ابتسام بيكون بيغني هو وجني :
احنا واحد اتنين علي قلب واحد جدعان والقلب جاحد لأ ماتقفش قصادنا الله يهديك
احنا التقايل لأ لأ مالناش بدايل اخوات لأ ....
بيوقف ابتسام رقص:
اخوات ايه لأ مش اخوات خالص..
بيفتح ابتسام عينيه اللي بيكون بيحلم وهو بيقول:
قال اخوات قال بعد كل المرمطة دي ..
بيبص حواليه ضوء احمر مالي المكان بيحاول يقوم يقف بس بيلاقي نفسه مربوط..
ابتسام بخوف : الله هو في ايه بالظبط في ايه جني نادين
بيلاقيهم مربوطين جمبه بس في جنب تاني وهما التلاتة عاملين شكل الدائرة..
نادين: هو في ايه مين اللي عمل فينا كده
بيحاول ابتسام يفتكر :
اااااه انا لما كنت بقولكم قوموا ماكانش من فراغ الحكيم عدنان انا قلبي ماكانش مرتاح له واحساسي لايمكن يكدب ابدا
جني: ماله
ابتسام: لابس سلسة عليها علامة ماسونية وحاجة مش مطمئنة ابدا والله اعلم باللي جاي
بيضحك الحكيم عدنان ......
بيبص ابتسام عليه بخوف:
انت هاتعمل فينا ايه
الحكيم عدنان :
انا هاقولك عشان ما اضحيش بيك وانت فاكر ان حياتك راحت هدر النهاردة يوم مميز هنا في عالمنا 11/11/2011
ابتسام: اه وبعدين
الحكيم عدنان: رقم 11 مميز بالنسبة لنا وانتم الحل الأمثل لينا احنا هانضحي بيكم للوسيفر عشان يبقي اقوي ويدمر العالم اللي بنعيشه ويبدأ عالم جديد يحكمه لوسيفر
ابتسام: لوسيفر ده اللي هو الشيطان استغفر الله العظيم لا اله الا الله محمد رسول الله ولا حول ولا قوة الا بالله قدامك وقت ياعم توب عن الهبل ده ده ربنا بيغفر كل الذنوب الا الشرك بيه
الحكيم: انتم هاتقدموا عمل عظيم للبشرية اللي احتلها الفقر والجوع والظلم والجرايم والفساد
ابتسام بضحك:
ولوسيفر هايحقق العدل والمساواة ههههه ياعم فكنا فكنا انت عارف ان اللي بيقتل حد بيخش النار دي دنيا فانية فكنا عشان حسابك عند ربنا يخف شوية واستغفر
نادين: اسمع كلامه هو اهبل اه بس بيقول كلام مظبوط
القمر بيجي علي علامة في نص الدايرة اللي عليها علامة عين وبتنور باللون الأزرق وبيتفتح تحتها مكان زي البركان فيه نار
ابتسام بصدمة :
منك لله يا أدهم الكلب منك لله يا هارون منك لله يا نادين هانتعمل فراخ محمرة وكوسة مقورة ههههه نهار اسوح
نادين: هانعمل اييه دلوقت
ابتسام: هانصوت او نتشاهد بقا انا واثق بعد العذاب ده هانخش الجنة يارب ...
بيفكهم الحكيم وبيوقفهم علي حافة البركان ومعاه استيفان ...
ابتسام بيحاول يستغل قوته بس الحكيم ماسك جني ..
الحكيم:
لو حاولت هارمي السنيورة قبلك
ابتسام: ما طالما كده هانموت وكده هانموت فرقت ياعم الناصح يلا بس انا مش هايجيلي قلب اشوفها انا قلبي رهيف اهئ اهئ
استيفان بيزق ابتسام اللي غمض عينيه ...
وفجأة بيحس نفسه واقف بيفتح عينيه بيشوف انه قريب من النار بس ماوقعش فيها...
بيبص حواليه بيلاقي ان جني عملت مجال حماية ليه..
في نفس الوقت جني بتوقع الحكيم عدنان وابتسام بيشوفه وهو بيتحرق
ابتسام: شوف من اعمالكم اهو ههههههه يلا اتشوي هنا ولسه هاتنشوي في نار جهنم قال لوسيفر قال ....
نادين بتضرب استيفان في كل جسمه وبيقع علي الأرض ودماغه. بتتخبط في صخرة فابيروح عن الوعي وبتطير تمسك ابتسام وتطلعه ..
ابتسام بيقرب من جني:
اول مرة تظبط معاكي يا جني
جني : انا اكتشفت اني ببقا قوية وانا معاكم ..
نادين: برافو يا جني برافو..
ابتسام: احنا نخرج من العالم المنيل ده بقا ايه ده معقول ماحدش هايساعدنا..لأ استنوا فاكرين الحجر الأسود اللي كان الحكيم بيتكلم عليه حاسس انه ممكن يساعدنا ..
نادين: طيب بس هانروح ازاي
جني: ستيفان عارف اكيد
نادين : تمام نفوقه ..
بيحاولوا يفوقوه بيفوق ...
ابتسام: احنا في ايدنا نرميك ورا الحكيم بتاعك بس احنا مش زيكم احنا عاوزين نخرج من العالم الزبالة ده ودينا اوضة الحكيم واي محاولة زبالة منك هانعمل فيك اللي مايخطرش علي بالك
نادين بصت لاستيفان: انا براقبك
بيمشي استيفان ووراه نادين وجني وابتسام لحد مابيروحوا لغرفة الحكيم..
ابتسام: راقبوه كويس يا بنات..
