رواية احببت متمرده الفصل الحادي عشر11والثاني عشر12بقلم احمد عمار
وفجأه ملاك بتحضنه وهوا مصدوم بس حاسس انه مش عاوز يبعد بس فضل لحد مانامت خالص وبعد عنها ببطئ
واخد الجاكيت الي كان اتملئ بريحتها وغطاها وطلع من الغرفه وقفل الباب
تحت في الصالون
نزل رعد وهوا حاطط ايد في جيبه والتانيه ماسكه الجاكيت ورا ضهره وعلي ملامحه البرود
محمود:هوا ايه الي حصل يارعد
رعد ببرود:قابلتها في طريقي فجبتها هنا لاني معرفش مكان بيتها
يونس بضيق:وانت اتجوزتها بجد علي كدا
رعد بحده:شيء ميخصكش دا شغلي
يونس بغضب:يعني ايه ميخصنيش دي بنت عمي وامرها يخصني
رعد بعدم وعي:ودي بقت مراتي وامرها يشغلني انا وبسس عن اذنكم
وخرج رعد بغضب والجميع مصدوم
@@@@@@@@@@@@@@@@@@@@@@
في قصر الدمنهوري
بيدخل رعد والجميع كان متجمع في الصالون حتي حسام
رعد:سلام عليكم
الجميع:وعليكم السلام
وكان متجه للسلم بس وقف لما سمع صوت زغرايط عالي ملي القصر وكان من جميله ومرفت
رعد بستغراب:بتزعرطو لييه
جميله بإبتسامه:الف الف مبروك ياقلب امك مش تقولي انك اتجوزت
رعد قبض ايده بغضب جحيمي وبص لزياد وحسام الي اترعبو ويارا كانت هتموت من غيظها
رعد بحده:دا شيء مؤقت يا امي لحد ماخلص المهمه مش دايما
جميله بفرحه:مش مهم المهم اني اشوفك متجوز وخلاص وكدا كدا بكرا جايلنا مرات ابني وعيلتها
يارا بغل:وكمان عزمتوهم ايه دا
سالم:انا عازم قاسم من قبل الجواز
رعد بغضب:ياجماعه ولاكأن حصل حاجه تمام هيا زميلتي في الشغل وبس مش مراتي دا علي الورق بس
مروان بمرح:بس ايه البت فرسه الصراحه يارعد
رعد بغضب وصوت جوهري هز القصر:مروااان الزم حدك دي بقت مراتي وعلي اسمي وانا مسمحلكش تتكلم كدا انا اه متجوزها للشغل بس بردو اسمها اتكتب جمبي
مروان بخوف:خلاص والله ماكنت أقصد اسف
ميرفت:متزعلش نفسك المهم ان البت زي القمر مبروك يا حبيبي
رعد غمض عينه بغضب:انا متجوز عشان شغلي خلصنا .... بص بزياد وحسام بتوعد وخافو. والي قالكو انا هعلمه الأدب..... وطلع لفوق
......... في غرفه رعد
كان دخل واخد شاور وطلع لابس بنطلون ميلتون اسود وعاري الصدر واتجه للسرير وكان لسا هينام بس لمح الجاكيت فقرب وجابه وبدون وعي شم ريحته وكانت ريحه ملاك وتلذذ بريحتها الي جذابه جدا بس بعدين استوعب ورما الجاكيت علي الكنبه ونام وهوا بيفكر فيها
رعد بضيق:انا بفكر فيها ليه انا اصلا مش بطيقها ايه دا
وحط المخده. علي وشه بتذمر ونام من كتر التفكير
@@@@@@@@@@@@@@@@@@@@@@
في الصباح
صحيت ملاك وكانت دماغها مصدعه جامد وبصت حواليها
ملاك بضيق:انا فيين مش دي اوضتي القديمه انا ايه الي جابني هنا
ونزلت من علي السرير بغضب ودخلت الحمام وغسلت وشها وبصت علي ركن. في الحمام وبعدين اتوترت وقلبها اتقبض ومكنتش عارفه تاخد نفسها خالص
ملاك بتوتر ورعب :اهدي اهدي الي فات مات انتي دلوقتي كبيره ااه انتي ظابط اجمدي كدا يا ملاك
واتجهت للخارج ولبست الكوتش بتاعها ونزلت لتحت بغضب وتوتر
........ تحت علي السفره
قاسم:هيا لسا نايمه
نيره:انا دخلتلها بليل وكانت نايمه بس ياقلب امها عينها كانت بتدمع لوحدها
نرمين بقسوه:تلاقيها كانت بتتمسكن بس
محمود بضيق:نرمين كفايه بقا
يونس:مرات عمي انتي. متعرفيش حاجه عن بنتك اصلا فسكتي لو سمحتي
حسين:خلصنا ياجماعه افطرو كدا وسمو الله
ملاك نزلت بغضب
قاسم:صباح الخير ياملاك
ملاك بضيق وحده:فين مفاتيح عربيتي وانا دخلت السجن دا ازاي تاني
قاسم بدهشه:سجن؟!
ملاك بسخريه:معلش قصدي قصر النجار الي الولاد العاقيين بولديهم مينفعش يعيشو فيه
محمود حط وشه في الارض ونرمين بصتلها بكره
نرمين بكره:كويس انك عارفه
قاسم بحده:نرميين دا قصري وانا الي احكم مش انتي
نرمين بخوف:اسفه ياعمي... وسكتت بخوف
قاسم بهدوء:تعالي افطري ياملاك
ملاك بضيق:مش عاوزه اطفح بس عاوزه اعرف انا جيت هنا ازاي وفين عربيتي
اياد:عربيتك برا والمفاتيح فيها والي جابك امبارح جوزك
ملاك بذهول:جوزي؟!
