رواية لنا موعد اخر الفصل الرابع والثلاثون34 بقلم لولا
وراح ناحيتها وتابع بدموع وخوف اسياا .. اسيا حقك عليا .. حقك عليا اتاخرت عليكي انا اسف يحبيبتي اسف ومسك ايديها بلهفه وتابع اسياا بصيليي
اسيا بصتله وتابعت بتعب ودموع ابني مات يا فارس وحطت ايديها على بطنها بالم وتابعت بابتسامه مليانه وجع : مات وريحني من الهم اللي على قلبي وغمضت عينيها ففارس خاف جدا وتابع بدموع لا يا اسيا لاا ابنه يغور في داهيه زيه المهم انتي اجمدي .. اجمدي ابوس ايدك ووطي يشيلها ين ايديه فسليم نزل واتصدم بوجوده فتابع بعصبيه انت ايه اللي جاابك هناا وعايز تاخدها ورايح فين يحيوان انت ؟؟!! ده ليله ابوهاا سوداا معاياا بس لما تفوق
فارس اتعصب منه جدا وقام مسكه من قميصه وخبطه في الحيط وتابع بعصبيه شديده: وانت ماال اهللك مش كفاايه اللي انت عملتوا فيهاا واللي شافتوا من تحت راااسك ؟!! وقسماا بالله العظيم يا سليم قسم اتحااسب علييه لهندمك على كل اللي عملته في اسيا وتولين ولو حصلها حاجه روحك ماتفكيني ويخش اخد فيك اعداام مش مهم بس ضميري هيستريح وزقه وقعه على السلم فصرخ بألم فتابع فارس بعصبيه : انما دلوقتي مش وقتك اللي ليك عندهاا راح غور ومشوفكش في حياتها تاني وبصلها ودموعه نزلت برعب وشاالها بين ايديه وتابع وهو بينزل بيها : اجمدي يحبيبتي ..اجمدي يا اسيا متحسسنيش بالذنب ابوس ايدك وراح ركبها عربيته بسرعه فتولين شافتها خافت وفضلت تعيط وتابعت مامي .. مامي مالها يا عمو ايه الدم ده
فارس بخوف ودموع اهدي يحبيبتي اهدي مامي كويسه وقعت اتعورت بس .. خليها جنبك ومتخافيش هتبقي كويسه
فتولين هزت راسها بماشي وهي بتعيط وفارس خدها ومشي بيها بسرعه
---
فشيري ابتسمت وهي شايفه الدم قدام باب شقه حماتها وتابعت وراح البيبي
سليم بعصبيه انتي بتحرقي دمي ولا اييه انتي عبيطه !!!
شيري بابتسامه لا ياروحي لا عاش ولا كان اللي يحرق دمك وباسته وتابعت بغمز تعالي اروقهولك امك مش هنا انهارده وماصدقنا اسيا غارت من البيت
سليم بعصبيه مش وقتك يا شيري بججد ودموعه نزلت وتابع ابني ماات فاهمه يعني اييه ماات وانا السبب
شيري بحده ما يموت ولا يغور في ستين داهيه تطلقها بقى ماسك فيها على ايه
سليم بعصبيه لا مش هطلقها هتفضل زي العبده عندي وبردو هي الوحيده اللي هينفع تخلفلي انما مش هسيبها للكلب ده والله العظيم مايحصل واطلعي انتي دلوقتي مش وقتك ..اشوف المصيبه دي واجيلك لحسن دي عرفت كل حاجه ونزل بسرعه وراهم وشيري نفخت بعصبيه وطلعت شقتها
--------
عند فارس في المستشفى
كان شايل اسيا بين ايديه ودفعلها ورايح يحطها على الترولي وتولين جنبه وبيبص عليها كل شويه وتابع بخوف : خليكي جنبي مش عارف امسك ايدك حقك علياا
تولين بدموع وخوف : حاضر
فتابعت الممرضه حطها هنا يافندم
ففارس حطها براحه ووطى مسك ايديها باسها بعمق وتابع بخوف وهو بيبص للممرضه : ابوس ايديكي خلوا بالكم منهاا واي حاجه تعوزوها تحت امركم بس المهم هي
الممرضه بابتسامه متخافش يا فندم خير ان شاء الله وخدوها ومشيوا ففارس ساب ايديها وخد نفسه بعمق وتابع بخوف يارب .. يارب ارجوك قومها بالسلامه يارب
فتولين بصتله وتابعت بدموع هي مامي هتصحى دلوقتي صح يا عمو؟
ففارس شالها وتابع بدموع ااه طبعا هتصحى يقلب عمو هي بس تعبانه شويه انما هتقوم تاني وهتبقى زي الفل فكرك هي تقدر متبقاش مع تولين ؟
تولين بعياط لا وانا عايزاها علشان انا خايفه ومش بحب بابي بجد بحبها هي وانت
ففارس اتأثر اوي وابتسم بوجع وتابع اهدي ينورعيني اهدي ومسح دموعها وباس جبينها وتابع بابتسامه بتحبيني اكتر من سليم؟
تولين هزت راسها بـ اه وتابعت بعياط اه ومن زمان بحب خالو علي كمان اكتر منه انما هو دلوقتي بقى وحش وبيضرب تولين بص ووريته دراعها وشاور على جرح جبينها فقلبه وجعه واتعصب جدا وحضنها جامد وتابع بوجع : انا اسف .. اسف ليكي والله حقك عليا انا يابنتي كانت اتشلت ايده قبل ما تترفع عليكي
تولين بعياط كمان مامي حضنتي فضربها كتير بدالي
فارس قلبه وجعه وكور ايديه بعصبيه وتابع صدقيني حقكم هجبهولكم ومش هخليكم تقعدوا معاه تاني خلاص
تولين بصتله وتابعت بفرح ودموع بجد يا عمو ؟
فارس ابتسم بوجع لفرحتها وتابع بجد يا قلب عمو .. وتنهد وتابع ياريتني اقدر اعيش معاكي انتي وماامي العمر كله وانا والله احطكم جوه عيني
تولين بدموع طب ليه مش تعيش معانا ياعمو ؟
فارس تنهد بوجع وتابع مينفعش هو يأنا يا بابي مينفعش الاتنين خالص واسيا مش هترضي تبعد عن بااباكي كده كده
تولين بدموع انا هقولها نسيب بابي علشان هو وحش ومش بحبه وبخاف منه اوي
فارس قلبه وجعه جدا وحضنها جامد وتابع حقك على عيني والله انا بقيت معاكي خلاص وتنهد بوجع وتابع وربنا يهدي امك والله يا تولين
ولقيوا سليم جاي وتابع بحده : فكرك هعديهالك انك تشيل مراتي وتجيبهاا لحد هنااا !! ده انت ليله اللي جابك سوداا بس مش وقته اطمن على اسيا الاول وهوريك وزق كتفه
ففارس بص على ايديه اللي زقته ورجع بصله وتابع بابتسامه قسما بالله لولا البت على دراعي لكنت عملت وشك شوارع وقدامها
سليم بعصبيه بت ايه يحيوان اللي شايلهاا دي بنتي .. انت مين سمحلك تشيلهاا هي كمان ؟؟!! هاتهاا كده وبيشدها
فتولين عيطت جامد ومسكت في فارس وتابعت لالالا ياعمو ارجوك خليني معاك
ففارس زقه وتابع بعصبيه انت بتشدهاا مني !! انت مخك تعبان ولا اييه مش كفايه اللي عملته فيها وفي امهاا ده انت ايه بجاحتك دي يااخي
سليم بعصبيه وانت مالك بيها وبامهاا دي بنتي ودي مرااتي انت ايه اللي يدخل اهلك في الموضوع
فارس بعصبيه مش هتفضل مرااتك زي ما بنتك رفضتك اسيا هتفوق وهتطلب الطلاق ولو معملتش كده هطلع عين اهلها واعرف علي
سليم بعصبيه طلاق ايه يحيوان يا زبااله انت ده خياال في اوهاامك قسما بالله ماهيحصل ولا هسيبهالك لاخر يوم في عمري هو انت فااكرني مختوم على قفاياا ولا ايه ؟؟! منا فاهم الفيلم الهندي ده كله بيتعمل ليه
ففارس نزل تولين وتابع بابتسامه خليكي ثواني وجايلك يعمري متتحركيش
فتولين هزت راسها بماشي بخوف ففارس بصله وتابع خلاص مبتتختمش على قفاك راجل لراجل ونشوف مين هيمشي كلامه مع اني اشك انك راجل بعد كل اللي عملته ده بس معلش علشان مش انا اللي يتقالي حيوان وزباله وضربه بالبوكس بقوه وقعه على الارض فصرخ بوجع فتولين اتخضت ففارس راح مسكه من قميصه وتابع بعصبيه عامل فيهاا راجل يا روح امك وبتستقوى على ست وعيله صغييره هو انت فااكرها ايه ملهااش حد وضربه بالراس بقوه اكبر فصرخ سليم بوجع شديد ومناخيره نزلت دم فتابع فارس بعصبيه شديده: ده قسما بالله علي وكريم لو يعرفوا ليجوا يصفوا دمك دلوقتيي بس وماله انا موجود وسداد والواحد لما يشوف اشكال زبااله زي دي لازم ينسى انه دكتور محترم علشان يعرف يتعامل معاهم مع اني قللت من نفسي لما اتعاملت معاك اصلا يا شماام
فسليم اتصدم وبصله وتابع بعصبيه هي قيلااالك !! ده مش هيبقى اللي في بطنهاا بس ده حتى هي هطلع روحهاا قسما بالله بنت الكلب الزباله دي
فارس ضربه بالبوكس كذا ضربه متتاليه ومسك قميصه وهو مش قادر يقف وتابع بعصبيه شديده: انت بتشتمها وتستحلفلها قداامي !! ده انت قلبك ميت بقى !! ورفع رجليه ضربه في بطنه بقوه فسليم صرخ بألم ووقع على الارض فتابع فارس بعصبيه: ده قسما بالله تفكر تأذيها تااني بس وانا ادفنك حي وميتهزلي رمش اتفو عليك وعلى اللي جايبينك تربيه نااقصه وخساره فيك النعم اللي كنت فيهاا
سليم وهو بيتنسد يقوم تابع بعصبيه ووجع: وهفضل فيها ومش هطلقهاا واسيا مراتي وهتفضل مراتي وخليك عايش بقهرك كده وراح وقف قدامه وهو موجوع من كل جسمه ومناخيره وشفايفه جايبين دم وبصله بتحدي وتابع: وحياتها عندي هيفضل جوازك منها حلم حلمته في العصر ومستحيل وعمرك ماهتطوله
