رواية احببت متمرده الفصل الثالث والعشرون23والرابع والعشرون24بقلم احمد عمار
في اميركا..... وتحديدا في غرفه ماكس
كانت انيتا قاعده قدام التسريحه وبتسرح شعرها
وماكس رايح جاي في الاوضه بقلق وتوتر
انيتا:ما بك ياحبيبي
ماكس بتوتر:لا اعرف وغير قادر علي التفكير يا انيتا كل شيء متوتر هنا لا اعلم ما افعل
انيتا قربت منه وبقلق:احكيلي ماذا بك
ماكس بقلق:الان الساعه الواحده صباحاً وچون مختفي اليوم وروكي ايضا يريد الاجتماع وامضاء العقود هنا ولا اقدر علي تنظيم افكاري
انيتا بهدوء:ماكس حبيبي ارجوك اهدأ ان چون زير نساء واكيد حاليا مع اي واحده ولو علي امضاء العقود ف انا شايفه ان روكي قرر صح
ماكس بستغراب:كيف صح
انيتا بخبث:اولا سيتطمأن لنا ثانيا سنقدر ان تحكم في الامان لان كل الموجود والاكثر ستكون رجالك يعني مع اول حركه غدر او اعتراض سنكسب المعركه ما رايك وهنا امان اكثر من المقر صدقني وثق في
ماكس بتفكير وخبث:تصدقي صحيح... وضحك بخبث وهيا ضحكت بخبث ومياعه
(غلبانين ميعرفوش ان احنا معانا رعد الوحش المهين 😎)
@@@@@@@@@@@@@@@@@@@@@@
في جناح رعد وملاك.
بيصحي رعد وملاك بتكون لسا نايمه وبيقعد يبصلها بحب
ويحرك ابهامه علي ملامحها
رعد بإبتسامه:عمري ما كنت اتوقع اني اقع في حبك يابنت الايه انتي حقيقي انتي وقعتيني ياملاكي ومش هسيبك اما اخليكي تحبيني.... وقرب وباسها بخفه وفضل يبصلها وسرحان في ملامحها البريئه
فجأه ملاك بدأت تتمغط وهو ابتسم عليها وفتحت عين واحده وبصتله وقفلتها تاني
ملاك بنوم :انت بتبصلي كدا ليه
رعد بهيام:سرحان فيكي يا ملاكي
ملاك فتحت وبصتله بنظره غريبه وهو استغربها
رعد بستغراب:مالك اتسمرتي كدا ليه
ملاك ببرود:ولا اتسمرت ولا حاجه وهرجع اقولك تاني بلاش تحبني انا يارعد لان كلها اليله وبكرا هنفترق وهنطلق لما هنرجع تمام
رعد نزل من علي السرير وحط ايده في جيبه و بحده:بس انا مش هطلق ،،
ملاك بوجع وقسوه:كله كلام انت حبتني وانا مش بحبك وعمري ماهحبك يا رعد انت مجرد تسليه تضيعلي وقتي في السفريه دي وبس فاهم وانا مش عاوزاك
رعد بغضب جحيمي:تصدقي بالله انتي خساره فيكي اي لحظه حب انا عطيتهالك عارفه ليه لانك قاسيه ومعندكش قلب ومن حق فعلا عيلتك وامك شخصيا تكرهك عشانك مش بتقدري ولا بتحسي
ملاك حست بغصه في قلبها وبهدوء ودموع مكتومه:خلاص ايوا انا كدا وانا حره حل عني بقا وشوفلك واحده تقدرك وتحبك انا مبحبش ومبعرفش احب
رعد قرب منها ومسكها من فكها بقوه وغضب ووجع في قلبه:ولما انتي مبتعرفيش تحبي ليه طلعتي الحب الي جوايا انا كنت قاسي وجاحد ومعرفش يعني ايه حب من تاني ليه تعملي كدا بس اقولك حاجه لما هنرجع انا هطلقك ونخلص وانسي اي حاجه بينا فاهمه..