يونس بضيق:ااه جوزك مش تقولي انك اتجوزتي رعد الدمنهوري
ملاك بقرف وغضب:انت تخرس خالص مين عطاك الحق تتكلم معايا اصلا يا واد انت مين اصلا غير مجرد ابن عمي وانا لو علي رعد فهعرف شغلي معاه
يونس:ملاك انتي متتكلميش معايا كدا انا اكبر منك واعرف مصلحتك يا صاحبي
ملاك بغضب وتحدي:متنطقش صاحبي دي تاني فاهم انت مجرد واحد غريب وانتهت بينا ياابن النجار ولو انت كبير ف انا اكبر منك بلعقل انت عيل عبيط النسوان بتضحك عليه وتاخد منه قرشين وتديله علي قفاه انما انا الي هربي كل واحد فكر يجي عليا حتي انت يايونس هوريك الي عمرك ماشوفته بس اصبر عليا يا ابن النجار يادلوع امك
يونس بغضب:ملاك احترمي نفسك يظهر اني سكتلك كتير لحد مافكرتيني الملطشه بتاعتك
ملاك بسخريه وقرف:انا بجد كنت ازاي فاكراك صاحبي واخويا بقا انا اقول عليك طيب ومش زيهم تعمل فيا زيهم تب ليه ياطيب بس ياخساره يا يونس ياخساره انا ماشيه
قاسم:تب اعملي حسابك في عزومه النهارده
ملاك بسخريه:مش فاضيه ياقاسم بيه عندي اشغال وعندي مواعيد انا مش فاضيه للتفهات دي ياجدي العزيز
قاسم حط وشه في الارض بإحراج:تب هتيجي
ملاك بدموع مكتومه وحده:لاء مش هاجي انا راحه اعيش مع نفسي زي ما طول عمري عايشه مع نفسي وحسبي الله ونعم الوكيل سلام يا اهل مايا......... وخرجت من القصر كله بغضب وقهر
نرمين بحده:عيله مهزءه انا غلطت لما ولدتها دي بنت قذره.... وقامت طلعت غرفتها
وندي كانت شايفه كل حاجه وصعبت عليها ملاك بس استغربتها اوي واتنهدت وراحت المطبخ
@@@@@@@@@@@@@@@@@@@@@@
في قصر الدمنهوري وتحديدا وقت وصول عائله النجار
سالم بإبتسامه:اهلا اهلا ياقاسم نورتنا
قاسم بإبتسامه:بنورك يا صاحبي
وسلمو الجميع علي بعض ودخلو قعدو في الصالون كلهم
سالم بستغراب:اومال فين العنيده بتعتنا ياسيدي
قاسم :تقصد ملاك
سالم بضحك:هيا في غيرها
قاسم بتوتر:عندها شغل وهتخلصو وممكن تيجي وممكن لاء
إبراهيم بضحك:دا احنا بقينا نسايب بقا
حسين:دا شرف لينا..
جميله بزعل:ياخساره كان نفسي اشوفها
نيره:ان شاء الله في فرصه تانيه
نزل رعد وهوا حاطط ايده في جيبه ببرود
رعد:السلام عليكم
الجميع:وعليكم السلام
رعد بدون وعي كان بيدور عليها بعينه وملقهاش فحس بنغزه في قلبه
ريم بهمس:زعلان عشان مجتش مش كدا
رعد بصلها بتوتر وضيق وبهمس:لاء عادي ولا يشغلني انا مالي ماتيجي ولا تولع
ريم بصتله بشك لان نظرته مبينه لهفته وقررت تسكت وحسام عينه منزلتش من عليها وهيا بتخبي عيونها منه
@@@@@@@@@@@@@@@@@@@@@@
عند ملاك
كانت حالتها لا حول ولا قوه وكانت نايمه علي السرير وتعبانه واخدت كميه ادويه اكتئاب كبيره ولسا منامتش
ملاك بكسره:يارب انا تعبت يارب ليه كلهم بيتجمعو وبيحبو بعض انا ليه محدش بيحبني كل حاجه في حياتي وحشه بس انا هصبر يارب ومستنياك تجبرني يارب
وفجأة حست بدوخه وانها عاوزه ترجع بس قامت غسلت وشها وفضلت زي ماهيا حاسه بالوحده والخوف
وطلعت بره شغلت الشاشه ونامت علي الكنبه وفضلت تتفرج وهيا حاسه بوحده رهيبه
@@@@@@@@@@@@@@@@@@@@@@
في قصر الدمنهوري
كان الجميع متجمع علي الغدا حتي رعد الي كان حاسس بضيق ومتكلمش مع اي حد من العيله خالص
سالم:بس شكلها ملاك مش هتيجي ياقاسم
قاسم:ملاك انا مبتعلقش بيها لانها علطول ممكن تقولك هاجي وتخلف كلامها في ثانيه
سالم:ربنا يهديها بس شغل ايه دا الي عندها
يارا بسرعه وغل:اكيد الشكل وضرب الناس
قاسم:قولتي ايه تقصدي ايه بكلامك دا
يارا بخبث:انتو متعرفوش انها ضربت واحد قبل كدا شكله غني وكان معاه حرس وضربته بل بوكس مرتيين في المطعم وهوا متكلمش وكان اسمه عاصم السعدني
العيله اتصدمت لما سمعت اسمه ورعد اتعصب لانه سمع الاسم دا من ملاك
يونس بذهول:وضربته؟
يارا:ااه!
