رواية لنبلقي معا الفصل الخامس5والاخيربقلم مريم خالد
ياسين: وأنت إيه إللي جابك هنا
آسر: جميلة أتخطبت
ياسين بصدمة: مالها؟!
آسر: أتخطبت
ياسين: إزاي!
آسر: النصيب
ياسين: لا تعالى معايا نقعد بقا أحكيلي
خلصوا وأشتروا كل إللي محتاجينه وطلعوا قعدوا في كافية
آسر: مفيش لقيتها عاملة لي بلوك! جاي افتح الأك من أكونت تاني فتح ولقيت خبر خطوبتها على زين وفجأة ضحك بطريقة هيسترية أه أه زين أنتيمي!
ياسين قلبه وجعه عليه: أهدى طيب
آسر: عارف إللي وجعني إن دول أكتر أتنين كنت مدياهم كل الأمان كل إللي الأمان إللي ممكن تتخيله عارف شعور الأمان لم يتسلب منك في لحظة بطريقة مكنتش متخيلها! فاهم يعني إيه حب طفولتك يبقى مع صاحب عمرك! إللي كنت بتحكيله عنها وقد إيه مش حابب تتكلم معاها غير لما تقف على رجلك عشان أهلها يلا خير
ياسين ابتسم: ما هو خير فعلًا وعسى أن تكرهوا شيئًا وهو خيرًا لكم وعسى أن تحبوا شيئًا وهو شرًا لكم أنت دلوقتي مش فاهم الخير فين بسبب وجعاك بس أنا هقولك ده مش صاحب عمرك صاحبك بجد عمره ما هيبص لحاجة أنت بتحبها وشايف مستقبلك فيها كنت مخدوع وربنا أنر بصيرتك عشان متفضلش على عماك يا آسر وجميلة أقولك حاجة بس متزعلش!
آسر أنتبه له: مش هزعل أقول
ياسين: مكنتش تنفع ليك أخلاقيًا بص له بصة مطولة ولا شكليًا أنت أحلى منها يا صاحبي مش شايف الغمزات ولا إيه
آسر ضحك
ياسين قرب وحط أيده على كتفه: أشغل وقتك ومع الوقت هتتعافى لإنك مأذتش حد منهم أنت كتير عليهم حقيقي وحاول تتخطى عشان صاحبة النصيب هي بس إللي تستاهل مشاعرك وكل الأمان ده ومتخافش لسه في أمل تحب متقلقش
آسر: ماظنش
ياسين: تصدق زين عزمني! بس ماخدتش بالي ب اسم العروسة تيجي نروح؟
آسر: أنت بتهزر؟
ياسين بحماس: الحركة موت صدقني هتغسلهم من جوا
آسر: هو إحنا في فيلم يا ياسين أنت كمان
ياسين: اسمع مني ومتعدليش ورايا
آسر: شكلك هتودينا ورا الشمس
ياسين: يعم لأ
ليل رنت عليه
ليل: كل ده بتشتري ولا بتخوني قول متتكسفش
الصوت كان علي ف آسر فطس ضحك
ليل: يادي الكسوف واطي الصوت
ياسين: كنت مع آسر شوية وجاي حاضر
ليل: متتأخرش
ياسين: حاضر
وقفلت معاه
ياسين: بتضحك ع إيه يا غلس
آسر: أنتم بجد علاقتكم اللهم بارك تحفة ربنا يرزقك ب ذرية صالحة
ياسين وابتسم ابتسامة واسعة: جاي في السكة يلا هخليك عمو
آسر: اللهم بارك يجي بالسلامة مستني أهو
ياسين: بكرا الساعة بعد الفطار هننزل نجيب طقمين نحضر بيهم الشبكة معرفش خطوبة إيه اللي ف رمضان دي بس يلا
آسر: مش هروح أسكت بقا وبطل زن
ياسين: أنا زنان يا صاحبي
آسر: جدًا
ياسين: طب يا سيدي متشكرين بس هتيجي بردو
آسر: هفكر
ياسين: مفيش تفكير في حاضر ونعم بس
آسر: ما خلاص بقا الااه
ياسين: أنا همشي عشان لو اتأخرت أكتر من كده ممكن مدخلش البيت
آسر ضحك وقاله يمشي
روحت وليل أستقبلتني
ليل: قولتلي بقا كنت مع آسر بتعمل إيه
ياسين: جميلة أتخطبت
ليل: مبارك بعدين أستوعبت ف شهقت جميلة إللي بيحبها!