وسابها واخد علبه السجاير وقميصه وخرج من الاوضه وقفل الباب بقوه لدرجه انها اتخضت وفضلت وقفه بتستوعب لحد ما بتسمع صوت فرمله عربيته الي خرج بيها بسرعه جنونيه
ملاك بدموع وكسره:لازم منقربش من بعض انا لعنه علي اي حد بقرب منه وانا بحبك ومش عاوزه يجرالك حاجه وكمان انا مبقتش اثق في اي حد سامحني يارعد ارجوك سامحني
صدقني الي حسيته معاك محستوش مع حد والله ..
ودخلت الحمام وفتحت الميه الساقعه ووقفت تحتها بهدومها وكانت الميه بارده جدا بس قلبها كان بيوجعها وكانت بتعيط والميه بتغرقها..
@@@@@@@@@@@@@@@@@@@@@@
في قصر النجار..... وتحديدا في الصالون... كان الجميع لسا قاعد وبيتكلمو سوا والعيله محبتش مايا زي ملاك
ابراهيم:انا بقول نستأذن احنا
قاسم:ما انتو قاعدين يا ابني قول حاجه ياسالم
سالم:معلش فعلا الوقت اتأخر ولازم نمشي
نيره:والله هتوحشونا
جميله بطيبه:ان شاء الله العزومه الجايه عندنا اول ما الاولاد يرجعو
نيره بإبتسامه:ان شاءالله نورتونا
مايا بغرور:ما تخليكو كمان شويه يا طنط دا انتو لطاف خالص
يارا بسخريه:معلش اصل احنا بنام بدري
مايا بصتلها بتكبر ويارا بدلتها النظرات المتكبره وبقرف
ريم بحب:عاوزه حاجه ياندوش هكلمك
ندي بإبتسامه:وانا هبعتلك ياحبيبتي هتوحشيني
ريم :وانتي اكتر..... وحضنتها
سالم:يلا....... وسلمو ومشيو واياد اخد ندي وطلع فوق
قاسم بإبتسامه:والله احلي واجدع صاحب حقيقي
حسين:فعلا والله
نيره:ربنا يديم الموده والرحمه بينا يارب
قاطعهم رنه تليفون محمود الي اتصدم ورد بسرعه
محمود بتوتر:ايوا سيادتك اتفضل
الشخص:ازايك يامحمود
محمود بخوف :بخير سيادتك اي اوامر
الشخص بحده:فين الرائد ملاك النجار
محمود بتوتر:الرائد ملاك النجار في مهمه سعادتك
الشخص ببرود:مهمه ايه
محمود:ملاك النجار في امريكا الجنوبيه سيادتك في حاجه ولا ايه
الشخص:هيا لسا المهمه دي مخلصتش
محمود بسرعه:لاء لسا مخلصتش تب في حاجه
الشخص بحده:ااه اول ماترجع بسلامه تيجيلي عشان هكلفها بمهمه في جنوب افريقيا ومحتاجها هيا بذات
محمود بتوتر:تحت امرك يا باشا
الشخص بتحذير:محمود ملاك النجار لازم تطلع المهمه دي الباشا طالبها بلأسم فاهم
محمود:فاهم سيادتك فاهم... والخط اتقفل
قاسم بستغراب:في ايه يا محمود مالها ملاك ومين الي كان بيكلمك
محمود بتوتر:مساعد وزير الداخلية
الجميع:ااايه؟
حسين:وعاوز ملاك في ايه
محمود:طالبين ملاك في مهمه في جنوب افريقيا بعد روجعها فورا وطالبها بلإسم
مايا بغل:وهو مفيش غيرها ولا ايه
محمود بتوتر:لازم اول ما ملاك ترجع تروح المهمه دي
قاسم:ودي خطيره ولا ايه
محمود بقلق:لو الي هتروحها خطيره مش هتكون اخطر من الي هيا فيها حاليا انا لازم اتواصل مع المخابرات الامريكيه
حسين:اهدا يامحمود انت متوتر كدا ليه