نرمين بتذمر وشماته: مش قولتلكم دي بنت عاقه وبتاعت مشاكل محدش صدقني مايا كانت برقبتها
رعد بغضب:ما خلصنا بقا ياست انتي اشحاله انتي امها هوا ايه دا البنت معملتش حاجه مش ممكن يكون عاكسها قال حاجه ضايقتها
جميله بصرامه:رعد
رعد سكت بغضب وحده:امي انتي عارفه اني محبش اشوف الغلط واسكت
جميله:ملناش دعوه... رعد بصلهم بقرف وقام وطلع برا القصر كله..
إبراهيم بإحراج:انا بعتذر ياجماعه
قاسم:ولا يهمك يا ابني رعد مغلطتش في حاجه
@@@@@@@@@@@@@@@@@@@@@@
عند ملاك
كان عدي وقت كبير وهيا قاعده ومقامتش من مكانها بس قامت علي جرس الباب
ملاك قامت بتعب وراحت تفتح ودهشت لما لقته رعد
....
ملاك بهدوء:نعم
رعد اتصدم من وجهها الشاحب وعيونها الباهتيين وهدوئها الرهيب
رعد بضيق:انتي كويسه
ملاك بهدوء:ااه الحمد لله في حاجه
رعد بتوتر:انتي متأكده انك كويسه
ملاك بهدوءاكبر:انا تمام ياحضرت الظابط
رعد بضيق:هوا بجد انتي مالك حاسك فيكي حاجه وكمان لقيت حاجه تخصك معايا
ملاك مدتله ايدها ببرود وهدوء:هات الي معاك حضرتك
رعد طلعلها علبه الدواء وهيا بصتلها ببرود وابتسمت
ملاك بهدوء:هاتها وانا بقول مش عارفه انام
رعد بتوتر:ممكن ميه يا ياحضرت الظابط
ملاك:مع اني مش عارفه انت جيت ليه وعرفت بيتي ازاي وليه بس حاضر اتفضل لحد ما اجيب الميه... ودخلت
رعد اتصدم من هدوءها الي كان مرعب وانها بتسمع الكلام من غير شكل بس اتنهد ودخل وقعد علي الكنبه ولاقا علي التربيزه كميه ادويه مش طبيعيه ومسكهم لاقهم كلهم لإكتئاب
رجعت ملاك وهيا جيباله ميه
ملاك بهدوء:اتفضل ممكن تديني العلبه بقا
رعد اخد منها الكوبايه وشرب وبعد كدا مدلها العلبه وهيا مسكتها و بصتلها وابتسمت بحزن وقعدت علي الكنبه وفتحتها ومسكت حبيتين وباقي كوبايه الميه الي كانت مع رعد ولسا هتحطه في بوقها رعد مسك ايدها
رعد بضيق:استني
ملاك:اشمعنا
رعد بقلق:متخديش البتاع دا حرام عليكي صحتك
ملاك برفعه حاجب:وانت بقا خايف علي صحتي
رعد بتوتر:لاء مش عليكي يعني لازم صحتك تبقا كويسه عشان المهمه احنا مسافريين بكرا
ملاك بسخريه وزعل:متقلقش انا هاخده وهنام بس مش هموت هه او اموت هيكون احسن
رعد بضيق:ايه كميه الادويه دي لإكتئاب ليه كدا
ملاك بتوتر:وانت مالك اتفضل مش شربت الميه يلا قوم روح مش جبت الي حاجه الي كانت تخصني خلصنا بقا
رعد بصلها بنظره غريبه وهيا مفهميتش دي شفقه ولا كره ولا استحقار ولا خوف ومتكلمتش
وبعدين قام وقف واتجه للباب وفتحه وبصلها وهيا كانت بتبصله وبتقوله بعينها
ملاك في نفسها:متمشيش انا لوحدي ارجوك انا خايفه استني متسبنيش لوحدي استني يارعد ارجوك
رعد فضل باصص ومكنش عاوز يمشي وهيا لما لقته بيبصلها لفت وشها النحيه التانيه ونزلت دمعتها بحزن واحساس بالوحده رهيب وفجأة الباب اتقفل وعرفت انه مشي وضمت رجليها لصدرها وحطت ايديها وفضلت تعيط بحرقه وخوف من الوحده
رعد بذهول:بتعيطي ليه دلوقتي
ملاك بصتله بدهشه وفرحه انه لسا موجود بس مبينتش
ملاك بضيق مزيف:انت لسا بتعمل ايه هنا
رعد حس انه حاسس نحيتها بحزن رهيب وخاف يمشي ويسيبها وقرب منها وقعد جمبها ومسح دموعها بإبهامه وهيا اتأثرت جدا
رعد بغرور:اصلي مش همشي من هنا
ملاك بستغراب:اشمعنا
رعد بخبث:مش انتي مراتي ودي شقتك ف انا هقعد معاكي هنا وبعدين نمشي سوا علي المهمه وبس
ملاك من جواها فرحت انها مش هتفضل لوحدها بس بينت العكس
ملاك بضيق:اتفضل اطلع وروح بيتكم هيا مش ناقصاك
