رواية مصيبتي الحلوه الفصل الخامس عشر15الاخير بقلم حنين عادل
كانت ملك واقفه وهي شايفه الدكاتره وهما بيكشفوا علي صحة جيهان العقلية ....
ملك بتوتر : يارب تخرج بقا ..
حسني كان واقف جنبها: ما تقلقيش هاتخرج .
يوسف : تعالي يا ملك نشرب أي حاجة علي كافيه لحد ما يخلصوا
بتهز ملك راسها وبتمشي معاه بيوصلوا كافيه وبيقعدوا وبيطلبوا مانجا ...
يوسف : وبعدين!
ملك بتستغرب من كلمته:
وبعدين ايه ؟!
يوسف: مش ناوية نوفق راسين في الحلال بقا. .
كانت ملك بتفرك في ايديها بتوتر :
يوسف مش هينفع أخبي عليك اكتر من كده
يوسف بتفكير : معقول تكون بتحب يامن وهاتقول لي كده !
بيفوق من شروده وبيقول:
في ايه يا ملك؟!
ملك : اللي مخليني معترضة علي الجواز مش بابا ولا اني متعقدة من اللي كان بيعمله
يوسف قبل أي حاجة انا بحبك أوي بس مش هقدر
يوسف : طب ليه ايه السبب
ملك : يوسف أنا بنسي كتير جدا !
يوسف : طب ما عادي الموضوع ممكن يتعالج بالفيتامينات
ملك : ما أنا كنت فاكرة كده روحت كشفت عن دكتور معروف وطلب مني شوية فحوصات وتحاليل وبينت إن عندي نوع من أنواع الزهايمر
يوسف : زهايمر ايه انتي بتهزري ؟!
أكيد في غلط الزهايمر دي بيجي لكبار السن
ملك : ما ده اللي كنت فاكراه زيك بس طلع النوع اللي عندي مرض نادر مش علي قد النسيان بس
يعني بيجي وقت مش هاعرف أمشي مش هاعرف أتحكم في دخول الحمام حتي !
يوسف : أنا مش مصدق ولا كلمة ازاي ده ! انا هاعرضك علي اكبر الدكاترة الدكتور انسان زيي زيك وارد أنه يغلط
الواحد لو دكتور قاله عندك عملية بيتأكد من كذا دكتور الأول !
ملك : اللي تشوفه يا يوسف
يوسف بابتسامة: انتي كويسة يا ملك هانتجوز ونخلف ونربي ولادنا ونعجز سوا كمان
ابتسمت ملك واتنهد يوسف براحة ..
*________________________*
رشدي : عبير هاياخدوا أقوالك ما تسبيش حقك
هزت دماغها وطلع رشدي ودخل الظابط وقال:
افتح محضر يا بني ...
_هل بهجت المنصور من حاول الشروع في قتلك ...
مني : لأ ! ده كان حرامي متخفي ومخبي وشه ولما كشفته ومسكته ضربني بالنار...
_ طب والصور بتاعت جوزك وهو شايل سجادة وبيرميها في البحر؟!
عبير: أه دي سجادة قديمة قولت له يرميها فرماها عادي
_ طب كان ممكن يرميها في الزبالة ليه البحر ؟!
عبير بتوتر : عشان ....عشان هو بخيل ومش بيحب يدي حاجة لحد !
_طيب ....حمد الله على سلامتك امضي هنا علي أقولك
عبير: الله يسلم حضرتك !
بيطلع الظابط وبيدخل رشدي :
عملتي ايه ؟!
عبير: قولت أنه مش هو اللي ضربني بالنار
رشدي بغضب: ليييييه !
عبير : عشان أنا السبب انا اللي خدت فلوسه واستفزيته واضطريته لكده !
رشدي : اللي شايفاه صح اعمليه يا عبير عن اذنك
*_________________________*
بهجت بيكون واقف قدام النيابة
_يتم الإفراج عن المتهم من سرايا النيابة في ساعته وتاريخه اكتب يا بني !
كان واقف مستغرب أنه طالع والمحامي بتاعه بيبتسم ...