محمود :مش متوتر انا مرعوب دي المره التانيه الي وزير الداخلية يطلبها بلإسم يعني ملاك بقت معروفه تخيل اخر مهمه ليها في العين السخنه كانت اسبوعين اخدت مكفأه 5مليون جنيه
مايا بحقد:بس ملاك مش بتحب الشرطه وبعدين من امتا وهيا حلمها الشرطه وناجحه كداا
نرمين ببرود:سيبك منها ما اللهي تموت ولا تولع ملناش دعوه
يونس من وراها بغضب:يا مرات عمي اتقي الله دي بنتك بردو
نرمين بملل:هيدينا المحاضره اهوو
يونس بقرف:صدقوني ملاك لما هترجع بسلامه ان شاء الله مش هتسكتلك وخصوصا ان حبيبت القلب مايا رجعت
مايا بخبث:مالك يايونس انت محموق ليها كدا ليه ما انا وهيا ولاد عمك بردو ولا اييه
يونس ببرود وقرف:وبعدين مين قالك ان ملاك بنت عمي تؤ تؤ ملاك دي صاحبي واخويا وروحي وحته من قلبي انا ااه يمكن زعلتها الفتره الاخيره بس هيا الوحيده الي حاسه بيا وبعدين متنسوش انها اختي وراضعين من ام واحده ولا ايه اصل طنط نرمين مكنتش بترضي ترضع ملاك وكانت بترضعك انتي فكانت امي بترضعها يعيني ومتنسيش كمان انها كانت بتكبر قدام عيني كل يوم
مايا بسخريه وحقد:الله عليك في الكذب والافلام ايه يايونس عندك حاجه كمان
يونس ببرود وعدم اهتمام:انا اصلا هبقا بقل من نفسي ومن هيبتي لو فكرت اتكلم مع واحده زيك مقرفه ومتكبره والله ماعارف العيله بتحبك علي ايه
محمود بحده:يونس احترم نفسك
نرمين بكره:انت مش محترم انك تكلم بنت عمك كدا
يونس بقرف:جتكو القرف اتنيلو انا غاير اصل البيت بقا يقرف حاجه اخر غم وهم ..... وسابهم وخرج
مايا اتغاظت وكانت بتخطط لحاجه
حسين:معلش يا بنتي امسحيها فيا انا المرادي
مايا بغرور:اوكي ابقي ربي ابنك بقا ياعمي.... وطلعت فوق
وحسين اتضايق وطلع ووراه نيره
قاسم :لله الامر من قبل ومن بعد انا مش عارف احفاد النجار حصلهم ايه كدا.... واتجه لمكتبه
@@@@@@@@@@@@@@@@@@@@@@
عند مرام.... وتحديدا في المطبخ
كانت خلصت الاكل وعملت مكرونه بشاميل غير الي باظت وبانيه تاني وبوفتيك وجهزت السفره وعملت سلطه وبطاطس وزيتون وكانت عامله كل دا بحب
مرام بحب وابتسامه:يارب يعجبه بقا يارب
واتجهت للخارج وكان مروان لسا نايم قربت منه بتوتر
مرام بتوتر:مروان مروان ... حطت ايدها علي كتفه بتوتر
مروان يامروان
مروان بنوم:اممم
مرام بهدوء وتوتر:يلا عشان تاكل
مروان بنوم ودون وعي:لاء انا عاوز انام... ومسك ايدها فجأه واخدها في حضنه وادالها ضهره وهيا قلبها كان بيعلو ويهبط بتوتر رهيب
مرام :مروان يامروان... وحاولت تسحب ايدها مقدرتش لانه قابض عليها بقوه لحد ماشدتها بقوه ومروان اتضايق وفتح عيونه بنوم
مروان ببرود ونوم:عاوزه ايه دلوقتي
مرام بغيظ طفولي :عاوزه حضرتك تقوم تاكل
مروان قعد علي الكنبه وبزعل:اكل ايه بقا مالمكرونه فاتها باظت
مرام بمرح:ما انا سخنت الاكل تاني تعالي نشوف باظ ولا ايه بقا قوم
مروان بضيق:عوزاني اكل مكرونه معفنه لاء وكمان عاوزه تجربي فيا اتكلي علي الله يا مرام