رعد بدون وعي منه كتم بقها بإيده وسرح في عيونها الي حتي وهما باهتين بس الدموع زادتهم جمال ولمعت فيهم
رعد بهدوء:انا هكلمك لاول مره بهدوء اسمعي بقا انا لا بطيقك ولا انتي بتطقيني والقلوب عند بعضها وانا مش عارف ايه الي جابني هنا يمكن عشان اتدرب اننا هنفضل مع بعض كتير ويمكن عشان كنت حاسس انك محتاجه حد الله اعلم بس اعتبري النهارده اخر يوم هنا وهنعيشه سوا كتدريب قولتي ايه
ملاك بهدوء:ماشي
رعد حط ايده علي جبهتها وهيا عقدت حاجبيها بستغراب
رعد بذهول:بت انتي هوا انتي سخنه النهارده
ملاك بهدوء:لاء عادي اعتبر البيت بيتك يا عم وابعد عني انا هنام
رعد بضيق:تنامي قومي نشوف حاجه ناكلها في البيت دا
ملاك بسرعه:بلاش حكايه الأكل دي معلش
رعد بصلها بستغراب وقام اتجه للمطبخ وفتح التلاجه ملقاش فيها ايه حاجه والمطبخ كانه مهجور وطلع عندها
رعد بسخريه:دا مفيش حتي رز اومال بتاكلي ايه
ملاك بإحراج:عادي بقالي اربع سنين باكل من برا
رعد بذهول:اربع سنين من برا
ملاك:ااه عادي اصلي معنديش حد يطبخلي وانا مبعرفش اطبخ
رعد بتذمر:عن اذنك انا ماشي خليكي عايشه هنا لوحدك
ملاك بخجل من الموقف:مع السلامة
رعد اتجه للباب وفتحه ونزل وقفل الباب وهيا اتضايقت بس متكلمتش
@@@@@@@@@@@@@@@@@@@@@@
في قصر الدمنهوري
وتحديدا في غرفه ريم
كانت قاعده لوحدها بس عقلها مشغول وبتشرب عصير
ريم بتفكير:تب اعمل ايه انا لو رعد اخويا عرف حاجه زي دي ممكن يقتلني
قطع تفكيرها خبط الباب
ريم:ادخل
دخل حسام وكان باين عليه الضيق والغضب
ريم بحزن:نعم ياحسام
حسام بغضب:انتي الي نعم عاوزه مني ايه اكتر من الي عملتيه
ريم:انا عملت ايه
رمي حسام في وشها صور كتير ومسكت واحده منهم واتصدمت لانها كانت صورها وهيا بملابس داخليه وصور مش كويسه
ريم بدموع:حسام انت جبت دول منين
حسام بسخريه وحزن:حبيب القلب بتاعك باعتهوملك وباعتلك رساله حب علي القصر هنا واحمدي ربنا اني انا الي كنت برا بتكلم في الموبايل لان لو كان رعد كان قتلك
ريم قربت منه وبصتله بكسره وفجأه اترمت في حضنه وعيطت جامد وحسام كان مبسوط بقربها لانها اول مره بس مش طايقها بسبب الي حصل وسابها تعيط وهوا هيموت ويرفع ايده بس كرامته منعته
حسام ببرود:خلصتي قوليلي بقا مين الي صورك الصور دي
ريم بحزن:انا هحيلك كل حاجه والله انا مليش علاقه بصور دي وكمان دا مش جسمي انا كان ليا في الجامعه واحده صاحبتي اوي وكانت بتحب ولد وهوا رسم عليها الحب وبعدين صورها صور مش كويسه معاه وهدادها بيهم وجت حكتلي ف انا بطيبه قلب مني رحت اتكلم معاه عشان اهدده يبعد عنها بس اكتشفت ان صاحبتي كانت اخده صوري من موبايلي وهوا فبرك عليهم وعطالها نسخه من صورها كانها الاصليه لانه كان عاوزني انا من الاساس وبعدها بقاله 6شهور بيهددني وانا خفت احكي لحد ميصدقنيش وهوا فعلا قايلي انه هيفاجئني وعاوز نص مليون جنيه ويديني الصور
حسام بغضب وذهول:كل دا ومتكلمتيش لييه ياريم لييه
ريم بعد تصديق:حسام انت مصدقني
حسام بغضب:طبعا مصدقك بس فين مكان الواد دا ياريم
ريم بصدق:والله ما اعرف بس هوا قالي هاتي الفلوس وتعالي شقتي
حسام بتفكير:تمام ياريم اعتبريه حصل وسيبيها عليا اديني رقمه
جريت ريم علي موبايلها وعطيته الرقم وهوا بيفكر انه هيشرب من دم*ه
@@@@@@@@@@@@@@@@@@@@@@
عند ملاك
كانت قاعده لسا مكانها بحزن وضيق وبتمسك علبه الدوا الي بتنيمها بس بترميها علي الارض
