رواية السرعة والغضب الفصل الخامس5بقلم سلسبيل احمد
- اسر متسبنيش!!
لف ضهره وبصلها: مبقاش ينفع انا مش هرجع البيت تاني ياريت تفهمي بقا
بصتله بحزن وغضب: مش بمزاجك علي فكره !!! انت وعدتني يا أسر!! فاكر!!
فلاش باك#
- تعرف انا نفسي نفضل سوا علطول.
- علطول؟
هزت راسها: اممم للأبد
- تيجي نعد النجوم؟
= والى يعد اكتر؟!
- يوعد التاني انوه هيفضل معاه للأبد
= موافقة..
- 44 هااا
= انا 30
- عديت اكتر منك انت خسرت كده
= انتي نصابه يا نانسي!
- مليش دعوة اوعدني!
= بوعدك اني ..
- ها كمل يا تنح!
ضحك وبعدين بصلها بحب: بوعدك هفضل معاكي علطول يا نان للأبد.
باك #
أسر بصلها وهو مرهق نفسيا: يبقي انا كمان كنت كداب يا نانسي
" سابها ومشي وهي فضلت واقفة مش بتتحرك بتحاول تستوعب الى بيحصل!! فجأة كل حاجه باظت!! كل حاجه! "
"حسين خرج لها وفضلت تعيط فا طبطب عليها ورجعوا المكتب "
- يعني ايه ياجدو هيروح فين اصلا!!! هو مش بيكلم اونكل محمود!! هيقعد مع مين
= خليه يهدي وهتكلم معاه..
- انت ساكت ليه! ليه مردتش عليه
= كلامه زعلني.. عارف أنوه مضايق يمكن كانت طريقتي معاه غلط وافتكر اني ممكن في يوم اطرده زعلت انوه فكر كده وقالي انا الكلام ده
- هو زعلان.. وجواه غضب معرفش من ايه!! أسر عمره ما كان كده يا جدو
= متقلقيش هيرجع
>>>>>>>>>>>>>>>>>>>>>>>>>>>>>>>>>>
صلي على محمد
|| في الزمالك ||
- ابو الصحاب! ادخل تعالي
أسر حدف الشنطه في وشه و دخل: مش طايقك
- ليه كده طب ؟ عشان بدأت السبق! ما انت عارف القواعد! بعدين صاحبك كان مضايق على الآخر قولت فرصه
= فرصه ايه وهباب ايه على دماغك و دماغ سارة
" الباب خبط فا أدهم راح يفتح "
- سارة !
= انا مش طايقه صاحبك !
اتفاجئت بيه قاعد جوه مبتسم: ولا انا طايقك يارتني جبت في سيرة جنيه
ساره بصت لأدهم ورجعت بصت لأسر: بيعمل ايه هنا ده !
- انتي الى بتعملي ايه هنا
= في حفله و الشلة كلها جايه ورايا
أسر بص لأدهم: فعلا
ادهم هرش في راسه: نسيت اقولك
"أسر قام"
سارة بصتله: خد هنا رايح فين مخلصناش كلامنا
- كلام ايه!
= اتسابقت مع بنات يعني!
أدهم حط كفه على وشه بنفاذ صبر: انتي هتقددي تحربي بقا شكلك
- استني انت! هو مش قال مش بسابق بنات
أسر بنفاذ صبر: وانتي مالك يابنتي؟؟؟ انتي مالك انا حر
= ماشي يا أسر براحتك خليها تنفعك
- لآخر مره هقولهالك يا سارة احنا مجرد صحاب و لمعلوماتك صحابي لما بيبدؤا يضايقوني و يدخلوا فالي ملهمش فيه بخرجهم من حياتي
"خرج من البيت ورزع الباب وراه وادهم برم شفايفه وتجنب النظر لسارة بعد ما اسر احرجها.."
"أسر لقي مسدج من نانسي"
- انت فين
= مع سارة وادهم
" بعت الرد وبعدين قفل الفون كان عارف انها هتضايق لما يقولها كده.. "
" فضلوا ميتكلموش من وقتها.. "
>>>>>>>>>>>>>>>>>>>>>>>>>>>>>>>>>
استغفروا
|| بعد يومين | يوم الحد الصبح ||
"كان واقف بعربيته مستني نانسي تخرج.. كان مفتقدها جدا و وحشته! مكلمهاش خالص اليومين الى فاتو وده ضايقه قبل ما يضايقها"
- صباح الخير
"نانسي مردتش عليه وهو اتحرك بصمت"
- كنت فاكرك بتتجنبيني في الشركه اليومين الى فاتو عشان ده شغل انما واضح انك مضايقه مني
"مردتش عليه فا وقف العربية"
فضلت ساكته وبعد دقايق اتكلمت: انت هتفضل واقف هتأخر!
