رواية لنا موعد اخر الفصل الثالث والثلاثون33 بقلم لولا
وفونه رن فرد على احد رجاله وتابع خير
وسمعه وتابع تمام هاجي نهارده ويومين ولا حاجه وهننفذ ففتحوا عينيكم
الراجل : بس انا ليا رأي تاني يافندم
الشخص باستغراب راي ايه مش فاهم؟
الراجل : اي تنفيذ دلوقتي صعب لان هي مبتنزلش لوحدها ولما بتشوف حازم بيبقى وسط ناس كتير جدا ففكره اننا ناخدها من وسط كل ده صعب واما مقدرناش على عصام السيوفي لوحده هنقدر نسحبها من وسط الشارع كله ؟
الشخص بتنهيده خلاص انا كده كده هاجي علشان اكون قريب منكم وهفكر هنتصرف ازاي وهبلغكم
الراجل بابتسامه تمام يا فندم .. باي
الشخص بضيق باي وقفل الفون ورماه بعصبيه
------
بعد شويه في خطوبه نيره البنات كلها كانت حواليها وبيرقصوا معاها وهما مبسوطين جدا ونديم واقف على جنب بيتكلم ويضحك مع صحابه وعلي قاعد متعصب جدا من تصرفات حبيبه وتنطيطها بس مش قادر يتكلم
فسلمى جات تقوم فبصلها بحده وتابع رايحه فين؟
سلمى بتوتر عند حبيبه و
علي بحده اترزعي مكانك مفيش مرواح جوزك جاي واقعدي معاه
سلمى بتوتر يعلي انا كنت هسقف بس اصلا
علي بحده طب مش مستنين سقفتك هما علشان فرحتهم تكمل فاتزرعي مش ناقص صدااع خلي ام الليله دي تعدي على خير
سلمى بضيق قعدنا
فتابعت تولين بهمس مامي
اسيا بصتلها بحب تابعت ايه يعيون مامي
تولين بابتسامه ممكن اجيب شكولاته ؟
اسيا بتنهيده هي كل يوم يا تولين الشكولاته؟
تولين برجاء وهي بتطبطب على صدرها: معلش علشان خاطري بلييز يا مامي بلييز
اسيا بتنهيده يتولين بتتعب سناانك قولت لا
تولين بدموع يمامي المره دي بس والله
فعلي انتبه لدموعها فتابع بخوف: مالك في ايه تعاالي وشاورلها
فراحتله وهي بتعيط فمسح دموعها وباس خدها وتابع بحنان: بس بس يعمري ابو اللي يزعلك في ايه
فتولين بصتله بعدين بصت لاسيا .. فاسيا بصتلها بحده فعيطت فعلي بص لاسيا وتابع بحده انتي بتبصيلها ليه يا تربيه ناقصه انتي هو انا مش بسألها مالها ولا عايزاها تكدب علياا ؟؟!!
اسيا بتوتر لالا انا مبصتلهاش يحبيبي هبصلها ليه
علي بحده اه منا واخد بالي وبص لتولين ومسح دموعها وتابع بحب سيبك منها يعيون خالو وقوليلي مالك بتعيطي ليه
تولين بحزن علشان عايزه شكولاته وهي مش راضيه
علي بحب يخرابي ياناس ده يبخت الشكولاته والله وشالها قعدها على رجله وتابع الشكولاته كلها تحت امرك هروح اجبلك اللي يعجبك
فتولين بصت لاسيا بتوتر فتابعت بحده ياعلي سيبك منها احنا متفقين مره في الاسبوع وفارس جبلها لما كان معاك خلاص كده كفايه
علي بحده خلاص دي عيله هتسيبيها تعيط علشان شكولاته انتي عبيطه ولا ايه
اسيا بذهول: يحبيبي مش كده اكيد بس تولين بجد حريقه فيها وبتتعب سنانها منها جدا
علي باس تولين وتاابع بحب لا قلب خالو هتاكلها من هنا وتغسل سنانها لما نروح من هنا مش كده يعمري؟
تولين بحماس كده
علي بضحك اهو شوفتي اطلعي انتي براها بقى وقام بيها وباس خدها وتابع يلا انا رايح اجبلها الشكولاته ومش هنتأخر ياما ها
رانيا بحب ماشي يحبيبي روح
وبالفعل علي طلع فلما حبيبه لمحته طلع راحت بسرعه عند الترابيزة بتااعتهم وتابعت لرانيا بحب ودموع واحشتيني
رانيا اتفاجئت بيها وتابعت يعمرري تعالي وفتحتلها حضنها فحبيبه حضنتها جامد وباست راسها
فتابعت رانيا بدموع كده يحبيبه كده اهون عليكي متجيش تشوفيني من ساعه ماجيت
حبيبه بصتلها وتابعت بوجع وهي بتمسح دموعها : حقك عليا والله انا عارفه اني واحشتك بس محبتش اجي وعلي قاعد علشان شادين جامد مع بعض انما حاطه في بالي هجيلك طبعا
رانيا بدموع ماليش دعوه بخلافك انتي وعلي اقعدي معايا يلا
حبيبه بوجع حقك عليا يا خالتي بس انا واقفه عند نيره ولما اقعد هقعد بعيد وماما وخالتي هيجوا يقعدوا معاكم دلوقتي بس علشان دلوقتي حوالين نيره وكده انما صدقيني مش هقدر اقعد معاه على ترابيزه واحده
رانيا بوجع خالتك !! ومن امتى وانا خالتك يحبيبه ؟!!
حبيبه تنهدت بعمق وتابعت من انهارده .. لان في حاجات كتير اوي اتغيرت
اسيا بذهول طب معلش مش طيقاه اوي كده هتتجوزوا ازاي انا بجد مش قادره افهم ايه اللي يوصلكم لكل ده
حبيبه ابتسمت بوجع وتابعت لا جواز ايه هو انا طول عمري اختكم هاجي دلوقتي اخرب علاقتنا وابقى مرات اخوكم اكيد لا طبعا
فكلهم اتصدموا فتابعت اسراء بصدمه انتي اتجننتي صح؟
حبيبه بوجع لا عقلت وقررت مره واحده اختار نفسي
سلمى بصدمه انتي سيبتوا بعض يحبيبه ؟!!
حبيبه بتنهيده اه من امبارح ومتقوليش سيبنا بعض هو اصلا مكنش في حاجه انا طول عمري بحب اخوكي لوحدي
رانيا بوجع وصدمه يعني ايه الكلام ده يحبيبه ؟!!
حبيبه بصتلها بوجع وابتسمت وتابعت يعني انتي هتفضلي امي التانيه وخالتي وحبيبتي وانا مش هستغنى عنك بس ده نصيب واحنا يظهر نصيبنا مش مع بعض
رانيا بدموع وعيال علي اللي حلمت بيهم منك يحبيبه ؟!! كده تهدمي حلمي وحلمك !!
حبيبه بقهر علشان تعبت اني انا اللي احلم يا خالتي .. نفسي حد يحلم بيا .. نفسي حد نفسه يتقطع مره من الجري علشاني .. انا مستاهلش اللي عيشته مع ابنك ولو معبتراني بنتك صح هتقوليلي برافو عليكي .. واذا كان على عيال ابنك هتشيليهم سواء مني او من غيري متقلقيش
رانيا مسحت دموعها وتابعت بوجع انا مكنتش عايزاهم غير منك بس طلما ده اختيارك ربنا يكتبلك الخير يابنتي
فحبيبه ابتسمت بوجع وتابعت هروح شويه وبصت لسلمى وتابعت تيجي معايا ؟
سلمى بتنهيده لا حازم جاي دلوقتي شويه واجيلك
حبيبه بابتسامه ماشي ومشيت وهي بتمسح دموعها براحه علشان الميكاب
اسراء بتنهيده ابنك اتغابى عليها بصراحه
اسيا : يجماعه علي مش متهور ومبيتسرعش .. اكيد حصل حاجه كبيره منها هو انا اللي هعرفكم باخوكم !!
سلمى : وهو كده فعلا هي قالت قدامي ان الموضوع كبير وتنهدت بعمق وتابعت ربنا يهديهم
رانيا بدموع مش مسامحه اخوكي والله علشان اللي عمله فيها ده
اسيا بتنهيده معلش يماما ماهو اكيد غصب عنه بردو ربنا يهديهم ولو ليهم خير في بعض هيرجعوا
فجات ام حسن وابتسمت وتابعت مساء الفل
رانيا وهي بتمسح دموعها بسرعه تابعت اهلا يحبيبتي اتفضلي مساء الخير
فشدت كرسي وقعدت وتابعت بفرح : عقبال عيالك يا ام علي يارب
رانيا بابتسامه تسلميلي يا ام حسن ربنا يخليكي وتفرحي بيه يارب
فاسراء قلبها وجعها ومسكت كوبايه المايه تشرب بايد مرتعشه
فسهير بابتسامه ماهيحصل باذن الله بس علي يحن علينا ويدينا البت اللي لينا عندكم
فاسراء شرقت وهي بتشرب وكلهم فضلوا يضحكوا بشده وحسن كان واقف بعيد نسبيا فاتخض عليها وبص على الباب ملقاش علي فجري عليها بسرعه وطبطب على ضهرها وتابع بخوف وهو بيقومها تقف : اسرااء مالك في ايه ؟؟؟
اسراء فضلت تكح بشده وغمضت عينيها وهزت راسها انها تمام فحسن مسك كوبايه المايه وتابع بخوف: امسكي طيب امسكي اشربي وشربها بايديه وهو ماسك الكوبايه
اسيا بضحك يسيدي يسيدي على الحنيه
سلمى بضحك بس يا اسيا متكسفيهوش لحسن انا مستغربه الجرأه وهو مكنش بيطلعله صوت اصلا
رانيا بضحك علشان عزرائيل مش هنا بقى
فكلهم فضلوا يضحكوا واسراء اتكسفت جدا بس حسن مكنش همه غير يطمن عليها فبصلها بقلق وسندها وتابع سيبك منهم انتي مالك في ايه طمنيني ؟؟
اسراء بحرج من غير ماتبصله تابعت: مفيش ياحسن شرقت وانا بشرب عادي اهدى
حسن بتنهيده يا اسراء خدي بالك يا اسراء هو حد بيجري ورااكي يابابا !!
