رواية القاسي والبريئه الفصل الثلاثون30بقلم ايمان ابراهيم
جاسر نزل راح شغله وكان طول الوقت بيفكر انه يخلص من هنيه دى خصوصا بعد اللى عرفه عنها من اسامة بس وكان قلقان على هديه برضه منها احسن تعمل حاجه فيها وقال والله ده ساعتها اشرب من دمها اذا فكرت بس تقرب من هديه ووصل الشغل وبدا يشوف اللى وراه وللاسف على حظه كان فى ضغط شغل لان فى وقت امتحانات وده بيحتاج انه يباشر حاجات بنفسه وكان عصبى فى اليوم ده جدا مع انه منظم جدا فى شغله وبيعرف يمشى الشغل زى الساعة لكن موضوع الزفته هنيه كان مضايقه جدا .
هديه كانت بتعمل حاجات بسيطه عشان حركتها بدات تتقل شويه الحمل بقى 😊😊 وهنيه كانت بترتب وتنضف فى البيت وكانت لابسه جلابيه محدده شويه وطبعا قصده لما عرفت ان جاسر هيرجع بدرى هديه لما شافتها قالتلها مش محدده شويه الجلابية دى ياهنيه ردت عليها طب وفيها ايه يا ست هديه مفيش غيرنا قالتلها بس انتى سمعتى ان جاسر هيرجع بدرى قالتلها اول ما هحس بيه بيفتح الباب هغيرها علطول بس اصل الجو صعب شويه وعشان كمان اتحرك براحتى اه يا بنت ال .... ماشي اما نشوف اخرتها معاكى .
عند احمد فى الشغل صاحبه قاله ايه يابو حميد اخبار الجو ايه 😉😄 قاله جو ايه قاله المزة ياجدع هى محتاجه فكاكة قاله اههه 😄 عارف اذا قلت مزة دى تانى هتلاقى ده فى وشك 👊 😄 دى هتبقى خطيبتى يا غشيم صاحبه قاله ايييه 😳 بجد قاله اه ودى فيها هزار ده انا حتى بعد ما اخلص شغل اخدت معاد عشان اقابل مامتها الاول قبل ما اروح اطلبها رسمى انا واخويا قاله انت متاكد من اللى انت هتعمله ده قاله اه ومش عارف ليه قلبى فرحان بجد والاحساس ده مخلينى عايز اكمل للاخر قاله يعنى هتتجوزها بجد قاله وليه لا الصراحة مش هنكر انها عجبتنى اوى ومش عايز افكر فى اى حاجة تانى ونقطنى بساكتك بقى وحياة ابوك متكلش دماغى وتنبر فى الموضوع خليه يكمل على خير 😄😄 قاله ماشي يا صاحبى والله شكلك هتغرز ومش هتعرف تخلع قال فى سره والله ولا انا عايز بس خلينا نشوف ايه اخر الحكايه دى .
هند وهى مع ثريا قالتلها ايه يا هنوده يا حلوة هنقول مبروك امتى قالتلها هو جاى يقابل امى النهاردة عشان تتعرف عليه قبل ما يجيب اخوه قالتلها الف بركة والله قلبى ارتاح للجدع ده يارب يجعلها جوازة السعد يا حبيبتى يارب هند قالتلها يسمع منك ربنا ثريا قالتلها طيب بصي بقى انتى شويه كده وتتوكلى على الله تروحى عشان تجهزى نفسك لليوم ده وتوضبى نفسك كده لازم تبقى قمر ١٤ كده قالتلها هعمل ايه يعنى ثريا ردت عليها يخيبك بت انت هتشلينى 😅 انتى عروسه يعنى لازم تروقى نفسك كده انت هطفشي الواد من اولها روحى الكوافير ظبطى نفسك بقى كده وادلعى فاهمة ولا لا الا المصيبه تكونى مش فاهمة اقلك قومى من دلوقتى يلا وخدى دول كمان واديتلها مبلغ محترم ايه كل ده يا مدام ثريا قالتلها ولا كلمة انتى تمشي دلوقتى تختارى فستان حلو كده عشان تقابلى بيه الراجل اللى جاى ده وده هديه منى ليكى قالتلها طيب ده كتيير ثريا قالتلها ولا كتيير ولا حاجه انتى زى اختى الصغيرة هند حضنتها 🥺🫂🫂🫂🫂 ربنا يخليكى والله اذا عند اخت مش هتعمل كده قالتلها بلاش الكلام هتخلينى اعيط والنهاردة يوم مفترج هند قالتلها طيب تعالى معايا حتى تقوليلى رايك قالتلها بس كده عنيا يلا بينا 😄😄😄 راحوا وفعلا اختاروا فستان حلو اوى ابيض وفى ورد احمر وروز يجنن وايشارب روز معاه وجزمة بيضا بسيطه وثريا كمان اخدتها للكوافير بتاعها وخلوها قمر وهى حلوة اصلا الوش المدور عينها زيتى والشعر البنى بس هى محجبه عشان بس الواد احمد يعرف انها بيضاله فى القفص عروسة قمر اهى وهند شكرت ثريا اوى اوى وقالتلها روحى بقى وابقى احكيلى عملتى ايه والله مش هنام الا لما تكلمينى مش هقدر استنى للصبح قالتلها ولا انا هقدر برضه هقلك على كل حاجه 😍😍 وسلمت عليها ومشيت على البيت ومامت هند لاقتها بتفتح الباب قالتلها بسم الله ما شاء الله مالك محلوة ليه بت انتى قمر اصلا بس زايدة حلاوة وحكتلها بقى على اللى عملته معاها ثريا قالتلها والله بنت حلال والله بس يعدى النهاردة ولازم اعزمها عندنا دى ست اصيلة بصحيح قالتلها اوى يا ماما اوى والله قالتلها ربنا يوقفلك ولاد الحلال دايما يا بنتى ويسعدك قالتلها فى حياتك يا ماما قالتلها يلا بقى ناكل لقمة كده عشان نعرف نستعد لعريسك يا جمييل 😉😉😉 هندوشها احمر 😊 وقامت عشان تحضر الاكل مع مامتها .