- لما تردي عليا ابقي اتحرك
= مش عايزه اكلمك انا حره وبعدين انا على فكره ممكن اروح بعربيتي
- كدابة انتي مش بتعرفي تسوقي في الزحمه
= مانا كدابة زيك كلنا كدابين الظاهر
- بطلي تلقيح!
= وانت بطل تستفزني! اطلع!
- مش طالع
= طيب ماشي
"نزلت من العربية ورزعتله الباب فا نزل وراها بسرعه"
- اركبي وبطلي رزع في الباب ، بفلوس ده يحببتي
= مش هركب معاك وهطلب اوبر
- اوبر!! طب اركبي بدل ما اعجنك في قلب الشارع و الناس هتتفرج كده
= لو فاكر انك هتتحكم فيا تبقي غلطان
جز على سنانه بعصبيه وبرم شفايفه: طب اركبي العربية
- ماشي
"ركبت العربية وهو داري ابتسامته "
- بني ادم مستفز و بتاع بنات
بصلها برفعه حاجب: بنات! هي فين البنات دي؟
نانسي حاولت تتحكم في غيرتها من سارة: معرفش
- انتي غيرانه!
برقت بدهشه انوه خد باله: اغير من مين!
= ساره عشان كنت معاهم امبارح وقاعد مع أدهم
" نانسي مردتش و أسر اتأكدت انها مضايقه فضلت ساكته طول السكه و نزلت الكلية مشيت لوحدها مستنتوش كالعادة.. "
>>>>>>>>>>>>>>>>>>>>>>>>>>>>>>>>>>>
سبحان الله و بحمده سبحان الله العظيم
" امنيه كانت تعبانه ومجتش فا نانسي دخلت الحمام وغصب عنها عيطت من الزعل و الغضب و الغيره! ومن كل حاجه كانت بتنهار..! "
بسمله كانت في الحمام وخرجت شافتها قدام المرايا: نانسي؟ مالك بتعيطي ليه!
مسحت دموعها: مفيش حاجه
طبطبت عليها: طب اهدي
- انا كويسة
بصتلها: انتي متخانقه مع أسر!
نانسي بعدم فهم: عرفتي منين!
- نانسي خالد جه قعد معانا كذا مره وفي مره قال فيها انوه هيحاول يقرب لك عشان يوقع بينك انتي و أسر هو عملها ولا ايه!
= هوا عايز اي بالظبط !!
- مش فاهمه مش مرتاحين له تماما! اعتقد تقولي لأسر افضل!
= لما ابقي اكلمه بقا الأول
- أسر بيحبك وبعدين انتي جيتي لوحدك!
= لاء وصلني
- شوفتي؟ لو متخانقين حتي هو جمبك فا أكيد لما تحكيله عن العبيىىىط ده هيوقفه عند حده
ابتسمت: معاكي حق أسر طيب
كملت بحزن: بس مش بيحبني
- كل ده ومش بيحبك ده كلنا عارفين الا انتي تقريبا
= ليه بتقولي كده
- عشان بنشوف بيعاملك ازاي مش بيكلم بنات وملوش فالتلزيق و لا حاجه مع ان الجامعه كلها تعرفه بسبب السباقات و يتمنوا يصاحبوه
لكن هو معاكي انتي وبس! يمكن عشان انتي مش شايفه الصورة من بره عمرك ما لاحظتي
" بسملة سابتها و نانسي فضلت تفكر في كلامها هديت شوية وبعدين دخلت المحاضره و اليوم مشي عادي و بعدين أسر استناها و خدها روحها ومرضاش يدخل الفيلا "
- حمد الله على السلامة قولي لجدو اني احتمال اتأخر انهاردة في الشركه عشان عندي مواعيد بس هحاول اجي بسرعه يعني و اخدك و نروح
= ماشي
____________________________
" نزلت نانسي بصمت و طلعت اوضتها و لقت هدي مستنياها"
- خير يا ماما بتعملي ايه ف اوضتي
= مستنياكي
- عشان ايه؟
= انتي خلاص قررتي تشتغلي مع جدك بعد التخرج؟
- أها
= وتفضلي طول حياتك قريبة من أسر صح!
