رواية عمار ودعاء الفصل الاول1 بقلم مريم خالد
فجأة لقيت صاحبتي منهارة من زمايلنا في الكلية! وبتتمم كلام بحاول أجمعه
دعاء: ومن إمتى الإنسان بيتقل منه بسبب أحلامه! روح ممكن تبطلي عياط! تعالي طيب
أخدتها غسلت وشها وقعدتها قربت وبوستها من خدها
دعاء: مين مزعل المزة بتاعتي
روح: في دكتورة محترمة تقول المزة
دعاء: مش أنا قولت! يبقى فيه ها أحكيلي مالك
روح: كنا قاعدين بنتكلم عادي في لقيت زميلتي بتقولي هو أنتِ قاعدة معانا ليه طالما لبخة ومبتعرفيش تعملي حاجة كده حتى أحلامك تافهة
دعاء: متكمليش فهمت ما تقولي واحدة مترباتش ضايقتني بإحترامي وكانت هتوصل هي فين دي؟
روح: أهدي يا دعاء مش عايزين مشاكل
دعاء: عيب عليكِ مش هقل من البالطو بس هجلدهالك عشان تبقى عبرة
روح: إللي هناك دي
البنت: أنتِ جايبة لي واحدة تضربني ولا إيه أنتم الأتنين شكلهم متخلفين زي بعض
دعاء: لأ كلميني أنتِ مالك بيها؟ غيرانة عشان هي من أوائل الدفعة وأنتِ بكحكتين ولا إيه؟
البنت: أنتِ بتكلميني أنا كده
دعاء: صوتك ميعلاش عليا هتكوني مين يعني
الكلية كلها أتلمت علينا بس متهزتش كنت حابة أخد حق روح وأفهمها إن السكوت لبعض الناس بيخليهم يتمادوا في العته لو ماخدوش ع دماغهم
البنت: أنتِ بيئة يا دكتورة
دعاء: وأنتِ متربتيش يا دكتورة
البنت: ولما أزعلك!
دعاء: وأنا مسكتك لو قلبك مقويكي قربي كده
البنت لسه هتقرب تشدها من الطرحة دعاء وقعتها برجلها ع وشها
دعاء: أوف! صعبتي عليا يا دوك بصي يا حلوة لو أسلوبك كان عجباني واتكلمتي بإحترام كنت هحترمك بس قلة أدب بعرف أقل أدبي عادي وبإحترام بردو أصلي صريحة زيادة، روح أختي خط أحمر، وماحدش ليه فيه إن اهتماماتها برة الطب في الرسم والخط عايزة أقولك هي ناجحة في الأتنين مش مركزة ع الكلام مع بودي وحموكشة وشيكو أه بلقح عليكِ لو زعلتيها تاني ردة فعلي هتبقى بيئة فعلًا ماشي يا نغة!
البنت عيطت
دعاء قومتها وقالتلها خلاص وجابتلها مناديل
دعاء: طيبة قلبي دي هي إللي مشندلة حالي! خلاص متزعليش بس ماتجيش على حد عشان الدنيا بتدور وهيتقل منك عاملي إللي حوليكِ بإحترام عشان الكبير والصغير يحترمك وآسفة ع الوقعة بس أكيد مش هسيبك تتغابي يعني روحي وأنتِ حلوة كده نوع الماسكرا إيه؟
الجامعة كلها ضحكت بالبنوتة
مع إستغراب إزاي جدعة عشان روح صاحبتها وخدت حقها بذكاء وقدرت تتحكم في أعصابها وهدت البنوتة وفهمتها ب أسلوب يدخل دماغها
البنت: خلاص مش زعلانة أسفة يا روح أنتِ جميلة وتستاهلي كل خير
روح: ولا يهمك
دعاء ابتسمت وخدتها ومشيت تحت صدمة بنات الجامعة
روح: أه عارفة إنك ذكية وشخصيتك بيرفكتو من ثانوي بتعرفي تتصرفي في أي مشكلة بس أبهرتيني ما تعلميني وتكسبي فيا ثواب
دعاء: ما بعلمك كل ما حد يكلمك تقعدي تعيطي وتقرفينا وتاخدي جمب
روح: بتعايريني يا صاحبي!
