رواية القاسي والبريئه الفصل السادس والثلاثون36بقلم ايمان ابراهيم
هديه صحيت من النوم وفتحت عينيها لقيت نفسها فى حضن جاسر وحاطه ايدها على رقبته راحت شايلاها بسرعة وقامت وهو كان بدا يصحى برضه وفتح عينيه وقلها صباح الخير ردت عليه صباح النور ممكن اعرف ايه ده قالها هو ايه اللى ايه ده قالتله انت فاهم قصدى قالها اه عشان كنت واخدك فى حضنى يعنى قالتله ما انت فاهم اهو قالها اه خليكى عارفه ان ملكيش مكان غيره حتى اذا مش عايزه قالتله يسلام هى عافيه يعنى قالها لا من غير عافيه بس مش عشان ضربت حصان كان هيموتنى الدنيا تخرب يعنى مش منطق ولا يجى فى دماغك انى ممكن اضرك كده فى يوم من الايام هو انتى هتفكرى تموتينى يعنى سكتت شويه كده وقالتله لا طبعا بس صعب عليا اوى لما سمعت كده كنت اتمنى انك تقول الحقيقة قالها مرضتش اخليكى تخافى منى لانك مشفتيش هو عمل فيا ايه وانا هحاول ان اصلح علاقتى معاه بس مش دلوقتى وياريت متخليش الموضوع ده ياخد اكبر من حجمه انا هقوم بقى عشان اغسل وشى والنهاردة اسامة جاى لباباكى ماشي اعملى حسابك هنروح مع بعض وسابها وقام عشان يغير هدومه وهى كانت ساكته بتفكر فى كلامه رغم زعلها من اللى عمله فى الحصان بس فعلا مش هتخلى الموقف ده ياثر عليها وعلى حياتها هو فى جزء من شخصيه جاسر مخوفها منه شويه بس هتشوف هو هيتعامل معها ازاى واكيد يعنى مش هيتجنن ويعمل فيها حاجه برضه مش منطق وقالت كان نفسها تعرف الحقيقة وقتها بس كل واحد بياخد الامور من وجهة نظره وخلاص الموضوع حصل وانتهى ومش هتخليه ياثر على حياتها بس ده ميمنعش انها تاخد بالها من جاسر وقامت هى كمان عشان تغير هدومها وتحضر الفطار وبدريه زمانها جايه وفعلا بدريه جت وهديه فتحتلها وبدريه سلمت عليها وقالتلها عاملة ايه يا بنتى انا كنت قلقانه عليكى احسن تعملى مشكلة مع جوزك ولا حاجه قالتلها لا متقلقيش انا عرفت كل حاجه هو انا زعلت واعصابى اتشدت منه بس خلاص مش هقف عند الحكايه دى بس هخلى بالى من تصرفاته معايا انا هعذره بس لان كان بيقول انه كان هيموته وفقد اعصابه بدريه قالتلها طيب خلاص حكايه وعدت وربنا يهديه ويصلح الحال المهم معاملته معاكى قالتلها صح يلا نحضر الفطار بدريه قالت يلا يا حبيبتى .
هديه قعدت تفطر مع جاسر وكان عمال يخطف نظرات عليها عشان يشوف تاثير كلامه معها لاحظ ان وشها هادى وبعدين بدا يفتح معاها كلام قالها احمد قرا الفاتحة ولبس دبل عقبال رقيه ان شاء الله قالتله بجد طيب كويس والله وناوى امتى بقى قالها قريب اوى وهتبقى حاجه بسيطة كتب كتاب كده احنا وهما قالتله ربنا يكمله على خير انا فى الاول كنت زعلانه شويه عشان رقيه بس قلت سبحان الله كل واحد فيهم ربنا رزقه باللى يستاهله قالها فعلا قالتله نفسي ربنا يكرم نهلة بقى قالها هيجيلها نصيبها لحد عندها هو حد يصدق اللى حصل مع احمد او رقيه الصدفه هى اللى جمعت كل واحد على نصيبه قالتله اه صح وراح قالها على فكرة هناء اللى كانت