رواية لنا موعد اخر الفصل الثاني والثلاثون32 بقلم لولا
ففتح عزيز وهو بيقول بعصبيه : ايه في ايه مين بيخبط بالشكل ده واتصدم لما شاف علي فبصله علي بغل وتابع بابتسامه عملك الاسود في الدنيا وضربه بالراس جامد وقعه على الارض فعزيز اتخض وصرخ بوجع وتابع بخوف ايه ده ايه ده في ايه ياعلي ماالك جاي سخن علياا كده ليه
علي قومه من تيشرته وتابع بعصبيه شديده: هو انت لسه شوفت سخونه ده انا قسما بالله هكسرك تحت رجلي وضربه بالبوكس بقوه كذا مره متتاليه فشفايفه جابت دم فعزيز صرخ بألم شديد وتابع بعصبيه الله يخربيت اهلك عملتلك اييه انا لكل ده اوعا ياعلي مش قادرر اوعااا ياعم سيبني
علي بصله بسخريه عملتلي ايه ؟؟!! واتعصب وتابع ده انت عملت اللي مفيش دكر اتخلق يعرف يعمله ومسك فكه بقوه شديده وتابع بعصبيه بصيت بعينك الوسخه دي على خطيبتي وفكرت فيها تفكير وسخ زيك وانا ماعاش ولا كان اللي يرفع نظره لواحده تخصني نظره بس
عزيز بخوف خطيبتك مين ياعلي والله ما اعرف تقصد ايه لو على رفيده فعصام اتجوزها انا مالي انا مش فاهم حاجه
علي ابتسم بسخريه وتابع اه ده هيستظرف .. بس وماله انا هفكرك دلوقتي وزقه بقوه خبطه في النيش فا النيش اتكسر هو والحاجه اللي فيه لـ 100 حته وعزيز وقع على الارض بيتألم فتابع علي بعصبيه ايه افتكرتها ولا لسه
عزيز بعصبيه ووجع اقسم بالله ما فاكرهااا ولا فاهم انت تقصد ايه ياجدع منك لله وبقى يتأوه بوجع
فعلي وطى على رقبته قدامه ورفعه من تيشرته فراسه اترفعت شويه وتابع بهدوء مخيف: تالا الحلوه اللي كانت لابسه احمر ودخلت دماغك اوي اكيد فاكرها مش كده؟
عزيز اترعب وتابع تالا !! هي تالا خطيبتك !!
علي بعصبيه كنت دفنتهاا جنبك لو هي تالا وزباله كده بحق وحقيقي انما انا خطيبتي اسمها حبيبه المحمدي بنت ناس ومتربيه على ايدي وعملت كل ده لاجل تطلعني علشان الوسخ اللي زيك كان معاه دليل برائتي وانا خرجت خلاص وبصله من فوق لتحت وتابع بهدوء مخيف وسامحني بقى بس انا راجل صعيدي ودمي حامي ميغركش قاعدتي في القاهره ولا تعليمي لا ده انا جاهل ابن ستين كلب دلوقتي وهوريك شغل الشوارعيه وحق شرفي اللي انت بهدلته بكلامك الوسخ معاها ده لازم يجي تالت ومتلت
عزيز بصله برعب وتابع اقسم بالله ياعلي .. اقسم بالله العظيم انا نفذت كلام عصام بس انت عارف محدش بيقدر عليه انما وربي وما اعبد ما كنت اعرف ان البنت دي خطيبتك بحلفلك بالله
علي بابتسامه كلها سخريه لا صادق ياغالي وقام وقف وبقى يفك حزامه فعزيز بصله برعب وتابع انت بتعمل ايه اقسملك بالله ما لمستها ولا قربت منها
علي قلع حزامه وتابع بضحك وهو انت كنت تقدر تيجي جنب واحده تخصني ؟!! ياض بقولك مربيها على ايدي يعني بت بـ 100 راجل وولا انت ولا غيرك يقدر يلسمها ماهي لقحتك زي الجاموسه ومدريتش بنفسك يسيد الرجاله
عزيز برعب ده الحمدلله ان ده حصل والله انا مش زعلان خلاص
علي بابتسامه هو الحمد لله وكل حاجه بس ده كده كده كان هيحصل علشان حبيبه بتاعتي انا بس ومكتوبالي من وهي في لفتها ولو نفترض 1% حد لمسها مكنش هيطلع عليه النهار واديني خارج من سجن ومعنديش اي مانع ادخله تاني
عزيز بلع ريقه برعب وتابع اه بس انا .. انا والله ما لمستها اديك عارف
علي بضحك متخافش منا مش هموتك بس هربيك وابتسم وتابع واكسب ثواب في اهلك اللي معرفوش يربوك ورفع الحزام ونزل عليه بكل قوته
فعزيز صرخ بألم وعلي فضل يضرب فيه بكل قوته وهو بيفتكر كلام عزيز لحبيبه وشكل لبسها قدامه تحت صراخ عزيز المستمر ومحاولته انه يقوم بس علي داس على صوابع ايديه بجزمته ففصل يصرخ بألم لدرجه دموعه نزلت وتابع خلااص ابوس ايدك خلااص
وعلي لسه بيضربه بغل بكل قوته وتابع بعصبيه علشان ما عااش ولا كااان اللي يرفع عينيه ويبص لحرم علي الجاارحي يا زبااله .. كله الا حبيبه .. حبيبه دي جوهره وغاليه متجيش انت يارخيص يا زباله تلوثهااا على اخر الزمن وداس على ايديه اكتر فصرخ بوجع وعياط فضربه برجله التانيه في بطنه جامد كذا مره وهو بيضربه بالحزام
فتابع عزيز بعياط وصراخ انا اسف والله العظيم اانا اسف ابوس ايديك سيبني وغلاوتها عندك سيبني
علي بعصبيه والله ولا حاجه هتحوشك من تحت ايدي بس ماشي هرمي الحزام دلوقتي وهتسمعني صوتك الحلو ده وانت بتعتذر منهاا
عزيز بعياط ووجع حاضر والله حاضر بس اوعا رجلك من على صوابعي حاسسها اتكسرت والله
علي بعصبيه يخش رقبتك اللي تتكسر حتى وفتح فونه وصور وتابع بعصبيه اخلص يحيوان اعتذر من الهانم يلا
عزيز بوجع وعياط انا اسف يا انسه حبيبه .. حقك عليا .. والله العظيم ماكنت اعرف انك تبع علي وبعتذرلك عن كل اللي حصل مني اعتبريني عيل وغلطت غلطه مش مقصوده خالص والله سامحيني ابوس ايدك
علي بعصبيه انت فعلا عيل مش راجل علشان مفيش راجل اتخلق هيقدر يبصلها وانا موجود
عزيز بخوف ودموع يسيدي انا مش راجل ابوس ايديك سيبني بقى مش قادر ووالله ماكنت اعرف انها تبعك انا لو اعرف عمري ما افكر اكلمها ربع كلمه وربنا
فعلي قفل الفون وشاله في جيبه وتابع حلو وقمور ووطى قومه من تيشرته وضربه بالبوكس بقوه فعزيز حاول يضربه بس جسمه كله واجعه فعلي ضربه بالبوكس بقوه وقعه على الترابيزه الصغيره الازاز فاتكسرت بسبب ضهره فصرخ بألم شديد وايديه جات على سكينه الفواكه فتابع علي بعصبيه اشكال زبااله اتفو عليك وعلى اشكاالك الرمه ورايح يمشي فوقف عزيز بالعافيه وعور كتفه بالسكينه جرح بالطول فعلي صرخ بألم ولفله وتابع بعصبيه اه يازباله يحيواان وبقى يحاول يشدها منه وعزيز بيقاوم بضعف فعلي ضربه بالراس بقوه وفي فرق بينهم كبير لان علي من قبل اي حاجه جسمه رياضي فوقعه على الارض ومسك السكينه وعوره في كتفه فعزيز صرخ بألم شديد فتابع علي بعصبيه مش حيوان زيك يعلم علياا انا .. انا حقي مبسيبهوش وعوره في دراعه التاني فصرخ بألم شديد ورمى السكينه ومسك رقبته وتابع بعصبيه وغل شديده اقسم بالله العظيم انا لو عليا اقتلك دلوقتي حالا بس خساره ادخل السجن في كلب زيك لاني راضي عن اللي عملته فيك خليتك ولا ليك اي لازمه وحق خطيبتي جه تالت ومتلت وكفايه ان حُرمه علمت عليك يا كروديا علشان تربيتي وتربيه اخويا البشمهندش كريم الجارحي
عزيز فضل يكح بشده وتابع بعصبيه مكتومه بسبب خنقته انت كده كده متقدرش تقتلني انا وانت عارفين انك بتاع كلام
علي اتعصب جدا وتابع انت بتتحداني يا عبيط انت ولا ايه وزود من اختناقه متابع بعصبيه ده انت كلب حقير ولا ليك لازمه بس انا اللي اهلي وخطيبتي محتاجيني ومش يوم ما اتحبس ولا اخد اعدام يكون فيك انت يا زباله يا اللي حُرمه علمتك الادب وخليتك شكلك عار وسط الرجاله على الاقل لما ده يحصلي يحصل في حاجه عليها القيمه مش انت
فعزيز فضل يكح بشده من كتر ما علي ضاغط عليه وعلي كان متعصب جدا ومغلول منه ومش واخد باله انه بيزود اختناقه ليه فطلع حسن واتصدم من المنظر وشكل الشقه المتكسره وراح جري عليه بسرعه متابع بخوف بس يا علي بس الله يخرب بيتك بتعمل ايه
علي بعصبيه اوعاا انت ياحسن ابعد عني
وعزيز فضل بشده ووشه احمر فتابع حسن بعصبيبه الله يخربيت اهلك هتمووته وتروح في ستين دااهيه اوعاا كده كفاياك سيبه وبيشده من عليه اتصدم بكميه الدم اللي في دراع علي التاني اللي غرقت قميصه الابيض حرفيا فتابع بخوف ينهاار اسود اييه ده
علي بعصبيه يا حسن قولتلك متطلعش ايه اللي طلعك ورايا
