رواية احببت متمرده الفصل الخامس عشر15والسادس عشر16بقلم احمد عمار
اياد بصدمه:يعني انتي بنت عم عاصم السعدني
ندي بحزن:ااه انا بنت مدحت السعدني
اياد في نفسه :ملاك لو عرفت ممكن تقتلها دا ليه مش ممكن يكون عاصم الي باعتها تتجسس لاء يا اياد شكلها غلبانه اوووف بقا
ندي:انت رحت فين يا اياد بيه
اياد:مرحتش في حته انا موجود اهو قوليلي بقا ازاي انتي من عيله السعدني وبتشتغلي خدامه هنا دا يعني انتو اغنيا
ندى بحزن وضيق:لاء دي حكايه طويله اوي يابيه
اياد بفضول:حابب اسمعها
ندي بتوتر:ممكن بعدين عشان مش مستعده
اياد:طبعا براحتك عن اذنك بقا تصبحي علي خير وادخلي يلا الجو برد ويستحسن متقوليش لحد في القصر دا انك من عيله السعدني وخصوصا ملاك
ندي بستغراب:اشمعنا ملاك مين تقصد الظابط
اياد:ااه انا حذرتك وربنا يستر لينا قاعده تانيه ياندي سلام
ومشي اياد وندي كانت مستغربه بس اتنهدت ودخلت القصر واتجهت لغرف الخدم الي جوا
@@@@@@@@@@@@@@@@@@@@@@
عند مرام
كانت قاعده لسا بتستني مروان وفجأه لقت عربيهفخمه وقفت قدامها وبتزمر لها مرام فكرته واحد بيعاكس بس اتطمنت لما لقت مروان نازل منها وبيجري عليها بقلق
مروان بقلق:انتي كويسه حد عملك حاجه
مرام مقدرتش تمسك نفسها وقربت حضنته وعيطت بحرقه
ومروان اتصدم بس سابها تطلع الي جواها وكان بيطبطب عليها بهدوء وبعد شويه مرام استوعبت وبعدت بسرعه عنه
مرام بتوتر:اسفه يا مروان بيه والله اسفه
مروان بإبتسامه:حصل خير تعالي اركبي
مرام قربت ومروان فتحلها الباب ولف ركب هو كمان وهيا ركبت وكانت مبهوره بجمال العربيه ومروان دور ومشي
مروان:حابه تتكلمي عن الي حصل متقلقيش ممكن اساعدك
مرام بتنهيده:انا.فعلا محتاجه اتكلم
مروان:وانا سامعك يامرام اتكلمي
مرام بحزن:الي حصل............... والله انا مظلومه
مروان قبض علي مقبض العربيه بقوه واتعصب جدا
مروان بغضب:وانتي ازاي متدفعيش عن نفسك قدامهم
مرام بخوف وحزن:انا والله اتكلمت كتير ودافعت بس هيا مصدقتنيش وكمان اخدت فلوسي كلها والله انا اسفه لو اازعجتك انا مش عاوزه بس غير حضرتك تشوفلي بس حته ابات فيها للصبح وبعد كدا ربنا يسترها معايا
مروان نفخ بغضب:عيب.الي بتقوليه دا يامرام انا مش عيل صغير وانتي ما ازعجتنيش انا الي رنيت ولو علي مكان انا هشوفلك شقه متقلقيش
مرام بسرعه:بس كدا كتير يابيه
مروان بهدوء:سبيها لله يامرام وربك هيكرم وبعدين هو ايه الي كتير بطلي هبل يلا عقبال مانروح نتعشي تكون الشقه جهزت
مرام بذهول:نتعشي؟!
مروان بضحك:ااه نتعشي انتي مبتكليش زينا ولا علي البناء الضوئي
مرام ضحكت غصب عنها ومروان ابتسم عليها:لاء بعرف اكل بس يعني انا اتعشي معاك وكدا الناس تقول ايه انت ماشاء الله ابن ناس ومعروف وانا علي قدي ويتيمه
مروان :علي فكره انتي عبيطه اوي عمر ماكان ابن الناس بالفلوس والعز يامرام ابن الناس بأخلاقه وتربيته كل الي بتشوفيهم بيتكبرو علي الناس دول مش ولاد ناس
مرام ابتسمت عليه وراحو يتعشوو
@@@@@@@@@@@@@@@@@@@@@@
في قصر الدمنهوري.... وتحديدا في غرفه ابراهيم
كان قاعد بيشتغل في الاب توب وجميله بتقرب منه
جميله:كفايه بقا يا ابراهيم انت ليل ونهار شغال
ابراهيم:اخر حاجه بس وهخلص ياحبيبتي
جميله بقلق:ابراهيم انا قلقانه علي رعد اوي والشباب كلهم
ابراهيم قفل الاب وبحنان:اهدي ياجميله كدا وانتي جميله اوي رعد مش صغير واكيد هيرجع رافع راس بلده