بتطلبنى وانتى اضايقتى كان فى مشكلة فى الشغل ومكنتش عارفه تتصرف عشان كده كانت عماله تتصل وعموما انا قلتلها ان ده ميكررش تانى وانا بقلك عشان بس مخك ميودكيش فى حتت ملهاش لازمة انا مليش فيها واذا كان ليا فيها مكنتش خليت هنيه دى تمشي او اى واحده تانيه قبلك انا اتجوزتك انتى مش اى حد تانى جاسر برضه زكى بيعرف يرضى حتة الانثى اللى فى هديه وعارف ان لى تاثير عليها وان برضه الحمل بيخلى الست عاطفيه والكلمة الحنينه بتاثر معها وهديه من جواها اتبسطت طبعا وقالتله كويس انك قلت انا كنت هسالك عملت ايه قالها ادينى قلتلك لانى مش هبرر اى حاجه تانى عشان تبقى عارفه قالتله طالما مفيش حاجه تضايقنى خلاص انا هقوم عشان اكلم ماما واشوف رقيه عملت ايه عشان اسامة اللى جاى النهاردة قالها ماشي وانا هخلص شويه شغل فى المكتب عندى وسابها وقام وقالها قبل ما تكلمى طنط اعمليلى قهوتى وانتى اللى تجيبيها وهديه قامت عشام تعمله القهوة وبدريه كانت فطرت وبتحضر الغدا وقالت انا كنت قلقانه عليكى احسن تعملى مشكلة مع جاسر بيه بسبب اللى سمعتيه قالتلها انا فعلا كنت حاسة انى هنفجر فى وشه بس هديت الاول عشان اعرف اتكلم ولما سالته وسمعت كلامه يعنى لاقيت انه عنده عذره رغم ان الحصان صعب عليا اوى اوى بس طلبت منها يحاول يصلح العلاقه بينهم قالى هيعمل كده بس مش دلوقتى بدريه قالتلها احسن حاجه انك اتعاملتى بالهداوة وحكايه حصلت وخلصت متخليهاش تعكر عليكى وكل واحد بياخد الامور من وجهة نظره وخلى بالك انتى كل ما هتدخلى فى شهور الحمل اكتر فلازم تخلى بالك من نفسك بقى وتركزى فى اللى جاى قالتلها معاكى حق فعلا وعملت القهوة وراحت توديها لجاسر وبعد كده راحت تكلم مامتها واتصلت بمامتها الو ازيك يا ماما ازيك يا حبيبتى ازى رقيه النهاردة يومها بقى قالتلها اهى مجننانى ومطلعة روحى من الصبح هديه ضحكت 😄 قالتلها خلاص يا ماما هترتاحى منها قريب قالتلها ايوة والله مشفقة على الجدع منها دى هتجيبله صداع على الله ميرجعش فى كلامه ويرجعها 😅😅😅 هديه قالتلها حرام عليكى يا ماما دى رقيه دمها خفيف اوى قالتلها ايوة صح بس تجن بلد بحالها يلا الله يسهله بقى 😄😄 انا شيلت شويه يشيل هو الباقى قالتلها خلاص يا ماما احنا طبعا هنيجى قبله عشان جاسر يبقى مع بابا واسامة كمان بيعتبر جاسر اخوه امال قالتلها خلاص فى انتظاركوا حبيبتى والله نفسي تيجوا تتغدوا معانا قولى لجاسر كده وقوليلى قالتلها طيب هشوف وارد عليكى قفلت مع مامتها وراحت عشان تسال جاسر دخلت عليه المكتب وقالتله ممكن اسالك على حاجه قالها اتفضى طبعا قالتله ممكن نروح نتغدا عند ماما النهاردة قالها طيب اخلص الشغل اللى فى ايدى ونروح مش قبل ساعة او ساعة ونص قالتله طيب تمام وهديه اتصلت بمامتها وقالتلها خلاص هنيجى يا ماما ان شاء الله امال قالتلها خلاص انا هروح اشوف اختك بقى هديه قالتلها وانا كمان هروح اخلص حاجات قى البيت قبل ما اجى مع السلامة حبييتى وقفلوا مع بعض .