مشي بهجت معاه وهو مش فاهم حاجه
المحامي : مدام عبير قالت انك مش انت اللي حاولت تقتلها وأنه كان حرامي ولما دافعت عن نفسها وكشفته عملت كده
كان واقف مش مصدق كلامه وبيفكر معقول بعد اللي عمله معاها كله تطلعه بسهولة كده !
مشي من النيابة وراح لها المستشفي ودخل لها
عبير: عاوز ايه يا بهجت!
بهجت : طلعتيني ليه !
عبير : وهاستفيد ايه من حبسك ؟!
بهجت : أنا آسف سامحيني !
عبير : طلقني يا بهجت وانا هارجع لك فلوسك
بهجت بسرعة: انتي طالق طالق طالق
عبير بابتسامة: فلوسك رجعت حسابك يا بهجت شرفت وآنست
قام مشي وبعدها سمحت لدمعه من عينيها أنها تنزل كان نفسها يختارها هي ويرفض الفلوس كان نفسها يتمسك بيها بس سابها ومشي
مسحت دموعها : افهمي بقي أنه مايستاهلش انك تحبيه اكرهيه بقا اكرهيييييه
*___________________________*
دخلت ملك الفيلا هي ويامن ويوسف وجيهان وحسني
مني بصدمة : جيهان يا حبيبتي
باستها وحضنتها ...
مني: لقيتوها فين!
يامن : انا وأعوذ بالله من كلمة أنا وش الخير اللي لقاها
حكت ملك لجدتها علي كل حاجة ....
مني: يعني كل السنين دي قدامك يا موكوس وماعرفتهاش
يامن : وانا اعرفها ازاي وهي كانت عاوزه تموت اي حد يدخلها
حسني كان مبتسم علطول باصص عليها وبس ....
بيدخل بهجت عليهم ...
مني بتجري عليه وبتحضنه :
خرجت ازاي يا حبيبي
بهجت : عبير قالت إنه مش انا اللي حاولت أقتلها
بتبتسم : ازيك يا بهجت
بيقرب عليها بفرحة: مش معقول انتي كنتي فين كل ده!
مني: دي قصة طويلة هابقي أحكيها لك أنا
بهجت : واقفين ليه اقعدوا.
*__________________________*
صوت زغاريط وكلمة المأذون الشهيرة
(بارك الله لكما وبارك عليكما وجمع بينكما في خير)
مازن قام وحضنها ولف بيها وهي كانت مبسوطة مش فاهمه سر سعادتها ورضاها اللي جه فجأة من أول مقابلة وكلام بينهم
كانت بتبُص ليه وهي مستغربة من نفسها هي ازاي كانت بتكره حد بيحبها الحب ده كله
وماكنتش شايفه الحب اللي فيه
ليه كانت شايفاه قليل وهو حاجة كبيرة
وليه هو شايفها كتير عليه كده وشايفها حاجة كبيرة
فرح بضحك :
شكلنا وقعنا يا عمو سامي!
*__________________________*
بيعدي أسبوع علي جميع أبطالنا ....
بتخرج عبير من المستشفي ورشدي ماسبهاش ولا يوم وبهجت بيبعت لها ورقة طلاقها ...
رشدي كان بيزورها يتطمن عليها دائما بدون أي فتح مواضيع ....
رشدي : طب انا اتطمنت عليكي بقا ...
عبير: رشدي أنا......
رشدي : انتي ايه !
عبير: انا اكتشفت اني طلعت ساذجة أوي
رشدي بضحك : لسه مكتشفة دلوقتي ؟!
عبير: انا ازاي حبيت بهجت وماحبيتكش !
رشدي: أرزاق !
عبير: أنا مالقيتش جمبي في أي وقت غيرك وماكنتش فاهمة برده ممكن تخليك دائما جمبي !
رشدي بفرحة: يعني قصدك ؟!
عبير بابتسامة: تتجوزني يا رشدي بعد العده !
رشدي: لا سيبيني وقت أفكر واصلي استخارة!
عبير: رشدي !
رشدي: أحلي رشدي سمعتها في حياتي موافق !
