رواية عمار ودعاء الفصل الثالث3 بقلم مريم خالد
وبكل ثقة كأني البنت الشبح إللي مفيش مني و خدت ع دماغي!
دعاء: ها يجميل رمضان قرب وأنت ماجتش فين فانوس الزيت بتاعي؟
صمت رهيب من الطرف التاني أنا أترعبت!
: هجيبلك حاضر
دعاء: يا سوادي والتليفون وقع مني
أخدته في أيدي وحرفيًا ف دقيقتين كنت ف أوضتي في السكن
دعاء: إيه إللي هببته ده هو قالي هجيبلك حاضر؟ نهاره منيل هو بيتلكك! هيقول إيه دلوقتي هيقول بتلكك عشان نرجع!
الجرس ضرب
دعاء: مين المهزأ دهه
خرجت ملقتش حد بس لقيت الفانوس! ومعاه كارت مكتوب فيه
" طب أنا مليش غيرك، نرجع؟"
منكرش ابتسامتي بقت من الودن للودن ولا كأني أنا إللي قولت نبعد ع سبب تافهه ولا كأني عاملة إني أسترونج ومش فارق لي وأنا دايبة
دعاء: يا عديمة الكرامة إيه الإنشكاح إللي أنتِ فيه أتلمي يا دعاء أتلمي مينفعش هو أصلًا أصلًا أنا مبحبوش أنا كنت بسلي وقتي
: بتتسلي بولاد الناس؟!!!
دعاء بخضة: أتفو في حد يخض حد كده يا عمار الغبي
عمار: أنا غبي؟
دعاء: بس بقا خد فانوسك وامشي
عمار: أنا كنت غبي لما سمحت لك تمشي بس مش هبقى غبي تاني وأسيبك وبعدين مش قولتي رمضان قرب وأنت ماجتش فين فانوس الزيت بتاعي؟ أديني قربت أنا والفانوس مش هتقربي أنتِ كمان ولا إيه
دعاء: كان حكم في لعبة وأه لأ مش هقرب كفاية علينا كده
عمار: كنتي بتتسلي بيا؟!
دعاء: أه وبعدين إيه ده جبت البرتوئني
عمار: لسه لسانك معوج
دعاء: وأنت لسه حلو
عمار بضحك: إيه؟
دعاء دخلت وقفلت الباب ف وشه
دعاء: أبعد عني وعن خلقتي كان قصدي ع التليفون
عمار: يا دعدع ماتبقيش جبانة مش متعود عليكِ كده فين الشبح بتاعنا!
دعاء فتحت الباب: أنا شبح يعني أنا مكنتش بنوتة كيوتة أيام الخطوبة!
عمار: في بنوتة كيوتة تأكل خطيبها في أول مقابلة فسيخ ورنجة وبصل أخضر!
دعاء: إيه المشكلة وبعدين عارف كيلو الفسيخ بكام دلوقتي؟؟ أنت تطول يسطا! حد لاقي ياكله دلوقتي
عمار: يسطا! ده أنا مبقولهاش يا دكتورة
دعاء: تصدق وأنا أول مرة أقولها بس عجبتني مع سياق الكلام
عمار: أنا آسف أنك زعلتيني وسمحتلك تبعدي عني
دعاء: إيه الآسف الجاف ده! لأ مهزنيش من جوا محستوش
عمار: دعاااء!!
دعاء: قولتلك ميت مرة ماتجبش سيرة شهيرة!
عمار: طب شهيرة
روح: الله الله إيه الجنان إللي بتعملوه دهه مش المفروض سايبين بعض زمايلنا جايين ي دعاء ميعرفوش حوار خطوبتك ده أدخلي وأنت أمشي دلوقتي
دعاء مسكت ايد حور وقفلت الباب ف وشه
عمار: ماشي يا غالية
دعاء: ماتجيش جمبي تاني عشان هرفع عليك محضر عدم تعرض
عمار ضحك ومشي عشان ميحصلش مشاكل
روح: ممكن أفهم في إيه
دعاء حكيتلها من ساعة البحر لحد دلوقتي
دعاء: وبس يستي رجوع مش راجعة موجوع يقول أهه مش سامعة
روح: يا بت أنتِ جبروت ليه أنتِ إللي مزعلااه يا قادرة أساسًا وحاطة دهبك ف دولابك وبتقولي سيبنا بعض سيبتوا بعض بالصور إللي ف دولابك والدهب ده ده إللي بيتكلم عاقل والمستمع أهبل بقا!