سهير بضحك اللي قولته بس كسفها متوقعتهوش
حسن باستغراب ليه قولتي ايه ؟؟
سهير بضحك قولت هناخد اللي لينا عند علي بس لما يحن
فحسن فضل يضحك وتابع انتي شرقتي علشان كده !! اخص على اهلك
اسراء بدموع حسن ارجوك امشي انا وعدت علي مش هكلمك
حسن قلبه وجعه وتابع : تمام وانا اكيد ميرضنيش تخلفي وعدك تعالي اقعدك
اسراء من غير ماتبصله وهات الكوبايه عايزه اشرب فحسن تلقائي مدها ليها تشرب وهو ساندها فقربت تشرب وفي نفس اللحظه شاف علي داخل فاتصدم وسابها وساب الكوبايه فاسراء وقعت وهو مشي بسرعه والكوبايه ادلقت على رجليهاا فكلهم فضلوا يضحكوا بشده فشهقت بخضه من بروده المايه وتابعت بدموع وبحده : ياشيخ منك لله شايفه ابنككك يا طنط وقامت تنفض المايه على هدومها
فكلهم فضلوا يضحكوا بشده فتابعت سهير من بين ضحكهاا : ما شاف اخوكي داخل يا مضروبه عايزاه يوديه المستشفى المره دي
اسراء بضحك من بين دموعها : لا يرميني انا والكوبايه مع بعض كانه شايل قنبله وخايف تنفجر
فكلهم فضلوا يضحكوا بشده فتابعت اسيا من بين ضحكها كانت هتنفجر فعلا لو علي شافه هو كده عمل الصح
اسراء بضيق افترضي اتعورت بجد
سلمى بضحك معلش انتي كنا هنصلحك انما حسن لو كان اتقفش مستحيل .. مش هنلاقي قطع غيار اصلا
فكلهم فضلوا يضحكوا
فجيه علي وقعد تولين على رجله وتابع بابتسامه ازيك يخالتي عامله ايه
سهير بابتسامه كويسه يحبيبي
فعلي بص حواليه وتابع باستغراب فينه حسن ؟
سهير بابتسامه قاعد مع هاني صاحب كريم
فعلي حس بضيق وتابع هو هاني جيه ؟!
سهير بابتسامه ايوه هناك اهو
فعلي بص عليه لقى حبيبه جات وقفت تتكلم معاه وبتسلم عليه هو وحسن فقام وقف وحط تولين مكانه على الكرسي وتابع ثواني وجاي
سلمى بخوف يختااي بقى على النهارده
رانيا بتنهيده والله مفروض مالوش دعوه بيها
اسيا بضحك وانتي فكرك ابنك اعتمد كلامها وهيسمعه ؟ قلبك ابيض
عند حبيبه كانت واقفه معاهم
فتابعت بتنهيده كنت خليه يجي ياهاني شويه صغيرين علي الاقل
هاني بتنهيده والله يحبيبه حاولت فوق ماتتخيلي رافض بردو وقولتله ياابني حقك تزعل بس لازم تكون جنبها انهارده ومسيرنا نكشفلها حقيقته واحده واحده بس متسيبهاش لوحدها في يوم زي ده وكده بس ابداا رافض جدا
حبيبه تنهدت بعمق وتابعت ربنا يهديهم بجد
هاني بابتسامه سيبك منهم انتي ايه القمر ده بيرفكت فكل حاجه من اول تسريحه شعرك لحد الميكاب والدريس اختيار موفق بجد
فحسن اتصدم من اسلوبه ومغازلته لحبيبه بس رد حبيبه صدمه اكتر لما ضحكت وتابعت : يخرابي ده كتير ده تسلملي والله
فحسن مسك ايديها وتابع تعالي ثواني عايزك
فحبيبه استغربت وتابعت حاضر عن اذنك ياهاني
فهاني ابتسملها وهز راسه بس قبل ماتتحرك مع حسن علي جيه وشدها من ايد حسن وتابع بتنهيده لا منا خدت بالي خلاص انها واقفه معاه فملهاش لازمه تشدها على جنب دلوقتي
فحسن اتوتر وتابع : محصلش حاجه اصلا ده انا كنت هخليها توديني اسلم على نيره واباركلها
علي بابتسامه لا صادق يقلب اخوك اركن انت على جنب بقى
حبيبه بحده ليه وانت ماالك اصلا اقف مع مين ومقفش مع مين ؟؟
علي رفع صابعه قدام شفايفه وتابع بحده هششش .. تسمحي تخرسي ومسمعش حسك ؟؟
وراح لهاني وتابع بحده نورت يقلب اخوك بس مش من الاصول انك متقفش تتكلم مع واحده اجنبيه عنك وسط القاعه والناس راايحه جاايه واسهل حاجه عندهم اللت ؟؟؟
هاني باستغراب انا مش غريب للكلام ده ثم ان ماسكتك انت ليها كده هي اللي عاادي مثلا ؟!
علي بعصبيه اه عاادي لانها خطيبتي وطالبها من اخوهاا انما اللي مش عاادي اني اشوفك واقف تضحك وتهزر معاهاا وانتوا مفيش بينكم حااجه
هاني اتصدم وتابع خطيبتك !! وبص لحبيبه وتابع انتي كنتي تقصدي علي اللي بتحبيه يحبيبه ؟!!!
علي مسك فكه وتابع بعصبيه بصلي انا هناا متوجهش كلامك ليهاا ااه خطيبتي وانت ابن بلد وعاارف وفاهم في الاصول وهجيبهالك على الدوغري ومش هحور عليك .. سبق ودخلت بيتنا وطلبتهااا يعني من الاخر عينيك عليهاا بس طلما بقيت تخص راجل تااني والمفروض انك متربي معااه وعارفه كويس فمن الادب والاخلاق والذوق تحط عينيك في الارض لما تشوفهاا
هاني اتصدم جدا وتابع بحده مبدائيا انا مكنتش هكلمهاا هي اللي جات سلمت عليا وسألتني على كريم لانها كانت موصياني اكلمه يجي الخطوبه وثانيا خلاص يعلي حبيبه من انهارده زي اختي بالظبط ربنا يسعدكم انا جيت اكون مكان كريم مش اكتر
علي بحده واجبك وصل
وشد حبيبه وخرج بيها لبرا القاعه وهي بتعيط وحسن مسح على وشه بايديه ونفخ بضيق
وعلي مشي بيها لمبنى بعيد عن القاعه نسبيا وزقها فضهرها اتخبط في الحيط فسندت عليه وبصتله بدموع
فتابع بعصبيه شديده: انا عايز اعررف انتي هتعقلييي وتكبررري امتى ولحد امتى هفضل اعدل عليكيي جراالك ايه يحبيبه انتي مكنتيش كددده
حبيبه بعصبيه ودموع وانت ماالك بيااا هاا هو انا مش قيلالك كل حاجه بيناا خلصتتت خلااص رايح تعيش الدور على هااني لييه منا مفيش بيني وبينك حاجه قال خطيبتي قاال
علي بصلها بسخريه وتابع هو للدرجه دي !! واتعصب وتابع لا بجد للدرجه دي مش طايقه فكره اني بقول عليكي خطيبتي ؟!!
حبيبه بعصبيه ودموع انا مش طايقه تصرفاتك وتحكماتك الزيااده في حيااتي وكده كده قولتهالك وهقولها احنا اخوات يااعلي واحمد ربك ماحرجتكش قداامه وقولتلك احنا مفيش بيناا حاجه انا سكت واحترامتك بس انت بردو سحبتني زي اللي عملت عامله قدام الناس ومحترمتنيش
علي بعصبيه شديده : انا عاايز ااعررف انتي بااارده كدده ليييه وضرب الحيطه جنبهاا فاتخضت وهو تابع بعصبيه اكبر: ايييه البروود اللي في دمك دده واازااي بقيتي متخلفه كددده وبطلتي تحسي بياا وتفهميني زي الاااول .. جراالك ايه يحبيبههه تسوى ايه ان حسن يعدل عليكيي وكان هيسحبك من قدام هااني علشاااني .. لانه خاايف على شكلي ومنظررري اكتر منك .. خايف اشوفك اتضااايق لان البيه ده كان خطيبببك وانتي دلوقتي تخصيني انااا .. انما انتي اييه مبتحسيش ؟!! مبتفهميش ؟!! في يوم وليله علي بقى عاادي بنسبالك هو وخاااطره كددده ؟!! بقيتي شااايفاااني بمووت وبغلي من الغيره وانا شايفه بيفصصك ويبصلك باعجاااب وتقفي وتكملي معاه كلااام عادي بعد ماكنتي بتحفظي نفسك حتي من نظراات الناس لاجليي !!!
حبيبه دموعها نزلت وتابعت انا وقفت معااه لاني قطعت علاقتي بيك انما لما كنت في حياتي مكنتش برفع عيني في حد وكنت صيناك في غيابك قبل وجودك مع انك مكنتش معتبرني في حيااتك اصلا وانت فاهم كده كويس
علي بوجع انا مش فاهم حاجه .. مش فاهم حاجه خالص وغمض عينيه بضيق وتابع بحده : انا كل اللي فاهمه ان طلمااا قلبك بيحبني مش هتعرفي تشوفي رااجل غيرري ملهااش علاقه انا معااكي ولالا بدليل جوازي من رفيده مكرهتنيش بعدده
حبيبه بحده ودموع اديك قولت جواازك من رفيددده يبقى ايه ؟؟ يبقى انا شوفت منك كتيير واتعصبت وتابعت وعشت اكترر وفي الاخر بقيت بت شماال في نظرك وروحت كسرتني ومديت ايدك عليا وكل ده وانت عماال تدوس علياا ومن يوم ما حبيتك معشتش يوم عددل فخلااص ياعلي انا اختاارت نفسي على اي حد حتى لو الحد ده انت
علي اتصدم بشده وتابع بغض النظر عن انك كداابه لاني عمري ماشوفتك كده بس مش قادر اصدق انك نطقتيها !!
حبيبه بسخريه ودموع ليه وانت فكرك هفضل العمر كله اختارك على حساب نفسي ؟!!