جميله:كان نفسي يسيب الشرطه ويشتغل معاكم احسن
ابراهيم بتنهيده:احنا عرضنا عليه كتير وهو حابب الشرطه وان شاء الله خير ياحبيبتي
جميله:ان شاء الله
ابراهيم بخبث:اومال انتي حلوه كدا ليه
جميله بكسوف:بس بقا بتكسف
ابراهيم بضحكه خفيفه:لسا بتتكسفي ياجميله زي اول ماقابلتك
وفضلو يضحكو وابراهيم بيتغزل فيها وهيا مبسوطه بس قاطعهم رنه الموبايل
ابراهيم:الووو
مجهول:عملت ايه يا ابراهيم
ابراهيم بستغراب:مين معايا
مجهول:معاك صالح السمنودي
ابراهيم ببرود:ااه نعم عاوز ايه
صالح بضيق:عملت ايه في المزرعه هتبيع
ابراهيم:لاء مش هبيع والي عندك اعمله مش انا ابراهيم الدمنهوري الي بيتهدد
صالح بغضب:يعني مش هتبيع يا ابراهيم
ابراهيم ببرود:ااه مش هبيع انا حر ياجدع هو بالعافيه وياريت متلعبش معايا انا بذات عشان انا ورايا وحش ممكن ينهيك
صالح بستغراب:وحش؟! انت اتجننت يا ابراهيم ولا ايه
ابراهيم بغضب:احترم نفسك والزم حدودك واعرف انت بتكلم مين لو انت صالح السمنودي ف.انا واعوذ بالله من كلمه انا ابراهيم الدمنهوري فاهم
صالح بتوتر:هوريك يا ابراهيم وهاخد المزرعه بالحب بالغصب هاخدها
ابراهيم:اعلي ما فخيلك اركبه انا مبهتمش بأشكالك... وقفل
واتنهد بضيق
جميله:هو للسا مصمم علي المزرعه
ابراهيم بضيق:والله ما انا عارف ياجميله ربنا يستر انا مش عاوز مشاكل وبابا مصمم ميبعش ممع انها خطر اصلا
جميله بحب ومسكت ايده:يا ابراهيم ياحبيبي بابا مش وحش ومش طمعان في المزرعه ولا الي فيها بس هو عاوز يحافظ علي تراث اجداده فهمت
ابراهيم بخبث:بس سيبك انتي حلوه اوي اليله كدا ليه
جميله خدودها احمرت وابتسمت
ابراهيم بضحك:بحب انا الفراولة دي ههه.. وقرب ووووووو
(استغفرالله العظيم... عيب ياحاج 🙂)
@@@@@@@@@@@@@@@@@@@@@@
عند مرام ومروان ...... وتحديدا في مطعم كانو بياكلو
مرام:الحمدلله شكرا يامستر مروان
مروان:الف هنا علي ايه دي حاجه بسيطه
مرام بخجل:بجد انا مش عارفه اقولك ايه بجد شكرا اوي
مروان بإبتسامه:ياستي سبيها لله وبعدين....
قاطعه رنه موبايله
مروان:الوو
المجهول:تمام ياباشا الشقه جهزت
مروان :تمام يا ابني انا جاي اهو خليك هناك ... وقفل
مروان:يلا الشقه جهزت
مرام:تمام.... وقامو ومروان حط الحساب في الدفتر وخرج
.......... في حي راقي واسمه كومباوند
مرام بإنبهار:انا اناهعيش هنا بس دا غالي اوي
مروان بهدوء :تب انزلي الاول يمكن الشقه متعجبكش
مرام نزلت بإحراج ومشيت وراه بتوتر وخوف
وصل مروان واخد المفاتيح من واحد واقف قدام الباب والراجل سابهم ونزل بعد مامروان شكره
مروان فتح الباب:اتفضلي يامرام.... دخلت مرام وانبهرت من الشقه الي كانت فخمه جدا
مرام بخجل:لاء ييامروان بيه انا مستحيل اقعد هنا دي باين عليها غاليه اوي وانا مقدرش علي ايجارها
مروان اتنهد:اولا الشقه دي ملكي ثانيا لو علي الايجار مش عاوز لحد ما تتظبطي امورك تمام
مرام بصتله ودموعها نزلت :انا بجد مش عارفه اقولك ايه
مروان بإبتسامه:متقوليش حاجه مبروكه عليكي انا خليته يحطلك اكل في التلاجه وكدا هسيبك انا بقا عشان ترتاحي
ولف عشان يمشي بس وقفه صوت مرام الي كان مخنوق
مرام بخنقه:مروان ....... لف وبصلها بدهشه
مرام بعفويه ودموع مكتومه:بجد شكرا انك شغلتني وشكرا انك جبتلي شقه مكنتش احلم اعدي من قدامها وشكرا انك صدقتني في الوقت الي امي مصدقتنيش فيه بجد شكرا من كل قلبي.....