احمد خلص شغل وروح عشان يلحق ياكل بسرعة وياخد دش عشان يلحق معاده مع مامت هند نهلة كانت وصلت وحضرت الاكل احمد قالها بنت حلال انك مجهزة الاكل انا يدوب اكل والحق معادى قالتله اه يا عم مين قدك الجو مستنيك ماهو احمد قالها طبعا فلاش باك سريع
احمد كان يوم اللى حصل والواد الرزل عيلاء ده كان يومها من قلقه مش نايم ونهلة حست بيه سمعته وهو بيشرب وسالته مالك يا احمد قلقان ليه وراح حكلها كل حاجه لحد اخر حاجه حصلت لكن مقالش الجزء انه هيخطبها بس لحد ما يتاكد انها بقت فى امان حتى ام هند قالها انه عايز يخطبها عشان يحميها واحتفظ بباقى الموضوع لنفسه ونهلة قالتله ربنا يسعدك يا احمد ويكملك على خير وهى برضه حكتله على الرحلة اللى طلعتها وقد ايه هى اتبسطت وكانت محتاجه اوى انها تغير جو .
رجوع للوقت الحاضر
طيب يلا بالهنا والشفا عشان تلحق زمان العروسه مستنيه على نار 😉😉 احمد ضحك وقالها طيب يلا يا لمضه وخلص اكل ودخل اخد دش وغير هدومه ونزل عشان يروح لهند ولفت نظره ان عربية جاسر موجودة من ساعة ما رجع لانه متعود ان جاسر فى الوقت ده بيبقى فى الارض هو استغرب شويه بس محطش فى باله وقال ابقى اساله بعدين وراح لهند ووصل عندهم وطلع خبط ومامت هند فتحت الباب وقالتله اهلا يابنى شرفتنا اتفضل قالها ربنا يخليكى يا ست احسان قالتله لا من هنا ورايح تقولى ماما احسان انت زى ابنى ولا ايه قالها حاضر يا ماما احسان قالتله اتفضل استريح وانا هروح انادى على هند وراحت قالتلها دقيقة وتطلعى تسلمى قالتلها حاضر يا ماما وطلعت لاحمد يا اهلا ياهلا يا خطوة عزيزة تشرب ايه يا حبيبى قالها شكرا والله مش عايز اتعبك قالتله تعبك راحة يابنى قالها ممكن قهوة مظبوط قالتلها عينيا وهند جت واول ما شاف قد ايه شكلها جميل بلم شويه احم احم 😊😊 مامتها واقفة ياعم الحج 😄😄 ازيك يا احمد عامل ايه نورتنا رد عليها ده انتى اللى منورة 😄😄 يختاااى قدام امها مامتها قالتلها يلا يا هند روحى اعملى قهوة احمد بسرعة حاضر يا ماما هند اتكسفت طبعا مكنتش متوقعة انه يقولها كده وكانت بتعمل القهوة وهى بتضحك ومبسوطة وطلعت وقدمت القهوة واحمد شربها وقالها تسلم ايدك ❤️ نتكلم فى الجد بقى انا يا ماما احسان جاى وعايز اتقدم لهند ويسعدنى اذا وافقتى وانا اوعدك انى احافظ عليها واخليها اسعد واحده وانا عندى اخ اكبر منى اسمه جاسر واختى نهلة وبشتغل محاسب ودخلى كويس اوى والحمد لله وشقتى موجودة ومستنيه بس هند تنورها واكيد هجيب اخويا واتقدم رسمى حسب الاصول بس حبيت اجى لوحدى فى الاول عشان اتعرف على حضرتك قالتله وانا مش هلاقى احسن منك لبنتى راجل يحميها ويسعدها وهى كمان تخلى بالها منك وتشيلك على راسها وانت يابنى جيت اهو وشفتنا الحمد لله مستورين وانا قدرت برضه اجهز بنتى على قد ما قدرت بعد بابها الله يرحمه وكان موظف فى شركة حكوميه وانا كمان فى نفس الشركة ما احنا كنا زمايل وحبينا بعض واتجوزنا وفضلنا فى نفس الشركة بس هو فى قسم وانا قسم تانى واهو معاشه على مرتبى الحمد لله معيشنا كويس انا بس اخدت اجازة لانى محتاجه ارتاح شويه وهرجع تانى قالها وانا يشرفنى انك قبلتى بيا واوعدك مش هتندمى قالت لهند ايه رايك يا عروسه نقول مبروك هند اتكسفت وبصت فى الارض وقالت اللى تشفيه يا ماما قالتلها اللى شايفاه يا ماما انا شايفة انكوا عايزين الماذون احمد ضحك وقالها ياريت انا عن نفسي موافق جدا 😄😄 وضحكوا كلهم وكانت القعدة جميلة وهند كانت مبسوطه اوى .