فارس بصله بغل وتابع : الشاطر اللي يضحك في الاخر ياسليم
سليم فضل يضحك وبصله وتابع انا ضحكت من بدري ياغالي هو انت ايه مش شواف ؟!! ده انا بنتي واقفه جنبك وغمز وتابع وحامل في التاني اهو يعني خدناها وخلصنا
ففارس اتعصب بشده وقلبه وجعه اوي وكتم عصبيته بالعافيه
فتابع سليم بابتسامه: بذمتك يرضيك تتجوز واحده كانت في حضني امبارح ؟
فارس مسك رقبته بغل فسليم اتخنق بشده ووشه احمر وفضل يحاول يبعده بس فارس ماسكه بقوه وتابع بعصبيه : انت رخيص ياالاا وزبااله وكل يوم بتوريني اكتر من الاول انك حيوان ومتستهلهاش وبتتكلم عنها كأنها واحده زبااله مش انها مراتك حلالك وده طبيعي فهقول عليك ايه اما انت بيئتك وسخه ودي تربيتك !!! بس عادي ياسليم انا لو هتضايق فهتضايق كونها اتجوزت انما كل الهري اللي بتهريه ده حلال وحقهاا وحقك مؤقتااا وزي مانهارده حلالك بكره حلالي انا وغمز وتابع وهبعتلك من سبوع اول بيبي علشان تعرف غلاوتك عندي بس وزقه بقوه خبطه في الحيط فسليم فضل ياخد نفسه بقوه لانه اتخنق ووشه احمر اوي وتابع بعصبيه وهو بياخد نفسه: صبرك علياا بس مش دلوقتيي اطمن على مراتي الاول
فارس بسخريه اصلك عارف تسند طولك ولا مراتك فرقالك اوي بصراحه
سليم بعصبيه ميخصكش ومتدخلش في علاقتنا وبص لتولين وتابع يلا تعالي معايا وجايين تاني
فارس بابتسامه فكرك هتروح معاك؟
سليم بعصبيه ومتروحش معايا لييه اومال هتقعد معاك انت !! انت عبيط ولا اييه دي بنتي .. يعني حته مني اناا
فارس تنهد بوجع وتابع لا منا عارف انها بنتك وبنتك دي والله العظيم نصيبها الاسود الوحيد انك ابوها ربنا يعينها على ابتلائها ده اللي هيلازمها العمر كله بسبب اسمك اللي هي شايلاه وهي لسه طفله متعرفش كم المعاناه اللي هتشوفها
سليم بعصبيه وانت ماال اهلك بحياتنا اصلاا ده انت بجح اوي يجدع يلا ياتولين وبيمدلها ايديه
فتولين استخبت ورا فارس ومسكت في رجله
ففارس ابتسم بسخريه وتابع اظن اجابتها واضحه
فسليم اتصدم وتابع بحده تولين !! يلا بابي مااشي وهيجي تاني تعالي معاايا متقعديش مع حدد
تولين بدموع وخوف : لا انا مش عايزاك انا عايزه عمو
فارس بحده امشي وخلي عند اهلك دم لان انا مش هسيبهاالك
سليم بعصبيه انت اهبل يجددع انت انا ابوهاا يعني لو ناديتلك اي حكومه من المستشفي هوديك في ستين داهيه
فارس بعصبيه وانا مش هأمن عليها معااك يا ابوها ومتخلينااش نفتح كلااام بقى لان الحكومه اللي انت عايز تجيبهالي دي لو جيبتها صح هتاخدك انت واهو رزق وجايلهم من عند ربنا اولا شمام وبودراجي ولو حللوا هيتاكدوا من كلامي .. ثانيا بنتك نفسها مش عايزاك وهتقول انك ضربتها هي وامها واتسببت في موت ابنك يعني جرمتين مش جريمه واحده فلما نقول كلام نبقى قده ياسليم بيه
فسليم اتوتر من كلامه وبص لتولين بحده وتابع ماشي يا تولين حسابنا بعدين
ورايح يمشي فوقفه فارس وتابع : لتاني مره هنزل مستوايا كدكتور محترم وهكلمك باللغه اللي انت تفهمها كشمام ..ايدك لو فكرت تتمد عليها هي او امها تاني هتوحشك
فسليم مرضيش يرد عليه ومشي وهو متعصب ففارس قعد وشال تولين نيمها في حضنه وتنهد بعمق فعيطت وهي بتترعش فحضنها جامد وهمس بحنان: بس بس هشش اهدي ياروحي مفيش حاجه خلاص انا جنبك
تولين بصتله وتابعت بعياط متسبنيش ياعمو ارجوك
فارس ابتسم بوجع وتابع مش هسيبك يقلب عمو وفضل يبوس خدها براحه كذا بوسه متتاليه وتابع بابتسامه ده انتي نسخه من اسيا فكل حاجه حتى حلاوتها اسيب القمر ابو عيون زرق ده ازاي بس
فتولين ضحكت من بين دموعها وشاورت على عينيه وتابع عينيك انت احلى
فارس بضحك ياروحيي انتي لا ده مفيش اجمل من عيونك والله هي الرمادي دي تيجي جنب جماال عيونك ايه
تولين بابتسامه شكلها حلو والله ياعمو عجباني خالص
ففارس ضحك اوي وابتسم بوجع وتابع : انتي عارفه ان حتى مامي قالتلي كده واحنا صغيرين؟
تولين بضحك بجد !! انتوا كنتوا صحاب ياعمو ؟!!
فارس ابتسم بوجع وتابع واكتر والله يا تولين وتنهد بعمق وسكت
تولين بحزن متزعلش اديكم بقيتوا صحاب تاني
فارس بحب مانا مش زعلان ينورعيني ويارب يقدرني واقدر اكون معاكم وجنبكم العمر كله قولي يارب
تولين بحماس يارب يارب انا بحبك اوي ياعمو بجد
فارس اتأثر اوي وتابع ينورعين عمو من جوه انتي وحضنها جامد وتنهد بارتياح وتابع لنفسه: قال الحيوان سليم فاكرني هزعل اوتوجع لما اشوفك قاال ده انتي الحسنه الوحيده من جوازه اسيا دي
فتابعت تولين بنعس : عمو انا عايزه انام هي مامي اتاخرت كده ليه ؟
فارس بحنان: نامي يعيون عمو ولما الدكتور يطلع هصحيكي وفضل يطبطب عليها وهي غمضت عينيها بارتياح وهي نايمه علي رجله وسانده راسها على صدره ففارس بصلها وابتسم وباس جبينها بعمق على جرح دماغها وتابع بحب : طب ازاي حاسس انك بنتي رغم ان عمري ماحسيت بمشاعر الاب ولا المسئوليه .. بس حقيقي حاسسها معاكي اوي وبص على ايديها المضروبه وتابع بضيق: ضربه في ايديه الحيوان يستاهل العلقه اللي خدها والله ربنا ينتقم منه يا رب انسان جاحد معندوش رحمه ولا احساس ووطى باس دراعها بحب وبص عليها لقاها نامت بعمق وارتياح في حضنه فباس خدها وابتسم
ولقى الدكتوره خرجت فقام وهو شاايلها وتابع بقلق ها يا منة طمنيني ؟
منة زميلته تنهدت وتابعت : بصراحه حالتها كانت صعبه اوي يا فارس وحياتها كانت في خطر لان الواقعه كانت صعبه عليها ونزفت نزيف شديد فكويس جبتها في الوقت المناسب الحمدلله لحقناها ووقفنا النزيف باعجوبه بس للاسف البيبي مات
فارس ابتسم غصب عنه وتابع : يعني اسيا سقطت ؟
منة استغربت وتابعت اه
فارس ابتسم بفرح وتابع مش مهم سيبك من البيبي المهم هي .. هي اخبارها ايه دلوقتي طمنيني عليها
منة بضحك يخربيت عقلك يا فارس انت فرحان في البت ؟!! وهي كويسه دلوقتي يسيدي ونقلناها اوضه عاديه وهتفوق دلوقتي تعالى اوصلك ومشيت
ففارس مشي معاها وتابع بضحك يمتخلفه هي متجوزه واحد حيوان واللي كان مخليها ماسكه فيه ابنها فكده تقدر تطلق ده قصدي
منة بضحك ااه قولتلي منا استغربت فرحتك بجد وابتسمت وتابعت ربنا يخلصها على خير
فارس بضحك اللهم امين يارب
منة بضحك وخبث ويجوزها تاني على خير بردو
فارس فضل يضحك بشده وتابع اللهم امين يارب بردو مش هقولك لا وضربها بخفه على دماغها وتابع بضحك وبطلي تلاميح هاا
منة بضحك هو انا قولت حاجه مانا ساكته اهو
فارس بضحك اه انتي هتقوليلي
منة ضحكت وتابعت وصلنا الاوضه يا روميو قصدي يا دكتور
فارس بضحك هربيكي بس مش دلوقتي مش فاضيلك وهتعبك يا منة امسكي الفلوس دي وشال تولين بدراع واحد وطلع فلوس وتابع وخلي اي حد يجيب اكل لاسيا وتولين ولو كتبتيلها على اي ادويه وحاجات حلوه بردو للبت
منة خدتهم منه وتابعت بحب من عيوني بس دول كتير اوي
فارس بابتسامه تسلملي عيونك يارب واللي يفيض خلي اللي هيشتري ياخدهم ليه
منة بابتسامه تمام ومشيت وفارس فتح الباب ودخل شافها نايمه بلبس المستشفى ومتغطيه بملايه بيضه لحد نص بطنها ومتعلقلها محلول وباين على وشها التعب والاجهاد فقلبه وجعه عليها وراح نيم تولين على الكنبه وراح باس جبينها بعمق وهو مغمض عينيه بوجع وقعد على الكرسي اللي جنبها ومسك ايديها حطها بين ايديه الاتنين وباسها ودقايق وتاوهت هي بوجع بسيط فطبطب على ايديها وتابع بوجع ولهفه اسيا .. حبيبتي ردي عليا
اسيا بتعب فارس
فارس بلهفه ايه يحبيبتي انا معاكي اهو متقلقيش
اسيا بتعب تولين .. فين تولين
فارس بحنان: معايا يعمري والله ماتخافي عليها المهم انتي طمنيني عليكي
اسيا فتحت عينيها ببطئ وبصتله وبصت حواليها وتابعت بتوهه: انا فين ؟
فارس بحنان اهدي مفيش حاجه خلاص انتي في المستشفى بس قومتي وبقيتي زي الفل
اسيا دموعها نزلت بصمت وتابعت بوجع ابني مات مش كده ؟!
