رواية القاسي والبريئه الفصل السادس والثلاثون36بقلم ايمان ابراهيم
رقيه بعد الموقف اللى حصل وكلام اسامة معاها هى طبعا مكنتش فى احسن حاله وكانت زعلانه اوى بس مش من اسامة هى زعلت من الموقف نفسه ازاى فى ناس بغل كده وسهل انها تضر غيرها ببساطة كده اسامة قالها رقيه انا مش عايز اللى حصل ده يضايقك صدقينى دى واحده الغل والغيرة ماليين قلبها عشان كده عايزة تخرب علينا دى كانت بتحاول كتيير تكلمنى وانا مكنتش برد عليها عشان كده لما شافتنى معاكى النار ولعت فيها انا مش قادر اشوفك كده اتكلمى قولى اى حاجه بس متسكتيش كده رقيه بصتله وقالتله متقلقش يا اسامة انا كويسه انا اتفاجات بس من اللى حصل وانا مصدقاك ومش واحده زى دى تخلينى اتهز ولا اشك فيك بس الموقف يضايق غصب عنى برضه اسامة مسك ايدها بحنيه وقالها يا حبيبتى انتى لازم تبقى عارفه انك مليا عينى وقلبى والا مكنتش جيت اتقدملتلك وكنت فضلت حر وانا مقدر ان الموقف صعب منها لله الله ينتقم منها بس المهم عندى انك مصدقانى واوعى يا رقيه حد يوقع بينى وبينك فى يوم من الايام اذا اديتى ودانك للحاجات دى عمرنا ما هنعيش فى استقرار فهمانى واى حاجه تضايقك تعالى واتكلمى معايا متخبيش عليا ماشي ياروكا رقيه ابتسمت وقالتله حاضر يا اسامة مش هخبى عليك حاجه وانت كمان برضه ماشي يا اس اس 🥰🥰 قالها ايوة بقى هى دى روكا اللى عايز اشوفها علطول اللى ضحكتها بتنور حياتى قالها اذا البت الصفرا دى جت ناحيتى ولا ناحيتك والله هتشوفى هعمل فيها ايه انا مش ممكن اخلى حد او حاجه تضايقك رقيه قالتله ربنا يخليك ليا يا اسامة وتفضل حنين معايا علطول وكملوا القعدة واتكلموا كتير وضحكوا وبعدين قاموا عشان اسامة كان لسه هيوصل رقيه ويطلع يقعد ما باباها زى ما اتفق معاه .
عند شريف بقى جه اليوم اللى المفروض هيقابل مامت ليندا وبابها وهما كانوا فى اسكندريه طبعا شريف وليندا عملوا كده فى الاجازة وطلبوا يومين زيادة كمان عشان شريف يلحق يقابل باباها وفعلا شريف حجز فى فندق وليندا طبعا راحت لباباها ومامتها فرحوا بيهااوى اوى مامت ليندا لما شافتها يا حبيبتى يا حبيبتى وحشتينى اوى اوى وانتى ياماما وحشتينى انتى وبابا اوى اوى باباها قالها شريف مجاش معاكى ليه ردت قلتله والله يابابا بس هو مرضيش خالص وحجز فى فندق قالها خلاص كلميه وقوليله احنا هنستناه حسب الاتفاق وانتى روحى ريحى بقى وتعالى عشان ماما عملالك كل الاكل اللى بتحبيه وتحكيلنا على كل حاجه ليندا دخلت تاخد دش وتغير هدومها وشريف برضه وصل الفندق ودخل يا خد دش ويغير هدومه ويريح شويه لحد ما يجى معاده مع بابا ليندا واكل واتصل يطمن على مامته وباباه وقالهم انه طبعا كان نفسه يكونوا معاه لكن هو هيتفق مع بابا ليندا ان المرة اللى جاية يكونوا معاه عشان يتمم كل حاجه لانه وقته ضيق جدا .
وجه معاد شريف مع بابا ليندا هو دكتور اسنان وعنده العيادة بتاعته ومامتها كانت مهندسه ديكور بس حاليا قعدة فى البيت وشريف وصل حسب المعاد وبابا شريف فتحله الباب وقاله اهلا وسهلا يابنى شرفت ونورت اتفضل ودخل وسلم على مامتها قالتله اهلا وسهلا نورتنا اتفضل استريح ليندا جايه حالا وقعد هو طبعا كان متوتر شويه بس بابا ليندا ومامتها وترحابهم بيه خلوه يحس انه هدا وليندا جت وكانت زى القمر وسلمت عليه وقعدت وشريف بدا يتكلم وقال طبعا انا عارف ان كان المفروض والدى ووالدتى يكونوا معايا بس حضرتك عارف انهم بعيد عن هنا بس والدى هيكلم حضرتك طبعا ويرتب عشان يجى يتشرف بحضرتك وبطنط كمان انا حبيت بس اكسب وقت واجى انا حضرتك انا الحمد لله شغلى كويس جدا وشقتى موجوده ومش ناقصها غير ان ليندا تنورها وانا هشترى طبعا شقه ليندا عايزاها هنا ماشي او فى القاهرة برضه مفيش مشكلة زى ما تحب ويسعدنى ويشرفنى ان حضرتك توافق على جوازى من ليندا ويبقى كتب كتاب انا مبحبش الصراحة خطوبه بقى نفسي اسافر وليندا على اسمى رسمى ايه راى حضرتك قاله شوف يابنى انت باين عليك ابن ناس طيبين وليندا كلامها عنك كله خير ولولا الظروف والضغط اللى انت فيه مكنتش هقدر اوافق بالسرعة دى لكن انا شايف ان انت وليندا متفاهمين فى كل حاجه بس لازم طبعا اشوف والدك ووالدتك عشان اقدر اتمم جواز بنتى منك شوف هما يقدروا يجوا امتى ونتمم كل حاجه قاله خلاص هكلمهم وارد على حضرتك باباها قاله خلاص تمام وعتبر ليندا ليك من دلوقتى لحد ما مامتك وباباك يشرفونا وشريف من وقت للتانى يبص لليندا وهياكلها بعنيه وفضلوا يتكلموا والقعدة كانت حلوة وبعدين شريف قام عشان يستاذن وقام يسلم على باباها ومامتها بدرى يابنى انت لسه قاعد معانا قاله معلش ياعمى يدوب الحق ارجع عشان اشوف مع بابا وماما هيقدروا يجوا امتى لان الوقت ضيق هما ٥ ايام اللى عرفنا ناخدهم بالعافيه قاله خلاص يابنى هستنا تنورنى بعيلتك الكريمة المرة الجايه وشريف سلم عليهم وعلى ليندا وهى بتوصله للباب راح خطف بوسه 😚 بسرعة وقالها هتوحشينى اوى خلاص هانت كلها شويه وتبقى مراتى ومش هحتاح اخطف منك البوسه زى الحرامي اللى خايف يتقفش ليندا ضحكت 😄 وقالتله خلاص هانت صحيح يا حبيبى هستناك ماشي وطمنى لما توصل قالها حاضر ونزل عشان يروح ويكلم مامته وباباه ودخل الاوضه وكلمهم .
