رواية الديزل الفصل الرابع4بقلم بيري الصياد
ينزل بحر من سيارته وينظر إلى هذه الفتاة التي تقع علي الأرض وينظر إلي صفوت الذي ذهب إلى ياسمينا وقال وهو يساعدها تنهض:انتي كويسه يا بنتي في حاجه وجعاكي
تنظر ياسمينا إلى بحر وتقول بصراخ عالي:انت اعمى ازاي تخبطني بطريقه دي ايه مبتشوفش
بحر بغضب شديد ونبرة اخافتها:اتلمي يا بت احنا هنخيب ولا ايه و وطي صوتك احسن ما اقطعه من الدنيا كلها
ياسمينا بغضب أشد رغم خوفها من نبرته القويه:انت مين انت علشان تتكلم معايا بطريقه دي اوعى تكون فاكر إني هسكتلك لا يا بابا انت حشر
قطعها صفوت الذي وضع يده علي فمها وسحبها اليه وقال:بس يا ياسمينا محصلش حاجه
تنظر إليه ياسمينا بغضب شديد وتنزع يده من عليها بعنف وتقول بصراخ عالي:انت ازاي بتقول كده انا بنتك و البني ادام ده كان هيقتلني معقول مش فارقه معاك بالدرجه دي
يتنهد صفوت بقوه ويقول:ياسمين انتي كويسه واكيد بحر مخدش بالو منك هو مش مؤذي كده
تنظر إليه ياسمين بعدم تصديق وقلبها يتألم بشده منه وتنظر إلى بحر وتعود تنظر إلى والدها وكادت ان تذهب لكن يمسكها صفوت ويقول:تعالي عايزك في موضوع مهم
تنزع ياسمينا يده عنها بعنف وتقول بصراخ عالي:انت ملكش دعوه بيا خالص اوعي تل
اييييييييييه يااااااااا بتتتتتتتتتتتتتتتت مش شايفه قدامك ليييه ما تلمي نفسك وتشدي بلاستر:كان هذا صوت بحر الغاضب من طريقتها واسلوبها مع صفوت
تنظر اليه ياسمينا وتقول بغضب أشد:انت مالك يا بني ادم انت اوعى تعلي صوتك ده عليا فاههههههم
ينظر اليها بحر من الاسفل للأعلى ويضغط علي شفتيه بقوه ويقول:في كلام +18 هموت واقوله
ياسمينا بعدم فهم:ايه
كاد بحر أن يرد عليها لكن يقول صفوت بعد أن أتقن بأن اذا بحر تحدث سوف يخرج وقاحته عليها وهو لا يرد هذا:كفايه ومش هنفضل واقفين هنا كتير يلا خلينا ندخل
تنظر اليه ياسمينا وتقول:انا ماشيه
تمسكها رقيه وتقول:تعالي يا سو ندخل ونشوف بابا عايز يقول ايه وبعد كده امشي براحتك
كادت ياسمينا ان تتحدث لكن تمسكها رقيه وتقول وهي تذهب إلى الداخل:تعالي يا روحي دلوقتي
ينظر بحر خلف ياسمينا وينظر الي صفوت ويقول:يؤسفني اقولك انك معرفتش تربي فالح عندي تقولي تربيتك تربيتك يا شيخ كنت ربيت بنتك الاول
ينفخ صفوت ويقول:اسكت يالا و ملكش دعوه بيها هي ياسمينا لسانها طويل ومش بتشوف قدامها شويتين بس قلبها أبيض ومش عارفه حاجه في الدنيا
ينظر بحر أمامه ويتذكر هيئة ياسمينا أمامه ويقول:وانت الصادق مش قلبها الابيض
صفوت بغيظ شديد:قصدك إيه يا كلب
ينظر إليه بحر ويبتسم ببرود ويقول:عايزني في ايه يا مدير ورايا شغل عايز امشي
ينفخ صفوت ويقول: تعالى يا بحر عايزك في حاجات مهمه
أنهى حديثه وذهب إلى الداخل وينظر خلفه بحر ويحك رأسه ويقول بداخله:عليا الطلاق حاسس انك هتلبسني في الحيط يا مدير يلا هي موته ولا اكتر
ويذهب بحر الي الداخل و يحمحم بقوه وهو يدخل ويرى ياسمينا تجلس وهي تضع قدم علي الأخرى وتهز قدميها بغضب تحاول كتمه ليقول بصوت افزعها:نزلي رجلك يا بقره
تنظر اليه ياسمينا بفزع وتقول:في ايه
يبتسم بحر بهدوء وكأنه لم يكن الذي غصب منذ قليلاً ويقول بابتسامته المستفزه:نزلي رجلك يا بقرتي كده حلو
تنهض ياسمينا وتقول بغضب شديد:مين البقره دي يا بتاع انت اوعى تقول كده تاني فاهم انا مش بقره
بحر و نظراته الوقحه تحرقها:احلى بقره في الدنيا عليا الطلاق ياريت يكون في الزرايب بقر زيك كانت البلد عمرت بالخير كله