علي ضحك بسخريه وتابع لا فكري انك بتحبيني بجد انما ايه الكلام ده ..وقال ايه على حساب نفسك ؟!! ليه قالولك هصبحك بعلقه وامسيكي بعلقه ولا ايه ؟؟
حبيبه بحده ودموع تعملهااا مانت اسهل حاجه عندك مد الايد
علي بعصبيه واكسرك تحت رجلي كمااان لو اتصرفتي غلللط ومش هبكي عليكييي انما لو متربيه وصاينه نفسك هحطك فوق راسي همد ايدي ليه ؟!! وانا كده وده طبعي وتربيتي مش من بتوع ايچيبت اناا والاوبن مايندد طلبك مش عنددي يحبيبه
حبيبه بعصبيه ودموع يعني ايه لو متربيه دي !! يعني انا مش متربيه ياعلي ؟؟
علي بعصبيه اه مش متربيه لما متخاافيش من ربنا وتلبسي فستاان خراا زي ده ولولا فكرتي كريم جاي لولا سترتي نفسك بطرحه على كتافك يبقي ناقصك دين ومش متربيه .. لما تقفي تتكلمي مع راجل غريب وتسيبيه يبصلك كدده تبقى مش متربيه ..واتعصب اكتر وتابع لما متحترميش كلمتي في اي حاجه تبقي مش متربييه
حبيبه بعصبيه ودموع خلاااص مااسك فياا على ايه طلماا انا كدده روح شوف واحده محترمه شبهك انما انا بتاعت شقق دلوقتي في نظرك
فعلي ضربها بالقلم بقوه فحطت ايديها على خدها وهي بصاله بصدمه وبتعيط فتابع بعصبيه شديده وهو بيمسك دراعها : انتي مش بس مش متربيه انتي كمان قليه الادب ولسااانك عاايز يتقص دي كلمه تقوليها على نفسك يا تربيه نااقصه انتيي ؟؟
حبيبه بعياط وعصبيه لييه مش انت اللي شااايف كده ولا ده كلاميي
علي بعصبيه شديده : انا عمرري ماشوفتكك كدده ولان نطقت كدده ماتفوقي لنفسك بقيي هو انا لو شاايفك مش كويسه هتحاايل عليكي اتجوزك لييه ؟!؟ هفضل استحمل تصرفات العيال والمراهقه بتااعتك دي لييه ؟؟ انا لحد قبل ما ااعرف موضوع عزيز بوصف واحكي في تربيتك واخلاقك بس لما عرفت اللي حصل اتصدمت بس مش من الموقف على قد ماهو ازاي حبيبه قدرت تعمل كده وموت من غيرتي عليكيي وقولتلك انا ضربي ليكي نااتج عن تصرفك انما انتي ست البناات متتعيابيش ولو فيكي عيب مش هعوز اشيلك اسمي بس انتي متخلفه ومبتفهميش واول مره متفهميش علي في كلامه مع انك كنتي بتفهمي سكوته
حبيبه بصتله بقهر وهي بتعيط وتابعت علشان كده تحديدا مبقيناش ننفع لبعض ..احنا مبقيناش نعرف نتخانق غير مانخسر بعض اكتر ياعلي
علي بوجع بس انا مش هبطل احاول احسن علاقتنا غير في حاله واحده
حبيبه باستغراب وايه هي؟
علي بصلها وتابع انك تبطلي تحبي علي
حبيبه ابتسمت بوجع وتابعت بطلت واظن واضح ..لاني عمري ما عاندتك انما دلوقتي مبقتش مستحمله كلمه خطيبتي اللي قولتها
علي بص لرقبتها وتابع بسخريه باماره اسمي اللي مبتقلعيهوش من رقبتك مش كده ؟؟
حبيبه تحسست السلسله بقهر وبصتله وتابعت بدموع ده .. ده اسم ابويا ولا نسيت ؟؟
علي بسخريه لا منستش طبعاا بس انتي اللي شكلك نسيتي انك مشوفتيش ابوكي ده اصلا علشان يوصل حبك ليه للدرجه دي
حبيبه بصتله بوجع وتابعت انت بتوجعني كوني يتيمه ياعلي ؟؟
علي بصلها بذهول وتابع بعصبيه : ااه بصراحه اكمن انا ابوياا عايش وانتي ابوكي ميت فبغيظك وضرب كف في كف وتابع بعصبيه : يحبيبه اعقلي وبلاش ام المخ التعباان ده بقى انا لو هوجعك صح هوجعك كونك عبييطه مش يتيمه .. علشان حقيقي زهقت وبقيت باخد مجهود الضعف لما بكلمك .. مره علشان اتخانق معاكي ومره علشان افهمك قصدي اييه فمش كده بجد واكييد اقصد ان السلسله مش لابوكي وانتي بتستعبطي ودي علشااني
حبيبه بدموع تقصد اللي تقصده وتفهم اللي تفهمه بس الحقيقيه ان هي مش ليك
علي بتنهيده تمام وانا هبطل احاول لو قلعتيها يحبيبه حتى لو معتبراها مش لياا بس انا هعتبر ده رد صريح
حبيبه بعصبيه ودموع مش هقلعها ياعلي واللي عندك اعمله بردو مش عايزااك
علي بتنهيده ليه ؟؟
حبيبه بدموع ليه ايه ؟؟
علي بوجع انا عملت ايه علشان كل ده اديني سبب واحد مقنع لقسوتك عليااا .. محبتكيش ؟؟ طب ادديني قولتلك بحبك وعايزك وبموت فيكي .. اتجوزت ؟ فهمتك شكل علاقتي بيهاا وفهمتك انك غيرها وانك حبي الاولاني .. قولتلك لا وموافقتش نتجوز لما كنت في السجن ؟ علشان خوفت عليكي تتعلقي بواحد مستقبله متدمر وانا مرضاش بواحد زيه لاخواتي .. ضربتك ؟ ااه مرتين .. مره علشان مستحملتش الموقف اللي حصل وحقي ده انتي متستحملتيش حضني لمراتي حلالي فانا استحمل اللي اتقال عليكي ازاي !! والتانيه دلوقتي علشان طولتي لسانك في حق نفسك .. قوليلي بقى في ايه من دول كان قسوه عليكي او قل من كرامتك ؟؟
حبيبه عيطت وتابعت كلهم .. وجعتني فيهم كلهم .. عشت عمري كله مستنيه منك كلمه حلوه او طبطبه بس انت اديتهم كلهم لغيري وقدام عيني وسمعت بسببك كتير وقليت من كرامتي اكتر لحد ماتعبت خلاص
علي بسخريه والله !! والدموع اتجعمت في عينيه وتابع بعصبيه لو حد قل من كرامته فاهو انا مش انتي خالص يحبيبه وكرامه الرااجل ضعف وجع كرامه الست لاننا مش بسهوله نتحاايل على واحده تقبل تبقى معانا
حبيبه بحده ودموع لا والله ده اللي هو ازاي يعني
علي بعصبيه اقولك ازاي بس تقوليلي انا الاول انا عرفت انك بتحبيني امتى ؟؟
حبيبه بدموع يوم الزياره في السجن
علي بعصبيه تمااام حلو اووي .. يعني انا عشت عمرري كله فااكر اني ايه في نظرك ؟؟
حبيبه بدموع اممم اخويا زي كريم
علي بعصبيه وانا فااهم انك شيفااني اخوكيي زي كرريم كنت هتقدملك ازااي ؟؟ مانا لو عارفك بتحبيني كنت اتقدمت لاني حبيتك اول واحده في حيااتي .. ولو عارف مكنتش خطبت ولا اتجوزت ولا شوفت غيررك اصلاا فانتي بتعااقبيني وبتشيليني ذنب مشااعرك اللي اتقهرت بسببي لما شافتني مع غيرك وانا معرفش بيهااا اصللاا !!! طب ازااي ؟؟!! ..مش منطقي ابدا اتعااقب على حاجه معرفهااش .. تتقهري لو عارف انك بتحبيني واختاارت رفيده عليكيي انمااا انا معرفش اي حااجه وانتي مش بتبيني اي حااجه فهعرف منيين انا بتحبيني ولا بتغيري عليااا ولا بتتوجعي وانتي مش بتحاولي حتى تلمحي مش فاهم ؟؟
حبيبه بعياط وعصبيه المحلك وانت خاطب ياعلي ازاي يعني مش فاهمه ؟؟!!
علي بعصبيه وقبل الخطوبه .. وعمرناا كله اللي فات .. بردو كنتي بتيجي قداامي تبقي زي الصنم وانا كنت بتجنب الكلام معاكي علشان مشاعري مترجعش فعرف منين هشم على ضهر ايدي !! ويوم ماتخضيتي علياا لما المكتبه ولعت وجيتي ورايا تهوني عني فحضنتك غصب عني ولما اضربت بالناار ساعتها الموقفين دول شككوني شويه انك تكوني بتحبيني بس كنت اتجووزت فكنت هعمل اييه برددو ؟؟؟ ويوم حادثتك رفيده قالتلي حبيبه بتحبك قولتلها لا مستحيل فقالتلي لو مكناش مخطوبين كنت هتخطبها قولتلها ممكن بس مستحيل علشان كريم بردو فساعتها اتعصبت وزعلت لاني فعلا قولت الحقيقيه .. قولت السبب اللي كان مانعني اكون معاكي وهو عدم حبك لياا لاني كنت واثق بتعتبريني اخوكي والتاني كريم
حبيبه بعياط يعني دلوقتي بقيت انت اللي مظلوم ومالكش ذنب وكرمتك اتوجعت وانت بتتحايل عليااا نتجوز وانا عاادي مش كده ؟؟
علي بعصبيه اه طبعاا عادي لانك عشتي عمرك كله مخبيه عني ففين كرامتك اللي انا جرحتهاا هو انا رفضتك علشان تتجرحييي ؟!! انماا انا اللي من ساعه ماخرجت وضمنت اني براا بحاول معاكي وانتي بترفضي فانا اللي اتبهدل بكرامتي الارض قدامك مش انتيي
حبيبه بعياط بس انت اختارت غيري قدامي ودي كانت كفيله تحسسني اني معنديش كرامه
علي بعصبيه قداام نفسك وبس انما انا مكنتش اعرف حاجه ففين قله الكراامه وبعدين اختارت غيرك لاني فكرتك مش بتحبيني انتي مش عاايزه تفهمي لييه !! بس خلاص يحبيبه براحتك انا حقيقي تعبت منك ومن تصرفااتك ومبقتش قادر استحملهاا كراجل لما ترجعي حبيبه حبيبتي اللي انا اعرفها ابقى اكمل كلامي معاكي