مروان بدون وعي فتحلها درعاته وهيا جريت عليه وحضنته وعيطت جامد وهو كان بيمسح علي شعرها بهدوء
مروان:اهدي خلاص انا جمبك ومش هسيبك غير اما تعدي ظروفك الوحشه دي خلاص كفايه يامرام
بعد شويه مرام بتستوعب وبتبعد بسرعه وتوتر:انا.انا اسفه والله مش عارفه عملت كدا ازاي
مروان ابتسم وقرب وحط ايده علي راسها ونعكشلها شعرها وخرج وقفل الباب وهيا غصب عنها ابتسمت
وبعد كدا بدأت تلف في الشقه ودخلت الغرفه الكبيره وفتحت الدولاب ولقت فيه هدوم مروان فبتسمت واخد تيشرت من بتوعه ودخلت اخدت شاور ولبسته وبعد كدا نامت بإرهاق وتعب
@@@@@@@@@@@@@@@@@@@@@@
في الصباح.... وتحديدا في اميركا في غرفه ملاك
بتصحي وبتكون دماغها بتوجعها جامد وبتلاقي هدومها مبلوله ومبتكونش فاكره اي حاجه
ملاك بوجع:ااه ياراسي انا ايه الي جابني هنا وهدومي مبلوله كدا ليه ...... وافتكرت انها شربت
ملاك بشهقه:يالهوي معقوله انا شربت.... وعيطت جامد
......
ملاك بدموع وقامت ومسكت راسها بجنون:سامحني يارب ونبي تسامحني انا عارفه اني غلطت يخربيت الغباء انا غبيه يعني هفضل ميتقبليش اي حاجه لمده40يوم ياربي حسبي الله ونعم الوكيل فيك يارعد...... وفضلت ندمانه و متضايقه لانها اول مره تشرب
قاطع تفكيرها خبط الباب فقامت فتحت وكان رعد وحاطط ايده في جيبه ولابس نظاره شمسيه وكان وسيم جدا ولابس تيشرت اسود ضيق وبارز عضلاته ومبين بنيته القويه وملامحه مرسوم عليها الحده وعيونه كعيون الصقر
رعد بحده:الهانم الي كانت سكرانه لسا صاحيه
ملاك بصتله بقرف وكره:انت ايه الي جابك اوضتي يابني ادم انت اصلا واتفضل امشي من هنا
رعد بحده وتحذير:لمي لسانك وانتي بتكلميني ياهانم والا انتي عارفه انا ممكن اعمل ايه
ملاك بغضب:اوعي تفكر اني بتهدد ياض انت انا قدك وقد عشره زيك فشوفلك جمب عشان مش نقصاك
رعد ببرود:شكل القلم عجبك
ملاك بغيظ وتوعد:وربي مهعديهاولازم ادفعك تمنه غالي
رعد برفعه حاجب:الي عندكاعمليه ياقطه ويلا عشان بيجهزو الطياره وهيبعتولك بنات تجهزك بلبس وحاجات عشان تتحولي لانثي
ملاك مسكته من التيشرت بتاعه ونزلته لمستواها وبقت عيونهم قصاد بعض ومدت ايدها وشالت النظاره
ملاك ببرود:بس انا انثي غصب عنك وخاف مني يا ابن الدمنهوري.... رعد كان بيبصلها ببرود
رعد بهمس وصوت مخيف:انتي بوق اخرك فاضي
ملاك ابتسمت بخبث وفجأه قربت من ودانه وبهمس:انا مبتكلمش كتير انا بحب الفعل يا ابن الدمنهوري
رعد اتوتر بس حاول يداري توتره قدامها وبصلها ببرود وملاك بعدت ودخلت الاوضه وقفلت في وشه وهوا ابتسم غصب عنه ومشي
ملاك دخلت تاخد شاور
@@@@@@@@@@@@@@@@@@@@@@
في قصر الدمنهوري...... وتحديدا علي الفطار
كان الجميع متجمع حتي يارا .. دخل سالم وهما كانو مستنينه ومبدأوش لسا الفطار
سالم:صباح الخير
الجميع:صباح النور
قعد سالم بهدوء والجميع بدأ ياكل
ابراهيم:مكلمتش محمود عرفت رعد سافر ولا لاء
سالم:ااه سافر ووصلو من امبارح
جميله بقلق:انا قلقانه عليهم اوي ربنا يسترها عليهم
ميرفت:فعلا وانا قلقانه علي زياد اوي اختفي فجأة ومشي قبلهم
سالم:زياد وصل قبلهم ياميرفت وربنا يخليهم للبلد
ريم:تعرف ياجدو انا مش صعبان عليا غير مين
سالم:مين ياحبيبتي
ريم بحزن:ملاك شكلها غلبان اوي ومرات ابوها بتعملها وحش....يارا اتضايقت وكانت بتغلي من الغيره
سالم بهدوء:لاء ياحبيبتي نرمين مش مرات ابوها دي امها
جميله بدهشه:امها؟!