مرام مسكت ايده بطفوله وشدته وراها وهو كان ماشي بغيظ:يابنتي سيبيني بقا انا مش هجرب حاجه... بس سكت لما شاف السفره
مروان بدهشه:مش معقول ان دا اكل امبارح بس مكنش في بوفتيك
مرام بضحك وضربته في كتفه بخفه :عد الجمايل بقا دي هديه عن تعبك معايا امبارح وعملتلك اكل جديد لان التاني باظ
مروان طبطب علي شعرها واتكسفت جامد وقرب بهدوء وقعد وبدأ ياكل وهيا قعدت قصاده
مرام بإبتسامه وخجل:اايه رايك بقا
مروان بإعجاب:والله العظيم تحفه وعجبني اوي تسلم ايدك شكرا علي تعبك
مرام بإمتنان:لاشكر علي واجب انا الي بشكرك من كل قلبي يامروان علي وقفتك جمبي بجد شكرا
مروان ابتسملها:متشكرنيش احنا صحاب يا مرام
مرام ابتسمت بحزن :ااه اكييد .... بدأت تاكل
@@@@@@@@@@@@@@@@@@@@@@
استوووووب ... يتبع
تفاعل حبايبي شجعوني اكمل الرواية ومتنسوش تدعموا الصفحة ب لايك و10 تعليقات عشان نكمل نشر الرواية
الحلقة_24
احببت_متمرده part24
في الصباح... في جناح رعد وملاك
بتصحي ملاك من النوم وبتدور علي رعد وبتلاقيه نايم علي الكنبه عاري الصدر
ملاك قربت منه بحزن :سامحني يارعد.... ومشت ايدها علي شعره الناعم وباسته من خده بخفه ودموعها نزلت غصب عنها واتجهت للحمام
...... بعد مده بتطلع ملاك وهيا لابسه بنطلون جينز اسود وتيشرت لونه ابيض وكوتش ابيض وعملت شعرها ديل حصان وكانت جميله
بتتوتر لما بتلاقي رعد قاعد علي الكنبه وبيدخن
ملاك بتوتر:صباح الخير
رعد طفي السيجاره وقف وحط ايده في جيبه وببرود الدنيا:صباح الخير يا حضرت الظابط..... واتجه للحمام
ملاك بإبتسامه حزينه وغصب عنها دموعها نزلت:صباح النور يارعدي .... واتجهت للتسريحه وبدأت تظبط نفسها وتحط برفيوم ..... واتجهت للبلكونه
....... بعد مده بيطلع رعد وهو لابس بدلته الرسميه بالون الاسود وقميص اسود وجزمه من الجلد الطبيعي المصمم خصيصا له واتجه لتسريحه وبدأ يلبس ساعته ويسرح شعره ويحط برفيوم
ملاك طلعت ورعد بصلها من تحت لتحت وكان مبهور من جمالها بس مبينش غير البرود
ملاك اتنهدت :العربيات كلها تحت معني كدا ان الرجاله وصلت كلمت المخبارات
رعد بحده :كل حاجه تمام ياحضرت الظابط ياريت يلا ننزل
وقرب من الباب وملاك اتنهدت بحزن وراحت وراه
@@@@@@@@@@@@@@@@@@@@@@
في قصر الدمنهوري..... وتحديدا علي السفره
كان متجمع الجميع حتي مروان
سالم:صباح الخير
الجميع:صباح النور
سالم بحب:عامليين ايه
الجميع:الحمدلله
ابراهيم:كنت فين امبارح يامروان
مروان بتوتر:عادي يابابا ليه
ابراهيم:لاء عادي يا ابني بس سألت عليك قالو مجاش الشركه من اول امبارح
مروان بهدوء:كان في مشكله مع واحد صاحبي وكنت معاه فيها
ابراهيم:تب هتروح الشركه
مروان:ااه هروح
سالم:الحفله السنويه قربت اجهزوو
علي:دا لسا شهريين بحالهم
سالم بصرامه:لازم كل حاجه تكون مظبوطه مش عاوز غلط مفهوم
