رواية زينة البنات الفصل الثالث والخمسون53 بقلم نجلاء فتحي عاشقة الكلمات
___________
رجع بهاء من السفر ووصل البيت ،،، أتفجأت بيه آيه
آيه/ حرام عليك ٣ أسابيع مفيش تليفون تطمني عليك،،كنت بتصل على زينه وهى تطمني أبيه عبدالله الوسيط بينا
بهاء/ المكان مكنش فية تلفونات
آيه/ حمدالله على سلامتك أهم عندى ،،،،،،
بهاء/ الشنطة دى علشانك
آيه/ دى شنطة سفر كبيرة فيها إيه!!!!!!!!!!!!
بهاء/ شوفيها
جلست هى على ركبتها وفتحتها وجدت ملابس بيتى وخروج وشنط وأحذيه وبرفنات وحلويات
آيه بفرحة/ كل دة ليا لوحدى
بهاء/ عبدالله قبضنى السنتين إللى فاتوا وفلوس كتير أووى ،،،بور سعيد فيها حاجات مستورة حلوة ألبس وعيش يا يويو
أتسعت عين آيه/ أنت قولت إيه يويو بدلعنى 🥰🥰
بهاء/ أمممم
آيه بتلقائيه/ أنا يويو وأنت بوب
بهاء بعدم فهم/ يعنى إيه بوب دى
آيه/ دلع خاص ،،بتاعى لوحدى ،،،نسيت ،،، ثم أمسكت إيدة وفرجته عما فعلته فى الشقة
بهاء بضيق/ دخلتى راجل غريب بيتى فى غيابى
آيه بحدة/ ليه شايفى طويله وحلوه ،،أنا متجوزة راجل مالى عينى يا أستاذ زربونه أنت
بهاء/ ولازمتها إيه أستاذ بعد زربونه دى ،،مستحيل تعملى دة لوحدك خيال علمى
آيه بفخر/ عملت
بهاء/ عايزة تقنعيني يا أوزعة عملتى كل دة
آيه/ أيوه طلعت على كرسى وعملت إيه المشكلة ،،،يعنى أنت مش بتستعمل كرسى ولا سلم،،،، لية عملاق مثلآ
بهاء/ نفسى أتكلم معاكى مرة من غير طوله لسان
آيه بأنفعال/ بلاش أتجنن عليك،،أنسان مستفز ثم تركته
نظر بهاء للمكان أتبدل لواحد تانى،، ذهب ليفهم الحقيقة، ،،،لم يجد الحقيبة فى الصاله ولا هى ،،،،عقد حاجبة"- بت أوزعة وعندها قوة تشد وتجر الشنطة ثم طرق الباب على غرفتها ودخل وجدها فى الأرض مربعة رجليها وتكتشف محتويات الشنطة
بهاء بمناغشة/ أنتى زعلانه منى واخدة الشنطة بتاعتى ليه
آيه/ بقيت بنت ومش واخدة بالى ،،،،،أصلا مش بزعل منك
بهاء/ لسانك عايز قصه
آيه بعدم أهتمام/ قصه حد مانع
بهاء نفخ/ جبتى الدهان والستاير منين
آيه/ معايا عصا سحريه بخ بخ وخلصت ،،،
رفع ليها حاجبة/ ياسلام
آيه/ تحب تشوف
بهاء/ آيه بتكلم بهدوء معاكى جبتى الدهان منين والحاجات دى
آيه/ روح مامتك ظهرت و عملت كدة
بهاء بأنفعال/ آيه انظبطى
آيه/ مش مريح نفسك أتعمل وخلاص
بهاء/ يبقا مصدرة يزعلني وأنتى مش عايزة تقولى
آيه/ أقول إللى عايزاة، ،،مش ماسك عليا زله
مسح بهاء وشه بكف إيده بغضب/ يارب صبرني
رفعت هى إيدها للسماء وضع الدعاء / يارب وأنا كمان صبرنى على أبو زربونه
بهاء/ كنت مستريح منك
نظرت هى له نظره مطوله أربكته
بهاء/ أقصد مستريح من المناهدة معاكى
آيه بين أسنانها/ غَلوش غَلوش على كلامك أعديها
بهاء/ نتكلم جد ،،عايز أعرف
آيه/ المقابل