دعاء: أه
روح: دي صراحة ولا بجاحة؟
دعاء: الأتنين واحد بالنسبة لي أصل حتى لو صراحتي في حاجة مش عجباني هقولها بردو اكدب ليه أنا
روح: إيه رأيك في الفستان ده
دعاء: أي حاجة عليكِ بتحليها معروفة
روح: الإاه!
دعاء: ده جبر خواطر ي بنتي ملهاش علاقة بالصراحة
روح: هتف!
دعاء: بهزر بس بجد أنتِ ف عيوني كل حاجة حلوة عليكِ بس تبطلي تبقي عيوطة
روح: ع أساس أنتِ م بتعيطي؟
دعاء: بعيط بس لو حد غالي أوي وأنا معنديش غالي أوي بعد أهلي وبعدك غير كده باقي الناس كلها معارف بالنسبة لي أي حد هيبعد يقرب مش فارقة لي كتير أهم حاجة روقاني وسلامي النفسي
روح: ساعات بحب تفكيرك
دعاء: وأنا بحبك
روح: بتعامليني معاملة أميرات
دعاء: عشان أنتِ أميرة فعلًا وعشان متفكريش تتجوزي عايزين نقعد هيك طول العمر
روح: شكلك هتعمليها قريب
دعاء: تبًا وحد يقولي احط إيه ومحطش إيه ومتخرجيش هنا ومتكلميش دي أنا أفكر أرضي وأدلع راجل هأوأوأوأو روحي أتغطي ونامي عشان شكلها هبت منك
روح: بكرا تشوفي تصبح ع خير
دعاء: اطلعي أنتِ أنا هتمشى شوية
روح: متتأخريش هعملك أكل عسول في السكن ع ما تيجي
دعاء: مش هتأخر عشان الأكل
روح: أم بطن
دعاء: عيونها يلا سلام
مشيت وجه في بالي حاجات كتير أوي من الماضي وأستغربتني أوي وسألت السؤال إللي م بنلاقي فيه إجابة < ليه >
ليه الدنيا قاسية؟
ليه بنبعد عن حبابينا وبنسميها في النصيب؟
ليه الحياة بتجبرنا نتغير؟
ليه الإنسان بيكبر؟
عرفت معنى جملة النور الكتير بيعمي
بس لقيت إجابة!
تصدقوا بقيت ماشية أشكر إللي أذوني! تجارب متتالية إن حبك لشخص لو بيأذيكِ يولع الحب قصاد راحتك وتجارب مش تجربة عشان كان صعب عليا أتعلم من مرة أصل إزاي ابعد عن حد روحي فيه! صعبة أوي عشان كده بحط مساحة أمان لنفسي وبحب نفسي أكتر من أي حد لإني جوهرة
تجارب تانية أتعلمت منها إن إللي ميحترمينش ميستاهلينش
وتجارب تانية أتعلمت فيها إن مشتريش خاطر بايع
تقريبًا كنت ماشية أخبط في ذكرياتي القديمة كلها
ولقيت إجابة السؤال ليه؟
عشان نتعلم عشان نفهم إللي حولينا نفهم الدنيا ندرك أهمية نفسنا ندرك أهمية الوقت ندرك إن راحتنا أهم من عياط سنين على حد مش فارق له أساسًا لو فارق له هيبعد عنك ليه من أساسه! لو الإنسان بطل يبرر إللي مش بيتبرر هيرتاح مفيش مبرر للقساوة مفيش مبرر للبعد بدو أسباب ولو في أسباب إللي بيحبك بينهي الخلاف مش بينهي العلاقة حبوا نفسكم والحياة لسه طويلة لسه معانا فرص نقابل ناس شبهنا ودول بيجوا من عند ربنا مش إحنا اللي بندور عليهم
ثانية أنا جوعت! معلش صدعتكم بحكايتي بس أنتم مش أغراب يعني
روحت جبت ذرة وقعدت على بحر اسنكدرية ياه على جمال بحر اسنكدرية وجماله بجد
دعاء: البحر ناقصاه قاعدة مع
: حبيب
دعاء: أنت!!
:شوفتي عفريت؟
دعاء: عايز إيه يا عمار!
عمار: أنا جيت جمبك؟ أنتِ بتلككي عشان تكلميني عارف إني وسيم
دعاء: أنت خرا عارف الخرا؟
عمار: وأنتِ قليلة الأدب عارفة قلة الأدب؟
دعاء: أوف ده أنت مستفز همشي بكلمك ليه أصلا عملتلك قيمة بلا قرف
عمار: لسانك!