فارس تنهد بعمق وتابع وانتي كنتي عايزه حاجه غير دي يا اسيا؟
اسيا بدموع وتعب: انا مش ام جاحده علشان اتمنى موت حته مني بس ده الاحسن اكيد .. سليم مينفعش يخلف تاني وعيطت وتابعت شوفت عمل فيا وفي بنته ايه الحيوان
فارس بوجع شوفت ومسكته عدمته العافيه قدام بنتك وحقك على راسي انا والله علشان كده لازم تطلبي الطلاق يا اسيا ده واحد مش طبيعي والقرف اللي بياخده مخليه مش في واعيه خالص
اسيا تنهدت بوجع وتابعت لازم هعمل كده بس تولين يا فارس وعيطت وتابعت تولين نفسيتها هتدمر ... واعدلني اقعد معلش مش قادره
فارس قام بلهفه يعدلها في قاعدتها بحنان فتاوهت اسيا بوجع فتابع بلهفه : على مهلك يحبيبتي واحده واحده وعدلها وقعد قدامها وتابع بتنهيده : لو هتكبريني وتاخدي رايي يا اسيا فبنتك نفسيتها بتتعب طول مانتي متمسكه بـ البني ادم ده .. كفاياكي سذاجه بقى ده تولين كانت بتتنفض منه انهاارده وقالتلي مش عايزه اعيش معاه
اسيا رايحه تتكلم فسليم دخل فشافته اتعصبت وتابعت اطلع برا وجرحها المها من العصبيه فتاوهت بوجع وحطت ايديها على بطنها
فتابع سليم بحزن اسيا ممكن تسمعيني يحبيبتي
اسيا بعياط وعصبيه بقولك اطلع براا مش هسمع منك حاجه خدت من وراك ايه غير الاذي والقرف وادي ابني ماات وبسببك وداست على بطنها بألم وغمضت عينيها بوجع
سليم بدموع وانتي فكرك مش زعلان عليه ؟؟ فكرك الموضوع عدى بنسبالي عادي كده ؟ اسيا انا عيشت عمري كله بحلم باللي كان في بطنك ده
اسيا بعياط : واديه راح واتعصبت اكتر وتابعت بعياط : ومتفضلكش حاجه جوايا خلاص فاغور من وشي احسنلك يا سليم
سليم راح قعد جنبها ومسك ايديها باسها وتابع بدموع يعيون سليم مش هقدر استغنى عنك والله العظيم ولا انتي ولا تولين هو انا ليا غيركم يا اسيا
فارس بصله بذهول فاسيا دموعها نزلت وتابعت بقهر: انا وتولين بقينا اخر حاجه تفكر فيها ربنا يخليلك القرف اللي انت عايش فيه انما احنا مينفعش نفضل معاك خلاص
سليم بدموع والله اموت لو سبتيني يعني انا ضعفت يا اسيا واتجهت لطريق غلط بدل ماتقفي جنبي تسبيني اغرق كده ؟؟ ودموعه زادت وتابع انتي اكيد عرفتي انه هيروين وده معروف سم قاتل قد ايه وانا ممكن اموت في اي لحظه عادي بس انا مش قادر ابطل
فاسيا عيطت وتابعت لالا قطع لسانك متقولش كده ربنا يخليك لبنتك بس انا مش قادره اتقبل اللي حصل يسليم والله ماهقدر
فارس اتصدم بشده من رده فعلها وتأثيره عليها وتابع بعصبيه انتي اتجننتي ازاي يصعب عليكي !! يا اسيا فوقي ده بيسرح بيكي
سليم تنهد بوجع وتابع بسرح بيها !! ده هي اللي استخفت بيا ويظهر مبقيتش تعتبرني جوزها وراجلها علشان كده سيباك واقف قدامي عادي من غير ماتخاف ودموعه نزلت وتابع هو انا قليل اوي في نظرك كده
اسيا بدموع لالا انت فهمت ايه انا طلبت مساعدته علشان هو دكتور وانت يسليم لازم تتعالج انا كده كده مش هسامحك انت مش دوست على رجلي بالغلط انت ضربتني انا وبنتي وموت ابني وخذلتني وصدمتني فيك فمش هعرف ارجع احس معاك بامان خلاص وهروح بكره لاهلي علشان انا تعبانه ولو سمحت انهيها كويسه وطلقني
سليم بدموع معترف غلطان بس ابوس ايديكي متسبنيش يا اسيا ارجوكي مش هقدر اعيش من غيرك وابتسم بوجع وتابع بدموع هيهون عليكي سليم حبيبك ابو بنتك !! ومسك ايديها بلهفه وتابع طب افتكري ايام ماكنت بدافع عنك قدام امي واخدك في حضني وافتكري تحضيرات كل عيد ورمضان في بيتنا ودموعه زادت وتابع متحرمنيش من كل ده معاكي انتي وبنتي يا اسيا انا ماليش غيركم اه غلطت معترف وقابل باللي انتي تؤمري بيه بس تسبيني لا صعب ومش صعب بس ده مستحيل
اسيا قلبها وجعها عليه وتابعت بعياط عملت في نفسك كده ليه يسليم ..تولين ذنبها اييه فكل ده ان ابوها يبقى وحش كده بعد ماكانت واخداك قدوه ومثال حي تقتضي بيه
سليم بدموع غلطان وابن ستين كلب بس الحل مش في الطلاق والله انتي كده هتتعبيني اكتر
اسيا بقهر انا مش هرجع الا لو روحت مصحه واتعالجت يا سليم غير كده انساني وللابد
فارس بصلها بصدمه وتابع بعصبيه نعم ياروح امك !! ترجعي !!