ملاك بقرف:كفايه لحد كدا انا تعبت من الحزن والهم كفايه بقا اني اتعب في صحتي
ونامت علي الكنبه بحزن وتعب بس الباب خبط
ملاك بضيق:استغفر الله العظيم
وقامت فتحت واتصدمت لما لقت رعد وفي ايده اكياس كتيير
ملاك انت ممشيتش لييه وايه الي رجعك
رعد زقها ببرود ودخل وهيا لسا مصدومه وهوا راح المطبخ وهيا قفلت الباب وراحت وراه
ولقت رعد جايب حاجات كتير جدا ورز واكل كتيير
ملاك بضيق:ليه الحاجات دي وبعدين مش مسموحلك تتدخل في حياتي
رعد ببرود:بقولك ايه انا جعان وملقتش عندك حاجه فنزلت جبت خلصنا
ملاك بغضب:انت ليه محسسني اني مليش لازمه ومش معايا اكل انا بس الي معنديش ام تعلمني اطبخ فباكل من برا وخلاص
رعد بهدوء:تمام هتقفي تعملي معايا عشان معرفش مكان الحاجه
ملاك بذهول:ايه دور الحنيه الي نزل عليك فجأة دا
رعد بعدم اهتمام:يعني بتعود اني هشوفك في خلقتي فتره شغل يعني
ملاك:تمام اتفضل الحاجه عندك اهي
رعد قلع التيشرت وكان لابس فلنه بيضه بحملات وملاك اتصدمت وحطت ايدها علي وشها
ملاك:ايه يا متخلف انت دا
رعد بضيق: لمي لسانك لامؤخذه مبعرفش اشتغل وانا حاسس اني مضايق
وبدأ يعمل في الاكل وهيا بتحاول تساعد ومش عارفه بس قعدت علي الكرسي المقابل للرخامه وركنت عليها ونامت
رعد:بقولك ايه فين الفلفل الأسود انتي اتطرشتي
فلف ولاقها نامت على نفسها فقرب منها وكانت نايمه ووجهها شاحب بس كانت جميله وملامحها طفوليه اوي
رعد في نفسه:انا مش عارف مالي بس انتي صعبتي عليا ااه الي بعمله دا شفقه مش اكتر عليكي وتدريب وخلاص انا أصلا مش بطيقك وهوريكي بس اصبري هربيكي يابنت النجار يمكن وشك زي الملاك بس انتي شيطانه اكييد
وقرب شالها ودخل بيها الاوضه وحطها علي السرير وغطاها وطلع يكمل الاكل وهوا بيفكر في الي جاي
@@@@@@@@@@@@@@@@@@@@@@
استوووب
اظن احسن من كدا مشفتوش بقو قريبين اوي اهو بس صدقوني الجاي صدمات فهاتو منديل كم جمبكم واجهزو للجاي انتظروني
وشكرا لتعاليقتكم العسوله 💜... يتبع
تفاعل حبايبي شجعوني اكمل الرواية ومتنسوش تدعموا الصفحة ب لايك و10 تعليقات عشان نكمل نشر
الحلقة_12
احببت_متمرده part12
بعد مده بيخلص رعد الاكل وبيكون عمل مكرونه بشاميل بلفراخ وبانيه وكفته في الفرن وسلطه وطحينه وجهز السفره
ودخل الغرفه يصحي ملاك
رعد بضيق من نفسه:انا ايه الي جابني هنا وانا بعمل ايه اصلا
..........
رعد بتوتر:احم ملاك. ملاك
ملاك بنوم:امممم
رعد بضيق:يلا عشان نطفح
ملاك:روح اطفح انا مش طافحه
رعد بغضب:ما يلا ياست ملاك هيا مش ناقصه
ملاك قعدت علي السرير بزهق وقامت دخلت الحمام وهوا طلع قعد علي السفره يستناها
خرجت ملاك بعد ماغسلت وشها وفاقت واتصدمت من شكل الاكل الي كان تحفه هوا والريحه
ملاك في نفسها:الله انا مشوفتش الاكل دا من زمان
وقعدت وبدأت تاكل والاكل عجبها جدا ورعد كان بيبصلها ومتابع نظرات الاعجاب
ملاك بعفويه:تسلم ايدك بجد انت اكلك جميل اوي ... استوعبت واتحرجت
رعد بغرور:دا كدا كدا
ملاك بصتله ومهتمتش وكملت اكل وهوا اكل هوا كمان
بعد مده بيخلصو اكل
ملاك بشبع: الحمدلله انا مأكلتش كدا من زمان بجد انا متشكره ليك مع اني مش بطيقك بس اكلك حلو
رعد بضيق:شكرا ياستي عن اذنك انا بقا هقوم اروح
ملاك بحزن:اتفضل ياحضرت الظابط
رعد بصلها شويه ولبس التيشرت وخرج بالفعل وهيا بصت علي اثره بحزن وقامت قعدت مكان ما رعد كان قاعد ومسكت معلقته وبدأت تكمل طبقه وهيا بتعيط بحرقه علي حالها...
بس الباب خبط تاني وووو.........