ريم:ازاي ياجدو امها بجد
سالم:ااه والله امها الي اعرفه انهم كانو تؤام بس معرفش التانيه راحت فين
ميرفت:يعني ملاك عندها اخت
سالم:ااه ومعرفش هيا فين يلا ربنا يستر طريقهم
يارا بغيظ:يعني البنت دي مسافره مع رعد
مروان بستفزاز:ااه وعرفت كمان انها هتكون مراته في العمليه يعني يامساء الحب والرومانسية
يارا بغضب:انت بتتكلم بجد
علي بصرامه:يارا احترمي نفسك ومتدخليش في الي ملكيش فيه وانت يازفت اخرس وكمل طفح
مروان بضحك:وانا كنت اتكلمت ياعمي الله
ابراهيم:ياسلام عليك وانت كنت هتضيعنا في ملايين بس الحمدلله اتوكس بقا لولا الموظفه يا منيل
مروان شرق وقعد يكح وشرب وريم عطيته ميه وشرب بتوتر
مروان بضحكه سذجه:انت بتصدق الاشاعات دي ياحاج بردو عيب عليك انت سايب وراك اسد
ابراهيم بسخرية:تقصد قطه شيرازي
ريم ضحكت والجميع ضحك ومروان اتغاظ
ريم بضحك:ونبي ياقطه لتوصلني معاك لحد النادي هههههه
مروان بغيظ:عاجبك كدا ياسي بابا
ابراهيم بضحك:وفيها ايه لما توصل اختك
ريم بمرح:ياواد انا الملكه هههههه
مروان ضحك غصب عنه والكل كان مبسوط معادا يارا الي كانت بتولع
@@@@@@@@@@@@@@@@@@@@@@
في امريكا...... وتحديدا في القاعه الرئيسيه تحت في الفندق كان المكان فاضي بس مليان ظباط وعساكر ورعد كان واقف وحسام جمبه وكان بيشرب سجاره ويرتدي بدله سوداء فخمه جدا وساعه من اللون الاسود ومرصعه بلألماس وهذه ملك رعد ومحفور عليها اسمه من تحت وكان يرتدي جزمه سوداء من الجلد الطبيعي وكان مصفف شعره وحاطط من برفانه الخاص الجذاب وكان وسيم جدا وباين عليه القوه والهيبه
رعد بزهق:هيا البت دي ما بتجيش بدري ابدا
حسام وكان يرتدي بدله من الون الرمادي وكانت فخمه وكان وسيم : يارعد اهدي واكيد زمانها نازله
اللواء والي كان عربي :خلو بالكم من بعض ياشباب واحرصو دول اذكياء جدا
رعد بثقه:ياباشا احنا مصريين يعني بإذن الله الموضوع خلصان
اللواء:وملاك خد بالك منها لان في واحد اسمه چون سميث زير نساء وممكن متفلتش من ايده
رعد بضيق وغيره:متقلقش هيا ماشيه مع راجل مش مع عيل وبعدين دي مراتي وانا هعرف احميها
اللواء:ربنا يستر ويوفقكو ياشباب وزياد متبينوش انكم تعرفو بعض ابدا هو هيتكلم معاكم برسميه متستغربوش
رعد:تمام.. واد يا حسام اوعي تكون غبي وتغلط
حسام بثقه:عيب عليك ياصاحبي دا. انا. انا ... وفجأه بلم
رعد برفعه حاجب:في ايه مالك بلمت كدا ليه
حسام بدهشه:بص وراك كدا
رعد بص وراه وانبهر من الحوريه الي نازله علي السلم الكبير وكانت ملاك ولابسه فستان احمر طويل وبحملات عريضه ومن ورا مقفول بأحبال كتير ومفتوح من اليمين لحد فوق الركبه بقليل وكانت سايبه شعرها وكان ويفي وشكله تحفه وكانت حاطه لمسات بسيطه من الميكب ولابسه شوز كعب عالي من اللون الاحمر ولابسه عقد من الالماس بتاعها وساعه من الالماس ولونها فضي وبتاعتها وجواها صورتها ولابسه اقراط رقيقه من الالماس وكانت حقيقي ملكه جمال وتشبه الحوريه
رعد في نفسه:يخربيت حلاوه امك ايه دا دي طلعت ملبن قال مش انثي قال دا كتله انوثه حرفيا
ملاك:صباح الخير
اللواء بإنبهار :صباح النور يا حضرت الظابط بجد ملكه جمال
ملاك بخجل:شكرا حضرتك
رعد اتعصب جدا لما لاقا كل الظباط والموظفين بيبصلها بإعجاب وحس انه عاوز يخبيها جواه
حسام بتصفير:ايه الحلاوه دي يابت اومال كنت عامله حوكشه ليه من شويه
ملاك داست علي رجله بالكعب وحسام صرخ ورعد ابتسم بخفه وقرب منها و هيا بصتله بإعجاب من وسامته حاولت تدرايه وهو مدلها ايده بهدوء وهيا ابتسمت وحطت ايدها في ايده وكانو لايقين علي بعض موووت واتجهو لبرا وركبو عربيه فخمه جدا وانطلقو
@@@@@@@@@@@@@@@@@@@@@@
استووووب
انتظرو البارت الجاي هيكون دمااارر صدقوني ومش هتأخر
ياقمرات 💓... يتبع
تفاعل حبايبي شجعوني اكمل الرواية ومتنسوش تدعموا الصفحة ب لايك و10 تعليقات عشان نكمل نشر الرواية
الحلقة_16
احببت_متمرده part16
وبعد ساعات.... وتحديدا في مطار امريكا الشماليه
بتكون هبطت الطائره الخاصه الي ملك لروكي وعليها اللوجو بتاعه
رعد بحده:اجهزي واعك تغلطي وانت ياحسام احنا خلاص دخلنا في الجد الأكبر يعني مينفعش نغلط
ملاك بهدوء:خير ان شاء الله
حسام بجديه:انزل واتوكل علي الله ياصاحبي
فجأه باب الطياره بيتفتح ورعد بياخد نفس وبيقرب من ملاك وبيحط ايده في ايدها وهيا حقيقي بتكون متوتره
