنه وعرف انه مالوش غير اخ فى مدرسه داخليه وقدر يستغل ده .
•• فلاش باااااك ••
جاد كان قاعد فى مكتبه وطلب من رياض يجيله بحجه انه يأكد على حاجه فى تصميم الشركه بتاعته لان رياض من المهندسين اللى بيشتغلو فى الشركه .
الباب خبط .
جاد:ادخل .
رياض فتح الباب ودخل:صباح الخير يا باشمهندس .
جاد:صباح النور ... اتفضل يا باشمهندس .
رياض دخل قعد على الكرسي:حضرتك طلبتنى ؟!!
جاد:ايوا كان فى حاجه كدا عايز ازودها فى الدور التالت من الشركه .
رياض:اكيد طبعااا اتفضل قولى ايه هيا وانا هزودها على التصميم .
جاد فضل يشرحله شويا حاجات ورياض بيكتب كل الملاحظات .
جاد بص فى ساعته:يااااه دانا عندى معاد مهم جدااا واتاخرت عليه .
رياض:حضرتك ممكن تتفضل وانا اكيد هعرف الباشمهندسه حياه .
جاد:تمام ..... بس الباشمهندسه تقريبااا مشت !!
رياض:لا هى مع مستر فهد وعرفت انهم هيمشو سوااا .
جاد:وانت هتمشي الوقت اكيد ؟
رياض:ايوا انا خلصت شغلى وهرجع على بيتى .
جاد:طب ممكن اطلب منك خدمه يا باشمهندس ؟!
رياض:اكيد طبعااا اتفضل يا باشمهندس .
جاد:انا عندى معاد زيارة مهمه جدااا ولسه عندى شويا شغل ..... فلو سمحت تعدى على محل الورد اللى فى اول الشارع تحجزلى بوكيه ورد شيك وياريت تطلب من صاحب المحل يهتم بيه لانى لحبيبتى .... وانا هعدى عليه وانا خارج من الشركه ..... او اقولك يا رياض لما تروح المحل ادى رقمى لصاحب المحل وخليه يتواصل معايا .
رياض ابتسم:اكيد يا باشمهندس .... عن اذنك عشان الحق .
جاد:اتفضل .
رياض خرج وجاد ابتسم .
وبعد شويا فونه رن برقم غريب وجاد رد عليه:الو ...... اهلا وسهلا .... انا كنت عايز البوكيه يوصل على شركه الفهد للباشمهندسه حياه ..... وياريت لو حد جه وطلب يعرف رياض كان بيعمل ايه عندك ياريت تقوله انه كان جاى يطلب بوكيه لحبيبته وبس كدا .... وانا هبعتلك سعر بوكيه الورد وعليه توصيه منى انا شخصياااا ...... طب تمام واه ياريت تكتب الكلام اللى هقولك عليه فى الكارت .
جاد كمل بتهديد:وممنوع حد يعرف انك كلمتنى وانا تعرفنى اصلا ..... تمام سلام .
جاد قفل وابتسم بخبث على نجاح خطته .
•• بااااااك ••
جاد:مش هسيبها ليك يا فهد .... ويا انا يا انت .... بس الاكيد هيكون انا .
جاد ضحك بصوته كله وقام عشان يجهز وينزل الشركه .
بقلم الكاتبة جنات
ــــــــــــــــ★ــــــــــــــ
جاد جهز ونزل على السلم وسامع ديالا بتكلم فريد عمها .
ديالا:من عيونى طبعااا ياعموو .... انت اللى حبيبي وبس .... اوكى وانا كمان هروح الشركه ..... بااااى .
ديالا قفلت مع فريد وفتحت شنطتها عشان تحط فونها فيها .
جاد:كنتى بتكلمى بابا ؟!!
ديالا بصتله:ايوا كنت بكلم عمو فريد .
جاد:ويا ترى اتفقتو عليا بايه المرة دى ؟!!
ديالا:مش فاهمه قصدك ايه !!!
جاد قرب منها:لا فاهمه ... مش انتى بتنفذى كل اوامر بابا بردو ..... ويا ترى قولتيله على كلامى معاكى ولا اتكسفتى .
ديالا:مش هرد عليك عشان انت واحد قليل الادب .
ديالا سابته ومشت وجاد ضحك وخرج ركب عربيته واتحرك على الشركه .
بقلم الكاتبة جنات
ــــــــــــــــ★ــــــــــــــ
عربيه جاد وصلت قدام الشركه فى نفس وقت وصلو فهد وحياه .
جاد نزل من العربيه وشايف فهد لما نزل ولف فتح الباب لحياه ومد ايده ليها وهى مسكت ايده ونزلت من العربيه وابتسمتله .
جاد كان بيحاول يكون عادى وميتعصبش ابدااا .
فهد قرب منه وهو ماسك ايد حياه:صباح الخير يا جاد .