ضحكت عبير وضحك رشدي وقال :
معقول ! هانتجوز ونكون سوا بعد السنين دي كلها سبحانه !
*____________________________*
جيهان بتكون ماشية مع حسني علي البحر
جيهان : انت مغمي عيني ورايح علي فين يا حسني
حسنى: اصبري يا چيچي
بيشيل من علي عينيها القماشه وبتبص حواليها بتلاقي نمشي ورد وعلي الجانبين شموع
بيوصلوا لطرابيزة عليها كرسيين وكاسين فيهم عصير وجاتوه
بيقعدها علي الكرسي وبيقعد...
حسني: عارف انك بتحبي النوع ده من الجاتوه دوقيه كده
بتبتسم وبتبدأ تأكله فبتلاحظ أنه فيه حاجة في بوقها بطبعها بتلاقيه خاتم
حسني بابتسامة :شوفتها في فيلم اجنبي تتجوزيني !
بتضحك جيهان : موافقة بس ازاي وسيف ما طلقنيش
حسني: ملك طلقتك منه بأمر المحكمة غيابي !
چيهان ابتسمت : معقول بعد السنين دي كلها هانتجوز يا حسني معقول
حسني : وأخيرا يا حبيبة قلب حسني
*________________________*
وعند دكتور كبير!
ملك: انت متأكد يا دكتور انه ما عنديش حاجة
الدكتور : أه طبعًا وارد يكون غلط من المعمل تحاليلك اتغيرت مع حد!
يوسف: صدقتيني يا ملك ده تاني دكتور نروح له
مشوا من عند الدكتور ...
يوسف: كنتي هاتوقفي حياتنا علي حاجة انتي مش متأكدة منها ...
ضحكت ملك : الدنيا احلوت أوي يا يوسف ربنا عوضني خير بماما وبيكم
يوسف: المهم !
ملك :ايه ؟!
يوسف: هانتجوز امتي بقا
ضحكت ملك : هاتجوز مع ماما بقا
*________________________*
وفي أوضة مني !
بهجت : انت عاوز أتجوز جيهان يا ماما
مني: چيهان يا بني مش ليك جيهان بتحب حسني !
بهجت : هو انا وحش أوي كده عشان أخسرها مرتين !
مني: ماكنتش نصيبك يا بني في المرتين اللي انت خسرته فعلا مراتك اللي كانت بتموت فيك !
بيطلع بهجت وهو زعلان ومتعصب من عندها وبيدخل أوضته وبيقعد فيها وحيد ..
بهجت: غرورك يا بهجت هايخليك تعيش وحيد عمرك كله مش قادر تروح تقولها ارجعي ولا خايف ترفض وتجرح كرامتك عادي ....انا أقدر اتجوز اي واحدة اقدر اتجوز واحدة اصغر منها وأحلي منها بفلوسي عبير اللي المفروض تيجي تطلب مني اني أرجعها مش العكس هي اللي طلبت الطلاق !
*_____________________________*
وفي الجنينة..
يوسف: خير يا يامن جمعتنا ليه ؟!
بيكونوا الكل قاعدين مني وجيهان وملك ويوسف وحسني
يامن : أنا قررت قرار حكيم مش هاتتجوز يا يوسف انت وملك وياطنط انتي وعمو حسني غير وانا معاكوا !
يوسف : معانا ازاي يا راجل يا أهبل انت؟!
يامن بيضحك : يخربيتك فهمت ايه ! لأ أقصد هاتجوز معاكوا !
ملك بفرحة: بجد مين ها ها !
يامن : انا عرفت عنها ساكنة فين واخدت معاد من والدها وتعالوا معايا بقا اخطبوها لي !
يوسف: امتي
يامن : النهاردة بالليل زغرطت ملك وجيهان. ....
مني: يا ألف نهار أبيض مبروك يا حبيبي ..
