يقرر اياد انه مايدفعش لـــ هايدى اى حاجة لانه عارف انها هتطلب تانى وهتفضل تهدده وان حتى لو بعتت الفيديو لملك هتبقي صعبة في البداية لكن ملك لو بتحبه مفيش حاجة قديمة هتأثر علي علاقتهم ويبعت رسالة لهايدى انه مش هيدفع اى حاجة واعلي ما في خيلها تركبه وهايدى بحكم معرفتها بأياد تفهم انه خلاص باع القضية ومش هتفرق معاه وماتبعتش الفيديو لملك ولا ترد علي رسالة اياد وتقعد تفكر بخباثة
___________
بعد مرور شهر علي نفس الحال يتم تحديد ميعاد جواز سارة وايمن وسارة مبسوطة وايمن مبسوط وبيحمد ربنا انه رزقه بواحدة زى سارة وهتتقي ربنا فيه
واياد يقتنع تماما انه خلاص وقـع فـ حــب ملك وانه كدة بقا حـب_بعد_إنتقـــام
ويقرر انه يصارح ملك بحقيقة مشاعره تجاهها ويطلب منها انها تسامحه
__________
مريم طلبت الطلاق من اسامة بعد معانتها الطويلة معااه ومحاولة تغييره بس اسامة رفض تماما فكرة الطلاق خوفا من لقب مطلق وازاى هيكمل حيااته ومريم بتندم في اليوم الف مرة انها سابت ايمن
__________
في يوم من الايام ملك واياد قاعدين علي الكنبه ادام التلفزيون وبيتفرجوا علي فيلم رعب وهما بياكلوا فشار وفجأة النور يقطع وملك تخااف جداا لانها عندها فوبيا من الاماكن المظلمة و...
اياد : ثوانى يا ملك هروح اجيب شمعة او كشاف
ملك بخوف وهى تمسك يده : لا اوعى تسيبني
وتلاحظ كلامها وتسكت
اياد بحنية : عمرى ما هسيبك ، طب تعالي معايا
وتقوم ملك مع اياد عشان يجيبوا شمعه وهما ماشيين اياد يخبط فـ الاباجورة تقع تتكسر وملك تتخض وتحضن اياد ..
اياد : ماتخافيش
ويحضنها وثوانى والنور يجي وملك تلاحظ الوضع دا وتبعد بسرعة بس اياد يفضل حاضنها و...
اياد : ملك انا بحبك ، اوعي تسيبينى
تنصدم ملك من مصارحة اياد بحبه ليها وتجرى بسرعة علي اوضتها وهي بتفتكر كل معانتها معاه وخوفها انه يكون بيخدعها تانى كان مسيطر عليها
__________
يجي يووم زفاف سارة وأيمن وهما في منتهي السعادة وسارة وايمن قاعدين علي الكوشة والناس جاية تباركلهم ويخلص الفرح وتيجي العربية وتوصلهم لحد بيتهم مع اهلهم و..
والد سارة : حافظ عليها يا ايمن دى بنتي الوحيدة واوعى تكسرها في يوم
ايمن : عمرى ما هعمل كدو لانها حبيبتى وبقت زوجتى خلاص
ويمشوا الاهل وتطلب سارة من ايمن انهم يكون اول حاجة ليهم مع بعض ركعتين شكر لربنا ويصلوا سوا وبعترف ايمن بحبه لسارة وهي كمان تعترفله ودا الي كانوا مأجلينه لبعد الجواز عشان يبقي حلال ويقضوا اول ليلة ليهم مع بعض في سعادة
__________
هند تقرب من شادى اكتر بعد اكتشافها انه معاها في نفس الجامعة ويبقوا اكتر من اصدقاء وشادى بيحاول يتقرب منها بكل الطرق وبعد فترة يقرر انه يتقدملها
_________
اياد بعد سكوت ملك وهروبها منه مابكلمهاش تانى ويرجعوا زى الاول كل واحد في اوضته ومابيشوفوش بعض الا الصبح او ع النوم بس
وفي يوم ملك تقرر انها تجهز مفاجأة لأياد وسهرة جمييلة جدا وتعترفله بحبها ليه
وتبدأ بتجهيز الڤيلا بأحسن شكل وتلبس قميص نوم لونه احمر وتسيب شعرها وتحط بعض مساحيق التجميل وتزيدها جمالاً ويجي اياد يلاقي انوار الڤيلا كلها مطفية ويستغرب ويطلع لفوق براحه ويلاقي اوضته فيها انوار بسيطة ويفتح الباب ليتفاجئ بمنظر الاوضة والشموع وبستغرب جداا ويلاقي ملك جاية من وراه و...
ملك بحنان : اياد
يبص اياد لملك بصدمة ولهدومها و..
ملك : اياد انا كنت عايزة اقولك ان آآ ان انا كمان آآ بـ
اياد وهو يقترب منها : انتى كمان اية ؟!
ملك بأرتباك : ان انا كمان ب آآ بحبـك
ويحضنها اياد وهو في قمة سعادته لانهم اخيرا اعترفوا لبعض بحبهم ويقطع عليهم الوقت دا رنة موبايل اياد و..
اياد بحنق : ودا وقته ، اوووف
ملك : معلش ، رد ممكن تكون حاجة مهمة
ويرد اياد علي الموبايل وهو في سكوت تااام ويقفل وتسأله ملك عن المكالمة و..
اياد : آآ احم لا دا واحد صاحبي عايزنى انزله تحت عشان اخد منه ملفاات مهمة تبع الشغل لانه مسافر لأهله ضرورى
ملك : اوكى روح بقا وماتتأخرش عليا
اياد : ماشي
ويلف اياد ويمشي وينزل من الڤيلا ويخرح وهو بيتلفت حواليه ويبص يلاقي .......
ملك في اوضتها ويخلص اياد مقابلته ويطلع لملك
اياد : اتأخرت عليكي يا حبيبتي ؟
ملك بنبرة جامدة : اياد طلقنى