@@@@@@@@@@@@@@@@@@@@@@
في قصر الدمنهوري
كانو العيلتين كلهم قاعدين في الصالون بيتكلمو ويضحكو
سالم بإبتسامه:والله ياجماعه انتو نورتونا
قاسم:بنورك ياسالم والله انتو الي قعدتكم مايتشبعش منها
جميله:هيا ملاك مش جايه ولا ايه
نيره:صدقيني مش هتيجي
فجأه دخل رعد
رعد:سلام عليكم
الجميع:عليكم السلام
حسين:ايه يارعد مش عاوز تقعد معانا ولا ايه
رعد:لاء الموضوع مش كدا بس كان عندي مشوار
ميرفت:اكيد عشان عروسته مجتش معاكم
ملاك من وراهم:ومين قال اني مجتش
الجميع بصلها بدهشه معادا رعد لانه هوا الي جابها أصلا
جميله جريت عليها:أخيراً شوفتك وانتي مرات ابني
رعد نفخ بضيق:يا امي شغل والله للشغل
جميله:مش مهم المهم انها مراتك وخلاص
ملاك بمرح:هوا عروسه والسلام وخلاص اي حاجه فيها الروح
جميله ضحكت:لاء يا حبيبتي مش القصد بس مكنتش اتوقع أنه يتجوز حتي لو شغل
سالم:تعالى يابنتي قربي دا انتي وحشانا اوي
ملاك قربت منه وقعدت جمبه ويارا بتبصلها بشر وكره
يارا بشر:علي فكره انا منستش تحذيري ليكي
ملاك :تحذير ايه حضرتك
يارا بغل:انتي هتستعبطي ما انتي رسمتي عليه خلاص واخدتيه مني
ملاك بغضب:رسمت علي مين ايه دا
علي:جرا ايه يا يارا
يارا:استني يابابا انتي بقا طلعتي مخططه لكل حاجه
ملاك بصتلها بغضب:يابنت الناس تلاشي غضبي
يارا بكره وغل: انتي واحده مش محترمه ومش متربيه وبتلفي علي الرجاله الاغنيه المره الي فاتت كان عاصم السعدني والمرادي رعد الدمنهوري انتي انسانه قذره
بس فجأه نزل علي وشها قلم وكان من رعد الي عيونه كانت حمرا والجميع اتصدم وملاك بصتله بدهشه
يارا:انت بتضربني عشان دي يارعد
رعد بغضب:اخرسي ما اسمهاش دي اسمها ملاك يبقا تحترمي نفسك ازاي عاوزه تغلطي في شرف مراتي واسكتلك انتي اتجننتي حتي لو جوازنا علي الورق وللشغل بس بردو اسمها اتحط جمب اسمي يعني كرامتها من كرامتي لحد ما اطلقها
يارا بغل:هتشوف يارعد انت ليا انا وبس فاهم ليا انا وبس وهاخدك ومش هسمح للبنت دي تاخدك مني
علي بغضب:يارا احترمي نفسك عشان مربكيش من الاول وجديد انتي ناقصه ربايه
يارا بصت لملاك بكره وملاك بصتلها بتحدي وطلعت فوق بغيظ
ملاك بضيق:انا بعتذر لحضرتكم عن الي حصل وبستأذن منكم اني لازم امشي
جميله:انتي لحقتي تقعدي
ملاك بتوتر:معلش لازم امشي عشان الحق اجهز شنطتي عشان بكرا سفر وكدا عن اذنك ياجدو
سالم:اذنك معاكي يابنتي
ملاك:سلام عليكم...... وخرجت من القصر بغضب ومكنش معاها عربيتها لانها جايه مع رعد
وفضلت تتمشي في الهوا وحست انها مرتاحه بس استغربت اوي ازاي مش بيطقها وطبخلها لاء وكمان دافع عنها وفضلت تفكر كتير لحد خرجها من تفكير العربيه الي بتزمر وراها وكان رعد
ملاك بصتله بدهشه انه كمان راحه وراها
رعد ببرود:هتفضلي متسمره كدا اركبي اوصلك
ملاك:لاء مش عاوزه انا حابه اتمشي
رعد بحده:قولتلك اركبي والي هركبك غصب
ملاك بصتله بضيق وركبت ورا
رعد برفعه حاجب:انا مش سواق الهانم والله اتفضلي اقعدي قدام
ملاك نزلت ونفخت بضيق وركبت قدام وهوا اتحرك
.....
ملاك بضيق:لو سمحت وصلني عند البحر مش عاوزه اروح
رعد مردش عليها واتجه عند البحر فعلا
ملاك بإستفزاز:شيفاك يعني جبت عربيه جديده بس ليه جبتها نسخه من القديمه
رعد بخبث:اوعي تكوني فاكره اني نسيت حقي والله لهربيكي بس اصبري عليا
ملاك بغضب:تربي مين يا اسمك ايه انت هيا نقصاك هوا انا عشان هاديه النهارده تعملي فيها ولي امري
رعد:ايوا كدا اظهري علي حقيقتك انا قولت الوش البرئ الهادي دا ميكلش معاكي انما البلطجيه ام لسان طويل دي انتي ياحضرت الظابط
ملاك بصتله بغضب:انت عيل بارد نزلني جتك القرف نزلني حالا
فرمل رعد فجأه وملاك اتخبطت في الطبلون وهوا اتخض عليها بس مبينش
ملاك بوجع:اااه راسي يامتخلف
رعد بضيق:وريني كدا...... كانت بتحاول تشيل ايده بس هوا بعدها ومسك دماغها وكانت اتجرحت بسيط بس بتوجعها
ملاك بعند:ابعد عني
رعد برفعه حاجب وبرود:اصلي هموت عليكي يابت يلا انزلي
ملاك بغيظ:نزله ومش عاوزه اشوف وشك تاني
ونزلت فعلا ومشيت قدامه وهوا نفخ بضيق واتحرك بسرعه وهيا راحت قعدت علي احد المقاعد وبتدور علي تليفونها مش لاقيه
ملاك بغضب:غبيه انا غبيه ازاي نسيت موبايلي معاه وكمان هوصله ازاي اوووف بقا انا زهقت
......... عند رعد كان ماشي بس وقف رنه الموبايل وبص علي موبيله لقاه مش بيرن فبص علي الارض لانه وقع لما هوا فرمل العربيه ولاقا موبايل ملاك بيرن بإسم عاصم فإتعصب ميعرفش لييه وفتح المكالمه بس ما اتكلمش
عاصم:ملاك ارجوكي اسمعيني ملاك انا عاوز اقابلك انهارده ضروري وهحكيلك علي كل حاجه ارجوكي ياملاك تعالي بس لو 10دقايق ملاك انا بحبك والله انتي ليه مش عاوزه تسامحيني دا انا عاصم ياملاك والله بحبك بس
رعد قبض ايده بغضب جنوني وغيره مش عارف سببها وقفل في وشه المكالمه
رعد بغضب جحيمي:بتحبها ااه والله لهوريكي..... ولف بسرعه جنونيه متجه ليها
........ عند ملاك كانت قاعده بتلعب مع شويه قطط وكانت شبه الاطفال
ملاك بطفوله:انتي جميله اوي ياخلثي.... وفضلت تلعب معاهم وهيا فرحانه
رعد وصل واتصدم لما لاقها بتلعب مع القطط لاء وكمان بتأكلهم وفضل يتفرج عليها بس افتكر عاصم واتعصب
رعد بصوت جوهري:ياحضرت الظابط
ملاك انتفضت من مكانها وبصتله بغضب:ايه في ايه
رعد مدلها تلفونها بغضب وهيا اخدته بس رن تاني في ايدها وكان عاصم
ملاك ردت و عطتله ضهرها ورعد اتصدم انها مبعدتش وهتتكلم قدامه
عاصم:ملاك
ملاك ببرود:ارغي
عاصم:ارجوكي تعالي قبليني ياملاك انا محتاجك اوي
ملاك بكره:بقولك ايه يالا انت عيل ملكش لازمه فغور من وشي عشان وربي ياعاصم انا لو شوفت وشك لهنهيك وهقتلك قبل مااذلك غور يالا هيا مش نقصاك
عاصم بغضب:مش انا حبيبيك مش كنتي بتحبيني انا
ملاك بسخريه:هههههه تصدق ضحكتني كنت عيله هبله وانت استغلتني بس لاء انا مش هسيبك غير لما انهيك ياعاصم.