يامن : اللي يبارك فيكي يا تيتا اجهزوا بقا علي الساعة 8
*_______________________*
بيكون الكل جهز ويامن لابس بدلة سودا ويوسف لابس كاجول بنطلون أسود وعليه تيشرت أبيض
ملك بتكون لابسه فستان ستان بيچ بديل طويل وحاطة ميكب سيمبل
وجيهان بيكون مأنكجها حسني ومش بيفارقها
بياخد شيكولاته وبيركبوا العربية وبينزلوا قدام بيت بسيط في حارة شعبية ...
عيل صغير بيشد من يامن الشيكولاتة وبيطلع يجري
يامن : ولا ياض يا ليفة
بيجري وراه وبيزعق ويوسف واقف بيضحك عليه:
تعالي يا يامن خلاص هانعمل ايه
مني: خلاص يا يامن عيل صغير
يامن بينفخ: خد الشيكولاتة !
ملك : معلش يا يامن يلا
بيطلعوا علي السلم وبيضربوا الجرس بيفتح ليهم راجل كبير شكله مريح ...
بيدخلوا وبيقعد بيجي الولد اللي خد الشيكولاتة ووشه ملحوس بيمسكوا يامن من قفاه:
فين الشيكولاتة ياض
بيرد الراجل:
أخو العروسة الصغير أخو مها
بيبتسم يامن ويوسف بيبرق له :
ألف هنا علي قلبك يا حبيبي !
بيبدأ يوسف يتكلم وبيعرفه بيهم ...وبيطلب ايد البنت ليامن
بتدخل ويامن كأنه مش شايف حد غيرها لابسه خمار بيبي بلو علي فستان شرعي بيبي بلو وشايله صينية الشربات
بيقف يامن ياخد منها الشربات بيتكعبل وبيقع فوقها وفوقهم الشربات
بيقوم يوسف يقومه
_حصل خير يابني
يوسف بيوشوش يامن: انت بتتعلم المشي لسه ولا ايه في ايه مالك ؟!
يامن: متوتر يا صاحبي أصلها حلوة أوي
بيسمعوا كل الموجودين وبيضحكوا ....
يوسف: علي خيرة الله ..انا عاوز فرحي انا وأخويا وطنط چيهان في يوم واحد بعد أسبوعين ..
بيرد أبوها : علي خيرة الله خير البر عاجله
بيطلع يامن من جيبه خاتم ألماظ وبيلبسه ليها ...
يامن : ما تزغرطوا يا جماعة...
الكل بيزغرط بتبُص ليه مها :
مبسوط يا كتكوتي
يامن: هاطيييييير من الفرحة
*___________________________*
وفي قاعة مفتوحة مليانة بالورد الأبيض وفي معازيم كتير
بيكون يوسف ويامن وحسني لابسين بدل وواقفين علي ممر طويل متزين بالورود البيضاء علي الجمبين
بيدخل العرائس والتلاتة نفس تصميم الفستان مقفول من فوق بأكمام زي فساتين أميرات ديزني علي أغنية طُلي بالأبيض طُلي يا زهرة نيسان...
ملك بتكون لابسة طرحة فوق الفستان مع ميكب سيمبل بارز جمال ملامحها
كلهم الميكب بتاعهم هادي بس مها لابسة خمار فوق الفستان ....
كل عريس بياخد عروسته ...
وبتشتغل اغنية تامر حسني..
تعالي هنا بقول لك ايه
قلبي إزاي كده ريحتيه عارفه بحس معاكي ايه.. حياة
طمنتيني على عمري يا هديتي على طول صبر
كفاية اسم صوتك حلاه
وفيكي سيبني شوية أحب أنا فيكي
عمر الواحد مش هيكفيكي أحبك فيه
بحبك.. وليالي عارفة إني بشوفك كدة جيالي
أول حاجة بتيجي في بالي
بـ أقولك ايه
.. بحبك قربك ليا بيدفي خلي إيديكي على كتفي
شكلك حلو أوي في حضني
وفيكي سيبني شوية أحب أنا فيكي
عمر الواحد مش هيكفيكي أحبك فيه
بحبك وليالي عارفة أما بشوفك كدة جيالي
أول حاجة بتيجي في بالي
أقولك ايه.. بحبك
يوسف: بحبك يا هدية ربنا ليا مش متخيل أننا وأخيرا بنتجوز ..