دعاء: أنتِ معاه ولا معايا!
روح: مع الحق يا قادرة
دعاء: يعني يزعقلي في الكافية عادي!
روح: يعني عايزاه يشوفك ب ميك أب عادي وضحكت عالية مع بنات وشباب قاعدين وهو معدي بالصدفة!
دعاء: أعمل إيه يعني عادي
روح: أتقي الله وريحي يا ملتزمة يا محترمة الميك أب حرام مش بنحط أصلا اشمعنا يومها سخنتي؟؟ ومن إمتى وبتعلي صوتك
دعاء: ثواني أنا محكتش ليكِ تفاصيل الخناقة عرفتي كل ده منين!
روح: ها! أنا راحة أعمل العشا
لسه بتمشي مسكتها
دعاء: بتخططي عليا من ورايا يا راحرح!!
روح: مش أنا لوحديي أنا وأهلك وهو واقولك شيء إحنا متفقين سوا ف كل ده عشان تتقي لله وتعقلي وتبطلي عته
دعاء: أنا عاقلة
روح: في كل علاقاتك إلا علاقتك بيه معرفش بتبقي عيلة معاه ليه
دعاء: تصدقي أنا نفسي معرفش بقلب بطة بلدي قدامه ليه! مع إن دي مش شخصيتي مع الكل بس يمكن بشاركه جزئي الطفولي إللي ماحدش يعرف عنه حاجة عشان معشتوش كويس
روح: فهماكِ عامةً
دعاء: المهم هتعملي إني معرفتش حاجة وهتساعديني في كام حاجة كده
روح: لأ ماتنسيش أنه ابن خالتي
دعاء: وأنا إيه ي هانم؟
روح: مرات ابن خالتي هقهقههق
دعاء: طب يلا يا خفة أسمعيني
*هتعرفوا الكلام بعدين*
روح: حرام عليكِ يا دعاء هو ناقص!
دعاء: هتساعديني ولا أتلاشهه ومرجعش
روح: هساعدك هساعدك أوف
دعاء: شطورة ي غالية
ناكل وننزل عشان اجيب فستان جديد لزوم الخطة
روح: هتودينا في داهية بس معاكِ للأخر
دعاء: ي صاحبي عيب عليك
روح: يلا يا مصيبة يلا يا أخرتت صبري
مشينا وجبت فستان منقوش عسول أوي وطرحة طويلة
دعاء: كده البداية
روح: أنا بقول بلاش نكمل كفاية الفستان الجديد عليكِ
دعاء: نعم يختي!! بطلي يا خوافة هنكمل يلاا رني عرفييه
روح: هيجي يقتلك؟!
دعاء: لأ ولا الهواء
ظبطنا القاعدة
دعاء: بس أنت كويس أوي يا آسر بجد
آسر: أول مرة تقولي لي كلمة حلوة
عمار من وراه: وآخر مرة وضربه بالبوكس
دعاء: إيه التخلف ده مالك بيه
عمار حرفيًا كان بيطلع دخان من عينيه
دعاء: بكلمك رد سيبيه!