بهاء/ بصدمه، عايزة إيه أنتى أول مرة تطلبى حاجة،،،،، عنيا ليكى
أرتسمت قلوب بعين آيه/ أحرجتني يا بوب ياةةةةةةة على كلامك يالا هات بقا
بهاء بغباء/أجيب إيه
آيه ببراءة/ عينك ،،أنت قولت عينك ليا
بهاء/ أتشل منك ،،، أقولك أنا خارج سلام
آيه بتسرع/ من زينه ،،الحاجات من زينه ،،بلاش تخرج أنا محبوسه هنا ٣ أسابيع يا رخم 😭😭
بهاء/ علشان خايف عليكى أبقا بحبسك، ،،،أنتى مش محبوسه ،،،،،أخذتى فلوس منها و أشتريتى الحاجات
آيه/ لاء،ثم حكت ما حدث
بهاء بأنفعال/ أخدتى بواقى غيرك ليه مصممه تحرجيني
آيه بدموع/ أتصرفت
بهاء/ أنتى رفضتى تعيشى فى الشقة التانية ماهى بتاعتى برضو ونظيفة وأوسع من دى
آيه/ بعيدة عن شغلك أنت واخدها قريبه من الشركه وقتها
بهاء/قصدك بعيدة عن زينه
آيه بدموع/ خلاص أسفة أشيل كل حاجة عملتها
بهاء/ أحوش فلوس و كنت أجهزلك البيت
آيه/ أحنا فردين والشقة دى أوضين وصاله على قدنا ،،بذمتك مش أحلوت
بهاء/ أكيد
آيه / لسة زعلان منى
بهاء/ لا خلاص مش زعلان
آيه / أنا بقا زعلانه
بهاء/ من إيه آن شاء الله
آيه/ فين القميص الأحمر
بهاء بكسوف/ أنا أشتريت مرة ومش أكررها عايزة خدى فلوس وهاتى
آيه قفزت فى رأسها فكرة مجنونه قررت تنفذها ثم قالت بدلع/ يويو داخله أوضتى أقيس الهدوم
بهاء/ ضرب كف على كف،، مزاجك متقلب شويه تعيطى وشويه تضحكى
آيه / قصدك مجنونه
بهاء/ أنا اتكلمت ولا فتحت بوقى هى تلقيح جتت وخلاص ،،،خليكى جنبى مش بحب أقعد لوحدى
آيه بأبتسامه لم يفهم هو معناها تركته لغرفتها ،،،،جلست على ركبتها تتفقد الشنطه لكن تجاهلت هذة الفكرة ثم أستجابت لفكره أخرى ،،،،،فتحت دولابها وأخرجت الكيس وألتقطت منه قميص النوم الأبيض فردته ثم قطعت التكت بأسنانها ولابسته واقفت تقيم نفسها وكتمت ضحكتها/ يويو لو شافني يقول متجوز واحد صاحبى ،،لازم أضبط نفسى يظهر حلاوة الطقم ،،،،، بدلته بملابسها التى كانت عليها ثم أخفت القميص بدولابها وقالت:- ليه روقة ،، وقع نظرها فى الشنطه على كيس فيه حلويات، ،،،،،
أخذت واحدة وقرأت عليها واتسعت عينها وجدتها شئ خاص للبنات ،،،،فقالت:- يا أبن الإيه أزاى فكر كدة حلو يبقا القميص يتلبس ثم أخرجت من الشنطة روج وكحل وبرفان ووضعتهم فى الدولاب وأخذت قرار تجهز نفسها وهو فى شغله ،،،،،وسؤال دار فى زهنها لماذا أشترى هذا الشئ الخاص صدفه أم دعوة صريحة أن تجهز نفسها كعروسه ليه
_____________
(فى بيت زينه)
زينه/ عبدو وأنت جاى من شغلك هات كراويه،،، صدر عصام تعبه
عبدالله/ أبعتلك حد على طول من عندى نزلى السبت أول مينده ،،عايزة حاجة تانى
زينه/ وقلم جاف أزرق وكراسه للجامعة
عبدالله/ هى الدراسه بدأت
زينه/ بقالها أسبوع
عبدالله/ أنتى فى داخله تالته طب صح
زينه/ أممم
عبدالله/ ربنا يسهل ،،،أرتب أمورى وأوصلك
