رواية القاسي والبريئه الفصل الثاني والثلاثون32بقلم ايمان ابراهيم
جاسر ارتاح بعد ما خلص من هنيه واللى جت بعدها ست طيبه اوى حتى هديه مرتاحة معاها خصوصا ان هديه بدات بطنها تبان شويه كانت هديه قلقت من النوم قبل جاسر وقفت قدام المرايه وشافت بطنها اللى كبرت وبقت عماله تمشي ايدها عليها وبتتكلم مع اولادها اللى جوة امتى تيجوا بقى بالسلامة يا حبايب ماما واشفكوا بعينى يارب تيجوا بالسلامة يا حبايبى فجاة لقت جاسر وراها ولافف ايده على بطنها وبيقولها فى دنها بصوت ناعم طيب وابوهم الغلبان ده ملوش نصيب فى كلمتين حلوين من امهم ولا من دلوقتى هياخدوكى منى خلى بالك انا بغير اوى اوى قالتله هتغير من ولادك دول لسه مجوش قالها ايوة فعلا لسه مجوش بس شاغلين بالك من دلوقتى ولسه هتتشغلى بيهم اكتر واكتر وانا مش هعرف اتلم عليكى قالتله انت بتتكلم جد يا جاسر قالها اه جد طبعا انا مش عايز اى حاجه تشغلك عنى واذا اقتضى الامر ممكن اجيب حد يساعدك ويبقى معاهم بس عشان تركزى معايا قالتله لا ده انت النهاردة فيك حاجه غريبه قالها ولا غريبه ولا حاجه عايز مراتى تركز معايا وبس كتيير عليا يعنى قالتله طيب ادخل بقى اغسل وشك واجهز عشان الست بدريه زمانها جايه وانا كمان عايزة الحق اجهز قالها ماشي بس افتكرى كلامى كويس وانت عارفانى مش بنسى وكمان فى موضوع عايز اتكلم معاكى فيه قالتله خير قالها خير اوى هتعرفى بس اما ادخل اغسل وشى وافوق كده وهقلك ودخل الحمام عشان يظبط حاله بقى ويستعد لشغله وبدريه جت وهديه فتحتلها صباح الخير يا ست هديه صباح النور يا بدريه يلا انا بحضر الفطار اهو قالتلها عنك بقى انا هكمل روحى ارتاحى قالتلها ربنا يخليكى هروح فعلا عشان حاسه انى دايخة شويه ومش قادرة اقف وراحت عشان تقعد .
بدريه جابت الفطار وجاسر جه وبدا يفطر هو وهديه قالتله هاا ايه بقى الحكايه قالها انتى عارفه اسامة صاحبى طبعا قالتله اه قالها ياستى من ساعة ما شاف اختك وهو واكل دماغى وعايز يتقدملها بس عايز يتعرف عليها الاول قالتله بجد بس ده شافها مرة واحده بس قالها هو اللى يشوف رقيه مرة ينساها 😄😄😄😄 واسامة بالذات ده ليه كده حاله خاصة مش اى واحدة تدخل دماغه بس واضح انك اختك سرها باتع ده كان حالف ميتجوز ولا يجى ناحيته بس اختك جبارة عرفت تاكل دماغه هاا ايه رايك قالتله والله هقول لبابا وماما ورقيه طبعا وارد عليك لما نخلص فطار بفكر اروح لماما احسن الكلام ده مش هينفع فى التليفون قالها وليه بقى الطلوع والنزول لازمته ايه افرضى جرالك حاجه وانتى لوحدك قالها خلاص انا هوديكى فى طريقى واخدك وانا جاى قالتله مش للدرجة دى يا جاسر بلاش مبالغة قالها خلاص بقى يا هديه روحى اجهزى عشان مش عايز اتاخر على شغلى وليه تنزلنى بدرى كده متخلينى براحتى قالها ما انتى صاحيه ومامتك برضه بتصحى بدرى يبقى ليه تضيع الوقت خصوصا ان ممكن ارجع بدرى شويه