عاصم بندم:ارجوكي ارجعيلي انا مش قادر تب حتي قبليني 10دقايق ياملاك والله مظلوم وعارف اني غلط
ملاك بغضب وتوعد:اقفل بي جهز نفسك عشان اللعبه بدأت يا ابن السعدني وحيات كل دمعه نزلت من عيني وكل وقت كرهت فيه نفسي لهدوقك نفس الكأس ياعاصم
عاصم:افهميني بقا ارجوكي
ملاك بخبث:تيك تك تيك تك 1.2.3 بممم
عاصم بدهشه:في ايه ياملاك بتعدي ليه
ملاك بسخريه:دي قرصه ودن بس ياابن السعدني
وقفلت في وشه ولفت لرعد
ملاك بذهول:انت لسا واقف ليه معلش
رعد بضيق:مفيش انا ماشي
ملاك:استني تعالي وصلني مكان لو سمحت
رعد بغضب:هتروحي تقبليه
ملاك ببرود:اقابل مين وبتاع مين تعالي وصلني ياعم
وراحت ركبت العربيه وهوا راح وراها ودور ومشي
@@@@@@@@@@@@@@@@@@@@@@
عند عاصم
كان في مكتبه ورزع الموبايل في الارض بغضب
عاصم بجنون:انتي ليا وب اي شكل من الاشكال هرجعك
دخل عليه مساعده
رجب بتوتر:الحق ياباشا
عاصم بخوف:في ايه انطق
رجب بتوتر أكبر:المخزن الصحراوي الي فيه الشحنه الجديده اتف"جر بالبضاعه كلها وبقا كومه تراب
عاصم بدهشه:اايه اتف*جر ازااااي
رجب بخوف:منعرفش ياباشا الرجاله كلها ماتت والمخزن انف"جر مره وحده ومحدش عرف يهرب حتي
عاصم بتوعد وجنون:ملااااااااااك
رجب بذهول:ملاك النجار الي عملتها
عاصم بغضب وجنون:خسرتني ملايييين هيا ملاك النجار
رجب برعب:دي اخر مره جت البار قلبتها مشرحه دي مبترحمش
عاصم:اجري شوفلي حل بسرعه وانا هتعامل معاها
رجب:حل ايه معتش حلول خلاص بقولك البضاعه بقت تراب
عاصم بجنون:عرفت ازاي مكان المخزن ملااااااااااك
@@@@@@@@@@@@@@@@@@@@@@
عند ملاك
رعد:راحا فين
ملاك:اطلع وانا هقولك الطريق
وبالفعل رعد مشي وملاك وصفتله الطريق
ملاك:استني بس هنا في حد هيجيب حاجه
وقف رعد بغضب:هوا انا شغال عندك روح هنا وتعالي هنا
ملاك:ياعم مش مشكله هتوصلني بس وتمشي
قاطع كلامهم شاب جاي وفي ايده شنط كتير جدا
الشاب:ملاك هانم نورتينا
ملاك بإبتسامه:بنورك لو سمحت حطهم في الكرسي الي ورا
الشاب:تحت امرك يا هانم
حط الشاب الحاجه وملاك طلعت 200جنيه وادتهمله
الشاب بفرحه:بس دا كتير اوي ياهانم
ملاك بطيبه:خدهم بس ياعم ومع السلامه
الشاب:الله يديكي الخير دايما
ملاك:اطلع حضرتك اتفضل
رعد نفخ بضيق وزهق وطلع زي ماوصفتله لحد ما وصل قدام مبني كبير وملاك نزلت
ملاك:ياعم سعيد
سعيد بفرحه:اهلا اهلا ياملاك هانم نورتينا عاش من شافك
ملاك بإبتسامه:بنورك ياعم سعيد معلش بس شيل معايا الشنط دي لحد جوا الله يكرمك
سعيد:من عيوني ياهانم..... وقرب وشال الشنط وساب شنتطين
ملاك:سيبهم انا هجيبهم...... واخدتهم وبصت لرعد
ملاك:انا متشكره يا حضره الظابط انت تعبت معايا اوي النهارده ممكن تمشي انت عن اذنك..... وسابته ودخلت وهوا كان عاوز يعرف هيا راحا فين فركن العربيه ونزل وراها وهوا مفكرا هتقابل عاصم
واتقدم شويه ودخل لحد جوا ومأخدش باله من اليافطه واتصدم من الي شافه قدامه
............ في الداخل
دخلت ملاك وهيا شايله شنتطين ودخلت جوا قابلتها بنت صغيره بالحضن
البنت:ملاكككككك
ملاك حطت الشنط بسرعه ونزلت بركبتها وفتحت دراعتها والبنت دخلت في حضنها
ملاك بإبتسامه:وحشتيني اوي لولو