زينه/ عايزة أروح لآيه مرحتش بيتها ولا مره
عبدالله/ أوصلك
لم تعترض زينه عارفه طبعة
وبعد ١٠ دقائق جهزت فقالت :- أنا جاهزة
عبدالله بخداع وكذب/ معلشى يا زينه ،مرة تانيه تروحى لصاحبتك ،،، مندوب شركه الزبادي عمل مشكله فى الهايبر لازم أروح بسرعه
زينه/ مفيش مشكله ربنا معاك طب أروح أنا دة فى أخر الحارة مش بعيد
عبدالله / لاء،،،ثم خرج لعمله وهو يقول لنفسه/ متزعليش منى يا زينه مش عايزك تخرجى برا الشقة كفايه عليكى الجامعة و بس
_____________
أتى وقت الغداء وراحة بهاء،،، فتح باب الشقة فقال:- إيه الرعب دة البت راحت فين وجدت شمعتين على طاوله صغيره بالصالة نفخ وأطفائهم وقال:- تولعى فى الشقة ،، ثم نده عليها أتها صوتها ،،،،أنت جيت يا حبيبى
بهاء/ لأسف أقصد أيوة أنتى مظلمه البيت لية
آيه/ أدخل أوضتك وألبس الطقم إللى على السرير
بهاء / بت أظهرى وحضرى الغداء جعان
آيه بأنفعال/ أسمع كلامى بلاااااااش أتجنن عليك
نفخ بهاء ودخل غرفته وهو يلعن اليوم يريد الراحة فقال بصوت عالى:- دة طقم حضرت بيه فرح زينه
آيه/ ألبسه وخلاص عايزاك عريس ساااااامع عريس يا أستاذ زربونه يا ريت تستحمى وتنظف
بهاء بصوت عالى / هو أنا و*سخ
آيه بصوت عالى/ خلص ونادينى
بهاء لنفسة/ وماله ألبس أما أشوف دماغها ،،أخسر إيه
_______________
مر من الوقت نصف ساعة جهز بهاء كأنه عريس وندة ليها
آيه بصوت عالى/ أخيرآ
بهاء لنفسه/ مش مستريح
آيه/ تعال أوضتى وخبط على الباب
فعل بهاء ذلك وأنبهر،،،، السرير مفروش حلو،،،،،و فى طاوله عليها صنيه الطعام والعصير والفاكهة وشموع ، ،،
فقال/ كل الشو دة علشان الأكل ،،كنا أكلنا برا بدل منبهدل الأوضة ثم ألتقط معلقة أرز وتناولها
خرجت له آيه من الدولاب ,,سقطت منه المعلقة فى الأرض وأنفرج فمه
آيه بكسوف/ أقفل بؤقك
ترجل هو ليها مثل الأنسان الألى وهو يلف حوالين منها فهى جهزت نفسها كعروسه وسألت زينه ماذا تفعل وعارفتها،ثم أرتدت القميص الأبيض الذى يصل لبعد ركبتها لقصر قامتها ثم أرتدت عليه الروب الأبيض وأكمامه كلها ريش ومقدمته كمان ،،،،وشعرها المجعد حر طليق على ظهرها ،،،،ووضعت روج وكحل وبرفان ،،،وأستلفت من زينه الطرحة والتاج
بهاء/ إيه الحلاوة دى
آيه بتوتر/ أول مره تشوف بنات
بهاء بتوهان/ بشوف،،،بس مش كدة ، أنتى ذى العروسه
فرحت هى للغايه / طب ما أنا عروسه وفرحى الليله
فاق هو من شرودة/ أزاى أوعى تنزلى الشارع كدة
آيه/ مش لازم فستان أنا أعتبرت القميص الأبيض فستان فرحى ،،،،، وطقمك دة بحبه عليك أووى أعتبرته بدلتك ،،
بهاء/ أزاى
آيه/ متوجعش دماغى أنا كلمت زينه وبلغتها تبلغ أبيه عبدالله أنت أجازة
بهاء/ إيه الجنان دة
آيه بحدة/ أقسم بالله يا بهاء لو مطوعتنيش وفرحت ذى أنا ،،،،أبهدلك،،،،، الليله دخلتنا وبس