ابتسام بيتنهد وبيقعد علي كرسي الحكيم وبيمسك الحجر وبيغمض عينيه...
بيسمع صوت بيكلمه وبعدين بيفتح عينيه وبيتفتح الحجر وبيبان حجر أزرق بياخده..
نادين: هاااا هانخرج ازاي من هنا
ابتسام: في صوت كلمني وقال هانرجع تاني عند البركان ونرمي الحجر الازرق فيه وبكده هانخرج من هذا الزمان
نادين: ايه الفرهدة دي...
جني:طب يلا ...
بيروحوا تاني عند البركان ومعاهم استيفان وبيقف ابتسام عشان يرمي الحجر بيخطفه منه استيفان
ابتسام: احنا فين من الكلام ده يالا هات الحجر
فجأة بيتك استيفان علي اسورة حوالين ايده وبيتحول ..وفجأة بيظهر هارون
ابتسام وجني ونادين بصدمة :
هارون....
بيضحك بشر:
هارون مين انا استيفان ومش هاسمح لكم تدمروا عالمي انا اللي اسسته وحابب كل حاجة فيه
ابتسام: يعني انت اللي حولتهم لزومبي
استيفان : أيوه انا ..
ابتسام:ايه المغري يعني ايه المغزي
استيفان: مش هاتخرجوا من هنا مجموعة الزومبي بتاعتي هاتزيد تلاتة..
بيمسك استيفان جني وبيتحول لزومبي وبيكون هايعضها ..
نادين بتتعصب وبتطلع نار من عينيها بتحرقه فابيوقع الحجر ..
بيجري عليه ابتسام وبياخده وبيجري عند البركان وفي نفس الوقت بيجري وراه هارون وبيحاول يوقفه بيرمي ابتسام الحجر في البركان وهارون بيزق ابتسام..
ابتسام بيصوت: منك لله يا أدهم الكلب منك لله يا هارون منك لله ياجني.
ضوء ازرق بيملي المكان وبيغمض ابتسام عينيه ونادين وجني...
________________________
في المستشفي .
جلهوم بعياط:
انا يا محسن يتعلم عليا من شوية عيال لسه قالعين الكفولة
محسن: والله مايقصدوا
جلهوم: مش عارف يامحسن من غيرك كنت عملت ايه انت اللي مصبرني عالهم يا محسن اهئ اهئ
_________________________
بيفتح ابتسام عينيه وبيبص لفوق بيلاقي سما زرقا..
ابتسام وهو لسه نايم عالارض:
يااااه ايه الجمال ده معقول نكون في جزر المالديف وندلع بقا...
بيبص جمبه بيلاقي جني ونادين مغمضين عينيهم..
ابتسام بيبص علي جني برومانسية:
شقلبت حالي ايه جرالي دي الحالة دي جديدة عليا
توهت في ثواني وفي ثواني مادريتش انا مين جواليا ..اااه بيتضرب فيك المثل اه ياعسل في الرقة والدلع
نادين بضحك:
رمشك شبك فيا ووصل اه يا عسل وعمل فيا البدع ساموزين ياعم الرومانسي هههههه
بيقوم ابتسام باحراج وبتصحي جني...
ابتسام: ياتري احنا فين المرة دي بس تعرفوا بعد المنظر ده انا متفائل
نادين: احنا زي مانكون في غابة من الغابات ..
جني: طيب ربنا يسترها..
فجأة السما زي مابتكون بتعتم بيبص ابتسام علي السما وبيفتح بوقه :
اه يا حوستي السودة يانا ياما اه ياحوستي السودة يانا اهئ اهئ
بيكون عنكبوت كبير ومن كبره مغطي عالشمس
ابتسام : انتم واقفين ليه اجرواااااااا
بيجري ابتسام ومعاه نادين وجني
العنكبوت بيطلع صوت مخيف وبيجري وراهم وفجأة بيلاقي ابتسام نفسه ماسك في رجل العنكبوت.
ابتسام بصويت:
الحقونيييييي الحقونيييييي
بيحاول ابتسام يمسك في رجل العنكبوت كويس لانه لو وقع هايفرمه ...
نادين بتطير وبتوقف قدام وش العنكبوت وبتطلع نار من عينيها..
وابتسام لسه ماسك في رجله بخوف..
العنكبوت بيطلع صوت عالي مخيف في نفس الوقت ابتسام بيسيب رجله وبينزل..
فجأة العنكبوت بيقع وابتسام بيحاول يجري عشان ينقذ نفسه لحد ماوقف مستسلم:
مابدهاش بقا منك لله يا ادهم الكلب منك لله يا هارون
وبيغمض عينيه....
بيستني ان العنكبوت يقع عليه بس مش بيقع
بيفتح عينيه بيلاقي ان جني عاملة عليه مجال حماية مغناطيسي ..
ابتسام بيبتسم...
نادين بتجري وبتحاول تساعدهم وبتطير وهيا مسكاهم وبيقع العنكبوت عالأرض .
ابتسام بيتخيل انه حاضن جني وفي لحظة رومانسية والاغنية شغالة:
أتحدي بيك كل الوجود وياك اكون او لا اكون انا مش هاعيش من غير هواك ..
فجأة سهم بيتضرب عليهم بتحاول نادين تتفاداه وبيقعوا هما التلاتة..
ابتسام: اه يا ضلوعي اللي اتكسرت انا اتلوحت يا جدعان انا محتاج تغيير مفاصل .
فجأة بيلاقوا ناس شكلها غريب محوطاهم ولبسهم غريب..
ابتسام بخوف: يارب ما يكونوا اللي في بالي
جني : يارب..
نادين: بلاش عشم يا عزيزي العشم نص الغشم ......