رواية حظي الفصل الثالث عشر 13 والاخير بقلم سلوى اسماعيل
عزمونا ناس عمتو مشيتا وياربتنا مامشينا نكدو علينا عيشتنا بس
من جينا داخلين يسألو فيني عملتي لعامر شنو خليتيه يحبك كده !!
بتعرفي تطبخي ؟!
بتشتغلي شنو في بيتك ؟!
الكلام ده كله وعامر مع الرجال ..
اول ماعامر جاء
بدو يزنو ليه في راسه ..
وعاملين انهم بيزكرو في عامر خطوبته من بت عمتو وانها حلوة ومثقفه ..
قال ليهم ياجماعه عشان الكلام م يكتر انا خطبت بنتكم دي عشان انسى جود ولاني م قدرت انساها كلمتها عديل اني م اتخطبت حبي السابق وهي اتفهمت الوضع وقالت لي انا م بقدر اعيش في مكان مالي فيه وجود وخصوصا لما عرفت انو البنت البحبها انا م اتزوجت للان ..
هي عارفه انه طال الزمن وله قصر انا ح ارجع ليها
ف وقفنا بدري وبنتكم اتزوجت وانا اول زول دعما
وكذب ماحصل اتصلت ليها ولا مره عشان م تقولو
متواصل معاها ..
والان وزمان وبعدين في قلبي مافي غير موني ..
خليناهم وجينا الشقه لقيت امي منتظراني بي خبر انها ح تسافر امريكا وماناويه ترجع تاني لا السودان ولا السعوديه
وليان ح تمشي معاها بس لين ح تستقر مع زوجها ..
صدمني الخبر شديد بس ح اعمل شنو ده قرارا وهي حره
ودعتهم ومشو فارقين معاي اخواتي شديد ..
بس اعمل شنو ده قرارم وهم حرين ..
اخدت اسبوع وانا م كويسه لذلك قلت اجرب احلل للحمل وفعلا طلع ايجابي م لحقت اكلم عامر بي الفحص اتصلو لي من تلفونو وقالو انه عمل حادث ..
جريت ماواعيه لما وصلت المستشفى كنت برااي والدنيا ليل
اكلم منو زاتو ماعارفه الدكاتره قالو لي في نزيف في الراس
وادعي ليه في خلال ال 48 ساعه الجايين ..
ماتماهم عامر اتوفى من اول 12 ساعه
فارقني وانا ماقدرت حتى ابشرو بانه ح يكون احلى وافضل اب
انا من هول الصدمه وقعت من طولي صحيت والدكتوره قالت لي ربنا يعوضك ابنك يامدام لانه اجهضتي عقلي م قادر اتحمل واتصدمت تاني
الصدمات كترت علي وبقيت م قادره افهم انا مالي ساعات بغبي وساعات بعرف انا منو وكتيييير مابتزكر ولا شي او انا رافضه اتزكر ولا شي ..
طيب انتو بتعرفوني ؟!
انتي منو !!؟!!
وانا منووو ؟!؟!؟!
ان حظي ك دقيق فوق شوك نثروه
ثم قالو لحفاة يوم ريح اجمعوه
ف لما صعب الأمر عليهم قالو اتركوه
من اشقاه ربي كيف أنتم تسعدوه
من مزكرات احدى المرضى النفسيين 💔
تمت بحمد لله