اسيا بعصبيه ودموع لا انفذ اللي في دماغك واعيش بنتي مع جوز ام وتتحرم من ابوها وهو يزيد في القرف ده ويموت مش كده ؟؟؟ ومن فضلك يا فارس انسي كل اللي حصل ومتعرفش علي اي حاجه
فارس بعصبيه واناا ماالي انتي هتعمليلي حوارت ليه لا خليه يعيش يحبيبتي ايه اللي يموته ولا هي ايه اللي يخليها تعيش مع جوز ام ؟!! ده انا غلطان وابن ستين كلب اصلا ومش هتدخل تاني يخش تولعوا في بعض ومتدخلنيش في مشاكلك تااني يا اسيا طلما هتصغريني كدده
فسليم بصله بخبث وهو بيمسح دموعه وابتسم بانتصار ففارس اضايق واتعصب جدا وخرج ورزع الباب وراه
فابتسم سليم بوجع وتابع يعني ده اخر كلام عندك يا اسيا؟
اسيا كانت مشتته جدا متعرفش هي صح ولا غلط قلبها مع فارس بس عقلها مع سليم وبيصعب عليها العشره وكمان بنتها فمكانتش عارفه تفكر فابتسمت بوجع وتابعت ومعنديش غيره اتفضل بقى لاني حقيقي تعبانه بس هاتلي هدوم غير اللي كنت لبساها علشان اتبهدلت وامشي وانا هروح لاهلي
سليم بتمثيل حزن تمام يا اسيا بس المهم منطلقش وخرج وسابها
وهي عيطت بقهر وانهيار وتابعت طب اعمل ايه يا فارس والله مش بايدي حاجه ياريتني معاك انت ومراتك انت بس هسيب سليم يموت بالبطئ ؟؟ طب وتولين ابوها يبقى بودراجي ولا ميت ؟؟ انا عارفه اني كده صح بس ارجوك يارب اقف جنبي وقويني
وبالفعل شويه وسليم جبلها هدوم جديده ومشي ومنة جبتلها الحاجات اللي فارس كان دافع تمنها فتابعت باستغراب ده مين جاب دول ؟
منة بابتسامه دكتور فارس كان موصيني اجيبهم ليكي وللبنت
فاسيا ابتسمت بقهر وتابعت تمام شكرا تعبتك بس انا كده هخرج امتى
منة بابتسامه تعبك راحه وبكره باذن الله نطمن عليكي وتمشي
فاسيا هزت راسها بتمام بوجع
------
في بيت نادر دخل لاخته لقاها كعادتها قاعده حاطه حواليها مناديل قد كده وبتعيط ووشها مرهق اوي
فتابع بحده هو انتي هتفوقي لنفسك امتى علشان افهم بجد
فرحه بحزن قولها يا ابني بتحايل عليها من صباحيه ربنا تاكل لقمه حتى مش راضيه
يارا بحده ودموع تسحموا تطلعواا برا علشان انا جايبه اخري ومش طايقه حد فيكم والله العظيم
نادر بحده قولتلك هربيهالك خلاص خلصنا بقى ليه محسساني اني بالي مرتاح وانتي لوحدك اللي تعبانه وبعدين ما كله من عمايلك ده كان زمانها شايله ابني بس تسكتي وتبطلي قرف ازاي
يارا بعصبيه ودموع وانا مكنتش طيقاهاا مراات اخويا علشان تبقى مرات وساام ..وسام ده حبيب عمري وبنت الكلاب دي وقفت حطت عينيها في عيني وقالتلي خدته يعني ايه هي تاخده وانا اللي بتمناه عمري كله لا ياناادر يعني ايه بجد ده انا همووت من الغل والعصبيه اللي جواايا ده انا بنسبالي اقتلهاا اهونلي من اني اشوفعا عروستهه
فرحه بعصبيه سيبك منه يابت يخش يولعوا في بعض وبكره يجيلك سيد سيده انا اصلا مبقتش عايزاه ليكي خلاص ده انتي بقالك شهر ونص لا بتاكلي ولا بتشربي بسببه وهو ولا هامه ورايح يدور ورا الحيوانه دي
يارا بعصبيه ودموع اسيبني من مين ده حبيبي انا وابن خالتي اناا وهناء ولا غيرها محدش يقدر ياخده مني سبق وطلعتها من حياه اخويا وهطلعها دلوقتي من حيااه وسام بس الصبر وبصت لنادر وتابعت بعصبيه ولو انت متصرفتش انا هتصرف واتعصبت اكتر وتابعت علشان تعبت من النكد الي عايشه فييه ده
نادر بابتسامه خبيثه : هتصرف .. وغلاوتك عندي هتصرف
يارا بعياط وغل: هناء متتجوزش وسام يا ناادر
نادر بابتسامه هناء دي بتاعتي انا متقلقيش من الحته دي
فرحه بقلق انت ناوي على ايه يا واد ؟
نادر بابتسامه على كل خير انتوا بس رجعوا ضهركم لورا واتفرجوا على اللي هيحصل وبص ليارا وتابع بابتسامه تاكلي وتغسلي وشك وتردي صحتك كده علشان مش هتطولي وهتشمتي فيها فمش عايزين يبان عليكي التعب ياهبله هاا
يارا ابتسمت وتابعت اتفقنا .. اما نشوف
------------
وعند علي في مكتبه في شركه كريم كان شغال وبيقرا اوراق فالباب خبط فتابع ادخل
ففتحت الباب تمارا المحاميه المتدربه تحت ايديه وتابعت بابتسامه : ده انا يامتر ادخل ولا هتمشي خلاص ؟
علي بابتسامه تعالي يا تمارا لسه قاعد شويه
فابتسمت ودخلت وقفلت الباب وراحت قعدت قدامه وتابعت بابتسامه انا خلصت الاوراق اللي حضرتك طلبتها مني كنت مفروض اديهالك بكره بس لما لقيت نفسي خلصتها انهارده جبتهالك
علي باعجاب طب ده حلو جدا برافو وريني
فتمارا ابتسمت واديته الفايل
فعلي مسكه وفضل يقلب فيه ورقه ورا التانيه وتابع باعجاب وهو بيقراه : برافو يا تمارا بس علشان اكون دقيق هاخده معاايا البيت وهقراه كويس وهكلمك
تمارا بفرح طب الحمدلله يافندم وياريت معلش لو الدنيا زي الفل استأذن بكره من التدريب علشان والدتي هتعمل عمليه وانا اهو عملت اللي مفروض يتعمل بكره من انهارده
علي بابتسامه الف سلامه على والدتك ومن ناحيتي تمام شغلك زي الفل قولي لمديرك العام وخدي الاجازه
تمارا بابتسامه تمام ماشي وبصت لايديه وتابعت بفضول: هو انا ممكن اسالك سؤال ؟
علي وهو بيقفل الفايل ويركنه تابع بابتسامه : اكيد طبعا اتفضلي
تمارا باعجاب غريبه انك مش خاطب ولا متجوز لحد دلوقتي يعني
علي اتضايق من النظره اللي شافها في عينيها وتابع بابتسامه مجامله: وانتي مين قالك مش خاطب ولا متجوز ؟
تمارا بضحك مش محتاجه ذكاء مني بصراحه علشان ايديك الاتنين فاضيين
علي شبك ايديه على المكتب وتابع وهو بيوطي راسه ويهزها بلايجاب بابتسامه: اممم قولتيلي انا يمكن ايديا الاتنين فاضيين اه ..انما قلبي مليان واعتقد دي مبتبقاش ظاهره ولا ايه وابتسم
تمارا بحرج اه طبعا ممكن بس مجاش في بالي ان واحد زي حضرتك مياخدش خطوه لغايه دلوقتي يعني ويرتبط وكده
علي بتنهيده بعيدا عن تدخلك الزياده في حياتي الشخصيه بس برافو ليكي نظره كمحاميه وانا مبعرفش فعلا ارتبط والجو ده ولما بحب بنت باخد خطوه رسميه وقاري فاتحه الحمدلله واهلها عارفين
تمارا حست بضيق بس مثلت الانبساط وتابعت ده بجد !! طب ماتوريني اختيارك اكيد قمر طبعا بس حابه اشوفها بصراحه
علي ابتسم بمجامله وتابع : هعزمك في الخطوبه وتبقي تشوفيها حاضر من عينيا الاتنين
تمارا بضيق اممم تمام عن اذنك بقى علشان انا اتاخرت
علي ابتسم بضيق وتابع اذنك معاكي
فقامت تمارا وطلعت وعلي نفخ بضيق شديد ورجع شعره لورا بايديه وبص لصوره حبيبه اللي على مكتبه ووشها ليه هو وتابع : طب وبعدين طيب هتفضلي تحاربيني انتي والدنيا لحد امتى يحبيبه ؟!! واحشتيني وواحشني فيكي كل حاجه .. 30 نهار وليل وانتي مش بتكلميني كلمه يحبيبه !! وابتسم بوجع وتابع هان عليكي علي اوي كده ؟! ده انا كان عندي استعداد احارب الدنيا كلها علشانك وعملت كده بالفعل بس ايه احساسي لما انتي بنفسك تقفي تطعنيني بتصرفاتك ورفضك ليا وتقولي مش عايزاك ؟؟
وتنهد بوجع وتابع قال هعزمها على الخطوبه قال مش لما اتنيل اعرف انا الاول هتبقى امتى وابتسم بسخريه ومسك فونه يسكرول على فيسبوك شويه وشاف بوست لحبيبه استغربه جدا بيقول (( في راجل بيعلمك انك ممكن تستحملي حاجات مكنتيش متخيلة انك هتستحمليها .. و في راجل بيعلمك انك تستحقي حاجات مكنتيش متخيلة انك هتاخديها والفرق بينهم كبير ))
فابتسم بوجع وتابع اممم وطبعا انا الراجل الاولاني الوحش اللي خلاكي تستحملي كتير اوي وهاني وغيره وغيره هو اللي حسسك انك تستحقي حاجات مكنتيش متخيلاها كأني محاولتش علشانك وهز راسه بلايجاب بوجع وتابع ماشي يحبيبه تمام ولقى نفسه تلقائيا داس على انه يرجع يكتب خواطر كعادته لان دي هوايته الاساسيه وبيفرغ بيها طاقته ومشاعره اللي مش بيعرف يعبر عنها وكتب (( ظللت اقاوم جيشاا لا يريدنا معا ... حتى رأيتك في صفوفه تحاربيني بعدم الإقتراب مثلهم .. فانهزم قلبي وتركت يداي السيف واعلنت انتهاء الحرب والرحيل.. وترك المعركه بأكملها دون التفكير في العوده )) وختم باسمه على الناحيه الشمال كالعاده زي كل كتبااته ونشر البوست وقفل الفون ورماه على جنب وولع سجاره ونفخ دخانها بعصبيه شديده
---------------
في مكتب كريم كان قاعد بيخلص شغل والباب خبط
فتابع ادخل
ففتحت ندى وتابعت بابتسامه جبتلك القهوه علشان حسيتك مصدع شويه
ودخلت تحطها فكريم بص للساعه بذهول وبصلها وتابع انتي بتهزري يا ندى كل ده مروحتيش !!