ياسين: لزين صاحب عمره
ليل بقرف: إيه ده إيه ده أعوذ بالله حاسة ب أشمئزاز إيه بجد ده
ياسين: كنت بقنعه نروح الخطوبة
ليل: عشان يحسوا إنه مش فارق له يعني
ياسين: بالظبط عشان ميحسوش إنكم كسروه بالذات أنا بعز آسر جدًا في مش حابب تبقى حالته كده
ليل: شكله باين عليه؟
ياسين: شكله باهتان وعينيه حمرا جدًا أدعيله
ليل: حاضر
ياسين: هننزل بكرا نجيب طقمين عشان نحضر بيهم
ليل بتذمر: أنا فين!
ياسين: هنلف في غلط عليكِ أختاري هنا إللي يعجبك وهجيبه ليكِ وكده كده هاخدك معايا الخطوبة
ليل: أتفقنا
عدى اليوم وتاني يوم راحوا فعلًا يجيبوا طقمين
آسر: الهودي ده حلو بكام ده
ياسين: 1650
آسر: أستنى أرن عليهم
ياسين ضحك: هم مين
آسر: صحاب الهودي يقولوا السعر
ياسين: ده سعره
آسر وكان رن فعلًا ماحدش بيرد يا ياسين المحل ده شكله بايظ تعالى نشوف غيره
ياسين: يا بني هو سعره 1650
آسر بخضة: أنا جبت هودي ب 800ج أمي طردتني من البيت يا ياسين! مش ع السعر أنا مستخسر المبلغ في خطوبتهم
ياسين ضحك جامد: أستنى كده
آسر: هتعمل إيه
ياسين: نروح محل غيره؟
آسر: لا هجيبه
ياسين: مش كان خسارة فيهم!
آسر: أنا إللي هلبسه مش هم
ياسين: كفاءة
خلصوا وجابوا طقمين
ياسين: ثانية أنزل أجيب حاجة وجاي
نزل جابلها الفستان وجه
آسر: فستان؟
ياسين: للمدام أكيد مش ليا
آسر ابتسم: عقبال ما أجيب لمدامي
ياسين: أبشر قريبًا
آسر: وماله بس لما أتعافى منهم الأول
ياسين: كفاية عليك الأسبوعين إللي عدوا أكتر من كده كتير عليهم وبعدين لما تحب غيرها هتعرف إن الخير في بعدهم وإن إختيارات ربنا أجمل حتى لو عكس رغباتنا
آسر: صح
أتكلموا شوية على ما وصلوا وكل واحد روح
آسر رن على ياسين: مش تقولي إني مجبتش شراب!!
ياسين: أنت لسه مهوس بحكاية الشرابات دي ما أكيد عندك شراب أسود وأبيض يعني
آسر: لأ معلش كل طقم ب شرابه
ياسين: الله يهديك يا صاحبي والله
آسر: هنزل أجيب وأجيبلك واحد
ياسين: أشطا
ليل نادت عليه
ياسين: نعم يا حبيبتي
ليل: أقعد ونسني
ياسين: حاضر
عند آسر نزل وشاف محل شرابات وهدايا دخل
جاب واحد
آسر: مين هنا؟
: أنا
آسر: أنتِ فين
: إيه قلة الزوق دي يا أستاذ بص تحت بعد أذنك
آسر ضحك: أزازة كنز!
: طب مفيش شرابات أطلع بره بعد أذنك
آسر بعقل: آسف والله بس متوقعتش الطول هو أنتِ طولك قد إيه
: 155
آسر: 180
: أنت هتصاحبني ولا إيه؟
آسر: سرحت آسف
: ب٣٥
آسر: أتفضلي
خدته ومشيت بس معرفش كل شوية افتكر الموقف وابتسم زي الأهبل في إيه يا آسر أظبط كده بس هي حقيقي هيئتها رغم هدوئها وملامحها البسيطة إلا إن ملامحها تخطف ومريحة أوي قطع تفكيره رنت ياسين
ياسين: جبت؟
آسر: آهه
ياسين: نتقابل بليل
آسر: أمم
ياسين: مالك يا آسر
آسر: أمم
ياسين بزعيق: ماتظبط الااه
آسر: فزعتني يعم إيه
ياسين: مالك
آسر: مفيش كنت سرحان بس شوية
ياسين: اممم
آسر: مش في حاجة
ياسين: اممم
آسر: بتردهالي يعني!