وجاسر خلص شغل وقال لهديه تجهز عشان يروحوا لمامتها وهديه جهزت فعلا ونزلوا عشان يرحوا لمامتها وكمال استقبلهم اهلا يابنى ازيك عامل ايه وازيك يا هديه عاملة ايه تعالوا اتفضلوا اتفضلوا ودخلوا وقعدوا واتكلموا شويه وامال جت وسلمت عليهم وقالت لهديه طمنينى الدكتورة طمنتك على التوام قالتلها اه الحمد لله وعلى فكرة هما تلاته 😄 امال قالتلها يا قلبى يا بنتى ماشاء الله الله واكبر ربنا يقومك بالسلامة ويجوا بالف سلامة قالتلها وعلى فكرة هما بنات وبصت لجاسر عشان تشوف هو هيبقى عامل ازاى لان ده كان سبب خلاف قبل كده بس هو كان بارد ومعملش اى حاجه خالص وابتسم وقالها هنتعبك بقى معانا يا حماتى استعدى بقى قالتله يجوا بس وانا هحطهم فى عنيا هديه اتبسطت من رد فعله وخلصوا غدا ورقيه طبعا كانت عمالة تهزر وقالتلها ده انا هجننهملك بس اشوفهم بس 😅 هديه قالتلها لا والنبى خليهم يبقوا هاديين كفايه هدت الحيل اللى مستنيانى وبعدين قاموا بقى عشان رقيه تستعد وتجهز وهديه راحت عشان تساعدها مبروك يا روكا انا فرحانه اوى بجد اسامة باين عليه ابن حلال قالتلها انا حسيت كده برضه هديه قالتلها ربنا يسعدك يارب على فكرة احمد كمان خطب رقيه قالتلها كويس والله ربنا يوفقه هديه قالتلها اه والله انتوا الاتنين ربنا كرمكوا رقيه قالتلها انا بحمد ربنا ان كل واحد فينا لقى نصيبه كده احسن هديه قالتلها ايوة فعلا وجاسر كان قاعد مع كمال ييتكلموا وقاله على احمد انه خطب كمال قاله الف مبروك ربنا يتمم على خير قاله الله يبارك فيك وعقبال رقيه كمان واسامة وصل وكمال قام عشان يستقبله ورحب بيه اوى اهلا يا ابنى اهلا اتفضل ودخل ولقى جاسر ازيك يا كبيير وحضنوا بعض ودخلوا يقعدوا واسامه كان محرج فى الاول فجاسر حب يهدى التوتر اللى كان عند اسامه قال طبعا انا كلمت عمى عنك كتيير وعرفته كل ظروفك وانت بقى عليك تكمل عشان اكيد عمى هيحب يسمع منك كمال قاله انا يزدنى شرف طبعا انى اعرفك اكتر فاسامه اتكلم وعرف نفسه لكمال وقاله انا يسعدنى يا عمى انى اكمل حياتى مع رقيه وصدقنى مش متسرع ولا حاجه انا طبعا شفت وعرفت كتيير ولما قابلت الانسه رقيه حسيت ان هى دى اللى انا عايز اكمل معاها عشان كده بطلب ايدها من حضرتك ويسعدنى انك توافق قاله انا طبعا من اللى سمعته عنك وشفته دلوقتى معنديش مانع بس لازم تسمع من العروسه بنفسك ونادى امال تجيب رقيه وهديه وتيجى وجم ورقيه كانت مكسوفه اوى اوى ودخلت سلمت على اسامة وباباها قالها اسامة طالب ايدك يا رقية رايك ايه اتكسفت وبصت فى الارض اللى تشوفه يا بابا طبعا قالها انا اللى شايفه كل خير على بركة الله يا ولاد ربنا يسعدكوا امال راحت مزغرطة ❤️❤️❤️ واسامة كان جايب معاه دبلتيتن وخاتم وانسيال شيك اوى وقاله بعد اذنك يا عمى انا حبيت ان دبلتى تبقى فى ايد رقيه مش هنفضل كده لحد كتب الكتاب قاله على بركة الله يابنى واسامه لبس الدبلة لرقيه والخاتم والانسيال وقالها مبروك يا رقيه قالتله الله يبارك فيك بس انت عرفت مقاسي ازاى قالها عيب عليكى ده انا خبرة 😉😉 هبقى اقلك بعدين يا قلبى بس طبعا قالها بصوت واطى رقيه اتكسفت ☺️ قالتله يا ايه قالها بشويش يا قلبى سمعتى ولا اعلى صوتى قالتله لا لا والنبى استهدى بالله 😄😄 قالها انتى لسه شوفتى حاجه لسه لسه انا مش عايز اخضك بس ده انا اجن منك 😄 قالتله هنشوف مين اللى هيجنن مين 😄🥰🥰 .