حسن بعصبيه انت اتجننت انت عايزني اسيبك تضيع نفسك سيبه الله يخربيتك كفايه كده وشده من عليه باعجوبه فعلي قام وسابه وبصق عليه وتابع بعصبيه اتفو عليك حقير وكلب ومشي وهو متعصب وحاطط ايديه اليمين على الشمال المتعوره فحسن راحله وتابع بوجع اسند عليا تعالى
علي بألم لا هدومك هتتبهدل دم
حسن الدموع اتجمعت في عينيه وتابع طب بطل عبط بس وتعالى منا اكيد مش هسيبك بالشكل ده انت بتنزف تولع الهدوم على صحابها وخد دراعه وسنده عليه فعلي ابتسم وتابع ده العشم بردو يصاحبي
حسن وهو بينزل بيه تابع بوجع تعبت قلب صاحبك عليك يا علي .. ريحني وقولي في ايه بينك وبين الواد ده يخليك كنت هطلع روحه في ايدك كده
علي غمض بوجع وتابع منا قولتلك انه هو السبب في حبسي وطلع عصام اللي مسلطه يحط المخدرات في عربيتي
حسن بسخريه وهو ده السبب اللي مينفعش تفتح بوقك وتقوله ؟
علي بوجع السبب اللي مينفعش افتح بوقي واقوله هيفضل مينفعش افتح بوقي واقوله ياحسن بس كل اللي طالبه منك تدعيلي ناري تهدى لان والله العظيم رغم اني كسرته 100 حته الا اني لسه مش قادر ونار بتغلي جوايا
حسن بقلق طب طمني هو كلم حد من البنات ؟
علي بعصبيه ميقدرش اصلا وابوس ايديك قفل بقى خلاص انا تعبت من السيره دي قولتلك مش هقول يعني مش هتنيل اقول خلصت خلاص انا مبرجعش في كلامي
حسن بقلق طب خلاص اهدى هدى حقك عليا ووصلوا عند العربيه ففتح ركب علي ولف ركب جنبه وتابع هنفوت على اي مستشفى ولا صيدليه اللي نلاقيه الاول علشان ايديك دي ها
علي بتنهيده روح البيت ياحسن انا تعبان وعايز اروح وماهصدق ارمي نفسي على السرير
حسن نفخ بعصبيه وتابع يا ابني متبقاش عنيد بقى قولت هنشوف الجرح ونروح
علي بحده روح ياحسن ابوس ايدك مش غااير في حته انا
حسن بضيق انت دماغك ناشفه بجد يعلي وشغل العربيه واتحرك
-----
عند كريم ونيره
نيره بعصبيه ودموع لالا ندييم ميعملش كده انت اكيد كدااب وبتعمل كل ده علشان عجباك قاعدتي جنبك مش اكترر
فكريم اتصدم وتابع ايه يا نيره ؟؟ انا اكيد ايه ؟؟
نيره بعصبيه ودموع ااه كدااب ايه ملاك ومبتغلطش مثلا ؟؟
كريم بصلها بذهول وتابع بعصبيه وانا هكدب ليه يابنت الكلب انتي ومسك دراعها جامد وتابع انتي عبيطه في دماغك ولا ايه ؟؟!!
نيره بحده كريم لو سمحت ارجوك كفاياك تدخل في حياتي كفايه اللي جرالي بسببك ساعه مروان وشكلي الزفت قدامه
كريم بعصبيه اتدخل في حياتك غصب عن عين اهلك انتي هتكبري عليا يا بنت الجزمه ولا ايه ؟؟
نيره شدت ايديها منه متابعه بعصبيه : اه اكبر عليك وعلى اي حد هيفكر يقلل مني وياخد قرارات بالنيابه عني
هاله بحده بس يانيره ده اخوكي الكبير واللي شايفه في مصلحتك هيعمله ايه قله ادبك دي
نيره بعصبيه ودموع لا مش اخويا كفايه بقى قرف وزهق ده ابن خالتي وميحرمش عليا حتى فعملتوه اخوياا منيين ماهو بسبب كلامكم دده خليتوا يتدخل في حياتي زياده عن اللزوم ويسمح لنفسه يوافق بمين ويرفض مين ويتنكك اوي كدده كأنهاا حاجه تخصه واني حيوانه ماليش حق اتصرف في حيااتي
كريم كان باصصلها مصدوم جدا وقلبه وجعه وتابع بوجع مش اخوكي !! تاني يا نيره !! وعلشان نديم ؟!!
نيره بعصبيه اه علشان نديم .. نديم ده بكره هيبقى جوزي وابو عيالي انما انت قريب مني قد ايه ؟؟
كريم بصلها بسخريه ووجع وتابع للدرجه دي لقيتي حد يقويكي على كريم وياخد غلاوتي في قلبك بالشكل ده !!
نيره بعصبيه ودموع كريم انا بحبك جدا بس تفكيرك ده هو اللي عمل فينا كده يعني غيران من نديم لمجرد انه بقى اغلى منك طب ما طبيعي يبقى اغلى اكيد مش هجيب ابن خالتي لحبيبي وابو عيالي الحب ده يختلف عن الحب ده تماما .. انا بس نفسي تبطل تتدخل في حياتي وتسيبني اختار براحتي من غير ما تكسر فرحتي كل مره
كريم كان كل ماتتكلم بيتصدم اكتر فقلبه وجعه وتابع هو خوفي خليكي بقى تدخل في حياتك !! للدرجه دي زهقتك باهتمامي وخوفي عليكي ؟!!
نيره غمضت بضيق وتابعت بدموع وبحده لا مش بتكلم عن خوفك علياا بس بتكلم عن تصرفااتك كلي ده ومتاكليش ده لا متنزليش لا متلبسيش .. رايحه فين .. بتكلمي مين .. جايه منين .. انت ااه صاحب عمري وعزيز علياا بس مالكش انك تعررف كل ده
كريم بعصبيه ده لاني مسئول منكم انتوا مالكوش حد غيري هناا يعني غصب عنك هعرف بتعملي ايه ده طبيعي
نيره بعصبيه انا ليااا اهل عايشين وليهم حق يحكموا علياا عمي وابن عمي وناسي الاصلييين معرفش ليه ماما خليتنااا نسيبهم ونيجي هناا بس ايا كاان المشاكل اللي بينا فا ده ميدلكش حق تدخل في حياتي زياده عن اللزوم وتتبلى على خطيبي
كريم كان باصصلها مصدوم فتابعت هاله بعصبيه اهلك مين يا تربيه نااقصه انتي هو حد بيسال فيكم ولا يعبركم اصلا وكريم اخوكي الكبير غصب عنك ويقطم رقبتك ولو شايف نديم مش كويس خلاص الموضوع منتهي
نيره بعصبيه لا مش منتهي نديم بيحبني والوحيد اللي قبلني بكل عيوبي وشايفها ميزه كمان فمستحيل اصدق عليه حاجه زي دي
كريم بصلها بوجع وتابع وانا هضرك يانيره ؟؟
نيره بصتله ودموعها نزلت وسكت فتابع بعصبيه ماتردي .. اييه اطرشتيي .. انا هضررك ؟؟
نيره بحده والله معرفش يمكن غيرتك منه تخليك تعمل اي حاجه لانك سبق وقولتلي مش عايزكم كلكم تتجوزوا
فكريم ضربها بالقلم بقوه فصرخت بالم وعيطت فمسك شعرها وتابع بعصبيه غيررره ايه يحيواانه يابنت الكلب انتي هااا
هاله بعياط خلاص يا ابني خلاص سيبها حقك عليا دي قليله الادب انا عاارفه
كريم بعصبيه اصل مش انا اللي يتقالي الكلام ده هو حتي لو ليكي اهل في الصعيد يا تربيه ناقصه انتي ..مين اللي رباكم وتعب عليكم واتعصب اكتر وتابع وطلع عين اهلللله علشان يعلمكم احسن تعليييم .. بعد كل ددده عايزاني ارميكي لاي كلب بيستغلك ومتدخلش في حيااتك !!! انا اتدخل غصب عن عين اهلك كلهم ونديم تنسيه ياانيره انتي سمعااني ده مستحيييل اسيبه يخطبك
نيره عيطت من ماسكه ايديه وتابعت بعصبيه ودموع لا يكريم مش هنسااه انا بحبه وهكمل خطوبتي انت وصلت رسالتك وانا حر اصدق ولا لا واتعصبت اكتر وتابعت سبيني مررره احس اني ليااا شخصييه وعارفه اديير حياااتي
كريم بصلها بذهول وتابع بعصيبه :يابت انتي متخلفه !! مبتفهميش !! هااني سمعه بيتكلم مع مرواان وبيتفقواا عليكي ومتنيل مصااحب فرنسيه وشايله ابنهه
نيره بعصبيه شديده وعياط : قولتلك نديييم ميعملش كدده ومش هصدقك ولا هصدق هااني ولا هتهمه بالاتهام الحقيير دده .. انا بحب نديم ومش هقدر اخسره هو الوحيد اللي رجعلي ثقتي بنفسي من تاني وخلاني اعيش عندي امل في الدنياا .. وعيطت وتابعت نديم بيخاف عليا اكتر من نفسه وبيسهر للصبح لو عندي امتحان يطمن عليا ويذاكرلي .. نديم بيعاملني كأني بنته قبل ما اكون حبيبته فا ازاي اروح اقوله كدده .. ازاي اقدر انطقها و اوجعه واتهمه الاتهام الزباله ده وانا مشوفتش منه غير كل الحب والخير
كريم بصلها بوجع وتابع زي ما قدرتي تنطقيها وتكدبي الراجل اللي عاش يضحي بوقت نومه ومذاكرته واكله وشربه علشان يسعى ليل نهار ومينقصكش حاجه وفكراه غيران من فكره انك تتجوزي وتعيشي مبسوطه وبيفتري على حبيبك
نيره دموعها نزلت وتابعت كريم افهمني
كريم بعصبيه هشششش هي خلصت خلاااص والدموع اتجمعت في عينيه وتابع وانا فهمتك .. وفهمتك اوي كمان لان بنسبالك نديم هيتوجع لما يسمع الكلام ده منك .. وفعلا فكره انك تسمعي حاجات تكسرك من اخر شخص كنتي تتخيليه يقولها بتقهر .. لا بتقهر ايه دي بتموت بالحيا
نيره حست بندم وتابعت بعياط يحبيبي انا مش قصدي اوجعك بس كل الحوار ان ..