علي ووابراهيم :مفهوم
ميرفت:بس ايه رايكم في اخت ملاك
مروان بدهشه:هيا عندها اخت
ريم :اسكت دي تختلف عن ملاك خالص
يارا بقرف:علي قد ما انا مبقبلش ملاك بس والله اختها دي استغفر الله العظيم مفيش في وشها قبول خالص وغير كدا متكبره اويي
ابراهيم:انا اتصدمت امبارح لما قالت ان لازم ملاك تتطلق عشان هيا اكبر بدقايق لازم تتجوز الاول
جميله:اه فعلا استفزتني اوي
علي:انا الي مش فاهم البت دي باين عليها مش بتحب ملاك حتي لو لاحظتو انها كل شويه لما نجيب سيرتها بتتغاظ كدا
ميرفت:فعلا ربنا يرجعها بسلامه مع اني متكلمتش معاها قبل كدا بس وشها في قبول وعلي الاقل مش بتحط ميكب اوفر زيها
سالم:خلاص كفايه نم منك ليها
مروان بمرح:شوفت انا شاطر ازاي ومبنمش علي حد
سالم ضحك والجميع اتغاظ منه وضحكو
@@@@@@@@@@@@@@@@@@@@@@
في قصر النجار..... وتحديدا في غرفه اياد
صحي اياد علي صوت مزعج وكان بكاء ندي وشهقتها
اياد بنوم:بتعيطي ليه علي الصبح
ندي مردتش بس عيطت اكتر وهو قام قعد علي السرير وكان عاري الصدر
اياد بقلق:مالك ياندوش في حاجه بتوجعك انتي كويسه
ندي بندم:انا مش عارفه ازاي انا سبتك تعمل كدا..... وعيطت اكتر وبحرقه
اياد برفعه حاجب:معلش الي هو ازاي مش حضرتك مراتي وانا جوزك ولا ايه عشان افهم
ندي بدموع وصوت مبحوح:بس انت اتسرعت اوي والله اعلم جوازنا دا هيكمل ولا لاء
اياد كان هيتعصب بس قرر يحتوايها فقرب منها وحط ايده علي وسطها وشدها قدامه وكان ضهرها امام صدره
اياد بهدوء وحط ايده علي خدها :اهدي ياندوشه انا جوزك والله ما هطلقك وهحارب عشانك انا راجل مش عيل ياندي وانتي كدا بتهيني رجولتي لما بتقولي انك اتسرعتي
ندي عيطت وهو حضنها محاوط خصرها وهيا كانت بتخرج الي جواها وهو عرف يحتويها كويس ويلحق الموقف
ندي بصوت مبحوح ودموع:انا بحبك يا اياد متسبنيش ارجوك انا مليش غيرك
اياد باس خدها:اوعدك وعد قدام ربنا الواحد القهار ان مش هيفرقنا غير الموت واني مش هسيبك ابدا
ندي لفت وحضنته وهو مسح دموعها بإبهامه
اياد بمرح:يعني بدل صباحيه مباركه يا عريس تصحيني علي عياط يخص جتني نيله في بختي المهبب
ندي ضحكت من بين دموعها وضربته في كتفه بخفه وهو ضحك وحضنها بحب وهيا بادلته الحضن بأمان وثقه
@@@@@@@@@@@@@@@@@@@@@@
في اميركا........ وتحديدا في جنينه القصر
كان متواجد حاشيه من رجال الاعمال وكبار المسئولين
وهم من اعضاء الماف*يا وكانو ينتظرون رعد وملاك
ماكس:جبريل
زياد:تفضل سيدي
ماكس بقلق:متعرفش فين چون
زياد بتوتر:لا من ليله امس لم اراه وايضا سيارته ليس هنا
مارلي:هو وجوده مش مهم كدا كدا هو عاملي توكيل فهتعامل مكانه اهدأ ياماكس كل شيء سيكون علي مايرام
ماكس كان متوتر :موسكو هل جهزت البضائع
موسكو:اجل ياسيدي كل شيء جاهز عند وقت رحيل السيد روكي ستذهب معه السيارات