ندى بابتسامه بصراحه استنيت الدنيا تهدى شويه علشان عايزاك
فكريم ابتسم وتابع طب اقعدي
فقعدت ندى قدامه وحطت ايديها على ايديه وتابعت بابتسامه مالك يحبيبي بقى .. فيك ايه .. بقالك شهر على نفس الوضع والسرحان والسكوت مش انت كريم اللي اعرفه
كريم تنهد وتابع انا زي الفل يا ندى ده ضغط شغل اديكي شوفتي طول الشهر ده كنت مشغول قد ايه
ندى بتنهيده ايوه بس مش لدرجه انك ساكت طول الوقت كده طب انا ضايقتك في حاجه طيب؟
كريم بابتسامه ابدا والله ومتشغليش بالك صدقيني مفيش حاجه من ناحيتك نهائي انتي مش مقصره انا اللي مضغوط مابين مشاكل البيت والشغل بس
ندى بابتسامه ربنا يشيل عنك ياروحي
كريم بابتسامه تسلميلي يارب وبص للساعه وتابع ويلا طيران على البيت اتاخرتي اوي كده
ندى بابتسامه تمام حاضر يلا باي
كريم بابتسامه باي
وهي بتفتح الباب هاني كان داخل فتابع ها ياكريم فاضلك كتير؟
كريم بصله وتابع لالا هانت اهو روحي انتي يا ندى يلا
فندى هزت راسها بالايجاب ومشيت وقفلت الباب وهاني راح قعد قدامه
فتابع كريم : مالك شكلك مش فايق اليوم كان تقيل صح ؟
هاني بتنهيده والله يجدع الواحد صدع اوي انهارده اليوم تقيل اوي فعلا
كريم شاور على المج وتابع وهو مندمج في الاوراق اللي قدامه اشرب القهوه دي تعدل دماغك شويه
هاني باستغراب طب عملتها ليه طلما مش هتشربها ؟
كريم بصله وتنهد بعمق وتابع مش انا اللي عملتها دي ندى بس انا كل مره مش بشربها ومبرضاش اكسفها
هاني بتنهيده عامه ملاحظ انك قللتها
كريم رجع يركز في المخطط وتابع لا انا مقللتهاش انا بطلتهاا خالص اصل بعيد عنها شهر بحاله فخلاص حتى الصداع مبقاش بسببها
هاني تنهد بوجع وتابع انت تقصد القهوه بجد؟
كريم بضحك والله يا ابني اقصد القهوه انت عبيط ولا ايه اومال ايه يعني
هاني بتنهيده ابداا بس عمري ماتوقعت تبعد للدرجه دي عن شرب القهوه بصراحه
فكريم بصله وابتسم بوجع وتابع منا عمري ماتوقعت ابعد عن نيره للدردجه دي بردو .. واللي هي احسن حد بيعملي القهوه وتنهد بوجع وتابع وهو بيرجع يكتب: فسيبك سيبك في زمانا ده مفيش حاجه مستحيل تحصل
هاني ابتسم بحزن وتابع فاهمك عامه بس معلش انت كبيرها وسندها غصب عنها ومسير كل حاجه ترجع زي الاول واحسن
كريم بتنهيده لا معتقدش مفيش حاجه بترجع زي الاول مهما حصل المهم سيبك من الهري ده الواد اللي بيراقبهم هي ونديم قالك هما فين ؟
هاني اه متقلقش بيتغدوا في مطعم سمك على البحر
كريم بضحك نعم سمك ؟!! سمك ازاي يعني ؟!!
هاني بضحك ايه فيها ايه يا ابني ماله السمك
كريم تنهد بعمق وتابع نيره مش بتحب السمك ولا بتطيق ريحته مستغرب ازاي بقيت حد تاني معرفوش كده
هاني بتنهيده الواد ده شكله بيأثر على قرارتها اوي عامه فاكيد راحت تجرب علشانه وغالبا هو مش هيغدر دلوقتي علشان قفشناه
كريم بتنهيده اه ده شئ متوقع كده كده بس مينفعش يغيب عن عينينا لحظه بردو
هاني بابتسامه اكيد متقلقش
-----
في المطعم عند نيره ونديم
نيره كانت قاعده ماسكه الفون بملل ونديم قاعد قدامها بياكل
فتابع باستغراب نيره انتي مبتاكليش يعني
نيره حاولت تبقى طبيعيه وتابعت لا ابدا مش جعانه الف هنا انت
نديم باستغراب غريبه مع انك انتي اللي قولتي جعانه لاننا لفينا كتير من الصبح فطبيعي تجوعي
نيره تنهدت بعمق وتابعت هو انا لو اتكلمت معاك في حاجه حسيتها هتقول عليا اوفر ؟
نديم اكيد لا طبعاا في ايه قوليلي
نيره الدموع اتجمعت في عينيها وتابعت بص يا نديم انا اتربيت في بيت شبعانه فيه حب واهتمام كريم ربنا يخليهولي شبعنا كلنا حنيه ودلع انا اكترهم وبغض النظر عن كل اللي بيني وبينه دلوقتي واني مش متفقه معاه علشان جاب سيرتك بالوحش بس هو بالفعل عمل فينا كلنا ليفل مش سهل حد يعديه .. يعني ببساطه علشان تفهمني انا اتعودت على الدلع والاهتمام بتفاصيلي والحنيه وحاجات حلوه كتير فايه اللي هيخليني اسيب كل ده واروح بيت تاني مع حد تاني؟
نديم بتنهيده اكيد انك تلاقي نفس اللي كان بيتقدملك في بيتك او اكتر
نيره بوجع بالظبط كده اديك فهمتني وانا قولتلك مره والف مره اني مش بحب السمك ولا بطيق ريحته ربنا يسامحني وحاكتلك قد ايه ان كل ما يتعمل بتخانق مع ماما وكريم بيجبلي اكل من برا ويراضيني وياكل معايا وانت مع ذلك نسيت وجايبني ومقعدني قدامك وعمال تاكل وولا على بالك ومش واخد بالك اصلا اني مش باكل لاني مش بحبه
نديم بحرج لالا طبعا يحبيبتي انا فاكر كويس جدا بس قولت ممكن تجربيه لان المطعم هنا حلو جدا بجد وكده
نيره بتنهيده هو نعمه ربنا كلها جميله وحلوه بس انا انسانه طبيعيه وطبيعي في حاجات بحبها وحاجات لا ومكنتش هاكله يعني بس عامه الف هنا يانديم وبليز يلا عايزه اروح
نديم بتنهيده نيره متنكديش
نيره بضيق انا مش بنكد بس حقيقي اتخنقت
نديم بحده ومفيش حد هيجي كوبي بيست من الباشا بتاعك علشان كل حاجه تقارنيني بيه تماام
نيره بحده انا مش بقاارنك بكريم بس ازااي يكون هو عارف حاجات عن خطيبتك اكتر منك مش فاهمه؟
نديم بحده مش يمكن لانه زي اخوكي وهو اللي مربيكي مثلا ؟
نيره بدموع وبحده وانت حبيبي وخطيبي ومفروض كلامي اللي بيتقال يكون مهم
نديم بحده هو كل النكد ده علشان جيبتك تاكلي سمك !! انتي طبيعيه بجد ؟!!
نيره بتنهيده نديم انا مش بتكلم عن السمك ولو ده اللي وصلك من كلامي يبقى عمرك ماهتفهمني وقله الكلام احسن
نديم بحده اومال انتي قصدك ايه مش ده سبب الخناق؟
نيره بوجع اقصد انك بتنسى حاجات انا بقولها عامه مش الاكل بس يعني تقدر تقولي انا عيد ميلادي امتى وبحب لون ايه وامتحاني الجاي امتى ؟
نديم سكت بتوتر وتابع مش بفتكر مواعيد او تواريخ اه .. بس ده مالوش علاقه بحبي ليكي ده طبعي
نيره ابتسمت بوجع وتابعت طب هو كده إما اللي انت فيه ده الطبيعي في اي علاقه .. إما كريم هو السبب ان طموحي يعلى في مواصفات وطريقه الشخص اللي هرتبط بيه
نديم بعصبيه كريم كريم فلقتيني بام كريم بتاعك ده دي بقيت حاجه تقرف قومي يلا غايرين
نيره بعصبيه طب احترم نفسك ومتتكلمش عنه بالاسلوب ده .. ده اخوياا ومهما كنا متخلفيين مع بعض مستحملش حد يجيب سيرته بالوحش
نديم بعصبيه بس انا استحمل اسلوبك ده ومقارنتي بيه طول الوقت كانك امي وانا في ثانويه عامه وهو ابن خالتي ده اللي عاادي مش كدده ؟؟
نيره بعصبيه انا مش بقارنك بيه انا بستغرب ازاي هو عنده اكتر منك مع ان انت مفروض بتحبني اكترر
نديم مسح على وشه بضيق وتابع بحده نيره مش وقته رغي الناس بتبص علينا اتفضلي انزلي
نيره بعصبيه غايره ومروحه اوبر خليك انت كمل اكلك ومشيت وهي متعصبه جدا ونديم نفخ بعصبيه وتابع انسانه مستفزه انا عارف انا ايه بلاني البليه السوداا دي
----
عند حبيبه كانت قاعده في اوضتها وكل شويه تدخل البلكونه تشوف علي جيه ولالا بتتمنى تلمحه بقالها شهر بحاله مقعدتش معاه وبتستنى كل ليله لما يجي علشان تشوفه وهو طالع بس
فالقيت نيره داخله متعصبه ورمت الشنطه وقلعت الجزمه ورميتها
فاتخضت وتابعت ايه في اييه يخربيتك
نيره بضيق ودموع حبيبه متاخديش عليا وسبيني في حالي بجد
حبيبه بقلق مالك ينيره حصل ايه بس فهميني
نيره بدموع اتخانقت مع نديم ومش طيقاه
حبيبه تنهدت بضيق وتابعت ماله زفت عملك ايه ؟؟
نيره بعياط انا مش عارفه هو اللي صح ولا انا اللي اوفر بس انا اتعودت ان كريم بيهتم بكل تفاصيلي ويعرفني كويس وحنين علياا فطبيعي يكون نديم زيه واكتر مش كده ؟
حبيبه بتنهيده ااه طبعاا ده حقك والطبيعي فعلا
نيره بدموع لا ده بقى بينسى عيد ميلادي واي حاجه مهمه بقولهاله وموديني مطعم سمك وعمال يطفح وولا همه اني قاعده ساكته لانه طبعا نسي اني قولتله الف مره مش بحب السمك
حبيبه بضيق بقولك ايه يانيره ماتسيبي الواد ده وتريحينا كلنا علشان محدش مرتاحله خالص
نيره بصتلها بذهول وتابعت بحده هو انا بتكلم معاكي يحبيبه علشان تقوليلي اسيبه !! ده عقل ونضج يعني ؟!