كريم بعصبيه مش عااايز اسمع منك حااجه خلااص .. مش انتي مصدقه ان نديم ميعملش كده وهتتخطبيله ؟؟؟!!
نيره مسحت دموعها وتنهدت بعمق وتابعت اه ميعملش كده وهنتخطب بكره زي ما احنا
كريم : تماام ومن انهارده كريم ابن خالتك مات مش هقولك اخوكي واقسم بالله خلاص خلصت وولا ليا دعوه بيكي ولا هتدخل في حياتك تااني ولا هبقى اخوكي ولا هسلمك ليه في الخطوبه ولا هحضرها اصلا وبصلها بسخريه وتابع وابقى هاتي رجالتك واهلك اللي في الصعيد يزفوكي وزق الباب وخرج وقفله جامد ونزل على تحت وهو متعصب جدا ونيره حطت ايديها على بوقها ودموعها نزلت بذهول
هاله بصدمه ودموع انتي ايه اللي عملتيه ده يا نيره كده تزعلي كريم منك
نيره بعصبيه ودموع ماما بالله عليكي خلاص علشان انا جايبه اخرري وهو اللي يستاهل مينفعش يتكلم على خطيبي بالشكل دده ويصدق صاحبه من غير اي دليل
هاله بخوف يابنتي يمكن صح كريم مستحيل يضرك
نيره بعصبيه ودموع كرريم عايزني اقعد جنبه يا مامااا فارجوكي سيبك منه ومن كلامه خاالص
فخرجت حبييه وتابعت بخوف ايه في ايه صوتكم جايب لاخر الدنيا لييه
هاله بتنهيده انتي لسه فاكره تخرجي ياختي
حبيبه بخوف انا لولا مفهمه كريم اني ناايمه علشان سال عليا بعد ما جه من عند علي لولا معرفتش اطلع
نيره بعصبيه وانتي عملاله اعتباار لييه اعملي اللي تعمليه يابت ومتخافيش من حد والوحيد اللي هيبقى ليه حق فيكي بعد كده علي لو اتخطبتوا غير كدده لا
حبيبه بصتلها بصدمه وتابعت نيره انتي اتجننتي صح .. ايه اللي بتقوليه ده ؟!! كريم اخويا الكبير ومكان ابويا واللي رباني يعني ليه حق يسألني اي سؤال ويتحكم فيا بس انا مش هقدر اقوله ايه السبب اللي خلى علي يضربني علشان كده عملت نفسي نايمه
نيره غمضت بضيق وتابعت بعصبيه حبيبتي انا مش ناسيه انه عمل كل دده بس احنا ادينااه الحق يتدخل في حياتنا زيااده ن اللزوم بجدد
حبيبه بصدمه انتي اللي بتقولي كده يانيره وعلى كريم !!!
نيره بعصبيه اه اناا ومن انهارده خلاص هو مالوش حكم عليا
هاله بقهر ده علشان قالك اعتبريني موت يا حيله امك
حبيبه شهقت ونيره قلبها وجعها وبصت للارض بكسره وسكتت فتابعت حبيبه بقلق وايه اللي حصل علشاان كريم يقوول كدده ينهار اسود
نيره بعياط ياستي هقولك .. هو انتي دلوقتي لو كريم جيه قالك اتصلي انهي علاقتك بعلي لاني عرفت انه بيخونك وفي بنت فرنسيه حامل منه تصدقي ؟؟
حبيبه بصدمه لا طبعا مستحيل علي مستحيل يقدر يعمل كده
نيره بعياط وبحده اشمعنااا انا البيه عايزني اصدق ان نديم خااني قاال ايه لان هااني شافه مع مرواان وسمعوا بيقول كدده
حبيبه اتصدمت وتابعت مش مروان ده الخرا اللي كان عايزك وقولتي كان صاحب نديم؟
نيره بحده ايوه كان صاحبه بس من زمان اوي وعلاقتهم باظت يمكن كانوا واقفين مع بعض اتقابلوا صدفه مثلا وكلمتين هاني فهمهم غلط وخلاص انما مينفعش امشي ورا كريم زي الهبله واروح اتصل بخطيبي اوجهله الاتهام ده .. اقل حاجه هيقولهالي انتي مش واثقه فيا
حبيبه بحيره والله ما عارفه اقولك ايه معرفش نديم يستاهل الثقه ولا انتي علشان بتحبيه واثقه فيه
نيره بحده لا يستاهل الثقه زي ما انتي شايفه ان علي يستاهل
حبيبه بوجع علي ده حبيب عمري ومتربي قدامي فعلشان كده واثقه فيه انما لو على الحب فمعتقدش هتطول خلاص
هاله بصدمه لييه في ايه انتي التاانيه هو قال مش هيخطبك؟
حبيبه بوجع لا انا اللي مبقتش عايزاه
هاله اتصدمت وتابعت بعصبيه لا انتوا اتجننتوا والله العظيم اتجننتوا انا تعبت وجبت اخرري منكم يخش تولعواا ولا تغوروا هو انا هفضل اتحايل علييكم تعقلواا لحد امتى حاجه تقررف ودخلت اوضتها ورزعت الباب
نيره بصدمه علي لا ليه يحبيبه مش ده حبيبك وحلم عمرك
حبيبه بوجع صدقيني كده احسن وتنهدت وتابعت سيبك مني المهم انتي اعقلي ومتخسريش كريم احنا ملناش غيره يا نيره
نيره بسخريه لو هخسره علشان قررت اكون انا المتحكمه في حياتي يبقى اخسره يحبيبه وليا ربنا احسن من الكل وسابتها ودخلت اوضتها فحبيبه تنهدت بحزن ودخلت هي كمان اوضتها ولبست عبايه فوق البيجامه وراحت عملت شاي وقعدت في البلكونه
-----
عند كريم وهاني في الشارع كريم كان عمال يتصل بنديم بس مش بيرد عليه
هاني بتنهيده اقسملك بالله يا كريم اللي حصل قولتهولك بالحرف ومتاكد منه
كريم بحده انت عبيط ولا اهبل يالا منا عارف انك مستحيل تكدب علياا ومبراجعش وراك ده هي اللي بنت ستين كلب عايزه تتربى
هاني بقلق انا بصراحه مصدوم ان نيره مصدقتكش بس انه هتعمل ايه هتسيبه يخطبها؟
كريم بعصبيه ده عند امه الكلام ده وركب عربيته فهاني ركب جنبه وتابع بقلق رايح فين يكريم
كريم بعصبيه رايح للحيوان ده هو فاكر انه لما يقفل فونه خلاص مش هعرف اجيبه
هاني بقلق اهدى هو كده كده ميعرفش انك عرفت حاجه اصلا فنروح ونشوف الدنيا فيها ايه
كريم بحده تماام وشغل عربيته ومشي وبعد شويه وصل بيت نديم وطلع هو وهاني فكريم خبط على الباب ففتح نديم وتابع باستغراب كريم !! خير في ايه ؟!
كريم مسكه من قميصه وخبطه في الحيط وتابع بعصبيه في سواد على دماغك ودماغ اهلك .. هو انت ياالا فااكرني برياله علشان تيجي تحط ايدك في ايدي وتطلب بنت من بنااتي وانت ناوي تساعد صاحبك ينتقم منهاا ؟؟!!
نديم اتصدم بشده وتابع بحده انت ايه الكلام الفاارغ اللي بتقولوا ده
هاني بعصبيه كلام فاارغ ايه يحيوان منا شاايفك بعيني وساامعك بودني وانت بتتكلم مع مروان على صاحبتك الفرنسيه اللي حامل وانك بتوقع نيره علشانه مش اكتر
نديم اتصدم بشده وتابع بعصبيه ده كلام فاارغ ومحصلش كفاياكم رمي الناس بالبااطل بقى ولو صاحبك عينه عليها يقولها صريحه انما ميلبسنيش انا ويشيلني شيله مش شيلتي
كريم بعصبيه عينه على مين يحيوان يزبااله هو انت ماشي بمبدا خدوهم بالصوت ليغلبووكم ولا اييه وضربه بالبوكس بقوه
فنديم صرخ بعصبيه وتابع اسمع يبشمهندس انا اقسم بالله لحد دلوقتي محترم انك في مقام اخو خطيبتي ومش عايز ارد عليك بس ابقى نقي صحاابك لان ده افترى ومروان اللي بتقولوا علييه ده انا مبكلموش من 3 سنين
هاني بعصبيه وانا هعرف منين انه صاحبك اصلا يحيواان
نديم بعصبيه لا تعرف وبكل سهوله اي حد في الجامعه لو سأل هيعرف هو مش سر وكنا اقرب اتنين قدام الجامعه كلهاا بس اختلفنا وخسرنا بعض وانا ابن ناس ومتربي ومتعلم براا وامي وابويا الله يرحمه دكاتره في الجامعه فمش انا اللي العب ببنات النااس
كريم بعصبيه ولاااا بقولك ايه انت مش دااخل دمااغي اصلاا ومعندناش بناات للجواز واياك اشوفك انت ولا اهلك بكرره مفيش خطوباات خلااص
نديم بسخريه لما اسمع الكلام ده من نيره بنفسها هبقى ماجيش غير كده لا
كريم ضربه بالراس بقوه وقعه بيصرخ على الارض وتابع ماشي يا نديم نبقى نشوف هتاخدها ازاي في الاخرر يانااا يا انت من انهاارده
ومشي وسابه بيتألم على الارض وهاني نزل وراه وركبوا العربيه ومشيوا وكريم متعصب جدا
فتابع هاني بحزن حقك عليا حتى لو هيتخطبوا مش مشكله هتفضل تحت عينينا لحد ما نلاقي دليل ضد الواد ده
كريم بعصبيه ده انا لو عليا اروح اكسرها 100 حته واقولها مفيش خطوبه يعني مفيش خطوبه بس ماشي يا نيره مش قالتلي متدخلش فهسيبها تتربى وهحط عيني عليها لحد ما اوريها انه زبااله بس خلاص هي خسرتني وللابد
هاني بتنهيده حزينه: هتهون عليك يا صاحبي؟
كريم بصله وتابع تهون عليا ؟!! ورجع بص للطريق وتابع نيره دي عمري كله اللي راح .. سندي وضهري والوحده اللي بعرف ابين ضعفي قدامها انا مره قولتلها زمان لما سافرت اول مره هقعد شهرونص ينيره خلي بالك من نفسك فعيطت وقالتلي شهرونص ايه يكريم ده انا مقدرش اقعد من غيرك ساعه ونص ارجوك حاول متتأخرش انما دلوقتي عادي يغور كريم ويزعل كريم
هاني بحزن حقك عليا هي بردو بتحبه فمش مصدقه
كريم بوجع لا ملحقتش تحبه للدرجه دي بس انا اللي عمري ماكنت غالي عندها ياهاني
------
بعد شويه في الشارع عند بيت علي حسن وصله ونزل بيه وهو بيسنده فحبيبه كانت زي ماهي واقفه فشافته اتصدمت بشده وتابعت علي .. علي مالك في اييه
فعلي سمع صوتها ورفع عينيه وتابع بحده ادخلي جوه يحبيبه
فحبيبه دخلت لجوه بالفعل ونزلت بكل سرعتها وتابعت بعياط وخوف ايه ده مالك فيك اييه ماله دراعك ؟؟؟
علي مسك دراعها بايديه السليمه وتابع بحده هو انا بقولك ادخلي علشان تنزليلي ؟!!