ويليام بخبث:هل بالفعل نحن سنوقف عملنا في مصر
اليكس:انا من رائي اننا نوقفه مؤقتاً لان روكي جاد جدا في تهديده
ماكس:عندك حق
فجأه بيدخل رعد ووراه ملاك وجمبها حسام
حسام بهمس:مالك ياملاك
ملاك بإبتسامه حزينة:مفيش انا كويسه
رعد بحده:مش عاوز كلام كتير احنا داخلين عليهم اجهزو زي ماقولت لكم
ودخل عليهم بثقه وهيبه وقرب قعد وملاك قربت قعدت جمبه بكل اناقه وانوثه وحسام وقف خلفهم
رعد بقوه:امممم
اليكس بتوتر:مرحبا سيد روكي نهارك سعيد
رعد:اهلا
ماكس:روكي سيتم امضاء العقود الان وستأخذ نسبه 30% واوليڤيا نسبه 10%وانا 25%واليكس25%و10%لچون
رعد بحده:وانا لست موافق علي هذا الهراء انا ما سأدخل البضائع لمصر والوطن العربي وانتم الذين تحتجوني ولست انا ومقابل هذا سأخذ نسبه 50%
اليكس بتوتر:سيدي هذا كثير وهناك باقي الرجال في مشاريع اخري
رعد بحده وقوه:هذا مالدي من حديث
ماكس بتنهيده:موافقون ياروكي مارلي احضر الاوراق
رعد:اين البضائع
ماكس:موجوده هنا
رعد ببرود:احضرها اريد انا القي نظره علي شيء احضر لي كميه
اليكس بستغراب:لماذا سيدي
رعد بغضب:هيا احضرو البضائع لتأكد من صحتها وجودتها فلنفترض ان تم تبديل بضائع امس ببضائع اخري انا لا اثق في احد مهما كان
ويليام بخبث وهو ينظر لملاك بشهو*ه:ما رايك ياسيده اوليڤيا
رعد بصله وفهم نظراته وبصله بغضب جحيمي وغيره ومسك ملاك من وسطها وقربها منه بتملك وهيا اتوترت
ملاك ببرود:ان مايقوله روكي حبيبي هو الصح وانا موافقه عليه تماما
فجأه دخل بعض الحراس ومعهم بعض الصناديق الخشبيه الممتلئه بلأ"سلحه الحديثه والمطوره
رعد:مرقس تأكد
قرب حسام بتوتر وفتح الصناديق وبدأ يتأكد من صحتها
فجأه سمعو صوت من وراهم وكان ضرب نار قوي
ماكس برعب:الشرطه انها الشرطه هيا هيا
فجأه مسك حسام سلا"حين ورمهم لرعد ومسك واحدو ورمه لملاك ومسك واحد ورمه واحد لزياد
اليكس بذعر:اجهزو يارجال
ملاك رفعت السلاح علي اليكس وزياد رفع السلاح علي ماكس وانتيتا وحسام علي مارلي وماريا زوجته ورعد علي ويليام وموسكو وباقي الرجال ووقف الاربعه في ضهر بعض وكان ضهر ملاك في ظهر رعد وظهر زياد في ضهر حسام وتدخلت رجال الشرطه
ماكس بصدمه:ماذا تفعلو هيا علينا بالهروب
ملاك بضحك:ههه تهرب في يا ابني انتو خلاص
ويليام:مصرييه انتي مصريه
رعد بغضب:اخرس عشان مخلصش عليك يالا
رفع الجميع عليهم ولكن هم لم يخافو حتي
ماكس بذهول:جبريل ماذا تفعل
فجأه زياد شال البروكه والشنب الكبير وظهره وجهه الوسيم الحقيقي
انيتا بشهقه:هذا ليس جبريل
ملاك بغضب:انزلو اسلحتكم والا ستندمو لبقيت حياتكم
اليكس بجنون:كيف لم نشك فيكم للحظه
رعد بحده:اضربو.... اطلق جميعهم النا"ر معاً في رجال الحراسه التي امامهم
