ملك بكل ما اوتيت من قووة صرخت : ايااااااااد
وببكاء : ايااد قووم اياد ماتغمضش عنيك عشان خاطرى ايااااد رد عليا
ويغم عليه وتطلب ملك النجدة من احد الاشخاص ويتم نقل اياد علي اقرب مستشفي مع بكاء ملك المستمر وخوفها علي انه يجراله حاجة واول ما يوصلوا يدخل اياد غرفة العمليات وملك منتظرة بــرة وتكــلم نفسها ..
ملك : طب ما لازم حد من اهله يعرف اكييد هما قلقانين دلوقتى عليه جداا ، طب هعمل اية منا حتي موبايله مش معايا
وتفتكر ملك ان موبايل اياد وقع منه لما الناس اخدوه من الشارع وتجرى على شنطتها وتأخذ الموبايل وتبحث عن رقم اى شخص من عائلته وتلاقي رقم متسجل بـ ( ماما حبيبتي ) وتتصل وترد واحد واضح من صوتها
منال والدة اياد ؛ اية يا اياد اتأخرت لية يا حبيبي
ترد ملك بتوتر وخوف : انا مش اياد انا زميلته في الكلية وبعد الحفلة في ناس جم ضربوه بليز حد يجي احنا ف مستشفي ....
تصرخ منال وتقفل التليفون وتلبس هدومها بعجلة عشان تروح للمستشفي ،، اياد هو ابنها الوحيد الي جابته بعد تعب 11 سنة
______________
هند قاعدة في بيتها بالتحديد في اوضتها ماسكة اللاب وممددة علي سريرها وفاتحة الفيس ، لاقت ادد من شخص متعرفهوش ، بعتت مسج ( انت مين ) بعد 3 دقايق رد الشخص ..
_ واحد
_ وعايز اية
_ عايز اتكلم مع اى شخصية مجهولة بالنسبالي وانا مجهول بالنسبة لها واحكيلها كل حاجة جوايا
استغربت هند من الرد واتنهدت وقفلت اللاب وحطت دماغها علي المخدة ونامت
___________________
فى مكان تاني يقف شابان ومعهم الشابين الي ضربوا اياد و...
الاول : تمام يا باشا نفذنا الي قولت عليه بالحرف بس في حاجة
الشخص بخوف : في اية انطق ؟!
الاول : حضرتك قولت ننفذ بعد اما البنت تمشي بس آآآآ
الشخص وهو يضربه : بس اية يا حيوان انت اوعي تكون اذيت ملك
الاول : لا لا والله بس هى سمعت صوت الواد وهو بيصرخ باين من الوجع وخدته علي المستشفي
الشخص : بهاااايم قولتلكوا لازم محدش يلحقووا غوروا من وشي
ويكلم نفسه : يمكن فلت المرة دى يا اياد باشا لكن بردو ملك عمرها ما هتكون ليك
_________
في شقة ،،،
قاعدة بنت في اوضة مكونة من دولاب بني وسرير متوسط وبلكونة في الاوضة و لابسة بيچامة بيتي نص كم والبنطلون ، وشعرها سايح وعنيها بني فاتح وجسمها متوسط ماسكة موبايلها وعمالة تتصل بشخص بس مافيش حد بيرد ، قعدت تفكر وهي بتفتكر
فلاش باك
سمعت شادى وهي بيتكلم مع شاب شكله غريب لما كانت جايه له بالصدفة الڤيلا ..
الشاب : نفذنا بالحرف بس في حاجة
شادى بخوف : في اية انطق ؟!
الشاب : حضرتك قولت ننفذ بعد اما البنت تمشي بس آآآآ
شادى وهو يضربه : بس اية يا حيوان انت اوعي تكون اذيت ملك
الشاب : لا لا والله بس هى سمعت صوت الواد وهو بيصرخ باين من الوجع وخدته علي المستشفي
شادى بضيق : بهاااايم قولتلكوا لازم محدش يلحقووا غوروا من وشي
باك
تفكر البنت بحزن وتسأل نفسها ، يا ترى مين ملك ومين الراجل الي كان مع شادى وضربوا مين ، اووووف انا لازم افهم
وتدخل عليها والدتها وتقول ..
_ يلا يا نهي عشان نروح لخالتك
قامت نهي بسرعة وردت ..
_ حاضر يا ماما حاضر
_________
مريم وايمن مبسوطين وبيتفسحوا يشتروا العفش والاجهزة وبيفكروا فـ مستقبلهم مع بعض بعد اقتناع مريم ان ايمن بيخاف عليها وجدا كمان ونيتها في لبس الحجاب واخيراً وفرح ايمن بعد ما عرف فرحة لا توصف
__________
اياد فـ المستشفي وتيجي والدته وهى منهارة ووالده كمان وفجأة تحصل دربكة فـي المستشفي والاطباء والممرضين يجروا بسرعة ومحدش يفهم حاجة وملك من خوفها توقف ممرضة وتسألها ..
_ هو اية الي بيحصل فهمينى ارجوكى
الممرضة وهى متوترة : المريض الي في غرفة 601 نبضة ضعيف وبيتلاشي وشكله بيمووت ومش بيستجيب لأى حاجة
تنصدم ملك جدا لانها رقم نفس غرفة اياد وتنهاار علي الارض وهى بتفتكره
وتقوم تبص من الازاز علي الدكاترة وهما بيصعقوا اياد بالكهرباء بس من غير فايدة ويزود الطبيب الفولت بس اياد لا يستجيب ويخرج الطبيب بخيبة امل وهو حزين ويجروا عليه ويسألوه عن حالة اياد
ويقول الطبيب بحزن ؛ انا اسف البقاء لله
صدمــة .. سكووت .. انهياار .. عدم استيعاب
وتقع منال مغم عليها وهى بتصرخ : ايااااد ماتسبنيش ارجوووووك 💔💔😢