حبيبه بحده وعياط ياعلي قلقانه عليك ابوس ايدك رد عليا وبصت لحسن وتابعت بعياط ماله يا حسن مين اللي عمل فيه كده ؟؟
حسن بتنهيده متقلقيش يحبيبتي بسيطه خلاص حصل خير
حبيبه بعياط وخوف لالا مش بسيطه خالص تعالى اشوفهالك وانزل
وبتشده لناحيه بيتها فعلي وقفها وتابع روحي اطلعي يحبيبه ومتقلقيش انا هخلي سلمى ولا حد من البنات يشوفها
حبيبه بحده ودموع لا طبعاا تعالى معايا انا .. انا هموت من القلق عليك وكمان علشان هم هيفضلوا يسالوك ايه ده وهيخافوا
علي بحده قولت لا يلا اطلعي كفاياكي وقفه في الشاارع
حسن بس انا رايي زيها يا صاحبي اطلع نضف هدومك واكتم الجرح الاول علشان اهلك لو شافوك كده مش هيسكتوا ولو قدرت تسكت حبيبه مش هتقدر تسكت اربعه
حبيبه بلهفه ودموع ااه اعمل زي ماقالك حسن يلا
علي نفخ بضيق وتابع طب يلا فحبييه راحت مسكت ايديه السليمه وحسن جنبها وتابع ورحي انتي انا هطلعهولك
حبيبه بخوف خلي بالك عليه والنبي يحسن
حسن بحب متقلقيش والله وبالفعل حبيبه طلعت شقتها وحسن دخل بعلي وقعده على الكنبه في الصالون وتابع بابتسامه يلا هنزل انا عايز حاجه يا صاحبي
علي بابتسامه سلامتك يا ابو علي
فحسن ابتسم ونزل وقفل الباب وراه فتابعت حبيبه بعياط مين عمل فيك كده وغلاوه اخواتك لتقولي
علي برفعه حاجب هو انتي مطلعاني تستدرجيني على اساس انا عيل برياله وكده؟
حبيبه قعدت قدامه وتابعت بدموع عارفاك مش هتنطق غير اللي على مزاجك بس انا فعلا قلقانه عليك
علي بتنهيده لا متقلقيش انا بخير وبص حواليه وتابع امك واختك فين ؟؟
حبيبه بدموع نايمين وهيصحوا على صلاه الفجر
علي بصلها بتفاجئ وتابع وانتي مطلعاني وانتي لوحدك انتي عبيطه !!
حبيبه ابتسمت بدموع وتابعت هو انا عمري خوفت منك؟
علي بعيداا عن الخوف يحبيبه دي اصول
حبيبه بابتسامه ودموع انت زيك زي كريم اخويا الكبير وضهري واللي ليا هنا في القاهره فالموضوع مش كبير اوي يعني
علي رفع حواجبه باندهاش وتابع بضحك زيي زي مين معلش؟
حبيبه تنهدت بعمق وتابعت مش وقته الرغي ده انت بتنزف ودمك هيتصفى ورايحه تقوم فمسك دراعها وتابع زيي زي مين يا حبيبه ؟؟
حبيبه بابتسامه ووجع صدقني كده احسن وفكت ايديه وراحت جابت علبه الاسعافات وتابعت هات دراعك وريني فيه ايه
علي بسخريه وهتفرق معاكي ايه مش انا زي كريم ؟
حبيبه بدموع ومين قالك كريم ميفرقليش .. ده نورعيني ومدت ايديها تفق رزاير قميصه فعلي بص لعينيها وتابع كرهتيني علشان رده فعل طبيعيه عملتهاا لما عرفت انك عرضتي نفسك لكل ده علشاني ؟؟؟
حبيبه بصت لعينيه وتابعت بدموع لو كنت اقدر اكرهك كنت كرهتك لما اتجوزت مش علشان مديت ايدك علياا لان مفيش وجع في جسمي هيسااوي وجعي اللي كان في قلبي منك ساعتها وفتحت القميص كله وتابعت اقلعه علشان اجيبلك غيره من بتوع كريم
علي بصلها بوجع وتابع ههون عليكي عادي يحبيبه ؟؟
حبيبه الدموع اتجمعت في عينيها وتابعت عمرك ماهونت عليا وانت عارف كده كويس بس خلاص بعفيك من انك تتحمل واحده عملت جريمه بشعه زي دي في نظرك وحقيقي انا ياما جيت على نفسي علشاانك انما انت معملتش غير انك بتكسرني وتوجعني وتقهرني وبس
علي بعصبيه علشان راااجل ودمي حاامي ومستحملتش ان راجل غيرري يفكر فيكي بالتفكييير دده ومسك دراعها بايديه السليمه وتابع بعصبيه انتي فاهمه عزيز كان عايز يعمل معااكي اييه ولا بتتكلمي وخلااص علشاان افهم بسس
حبيبه بحده ودموع فااهمه وعلشااان فاهمه بقولك يا راجل وياسيد الرجااله سيب حبيبه وقرفهاا ده لواحد ميعرفش ماضيهاا وربنا هيسترنيي ده في حاله انك متتكلمش يعني
علي بصلها بصدمه وتابع بعصبيه انتي فكرااني عيل ولا ايه يابنت الكلب انتي ..ده انا يتقطع لساااني لو فكر يتكلم على شرفك وتربيتك قدام حدد ومسك دراعها وتابع بعصبيه حبيبه انتي هتبقي مرااتي انا .. يعني عرضي وشرفي انا واللي حصل ميخصش حد غيري وعلشاان كده اتغاابيت عليكي لاني مهما اتكلمت مش هتفهميي ولا هتحسي بالنار اللي بتغلي جواايا ومش راضيه تطفي من نظراات ابن الكلاب ده ليكي وتفكيره فيكي وبصته على كل حته ظهررت منك انا بموووت من الغييرره فكل ده طلع عليكي لان الموضوع كبير انما انتي مفكيش حاجه ومتتعايبيش بلاش الكلام المتخلف ده
حبيبه بصتله بوجع وتابعت بدموع يسيدي تشكر بس انا لسه عند كلامي انا مش موافقه اننا نتجوز ياعلي .. انا مش حاسه اني كفايه معااك .. ومفيش بنت تستاهل تحس الاحساس ده ..انا بقيت بعيط كل ما اشوفك واخاف منك واتمنى تحبني ربع ما بحبك وانت مبطلتش تقسى علياا
علي الدموع اتجمعت في عينيه وتابع قسيت عليكي علشان بحبك .. علشان كنت بموت من غيرتي عليكي انما انا مقدرش اعيش من غيرك يحبيبه وقلع قميصه فاهي اتحرجت جدا وبصت بعيد فمسك ايديها وحطها على صدره اللي ناحيه قلبه وتابع بُصيلي ورحمه ابوكي متتكسفيش
فحبيبه بصتله وهي متوتره جدا فتابع علي بوجع: سامعه صوته .. سامعه بيعمل ايه في قربك مني ؟؟
حبيبه بدموع ووجع ده لانك راجل وانا ست فطبيعي تحس بكده وانت قاعد معايا
علي بوجع اقسملك بالله قسم اتحاسب عليه .. رفيده فضلت تحاول تقرب مني مكنتش بتلهف عليها وكنت ببعد واقولها استني تبقي حلالي انما انتي حتى قلبي طالبني بيكي .. وكل حته فيا عايزاكي انتي ومن زمان وعلشان كده كنت بتجنب اقعد معاكي ولا تيجي جنبي
حبيبه دموعها نزلت ووشها احمر وبصت للارض وسكتت
فعلي رفع وشها ليه بايديه اللي وجعاه وتابع فهمتي احساسي؟
حبيبه بحرج ودموع اه فهمت بس انا
علي بمقاطعه قبل ماتقولي حاجه .. انا هكمل كلامي .. فاللي انتي فهمتيه دده هو اللي عزيز كان شايفه فيكي بس الفرق بسيط انا عيني بتقول اني بحبك وعمري ماهأذيكي ولا هعمل حاجه تغضب ربنا مني وهتقي الله فيكي لحد ماتبقي حلالي انما هو كانت شهوه ودي احقرر وغمض عينيه بغضب وتابع بهدوء فابوس ايديكي افهميني وافهمي حسيت بايه
حبيبه بعياط انا فاهمه كلامك كويس اوي ياعلي بس اللي انت محطتش حساابك فيه اني عملت كل ده لاجلك وبردو متشكرتش وعيطت اكتر وتابعت وطلع عين اهلي خطط ومرواح ومجي عليك وده كان جزاتي
علي بوجع يحبيبه انا بنسبالي السجن اهون من احساسي ده وربناا السجن اهون .. عارف عملتي كل ده لاجلي وجدعنتك اتكلمت فيهاا كتير اوي ومفيش كلام هيوفيها لانك فعلا بنت اصله بس دي تقهرني وتقهر اي راجل لا صعبه بجد صعبه فوق ماتتخيلي
حبيبه بدموع تمام وهو كده كده هيفضل سر بينا بس بردو مش هغير رايي ومسكت دراعه اتصدمت وتابعت بخوف ودموع ينهاار اسود اييه ده مين عمل فيك كده ياعللي