رعد بإبتسامه:هيا يا اوليڤيا
ملاك بهدوء:هيا ياروكي
وقربو من الباب ونزلو وهما ماسكين ايد بعض ونزلين بشموخ وهيبه وخصوصا رعد وفجأة لاقو مجموعه من الرجال وكان من ضمنهم زياد الي كان لابس بدله سوده ولابس سماعه في ودانه وهما عرفوه بس مبينوش
زياد بهدوء ورسميه:مرحبا سيد روكي مرحبا سيده اوليڤيا تفضلو معي انا جبريل المساعد الشخصي لماكس الزعيم
وبالفعل مشي زياد ووراه رعد وملاك وحسام
وركب ملاك ورعد عربيه لامبورجيني وزياد كان ركب عربيه تانيه هو وحسام وانطلقو
@@@@@@@@@@@@@@@@@@@@@@
في قصر النجار..... و تحديدا في المطبخ
كان كل الخادمات قاعدين وبيحكو بهدوء ومبسوطين وفي نفس الوقت الي بيقطع الخضار والي بتغسل مواعيين والي بتقطف ملوخيه والي بتمسح البوتجاز والي بتقطع اللحمه وفي غيرهم الي بينضف القصر انما دول للمطبخ بس ومن ضمنهم ندي الي كانت مبسوطه
احد الخدمات:والله انا ماعارفه اقول ايه ياختي الواحد تعب اوي
ندي بفضول:صحيح يابنات عندي فضول اسأل عن حاجه
احد الخادمات سها:قولي ياختي
ندى:هو مين ملاك
سها ابتسمت:ملاك دي كانت ملاك فعلا طيبه ايه وجمال ايه وحنيه ايه وشقاوه وضحك و كانت تحول حياتك من نار للجنه وكانت حرفيا اسم على مسمى
ندي بستغراب:اومال هيا عامله ازاي دلوقتي
سها بضيق:هيا طيبه جدا زي ماكانت بس بقت واحده تانيه بقت بتتعامل ببرود وبقت علطول بتغضب بسرعه وكمان ديما حزينه ووشها شاحب حتي بقالها اربع سنين مش بتيجي القصر غير اليومين دول بتيجي مره اه ومليون لاء
ندي بحزن:ودا ليه اكيد في سبب
خادمه اخري وتدعي سهام:انا عارفه ليه
الجميع:لييه؟؟
سهام:انتو ملاحظتوش ان الست مايا معتدش موجوده
ندي بستغراب:مين مايا
سهام بتذمر:دي انسانه متكبره جدا ومبتحبش غير نفسها وديما بتحب تأمرنا مع انها تؤام الست ملاك وشبه بعض بس بينهم فرق السما والارض وكمان علطول ملاك الي كانت ببتهزئ من الست نرمين ومتتكلمش ومايا هيا حبيبتها لغايه ما في ليله دخل اللواء محمود ابو الست ملاك وهو ماسكها جامد وهيا بتعيط وهو بيقولها اخرسي انا مش عاوز اسمع صوتك.... وضربها غير كدا انا معرفش
ندي بدهشه:ياااه بس دي ظابط فعلا
سها:ااه ظابط بس هيا مكانش حلمها الشرطه دي كانت نفسها في طب اطفال
قاطع كلامهم دخول نرمين الي كلهم سكتو ووقفو وحط وشهم في الارض معادا ندي الي مكنتش عارفه
نرمين بغضب:انتي ياحيوانه ازاي متقفيش زيهم
ندي:اسفه حضرتك مأخدتش بالي
نرمين بتكبر :اسفك مرفوض ومخصوم ليكي اسبوع
ندي بضيق:ليه ياهانم انا معملتش حاجه للخصم دا
نرمين :انتي ازاي تتجراي وتردي.عليا كداا
سها بسرعه:معلش ياهانم عيله ومتعرفش
نرمين:ابقي فهميها بقي ياسها وبردو مخصوم لها عشر ايام
ندي كانت هتتكلم بس سهام كتمت بوقها:تحت امرك ياهانم مش محتاجه حاجه
نرمين بتكبر:ااه كنت عاوزه منكو تعملولي عصير ولاصحابي قاعدين في الصالون برا احنا 8اعملو مانجا وفراوله وهاتو تسالي وخلي الي انتي كاتمه بوقها دي تجيبهم معاكو حالا ومش عاوزه رغي..... وخرجت
سها:نينيينني يخربيت التكبر
سهام بعدت ايدها عن ندي
ندي بغيظ:ليه كتمتي بوقي كنتي سبيني ادافع عن نفسي
سهام بخوف:لاء مش دي انتي لو كنتي نتطقتي كان زمانها خصمتلك الشهر كله
ندى:دي ست متكبره ايه دا
سها:ياستي واديها ايام وبنعيشها يلا بسرعه نحضرلها الحاجات احسن تيجي وهيا مش ناقصه
.......... في الخارج في الصالون كان قاعد نرميمن واصحابها والي كانو زوجات لواءات ورجال اعمال
احد السيدات:اومال فين نيره
نرمين:نيره راحت النادي النهارده لانها بقالها كتير مراحتش
احد السيدات:خلاص نشوفها فرصه تانيه
نرمين:قولولي بقا اخر سفريه روحتو فين
سيده اخري:انا اخر مره كنت في باريس
نرمين:واو انا بقالي فتره مسافرتش خالص ولا عملت شوبينج
احد السيدات:ليه كدا ياحبيبتي عيشي حياتك وبعدين يعني دا انتي من عيله النجار صحاب اكبر شركات في مصر والوطن العربي
نرمين بتكبر:والله ياحبيبتي الفلوس موجوده وملهاش اخر بس مليش نفس اجيب حاجه
سيده اخري:صحيح يانرمين فين ملاك بنتك
نرمين بتوتر وزهق: معرفش عايشه ومستقله برا القصر
احد السيدات:اصل الصراحه انا سيف ابني شافها وعجبته وكان عاوز يتقدملها
نرمين ببرود وكره:منصحكيش بيها دي بنتي ااه بس اخلاقها زفت وعلطول بتزعق دا غير انها متكبره وكمان عاقه بوالديها
السيدات بصدمه:ايه!!!!