جاد:صباح الخير يا فهد .... صباح الخير يا باشمهندسه .
حياه:صباح الخير ..... انا هطلع انا يا فهد .
فهد:تمام يا حبيبتى .
حياه دخلت الشركه وجاد قرب من فهد:هو ايه اللى حصل ده فهد انا استغربت لما حازم قالى .
فهد:تعالى نطلع وانا احكيلك .
فهد طلع مع جاد وراحو على المكتب وفهد طلب قهوة ليهم وبدأ يحكى كل حاجه لجاد .
جاد بعصبيه متصنعه:قولتلك اجى معاك يا فهد انت اللى رفضت .
فهد:اللى حصل بقااا يا جاد والحمدلله عدت على خير .
جاد:انا رنيت اكتر من مرة على الفهد عشان لو اقدر اساعد بس ماكنش بيرد ياما فونه مقفول .
فهد:جدى كان مشغول جامد عشان يقدر يطلعنى وطلب دكاترة محترمين جداا عشان يعالجو رياض والحمدلله انه فاق بس للاسف حالته كانت صعبه .
جاد:وهو مقالش مين قـtـله ؟؟
فهد:ملحقش بس مافيش اى ادله حتى الكاميرات اللى حولين العمارة كلهم كانو متعطلين ومحدش شاف مين اللى طلع ليه .
جاد:والقضيه لسه مفتوحه ؟!
فهد:ادم قالى لسه اه فى شويا تحقيقات بس لو مافيش اى ادله اكيد هتتقفل .
جاد:ان شاء الله خير .... المهم انكو ارتاحتو والخوف بعد عن حياتكو .
فهد رجع بضهره على الكرسي:دى اكتر حاجه ريحتنى انا وحياه اللى كانت مرعوبه طول الوقت .
جاد قام وقف:ماشي يا صاحبي هروح مكتبي .
فهد:تمام يا جاد .
جاد خرج من مكتب فهد وراح على مكتب الفهد وطلب من السكرتيرة تقول للفهد انه عايز يشوفه .
السكرتيرة دخلت مكتب الفهد وبعد ثوانى خرجت:اتفضل يا باشمهندس مستر فهد مستنيك .
جاد:شكراا .
جاد خبط ودخل:صباح الخير يا فهد باشا .
الفهد ماردش عليه وشاورله على الكرسي عشان يقعد عليه .
جاد اضايق بس اتحرك وقعد على الكرسي اللى قدام مكتب الفهد .
جاد:انا رنيت عليك كتير الفترة اللى فاتت اكتر من مرة بس ماكنتش بترد .
الفهد ببرود:كنت مشغول وانت عارف كويس كنت مشغول فى ايه .
جاد:حازم قالى على موضوع فهد وعشان كدا كنت برن عليك يمكن اقدر اساعدكو فى اى حاجه .
الفهد:عدت خلاص يا جاد .
جاد:انا اللى عرفت فهد على عنوان بيت رياض وده كان طلب منه وانا طلبت انى اروح معاه بس هو رفض واصر يروح لوحده .
الفهد:عارف .
جاد كان مستغرب سكوته وطريقه الفهد اللى ماحدش يقدر يعرف هو بيفكر فى ايه .
جاد:على العموم حمدلله على سلامته .... وانا كنت جاى عشان اعزمك انت والعيله الكريمه على حفله افتتاح المنتجع وهيكون شرف كبير ليا لو قدرت تحضر .
الفهد:الف مبروك يا باشمهندس .... بس بصراحه مش هنقدر نحضر خليها مرة تانيه .
جاد قام وقف واتكلم بضيق:تمام يا فهد باشا هستاذن انا .
الفهد هز راسه ومردش عليه وجاد اتحرك ولسه هيفتح الباب وقف لما سمع كلام الفهد .
الفهد بحده:ياريت بعد كدا يا جاد متتدخلش فى حاجه تخص عيلتى .... حتى لو حد منهم طلب منك بنفسه .... انا اقدر احل مشاكل عيلتى بنفسى ولو عايز اعرف مين ورا كل المشاكل دى هعرفه بحركه بصابعى الصغير ومن غير اى مجهود .... مفهوم يا جاد .
جاد كان مضايق من لهجه التحذير والتهديد اللى فى صوت الفهد وكلامه:حضرتك بتتهددنى !!
الفهد:سميها زى ماتسميها .... بس انا لو بهدد بجد هتشوف منى وش مش هيعجبك ابدااا وانا انصحك بلاش تشوفه احسن .... اتفضل على مكتبك يا باشمهندس .
جاد فتح الباب وراح على مكتبه وكان متعصب جداااا ومسك تحفه كانت على المكتب ورماها بكل قوته فى الحيطه ونزلت على الارض مليون قطعه .
جاد:بقاااا بتهددنى يا فهد .... حلو اوى كدا .