يعنى بزمتك انزل ازاى واسيب بدريه كده فى البيت لوحدها قالها عادى كانك فى الشغل قالتله يسلام لما تبقى عايز حاجه بتسهل كل الامور لكن اذا مش على هواك تعقدها مش كده قالها وبعدين بقى فى النكد اللى من غير لازمة ده يلا بدل ما انتى عماله تضيعى وقت كان زمانك لبستى يلا هديه قالتله الامر لله بس اعمل حسابك بعد كده هروح فى الوقت اللى يناسبنى ماشي قالها طيب يلا هديه راحت عشان تقول لبدريه على اللى هى عايزاه عقبال ما تروح وتيجى من عند مامتها معلش يا بدريه عندى مشوار ضرورى مضطرة اسيبك بدريه قالتلها ولا يهمك يا ست هديه هترجعى بالسلامة تلاقى كل حاجه جاهزة ان شاء الله قالتلها ربنا يخليكى يا بدريه يلا هروح اجهز بقى ماشي وراحت عشان تجهز وجاسر يوصلها لمامتها وفعلا اخدها ونزلوا ووصلها عند مامتها امال فتحت الباب لقت هديه اهلا يا حبيبتى وحشتينى اوى والكتاكيت عاملين ايه قالتله الحمد لله يا ماما وانتى كمان وحشتينى اوى وبابا ورقيه اظن لسه نايمة اه طبعا طالما انا هاديه يبقى اختك نايمة احسن دى لما تقوم بتكهرب الدنيا 😄😄😄 انتى كويسه الاول اوعى تكون فى حاجه حصلت قالتلها لا والله يا ماما اطمنى انا جايه عشان انتى وحشتينى وعشان التحفة اللى نايمة دى كمان شكلك هترتاحى منها قريب امال قالتلها ليه فى ايه هديه قالتلها اه فى عريس ولهان كمان امال قالتلها لا بجد مين ده وشافها فين هديه حكتلها امال قالتلها ده هيعمل فينا جميل العمر بس هيظلم نفسه 😄😄 ساعتها رقيه جت بتجيبوا فى سيرتى ليه يعنى ابقى نايمة اقوم على بهدلتى كده ينفع والنبى 😄😄 وبعدين مين ده اللى هيظلم نفسه وليه ان شاء الله هديه قالتلها اهدى يا بنتى 🤌🤌🤌 ابلعى ريقك الاول 😄😄 روحى اغسلى وشك كده وظبطك نفسك وتعالى قالتلها طيب بس على الله تجيبوا فى سيرتى انا ماشيه بس سايبه ودانى هنا بقلكوا اهو 😅👂👂 رقيه راحت عشان تغسل وشها وتوضب حالها ورجعتلهم هااا قولى بقى يا ستى هاتى ماعندك وهدية قالتلهم اللى جاسر قاله رقيه بقى نععععم بقى انا اخد المجنون ده اللى عامل زى القطر 😄😄 هديه قالتلها يا بنتى انتى لسه هتتعرفى عليه الاول وهو كمان مش يمكن تتفقوا ققالتلها متفق ايه ده البوليس هيجى ياخدنا فى البوكس احنا الاتنين 😅😅 امال قالتلها اهمدى يا بت انتى مش لسه هنقول لباباكى الاول ونشوف رايه ايه اهو هنصحيه ونقوله كمال جه وقال اييه خير هتقولوا ايه هديه صبحت عليها صباح الخير يا بابا وحشتنى قالها وانتى حبيبتى عاملة ايه وجاسر قالتله الحمد لله وحكت لباباها على اسامة واللى عمله وعلى طلبه انه يتعرف على رقيه وكده قالها طيب بصي ممكن تخرجوا انتوا الاربعة مع بعض الاول عشان وجودى انا ومامتك ميعملش قلق خلى اسامة يبقى براحته واختك كمان وانتى وجوزك معاهم كده احسن واذا حصل قبول يبقى يشرفنا هنا قالتله خلاص ماشي يابابا هخلى جاسر يتفق معاه .
عند جاسر لما وصل لقى اسامة بيتصل الو الو يا كبير عامل ايه 😁😁 جاسر اصطبحنا على الصبح صباح الخير يا سيدى لسه مفيش جديد قاله اه يا فاهمنى انت قاله المدام عندهم وزمانها بتقلهم ولما ترد عليا هقلك اتهد بقى 😄😄 قاله ما انت عارف صبرى قليل قاله لا ياخويا طول بالك ده عقبال ما تتجوز هطلع روحى معاك ولا ايه قاله ده انا نسمة ولا هتحس بيا بس سلمنى لعروستى وبس 😅😅😅 قاله يارب يا اخى تصدق انتوا متنفعوش غير لبعض عشان كل واحد يعلم التانى الادب هى مسحوبه من لسانها وانت مخك ضارب 😅😅😅 اسامة قاله ماشي يا كبيير مقبوله منك ابو نسب بقى مش هقدر اتكلم قاله بقيت ابو نسب قاله طبعا هو انا اترفض يعنى جاسر قاله يا اخى تبا لتواضعك اقفل بقى خلينى اشوف شغلى ماشي يا وحش سلام وقفل معاه .