ياسمينا بصراخ:بطل بقي كلامك ده
يبتسم بحر ابتسامته المستفزة ويقول:ابوكي معلمكيش ان صوتك ميعلاش علي الكبير يا بقرتي مش عيب كده
(انت لو قدامي كنت دبحتك يا ابو البحور ياخويا🙂😂)
كادت ياسمينا أن تصرخ به أكثر لكن يسمعون التي تقول وهي تنزل علي الدرج:ايه اللي بيحصل هنا وايه الاصوات دي
ينظرون إليها الجميع وتنظر نجلاء الي بحر وتقول بغرور شديد:مين ده
صفوت بهدوء: بحر الرفاعي اللي هيمسك كل الشغل الفتره الجايه وهو إللي هيدير الشركه والمصانع
تنظر إليه نجلاء بسرعه وتقول:وهو احنا ناقصنا شاغلين ي
قطع حديثها بحر الذي قال:شكلك واقعة علي ودنك يا هانم هعيد كلام المدير علشان تسمعي كويس قالك هيمسك شغله يعني بالبلدي كده انا هديكم مصرفكم وياريت متصرفوش كتير علشان ممنعش المصروف خالص
أنهى حديثه بنفس الاستفزاز المميت وينظرون إليه الجميع وتقول نجلاء بصراخ عالي:انت بتقول ايه، ايه الكلام الفاضي ده
يبتسم بحر ويذهب يجلس علي الاريكه ويفرد يده ويقول:معلش يا مدام معنديش وقت اعيدلك تاني اطلعي كده واقعدي مع نفسك ودوري الكلام في دماغك يمين شمال وبإذن الله هيجي معاكي سكه مش فاضيلك انا
اسلوبه يستفز نجلاء بشده وتنظر الي صفوت وتقول بصوت عالي: تقدر تقولي ايه الكلام الفاضي ده يا صفوت
بحر بهمس لحاله:ده طلع العيله كلها بقر و شاطرين اوي في الجعير يخربيتكم خرمته طبلة ودني
وينظر الي رقيه التي لا تفهم شئ ليقول بغمزه إليها:يؤبرني العاقل الراسي اللي مش بيجعر عليا الطلاق فخمه يا بت
تضحك رقيه بخفه من اسلوبه غصب عنها وتقول:ميرسي
بحر بهمس لحاله:بيتكم باللي في
تلوح ياسمينا بيدها بلامبلاء وتقول:انا ماشيه
ينقل بحر رأسه وينظر اليه بطريقة جعلتها تخاف منه وتنظر بعيد عنه بسرعه ويقول صفوت:اقعدي يا ياسمينا علشان عايز اعرفكم علي بحر وتعرفوا اللي هيتم الايام الجايه
تنفخ ياسمينا وتقول:وانا مش هيفرق معايا كتير يا بابا مليش دعوه بحاجه عايز تخلي يمسك شغلك براحتك حتى لو عايز تكتب ليه املاكك كلها انت حر
وكادت أن تذهب لكن يقول صفوت بصوت عالي:خدي يا ياسمينا انا بتكلم اقعدي اسمعيني انتي هتشتغلي مع بحر الايام الجايه وانا عايزك تتعرفي عليه وتعرفي شغلك اللي هايجي هيكون ايه
ياسمينا بغضب شديد: دي مين اللي تشتغل مع البني ادم ده طبعاً لا انا عمري ما اشتغل يا بابا انت عارف كويس اني بكرهه الاسلوب ده لا ويوم ما اشتعل اشتغل مع ده
انهت حديثها وهي تشير علي بحر الذي ابتسم وعاد للخلف أكثر وقال:بكره اقطع لسان امك الوسخ ده
تنصدم ياسمينا من حديثه وتنظر إليه بسرعه وتقول نجلاء بغضب شديد:انت بتقول ايه ايه الكلام ده
ينظر إليها بحر ويقول باستفزاز:بفكر بصوت عالي متخديش في بالك انتي هقطعلك لسانها هي مش انتي
كادت نجلاء ان تتحدث لكن تتذكر جملة واحده (بحر الرفاعي اللي هيمسك كل الشغل الفتره الجايه) لتنزل عليها صاعقة قوية وتنظر الي صفوت بسرعه ويفهم صفوت بماذا تفكر
ينظر إلى ياسمينا ويقول:مش عايز صداع ولا كلام كتير يا ياسمينا انا قولت انك هتشتغلي مع بحر الايام الجايه وهتتعلمي كل حاجه عن الشغل
تحاول ياسمينا ان تهدئ وتقول:انا مش فاضيه يا بابا لما افضى ابقى اشوف الموضوع ده
صفوت بغضب: وراكي ايه يا ياسمينا هانم وراكي سهراتك لحد الصبح مع البنت اللي اسمها مي دي مش كده
ياسمينا بنفس الغضب:مي صاحبتي ومش عايزاك تتكلم عليها يا بابا ارجوك هي معملتش حاجه وحشه فيا ولا هتعمل
