رواية كابتن احمد الفصل الثاني2بقلم ريهام زيدان
انا العاشق لعينيك
برب العشق فارحمني
اول ما خرجت من مكتب نادر لقيت علي واقف برا حضني وهو بيطبطب عليا " خير باذن الله ي صحبي
رفعت عيني لقيتها واقفه بعيد اول ما شافتني مسحت بقايا دموع ع وشها وفضلت بصالي وقتها العسكري اخدني للحجز
ياه استنيت كتير اوى اني اشوف نظره منها ليا ويوم ما تيجي اكون محبوس ومش قادر اكلمها
دخلت الحجز
قعدت ف ركن لوحدى وانا بفتكر اللي حصل بعدها
باك
كعادة الإنسان بيكون مبهور بالحاجه واول ما يوصل لها وبعد فتره خلاص بيزهق
بس في حالتي انا شوفت أمينه ف النادى هزئتني وخلتنى مسواش ربع جنيه
باك
قربت منها وانا بغمزلها ـ انا بلعب حديد بقالي 6 سنين بس حرفيا مش قادر أشيل عيني من عليكي
بصتلي بقرف وسابتني ومشيت
بصيت حواليا باحراج وانا بعدل هدومي
- قمر بنت اللذينه
-ي بخت الكورة عشان مهتمه بيها كدا ياريتني كورة
~لو مبعدتش عندى انا فعلا هعتبرك كورة وهشوطك
..سهران الهوا
يسقينا الهنا
ويقول بالهنا..
"سيدي يا سيدى ي حلاوة المولد احمد بيسمع ام كلثوم
ـ اسكت يا علي حبيت
"حبيت صافيناز ؟؟
ـ انت عبيط يالا صافيناز ايه اللي احبها ، انا حبيت أمينه
ضحك " هو يا كدا يا كدا انت مفيش وسط خالص
ـ انت بتضحك علي ايه انت تعرف امينه اصلا ولا صافيناز
" من غير ما اعرفهم مش بيقولك كل واحد ليه نصيب من اسمه
ربعت ايدي ـ ماشي ي عم الفيلسوف ع اساس اني احمد يعني ..
ابتسم "بتاع بنات معروفه يعني
ـ صدقني ي علي دي غير اي بنت حاسس بحاجه محستهاش من إعدادى مثلا
"مصدقش
ـ هنشوف بكرا تشوفها وهي مراتي ولا اقولك مش هوريهالك
"ربنا يهديك ي بني
ـ يارب
كنت مخنوق اني مش عارف اكلمها ووقتها صافيناز كانت مش مبطله اتصال عليا
رديت بخنقه ـ ايوا ي صافي
=مجتش ليه تدريب كريم انهارده
ـ تعبان شويه
=سلامتك ،طب تحب نتقابل برا
ـ بقولك تعبان
=اوووه سورى ،طب اجيلك
ـ ي نهار اسود تيجي فين لا طبعا
= تمام ارتاح وبعدها كلمني بباي
رميت الفون ع السرير
ـ ع فكره مش اسلوب دا خالص يا اميمه
رفعت حاجبها وبصتلي
ـ مش احنا زملا ف نفس المكان عادى قوليلي احمدو انا اقولك أمينه
~اولا انا مشرفنيش ابقي زميلتك ثانيا مش مسموح لأي حد يقولي امينه بدون لقب غير بإذني
ـ ليه بس ي شرس ؟
بصتلي بسخرية ~سُمعتك اللي ماشاء الله زي الدهب
ـ أوشاعات مغرضه و..
=ي ميدوووووو
لقيت امينه بتضحك وهي بتشاور ع صافي وسابتني ومشيت
منك لله
=اي ي بيبي مانت كويس اهو
ـ ها اصل اااا
قربت وهمست جمب ودني = مستنياك انهارده الساعه 5 متتاخرش
خلصت شغل ف النادى وروحت البيت حاسس بإحباط من اللي عملته الزفته دى كدا امينه بح !؟
الساعه 3صافي فضلت تتصل بيا وانا مردتش بس بعد محاولات كتير لقيت مسدج منها واتساب :الحقني احمد :
اتصلت بعدها بيها مردتش
غيرت هدومي وروحت عندها لقيت ....