هديه راحت متصلة بجاسر وقالتله على اللى كمال قاله قالها خلاص ممكن بكرة يتقابلوا عندنا فى البيت قالتله ماشي اسيبك بقى بقلك انا حاسة انى عايزة اروح كمان شويه ممكن ابقى امشى قالها لا انا متفق معاكى انى هاجى اخدك قالتله يعنى انا افضل قاعدة لحد ما انت تيجى يا سيدى سيبنى براحتى بقى قالها خلاص يا هديه مفيش داعى نعمل مشكلة من لاشيء حتى عشان متنكديش على اختك بقى سلام وقفل معاها ماشى يا جاسر بس لما نروح .
جاسر اتصل باسامة وقاله على الاتفاق اسامة قاله ايوة كده يا جمالك وجمال اخبارك خلاص ده من النجمة ممكن اجى قاله حيلك هترازينا من بدرى ليه بقلك على ٨ كده ده انت ايه يا جدع 😄😄😄 من فرحتى يابو نسب بقى عريس وكده قاله لسه م
بقتش اصبر على رزقك 🤌😄 قاله خلاص هكون عندكوا على ٧ ونص برضه العريس لازم يجى بدرى ولا ايه يا كبيير قاله خلاص هستناك يا صاحبى سلام وقفل معاه .
هديه كانت قاعدة مع مامتها ورقيه كانت خلاص رايحة على شغلها وهديه قالتلها هتسناكى بقى يا رقيه بكرة ان شاء الله عايزاكى قمر كده قالتلها وايه الجديد ما انا قمر متواضعة برضه زى اخينا 😅😅😅 التانى دول هيبقوا عرسان عسل 😄😄 والله هديه قالتلها اكيد انتى قمر طبعا بس عايزين نبقى احلى واحلى بقى احنا عرايس دلوقتى رقيه قالت انا عايزاكى تثقى فيا انا هظبطه 😅😅 سلام بقى عشان عندى شغل كتيير اشوفك بكرة سلام يا ماما مع السلامة حبيبتى .
جاسر خلص شغل بدرى فعلا وعدا على هديه عشان يتخدها بس امال قالتله ميصحش يابنى اطلع عشان تتغدا وبعدين انزلوا مفيش داعى للتعب ده يا طنط تعب ايه عيب متقلش كده يلا اطلع وطلع فعلا وقعدوا يتغدوا بس هديه كانت مش بتكلمه كتيير عشان اضايقت منه لاصراره انه هو اللى لازم يخدها وهو لاحظ طبعا انها مضايقة بس قال لما اروح ابقى اشوف ايه الحكايه وكان بيتكلم مع باباها بخصوص اسامة وقاله انه عايش لوحده بعد وفاة والده ووالدته نفس ظروف جاسر كده ووحيد ملوش اخوات وعنده بيته وكل حاجته فى الفيوم وشقه فى القاهرة كانت بتاعت مامته وباباه وورثها من بعدهم وقاله هو مخليها عشان اذا حب يستقر فى القاهرة ولا حاجه تبقى عنده ومبلغ كويس فى البنك برضه وانه والده الله يرحمه كان مستشار ومامته كانت ست بيت متعملة وكل حاجه بس مشتغلتش فضلت انها تتفرغ للبيت ولاسامة قاله ربنا يقدم اللى فيه الخير ان شاء الله قاله طيب نستاذن بقى عشان انا مجهد اوى وهديه كمان ترتاح شويه قاله ماشي شرفتونا ونورتونا هديه كانت برضه قاعدة مع مامتها واتكلموا بقى على الحمل وامال كانت بتوصى هديه على شويه حاجات كده وبعدين قامت عشان تسلم عليها وعلى باباها ويمشوا وهما مروحين هديه متكلمتش وفضلت ساكته ولما روحوا طلعت مستنتوش ولقت بدريه مخليه كل حاجه زى الفل ودخلت اوضتها عشان تاخد دش وتريح وطلعت لقته قاعد مستنيها وقالها فى ايه بقى البوز اللى انتى عملاه ده قالتله يعنى انت مش عارف ليه هو تحكم وخلاص ابقى عايزة اقعد تمشينى ابقى عايزة امشي تقعدنى هو انا لعبه ولا ايه قالها اولا اهدى ومتزعقيش عشان غلط على الاولاد مش عايزهم يبقوا عصبيبن قالتله هو ده كل همك لكن تفضل مقيد حريتى هادى مش كده قالها لا بس انا اتفقت معاكى وانتى وافقتى بتغيرى ليه بقى قالتله يا سيدى عادى بتحصل ايه المشكلة مش كل حاجه بالمسطرة بقى زهقتنى قالها خلى بالك مش عايز اتعصب وترجعى تخافى تانى وتحصل حاجه قالتله وانت ناوى تخوفنى تانى قالها لا طبعا بس انا ليا طاقة احتمال فبلاش تخلى صبرى يخلص قالتله ده تهديد بقى ولا ايه !!! طيب ورينى بقى هتعمل ايه !!!