ياسين: هحاول أصدق
آسر: شاطر
ياسين: يلا إفطارًا شهيًا سلام
آسر: سلام
قفلوا
ياسين: بقولك هو أنا كان الهدف أعمل كنافة مع الفطار معرفش هي قلبت بسبوسة ليه!
ليل: صدقني أنت مينفعش ليك مطبخ
ياسين بتذمر: تؤ أنفع ونص
ليل: بلاش الثقة إللي عمياك دي
ياسين: وش تقصدي بكلامك دهه
ليل: ولا شيء يلا الآذان أذن
فطروا وخلصوا بقا قاموا يلبسوا
ليل: معرفش خطوبة إيه اللي ف رمضان دي مستعجلين للدرجة دي
ياسين: يارتني ما تقلت في الأكل
ليل ضحكت: أنت جالك انتفاخ كده ليه
ياسين: أععع مش لايق عليا الكرش
ليل: يلا عشان مفيش بنت تبصلك
ياسين: تبصلي إيه بس أستني يعم أشوف حاجة للإنتفاخ بعد كده مش هطفس
ليل: شاطر
ياسين خد دواء وقعد ربعاية وبعدين كام كمل ودخل يشوف ليل
ياسين: كده حلو؟
ليل لفت له
ليل: مش عارفة حاسة إن في حاجة غلط
ياسين: إيه الحلاوة دي! الله أكبر
ليل: شكلي حلو؟
ياسين: أوي
ليل ابتسمت وأنت كمان شكلك حلو
آسر رن
ياسين: إيه الفصلان ده
آسر: أنا إيه الفصلان ده يلا بقالي نص ساعة مستني
ياسين: نازل الااه ما تهدى
آسر: أخلص يا ياسين
ياسين: هخلص
قفل معاه وخد ليل ونزلوا
آسر كان واقف وبعدين لقى بنوتة خبطت فيه
: آسفة جدًا يخربيت الهيلزات ع إللي عايز يلبسها
آسر: أنتِ تاني!
: إيه الحظ ده أنت طالع لي في البخت يا بني!
آسر ضحك
: تدوم يا سيدي
آسر: اسمي آسر
: أثير
( حسيت مكس لقبي مع إسمه عسول مش أكتر)
آسر: آسر وأثير جامد والله
أثير: عايز إيه يعني؟
آسر: بقولك إيه
أثير: أنجز
آسر: هاتي رقم والدك
أثير: أنت لو آخر واحد في الدنيا مش هوافق بيك
ليل وياسين كانوا قربوا عليهم
ليل: أثير!
أثير: ازيك وحشتيني أوي
ليل: وأنتِ كمان
ياسين: الكلام ع إيه؟!
آسر: تعالى أفهمك
آسر حكى له
ياسين: تدفع كام وأجيبلك رقم والدها من ليل
آسر: إللي تحبه
ياسين ضحك: مش هخطب غير لما أتخطى
آسر: ده أنا محيتها ب إستيكة ربنا يوفقها مع أختيارها ويوفقني أنا كمان
ياسين: يلا ندخل مش هتبارك؟
آسر: هبارك وأرقص
ياسين ضحك من قلبه عليه
دخلوا وباركوا وعدى شهر
ياسين: أدي الرقم، بس متدخلش ف الجد غير وأنت بجد مش حاسس بحاجة ناحية جميلة!
آسر: مابقتش حاسس بحاجة ناحيتها ولا كرهه ولا حب بقت شخص في الماضي يمكن التعلق كان من عندي بس ويمكن هي كل ده محبتينش بس أنا كنت بوهم نفسي كل اللي أنا عندي إدارك كامل بيه إني فعلًا مابقاش فارق معايا أي حاجة تخصها وهي مبوسطة مع زين ف ربنا يوفقهم
ياسين: أتوكل ع الله بقا
شبكني بدبلته
آسر: لو آخر واحد في الدنيا مش هو وافق بيك
أثير: الثبات على المبدأ ده لعبتي بقولك!
تمت