وبدأت اطلاق النار من الشرطه والعصابه وملاك وانتشر الجميع في الجنينه وملاك جريت بجانب عمود كبير ملتصق في القصر وكانت ببتطلق علي اليكس الي كان مركز عليها لحد ما الكل كان مشغول بس هيا لمحت ويليام ماسك اداه حاد"ه وبيقتر من حسام من الخلف
وركزت عليه وفجأه ضربته بطلق"ه في منتصف راسه ووقع مغشياً علي الارض
حسام بص وراه بعد ماخلص علي الي معاه
حسام:تسلم ياصاحبي
ملاك:اي خدمه ياسطا
فجأه ملاك لقت حد بيمسكها من رقبتها وكان االيكس وماسك اداه حاد'ه ومصوبها عليها
حسام بصراخ:ملاك خدي بالك
رعد لمحها بس كان بيضرب فيهم بإيده وما كس بيطلق عليه ومكنش عارف يروح لها وزياد نفس الشيء
رعد بصوت عالي وحده وهو بيطلق النا"ر:ملاك انتي قويه يلا ياحضرت الظابط
فجأه ملاك رجعت براسها بقوه علي وش اليكس الي مناخيره نزف'ت وبدأت تضرب فيه بقوه واليكس رفع عليها الاداه وكان هيضربها في معدتها بس هيا تفادت الضربه وخبطت ايده برجلها بقوه فوقعت الاداه من ايده
فضرب ملاك ب البوكس ومناخيرها نزفت بس هيا اتعصبت ومسكت من رقبته ورفعت السلاح وهو كان بيقاوم وهيا مكنتش قادره تقاوم اكتر وضربت بطلقه في بطنه وهو وقع علي الارض وهيا اتنهدت
رعد قرب منها بسرعه:انتي كويسه
ملاك:ااه حاسببب... وشدته بسرعه وفجأه اتض$ربت علي دماغها الي نز"فت ورعد اتصدم وقلق جدا وكانت الضربه من موسكو
و قرب منه رعد وموسكو خاف ورعد نزل فيه ضرب بقوه ومسك دراعه ولواه لحد ما اتكس"ر ومسكو صرخ بوجع وبعد رعد وقرب من ملاك وكان الجيش وصلو وسيطرو علي المكان كله ورعد شال ملاك الي بتنز*ف واتجه للخارج بسرعه وكان في اسعاف ب الخارج وحطها وركب معاهاوانطلق للمستشفي
@@@@@@@@@@@@@@@@@@@@@@
في مكتب عاصم
كان قاعد وبيشتغل ومركز جدا قاطعه رنه تليفونه
عاصم:اممم مين
مايا:معقوله مش عارف صوتي
عاصم بحده وعدم اهتمام:عاوزه ايه
مايا بخبث:تؤتؤ اهدا كدا انا جيالك بأخبار تحفه
عاصم ببرود:مش عاوز اعرف منك حاجه ويلا مش فاضيلك
مايا بسرعه: فين بنت عمك ندي السعدني يا عاصم
عاصم ببرود:معرفش وبعدين انتي عارفها منين
مايا بحق"د:اصلها بقت مرات اياد النجار ابن عمي
عاصم بصدمه:اييه مرات مين واتجوزت امتا دي
مايا ببرود:امبارح اتجوزته ياحرام انت مش عارف ولا ايه
عاصم بغضب:هقتلها الفاجر"ه والله لهعلمها الادب
مايا بغل:اهدا يا عاصومي كدا اومال لو عرفت ان حبيبت القلب اتجوزت
عاصم بذهول:مين الي اتجوزت ملاك
مايا بكره:ااه ملاك
عاصم بغضب وجنون:اتجوزت ميين انتي كذابه ملاك دي ليا انا وبس فاهمه
مايا بحق"د:لاء ماهيا اتجوزت رجل الاعمال رعدالدمنهوري
عاصم سارت الكهرباء في جسده والخوف الشديد:ميين رعد الدمنهوري الظابط
مايا:الله دا انت تعرفه بقا
عاصم بجنون وتوتر:مش هسيبها دي ليا بسح لما ترجع من امريكا بس
مايا بذهول:انت عارف انها مسافره
عاصم بحده:ميخصكش جتك القرف.... وقفل الخط
واخد جاكيته وخرج بسرعه برا الشركه
@@@@@@@@@@@@@@@@@@@@@@
في المستشفى... وتحديدا في غرفه فخمه