احد السيدات:دي بنتك ازاي تقولي عليها كدا
نرمين ببرود:متشغليش بالك انتي انا مكنش ليا غير مايا
قاطع كلامهم دخول ندي وسهام وسها الي شايلين عصير وتسالي وكيك وحلويات فخمه وقربو وبدأو يحطو الحاجات بهدوء وكانو ماشيين
نرمين:استني يابت انتي
لف البنات وندي اتوترت:تقصدي انا
نرمين بتكبر:ااه يلا امسحي الارض عشان متوسخه
ندي بصت وكانت الارض بتلمع:حضرتك الارض بتلمع ومش عاليها نقطه تراب
نرمين قربت ومسكت كوبايه عصير وكبتها على الارض والجميع زهل من الي حصل
نرمين ببرود:بسيطه نضفي الارض يلا
ندي بقوه:حضرتك انا ااه شغاله عند حضرتك بس انتي ملكيش الحق تهنيني كدا واوعي تفكري اني هاخد منك الاهانه واسكت لاء انا انسانة زيك والي عندك عندي بالظبط وحتي الفلوس عندي ومتفكريش تقعدي كل شويه تتكبري علي حد لانك كدا مش هتوردي علي جنه ولو علي الارض انا مش هنضفها واقولك علي حاجه انا مستقيله
نرمين قربت عشان تضربها ورفعت ايدها ولسا هتضربها بس ندي مسكت ايدها وبصتلها بتحدي
ندي ببرود:اوعك تفكري تعملي كدا انا خلاص استقالت وهدخل الم حاجتي وهمشي يعني تتعاملي معايا بإحترام وانا هحترم انك قد امي..... وسابتها ودخلت المطبخ ووراها سها وسهام المصدومين وبعتو واحده تنضف الارض
احد السيدات:انتي غلطانه يانرمين ليه تعملي كدا
نرمين بجنون:بقا حتة خدامه تتكلمني انا كدا
سيده اخري:والله البنت ردها حلو وردت عليكي بكل احترام لاء وواستقالت كمان
......... في المطبخ
دخلت ندي وكانت عاوزه تعيط من الفرحه والحزن وانها اتهببت استقالت
سهام بإنبهار:اايه الحلاوه دي يا ندوش لاء يابت جامده
سها:واو بجد ردك تحفه هنتيها واحرجتيها بإحترام بس ليه استقالتي
ندي اتنهدت :انا كدا كدا مش همشي غير لما نيره هانم ترجع عشان هتديني بقيت حسابي وغير كدا عشان اودعها
سهام:يارب ترجعك وتخليكي هنا بس انت ليه استقالتي
ندي بضيق:لو مكنتش عملت كدا كانت هترفدني وهتهني
وفضلو يضحكو من قلبهم ونرمين برا بتولع
@@@@@@@@@@@@@@@@@@@@@@
في امريكا الشماليه.... وتحديدا امام قصر ذهبي فخم وكان مفروش سجاده حمرا علي الارض وبيكون مستنيهم علي الباب رجال كتير ومعاهم بنات ومنهم حرس بتوصل العربيه وبينزل رعد وبعدين ملاك بكل هيبه
ملاك بهمس:يلا بسرعه انا هموت من البرد ايه دا
رعد:اسكتي خالص هندخل اهو ابتسمي
ومسك ايدها وهيا ابتسمت وكانت بتترعش فرعد حس برعشتها وقلع الجاكت بتاعه وحطه علي كتفها وهيا تلقائيا حضنت الجاكيت الي كان دافيء ورعد رفع كم القميص وعروق ايده القويه ظهرت ودا خلاه اوسم وبيمسك ايدها تاني وبيتقدمو لامام ووراه حسام الي بيترعش
حسام بهمس:واد يازفت عامل ايه
زياد:الحمدلله انا كويس اتأخرتو ليه انا كنت خايف
حسام:خير ان شاءالله بس الجو برد اويي
زياد:هيكون دافئ بداخل ياسيد مرقس
حسام استغرب بس اخد باله من الحارس الي قرب منهم عشان ياخد العربيه يركنها وراحو ورا رعد وملاك
ماكس بسعاده:اهلا اهلا بك ياسيد روكي
رعد ببرود:اهلا سيد ماكس
ماكس بإحترام:اهلا بكي ياسيده اوليڤيا ....ومسك ايدها وباسها بإحترام ورعد اتضايق
چون بإعجاب لملاك:اهلا وسهلا يا سيده اوليڤيا
ومدلها ايده بس رعد سلم عليه بدالها وضغط عليها بقوه
وچون اتألم وماكس قلق وخاف من المشاكل بس ملاك لمحت الراجل ابو شنب والي اسمه موسكو وابتسمت غصب عنها وكتمت ضحكتها بالعافيه وكذالك حسام بس رعد كان متماسك وحتي زياد الي بيضحك عليه من يوم مشافه