علي بصلها بوجع وتابع مفرقتش يحبيبه
حبيبه فتحت العلبه خدت حاجات وتابعت بعياط وهي بتعقم الجرح : تعدمني ياعلي لتقول مين اللي عمل كده دي كبيره اوي
علي بوجع مش هتكون اكبر من وجع قلبي
حبيبه بصتله بحزن وتابعت ليه ماله قلبك يحبيبي ؟
علي دموعه نزلت وضحك بسخريه وتابع حبيبك ايه بقى هو كلام ؟
حبيبه بوجع ماله قلبك ياعلي متتعبنيش
علي بصلها بوجع وتابع غبي ..ويستاهل اللي حاسس بيه .. راح ساب حب عمره والبنت الوحيده اللي بتهزه علشان ميزعلش صاحبه منه وفاكرها مش عايزاه ولما لقى بنت تانيه بتحبه قالك خلاص نبعد عن المشاكل ونخلينا مع اللي بتحبنا ونتقي فيها الله .. كان فاكر انه بيبعد عن شخص عادي .. بس ميعرفش انه بعد عن الحد الوحيد اللي حبه وحس انه بيكمله ..وفضل كتير على الحال ده يحن ويرجع تاني يقول لا خلينا جامدين احنا بنحب بنت تانيه ويبتدي يشغل نفسه بالبنت دي علشان ينسى حبه الاولاني اللي بيخاف عليه ياخد خطوه خطوبه ولا جواز ويرجع يقول لالا ماليش دعوه لازم اطلع الموضوع من دماغي واسيب حبيبي يعيش حياته ويتجوز عادي بس بردو معرفش يبطل تفكير وبعد كتير من المحاولات قرر هيركن الحب ده على جنب ويتجوز اللي صانته وفضلت مستنياه واتجوزها .. بس جات بعد كده باعته علشان الفلوس واكتشف انه ضيع عمره كله بيحافظ على ناس مزيفه واتقهر علشان كان واثق فيهاا وقرر يبدا معاها وهي كانت بتخونه مع ابن خالتهاا وهي على ذمته اصلا ومحترمتش انها ست متجوزه فخلاص تعب من كتر ماشاف وجع ففاق لنفسه وقرر يعتذر ويبدا من جديد مع الاولاني اللي لحسن حظه فضل مستنيه وبيحبه هو كمان بس حتى الشخص ده مفهمهوش وقرر يبعد ويسيبه يندم مرتين .. مره علشان ضيعه زمان .. ومره علشان معرفش يكسبه دلوقتي
حبيبه دموعها كانت بتنزل وتابعت وهي بتلف جرحه بشاش وقطن ربنا هيعوضك باحسن مني
علي كان باصص عليها وتابع متهيالك ومد ايديه رجع شعرها اللي على وشها ورا ودنها وتابع مفيش ست اتخلقت احسن منك في عين علي .. متوجعنيش يحبيبه .. وافقي اتجوزك وارمي نفسي في حضنك وانسى كل اللي فات بقرفه ابوس ايدك
حبيبه بدموع مش هعرف ياعلي والله ما هعرف حاسه كل اللي شوفته منك شوهني نفسياا وخلاني مش قادره ولا عايزه اخد الخطوه وخايفه من كل الناس وهستنى اللي يجي ميخوفنيش
علي بصلها بقهر وتابع هتعرفي تعمليهاا وشدها ليه فوقعت وايديها الاتنين جم على صدره العاري فبصلها والدموع واقفه على اطراف عينيه وتابع هتعرفي تخلي راجل غيري يلمسك ... قلبك هيطاوعك تتخلي عني وانا بقولك هتعب من غيرك ؟؟
حبيبه كانت متوتره وقلبها بيدق بعنف فبصتله وتابعت بدموع انت تعبان علشان الحلوه اللي فوقك جنب بلكونه كريم نور اوضه نومها شغال وعارف انها بقيت ملگ لغيرك دلوقتي مش علشاني اناا ياعلي .. خليك صرريح هي اللي كانت بتاعتك واختارت غيرك قدام عينيك فتكسرك انما مش حبيبه اللي دموعك نزلت علشانها
فعلي بصلها بصدمه وتابع انتي كل ده وبردو مش مصدقاني ؟؟ انتي بتهزري صح ؟؟
حبيبه بحده ودموع لا مبهزرش واديك سيبت بيتك مش مستحمل تقعد وتقف في بلكونتك تبص على بلكونتها
علي بعصبيه انا سيبت بيتي وروحت اجيبلك حقك من الكلب اللي رفع عينيه فيكي ومن خناقي معاه عورني كده انما رفيده ايه يا ام مخ تعبااان انتي مايخش توللع
حبيبه اتصدمت وتايعت ازاي يعني انت روحت لعزيز ؟؟
علي بعصبيه اه روحت لخراا وطلع فونه وجاب الفيديو ورماه قدامها وحبيبه مسكته وشغلته
(( وتابع بعصبيه اخلص يحيوان اعتذر من الهانم يلا
عزيز بوجع وعياط انا اسف يا انسه حبيبه .. حقك عليا .. والله العظيم ماكنت اعرف انك تبع علي وبعتذرلك عن كل اللي حصل مني اعتبريني عيل وغلطت غلطه مش مقصوده خالص والله سامحيني ابوس ايدك
علي بعصبيه انت فعلا عيل مش راجل علشان مفيش راجل اتخلق هيقدر يبصلها وانا موجود
عزيز بخوف ودموع يسيدي انا مش راجل ابوس ايديك سيبني بقى مش قادر ووالله ماكنت اعرف انها تبعك انا لو اعرف عمري ما افكر اكلمها ربع كلمه وربنا ))
فحطت ايديها على بوقها بذهول ودموعها نزلت وتابعت يالهوي !! انت عملت كده علشاني يعلي ؟؟
علي قام وقف وتابع بوجع لا .. علشاني انا .. لان عيني مكانتش هتغمض قبل ما اكسره تحت رجلي لان انا اللي كنت بموت بسببه مش انتي وتنهد وتابع بسخريه قال رفيده قال روحي هاتي القميص عايز اغور يحبيبه روحي
فحبيبه دموعها نزلت بصمت وراحت جابتله القميص وخرجت من الفيد لقيت صورتها زي ماهي على الشاشه فعلي شد الفون منها وحطه في جيبه وخد القميص وبقى يلبسه وهو متعصب جدا
فتابعت حبيبه بوجع شكرا يعلي
علي بحده قولت معملتش كده علشانك ومش مستني منك شكرر
حبيبه دموعها نزلت وتابعت بوجع متزعلش مني وساعدني على اختياري انا حقيقي مش هقدر اخد معاك اي خطوه وخلي اللي بينا ينتهي بمحبه زي ما بدا بمحبه
علي بصلها بوجع وتابع محتاجه تمسحي عمرك علشان تنسيني يحبيبه .. من اول بلكونتك اللي بتشوفيني منها كل يوم الصبح من وانتي بضفاير لحد اللحظه اللي كنتي قريبه مني فيها دلوقتي .. وده كلامك مش كلامي
حبيبه دموعها نزلت بصمت وبصت للناحيه التانيه فعلي بصلها بوجع وتابع بردو مصممه مخطبكيش يحبيبه ؟؟
حبيبه مبصتلوش وتابعت بوجع اه ياعلي .. كفايه لحد كده
فعلي حس بخذلان وبصلها بوجع وكمل يقفل قميصه ومشي وقفل الباب فحبيبه عيطت وبصت على قميصه اللي مليان دم وعياطها زادت وحست قلبها واجعها
------
عند سليم في شقته اللي فيها ميرنا فتح الباب ودخل لقى الدنيا هدوء فرمى المفتاح وتابع ميرناا .. انتي يا زفتتته ودخل اوضه النوم لقاها طالعه من الحمام وتابعت بتوتر ايه يحبيبي انت جيت
سليم بعصبيه حبيبك اه وضربها بالقلم بقوه فوقعت على الارض والفوطه اللي على شعرها وقعت وفضلت تعيط فوطى مسك شعرها بقوه وتابع بعصبيه : بقى يابنت الكلب يا زباله رايحه تخربي بيتي وتبعتي لاسيا صوري وانا معااكي
ميرنا بعياط وخوف صور !! صور ايه لا يسليم انا معملتش كده صدقني
سليم بعصبيه انتي هتعمليهم علياا يحيواانه انتي ولا اييه ما محدش في الدنياا يقدر يصورنا في اوضه النوم غيرك ومحدش يعرف بيكي اصلااا
ميرنا عيطت من ماسكه ايديه وتابعت انا اسفه والله وعياطها زاد وتابعت كنت عايزاك تطلقها وتفضل معايا بغير عليك منها والله
سليم بعصبيه اطلق مين يابنت الكلب انتي !! اسياا حامل وشايله ابني يعني ولا انتي ولا غيررك ولا حد هيقدر يبعدهاا عني
ميرنا بصتله بقهر وصدمه وتابعت حامل ؟!!