بهاء/يا بنت المجنونه😲😲😲
دفعته هى ليجلس على السرير وجريت تشغل الراديو على أغانى أفراح ووطت الصوت على قدهم وتصقف وترقص حتى أستسلم لها وبادلها الفرحه، والغريب شعر أنه يوم فرحة بجد
بقلم نجلاءفتحى عاشقةالكلمات
________________
(أتى الليل )
عبدالله/ مش مركزة ليه
زينه/ مركزه
عبدالله/ لاء مش مركزة الولد مش بيرضع
زينه/ بيرضع
عبدالله/ متأكده،،بصى كده
نظرت هى للطفل وجدته يحاول ،،،تحكمت فى قبضته
،،ثم أرضعته
عبدالله/ حالك مقلوب ليه
زينه/ أنا حكتلك مكالمه آيه تفتكر أتجوزها بجد
عبدالله/ ممكن ،،دة غاب الفترة المسائية ثم تحدث بحده/ الواد مش عارف يرضع يا *******
نفخت زينه ثم عدلت ملابسها/ بيلعب أصلا ثم وضعته على الأرض
عبدالله بأنفعال/ أبنى ميترميش فى الأرض
زينه/ بيفرك كتير الأرض أحسن ليه
أنحنى هو وألتقط الطفل وجلس يلاعبه
زينه/ عصام واخدك منى،،،يوه كلمنى بقا
عبدالله/ مليش مزاج
زينه/ ليه
عبدالله/ علشان كلمتى مش بتتسمع،،مش فاضية ترضعى الواد بصى سفروت أزاى
زينه/ مليش فيه معدته صغيره
عبدالله بهدوء/ حاولى أنتى فاضية
زينه/ لاء مش فاضية ,,, ,طول اليوم فى شغل البيت وأطلع للطير على السطح وعايزة أروح الجامعة حضرتك مانع
عبدالله بصوت عالى/ الطير مرة فى اليوم ،،وشغل بيتك متعودة عليه مش حاجة جديدة، ،والجامعة مش فاضى أوديكى
زينه/ أروح لوحددددددى
عبدالله ترجل لغرفة نومه ووضع الصغير فى السرير وأمن المكان حتى لا يسقط ويتأذى،،،وخرج ليها/ لو مرااااا ،،،،صح أكسرى كلمتى عندك الباب أهو يفوت عجول
جلست زينه على الكنبة وبكت بشده،،،أشتغل داخليآ من دموعها وخرج الشرفه يدخن سيجارة وينثر دخانها
زينه لنفسها/ السجن غيرك ،،ليه حبسنى ،،مستقبلى يضيع 😭😭
_______________
(فى بيت آيه وبهاء )
شعور الغربه الداخليه تألم آيه،،لقد رخصت نفسها وأخذت خطوة جريئه من أجل إستقرار حياتها والوضع سار طبيعى ولأسف عند اللحظه الحاسمه وختمها بختم ملكيته أمام الله أعتذر وأبتعد
( وقال جملته أسف مش قادر قلبى ملك لواحده تانية ) ،،
رفضها ما أوجع عذاب النفس،،،،
جلست وسط سريرها يحتضنها شرشف ودموعها تجرى على وجنتيها بصمت ،،عيونها على ملابسها التى كانت عليها فى الأرض ،، حسره أحتلتها وهنا تأكدت لا يحبها ،،تزوجها غصب ،،شفقة ،،شيطانها أحتواها وجعل بهاء مثل أفراد عائلتها رغم حاله صمتها الظاهر ،قلبها ينحر داخليآ،،،،،،،،،أنتبهت على صوت رن جرس الباب أرتدت ملابسها و٠٠٠
__________
سيف لا ينسى حبه لعائشه حاول يتجاهل ذلك ،،يتذكر أسلوبها وطريقتها يتجنن يريدها، ،،فقرر تفكير شيطانى للحصول عليها
_____________
🌷إياك والغيره إيها الحبيب ستكون بدايه ألم ونحر عنقك بسكين نصله بارد طوال حياتك🌷