الو يابابا ازيك عامل ايه واحشنى وماما كمان ورقيه وهديه قاله وانت يا شريف وحشتنا يا ابنى عامل ايه قاله انا كويس اوى بس يابابا لازم انت وماما تيجوا اسكندريه بقى لان وقتى ضيق اوى عشان انا عايز اخلص موضوع جوازى ده قاله خلاص يابنى انا هاجى بعد بكرة انا ومامتك وهشوف بقى اخواتك عشان لازم يحضروا جوازك طبعا قاله ايوة طبعا والنبى تسلم عليهم اوى وعلى رقيه وانا هباركلها وياريت تخلى اسامة يجى معاها انا هاخد رقمه واكلمه قاله ماشي يابنى ربنا يوفقك ويتمم على خير ولو ان جوازتك مكهربه كده قاله معلش يابابا عشان شغلى بقى انت عارف قاله عارف يابنى وشريف كلم مامته وسلم عليها وبعدين قفل معاهم عشان ينام بقى لانه مجهد جدا .
امال قالت لكمال انا هكلم هديه اشوف بقى هتقدر تيجى هى وجاسر على الله ما يقلش حاجه ده اخوها الوحيد مش هيتجوز كل يوم ورقيه تبقى تقول لاسامه بقى كمال قالها انا هقوله لما يجى هما خلاص على وصول قالتله خلاص هكلم هديه عقبال ما يجوا وامال اتصلت بهديه الو ازيك يا هديه الحمد لله ياماما بخير انتوا كويسين قالتلها اوى حبيبتى وعندى خبر حلو اوى هديه قالتلها فرحينى قالتلها اخوكى خلاص هيكتب كتابه فى اسكندريه هديه قالتلها بجد ياماما يا حبيبى يا شريف ربنا يكمله على خير قالتلها عايزين نبقى مع اخوكى بقى شوفى جاسر عشان نروح لاخوكى اوعى متجيش يا هديه اخوكى يزعل فيها قالتلها ان شاء الله هاجى يا ماما انا هقول لجاسر علطول ربنا يستر بقى 🙆♀️ اما نشوف جاسر هيوافق ولا ايه
اسامة وصل ورقيه وطلعوا ورقيه فتحت الباب وقالتله اتفضل يا اسامة تعالى وكمال جه وسلم عليه وقاله يلا يا بطل الشاى مستنى مرضتش اشربه غير لما تيجى وعندى خبر حلو وقعدوا وكمال قال لشريف اسامة قاله الف مبروك ياعمى وانا يشرفنى طبعا ان اكون معاكوا خلاص انا هعمل حسابى وهفضى نفسي وربنا يتمم على خير واهى فرصه اتعرف على شريف ده ابو نسب برضه 😄 نروح بقى للاخ جاسر هديه قالتله جاسر عندى خبر حلو عايزه اقلك عليه قالها خير قالتله شريف خلاص هيتجوز قالها الف مبروك ربنا يكمله على خير قالتله بس ده هيكتب كتابه فى اسكندريه قالها يعنى ايه قالتله يعنى لازم نسافر عشان نبقى معاه مش هينفع اسيب اخويا فى يوم وى ده قالها طيب ده ممكن يبقى خطر عليكى سفر ورجرجة عربيه ومسافه برضه قالتله يعنى ايه بقى مش هعرف اروح 🥹🥹🥹 ده اخويا الوحيد ياجاسر قالها يعنى اجازف تانى يا هديه ربنا ستر المرة اللى فاتت قالتله مش هيحصل حاجه والله ابقى امشي على مهلك قالها مش عارف قالتله يعنى ايه هتفكر انا عايزة اروح هو اخويا هيتجوز كل يوم قالها يووووه يا هديه قلتلك هشوف هسال الدكتورة وارد عليكى هديه قالتله مليش دعوة اى كان كلام الدكتورة بقى ايه رايك وسابته ومشيت هديه قالت انا عارفه هخليك توافق ازاى اصبر عليا 🤌 ياترا هديه هتعمل ايه عشان تخلى جاسر يرضى يخليها تسافر .