ورايح يمشي فتابعت بوجع الكلام خلص من زمان وقريب هتخطب عادي علشان متستغربش
فعلي اتصدم ولفلها وتابع لا والله ومين ده ان شاء الله اللي هيخطبك؟
حبيبه بضيق لا ابقي سيبها لوقتها احسن مبحبش احرق
ورايحه تمشي فعلي مسك دراعها وتابع بهدوء مليان ثقه : وغلاوتك عندي يحبيبه لو لبستي دبله غيري تحت اي مسمى انسيني العمر كله
حبيبه بصتله بوجع وتابعت مانت عملتها وعايزني اقبل؟
علي بعصبيه قولت لاني مكنتش اعررف انما انتي عارفه اني عايزك وزق دماغها بكف ايديه وتابع بعصبيه فا افهمي بقي مش عايز غبااء ده انتي بقيتي حاجه تقرف وسابها ومشي وهو متعصب جدا وبيولع سجاره علشان يشربها وهي مرضيتش تدخل وفضلت تعيط بانهيار وقعدت على الدكه اللي قدامها
وعند علي دخل كان حازم وصل وقاعد بيتكلم مع سلمى فعلي سلم عليه وتابع ايه ياحازم عامل ايه
حازم قام وقف وحضنه وتابع بابتسامه بخير يغالي والله انت ايه الاخبار
علي قعد وتابع زي الفل ونفخ دخان السجاره بعصبيه شديده
فهمست سلمى جنبه بحزن وهي بتمسك دراعه : مش باين انك زي الفل ياعلي
فعلي طبطب على ايديها وتابع انا بخير متشغليش بالك اتكلمي انتي مع جوزك شويه بس
فسلمى هزت راسها بماشي بحزن وبصت لحازم فابتسم وتابع مالك في ايه
سلمى بتعب مفيش مصدعه حبتين وحاسه راسي تقيله
فحازم فتح دراعه وتابع بحب تعالي طيب
فسلمى اتكسفت وتابعت لالا مش هينفع بتكسف انت عارف
حازم بضحك يابنتي اسندي راسك عليا بس مفيهاش حاجه
سلمى بحرج لالا مش هينفع
فحازم تابع بضحك طب قولها انت ياعلي تيجي جنبي تميل راسها عليا علشان مصدعه
فعلي بصله وتابع بضحك احترم نفسك ياابن الكلب احنا عيالنا ولاد ناس اوي
حازم فضل يضحك وتابع ماهي مراتي طيب فخليها عليك المره دي
فعلي ضحك وتابع ميلي عليه شويه يا لوما الحرمان وحش بردو
فسلمى وشها احمر فحازم ضحك بشده وتابع يجدع حرام عليك انت كده بتوصيها متتحركش
فعلي ضحك وتابع لالا يلا يا لوما وطبطب على ضهرها وتابع بحب اسندي راسك على جوزك يحبيبي عادي
فسلمى هزت راسها بماشي وهي متوتره وقربت عند حازم وسندت راسها على صدره وهي متوتره جدا فحازم حاط ايديه عليها حاضنها وايديه التانيه بيعمل مساج لجبينها وهي غمضت عينيها وهي بتاخد نفسها ببطئ حاسه انفاسها اتحبست من توترها في قربه
فاسيا بصت عليهم ابتسمت وعينيها راحت لنيره ونديم اللي بيرقصوا سلو ونيره بتضحك معاه وافتكرت
فلااش بااك من خمس سنين
اسيا بعياط انا عايزاه ياعلي حرام عليك متوجعش قلبي كفاايه ربنا اراد يتكسر بخاطري واتوجع اول مره كمان عايز تبعدني عن سلييم
علي بعصبيه يابنتي ده عايز يتجوز خلال شهرين اعرفه منين انا دده علشان ارميكي ليه كده بسرعه وبعدين ده انتي حتت عيله 18 سنه لا راحت ولا جات وهو مصروع عليكي علشان عجباه شكلياا مش اكتر انما حب ايه اللي بسرعه دده !! وبعدين انتي لسه قدامك دراسه افرض حملتي هتعملي ايه ولا اييه اعقلي يا اسياا انا عارف مصلحتك اكتر منك
اسيا بعياط لا انا عايزاه ابوس ايدك متكسرش بخاطره كفايه انه دخل البيت من بابه حتى لو عجباه فجيه قال عايزني .. يعني مش من شباب اليومين دول بتوع الكلام في الهوا ويخلعوا زي الباشا صاحبك
علي بعصبيه فاارس ملكيش دعوه بيه ده موضوع وانتهى خلااص كفاياكي عك
اسيا بعياط منا مش بعك متقلقش انا بحب سليم وعايزاه فارجوك وافق
علي بعصبيه مش هوافق يا اسيا واللي عندك اعمليه ودخل اوضته ورزع الباب فتابعت اسيا بعياط وعصبيه شايفه يا ماما ابنك ؟!!
رانيا بحزن معلش يابنتي حقك عليا هو شويه وباله يهدى ويروق بس حقه يخاف عليكي بردو يا اسيا هو ليه مين غيركم يابنتي وبعدين ده انتي لسه صغيره والعمر قدامك ليه بدري كده بس
اسيا بعياط وعصبيه انا عاايزه سليم وبدري بدري محدش هيشيل بيتي مكااني انتي عارفه اني قد المسئوليه كويس اوي وبعرف اعمل كل حاجه ونبهي علي لو موافقش بسليم والله العظيم والله العظيم مش هتجوز راجل غيره ومستعده احارب علشان جوازي منه العمر كلله ومش هاكل ولا هشرب ويخش اموت خاالص واريح ودخلت اوضتها وقفلت الباب جامد
باااك
فدموعها نزلت بقهر ومسحتهم وتابعت لنفسها ياريتني سمعت كلامك ياعلي والله وتنهدت بوجع وتابعت ربنا يهديك يا سليم مش علشاني .. علشان عياله يارب
ولقيوا الكل اتجمع علشان نيره هتلبس الدبل وفضلت تبص بعينيها على كريم بس مكانش موجود فقلبها وجعها انها هانت عليه كده وبصت لنديم وابتسمت ولبسته الدبله فكله زغرطلها وسقفوا بفرح فنديم ابتسم وبدء هو يلبسها دبلتها ورفع ايديها باسها بحب وتابع مبروك يحبيبه قلبي
نيره بابتسامه الله يبارك فيك
وكلهم سقفوا بفرح بس نيره عينيها كانت مليانه كسره وحزن فعلي فهمها وتنهد بعمق شديد وشاورلها بايديه علامه تبتسم فابتسمت
وحبيبه زغرطتلها بفرح وإيلين كمان جاات وباركتلها وقضوا اليوم كله في فرح
----------
بعد مرور شهر كامل كريم ونيره علي غير عادتهم تمامااا كانهم اتنين اغراب عن بعض ومختصرين بعض جداا ونديم قرر ياجل الخطه علشان شكوك كريم عليه .. وعلي كسب قضيه رد الشرف والقضيه اتمسحت من سجله تماما كانه مدخلش اي قسم اصلا في يوم من الايام .. وعلاقته مع حبيبه متجاهلين بعض تماما وكل واحد فيهم شايف انه مغلطش في حق التاني .. وعلي اشتغل محامي في الشركه اللي شغال فيها كريم وماسك ورق التعاقدات والصفقات بتاعت الشركه .. واسراء وحسن مبيتكلموش واسراء مركزه جدا في دراستها وحسن بيحاول يهدي الدنيا مع علي .. واسيا رجعت بيتها بقالها اسبوع بعد سليم اتحايل على علي ان يسيبها ووعده هيتغير .. وسلمى فرحها خلاص قرب .. وهناء ووسام بيتكلموا وقالها ان علي كلمه وعايز يقابله .. ولميا بتتكلم مع انس الفتره دي علشان شغلهم وده « الشاب اللي انقذها من العصابه » وبقيوا صحاب اوي وفضولها بيزيد تشوف وشه وتعرفه اكتر
-----
في بيت هاله الصبح كانت عامله فطار وكلهم قاعدين بياكلوا مع بعض وكريم متجاهل يبص لنيره
ابتسام : كلي يانيره انتي طبقك زي ماهو يحبيبتي مالك
نيره بابتسامه حزينه: حاضر ياخالتو هاكل بس معدتي تعباني شويه حاسه مش قادره ابدء
حبيبه بحب : كيمو عايزه ابقى اخد رايك في الدريس اللي هعمله في فرح لوما
كريم بحب من عيوني لنور عيوني وقام وقف جاب علبه ادويه من على الكومود وقعد وحطها قدام نيره من غير ولا كلمه وبقى يكمل اكله وهو ساكت
فنيره الدموع اتجمعت في عينيها لانه اهتم وقام جاب الدوا لانه عارف انها مينفعش تاكل غير لما تاخده بس هي مبقيتش مهتميه بأي حاجه حتى صحتها فابتسمت وتابعت شكرا
فكريم مردش عليها وكمل اكله طبيعي فهناء بصتله وتابعت كيمو
كريم بحب ايه يعيون كيمو
هناء بحب ينفع اروح المول مع رنا انهارده بعد المحاضره ؟
كريم بحب روحي براحتك بس متتاخريش عن 8
هناء بحماس ياروح قلبيي انت ربنا ميحرمنيش منك ابدا ياارب
كريم بحب ولا منك يحبيبي وتنهد وتابع عملتوا ايه كلكم في امتحانات العملي بتاعتكم
حبيبه فهمت قصده وضحكت وتابعت ليه هو احنا عندنا عملي ودلوقتي !!
كريم بتوتر والله انا معرفش انا بسالكم عامه اكيد بيبقى فيه وقت مليان امتحانات عملي وشفوي وكده
فنيره تنهدت بوجع لانها فهمت قصده واتقهرت على الوضع اللي وصلوله وتابعت الحمدلله انا حليت كويس
فكريم تنهد وتابع الحمدلله وبص لهناء وتابع وانتي ؟!