حبيبه بضيق العقل والنضج مش انك ترتبطي بيه وتزعلي كريم اللي هو كبيرك والمسئول عنك ودي الصراحه
نيره برفعه حاجب ليه وهو انتي مش هتقفي قصاد كريم لو قال علي لا ؟
حبيبه بتنهيده لا لاني كده كده مش هتجوز علي ولو هتجوزه لازم برضا كريم يعني هتحايل عليه بس في النهايه هقوله رايك هيمشي انما عمري ما اعمل حاجه هو مش عايزها
نيره بدموع اقعدي انتي كده قطميني بالكلام
حبيبه بتنهيده يابنتي مش بقطمك بس عايزاكي تفوقي لنفسكك بجد ده جواز يعني الغلطه بفورا وكريم اخر شخص في العالم يضرنا يعني انا وانتي المفروض نمشي وراه واحنا مغمضين وانتي بالذات
نيره بدموع ماشي بس بردو مش هسيب نديم هصافي مشاكلنا يحبيبه مش من اول خلاف هتلككله بس لو مرتاحتش مش هكمل ماهي الخطوبه معموله ليه ؟ معلشان نعرف بعض اكتر ونشوف هنقدر نكمل ولالا
حبيبه بتنهيده اه فهماكي بس كريم ساعتهاا بجد هيهينك
نيره بوجع لا بالعكس كريم مستني اسيبه في اي لحظه وهيفرح مش هيقف يقولي منا قولتلك بلاش
حبيبه بتنهيده اه بس هيقول كده في حاله ان كلامه يطلع صح والواد ده مع مروان
نيره بضيق ومش هيطلع صح فكك من هاني وحوارته دي وتنهدت بعمق وتابعت تعرفي يحبيبه .. كريم وحشني اوي نفسي اروح احضنه واقوله قد ايه مش عارفه اكمل من غيره
حبيبه تنهدت بحزن وتابعت ربنا يصلح ما بينكم يقلب اختك انا عارفه انك مبتقدريش تستغني عنه قد ايه
نيره بدموع بس هو قدر
حبيبه بوجع هو غصب عنه بردو ده ناتج عن افعالك وتنهدت بوجع وتابعت زيي انا وعلي سايبين بعض من يوم خطوبتك والا ان كلامي مغيرتوش يعني اللي قولته في خطوبتك كنت قايلاه قبل كده بس علي المره دي بعد عني اوي وسابني
نيره بوجع مش عارفه اغلطه بردو لان علي سمع منك بما فيه الكفايه
حبيبه ابتسمت بوجع وتابعت لالا عادي غلطان ولا مش غلطان مانا استحملت بسببه كتير قبل كده مش هموت من الوجع دلوقتي مثلا
نيره بتنهيده وانتي صح ايه البوست اللي منزلاه دده هو انتي مفكره هيشوفه هيحن ؟
حبيبه بحده شالله ماحن بس انا حساه اوي فنزلته انا حره
نيره بحده لا ناصحه يقلب اختك .. علي رجع يكتب في البيدج بتاعته تاني وعايزاكي تقري بتركيز اللي نزله انهارده
فحبيبه اتفاجئت وتابعت ده بجد !!
فنيره مسكت فونها فتحته وتابعت بضيق ااه ياختي بجد بصي
فحبيبه مسكت فون نيره بلهفه بس لهفتها اطفت بمجرد ما قراات وتابعت ايه ده !! هو اتجنن !!
نيره بتنهيده لا وانتي الصادقه ده عِقل واللي منزله ده مجرد رد فعل بسيط على اللي انتي حسستيه بيه لان انا وانتي عارفين علي مش بيكتب غير وهو متضايق
فحبيبه قلبها وجعها ونفخت بضيق وتابعت هو حر بقى انا اعمله ايه يعني
نيره بتنهيده لا متعمليش خالص خليكم كده و ...فلقيت فونها بيرن فكان نديم فتنهدت وتابعت هروح اكلمه واغير هدومي وابقى اجيلك يحبيبه
حبيبه بتنهيده حزينه : ماشي
وبالفعل نيره خرجت من الاوضه وحبيبه دخلت البلكونه ودموعها نزلت بحزن ودقايق وشافته بينزل من عربيه كريم وبيتكلم معاه وبيضحك فابتسمت تلقائيا بس مجرد ماعلي رفع عينيه لعينيها ابتسامته اختفت وهي كذلك ودخلت اوضتها فعلي تنهد وتابع انا طالع يا كريم ها واعمل حسابك روح انت بكره لان انا مستأذن علشان رايح مشوار مع سلمى
كريم بابتسامه ماشي يقلب اخوك يلا تصبح على خير
علي بابتسامه وانت من اهله ياغالي
------------
في بيت علي امه واخواته كانوا قاعدين سوا
فتابعت رانيا بتنهيده سيبيه يا اسراء وهو هيتصافى معاه براحتهم
اسراء بوجع اصل معملناش جريمه يعني يماما ناوي يحن عليه امتى انا تعبت وببقى نفسي اكلمه واطمن عليه مبعرفش وعيطت وتابعت انا بحس اني بشحته بجد
سلمى بحزن اهدي يحبيبتي علي حنين وكلم حسن كأن مفيش حاجه فقادر بردو يوافق بارتباطكم عادي .. هو بس اتصدم من اللي حصل فرده فعله كانت طبيعيه انما بعد كده هيهدى ومش هيلاقي احسن من حسن يطمن عليكي معاه
اسراء بدموع يارب بجد
ولقيوا علي بيفتح الباب فاسراء مسحت دموعها بسرعه ولهفه ودخل وتابع السلام عليكم
فكلهم ردوا : وعليكم السلام ورحمه الله وبركاته
فعلق المفاتيح وتابع وهو بيقعد على الكنبه ها ايه الدنيا انهارده عملتي ايه يا لوما؟
سلمى بابتسامه روحت وحجزت الفستان يحبيبي الحمدلله
علي بابتسامه طب الحمدلله واختك أجرت ولا لسه؟
سلمى بحب اسراء هتفصل وودينا القماش متقلقش انت
علي بابتسامه طب زي الفل تعالي وفتحلها دراعه فراحت في حضنه فباس راسها بعمق وتابع ربنا يفرحني بيكي واشيل عيالك يا نن عين اخوكي من جوه
سلمى الدموع اتجمعت في عينيها وباست خده وتابعت وعيالك انت وحبيبه يارب ينورعيني
علي ابتسم بوجع وتابع يارب اللهم امين يلا انا هقوم اريح شويه
رانيا بحزن خليك يا ابني لسه هحطلك الاكل
علي بتعب لما تخلصي ناديني ياما تعبان مش قادر هاخد شاور
رانيا بحزن ماشي يحبيبي
فبص لاسراء برفعه حاجب وتابع مالك واكله سد الحنك كده ليه؟
اسراء بتوتر لا يحبيبي مفيش تعبانه شويه بس
علي بقلق تعبانه من ايه مالك ؟
اسراء بحزن تعبانه وخلاص ياعلي بطني واجعاني
رانيا بتوتر سيبك منها يحبيبي متشغلش بالك بيها روح انت
علي بتنهيده لا اصل مش اسراء اللي تقعد ساكته كده دي عمرها ماحصلت بس عامه انا عرفت مالهاا ودخل اوضته ورزع الباب
اسراء بدموع عررفت اه شايفين الاستفزاز علشان عارفني مش هقدر انطق وقامت دخلت اوضتها
فتنهدت رانيا بعمق
فتابعت سلمى بتنهيده ربنا يهدي بجد
--------------
بعد شويه عند علي كان لسه خارج من الشاور ولبس بنطلون بيتي وتيشرت نص كم وسرح شعره وقعد على سريره يراجع الفايل بتاع تمارا وكل شويه يسرح وحبيبه توحشه جدا فنفخ بضيق وساب الفايل وولع سجاره وقام دخل البلكونه كانت واقفه ورغم انه فرح لما شافها الا انه بين العكس وقعد على الكرسي وهو متجاهل وجودها عادي وهي كمان حست قلبها بيدق بعنف لما خرج بس حاولت متبينش وقعدت وهي بتشرب الشاي بتاعها من غير ماتبصله بس مبسوطه جدا انها شيفاه
ودقايق وفونه رن فدخل يجيبه فحبيبه اضايقت ونفخت بضيق بس لقيته خارج تاني وهو بيرفع الفون على ودنه وتابع الو
فحبيبه استغربت مين بيكلمه دلوقتي
فتابع علي بابتسامه لالا متشغليش بالك ياتمارا انا لسه بقراه اهو بس زي الفل خلاص روحي انتي المشوار اللي قولتيلي عليه
فحبيبه اتصدمت وتابعت لنفسها تماارا .. تمارا مين نهاارك اسود ياعلي
وشافته بيبتسم وهو بيتكلم فقلبها وجعها جدا ومسكت فونها بعتت لسلمى واتساب ( سلمى .. انتي يا زفتههه .. يابت ردي) فسلمى ردت وتابعت ( ايه في اييه يخربيتك تن تن تن 😡 )