عمار: أسيبه؟ خايفة عليه؟ تمام يا دعاء حابة تنهي تمام
قلع دبلته وحطاها ع الترابيزة ومشي
روح: دعاء قولتلك بلاش
دعاء عيونها رغرغرت وعيطت وآسر أعتذر ومشي
" آسر إبن خالة دعاء وأصغر منها بتلات سنين أصلًا بس هو باين عليه اكبر من سنه ف قالت تستغله ع أساس تنكش عمار عشان يغير ويتصالحوا وبتاع بس قلبت ع دماغها"
نستغل الأسكربيت ونتكلم بقا على موضوع الغيرة ده بما إن بحب أضيف لمسة مميزة لأي حاجة بكتبها
الغيرة الفطرة السليمة في الرجال يعني إيه مراتك أو خطيبتك يبقى عندها صحاب ولاد أو بيست فريند ولد صديق طفولتها! مريم خالد مش بتحس أنك بتغلي وهي بتحكيلك عنه حتى لو بيقولوا أخوات مفيش حاجة في الإسلام وف أي لحظة ممكن مشاعرهم تتبدل في لحظة القلب مفيش عليه سلطان
مش متخيلة في يوم يبقى في راجل في حياتي ف أيدي دبلته وميغيرش عليا!
بشوف إن إللي مبيغرش مبيحبش يا مريض يا أهبل يا بيستعبط بس هو فيه حاجة مش تمام
بستغرب بجد إزاي حد يخرج زوجته أو خطيبته بضيق وتهزر مع شباب وولاد خالاتها وعمها عادي أنا لو مخلينش ألتزم ع التزامي و شوفت غيرته عليا مش هبقى مرتاحة
الملخص يعني
الغيرة يعني حب وفي فرق بين الحب والشك والشك الطرفين بيخلقوه من أسلوبهم الغلط الغيرة حاجة مش بإيدنا نتحكم فيها لما الطرف التاني يحس إن إللي قدامه بيغلي يهديه مش يولع الدنيا أكتر
نرجع للأسكربيت
روح: بطلي عياط بقا
دعاء: أنا مكنتش عايزة كده
روح: هيرجع ي ستي متعصب بس
دعاء: أو ميرجعش بقا عادي نصيبنا
عدى أسبوع حرفيًا أبشع أسبوع عدى عليا و فهمت قيمته وقدرت كل إللي كان بيعمله وخوفه وغيرته وقد إيه أنا عكيت في حقه! بس هعمل إيه بالندم
قومت غسلت وشي عشان كان ورايا فاينل بعد بكرا
روح: تعالي ننزل نخرج
دعاء: معنديش شغف يا روح ولا طاقة حابة تروحي أنتِ روحي
روح: ليه
دعاء: هو المفروض كده كل حاجة أنتهت خلاص!
روح: لأ ماظنش
دعاء: حاساكي مخبية عني حاجة!
روح: هخبي إيه ي بنتي
دعاء: سافر بردو؟
روح: ياريت سفر
دعاء: ماله يا روح!!!
روح: أتجوز هقهقهقهقهق
دعاء: طب غوري من وشيي
روح: ملهوش يا ستي وبعدين شغالة بالك بيه مش ده إللي كنتِ عايزاه؟!
دعاء: مكنتش عاوزة كده كنت بحب أدلع عليه بحب أشوف خوفه وغيرته عليا بس الموضوع أتقلب عليا في الأخر
روح: كنت بقول عليكِ عاقلة طلع عندك ربع مهوي زينا عادي
دعاء: هو بس إللي بشغل مع الربع المهوي ده، معاه أنا مبفكرش حرفيًا إللي بيطلع بيبقى كله عفوي بحت
روح: عايزة إيه يعني
دعاء: هعوز إيه عادي ولا في دماغي يلا نخرج
روح: أنتِ مهبولة؟
دعاء: اسمها هبلة إيه مهبولة دي
روح: دي مشكلتك عادي أشتمك يعني
دعاء ضربتها ع قفاها
دعاء: كده كويس
روح: أهه يا مهزءة! قفايا ي غبية!
دعاء: عشان تتلمي عشان عاملة تغلسي وساكتة لك بمزاجي
روح: طب مش هقولك ها
دعاء: ع فكرة مش مرتاحة لك من بدري ولو طلعت حاجة كبيرة وبتسهيني عنها هزعل وأزعلك
روح: هو قالي مقولش
دعاء: هو حمار قولي
روح: أنتِ إللي حمارة وغبية متقوليش عليه كده
دعاء: مين يشهد للعروسة
روح: ده العريس
دعاء: ها أخلصي
روح:***********
دعاء بخضة: أبو التخلف يا جدعان