هناء بضحك عملي ايه اللي بدء دلوقتي بجد يا كريم ؟
كريم بتوتر يووه بقى انا قولت بسالكم عامه مشكرش يعني؟
هاله بضحك تشكر طبعا ينورعيني دي عيال مش وش اهتمام اكرفلهم احسن
كريم بضحك هو ده اللي هيحصل عامه بعد كده
فنيره بدات تاكل وهي ماسكه دموعها بالعافيه فرن عليها نديم فردت وتابعت الو
نديم ايه يحبيبي عامله ايه
نيره بابتسامه الحمدلله وانت
نديم بحب زي الفل .. بقولك لو كده اعدي عليكي واخدك نروح نفطر سوا ولا فطرتي
نيره بابتسامه لا مفطرتش وسابت المعلقه وقامت مكملتش وتابعت بحماس وهي بتدخل اوضتها خلاص ماشي نروح سوا هلبس اهو
فكريم كتم عصبيته باالعافيه وقام وساب الاكل وتابع بضيق انا غااير وابقي عرفيني رايحه فين وقوليلي بس متعرفيهاش اني سألت يحبيبه
حبيبه بحزن حاضر يحبيبي
فنزل ورزع الباب فاتخضوا كلهم فتابعت ابتسام بحزن مش عارفه احدد مين فيهم اللي صح والله
هناء بتنهيده اكيد كريم بس نديم عامل فيها الملاك البريئ الفتره دي علشان اتشك فيه بس
حبيبه بحزن اتفق جداا وحساها اوي ربنا يستر عامه
هناء بحزن يارب والله وقامت وتابعت يلا هقوم انا علشان لسه هلبس ونازله لميا فوق يا ماما؟
ابتسام اه يابنتي فوق
هناء بضحك طب كويس علشان عايزاها قبل ما انزل ارغي معاها شويه
ابتسام بضحك طب روحيلها ياختي
هناء بضحك هغسل ايدي وطلعالها
----
عند لميا كانت قاعده في اوضتها مرجعه ضهرها لورا وبتتكلم في الفون مع الشخص اللي هي سميته أنس ( لكن ده مش اسمه )
وتابعت بضحك لالا متحورش انا مباكلش من الكلام ده
انس بضحك والله مابهزر عايز اشوفك فعلا
لميا بضحك واجيلك تقابلني بشكل توليت اللي مش راضي تخرج منه ده مش كده
انس بضحك مش يمكن خايف تكرهيني لما تشوفيني
لميا بابتسامه عُمري
انس بضحك قلب عُمرك
لميا شهقت وتابعت بضحك ضربه في قلبك انا بقول عمرري ما اكرهك يعني
انس بضحك ياستي سبيني اتخيل محروم من الكلام الحلو
لميا بضحك وانت تتحرم ليه ماتروح تتجوز
انس بتنهيده مين هترضى تربط حياتها بواحد حياته لشغله اكتر من بيته ؟
لميا باستغراب ليه ظابط ؟؟
انس بضحك شوف يعني كل ده ولسه مكانتش متاكده .. اه ياستي ظابط .. بس مخابرات
لميا شهقت وتابعت يخربيتكك
انس فضل يضحك وتابع خربتيه لييه بس
لميا بحماس لالا استني يا انس بجد واااو يعني انت بتقابلني في حتت هاديه وخبيت وشك مني علشاان كدده !! في ناس بتطاردك بقى والجوو ده
انس فضل يضحك بشده وتابع بعيداا جو الافلام اللي انتي عايشاه وعن انس اللي مش لايق على شكلي وشخصيتي ده بس انا مبنزلش بالماسك غير معاكي انتي يطاردوني ايه بس
لميا اتصدمت وتابعت بحده ليه ان شاء الله يا معفن هو انا هبلغ عنك ولا ايه
انس اتفاجئ بشده وفضل يضحك وتابع : معفن !! وتبلغي عني !! تبلغي عن ظابط مخابرات !! وبنتكلم بقالنا شهر ولسه مستوعبه اني ظابط دلوقتي انا عايزه اعرف بس انتي بتشغلي دماغك في القضيه ازاي بتيجي معاكي كده صح ؟!!
لميا بضيق خلاص يا انس بجد لاني حقيقي اضايقت انت مش شايفني صاحبتك ومش واثق فيا متطلبش تشوفني تاني
انس بابتسامه انا لو مش واثق فيكي مش هشوفك اصلا
لميا دموعها كانت متجمعه في عينيها وتابعت بضيق وصوتها متغير شويه: اومال ايه بقى
انس بتنهيده انا حقيقي بخاف تكرهيني وهتفهمي ليه بعدين مستني وقت معين اوريكي فيه وشي واقولك اسمي وكل حاجه في حياتي مع اني حبيت منك انس جدا والله
لميا منعت دموعها وتابعت تمام
انس بابتسامه ممكن بلاش عياط انا والله بهزر انما عمري ما اقدر اقول اني مش واثق فيكي يهبله
لميا بضيق انا مبعيطش اصلا
انس بضحك اه منا عارف وصوتك واضح فعلا
لميا بضيق اقفل يا انس انا مودي وحش دلوقتي
انس بابتسامه يسلام نحليه انما هقفل واسيبه وحش ازاي يعني
لميا ضحكت من بين دموعها وتابعت اقفل بجد هكلمك شويه كده
انس بضحك لا والله العظيم يارب اموت لو قفلت وانتي زعلانه
لميا شهقت وتابعت بضحك لالا بعيد الشر عنك متقولش كده
فهناء خبطت ودخلت وتابعت بتوتر لميا بقولك فلميا شاورتلها تسكت
انس بضحك ايوه خافي عليا انا ظابط وحياتي على كف عفريت
لميا بضحك ياشيخ اتنيل محسسني انك بتروح سينا
انس بتنهيده ياريت والله .. انا بروح كل حته وكل بلد وفكل حته باسم شكل وبطاقه شكل ولبس شكل واسلوب شكل .. حقيقي تعبت يا لميا
لميا بحزن شغلك صعب يا انس وطبيعي طول مانت في مهمه مش بتروح بيتك صح ؟
انس بوجع ده طبيعي وامي واحشتني والله بس هروحلها بصفتي ابنها حضره الظابط ولا بصفتي ماهر اللي شغال علي قضيه؟ واصلا لو روحتلها حقيقتي هتتفضح لان العيون عليا
لميا بستغراب شغال مع مين بإسم ماهر مع عدلي الشامي ؟
انس اتوتر وتابع لا طبعا عدلي مين اللي بشتغل معاه انا بتابع القضيه دي معاكي انتي وزميل ليا بس مستحيل اكون من رجالته انتي بتهزري ولا ايه !! وبقولك ايه يا لولو هقفل معاكي علشان في حد بيرن عليا من الشغل
لميا بابتسامه ربنا معاك ماشي روح يلا باي
انس بابتسامه باي وقفل معاها
فهناء قعدت جنبها وتابعت بتنهيده مش هتبطلي عك؟
لميا برفعه حاجب عك ايه يابت انتي واحترمي نفسك ومتنسيش اني اختك الكبيره
هناء بضيق لا مش ناسيه وانا اسفه يكبيره بس مش المفروض تخفي كلام مع الجدع ده شويه
لميا بحده واخف كلام معاه ليه هو انا عيله ده صاحبي يا هناء ومهتم بنفس القضيه اللي شغاله عليها يعني مفيش حاجه بطلي كلامك ده
هناء اممم تحبي ياكبيره نعرف كبيرنا الكلام ده ونشوف رايه ايه ؟
لميا بحده يابنتي ليه محسساني انك قفشانا بورقتين عرفي بطلي اوفر بقى مش كل حاجه لازم كريم يعرفهاا وبعدين ماهو بيصاحب في الشغل بنات قد كده ولا هو حلال ليه وحرام ليناا
هناء بحده لو عرف هتروحي في داهيه انا خايفه عليكي
لميا بضيق لا متخافيش مش هيعرف وخافي يعرف بوسام بيه اللي ابن خاله نادر مش بيا انا
هناء بحده انا قولت لعلي علشان يتصرف هو لاني خايفه من كريم وهيبااه انما انتي بتعملي ايه دلوقتي مستفيده ايه لو بتحبيه ريحيني يا لميا انما كلام من غير هدف ده يسموه ايه
لميا بحده ودموع يسموه مش عارفه ..فاهمه يعني ايه مش عارفه ؟!! انا حابه وجوده بس انا مش عيله علشان احب حد معرفش شكله واسمه واهله واميل لشهامته وشخصيته وكلامه الحلو لا الكلام ده ميأكلش عيش وسبق واتلدعت فلازم افكر كويس اوي
هناء بتنهيده حزينه انا فهماكي انك بتكلميه لحد ماتشوفي هو نيته ايه وهتحبيبه ولالا بس كلامك معاه حقيقي مينفعش كريم لو عرف مش هيديكي ثقه تاني
لميا رجعت ضهرها للحيط وغمضت عينيها وتابعت تمام ياهناء ربنا يدبرها انا لسه مش عارفه هعمل ايه
هناء بتنهيده وزين يا لميا نسيتيه؟
لميا قلبها وجعها وخدت نفسها بعمق وتابعت مفيش حد بينسى بس في حد بيتخطى .. وانا اتخطيت ومبقتش عايزاه خلاص وولا عمري هرجع اثق فيه تاني .. ده هو سبب التروما اللي انا فيها دي وقل ثقتي في الرجاله كلها
هناء بوجع فهماكي ومن موقعي ده بقولك مش كلهم زي بعض بس الاهم من كل كلامك ده ان يكون قلبك مصدقه مش مجرد منطق خارج من عقلك
لميا بوجع لا متخافيش مصدقه ومسحت دموعها وتابعت كان لازم يصدق غصب عنه كده كده
هناء بحزن ربنا يريح قلبك يقلب اختك
لميا بابتسامه اللهم امين يارب انا وانتي يعمري .. ها جيتي ليه بقى ؟
هناء رجعت اتوترت وتابعت علي مفروض هيقابل وسام بكره وانا خايفه اوي ومش عارفه هعمل ايه لو كريم رفض لما يعرف
لميا بتنهيده علي وافق؟
هناء بتوتر اه طبعاا بس عايز يقعد معاه الاول وكده
لميا طبطبت عليها وتابعت طلما علي وافق يبقى هتتجوزيه ..كريم بياخد الخِتم من علي وعلي بياخد الخِتم من كريم فكونك تاخدي موافقه حد منهم الدنيا بقيت سهله خلاص
هناء بفرح يارب يسمع من بوقك ربنا يا لميا يارب بجد
لميا ابتسمت بحب وتابعت بتحبيه اوي كده؟
هناء بحب ودموع ده انا بعشقه مش بحبه بس .. انا قبل وسام كنت عامله زي اللي بتمشي على جمر حافيه ولما دخل حياتي شدني وخدني للشط وخلى رجلي في مايه بارده كمان فشوفي التشبيه قاسي قد ايه بس هو ده اللي كنت بحسه فعلا وابتسمت بدموع وتابعت: انا مطمنه معاه ومغمضه عيني طول ماهو ماسك ايدي ومش محتاجه اشغل عقلي وهو جنبي ..هو هيتصرف ويرد عني ويتكلم وياخد بااله مني ومن هدومي وشكل طرحتي واكلي وشربي .. انا لقيت كل احلامي في وسام يا لميا
لميا حضنتها وباست راسها بعمق وتابعت بحب ودموع مبااارك مقدما يعمري
هناء بدموع وحب يارب يسمع منك ياارب
----
في بيت عصام ورفيده
رفيده كانت قاعده مع حماتها وهي بتقشر البسله وبيتكلموا
هند بتنهيده مانتي اللي خايبه اقول عليكي ايه
رفيده بذهول خايبه ايه ياخالتي مكانتش غلطه دي هو دايما عايزني بالي رايق وبضحك واهزر ووقت مايعوزني يلاقيني ماهو ده مش طبيعي بردو
هند بتنهيده تقومي تقوليله وسط الخناق انا اصلا بكرهه تلمسني !! مستنيه منه ايه كراجل يعني غير يهزقك ويطلع عين اهلك
رفيده بضيق لا هو معملش كده هو سكت خالص وسابني ودخل اوضه الاطفال ومن ساعتها لدلوقتي مختصرني وبيعاملني ببرود اوي بجد وانا اتخنقت
هند بتنيهده والله مستغربه ازاي مداكيش علقه مش عوايد عصام انه يتحكم في اعصابه في الخناق كده
رفيده قصدك ايه ان شاء الله هو انتي كنتي عايزه ابنك يضربني مثلا !!