حبيبه كتبت بلهفه ( علي يسلمى 😭 شكله هيروح مني ابقى انا كرفاله عارفه انه مش بتاع ارتباط والمرقعه دي والاقيه نسيني وبيكلم بت اسمها تماارا ويقولي بحبك قال 😭 )
سلمى استغربت وكتبت ( تمارا مين ايه الهبل ده !! .. اكيد فهمتي غلط بس عامه قولتلك كفاياكي تقل اي حد ممكن يتخنق وطاقته تخلص)
حبيبه بعتت ( لا مفهمتش غلط وهموت وهطق شيفاه اهو واقف قدامي بيتكلم معاها وبيضحك يسلمى ابوس ايديكي ادخلي قوليله تعالى شيل حاجه او حط حاجه وخليه يقفل مع بنت الكلاب دي😭 )
سلمى تنهدت وبعتت ( حاضر يحبيبه هقوم اشوف) وقفلت فونها وخبطت ودخلت اوضه علي لقيته فعلا في البلكونه فدخلتله فبصت لحبيبه فحبيبه شاورتلها تاخده
فابتسمت وتابعت حبيبي انت فاضي ؟
علي بصلها وتابع برفعه حاجب هخلص مكالمتي وجاي يسلمى خير؟
سلمى بتوتر ابدا ياروحي كنت عايزاك تجيبلي برطمان الدقيق علشان عالي ومش لاقيه الكرسي هعمل كيكه وكده
علي اممم قولتيلي طب هخلص وجايلك بردو ورجع لفونه وتابع فالمهم ياتمارا هتعملي الـ
فسلمى قاطعته وتابعت لالا ياعلي يلا علشان انا هنام فعايزه اخلص بسرعه
علي بحده هو خلاص هتخرب يعني لو استنيتي شويه ؟!! وبعدين من امتى بتنامي دلوقتي علشان افهم بس ؟؟
سلمى بتوتر مش عارفه صحيح بس كل اللي اعرفه اني عايزاك معايا حالا
فعلي بصلها برفعه حاجب فبلعت ريقها بتوتر وتابعت ايه ياروحي في ايه؟
علي بعد الفون عنه وتابع بهدوء مخيف : وانا كل اللي اعرفه انك كدابه وبعرفك من عينيكي فاتلمي كده واطلعي برا ومتمشيش وراها هاا
سلمى بتوتر امرك يا كبير
وطلعت وسابته فحبيبه فتحت عينيها بذهول فعلي بصلها فعملت نفسها مش باصه عليه فابتسم وهز راسه بيأس ورجع يكلم تماارا
فبعتت حبيبه ( شكلي اتسندت على حيطه مايله روحيي ياريتني كنت قولت لاسراء 😡 )
فبعتت سلمى وهي بتكتب بتوتر ( بقولك ايه قفشني فطلعيني انا من حواراتكم دي انا ماليش دعوه ياختي 🥲)
فحبيبه نفخت بضيق واتصلت بيه كول فاستغرب وبص للفون وبصلها وهز راسه بمعنى ايه؟
فتابعت حبيبه بحده : رد لو سمحت عايزاك
فتنهد وتابع لتمارا طب هقفل معاكي يتمارا معلش وهفهمك تعمليها ازاي لما ترجعي الشركه باذن الله
تمارا بابتسامه تمام باي
فعلي قفل معاها ورد على حبيبه وتابع يا نعم ؟
حبيبه بتوتر انا تعبانه وعندي فقر دم وكله بسببك
علي باستغراب بسببي انا !! ده اللي هو ازاي يعني ؟!
حبيبه بتوتر ااه طبعا بسببك مش اتبرعتلك بدمي ساعه لما اضربت بالناار فانا دلوقتي عايزاه
علي فضل يضحك بشده فحبيبه سرحت في ابتسامته اللي سمعاها في الفون وشيفاها قدامها فتابع هو بضحك: اه وانا اجبهولك منين ده بقى؟
حبيبه بضحك والله معرفش زي ما اديتك تديني نفس الكميه انا عايزه دميي
علي بضحك عايزة دمك ااه طب ماهو عملياا مينفعش انتي o سلبي تديني انما انا B ايجابي مستحيل اديكي
حبيبه بضيق ياسيدي انت مالك هاتلي الاكياس مليانه وانا هحتفظ بيها ميخصكش بس المهم ترجعلي دمي
علي بضحك والمفروض هتخفي كده ؟
حبيبه بضحك اه هخف انت بس هات الدم اللي عليك
علي تنهد وتابع مقتنعه انتي ان ده سبب متصله علشانه؟
حبيبه بتوتر اه سبب ماهو انا بجد عايزه دمي .. دلوقتي انا مش بكلمك ومتخاصمين فـ دمي يفضل يجري جوه عروقك ليه ؟
علي بصلها بحب وتابع مش دمك بس اللي بيجري جوه عروقي بس انتي متخلفه
فحبيبه ابتسمت بوجع وتنهدت وسكتت والدموع اتجمعت في عينيها
علي تنهد بعمق وتابع ايه عايزه تقفلي؟
حبيبه هزت راسها بـ لا وهي بتمسح دموعها
فتنهد علي وتابع ولا انا عايز اقفل بس هتنامي وتصحى على الصلاه ولا هتسهري؟
حبيبه بحزن انا مصدعه بصراحه وعايزه انام شويه بس حاسه اني مخنوقه وخايفه
فابتسم علي وتابع طب ادخلي وحطي الفون جنبك وانا هقفل لما تنامي ولو اتكلمتي هرد عليكي
حبيبه بتوتر مش هعطلك؟
علي بحب افضالك
فابتسمت بحب وهي بصاله بعدين دخلت وقفلت البلكونه وقلعت الاسدال ونامت واتغطت وسابت الفون جنبها وتابعت علي
فابتسم وتابع موجود والله مش هقفل
فابتسمت وهي بتتنهد بالارتياح اللي بتحسه في وجوده وغمضت عينيها وعلي دخل نام على سريره وهو حاطط ايديه ورا رقبته وبيسمع صوتها لحد ما بعد شويه حس ان صوت نفسها انتظم فهمس حبيبه؟
فمردتش فابتسم وقفل وقام علشان ياكل
-----------
تاني يوم الصبح علي راح علشان يقابل وسام في الكافيه اللي اتفقوا عليه
ووسام كان قاعد مستنيه ودقايق وعلي وصل فوسام قام وقف فعلي راح سلم عليه وتابع صباح النور حقك علياا اتاخرت عليك
فوسام بداله السلام وحضنه وتابع بابتسامه لا يغالي ولا يهمك اتفضل اقعد
فعلي شد الكرسي وقعد ووسام قعد قدامه فابتسم علي وتابع بضحك : مالك في ايه ولا اللي جاي تعمل انترفيو فك كده مفيش حاجه
وسام بضحك متوتر بصراحه ماهو الغلطه برفض علطول
علي فضل يضحك وتابع لالا متقلقش هسهلها عليك علشان ربنا يسهلها عليا مانا بعاني بردو بس حقي اطمن على بنت عمي ولا ايه ؟
وسام بابتسامه حقك طبعا اؤمرني
علي بابتسامه الامر لله وحده وتنهد وتابع بص يا وسام انا يمكن اول مره اقعد معاك بس انا مثقف حبتين وبقرى كتب كتير وبكتب ومن لغه الجسد والتوتر اللي انت فيه لمست حبك الصادق ليها وخوفك من انك تفقدها بس ده مش كفايه
وسام اتفاجئ وفضل يضحك وتابع اه ده حقيقي لغه جسدي بتقول كده دلوقتي انا دكتور نفسي فده مجالي
علي بابتسامه عارف طبعا وانت محدش قدك في مجالك كده كده انا بس بتثقف شويه
وسام بضحك يا متر ده انت تعديني عادي والله بسم الله ما شاء الله الثقافه والرقي باين
علي بضحك وغمز لا متطبلش اوي كده مش باكل منه انا الكلام ده
فوسام فضل يضحك بشده وتابع طب قسما بالله بتكلم معاك بجد مش بطبل ربنا يحفظك ويزيدك من علمه
علي بابتسامه تسلم ياغالي المهم انا علشان مطولش عليك هقولك اللي في قلبي علطول
وسام بابتسامه لا والله خد راحتك عادي انا حابب اسمعك
فعلي ابتسم وتابع ربنا يخليك يا دكتور والله وتنهد وتابع فانا لمست حبك ليها جدا على فكره بس احيانا بنبقى بنحب اشخاص تحت شروط معينه ولو اختلفت او اتغيرت بنبطل نحبهم
وسام بس ده كده ميبقاش حب من البدايه ولا ايه؟
علي بابتسامه اه طبعا منا علشان كده جيت اعرف انت في انهي ليفل بالظبط بعد اللي هتعرفه عن هناء .. وكلام راجل لراجل انا معرفتهاش اني هحكيلك
وسام باستغراب تحكي ايه؟
علي بتنهيده احكي عن ماضيها
وسام بابتسامه طب كلام راجل لراجل بردو وهناء متعرفش انا عارف اللي انت عايز تقولوا
علي باستغراب وعرفته ازاي لا اكيد انت فاهم كلامي غلط