ليله بزعل طفولي:لو كنت وحشتك صحيح مكنتيش غيبتي عني كل دا لولو زعلانه من ملاك
ملاك عقدت حبيها:يالهوي انا ملاك وحشه عشان زعلت القمر دا ياناس
ليله:انا مش هكلمك تاني...... وعطتها ضهرها وعقدت زرعيها وملاك مدت ايدها في شنطه من الشنط وطلعت باار شوكولاته كبير جدا وكان باين عليه فخم
ملاك :خلاص انا هاكل انا الباار الكبير الي طلبتيه
ليله لفتلها وعيونها لمعت بسعادة:دا ليا ياملاك
ملاك بحب:ااه يا قلب ملاك
ليله حضنتها تاني واخدت الشوكولاتة:بس متزعليش لولو حبيبتك تاني ياملاك ماشي
ملاك:تؤتؤ مش هيحصل ياقلبي قوليلي بقا فين العفاريت
فجأة جه عليها مجموعه اطفال كتير جدا وكلهم جريو عليها وحضنوها بحب
الأطفال بفرحه:ملاك اخيرا
ملاك بضحك:وحشتوني ياقرودي عامليين ايه
الأطفال في نفس واحد:احنا حلوين بس زعلانين من ملاك عشان مش جت لينا من زمان
ملاك:خلاص اوعدكم مش هتأخر تاني يلا تعالو شوفو ملاك جابتلكو ايه
سعيد حط الشنط:الشنط اهي ياست هانم
ملاك:خلاص ياعم سعيد روح انت وانا هراضيك وانا طالعه
سعيد طبيبه:ولاليه لازمه يابنتي انتي خيرك مغرقنا
ملاك بحب:دا خير ربنا
الأطفال:ايه دول ياملاك
ملاك:كل الشنط دي فيها لعبه لكل واحد وشوكولاته زي بتاعت لولو
الأطفال صرخت بفرحه وجريو علي الشنط وملاك كانت بتلعب وتهزر معاهم كانها طفله زيهم وكانت بتضحك من قلبها رعد شاف كدا من شباك زجاج برا واتأثر جدا انها بطيبه دي
سعيد من وراه:في حاجه يابيه
رعد بتوتر:لاء مافيش ياعم سعيد بس هيا الانسه ملاك بتعمل ايه ومين دول
سعيد بصلها بطيبه وحب:الست ملاك من احسن الناس الي شوفتها ودا دار لأيتام وهيا بتيجي كل اسبوع تيجبلهم هدايا وشوكولاته وتلعب معاهم زيها زيهم دي قلبها طيب اوي بس المرادي بقالها حوالي شهر ماجتش وهيا بتجبلهم كل حاجه لبس وهدايا وكل اسبوع بحاجه شكل دي حتي كل شهريين كانت بتاخدهم وتروح الملاهي بس من يوم ماليله تاهت وهيا عملتلهم ملاهي هنا بص يابيه
بص رعد علي يمينه ولاقا لعب كتير جدا كانها ملاهي فعلا
سعيد:حاجه تاني يابيه
رعد :لاء اتفضل انت..... وفجأه موبايله رن
رعد ببرود:نعممم
شريف بخبث:عامل ايه
رعد بغضب:مش طايق نفسي عشان سمعت صوت أمك
شريف:مقبوله منك ياصاحبي
رعد بكره:متقولش صاحبي خساره فيك الكلمه دي انت انسان وس*خ وحقير
شريف ضحك:معلش استحملني
رعد بنفاذ صبر:فين مها يا شريف
شريف بكره وحقد:مش هقلك مكانها انا اخدتها وهفضل اخد كل حاجه هتحبها
رعد بخبث:خلاص مش عاوز اعرف انا اصلا كدا كدا مش مستنضفكم بس خليك فاكر ان العلبه الصفيح بتاعت المرحومه معايا ياشيري يلا سلام
شريف بغضب وجنون:الووو رعد ارجوك رعدددد.... وقفل رعد الخط واتنهد بخنقه قويه وكان ماشي بس سمع صوت ضحك. الاطفال وملاك وابتسم غصب عنه وقرر يدخل يجرب الشعور دا
.......... في الداخل
كانت ملاك بتلعب معاهم في ملعب كور كبير جدا وفيه زحليقه بسلم يطلعو وينزلو في الكور وكانت الزحليقه الي بهوا دي
ليله بضحك:ملاك غرقت ياولاد
ملاك:عوووو انا العفريت...... كلهم جريو استخبو في الكور وبقو يضربوها بيهم وهيا بتردلهم الضرب وبتضحك جامد ومن قلبها هيا حقيقي كانت حاسه بوحده رهيبه بس الأطفال دول ملو الفراغ
رعد بإحراج:ممكن العب معاكم
ملاك:...........