موسكو:اهلا اهلا ياسيد روكي كيف حالك
رعد ببرود وكاتم ضحكته بصعوبه:انا علي مايرام
موسكو بإبتسامه:اهلا سيدتي...... ومسك اصابعها وباسها بإحترام وملاك كانت هتموت وتضحك
احد الفتيات أنيتا:اهلا سيد روكي كم تشوقت لروءيتك
روكي:شكرا
ماكس بتوتر:تفضلو معي
رعد مسك ايد ملاك ودخلو جو القصر الي كان دافي عكس برا واتجهو للصالون وقعدو عليه وحسام قعد جمب ملاك وبقت ملاك بين رعد وحسام
ماكس بإبتسامه:انت السيد مرقس
حسام بتوتر:اجل
ماكس:احب اعرفكم بباقي الاعضاء اولا . أنيتا . مراتي ثانيا .چون. شريكي. ثالثا. جبريل. دراعي اليمين ومساعدي
رابعا.تارا. حبيبت چون. خامسا. السيد موسكو. المدير المالي ودراعي اليمين. سادسا. ماريا. حبيبت مارلي. سابعا. مارلي. محامي المافيا.
رعد ببرود:تمام.اعرفك انا روكي الزعييم ثانيا . اوليڤيا حبيبتي وشريكتي ومراتي وكل حياتي. ثالثا. مرقس. صاحبي ودراعي اليمين
الجميع:تشرفنا بحضرتكم
ماكس :سيده اوليڤيا ما رأيك في الثفقه
ملاك بجديه:جيده
چون بخبث:مارأيك بالقصر
ملاك ببرود:معقول القصر خاصتنا احسن واجمل ببكثير
ماكس بإحراج:علي قدنا سيدتي
رعد :الشنط بتاعتنا فين
ماكس:جبريل جبريل
قرب منه زياد بإحترام:تفضل سيدي
ماكس:شنط السيد روكي وزوجته والسيد مرقس
زياد:كله تمام والغرف جهزت زي ماحضرتك امرت والشنط وصلت
ماكس بإبتسامه :انا حبيت انكم تجلسو معايا احسن من الفندق
رعد ببرود:متي معاد وصول الرجال والشحنه
ماكس بتوتر :كمان اسبوعين
رعد بغضب:وانا مبستناش ياسيد ماكس
چون بقلق:اهدأ ياسيد روكي
موسكو:سيد روكي هذا تعاقد عالمي
رعد بحده:انا لدي اعمال واجتماعات في بعض الشركات ومينفعش افضل اسبوعين
مارلي بتوتر:سيد روكي نحن نعتذر لك ان هناك مشاكل عديده تواجهنا ونوعدك اانك لن تتأخر ابداا ولكن هذا تعاقد عالمي
رعد ببرود:سيد ماكس اريد ان ارتاح
ماكس بسرعه:تفضل سيد روكي غرفتك مجهزه بكل شئ تحبه وحتاجه ولكن هناك حفله ضخمه الليله ترحيب بك سيدي معادها الساعه10مساءً سننتظركم
رعد:اوكي يلا ياحياتي
ملاك وقفت ومسكت ايد رعد وحسام وقف
ماكس:جبريل ياجبريل حالا وصلهم غرفهم
زياد:تحت امرك يازعيم تفضلو معي
ومشي قدامهم وهما وراه بهيبه وهدوء
ماكس بغضب:چون لاحظ انك بالغت روكي هذا ممكن ينهينا في لحظه وملكش دخل ب اوليڤيا نهائيا مفهو
چون بخبث:انا لم افعل شيء ولكنها حقا شديده الجمال انا مشوفتش جمال زي دا قبل كدا
تارا بدلع:وانا يابيبي
ماكس بغضب:چون لو حصل حاجه او قربت منها انا هخلص منك
.....عند الشباب الي فضلو ماشيين ساكتين لحد فوق
زياد:هذا هو الجناح الخاص بك وجناح السيد مرقس في الاسفل بجانبي اانما هذا الدور ملكك انت وزوجتك
بص وراهم ولقو حارس
زياد بحده :ماذا تفعل هنا
الحارس بتوتر:انا اتفحص امانه الادوار سيدجبريل
زياد بغضب :تفضل سيد روكي لا يرغب في اي حرس هنا
الحارس نزل بسرعه وزياد حضن رعد وحسام
زياد:وحشتونى اوي انا مرعووب
رعد:اجمد ياض كدا مالك لسا المشوار طويل
حسام:ازاي صحيح ماشكش فيك وانت مساعده
ملاك:ااه فعلا
زياد:هحكيلكم بليل هنتجمع اهم حاجه خدو بالكو عيون الرجاله هنا كتير
ملاك:واد يازياد انا جعانه هاتلنا اي طفح في المخروبه دي
حسام :ااه وانا كمان ياجبريل
زياد بدهشه:واد يازياد دا انتي اخدتي. عليا جامد واتغيرتي
رعد بحده:زياد اسمع الكلام وهاتلها اكل وهات طفح لواد الي مبيبعش دا