هند بحده لا يا ام لسان طويل مقصدش كده مع انك تستاهلي الضرب والله .. بس اقصد ازاي قدر اسبوع بحاله ميبصش في وشك ولا يكلمك ولا يلمسك بذمتك دي حاجه متشككش
رفيده بصدمه انتي قصدك ايه ياخالتي ؟؟ واتعصبت وتابعت هو ابنك ده ممكن يخوني ؟!! هي دي تربيتك يعنيي ؟؟!!
هند بحده اي راجل ممكن يخون وهيجي يقولك اصل انتي مقصره وفيكي وفيكي حتى لو قايده صوابعك العشره شمع ودول مبيملاش عينيهم غير الترااب فعلى راي المثل يا مأمنه للرجال يا مأمنه للمايه في الغربال ففوقي لنفسك يا رفيده قبل ما يفوقك وهو داخل بالتانيه وابني ومالوش عزيز ولا غالي ويعملهاا
رفيده اتصدمت وتابعت وده يسمووه ايه ان شاء الله هو متجوزني يهين فياا ويبدلني قدام عيني !!
هند بضيق لا وهو متجوز اوي بلا نيله
رفيده بدموع يعني اعمل ايه يخالتي مش قادره احبه زي زماان والله ما قادره
هند بصدمه انتي لسه بتحبي ابن رانيا يا رفيده ؟؟؟
رفيده اتوترت وتابعت احب مين هتهزري ولا ايه هو فين وانا فين ده انا دلوقتي بيتعملي الف حساب علشان بقيت حرم عصام السيوفي فـ علي ايه وهبل ايه بس
هند بصتلها برفعه حاجب وتابعت وهي بتطبطب على ضهرها جامد : لا ناصحه يقلب خاالتك وهو كده كده شكله هيتجوز البت الشرشوحه دي اللي جات البيت ورفعت سكينه على عصام كان اسمها ايه
رفيده اتصدمت و الاكل اللي في ايديها وقع في الطبق وتابعت : حبيبه !!!
هند بضيق ايووه هي دي لايقه عليه والله
رفيده بصدمه وانتي عرفتي منين الكلام ده
هند بتنهيده سمعت امها بتتكلم مع ام كريم وانا معديه من جنبهم بس خير يعني في حاجه ؟؟
رفيده بحده انا مكنتش عايزه حبيبه تااخده مش علشان حاجه بس انا بكرهااا اوي بجدد ومش عايزاهاا مبسووطه لانهت حاولت كتيير توقع بينا علشان تاخده مني
هند بعصبيه انا مش عارفه فيه ايه ده عاجبكم كلكم بلا قررف
رفيده بسخريه على اساس انه مش شبه عصام مش كده؟
هند بعصبيه انتي متقارنيش الحشره ده بعصام انتي اتجننتي ولا ايه يارفيده واذا كان على الملامح فيخلق من الشبه اربعين وصدفه مش اكتر انما عمره ما يتسوي بابني ابن البشوات الدكتور عصام السيوفي
رفيده بتوتر انا مقصدش حاجه ياخالتو ومن نفسي قولتلك عصام غير اي حد كده كده
هند بعصبيه لا انتي حقيقي عايزه يتعاد تربيتك مالك انتي حبيبه تاخده ولا يولعواا بجاز هما الاتنين كفاياكي غل وركزي في حياتك شويه وشوفي جوزك اللي مش هيبص في وشك هو كمان بعد كده ده وقامت وتابعت انا همشي بلا حرقه دم
فرفيده مسكت ايديها وتابعت بدموع رايحه فين خليكي كلميلي عصام شوفيه فين بالله عليكي علشان مش بيرد عليا
هند بتنهيده راح يجيب كُتب علشان رساله الدكتوراه بتاعته وخفي من عليه شويه هاا هو مش ناقص وفيه اللي مكفيه الفتره دي
رفيده بوجع حاضر يا خالتي
فهند تنهدت بضيق ومشيت ورفيده حطت طبق الاكل جنبها وحطت راسها مابين ايديها وفضلت دموعها تنزل بصمت وتابعت بغيره : بقى بنت الكلاب دي تنتصر علياا انا وتاخده في الاخر وتتهنى في حضنه وانا يتكتب علياا حرقه الدم دي !! بس لا مبقاش انا رفيده يحبيبه لو سبتكم تتهنوا ولو هضطر اني اتذل لعصام هعملها بس يفضل يأذي علي زي ماكان بيعمل وقامت وهي كلها غل وعصبيه وراحت خدت برشام منع الحمل علشان معاده جيه وشالته ودخلت تاخد شاور ووقفت تحت الدش تهدي النار والعصبيه اللي حست بيهم وافتكرت ايام ما كان علي خطيبها ودموعها نزلت بغزاره تحت المايه وفضلت تغسل وشها وهي بتعيط وتابعت انا اللي استاهل سيبتهولها بنفسي بس مسيري هكبرر لاني عمري ماكنت هعرف اعيش مع علي بمستواه ده ولما ده يحصل هطلق من عصام وهخليه يطلقهاا زي الكلبه ونرجع تاني ده انا رفيده وعارفه غلاوتي عند علي قد ايه .. وفاات ساعه وخلصت الشاور وطلعت بالبورنص الابيض بتاعها وشعرها مبلول ورفعاه بتوكه فالقيت عصام قعد مرجع ضهره على السرير وماسك الفون فاتخضت وتابعت بسم الله مقولتليش ليه انك جيت يعصام
عصام من غير مايبصلها تابع: معلش هديكي التحيه بعد كده لما اجي علشان تشوفيني
رفيده نفخت بضيق وتابعت بطل استفزاز بجد كنت عرفني قبل ماتيجي اصلا علشان الحق اعمل الاكل
عصام وهو باصص للفون تابع بتنيهده :انا كالت برا كلي انتي لو عايزه
رفيده بسخريه واحنا هنقضيها كل يوم تاكل برا وانا بقف بيطلع عيني في الاكل دده !!
عصام بصلها وتابع بحده رفييده انا مش ناقص صدااع جاي تعبان وجايب اخرري عايزه تطبخي اطبخي لنفسك مش عايزه شالله ما عنك طفحتي
رفيده دموعها نزلت وتابعت يعني انت بجد شايف ان اسلوبك ده صح؟
عصام حاول ميضعفش قدام دموعها وتابع بحده : ااه شايف كده ومبسوط كده وكنا مختصرين وزي الفل بتكلميني ليه وعايزه ايه مش فااهم ؟؟؟
رفيده راحت قعدت قدامه وشدت توكه شعرها فنزل لحد اخر رقبتها بطوله المعتاد بشكل حلو جدا وقربت منه وهمست عايزاك انت وباسته بعمق
فعصام اتفاجئ من تصرفها بس بعد عنها وتابع بضيق : لا معلش انا مش فايق خالص
رفيده اتصدمت بشده وتابعت انت بترفضني يعصام ؟؟!!
عصام بضحك ايه ماليش نفس ولا ايه ؟!! استني استني اقولك اسباب مقنعه اصل انا مصدع .. وبطني واجعاني .. وصباع رجلي اتخبط في الباب .. واتهد حيلي طول اليوم .. ومش رايق انهارده .. ومخنوق بكره .. ونفسيتي تعبانه بعده .. مش دي اسباب كنتي بتقوليها وكانت مقنعه بنسبالك ؟؟!!
رفيده برفعه حاجب والله !! يعني انت بتردهاالي ؟!!
عصام بابتسامه تؤ تؤ انا بوريكي بس يحبيبتي انك تافهه ومتربتيش واسبابك تقرف زيك
رفيده ابتسمت بسخريه وتابعت بوجع ولازمتها ايه حبيبتي بقى ؟؟ ما تطلقني
عصام شاور على عينيه الاتنين وهو بيكمل : من العين دي قبل دي بس لما تخلفيلي وغوري في داهيه بعدها مش عايزك
رفيده اتصدمت وتابعت بحده اخلفلك !! ليه ان شاء الله هو انا الارنبه اللي انت اشتريتها بفلوسك ولا حاجه
عصام بابتسامه لا يحبيبتي متقوليش على نفسك كده انتي مش ارنبه ولا حاجه .. انتي بنسبالي رحم .. فانا اشتريت رحم بفلوسي فهمتي ؟؟
رفيده اتعصبت وتابعت بعياط وانا مش عايزه اخلف ياعصااام واللي عندك اعمله
عصام بضحك لا انا بعرف اعمل وبعمل كتيير وانتي مجرباني فأبسط حل اجيب غيرك بكره الصبح وانتي عارفه ان كتير يتمنوهاا .. بس هسيبك زي البيت الواقف كده ولا منك متجوزه ولا منك مطلقه وضرب بخفه على خدها كذا مره وتابع فاعقلي ياروحي هاا مش انا اللي اتعاند ولا اقوم اديكي علقه واقولك هتخلفي غصب عنك لانك كده كده لازم هتخلفي وبمزاجك
فرفيده بلعت ريقها برعب وتابعت بخوف: مانت اللي مش عايز تقرب مني اهو
عصام بضيق لا انا بمزاجي لما يكون ليا مزاج بقى هبقى اقولك وسابها وقام خرج من الاوضه وهو بيجاهد نفسه ميقربش منها لان شكلها كان حلو ومغري جدا بالنسبه ليه بس هو خد عهد على نفسه يخليها تحترمه وتبطل اسلوبها ده ورفيده قامت تلبس بيجامتها وهي متعصبه جدا وبتعيط
فقعد عصام في الصالون وحط راسه مابين ايديه وتابع لنفسه: اسلوبك اللي وصلنا لكده يا رفيده حقيقي تعبت منك ومن حبي ليكي .. ببينلها البرود وانا نار بتغلي جوايا من دموعها واللي قاهرني اكتر اني واثق انها مكانتش عايزاني هي بس بتمشي حياتها وخلاص وابتسم بسخريه وهز راسه بيأس
------
عند اسيا كانت واقفه في المطبخ تعبانه جدا بدات الشهر التاني بس الحمل ده مختلف وصعب جدا والدكتور كتبتلها ادويه كتير ومثبتات وكانت بتحضر الغدا فبصت في الساعه وتابعت توتي روحي صحي بابي
تولين دخلتلها وتابعت هو بابي مراحش الشغل ؟
اسيا بحب اه ياروحي مراحش تعبان شويه قوليله مامي هتحط الغدا خلاص
تولين بابتسامه حاضر وجريت على الاوضه واسيا حطت الاكل في اطباق ورصيته على السفره وحست بدوخه وقرف فراحت جريت على الحمام بسرعه واستفرغت وغسلت وشها وهي بتاخد نفسها بالعافيه فجتلها تولين وتابعت بابي مش جوه يمامي
اسيا ابتسمت بتعب وتابعت مش جوه ازاي بس ده تلاقيه في الحمام وقافل الباب خليكي انتي اقعدي على السفره يلا انا هشوفه وهجيلك
تولين بابتسامه ماشي
فراحت اسيا ودخلت الاوضه ملقيتهوش فعلا فضحكت وتابعت متعرفيش تخبطي تشوفيه في الحمام ولالا يا تولين وراحت خبطت وتابعت سليم
فمردش عليها فاستغربت وبتفتح الباب لقيته مقفول فاستغربت جدا وتابعت من امتى بيقفل وراه ده وخبطت اكتر وتابعت سلييم
فسليم رد وتابع بحده نعم يا اسيا خيير
اسيا بقلق يحبيبي قلقتني مالك في ايه ماترد وطولت كده ليه
سليم نفخ بضيق وتابع في الحمام يا اسيا هو حتى الحمام بوقت عندك ؟؟
اسيا بتنهيده محصلش حاجه يسليم يلا علشان الاكل هيبرد
فسليم اتوتر وشال الكياس بسرعه في الدرفه بتاعته اللي فيها حاجته في الحمام لانه مش هيعرف يطلع بيهم قدام اسيا ومقفلهاش كويس لانه كان مستعجل وراح فتح الباب وتابع اديني خرجت اهو حاجه تاني ؟؟
اسيا بحده انت ليه محسسني اني بتخانق معااك انا لقيتك مبتردش فقلقت عليك في ايه يا سليم هو اي تلاكيك بجد وهو ده التغيير اللي وعدتني بيه !!!