كان قاعد رعد علي كرسي جمب السرير وماسك ايدها وساند جبينه علي ايدها وملاك نايمه وملفوف علي دماغها شاش ابيض
رعد بقلق:ارجوكي قومي انتي كويسه يا ملاكي
فجأه اتفتح الباب ودخل حسام وزياد
حسام قرب منها بلهفه:رعد ايه الي حصل هيا كويسه ملاك فيها ايه
رعد رفع راسه بهدوء:اهدا ياحسام هيا كويسه
زياد:الطياره جاهزه هنمشي يلا عشان انا خلاص مبقتش قادر ومبقتش طايق البلد دي
حسام بقلق:لاء استنا نطمن علي ملاك الاول
رعد بحده:لاء هنمشي ملاك هتصحي في بلدها يلا
رعد وقف وشال الغطا من عليها وشال ملاك وخرج وحسام
وزياد وراه بتوتر وخرجو من المستشفي كلها واتجهو للمطار وكانو جابو حاجتهم من القصر قبل ما يتشمع وبيركبو الطياره الخاصه برعد
....... بعد مده بتوصل الطائره مطار القاهرة وملاك لسا مفاقتش وبيتجهو للقصر
@@@@@@@@@@@@@@@@@@@@@@
في قصر الدمنهوري..... وتحديدا في الصالون
كان قاعد الجميع وبيتفرجو علي التلفزيون والي بيلعب في الموبايل
مروان:ياماما انتي قرفتينا بالمسلسل ده
جميله:بس ياض دا تحفه احسن مسلس تركي
ميرفت:ااه فعلا خليك في حالك
ابراهيم بضحك:هتتكلم هيتشبشبلك علطول
مروان ضحك:مش عاوز منكم حاجه
صوت من وراهم:حبابيبي وحشتوني
مروان:زياد.... وجري عليه وقرب الجميع
حسام بضحك:ااه وحشوني اوي
جميله بلهفه:فين رعد
اتصدم الجميع لما لقو رعد داخل وشايل ملاك الي نايمه علي صدره وقميصه والتيشرت بتاعها عليهم د"م وملاك علي راسها شاش وفاقده الوعي
سالم بذهول:دي ملاك مالها فيها ايه يارعد
رعد بهدوء:هيا كويسه بس اخدت خبطه خفيفه
جميله بدموع وقلق:ايه الد"م ده ياحبيبي
رعد بضيق:متقلقوش دا د"م ملاك عن اذنكم
وطلع فوق ومستناش رد حد ويارا كانت بتبصلهم عادي ومكنتش حاسه بأي مشاعر
ميرفت:هو ايه اليمن حصل ياواد انت وهو
حسام:رعد الي كان هياخد الضربه وهيا لحقته واخدتها مكانه بسرعه وبعدين دا كان مضرب حديد
مروان:يالهوي دا اكيد كانت صعبه
حسام بص علي ريم الي كانت بتبصله بفرحه وسابته وطلعت فوق
حسام بمرح:ونبي انا جعان وعاوز اكل لو جبتولي عم ابراهيم هاكلو دلوقتي.......الجميع ضحك
زياد:ااه والله وانا كمان كلنا مقتوليين مبنكولش
ميرفت:ياحبايبي حالا هنعملكم اكل
حسام:معلش بقا ما انا هفتان وتعبان فهطلع انام عندكم ياجماعه سلام لامؤخذه البيت بيتكم متتحرجوش.... وطلع وهما بيبصوله بذهول بس ضحكو بعدين
علي بضحك:الواد ده مشكله والله .... ضحك الجميع
%%%%%%%%%%%
في جناح رعد..... دخل وحط ملاك علي السرير بحنيه ومسح علي شعرها بحب وقام اتجه للدريسنج وبعد شويه رجع وهو معاه تيشرت من بتوعه وبدأ يغير لملاك وهو باعد نظره عنها ولابسها التيشرت ونزع ملابسها الاخره لانها كانت ملطخه بد'مها
وسابها واتجه للحمام ياخد شاور وشويه وبيطلع رعد وبيستلقي لجانبها وبياخدها في حضنه وبينام بعمق