وسام بابتسامه لا فاهمك صح مش انت تقصد انها كانت خطيبه نادر ابن خالتي ؟
---------------
عند نادر كان قاعد في مكتبه في الجريده وبيدور بين الصور على صوره معينه وبعد شويه من التدوير لقاها فابتسم بخبث وهو بيبصلها وتابع والله ووقعتي وماحد سمى عليكي يهناء وجاب رقم كريم وبعتله صوره ( لوسام وهناء ماسكه ايديه وواقفين قدام المطعم وباصين لبعض ) ساعه لما كان وسام عازمها ونادر شدها فراحت اتخانقت معاه وسابته وراحت وقفت مع وسام في اللحظه دي نادر صورهم
وكتب تحتها ( يعني هو للدرجه دي الوساخه يا كيمو ؟!! .. انا واختك نسيب بعض فتروح ترتبط بابن خالتي ؟؟ هي دي تربيتكم ليها يعني ؟؟ ولا تكونوا انتوا اللي قايلينلها لفي على ابن خالته علشان تقهريه اصل سبتوها خرجت معاه وهما مفيش بينهم حاجه فيطلع منكم اي حاجه بصراحه .. بس متخيلتش توصل للدرجه دي !! ده انا الحركه معايا كانت بحساب .. ولا هي المبادئ بتتجزأ ولا ايه 😂😂)) وبعت وابتسم بخبث ورجع ضهره لورا وهو بيتنهد بارتياح
--------------
عند اسيا في المستشفى كانت صحيت وواخده تولين في حضنها علشان نايمه وقاعده بتتكلم مع ميرا صاحبتها لانها دكتوره في مصحه لعلاج الادمان
فتنهدت بوجع وتابعت طب اعمل ايه قوليلي انتي انا حاسه مخي وقف
ميرا بتنيهده كل اللي اكتشفوا ان عيالهم او جوازهم بيدمنوا مخدرات حسوا زيك بالظبط بس انك تبعدي عنه مش حل ابدا يا اسياا ده ممكن يزيد في الادمان وممكن فاجاه ياخد جرعه زياده يموت وممكن يتحبس وايا كان بتحبيه ولا مجرد ابو بنتك فتولين هي المتضرر الوحيد من كل ده .. لان ده ابوها وهي شايله اسمه فانتي لو مش علشانه فحاولي علشان بنتك اللي متستاهلش ابدا دي تكون نهايه باباها
اسيا بعياط يا ميرا ده ضربني انا وبنتي وسقطني ارجع اعيش معاه اازاي بجد
ميرا بحزن حقك عليا بس ده مريض ولا على المريض حرج انما سليم في طبيعته عمرك ماشوفتي منه كده ابداا
اسيا تنهدت بقهر وتابعت بدموع سليم في طبيعته كان راجل غير الراجل كنت بتحامى فيه وبتسند عليه وحاسه معايا جبل مبيتهزش انما دلوقتي قل من نظري اوي وبقيت شيفاه حد ضعيف واسهل حاجه عنده مد الايد والشتايم
ميرا بحزن بسبب الادمان يا اسياا متنسيش انه بيجنن الشخص حرفياا بيخليه حد غير الحد فانتي شوفتي كتير انا عارفه بس واجبك تقفي جنبه وتدخليه مصحه غصب عنه قبل مايروح منكم
فاسيا قلبها وجعها بشده وتابعت يعني ارجع؟
ميرا بحزن ده رايي انتي قولتيله مش هرجع غير لما تدخل مصحه وهو من وحدته هيزيد في الادمان مش هيقل لان مفيش حد يمنعه وهيبقى غصب عنه ومش هيبص ليكي ولا لبنته نهائي بس المهم جسمه ميوجعوش وميحسش بصداع وتنهدت وتابعت انا عايشه في الوضع ده وشايفه بعيني كل يوم الاوضاع ايه وحقيقي الوضع صعب جدااا ده التعافى من الادمان اشبه بخروج الروح من الجسد فصدقيني الوضع مش سهل عليه وهيبقى عايز دعم وتشجيع وعين عليه طول الوقت
فاسيا تنهدت بوجع وتابعت طب هخرج واروح اتكلم معاه شويه بس علشان تولين متسمعناش بليز خليها معاكي وهفوت عليكي شويه كده اخدها منك هي كده كده بتحب تلعب مع عيال اخوكي
ميرا بابتسامه يسلام ده من عيوني وباست جبين تولين وتابعت بحزن بصي لـ دي انا عارفه انك زهقتي بس دي هتفضل شايله اسمه العمر كله ايا كان ايه مصيره
فاسيا هزت راسها بلايجاب ودموعها نزلت وتابعت فاهمه والله .. وانا كمان مش هاين عليا اسيبه يضيع كده
ميرا بابتسامه برافو عليكي
وبالفعل بعد شويه اسيا كانت قامت ولبست الهدوم اللي جابها سليم ومضت على الخروج وخرجت وتولين كانت نايمه في حضن ميرا واسيا ركبت تاكسي ووصفتله عنوانهاا
---------------------
عند سليم كان لسه بيفتح باب شقته فشيري نزلتله وتابعت بحده انت كنت فين من امبارح يا بيه كسرت الفون عليك
سليم بتنهيده روحت لميرنا كانت تعبانه شويه
شيري بصتله بوجع وتابعت اممم كنت عند ميرنا وانا عماله اتصل بيك مبتردش وسايبني قلقانه عادي مش كده ؟
سليم بتنهيده انتي متصله تطمني اسيا سقطت ولالا مش عليا انا خالص و اه يا شيري حصل ريحي بقى
فشيري ابتسمت بفرح وتابعت بحب وايه المشكله ياروحي اجبهولك انا
سليم تنهد بعمق وتابع احنا مش هنبطل استعباط ؟
شيري بابتسامه تؤ مش هنبطل ولفت ايديها حوالين رقبته وباسته بعمق
فاتفاجئ وبعد عنها وتابع يخربيت اهلك مش مستنيه افتح الباب انتي اتجننتي ؟؟!
شيري بضحك ماتخلص يسليم وافتحه ده انت مستفز صح
فسليم فتح الباب وتابع بضحك تعالي ياختي بلاش فضايح
فشيري دخلت وقفلت الباب وراحت لفت ايديها حوالين رقبته وتابعت بحب بذمتك شيري مواحشتكش ؟؟ ده من ساعه ما اسيا رجعت وانا مبعرفش اقعد معاك خمس دقايق على بعض
سليم بصلها برغبه وتابع الا واحشتني .. دي انتي واحشتني اوي اوي اوي وفك روبها ورماه على الارض وهي لفت ايديها حوالين رقبته وباسته بعمق وشالها ودخل بيها الاوضه
وشويه واسيا كانت وصلت وطلعت وهي بتتسند بتعب لان جرح بطنها بيشد وفتحت الباب براحه ودخلت فسمعت صوت ضحك فاستغربت جدا ومشيت ببطئ لقيت روب واقع على الارض فحست كأن سكينه اطعنت في قلبها وهزت راسها بـ لا كتير وهي حاطه ايديها على بوقها وتابعت بدموع وقهر: لالالا متسحيل ده مستحيل ومشيت ناحيته اوضتها وقبل ماتفتح فاتصدمت باللي سمعته
شيري بضحك وهي صدقتك ؟
سليم بضحك الا صدقتني يابنتي انا عيطلها فاهمه يعني ايه عيطلهاا ؟؟
فشيري فضلت تضحك وتابعت وكل ده علشان متقولش لاهلها ولا تفضحك طبعا
سليم طبعاا دي مجنونه هفتضحني وموضوع زي ده لو اتعرف سمعه شركتي هتروح في داهيه وهتحبس او هتجبر علي المصحه وانا مستحيل اعمل كده
شيري بحزن ماتطلقها بقي يا سليم وحياتي عندك
سليم بضيق منا قولتلك ياشيري سايبها علشان تخلفلي يعني مجرد رحم عارفه الرحم؟
فاسيا اتصدمت بشده وحست لسانها عجز والدموع اتجمعت بقهر على اطراف عينيها
فتابعت شيري بحزن والله عارفه انه بسبب الخلفه وانا مستعده اطلق من زياد واتجوزك في السر واشوف المشكله اللي عندي علاجها ايه ونخلف ومش لازم يتعرف قدام امك وزياد اني انا الام يسيدي يعني هقعد في حته تانيه بعيده عن هنا
فاسيا اتصدمت بشده وحست قلبها بيتكسر وحطت ايديها علي بوقها بذهول وهي منهااره عياط ومش مستوعبه اي حاجه من اللي بتحصل
فسليم تنهد بعمق وتابع لا بردو مفيش حاجه هتستخبي العمر كله
ففتحت اسيا الباب شافته قاعد عاري الصدر وهي في حضنه فتابعت بقهر ودموع : ما طبعا مفيش حاجه هتستخبي العمر كله ولا حد هيفضل مغفل العمر كله
فسليم وشيري اتخضوا واتصدموا بشده لما شافوها