سليم بضيق ولا تلاكيك ولا زفت انا طالع اطفح اهو ومش هفتح بوقي لان انتي فعلا تعشقي النكد زي عينيكي وخرج وسابها فاسيا مسكت دموعها بالعافيه وحست انها عايزه تستفرغ تاني فدخلت الحمام بسرعه وفضلت تستفرغ وبتبص في المرايه لفت نظرها انعكاس الدرفه المفتوحه بتاعت سليم واللي باينه فيها اكياس بيضه فاستغربت اوي وراحت فتحتها ومسكتهم وتابعت اييه ده وقطعت حته من الكيس وشمت حست باشمئزاز وتابعت اييه ده اييه القرف ده وعلت صوتها نسبيا وتابعت سليم
فتابع من برا : ايوه يا اسياا
فجتلها فكره فشالتهم بسرعه مكانهم وقفلت وهي مخضوضه علشان اكيد هيجي وخرجت لقيته في وشها فتابع : خير بتنادي ليه
اسيا بتوتر كنت .. كنت هناديك تجيبلي الشاور يحبيبي علشان انت سيبته في الرف اللي فوق لما خدت شاور الصبح بس غسلت ايدي بالصابون خلاص
سليم بتنهيده طب يلا تعالي تولين عايزاكي
اسيا بلعت ريقها بتوتر وتابعت بابتسامه طب انا هنزل اجيب حاجه من الصيدليه وجايه بسرعه
سليم باستغراب حاجه ايه دي ؟؟!
اسيا بضيق يووه ياسليم ماهي حاجه وخلاص
سليم برفعه حاجب اللي بيتجاب من الصيدليه مالوش لازمه لانك حامل فخير يعني هتعوزي ايه من هناك
اسيا بتنهيده ادويتي في منها خلص ولازم اجيبه قبل الاكل وكمان هحتاج حاجات للتلاجه فهنزل بسرعه اجيب كل ده بالمره واجي
سليم بتنهيده طب متتاخريش يا اسيا هاكل انا وتولين علشان الاكل هيبرد هاا
اسيا بابتسامه حزينه: الف هنا
فابتسم سليم بمجامله وخرج وهي قفلت الباب وراحت على الدولاب بسرعه وجابت شميز بيبي بلو وبنطلون ابيض وايد ليج ولبستهم ووقفت تلبس طرحه بيضه ولفتها بسرعه الا انها كالعاده كانت لافه حلوه اوي ورقيقه ومسكت فونها اتصلت بفارس وهي حاطه ايديها على جبينها وحاسه بذهول وبالفعل رد عليها وتابع الو
اسيا بلهفه : فارس انا عايزاك في موضوع ضروري جداا
فارس بقلق مالك يا اسيا في ايه
اسيا بدموع وتوتر كويسه كويسه متقلقش بس قابلتي في العنوان اللي هديهولك دلوقتي حالا فاضي ؟؟
فارس بخوف انا لو مش فاضي افضالك انتي عبيطه ولا اييه وقام بسرعه من على السرير وتابع بلهفه هلبس وجايلك حالا ابعتيلي اللوكيشن يلا
اسيا بدموع تمام وقفلت معاه ودخلت جابت الاكياس وحطتهم بسرعه في شنطه خروج بيضه وهي بتتلفت حوالين نفسها خايفه يجي وخرجت وهي بتمسح دموعها وطلعت من الاوضه وتابعت مش هتاخر يحبيبي هاا
سليم بتنهيده تمام يا اسيا وياريت نبطل نلبس ام بناطيل قولتلك خليكي في الدريسات علشان بطنك
اسيا بتنهيده لما تكبر هلبس دريسات يسليم يلا هنزل علشان انجز لسه هجيب حاجات للتلاجه
تولين بابتسامه ممكن اجي معاكي يا مامي ؟؟
اسيا بحب لا يقلب مامي خليكي مع بابي وانا مش هتاخر والله يلا باي
تولين بحزن باي
فاسيا نزلت فتابعت تولين بتوتر هو ممكن اخد فونك شويه يا بابي؟
سليم بحده لا طبعا فون ايه اللي عودتك تمسكيه الهانم امك
تولين دموعها نزلت واتحمقت وتابعت مش مامي ده خالو كان بيديني الفون بتاعه علطول
سليم بضيق مبدلعش انا زي خالك هو انا شايف المرار غير بسبب خالك ده بلا قرف وطلع سجاره وولعها
تولين بحزن ودموع علشان خاطري يا بابي شويه بس
سليم بصلها وتابع بعصبيه تولين ادخلي زني جوه انا مش ناقص قرف قولت لا فتولين عيطت بانهيار وجريت على اوضتها وقفلت الباب
فتابع سليم بحده ابو تربيتك تربيه ناقصه لما تجيلي اللي عودتك علي الفون دي
-----
عند اسيا كانت واقفه في الشارع في المكان اللي قالت لفارس عليه ودقايق ولقيته جيه بعربيته وزمرلها فراحت بسرعه فتحت باب العربيه وركبت جنبه وهي بتاخد نفسها
اسيا بدموع فارس حقك عليا نزلتك مخضوض بس انا محدش يقدر يفديني غيرك
فارس طبطب عليها وتابع بقلق اهدي بس اهدي وفهميني مالك وانا عنيا ليكي يحبيبتي
اسيا بدموع سليم
فارس بضيق ماله زفت هبب ايه تاني؟
اسيا بدموع شاكه انه بيشرب مخدرات
فارس اتصدم بشده وتابع نعمم !! وشكيتي ازاي ان شاء الله ؟!!
اسيا بدموع تصرفاته اخر فتره مش طبيعيه وخس اوي وتحت عينيه اسود وبيتعصب بسرعه وبيبقى ماشي تايه كده وبيطول في الحمام اووي علشان اكيد بياخد القرف ده من ورايا وبيضرب تولين وبقيت تخاف منه وكل شويه اقوله غير اسلوبك مع بنتك .. بنتك هتكرهك فيسم بدني انا كمان بالكلام بس مبيمدش ايديه علياا لاجل اللي في بطني مش اكتر وانا لو عليا كنت اطلق من بدري بس مش بايدي حاجه مضطره اعيش ..لحد ما انهارده بقى دخلت بعده الحمام لقيت درفته مفتوحه شويه وفيها كياس شفافه فيها بودره بيضه كده فشمتها حسيتها وحشه اوي فخدتها وجيتلك
فارس كان بيسمعها مصدوم وتابع خدتيها وجيتي ازااي يخربيت اهلك ؟!!
اسيا بعياط متخافش عمري ما هورطك انا بس ..
فارس بعصبيه ومقاطعه تورطي مين يمتخلفه هو انا هخااف على نفسسيي !! انا خوفت عليكي انتي انك شايله القرف ده معااكي وماااشيه بيه
اسيا بعياط اعمل ايه مضطره منه لله انا بس محتاجه منك خدمه ارجوك يا فارس
فارس بحزن وانا تحت امرك اهدي ومتقلقيش انا جنبك يا اسيا قوليلي عايزه ايه وهعملهولك والله من عيوني الاتنين
اسيا بعياط عايزاك توديني لدكتور زميلك يكون شغال في معمل ونحللها ونشوفها ايه من غير ما ادخل في سين وجيم لاني لو روحت لوحدي وشكوكي طلع صح اي معمل هيبلغ عني الحكومه وانا مش ناقصه بلاوي انما لو صاحبك اكيد هيعملك خاطر
فارس بتنهيده طيب حاضر والله من عيوني اهدي بس وقرب منها مسح دموعها بايديه الاتنين وغمض عينيه وباس جبينها بعمق
اسيا اتوترت وتابعت فارس
فارس بصلها وتابع عيون فارس
اسيا بدموع متندمنيش اني لجئتلك انت بالذات
فارس تنهد بوجع وتابع انتي لجئتيلي لاجل اني دكتور واكيد عارف دكاتره مش علشان انا الوحيد اللي عايزاه يقف جنبك لا
اسيا تنهدت بعمق وبصت ناحيه الشباك وتابعت مفرقتش بس ابوس ايديك انجز يلا علشان هو فاهم اني بجيب دوا وحاجات للبيت
فارس تنهد بضيق وتابع تمام وساق بيها وبالفعل مطولوش ووقف تحت معمل وجاب ورقه وتابع وهو بيقفل ازاز عربيته لانه متفيم : هاتي يا اسيا حطي حبه هنا وانتي شيليهم واياكي تطلعيهم تحت اي سبب وهطلع وانزلك مش هتأخر
اسيا بتوتر ماشي وطلعت الكيس المفتوح فيهم فتابع فارس بتحذير : فضي وانتي منزله ايدك تحت متبينيهااش
اسيا بخوف حاضر اهو وبقيت تفضي حابه في الورقه اللي ماسكها فارس فتابع : بس بس خلاص زي الفل كده وبقى يقفل الورقه وتابع هنزل انا وهقفل العربيه عليكي ها
اسيا بتوتر ماشي بس يلا بسرعه لان 90% سليم هيجلطني انهارده علشان اكيد مش هيشيل ادويه مطحونه في كياس يعني
فارس تنهد وتابع اه ده فعلا 99% كمان بس ادينا هنشوف ونقطع الشك باليقين اهدي ونزل وقفل عربيته عليها وساب الازاز مقفول ودخل العماره اللي فيها المعمل واسيا اتوترت وبقيت تدعي بدموع وتابعت يارب .. يارب حتى لو مخدر يبقى نوع بسيط يارب وسهل يبطله ارجوك ولفت نظرها سلسله متعلقه في عربيه فارس وفيها دايره مقفوله فمسكتها بفضول فتحتها واتفاجئت لما لقيت صورتها وهي صغيره جواها فالدموع نزلت من عينيها بقهر وقفلتها ورجعت ضهرها لورا وتابعت لالا .. انا كتر ماهشوف فارس هحنله ومش انا اللي اخون جوزي حتى لو بمشاعري ولا دي تربيتي ودموعها نزلت وتابعت ايا كان النتيجه ايه هعرفها منه ومش هشوفه تاني في حياتي وحطت ايديها على بوقها فعياطها زاد وتابعت ياريتني استنيتك يا فارس والله ياريتني استنيتك وغمضت عينيها ورجعت ضهرها لورا وهي بتحاول تهدي نفسها وشويه وفارس جيه وركب جنبها فاتعدلت بلهفه وتابعت ها طمني طلع ايه ؟
فارس بتنهيده انتي بتعيطي من قبل ماتعرفي امسكي واداها ورقه التحليل وتابع وهو بيسوق : البيه جوزك بيشم هيروين
اسيا شهقت واتصدمت بشده وتابعت اييه هيرويين !! فاارس انت متاكد !!