حسام بغيظ:واد يخص عليك انا غلطان اني جيت معاكم انا هاخد ميكروباص من علي اول الشارع واروح
الجميع ضحك عليه
زياد:خد بالك الباب كاتم للصوت بس بردو اتكلمو بصوت واطي فاهم
رعد بحده: تمام
وبعدين رعد وملاك دخلو الجناح وحسام نزل مع زياد
ملاك بصت علي كل حاجه في الاوضه والي كانت حلوه وتشبه غرفهم في مصر بس بتكنولوجيا
رعد:اسمعي بقا انتي علي الكنبه وانا علي السرير
ملاك بغيظ:نعممم انا مش هنام علي كنب انت الي هتنام عليها
رعد قرب منها وشدها من وسطها لعنده وهيا حطت ايده عند صدره تبعده ورفعت وشها وعيونها اتقابلو ورعد ميل عند ودانها
رعد بهمس:وطي صوتك عشان محدش يسمعك يامراتي
ملاك بتوتر: لو سمحت ابعد مينفعش كدا
رعد بعد و ببرود :ما انا هبعد مفيش فيكي حاجه اصلا تشدني ليكي حتي مش قولت لك انك مفيكيش ذره انوثه
فجأته ملاك بقلم قوي نازل علي وشه وهو اتعصب وعروقه برزت وعيونه بقت حمرا من الغضب
ملاك بدموع مكتومه وغضب:انت انسان وقح وانا معتش عاوزه اتكلم معاك تاني ولو عليا انا اصلا الي مش بطيقك والقلم دا عشان حقي.... وسابته واتجهت للحمام وهو كان متعصب جدا
في الحمام قفلت ملاك الباب وقعدت وراه وعيطت جامد وبعدين قامت وقفت قدام المرايه وابتسمت بخبث
وبعد كدا بدأت تاخد شاور
في الخارج بياخد رعد بنطلون ميلتون اسود مريح وتيشرت اسود وبيروح حمام تاني في الجناح وبياخد شاور وبعد مده بيطلع وهو حاسس بذنب وبيقعد علي الكنبه وبيفتح الاب توب بتاعه الي جابه معاه وقعد يشتغل فيه ويبعت رسايل لمصر
.ملحوظة:
( رعد بيشتغل مع ابوه وجده في الشركه بس مش كتير بس بيتابع كل حاجه من الاب توب وبيروح الشركه احيانا بس ليه هناك مكتب زي مروان واعلي كمان)
بس بيلفت نظره ملاك الي اول ماشافها بلع ريقه بصعوبه لانها طلعت وهيا لابسه البرنص وسايبه شعرها المبلول وكانت حقا كتله انوثه
رعد بإستفزاز وعدم اهتمام:مكنش لازم تتطلعي كدا عشان تبيني انك انثي.....
ملاك اتغاظت وقربت منه وهو اتوتر وقفل الاب وهيا ميلت عليه ومسكته من التيشرت بإغراء ووشها بقا قصاد وشه
ملاك بهمس :اولا انا مبحبش البس في الحمام ثانيا انا حره مش عاجبك اتفضل برا ثالثا واهم ميخصكش انثي مش انثي دا شيء يخصني
رعد كانت متوتر ومش عاوز يضعف قدامها وكان نظره كله علي شفايفها وملاك بعدت بس هو مسكها وقعدها علي رجله وهيا خافت ودفن وشه في رقبتها
رعد بهيام:اولا انتي حره بس طول ما انتي علي اسمي كل حته فيكي ملكي
ملاك بضيق وتوتر:تب ممكن تبعد شويه مينفعش كدا
رعد خلاص مكنش قادر يسيطر علي نفسه وباسها فجأة بحنيه وايده كانت بتروح علي رباط البرنص عشان يفتحه
ملاك بخوف وتوتر:رعد
رعد بعد بسرعه وبصلها جامد وكان مصدوم دي اول مره تندهله بإسمه وهو حس انه اول مره يسمع اسمه
رعد بتوهان:نعم
ملاك بتوتر:رعد ممكن تبعد
رعد بهدوء:حاضر ياملاك
ملاك حست الاسم دخل قلبها لانه اول مره ينطقه وفضلت بصه في عيونه وبعدين قامت جري واتجهت للدريسنج وهو لعن نفسه الف مره انه ضعف قدامها واخد سجايره وطلع البلكونه
@@@@@@@@@@@@@@@@@@@@@@
في شركه النجار.... وتحديدا في مكتب يونس
كان قاعد وبيشتغل في الاب توب فجأة دخلت السكرتيره
السكرتيره:مستر يونس في واحده برا عاوزه تقابلك
يونس ببرود:مشغول
السكرتيره:تمام يافندم .... وخرجت
بس فجأه الباب اتفتح وهنا كانت الصدمه
يونس وقف بصدمه:مايا؟!!