سليم بعصبيه ااه حامل انما انتي جزائك على اللي عملتيه ده تغوري ومشوفش وشك تااني والورقتين هقطعهم دلوقتي حالا وقام وسابها فميرنا قامت بسرعه ومسكت ايديه وتابعت بعياط ابوس ايديك لا يسليم .. انا اسفه والله انا اسفه مش هقررها تاني علشان خاطري متبعدنيش عنك انا بحبك والله بحبك
سليم بعصبيه انا قبل ما اتجوزك حطيت شروط وانتي وافقتي بيهاا وصدقتك انما شغل الحريم ده واللت والعجن انا مش فاايقله فخلااص يميرنا كل واحد فينا يروح لحااله
ميرنا بعياط والله علشان بحبك كان نفسي تطلقها بس خلاص انا اسفه مش هتقرر تاني والله العظيم بس ارجوك متبعدنيش عنك يسليم انا ماليش غيرك وحضنته وفضلت تعيط
فسليم غمض عينيه بضيق وتابع غوري من وشي يميرنا
ميرنا بعياط هسيبك بس متقطعش الورقتين ارجوك
سليم بعصبيه طب قولت غوري دلوقتي جاايب اخري
ميرنا اتخضت وتابعت بدموع وخوف حاضر والله وسابته وخرجت بالبورنص وهي موجوعه ان اسيا حامل وهو قعد على السرير ورجع شعره لورا بضيق بعدين حط راسه مابين ايديه ونفخ بكل ضيق جواه
------
تاني يوم الصبح قبل خطوبه نيره بساعات في بيت كريم كانت ابتسام بتلبس وخرجت فتحت باب الشقه ووقفت قدام المرايه في الصالون وهي بتلف طرحتها فلقيت كريم خرج لابس بدلته وجاهز فابتسمت وتابعت رايح تجيب بنت خالتك دلوقتي ولا ايه ؟
كريم باستغراب بنت خالتي مين انا رايح شغلي
ابتسام بصدمه شغلك !! شغلك ازاي يعني يكريم انت بردو مصمم على اللي في دماغك
كريم بحده امااا بقولك ايه انا مش ناقص صدااع على الصبح امتى شوفتيني رجعت في رايي يعني علشان ارجع دلوقتي
ابتسام بحزن لا يكريم لا متقولش نيره هتهون عليك ده كله الا نيره عندك
كريم بعصبيه لا تهوون طلما طلعت تربيه وسخه كده وكسرت كلمتي يبقى تهون
ابتسام بدموع طب وغلاوه امك لتيجي شويه وتمشي
كريم بعصبيه قولت لا مش غااير في حته
فلميا خرجت وهي لابسه بيجامه بيتي وقعدت شغلت الشاشه فتابعت ابتسام بصدمه وانتي ملبستيش ليه انتي كمان ؟؟؟
لميا بتنهيده انا مش رايحه في حته اللي تهين اخوياا كانها اهانتني بالظبط
ابتسام بحده وانتي مال اهلك انتي بمشاكلهم
لميا بعصبيه لا لياا لما نيره تيجي على اخوياا يبقى اروح افرحلها بانهي وش يعني ولا هتكون اغلى من كريم عندي مثلاا
هناء خرجت وهي لابسه جيبه بيضه وشميز بيبي بلو وطرحه بيضه وحاطه ميكاب رقيق وتابعت بتنهيده انا بصراحه شايله منها زيك بس هروح اوريها وشي واجي فتعالي معايا يا لميا
لميا بعصبيه قولت مش غايره في حته انتوا ازاي بتطاوعوها تتخطب لواحد هيضحك عليهاا يعني
ابتسام بدموع شاايف اخواتك يكريم ؟
كريم بعصبيه مالهم اخواتي ماهما بيتكلموا صح كلكم غلط اصلا انكم موقفتوش واقفه صح وقولتولها اسمعي كلام ابن خالتك وبتطاوعوها في الغلط فهقول ايه لاخواتي مش فاهم ؟؟؟
ابتسام بدموع معلش يااابني علشان البت متحسش انها لوحدها ليله وتعدي وبعد كده يحلها الف حلال
كريم بتنهيده طب خلاص قومي يا لولو البسي وروحي مع امك واختك يلا
لميا بحده لا مع احترامي ليك يكريم بس انا مش رايحه في حته وارجوك متجبرش علياا
هناء بحده يابنتي 5 دقايق ونمشي اخلصي
لميا بحده انتي رايحه علشان نيره قريبه منك ففكك من الشغل ده وحلي عني
هناء بحزن اه هي قريبه مني بس والله زعلانه منها جدا وهمشي علطول بس مش هاين عليها اسيبها تدخل الخطوبه لوحدها
لميا بحده خلاص روحي انما انا حلوا عني بقى وقامت دخلت اوضتها وقفلت الباب فكريم تنهد وقعد يلبس جزمته وتابع سيبوها براحتها خلاص
ابتسام بدموع كله هيعدي انما عدم مرواحك انت هيكسر نيره يكريم
كريم بابتسامه ميخصنيش وهي نفسها متخصنيش في حاجه ربينا وكبرنا خلاص مش هشيل همها العمر كله
ابتسام بدموع انت اللي بتقول كده يكريم ؟؟
كريم بعصبيه اه انا اللي بقول كده لانها قلت من كريم ومن كلامه وصغرته فخلاااص بجد انا موت بالنسبالها
فعلي كان طالعله وسمع وتابع ولو قولتلك علشان خاطري وكبرني انا المره دي
كريم بتنهيده خاطرك كبير ياعلي بس مش هقدر ورحمه ابويا وابوك مش هقدر الموضوع منتهي بالنسبالي خلاص
ورايح يخرج من باب الشقه فعلي مسك دراعه وتابع بتنهيده ومين هيوديها الخطوبه؟
كريم طبطب على كتفه وتابع بسخريه ربنا يخليك ليها يحبيبي مانت اخوها بردو وهسيبلك عربيتي ورايح الشغل مواصلات.. عن اذنكم ونزل بسرعه وهو بيتجنب انه يبص حتى على شقتهم
فدموع ابتسام نزلت وتابعت شايف ياعلي ابن عمك
علي بتنهيده معلش حقك عليا انا عازره بردو بصراحه
ابتسام بدموع ياابني محدش قال انه غلطان بس يعدي انهارده
علي بتنهيده معلش يا مرات عمي اهو اللي حصل هنزل انا اجيب نيره ورايحين الجاردن استنوني تحت فهزت ابتسام راسها بماشي وعلي وقف يظبط شعره في الصالون ورجعه لورا وكان لابس قميص اسود وبنطلون اسود وحزام جملي وجزمه جملي ونزل خبط على باب شقتهم وكانت الاغاني شغاله جوه فحبيبه فتحتله وانبهرت بجماله بس حاولت متبينش وبصت للارض وهو اتصدم انها لابسه دريس احمر كب صك على قد جسمها بالظبط وشعرها مفرود شويه على ضهرها وشويه قدامها فتابع بغضب مكتوم فين نيره يا دكتوره حبيبه ؟
حبيبه اتوجعت من رسميته وتابعت جوه ادخل
فعلي دخل ومبصلهاش وخبط على اوضتها فتابعت ادخل وهي كلها امل انه يكون كريم فعلي اللي فتح فقلبها وجعها واتصدمت وتابعت لا متقولش انه فعلا مشي !!
علي بتنهيده حزينه: متنكديش على نفسك حقك عليا انا ولا انا مش مالي عينيكي ياحيوانه انتي ولا ايه ؟؟
نيره مسكت دموعها بالعافيه وتابعت لا طبعا يحبيبي ربنا يخليك لينا وبلعت غصه حست بيها وكتمتها وكانت لابسه دريس اوف شولدر ابيض ماسك على الصدر وواسع بسيط لتحت ومطرز تطريزه رقيقه على الوسط وفارده شعرها وحاطه هيربيس وميكاب رقيق فزغرطت سهيله وعلي مد ايديه ليها فحطت ايديها في ايديه ومشيت معاه وكلهم بقيوا بيزغرطوا وعلي خرج بيها من الشقه من غير مايبص لحبيبه وسلمى كانت جات جنبها هي وهناء واسراء واسيا وفضلوا يزغرطوا كلهم ونازلين وراها فعلي مسك الفون بتاعه كتب لسلمي على الواتس '" قولي للحيوانه بنت الكلاب اللي جنبك دي ان كريم احتمال يجي ولو شافها كده هيقطع خبرها خليها تحط طرحه علي كتفها "" فسلمى اتصدمت وبعتتله هو كريم هيجي فعلا ؟؟ فتابع علي " تسمحي تقولي اللي قولته وبس ؟؟؟ " فسلمى بعتتله حاضر حاضر فبعتلها وااياكي تقولي ان انا اللي بعتلك فبعتتله حاضر "" وبصت لحبيبه وتابعت كريم كان قايل لعلي قدامي انه احتمال هيجي ايه اللي انتي هتنزلي بيه ده بقى
حبيبه بصدمه بتهزري !!
سلمي بحده لا ياختي مبهزرش اتربي انتي وروحي هاتي طرحه يلا ايه اللي لبساه ده بجددد
حبيبه بتوتر طب حاضر هطلع وجايه بسرعه
وطلعت تاني وعلي نزل وفتح الباب لنيره وخدها جنبه ووراه سلمى وهناء وسهيله فتابع ابعتي لاسراء تطلع هي واختك وحبيبه وامها يا سلمى هوصلكم انتوا وهرجع تاني اخدهم فميقفوش في الشارع كده
سلمى بابتسامه حاضر يحبيبي وبعتتلهم بالفعل
ونيره سرحت فلااش بااك
نيره بضحك لالا بجد يعني ايه اللي ممكن يخلي كريم يزعل مني ويرفض يصالحني خالص واللي هو غوري من وشي كده
كريم بضحك مفيش منه الكلام ده مستحيل
نيره بضحك يكريم اخلص بجد مس بهزر
كريم بضحك والله ولا انا ولا عمري اقدر اعمل كده لانك عمرك ماوصلتيني للمرحله دي وباس جبينها وتابع وانا مقدرش اعيش من غيرك يهبله
***
فعدت ست كبيره بتبيع ورد قدامهم على البحر وتابعت ربنا يخليهالك يا بيه امسك وبتديه ورد
فتابعت نيره بضحك لالا انتي فهمتي ايه انا اخته عادي
كريم بحب وفيها ايه ماربنا يخليكي ليا بردو وقام خد كل الورود الباقيه مع الست واداها فلوس
فابتسمت بفرح وتابعت ربنا يجازيك خير يا ابني والله ومشيت وهي مبسوطه جدا وكريم ابتسم وقعد جنب نيره تاني وباس راسها واداها الورود
فعينيها اتجمعت فيها الدموع ودخلت في حضنه وسندت راسها على صدره وتابعت ربنا ميحرمنيش منك ابدا يا نن عيني
كريم بحب ولا منك يعمري ورفع ايديها باسها بحب
***
بااك
فدموعها نزلت بوجع وتابعت في سرها هانت عليك نيره يكريم !! عمرنا ما اختلفنا ويوم مانختلف نخسر بعض كده ؟!!