بنفاذ صبر: حضرتك عاوزاني اعمل ايه !!! اقول لجدو يمشيه مش كفايه انوه ساب البيت ! انا اصلا تعبانه ومش فايقه للكلام ده
" دخلت الحمام وقفلت الباب مكنتش عايزه اتكلم مش قادره تعبت بجد من طريقتها "
- ماشي يا نانسي ماهو ده ادب انك تسبيني وتمشي
" سمعت صوتها بتقفل الباب وخرجت فا خرجت انا كمان وقعدت على سريري بزهق و تعب سمعت صوت مسدج افتكرتها في موبايلي لقيتها على الموبايل بتاعها وكانت من جدو "
" كانت ظاهره من بره "
- تمام يا هدي هبعد نانسي عنه
" فتحت موبايلها و دخلت على الشات كله لقيتها بتطلب من جدو مبقاش قريبه من أسر في الشركه!!!
" والمفاجاة اني لقيت شات تاني وانا بخرج بينها هي وأسر و بتطلب منه يبعد عني نهائي !!!!!!!!!!! قريت المسدج ومكنتش مصدقه "
- ياريت ملكش دعوه ب نانسي وتبعد عنها وانا مرضتش اتكلم معاك قدامها او قدام جدك عشان الموضوع ميكبرش ابعد عن بنتي نهائي ومتفكرش تاخدها معاك في مكان تاني!
" مقدرتش اكمل باقي الشات كنت مصدومه هو ده السبب الى كان بيتكلم عنه !؟ "
" خت شنطتي و نزلت بسرعه من الفيلا وانا بخرج من الباب سمعتها بتنادي عليا بصوت عالي بس مردتش "
عملت مكالمه ل امنيه
- ألو
= ايوه يا نوني
- امنيه معاكي رقم بسمله صاحبه اميرة صح
= تقريبا اها عندي
- اتصلي بيها و هاتي منها رقم أدهم ضروري
= أدهم؟
- ايوه هشرح لك بعدين
= طيب هبعتهولك واتس
" هدي فضلت ترن عليها مردتش امنيه بعد دقايق بعتت لها رقم أدهم "
- ألو أدهم انا نانسي هو أسر معاك ؟
= لا احنا على الطريق
- طريق ايه؟؟
= السبق خالد حدد معاد يتسابقوا فيه
"نانسي كانت بتتكلم وهي سايقه و فرملت مره واحده"
- انت بتقول ايه !!! أدهم لاء متخليهوش يدخل سبق معاه اسمعني ألو.. ألو!!!
" الخط قطع رنت عليه تاني لقيته مغلق أدهم كان موبايله فصل وملحقش يفهم منها حاجه كل الى استنتجه انها خايفه جده يعرف مش أكتر "
- يلا يا نجم ؟
أسر ابتسم بسخريه: لما تخسر متبقاش تعيط هبقي مخسرك مرتين
= هو انت هتحسب عليا المره الى بنت عمك دخلت فيها مكاني؟
- ميخصنيش يا خالود دي قواعد
= طيب.. وادينا هنتسابق من غير بطولة ومن غير قواعد مترجعش تعيط بقا
- لا انا مبعيطش ياحبيبي
" أدهم و سارة كانوا موجودين و خالد و كمان اتنين صحابه وهما بس الى في المكان "
"وبدا السبق"
" وعلى الناحيه التانيه نانسي كانت بتسوق بسرعه جدا وسط الزحمه وقلبها بيدق بخو* ف على أسر و ده موترها غير أنها اصلا بتتوتر من الزحمه ! "
|| في السبق ||
- أدهم اللحق ده بيكسر عليه من الجمب
ادهم بعصبيه: هو اتج* نن ولا ايه كده هيقلب العربية بتاعت أسر!!!
" أسر كان بيحاول يعدي منه ونجح في ده لكن خالد مازال وراه وعمال يحْبطه جامد بعربيتة من وراه أسر داس بنزين على الآخر و لكن ده مكنش أفضل قرار و قتها خالد ابتسم بشر و داس بنزين و اتجه ناحيه أسر بكل قوتة ............. "
سارة صرحْت: أسر !!!!!!!!!!
>>>>>>>>>>>>>>>>>>>>>>>>>>>>>>>>>>
|| في فيلا حسين مهران ||
- ألو استاذ حسين مهران معايا؟
= ايوه مين؟
- حضرتك احنا مستشفي ***** الى جمب المول
= خير يارب فيه ايه !!!!
- اسفه بس .. حفيدة حضرتك عملت حد*ثة بالعربية بتاعتها وهي فالعمليات دلوقتي.