ملك ابتسمت وحضنته...
حسني: وأخيرا بقيتي مراتي يا حبيبتي الصبر بيعمل معجزات أنا حاسس اني ردت فيا الروح من تاني
نسيت كل حاجة حصلت معانا كأن ببدأ حياتي من جديد
چيهان: مش قادرة أوصف مدي سعادتي أنا ربنا عوضني بيك يا حسني خليك معايا دائما
وعند يامن ومها...
يامن بيضحك وبيدوس علي شفايفه:
كتكوتك هايقطعك!
مها: يامن ؟
يامن: ده وقت أحراج انتي عارفه أنا بقالي كام سنة شاب عاذب انا تعبااااان
ضحكت مها : المفروض تقول لي كلام رومانسي وكلام حب وكده !
يامن : ما ده العشق يا بت العشق في القرب !
وبيكون بهجت واقف بيراقبهم وهو متضايق بيطلع من الفرح وبيروح يخبط علي شقة عبير...
بتفتح عبير وهي بتقفل الروب وبيظهر صوت من وراها :
مين يا حبيبتي!
بهجت بغضب: مين ده يا ست هانم ؟!
بيطلع رشدي وبيقف جنبها وبيحط أيده علي كتفها
عبير: ده جوزي يا بهجت !
بهجت بصدمة: جوزك !
رشدي: اتفضل يا أستاذ بهجت اشرب معايا فنجان قهوة !
بيمشي بدون أي كلام وهو مهموم ..
بهجت: حتي اللي كانت بتحبك ضيعتها من ايدك !
هتعمل لك الفلوس ايه دلوقت هاتعيش لوحدك وتموت لوحدك يا بهجت !
عبير بتمسك بطنها وبتطلع تجري علي الحمام ورشدي بيخاف عليها وبيكلم الدكتور اللي ساكن في نفس العمارة يجي يشوفها
بينيم عبير علي السرير وبيفتح للدكتور وبيدخل يكشف عليها ..
الدكتور بابتسامة: مبروك المدام حامل في شهرين
عبير بفرحة وخوف في نفي الوقت:
ازاي يا دكتور وانا سني كبير!
الدكتورة : هدية من ربنا يا مدام عبير وبعدين انتي مش كبيرة ولا حاجة في ستات أكبر منك وبيحملوا
بيمشي الدكتور وبتدمع عبير:
معقول هابقي أم يا رشدي بعد كل السنين دي الحمد لله حمدا كثيرا طيبا مباركا فيه الحمد لله عدد ما كان وعدد ما يكون وعدد الحركات وعدد السكون...
بيحضنها وبيقول لها: ربنا كريم أوي عوضني بيكي وكمل سعادتنا و بعتلنا هدية ورزق وكرمنا عوضه حلو أوي
*________________________*
فرح كانت قاعدة مع مامتها....
_ كويس معاكي ..وأمه؟!
فرح : أوي يا ماما وطيب وحنين وأمه طيبة أنا مش فاهمة كان ايه سبب رفضي ليه ! انا بقيت بحبه أوي يا ماما انا مش متخيلة حياتي دلوقتي من غيره
_السر يابنتي في الرضا وعدم الرضا ربنا بيقول في الحديث القدسي الشريف
(يا ابن آدم: خلقتك للعبادة فلا تلعب، وقسمت لك رزقك فلا تتعب، فإن أنت رضيت بما قسمته لك أرحت قلبك وبدنك، وكنت عندي محموداً، وإن لم ترض بما قسمته لك فوعزتي وجلالي لأسلطن عليك الدنيا، تركض فيها ركض الوحوش في البرية ثم لا يكون لك منها إلا ما قسمته لك وكنت عندي مذموما)
🌹 🌹🌹🌹🌹🌹🌹🌹🌹🌹🌹🌹🌹🌹💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم
الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار
بكل جديد من اللينك الظاهر امامك
🌹🌹🌹🌹 🌹🌹🌹🌹🌹🌹🌹🌹🌹
تمت بحمد الله
لقراءة باقي الفصول من هنا