فى الوقت اللى احمد رجع فيه وشاف عربيه جاسر كان جاسر فعلا فى البيت رجع بدرى زى ما قال لهديه والست هنيه هانم المفروض تغير هدومها بس هى قصدت طبعا وفتحت الباب لجاسر كده وقالتله اسفة يا جاسر بيه والله مرضتش اسيب الباب يخبط قالها بابتسامة خبيثة لا ولا يهمك بقلك ممكن تعمليلى قهوة اشوف بقى اتعلمى ولا لا قالتله حالا من عنيا وهى رايحة هديه شافتها قالتلها مين اللى بيخبط قالتلها ده جاسر بيه وانتى فتحتى كده انتى اجننتى يا هنيه انا مش قلتلك تغيرى اللبس ده قالتلها محلقتش والله بس حالا هروح اهو حتى عشان جاسر بيه عايز قهوة وقالى اعملها شكله رضى عنى اخير عن اذنك بقى هديه راحت رايحة لجاسر وقالتله حمد الله على السلامة غريبه يعنى طلبت قهوة من هنيه مع انك مش بتحب عمايلها قالها قلت اديها فرصه يمكن تظبطها وعشان اريحك كمان يا حبيبتى ارتاحى انتى وانا هشربها وانزل علطول قالتله هروح اكلم ماما قالها سلمى عليها قالتله حاضر ومشيت جاسر فى الوقت ده قام فتح كاميرا الموبايل وحطها فى مكان مش باين واول ما هنيه جت وخبطت قالها ثانيه واحده وفتح الكاميرا وقلها ادخلى ودخلت وطبعا كانت بنفس اللبس قالها تعالى حطيها هنا راحت وهى بتدلع وجاسر طبعا فاهم قصدها اتفضل يا بيه يارب عمايل ايدى تعجبك المرة دى شرب بق كده وقالها انتى ظابطة كل حاجه المرة دى مش القهوة بس 😎 قالتله يعنى ايه يا بيه مش فاهمة كلامك قالها لا فاهمة يا هنيه وفاهمة اوى كمان قربى قالتله ميصحش يا بيه قالها بقلك تعالى متخافيش الست هديه بتكلم مامتها متضيعيش الوقت انا واخد بالى منك من زمان قالتله يعنى يا بيه قالها برضه هتعملى مش فاهمة ياهنيه خلاص امشى قالتله طيب بالراحة بس اصلى مش مصدقه اصلك كنت مش طايقنى فى الاول ودلوقتى تقولى واخد بالك منى قالها اومال يعنى كنت عايزانى ابين عشان المدام تاخد بالها قالتله يعنى كنت حاسس بيا قالها طبعا بس كان لازم اخلى بالى عشان هديه مراتى اذا خدت بالها هتمشيكى وانا محتاج وجودك اديكى شايفة هديه الحمل تعبها ومش مركزة معايا هنيه قالتله بدلع انا انا مركزة معاك اوى اوى قالها عارف بس خلى بالك المدام تحس بحاجه قالتله ابدا هو انا هبلة انا المهم ابقى معاك وتبقى جمبى قالها طيب امشى دلوقتى احسن هديه تيجى فجاة ماشي وانا لما اعوزك عارف هعمل ايه قالتله اوامرك يا سيد الناس والله متشكرين جدا يا ست هنيه جدا ده انتى هتتروقى 😄😄😄🤌🤌🤌🤌 ومشيت هنيه وراحت تغير عشان قدام هديه انها غيرت وجاسر قام وقفل الموبايل .