واليوم كان جمييل اوى وكلهم فرحانين واسامة اخد رقيه وقعد معاها فى البلكونه ورقيه كانت جمييلة اوى اوى اسامة قالها انا مبسوط اوى يا رقيه اوى وعلى فكرة انا اعجبت بيكى واتشدتلك من اول مرة ولاقيت نفسي بفتكر فى كلامك واضحك واتبسط لما بفكر فيكى وبعدها بقيت احس انك وحشتينى وانا عمرى ما حسيت كده مع اى حد الا انتى ساعتها عرفت ان مش هقدر اكمل من غيرك عايز اسمع صوتك كل شويه وعلى فكرة انا مش هبطل كلام حلو لا دلوقتى ولا بعد الجواز رقيه مكنتش مصدقة اللى بتسمعه قالهاايه لسانك فين ده ماشاء الله يجيب اخر الشارع 😄😄😄 قالتله الله مكنت كويس يا جدع انت قالها فى واحده تقول لخطيبها وزوجها المستقبلى جدع برضه 😄😄😄 قالتله اسم الله يعنى فى واحد يقول لخطيبته وزوجة المستقبل لسانها يجيب اخر الشارع 😄😄 قالها هو مجبش اخر الشارع ده جبنى انا على بوزى 😉😉 قالتله بجد انا كمان مبسوطة اوى يا اسامة حاسة انى اعرفك من زمان وتعرف حاجه كمان انا برضه كنت بفتكر اللى حصل واضحك وكنت نفسي اشوفك تانى بس مكنتش متخيلة ان ربنا هيستجيب ليا بسرعة كده وربنا يقدرنى واسعدك زى ما بتسعدنى اسامة كان بيسمعها وهو مش مصدق انها بتقول كده وانها برضه كانت بتفكر فيه زى ما هو كان بيفكر فيها قالها انا ماسك نفسي بالعافيه عشان متمسكش من قفايا وكويس ان قلت كتب كتاب علطول لان اذا طولت عن كده مش ضامن نفسي 😄😄😄😄 قالتله لا انت كده خطر انا هجيبلك جاسر بقى واروح لماما واختى قالها يا جبانه 😄🤌🤌 كده من اولها قالتلها اه يا خويا الجبن سيد الاخلاق بالذات فى المواقف دى قالها ماشي ليك يوم يا جميل وورينى بقى مين هيخلصك منى 😉😄 جاسر جاله قاله مبروك يا اس اس عقبال الليلة الكبيرة اوعى تكسفنى قاله عيب عليك انت عارفنى قاله اه اوى 😅 وقعدوا شويه يتكلموا ويتفقوا على يوم كتب الكتاب اتفقوا انه يبقى بعد اسبوعين لان اسامة جاهز ومش عايز يطول خالص وكمال وامال ورقيه وافقوا وكلهم كانوا مبسوطين وخلاص كانوا لازم يقوموا يمشوا واسامة قام عشان يسلم عليهم واستاذن انه يجى بكرة ياخد رقيه ويخرجوا مع بعض كمال قاله مفيش مانع طبعا وجاسر سلم عليهم وهديه باركت لرقيه وحضنتها جامد وعلى امال كمان وكمال ونزلوا مع بعض جاسر وهديه واسامة وكل واحد ركب عربيته عشان يروح اسامة طبعا هيروح يتصل برقيه يحب فيها شويه حقه بقى حقه 😄😄 وجاسر وهديه روحوا ووصلوا البيت وهديه نزلت عشان تطلع البيت وهى طالعة رجلها اتعوجت ووقعت من على السلم وصرخت 😲😲🥺🥺 جاسر كان لسه بيقفل العربيه وسمعها وهى بتصرخ جرى عليها وهو مفزوع وهى كانت بتعيط وحاطه ايدها على بطنها وبتقول ولادى ولادى يا جاسر والنبى الحقنى 🥹🥹🥹 جاسر قالها متخافيش متخافيش وشالها وحطها فى العربيه واتصل بالدكتورة وقالها اللى حصل وهو سايق بسرعة من قلقه الدكتورة قالتله خير ان شاء الله انا هخلى زميلتى اللى ماسكه بدالى تشوفها علطول وهى شاطرة جدا وانا هتابع معاك متقلقش مفيش حاجه ان شاء الله وقفل معاها وووصل المستشفى وشال هديه ودخل بيها وهو بيزعق الحقونا يا جماعة بسرعة الدكتوره جت وقالها انا جاسر قالتله ايوة ايوة الدكتورة اللى متابعة المدام كلمتنى خير ان شاء الله حضرتك انتظر هنا بس وانا هطمنك قالها بسرعة الله يخليكى بسرعة ودخلت الدكتورة مع هديه . يا ترى هيكون حصل ايه مع هديه 🤦♀️🤦♀️ والتوام بخير ولا ايه وجاسر حالته ايه تابعونى عشان نعرف فى البارت الجديد