صفوت بصوت عالي:اخرسي ومش عايز اسمع صوتك يا ياسمينا اطلعي علي فوق واعملي حسابك من بكره هتنزلي الشركه مع بحر ولو حصل عكس ده مفتاح العربيه والكريديت كارد بتاعتك هتتسحب منك وشوفي نفسك هتصرفي منين ولا هتروحي سهراتك ازاي
تنظر إليه ياسمينا بغضب شديد وتنظر إلى بحر الذي ابتسم باستفزاز مميت
تركض ياسمينا إلى الأعلى وهي تغضب من والدها وأيضا من هذا بحر الشخص المستفز والذي يجعلها تريد ان تطعنه بسكين بهذه اللحظه
ينظر خلفها صفوت وينهض بحر ويقول:مكنتش اتمنى اشوف المشاكل العائليه دي يا مدير بس انت مصر تحطني معرفش ليه بس يلا فرصه سعيده وابقى اعزمني علي الخناقه الجايه اهو نتسلى شويه
صفوت: خد يالا هنا انا لسه عايزك
ينفخ بحر ويقول:لا بقولك ايه يا مدير انا تعبت و انت اخد وقت كبير مني انهارده خليها في يوم تاني بقى
وكاد أن يذهب معه إلى الخارج لكن تقول نجلاء:صفوت عايزك دلوقتي
ينظر إليها صفوت وينظر إلى بحر ويقول: استناني في العربيه شوية وجايلك هنروح مشوار انا وانت
يميل بحر بلامبلاء ويذهب الي الخارج وينظر صفوت إلى نجلاء
تنظر إليهم رقيه وتذهب إلى الاعلى وتقول نجلاء:هو ده بحر ابن ا
قطعها صفوت الذي قال ببرود شديد:ايوه هو يا نجلاء
يجن جنون نجلاء وتقول بصراخ عالي:وده بيعمل في بيتي ايه يا صفوت انت ازاي تسمح لنفسك انك تدخله بيتي أصلاً
صفوت بغضب:ده بيتي انا يا نجلاء وانا ادخل في اللي انا عايزه انا حر ومش عايز صداع وملكيش دعوه بأي حاجه تحصل فاهمممممه
نجلاء بغضب أشد:لا مش فاهمه يا صفوت ولا عمري هفهم الشخص ده لو دخل بيتي تاني او لو عملت زي ما انت بتقول وخليته يمسك شغلنا انا هخليك تندم اوعى تفكر اني هسمح للواد ده انه يدخل في حياتنا ولا يتحكم فينا كفايه اوي اللي عملته زمان بلاش تخليني اكشف المستور و عليا وعلي اعدائي
ينقلب وجه صفوت في اقل من ثانيه واحده وتبتسم نجلاء وتقترب منه وتقول:بلاش تلعب معايا انا يا صفوت انت عارف اني زي ما طلعتك ارجعك لنقطة الصفر من تاني
يمسكها صفوت من يديها بعنف شديد ويقول بغضب شديد:اوعي تفكري اني هخاف منك يا نجلاء مش انا اللي اخاف من حاجه أنتي عارفه انا مين كويس اوي
تضحك نجلاء وتقول بنبرة هادئة وبارده بشده:اه وعلشان كده وشك قلب اول ما قولتلك هكشف المستور مش كده يا حبيبي عموماً لو عايز تجرب جرب وانا هوريك انا هعمل ايه
انهت حديثها وذهب إلى الأعلى ينظر خلفها صفوت ويبلع ريقه ويذهب إلى الخارج يرى بحر يسند علي السياره وهو ينظر الى هاتفه ليتوتر بطريقة ملحوظه
يشعر به بحر ويقول:في ايه يا مدير مش هنخلص من ام اليوم ده
يحاول صفوت أن يعود طبيعي ويقول بعد ان وقف أمامه ويقول:ايه يالا اللسان ده مش راحم حد من ساعة ما دخلت
بحر بغيظ شديد:اسكت والنبي يا مدير بقى انت جايبني علشان اشوف البقره بنتك ولا البومه مراتك هو انا ناقص هم ده ايه الحزن ده ياعم
صفوت بغيظ أشد:لاحظ أن دول مراتي وبنتي يا بحر لم لسانك قدامي حتى علي الاقل
يشمئز بحر ويقول: والنبي اتنيل ياخويا لامؤاخذه يعني بس انا كرهت عمري في النص ساعه اللي قاعدتها في بيتكلم لا والاستاذ عايزني اشتغل مع البقره دي يا عم ارحمني انت مفكرني ايه
صفوت بغضب شديد:مفكرك ابني ياخويا واخرس يا بحر متجبش سيرة ياسمينا تاني ثم اني عايز اربيها وانت الحل الوحيد اللي يخليها تتربي علشان كده عايزها معاك
يبتسم بحر ببرود ويقول:طب ما تجوزهالي يا مدير