فعلي خد بااله من سرحانها فطبطب على ايديها وتابع اهدي ومتفكريش كتير ها
فهزت راسها بماشي وهي بتمنع دموعها بالعافيه ووصلت للجاردن اللي فيها الخطوبه فعلي نزل وفتحلها الباب وتابع بابتسامه ممكن ايد البرينسيس بتاعتنا ؟؟
فنيره ابتسمت وتابعت بضحك والله يبختي بجوز اختي جنتل مان وقمر
علي ابتسم بحزن وتابع ربنا يهدي اختك ينيره والله
نيره مسكت ايديه ونزلت وتابعت اوعا تكون قالتلك الهبل اللي قالته لينا امباارح ده وانها مش عايزاك ؟
علي بتنهيده قالت اه بس انا مش هعتمد كلامها وهحاول رغم انها وجعتني بس معلش منا ياما وجعتها
فنيره الدموع اتجمعت في عينيها وتابعت يبختها بيك يعلي
فعلي ابتسم وتابع ربنا ميحرمنيش منك ابدا يغاليه والله ها مستعده
نيره اتوترت وضحكت وتابعت اه باذن الله ومسكت ايديه ودخل على اول القاعه لقيوا نديم واقف لابس بدله ومبتسم فعلي كان متعصب منه جدا بس حاول ميبنيش وراح سلم عليه وحضنه وتابع بابتسامه يلا يانيرو روحي معاه ودققتين اجيبهوملك وجاي
نيره بحب ماشي يحبيبي
فعلي بص لنديم بضيق وتابع انهارده هيبقى مجرد وعد منك كراجل لبنتنا انك تصونها وتحافظ عليها فكنت قد الوعد يا اهلا مسهلا مكنتش قده بلاش اقولك بنعمل ايه بس خليها مفاجاه
نديم بتنهيده انا مفيش في نيتي غير كل خير لنيره انا بحبها وعايزها
علي والله احنا مش عايزين غير كده
فنيره بصتله بامتنان فعلي ابتسملها وتابع يلا روحي وصحابك معاكي اهم
فنيره ابتسمت ودخلت معاه تحت تسقيف الكل والاغاني اللي اشتغلت وراح يجيب الباقي واتصل بامه فنزلوا كلهم وحبيبه معاهم ولبست الطرحه على كتفها فتجاهل انه يبصلها وهي كمان عملت كده وركبوا ومشيوا كلهم
-----
في بيت عصام
كان قاعد جنب رفيده بيشرب سجاير ومشغل الشاشه اللي قدام السرير وموطي الصوت علشان رفيده نايمه فاتقلبت في السرير بانزعاج وتابعت عصام
فعصام بصلها وتابع بحب عيونه
ففتحت عينيها وتابعت بنوم هي الساعه كام دلوقتي ؟
عصام بص للساعه وتابع 3 العصر ونفخ دخان السجاره
فرفيده اتخضت واتعدلت في قاعدتها وتابعت ينهار اسود ده امي وامك زمانهم جايين يعصاام
عصام بضحك يحبيبتي اهدي مالك في ايه كلموني والله وطمنتهم وقالولي رفيده صحيت ولالا قولتلهم لا لسه لما تصحى هقولكم تيجوا علشان تنام براحتها فقالولي ماشي
رفيده بضحك يخربيتك انت قولتلهم كده بجد
عصام بضحك اه والله العظيم ونفخ الدخان بتاع السجاره
فرفيده شدتها منه طفيتها وتابعت مش على الصبح كده ها
عصام بابتسامه انا منمتش من امبارح يابابا فمش على الريئ ولا حاجه
رفيده اتصدمت وتابعت انت بتهزر صح !! ومنمتش ليه ؟؟!
عصام حط ايديه على خدها وتابع بفكر فيكي وعمال ابصلك طول الليل مش قادر استوعب انك بقيتي معايا خلاص
رفيده حضنته جامد فعصام حط ايديه على ضهرها يضمها ليه اكتر وباس رقبتها بحب وتابع بضحك اخيرا حضني ليكي بقى حلال يابنت الجزمه ده انتي نشفتي ريئي
فرفيده فضلت تضحك وبصتله وتابعت لا وانت حضنت بس بصراحه
عصام بضحك حضن ايه اللي راجل يحضنه لمراته ليله دخلتهم ماتحترمي نفسك بقى ده اانا طلع عين اهلي
رفيده بصتله بابتسامه وتابعت كلمه حق انت صبرت بس مش اوي يعني
عصام بضحك مش اوي ازاي يعني
رفيده بضحك ماكنت بتصبر نفسك هنستعبط ولا ايه
عصام بصلها بتفاجئ وفضل يضحك وتابع يابنت الجززمه
رفيده بضحك ااه اصل هتعملهم عليااا ده انت القااعده براا غيرتك خالص وخليتك مش محترم
عصام بغمز بذمتك مش كده احلى
رفيده بضحك احلى بعد ما اتجوزنا ااه حلو ان جوزي يبقي ملهوف عليا وفرحان بيا كده انما واحنا مخطوبين وقبل الخطوبه لا مينفعش
عصام بضحك لالا سيبك من قبل الجواز المهم دلوقتي خلاص احنا بقينا مع بعض وفي بيت واحد
رفيده بابتسامه طب ايه مش هتعملي فطار بايديك الحلوين ده انا تعبانه والله مش قادره
عصام بحب يسلام ده من عيوني ووطى جاب تيشرته من على الارض ولبسه وقام خرج من الاوضه فرفيده لفت الملايه على نفسها وقامت بسرعه وفتحت الدولاب بلهفه وطلعت شريط برشام منع حمل وهي بتتلفت حوالين نفسها خايفه يجي وخدت منه حبايه وشالته تاني خبيته كويس وتنهدت بعمق ودخلت الحمام تاخد شاور
------
عند الشخص المجهول كان قاعد بيتفكر اخته فلاش باااك
كانت بتخطي خطوات من وراه ببطئ فتابع وهو بيقفل دولابه : خير يا نورسين
فنورسين اضايقت وتابعت يووه بقى هو انا عمري ماهعرف اخضك ابداا
الشخص لفلها وتابع بضحك ده لاني عارفك وحافظك انتي وحركاتك كلهاا
نورسين بضحك انت رخم والله
الشخص بصلها برفعه حاجب وتابع نعم؟
نورسين بتوتر احمم انا اسفه ياروحي ولا حاجه خالص
الشخص بابتسامه اممم قولتيلي طب خير جيتي عايزه ايه
نورسين بابتسامه احنا في عيد وكده فعايزه 3 حاجات بالظبط
الشخص بضحك اممم خير
نورسين وقفت على اطراف صوابعها وباست خده وتابعت دي اول حاجه وباست خده التاني وتابعت ودي التانيه ومدت ايديها وتابعت بغمز الف جنيه بقى التالته
الشخص الضحك ليه البوسه ب 500 ولا ايه ده الاسعار ولعت كده
فنورسين فضلت تضحك بشده وتابعت لا طبعاا العيديه يا روحيي مادتنهاانيش من نفسك جيت اطلبهاا بكل بجااحه
الشخص الضحك اه لو صبر القاتل على المقتول
نورسين بضحك ااه كان حصل ايه
الشخص بضحك روحي كده على المكتب شوفي الظرف مكتوب عليه
فنورسين راحت بالفعل لقيت ظرف مكتوب عليه اسمها فمسكته بلهفه وفتحته لقيت فلوس كتير فضحكت واتنططت بفرح وتابعت يااروح قلبيي يااروح قلبي كل ددده
الشخص بضحك الفين جنيه مش الف اهو يخش يطمر كنت محضرهملك
نورسين بضحك يحبيبي انت وراحت حضنته وباسته وتابعت انا بحبك اوي بجد مش بحس ان ابويا مات طول ما انت معايا ربنا يديمك ليا العمر كله يارب
فالشخص باس راسها بعمق وتابع وانا بموت فيكي
نورسين بحب ممكن بقى اروح رحله المتاحف مع صحابي ؟
الشخص لا يانوري انا مش بحرمك من حاجه بس اماكن بعيده لوحدك لااا
نورسين بحزن لييه طيب ماكلهم رايحين
الشخص بحده انا ماليش دعوه بحدد انا بخاف عليكي هو انا لياا غيرك يا نورسيين
نورسين بحزن هيحصلي ايه يعني مناا رايحه بالباص ومش لوحدي
الشخص بحده قولت لا يعني لا اخاف عليكي ده انتي لو جرالك حاجه اموت بالحياا مضمنش اوديكي مكاان انا مش فيه مستحييل
نورسين بحزن خلاص يحبيبي مش هروح
ورايحه تخرج فوقفها وتابع هوديكي انا في الاجازه بتاعه شغلي انما علشان خاطر اخوكي ينورسين متتعبيش قلبي عليكي
نورسين بحزن حاضر يعمري
الشخص بحده والواد حازم ده اقطعي علاقتك بيه سالت عنه ولسه مسابش خطيبته وشكله مش هيسيبها وبيحور عليكي
نورسين بحزن هو قالي انه مجبور عليها بسبب مامته ومش عارف يسيبها دلوقتي
الشخص بحده مفيش راجل بيتجبر هو مش بنت بنوت سيبك منه ده بيسرح بيكي
نورسين بابتسامه حزينه: حاضر يحبيبي
****
يوم تاني كانت تعبانه جدا وجابولها الدكتوره
فتابع الشخص بقلف ها يا دكتوره طمنيني مالها نورسين
الدكتوره بابتسامه مبرووك هي حامل فنورسين بصتلهم برعب وخافت ومصطفى كان واقف اتصدم بشده وقلبه وجعه فاتصدم الشخص وتابع مالها يا دكتوره ؟!! لا مش فاهم حامل يعني .. يعني هي حامل بجد ؟!!