جاد راح قعد على كرسي مكتبه وفونه رن برقم حازم .
جاد رد عليه:عملت ايه يا حازم ؟!
حازم:فى مشكله يا باشا .
جاد:مشكله ايه ؟!
حازم:فى سوبر ماركت قريب من عمارة رياض وللاسف فيه كاميرا .
جاد بعصبيه:انت بتستعبط يا حازم مش قولتلى انك عطلت كل الكاميرات اللى فى شارع .
حازم:الكاميرا دى فى مكان متغطى يا باشا وماخدتش بالى منها .
جاد بسخريه:ماخدش بالك .... لا تفتح كدا وتحل موضوع الكاميرا احسن مااندمك على الساعه اللى ماخدش بالك فيها يا حازم .
حازم بتوتر:حاضر يا باشا .
جاد قفل فى وشه ولف بالكرسي وبقا وشه قدام الحيط اللى عبارة عن ازاز وشايف منه الطريق كله .
وبدأ يفتكر لما راح شقه رياض وبدأ يهدده .
••فلاش بااااااك ••
جاد وصل عند عمارة رياض وعينه على الشخص اللى تبع فهد اللى بيراقب رياض .
جاد عطى اشارة لشخص تبعه اللى بدأ يتحرك ناحيه معتز بيراقب رياض باوامر من فهد وادم .
وعمل مشكله معاه وبداو يتخانقو فى الشارع والناس كلها اتلمو حوليهم .
جاد استغل انشغال الكل وطلع بسرعه على شقه رياض ورن الجرس .
رياض فتح واستغرب وجود جاد .
رياض باستغراب:باشمهندس جاد هو فى حاجه !!
جاد:انت بخيل ولا ايه يا رياض مش هتقولى اتفضل ولا ايه !!
رياض بعد عن الباب:العفو يا باشمهندس انا اسف اتفضل .
جاد دخل وبدأ يتفرج على الشقه .
رياض:انا بس مستغرب وجود حضرتك .
جاد قعد على الكنبه وحط رجل على رجل:لا متستغربش يا رياض .... انا بس كنت مكلفك بمهمه وخلصتها وانا جيت لحد عندك عشان اخلصك من كل ده .
رياض:مش فاهم حضرتك بتتكلم عن ايه .... ومهمه ايه اللى كلفتنى بيها !!!
جاد قام وبدا يلف حولين رياض وبيحكيله على شك فهد ومراقبته ليه وكل حاجه كانت بتحصل .
رياض:بس انا معلمتش اى حاجه من دى انا بحترم الباشمهندسه حياه جدا وعمرى ما افكر اعمل حاجه زى دى لانى عارف انها بتحب مستر فهد جداا ومتجوزين عن حب .
جاد وقف قصاده:لا ماهو انت معملتش حاجه .
رياض:اومال مين اللى عمل كدا ولبسها ليا ؟!
جاد ببرود:انا .
رياض:حضرتك معقول .
جاد:معقول ونص يا رياض .... الحب بيعمل اكتر من كدا ... وانت ادرى بردو مانت عايش قصه حب مع بنت الجيران وبتعشقها .
رياض:انت عرفت الكلام ده منين .
جاد:عيب تسالنى سؤال زى ده يا باشمهندس .
رياض:انا هقول لمستر فهد والفهد انك ورا كل حاجه بتحصل ليهم .
جاد:هو انت مفكرنى عيل ياض ... اجى لحد عندك واحكى معاك وبعدها هسيبك وامشي ... لا يا حلو انا زى ما قولتلك فى اول كلامى جاى اخلصك من المهمه دى .
رياض:يعنى ايه ؟!
جاد طلع سكينه من جيبه وكان لابس جوانتى بلون الاسود:يعنى النهارده اخر يوم فى عمرك يا رياض .
رياض حس بخوف كبير وبدأ يرجع لورا بس جاد كان اسرع منه لما مسكه من دراعه ودب السكينه فى بطنه بكل قوته ورياض وقع على الارض وكان بيتوجع .
جاد بدأ يتحرك فى الشقه بسرعه وطلع صور لحياه وحطهم فى مكان مدراى عشان محدش يوصل ليهم بسهوله وقرب من رياض ونزل على ركبته وبص لرياض واتكلم بتهديد:انا كدا عملت اللى عليا ... اذا مت خير وبركه ولو لسالك عمر وفكرت تتكلم ولا تفتح بوقك متزعلش منى لما اقهرك على اخوك وحبيبه القلب يا حلو وبعدها هقتلك تانى بردو ... باى .
جاد خرج من الشقه ونزل كانو الناس لسه بيخلصو الخناقه اللى كانت بين معتز والشاب اللى تبع جاد اللى خرج من العمارة وركب عربيته بسرعه ومشي وطلع فونه ورن على فهد وقاله انه يجيله لانه عرف مين صاحب الرقم ......