فارس بتنهيده جبتلك نتيجه التحليل علشان تقري بنفسك اعقتد انتي كنتي تجاره انجلش فمش انا اللي هترجملك
فاسيا فتحته بسرعه وقرات بصدمه شديده وحست قلبها هيقف وتابعت ازاي !! ازاي سليم يعمل كده ينهاار اسود ومنيل يانهار اسوود
فارس بحده متقعديش معااه هستنااكي هاتي بنتك وانزلي اوصلكم لاخوكي لان ده ميتامنش اديكي قولتي بيضربها فممكن من العصبيه والوضع اللي هو فيه يعمل فيكم حاجه ده مش طبيعي
اسيا بعياط هعمل كده هطلع اجيبها وانزل لازم يدخل مصحه سليم لو معملش كده هولد واطلق واللي يحصل يحصل بس امشي انت متستناش
فارس بعصبيه امشي ايه وزفت ايه اكيد مش هسيبك لوحدك بالحاله دي هوصلك واخلصي هستنااكي يلا اعتبري نفسك طالبه اوبر
اسيا بدموع يا فاارس مش هينفع و
فارس بمقاطعه وبحده يا اسياا اخلصي واقعدي ورا انتي وبنتك وهنغور اديني مفيم العربيه متقلقيش بس انا مش هطمن وانتي مع حد تاني
وبالفعل شويه ووصلها فاسيا نزلت بسرعه فتابع متتاخريش فتابعت بدموع ماشي وطلعت بسرعه وفتحت الباب وهي متعصبه وتابعت سلييم .. انت يا بييه
سليم خرج وتابع بحده نعم ايه اسلوبك ده يا اسيا مالك في ايه
اسيا بعياط وعصبيه :انا نفسي اعرف مالي وفيااا ايه وايه اللي بيجراالي وليه شايله الهم في عز شبااابي بس هي طول ما الواحده متجوزاك هتشوف يوم هناا ولا عدل ده انت مسبتش حرقه دم ولا اعصاب الا وعيشتهاني
وتولين كانت واقفه باصه عليهم وزعلانه
سليم بعصبيه عملتلك ايه انتي عبيطه وجايه من برا تتلككي
اسيا بعصبيه ودموع بتتلكك اه وفتحت شنطتها وتابعت بانهيار وعصبيه اييه ده يسلييم هااا فسليم شافها ماسكه البودره اتصدم فتابعت بعصبيه شديده رد علياا متسكتش بتااخد رزقي ورزق بنتي تشترري بيه ايه يحيوان يا زباله
سليم بعصبيه انا حيوان يا بنت الكلب وضربها بالقلم جامد وتابع انا حيوان وزباله ده انا هوريكي الحيوان صح وفضل يضرب فيها بايديه وتابع هااتي البتااع ده هاتييه ده انتي ليلتك سوداا وهقطعهالك انك مديتيها علي حاجتي
تولين فضلت تعيط بانهيار وتابعت لالا يا بابي سيبها ارجوك ارجوك
فسليم زقها جامد وقعت اتعورت في دماغها ففضلت تصرخ بعياط فاسيا بصتلها بصدمه شديده وتابعت بعياط وعصبيه بتضررب بنتك !! بتضرب بنتك علشان الهباب ده !! وضربته في صدره جامد وتابعت بعياط وعصبيه : ياخي فوق بقي فوق لنفسك وبطل قررف ده انت حتي الصلاه بطلت تصليهاا جراالك ايه يسليم ينعل ابوهاا الفلوس لو هتغيررك وتشوهك في عيني كدده وزقته وقعته وجريت علي تولين وهي بتعيط وتابعت بس يقلب مامي بس اهدي
فتولين كانت بتترعش وهي بتعيط وخايفه منه واسيا بصت علي جرح دماغها وتابعت بعياط وانهيار بس بس حقك عليا والله
فسليم قام وهو مش قادر يسند طوله فبصتله اسيا بسخريه وتابعت الله يرحم ماكنت مبعرفش احركك شبر واحد من مكانك دلوقتي زيك زي اضعف ست
سليم اتعصب وتابع هو انتي فكرك هعديهالك على خير ده مفيش حرمه تقدر تزقني اناا وبقي يخلع حزامه وتابع بعصبيه هاتي اللي في ايدك بدل ما والله هدور فيكم الضرب
اسيا بعصبيه ودموع تضرب ميين انت اتجننت
سليم بعصبيه اه اتجننت هااتي يلاا وضربها هي وتولين جامد فصرخوا بالم شديد فتابعت اسيا بعياط وعصبيه يسلييم بطل غبااء البت ملهاش دعووه
سليم بعصبيه هبعد عنكم بس تجيبي الحااجه علشان جسمي واجعني مش قاادر وتخرسي واياكي حد يعرف
اسيا بعياط وعصبيه مستحيل وهتروح تتعالج غصب عنك فسليم اتعصب وتابع تمام يبقي انتي اللي ااختارتي وفضل يضرب فيهم ضربات متتاليه واسيا كانت بتخبي تولين في حضنها وبيعيطوا ويصرخوا جامد فهمست في ودنها بعياط روحي بسرعه عمو فاارس تحت انزلي انتي يلاا
تولين بعياط ورعب ماشي ماشي عايزه امشي يا مامي ارجوكي
فاسيا بصت لسليم وتابعت بعياط وعصبيه هديهالك خلااص كفااياك وطلعت الكيس من قبضه ايديها ورمت منه شويه علي الارض فسليم جري عليهم فبصتله بحسره وقهر وفضلت تعيط وسابت تولين وتابعت بعياط ولفهه : يلا يلا روحي انتي فتولين جريت برعب شديد فتحت الباب وقفلت ونزلت حافيه وهي بتجري وبتعيط وتابعت عموو فشافها فارس لانه كان قلق فنزل وقف قدام عربيته فجري عليها وهو مخضوض جدا وشالهاا وتابع برعب: ايه ده مااالك ينورعيني وفين ماامي
تولين بعياط هستيري ورعب : بابي .. بابي ضربنا بالحزام و .. وبيتخانق مع مامي انا خايفه اوي يا عمو وفضلت تعيط
ففارس اتصدم بشده وحضنها جامد وتابع بس بس اهدي اهدي متخافيش عمو هنا خلاص وباس خدها بلهفه كذا مره وتابع بس يعمري بس خليكي هنا بس اطلع اجيب مامي بسرعه واجيلك
تولين بعياط رجلي اتعورت ففارس بص عليها اتصدم ان في ازازه في رجليها فقعدها على العربيه وتابع برعب يارب اعمل ياارب تعالي اعملهالك بسرعه واطلعلها
--
وعند اسيا بصتله بقهر وتابعت هو ده سليم اللي انا وقفت قصاد اهلي واتحديتهم علشانه !! بقي عبيد للقرف ده وبينحي قدامه كمان علشان ياخده !! ياريتني سمعت كلامهم وعيطت بانهيار وتابعت ياريتني ماعرفتك اصلا
سليم غمض عينيه وداس علي مناخيره بألم وتابع وهو بيقوم مالكيش دعوه وهاتي الكيس جسمي واجعني
اسيا بعياط وعصبيه ما كفاياك خراا بقى انا اصلا هرميه ويخش تولع ولا جسمك يتحرق بجاز حتى وفتحت باب الشقه وبقيت تفضي الكيس في الحوش وبتفتح التاني فسليم شافها اتصدم وتابع بعصبيه انتي اتجننتي ايه اللي بتعملييه ده وبيحاول ياخده منها
فاسيا تابعت بعياط وعصبيه اوعاا مش هسيبهولك لو حصل ايه يخش تتفرط حتي
سليم بعصبيه بقولك هااتي الزفت دده الناس هتتفرج عليناا وبالفعل شيري نزلت من صوتهم واتصدمت ان اسيا عرفت فسليم بيزقها وبيشد الكيس فرجليها خانتها ووقعت علي السلم فسليم اتصدم وشيري شهقت بصدمه واسيا فضلت تصرخ بألم وهي بتقلب على السلم ففارس كان طالعلها سمعها اتخض عليها وجري بسرعه فلقاها وقعت في الطرقه بتاعت حماتها وبنطلونها الابيض بقي عباره عن احمر فاتخض عليها جداا وراح ناحيتها وتابع بدموع وخوف اسياا .. اسيا حقك عليا .. حقك عليا اتاخرت عليكي انا اسف يحبيبتي اسف ومسك ايديها بلهفه وتابع اسياا بصيليي
اسيا بصتله وتابعت بتعب ودموع ابني مات يا فارس وحطت ايديها على بطنها بالم وتابعت بابتسامه مليانه وجع : مات وريحني من الهم اللي على قلبي وغمضت عينيها