الدكتوره بابتسامه اه بجد الف مبروك
فامها اتصدمت فتابع الشخص مصطفى وصل الدكتوره
مصطفى مكنش مستوعب بس رد عليه وتابع حاضر تعالي يا دكتوره اتفضلي
فنورسين بصتله برعب وابتدت تعيط وهي بترجع لورا فتابع الشخص ايه اللي الدكتوره بتقوله ده هاا ؟؟!!
نورسين بعياط ورعب هفهمك والله والله هفهمك
الشخص اتصدم وتابع بقهر تفهميني !!! واتعصب بشده وضربها بالقلم بشده وتابع بعصبيه تفهميني ايه يا زبااله يابنت الكلب انتيي هاا تفهميني ايييه
امها بعياط وخوف يمصيبتي يمصيبتي ده جدك لو عرف هيقطع خبرنااا مين اللي عمل فيكي كدده يابنت الجززمه انتي ردددي
الشخص بعصبيه جدي مين مش لو انا سيبتها عايشه وضربها بالقلم بقوه وتابع بعصبيه ابن مين اللي في بطنك ده انطقيي
ففضلت تعيط بانهيار فطلع مصطفى وشد صاحبه وخدها ورا ضهره وتابع ابني انا بس ورحمه ابوك اهدى وكفاياك ضرب فيهاا وانا تحت امركم واللي تطلبوه هنفذه
نورسين بعياط لا يا مصطفى لا مش
فمصطفى بصلها بحده وتابع بعصبيه تسمحي تسكتييي انا هقوله خلاص كفاايانا نخبيي
الشخص بصدمه انت ازاي يعني !! انت اكييد كدااب ومستحيل تعمل كدده وهز راسه بالنفي وتابع بعصبيه انت مستحيل تعمل كده بتداري عليهاا ليه
مصطفى بحده مش بداري عليها انت عارف اننا كنا بنحب بعض وهي زعلت مني واختصرت بس انا لسه بحبها وضعفت واديني قدامك اهو اعمل فيا اللي انت عايزه بس ابوس ايدك دي عيله وخايفه وبتتفنض ورايا والله متضربهاش
الشخص بعصبيه انت بتسرح بياا انت اصلا معايا كل يوم حصل امتي ده وازااي وفين
مصطفى رايح يتكلم فعيطت نورسين وتابعت لا مش مصطفى انا روحت قابلت حازم وهو فهمني اننا هنروح نشوف مامته لانها نقلت جنبنا واستدرجني واعتدى عليا في الشقه اللي كان قاعد فيها
فكلهم اتصدموا فتابع الشخص بقهر حازم !! بردو حازم يا نورسين !! كسرتي كلمتي وفضلتي تكلميه ومكفاكيش كل ده فروحتي تقاابليه !! هي دي تربيتي ليكيي واتعصب وتابع ده انتي هيطلع عين اهلك انهارده يابنت الكلب ومسك شعرها من ورا مصطفى وجرجرها من على السرير وهو بيضربها بالقلام وامهم بتصوت وتعيط فمصطفى شدها منه وتابع بدموع ورحمه ابوك كفاايه بتقولك اعتدى عليهاا اختك ضحيه بدل ماتروح تجيبلها حقهاا قاعد تضربها هي
الشخص بصله بذهول وتابع بعصبيه انت لسه بتبكي عليهاا !! لسه بتحبهاا !! دي وطت راسي في الارض العمر كله وكسرتنيي بعدم سمعانها لكلااامي خدت اييه انا منهاا غير قله القيمه وكسره الضهرر والشرف اللي ادااس وشيلالي عيل من وااحد وسسخخ
مصطفى بقهر ودموع حبيبتي ..مهما عملت حبيبتي وعلى قد حبي ليها على قد وجعي منهاا بس اعمل ايه اموتها ولا اخدها في حضني واهدي خوفهاا ؟!
الشخص بعصبيه هدي انت انما انا خلااص تعتبر اخوهاا مات وملهاش كلام معاايا وخليها تحضر نفسهاا هنروح ننزل الخراا اللي في بطنهاا ده
امها بعياط ياابني خليها تقول لابوه يمكن يخلي عند اهله دم ويجي يتجوزهاا علشان ابنه
الشخص بعصبيه انا مش هقول لحد ومش هقل من نفسي واروح اطاطي راسي لعيل وسخ زي ده واتحايل عليه يجي يلحقني من الفضيحه الغلط مننا واحنا اللي نستحمل وحسابك معايا مخلصش ينورسين صبرك علياا
نورسين بعياط انا هكلمه واقوله اني حامل ابوس ايديك سامحني وحقك عليا والله ماكنت اعرف ان كل ده هيجرالي
مصطفى اتقهر وتايع كلميه طيب يحبيبتي بس لو عايزاني انا اتقدملك انا معنديش مشكله وسيبك منه خالص
نورسين بعياط لا يا مصطفي انت مالكش ذنب فكل ده ومسكت فونها بايد مرتعشه واتصلت بحازم كتير مردش فاخر مره رد وتابع خير عايزه ايه
نورسين بعياط حازم .. حازم ابوس ايديك الحقني انا في مصيبه
حازم ببرود ايوه عايزه ايه يعني خير
نورسين بعياط انا حامل واخويا عرف ومبهدلني وجدي لو عرف هيقتلني والله العظيم ابوس ايديك تعالى اتجوزني وانا والله هعيش خدامه تحت رجلك انت ومامتك ومش هتسمعلي صوت بس ابوس ايديك تعالى الحقني ارجوك
مصطفى واخوها كانوا واقفين مقهورين ودموعهم بتنزل من كلامها فتابع حازم بحده طب وانا مالي حامل ولا مش حامل هو معلش واحده زيك ايش عرفني حامل مني ولا من غيري
نورسين اتصدمت فتابع اخوها بعصبيه ودموع تصدق ياالا انت حيوان وابن ستين كلب واقسملك بالله الزمن مهما يعدي لهندمك على اللي عملته ده بالجاامد اووي وهعرفك تمن اللي عملته في اختي ده ايه علشان لا عااش ولا كان اللي يعاديني ويعيش مرتاح
حازم بسخريه ربوا بناتكم بعد كده اتكلموا بلا قرف وقفل السكه فنورسين عيطت بانهيار وسابت الفون يقع فتابع اخوها بعصبيه شايفه وصلتينا لايييه شاايفه وطيتي راسنااا ازاي !!! وضربهل بالقلم بقوه وتابع بعصبيه ودموع بعد ماكنا بنتنك على رجاله البلد كلهااا ونقول بنتنا زي القمر وبتتعلم وادب واخلاق ومش اي حد ياخدهاا خلتينا نتزل لكلب زي دده يتجوزك عااجبك كدده
فمصطفى خدها وراه وتابع بدموع خلاص ابوس ايدك كفاايه
اخوها بعصبيه خليك انت طبطب كمااان ماهو من دلعك الزايد ده اتنكت عليك وراحت بصت لكلب زي ده عمل فيها كده لو كنت كسرتلك رقبتها وجوزتهالك غصب زي ماقولتلك مكنش حصل فينا كل ده
مصطفى بوجع وانت فكرك هعرف اجبرها تعيش معايا؟
اخوها بعصبيه اهو ولا معااك ولا مع غيررك دي تموت وتريحنااا من قرفهاا ابو البنات على خلفتهاا ودموعه زادت وتابع ضيعت عليهاا عمري وكسرتني في الاخر فنورسين فضلت تعيط بانهيار وتابعت انا اسفه ابوس ايدك سامحني ووطت عند رجله وتابعت مستعده اعملك كل اللي انت عايزه وعاقبني براحتك بس متزعلش وتاخد مني جنب كده والله اموت نفسي احسن
فاخوها زق ايديها اللي مسكاه برجليه وتابع بعصبيه يبقى تموتي وتغوري في ستين داهيه واهو تريحيني منك
باااك
فدموعه نزلت وبص لصورتهم اللي على الحيط وتابع بقهر ودموع بس انا مكنتش اقصد كده بجد ينورسين فضلتي تقوليلي عاقبني زي مانت عايز علشان مموتش نفسي اتاريكي انتي اللي عاقبتيني باللي عملتيه .. مش قادر اسامح نفسي وعمال كل يوم الومهاا واقول هو انا قصرت علشان تبص على حنيه برا ومش قادر اسامح نفسي اني قسيت عليكي بردو .. بس والله غصب عني انا لو اعرف انك هتزعلي اوي كده وهتهون عليكي نفسك وتنتحري فعلا كنت خدتك في حضني وقولتلك انا مسامحك بس خلييكي انا ماليش غيرك وحسك بالدنيا ده انتي بنتي وعمري اللي ضاع يا نورسين .. انا مش هقدر اعيش من غيرك ده انتي بعدك عني كسرني اكتر من وجعي من اللي عملتيه مش قادر استوعب انك مشيتي لاابد ولا انسى ايامي معاكي ولا انسى انك مشيتي فكراني زعلان منك وعيط زي العيل الصغير وتابع وانا زعلان عليكييي يابنتيي وحضن صورتهم وتابع بانهيار زعلان عليكيي يحته منييي خسرتي دنيتك واخررتك يا ملاااك وبص لفوق وتابع بصراخ ودموع ياارب سامحها ياارب وحياه حبيبك النبي سامحهاا يااارب وفضل يعيط بانهيار وتابع وغلاوتك عندي لهجبلك حقك منه يا نورسين والله هجبلك حقك يقلبي وفونه رن فرد على احد رجاله وتابع وهو بيمسح دموعه: خير
وسمعه وتابع تمام هاجي نهارده ويومين ولا حاجه وهننفذ ففتحوا عينيكم