دعاء بصت بقرف ومشيت
يارتني ما كنت رديت غلط أرد ع كلاب أصلا عملتله قيمة
عمار: أفضحينا في الشارع
دعاء برقت بصدمة أن صوتها علي وبعدين ضحكت ومشيت
أوبس! بتضحكي ع إيه يا عديمة الكرامة إحنا فركشنا خطوبتنا خلاص أتلم يا قلبي يا حلوف لسه بقول إللي ميستاهلناش نبعد عنه عادي الااه تصدق يا قلبي هو أحلوى! إيه إللي بعكه ده!!
روحت على السكن
روح: مالك مخضوضة كده ليه؟
دعاء: عارفة قابلت مين!!
روح: تعالي بس هقولك حاجة بس متتعصبيش
دعاء: اتعصب! هببتي إيه أوعى يكون الاكل اتحرق أنا ع ساندوتش البطاطس من الصبح
روح: ده إللي همكك مش على الأكل يختي
دعاء: ها قولي
روح: سيبي حلة المكرونة وركزي معايا
دعاء: همم طعمها جامد يا به تسلم ايدك
روح بإنفعال: دعااااء!
دعاء: أنا عارفة مش هاكل في ليلتي دي أحكي يختي
روح: جالي عريس
دعاء: احلف!
روح: والله جالي عريس والمفروض نازلة لأهلي بكرا عشان المقابلة الأولى
دعاء: لولولولولولولوي مبارك يا عيون دعاء
روح: الااه مش قولتي متتجوزيش وبتاع
دعاء: ها! لأ يا بنتي ملكيش دعوة بيا أنا دماغي تعبانة بس الفترة دي روحي نامي قصدي هروح أنام ارتاح
روح: قلبي مش مرتاح لك!
دعاء: أنا ده أنا ملاك يلا تصبح على خير أبقي سليميلي ع باقي زمايلنا لما يجيوا
دخلت نمت بالفعل وحاولت أتلاشى تفكيري في خطيبي القديم إللي أنا سايباه عشان أنا متسبش أنا إللي اسيب بس
اليوم عدى وكنت مع روح وكانت عروسة قمر أوي أوي وقالوا هيسروا الخطبة أحسن حاجة عملوها
دعاء: أه يا ضهري أه يا بطني أههه يا دماغي
روح: ما خلاص ده هو يوم يعني فدايا
دعاء: أنا أتكلمت ما فداكي يستي
روح: يلا ناكل عشان هنسافر تاني عشان الكويز بتاع بكرا
دعاء: كنت نسيته خالص! طب يلا
أكلنا وسافرنا وتاني يوم روحنا الكويز جبنا الأرض يا خواتي بس أهم حاجة اللمة الحلوة
روح: حليتي؟
دعاء: بيني وبينك أه كان عبيط
روح: وأنا كمان
دعاء: متقعديش تقولي عبيط قدام العيال عشان خارجين يعيطوا عيطي معاهم
روح: كده هبقى سهونة!
دعاء: وجهة نظر اقعدي أقولي تافه والامتحان إللي بعده دماغك تتشلل من عينيهم
روح: هقول الحمدلله يارب درجة حلوة وخلاص
دعاء: تربيتي
روح: زمايلنا بينادوا بيلعبوا لعبة تحفة
دعاء: مليش نفس أروح!
روح: يلا يا نكد
دعاء: بضحي يلا يستي
روحنا واللعبة كانت عبارة عن أسئلة واللي مش حابة تجاوب يتحكم عليها حكم
البنت: أحكي يا دعاء عن راجل كان في حياتك
دعاء: أديني الحكم يا غالية
قلبت في الأحكام اللي كتبناها
طلع لي ورقة مكتوب فيها
" افتحي سجل الرنات وغمضي عينك ودوسي ع رقم من غير ما تشوفي مين واقولي له ها رمضان سعيد فين فانوس الزيت"
دعاء: إيه الحكم العبيط ده ده أنا هجود رد أحلى من عندي هبهركم
غمضت عيني ودوست ع رقم وفتح كل ده وأنا مغمضة
دعاء: ها يجميل رمضان قرب وأنت ماجتش فين فانوس الزيت بتاعي؟
صمت رهيب من الطرف التاني أنا أترعبت!
: هجيبلك حاضر
دعاء: يا سوادي! والتليفون وقع مني