ونزل يرجع الشغل وهنيه راحت عشان تخلص وكانت بتتكلم وهى فاكرة انها خلاص ملكت جاسر وقالتلها انا خلاص قربت اخلص يا ست هديه وهمشي بقى هديه قالتلها ماشي يا هنيه وهنيه بقت بتقول فى سرها بكرة يبقى راسي براسك خليكى دلوقتى بعد كده هبقى هانم زيك بالظبط .
جاسر نزل يخلص شغل فى الارض وتصل باسامة وحكاله هو عمل ايه اسامة قاله يخربيت دماغك انت تيجى معايا وربنا انا قلت من زمان انت خسارة فى التدريس جاسر ضحك وقاله طيب يلا بقى سلام وانت بقى عليك الباقى مع الست دى قاله متقلقش ده محضرلها خازوق هيروقها جاسر قاله ماشي سلام يا صاحبى .
جاسر بقى لما رجع وكانت هنيه مشيت قال لهديه هديه تعالى انا عايزك ضرورى قالتله خير قالها تعالى اقعدى قالتله مالك يا جاسر فى ايه قالها انا قلتلك ان مش مرتاح لهنيه دى صح قالتله اه قالها وانا وعدتك انى مش هزعلك واذا كنت قلتلك مشيها كنا ممكن نتخانق وتفتكرى ان تحكمات وخلاص لكن انا هوريكى بعنيكى انها مش تمام بس امسكى اعصابك بقى قالتله هتورينى ايه راح جاب الموبايل وشافت هديه مكنتش مصدقه اللى شافته وسمعته واغمى عليها جاسر اتخض عليها وشالها وحطها على السرير وبقى يفوق فيها وبدات تفوق واحدة واحدة قالها مكنتش عايز اوريكى وكنت هقلك تمشيها بس كان لازم تتاكدى بنفسك قالتله مكنتش متخيلة انها كده خالص وقالتلى انها مشيت قالها عارف العذر الاهبل اللى قالتله بس انا بقى خليت اسامة جابلى قرارها يوم ماكان عندى قالتله اههه عشان كده بقى كان هنا قالها ايوة قالتله طيب وبعدين هنعمل معاها ايه قالها سيبهالى بقى وانا هروقها 😅😅😅🤌🤌🤌 ياعينى يا هنيه جاسر واسامة هيفرموكى يلا انتى بنت حلال وتستاهلى كل خير 😅😅 هديه قالتله طيب وبعدين انا كده مش هثق ان اجيب اى حد تانى قالها لا سيبى دى عليا انا بقى تمام قالتله ماشي ارتاحى انتى بقى وانا هقوم اخد دش بعد اليوم الطويل ده .
فى الوقت ده كان احمد راجع خلاص من عند هند وطلع يخبط على جاسر عشان هو كان عايز يعرف ايه اللى جابه بدرى دى مش عادته خالص وهديه قامت فتحت الباب اهلا يا احمد عامل ايه قالها الحمد لله يا هديه انتى عاملة ايه قالتله تمام الحمد لله اتفضل جاسر هيجيلك حالا ودخل قعد فى الصالون وجاسر جاله قاله اهلا يا احمد عامل ايه قاله تمام انا روحت لهند زى ما قلتلك ومستنى بقى تيجى معايا ونطلبها رسمى جاسر قاله انت مصمم بقى قاله اه ومفيش نقاش معايا جاسر قاله ماشي يا احمد ده اللى جابك قاله لا فى حاجه تانيه انت جيت بدرى يعنى ودى مش عادتك قاله اه كان فى حوار لازم يخلص والحمد لله قرب قاله حوار ايه ده خير قاله البت هنيه دى قاله اه الملعب دى 😅😅😅 قاله ايه ملعب دى يا احمد هى عملت معاك حاجه قاله لا بس كانت عايزة 😄😄 مش عاتقة اللى يخربيتك قاله ازاى يعنى قاله فى مرة كده جيت قلت ممكن الحقك بس هى اللى فتحت وكانت بتكلمنى بالعين والحاجب ومش على بعضها وطبعا مش محتاجه مفهوميه يعنى قاله وليه مقلتش قاله قلت ده هبلة قاله اهى الهبلة دى كانت بترسم عليا فكرانى من الرجاله اللى يخيل عليهم الشغل الرخيص ده بس دى جت لقضاها قاله اه طبعا مش جت فى طريقك لازم هتتفرم قولى عملت ايه جاسر حكاله احمد قاله ياخرابى عليك يا جاسر ده انت يتخاف منك قاله يعنى تدخل بيتى وتلعب عليا واسيبها دى كان ممكن تضر هديه وكان لازم اخلص منها وخلاص ان شاء الله هتغور قريب قاله طيب هتعمل معاها ايه قالها هتعرف متقلقش .