رواية زينة البنات الفصل الستون60 بقلم نجلاء فتحي عاشقة الكلمات
عرف عبدالله آن الحريق بفعل فاعل وقرر ينتقم رغم إظهار الطيبه أمام أبنه عصام
____________
فى المستشفى التى تعمل فيها زينه خرجت من مكتب المدير غضبانه فهو أعطى لها نبطشيات بالليل حاولت تعترض وآن زوجها يرفض ،،فشلت ،،،فقد أشتكى زميلاتها لماذا هى لم تبات الليل وتأخذ نبطشيات النهار فقط؟ تخشى من غضب زوجها فأول مرة تقضى الليل خارج المنزل بعيدآ عن زوجها وأولادها ،،
__________
(فى السعودية )
بهاء يتنزه مع بنته زينه التى يقضى معاها وقت طويل حبآ فى الأسم الذى يلفظه، ،
زينه الصغيرة/ عايزة أنزل مصر
بهاء/ مين طلع فى دماغك الحكايه دى
زينه الصغيرة/أنت وماما وأهلى مصرين ومصر بشوفها فى التلفزيون جميله أوووى
بهاء لينهى الحديث/ زينه حبيبه قلب بابا أنسى ملناش حد فى مصر عمتك وموجودة هنا ومامتك أتجوزتها وأستقريت هنا وأنتى دراستك وحياتك هنا أوعدك أول متخلصى الإعدادية بتاعتك نسافر نقضى وقت حلو فى روما ok
زينه الصغيرة/ روما مرة واحدة
بهاء/ أنا وأنتى وبس وخلى ماما فى البيت ثم حضنها بشدة
بقلم نجلاء فتحى عاشقة الكلمات
_______________
(فى البنك فى القاهرة )
حصلت آيه على منصب مديرة فرع من فروع البنك التى تعمل فية،،،
أمام الناس شخصية قويه وحادة وفى منزلها مع وحدتها هاشه جدآ غارقة فى الذكريات وحبيب القلب الذى نحر قلبها قبل أذنها بأعترافة تشتاق إليه،،
و طلاقها منه منذو سنوات طويله ورحيلها فص ملح وداب بالنسبه لزينه وعبدالله ،،،
وأنقطع عنهم السُبل لبعض وأعتقدوا أنها لجأت للطريق السهل وهو الأنتحار كيف تنهى حياتها ويد الله تمتد لها وسخر شخص ليس من دمها سند ليها وحامى هو الدكتور محمد
____________
تجلس آيه على كرسى مكتب فخم جدآ ،،،،،مكيف بالهواء ،،، تنظر لأوراق بعيون الصقر الحادة ثم أغلقت الملف ،،،،،ثم خرجت تمر على المكاتب وصوت حذائها العالى يرن على الأرضية وترتدى بدله سوداء رسميه وتحت الجاكت قميص رصاصى ولم ترتدى الحجاب نعم آيه أتغيرت قولآ وفعلآ ،،رغم قصر قامتها لكن هيبتها وعقلها يجعل القيادات تنحنى لها أحترامآ وتقديرآ ومنهم من يهابها فهى لا يهمها أحد ٠
آيه بحدة / الحسابات دى مش مضبوطه دة حساب بنك العملاء يطفشوا مننا
الموظف/ أسف يا أستاذة آيه ،،،مراتى بتولد ومتلخبط
آيه/ هو أنت إللى بتولد ،،أرفدك دلوقتى
الموظف/ صدقينى مراتى ولدت وبنتى دخلت الحضانه وبلاعة ومفتوحه عليا فلوس
آيه/ مبلغتنيش ليه
الموظف سكت ولم يرد من الإحراج
آيه بهدوء/ راجع الملفات تانى ومعاك ( ٤٨ ) ساعة وتكونى على مكتبى أظن عمرها محصلت فى تاريخي المهنى أعمل كدة ،،،،،وبعد ساعة فوت عليا فى مكتبى عايزك
الموظف/ بلاش خصم أنا فى عرض كل جنيه
آيه/ بيقولوا البنت لما تتولد بتكون وش السعد على أبوها وربنا بيرزقة علشانها ،،،،أصبر على رزقك ،،أطمن مفيش خصم ولا رفد علشان خاطر النونه ألف مليون مبروك تتربى فى عزك ،،،، ثم رحلت بهيبتها
الموظف/معقول تدينى فلوس ياريت ،،،الله يعمر بيتك يا أستاذة آيه يارب
_____________
(فى شقة راضية )
راضية/ مالك
زينه/ خايفة من عبدالله
راضية/ بعد العمر دة كله وبقتى أم لأربع جدعان وصبيه صلاة النبى عليهم يحرسهم ربنا من العين دة غير إللى سقطيه وخايفة يا دكتورة
زينه/ من الأخر كدة هبات برا البيت فى شغل
ضربت راضية على صدرها/ كله إلا كدة يا بنت عمرى أنا حاربت واقفت قصاد أبنى علشان تشتغلي بالنهار ،و الليل يدخل تكونى فى حضن جوزك وعيالك مش حضن المرضى
زينه/ مستقبلى يا ماما
راضية/ أول مرة أعترض على حاجة ليكى أتصرفى
زينه/ زمايلى الله يسامحهم أشتكونى للمدير ذات نفسة و مفيش خيار وفقوس ولازم أنزل نبطشيات بالليل
راضية/ ياحبيبتى أنتى مش متجوزة عبدالله وليه كلمه وبس عليكى ،لاء ،،وعصام أبنك البكرى برضو مش يوافق ،،نسخة من أبوة بس على صياعة و وارث اللسان الطويل هههههههه واخد من جده الله يرحمه، الواد عصام دة لو معلم بطبعة دة يبقا ليه شنه ورنه فى السوق والنبى يا زينه مخلفتيش إلا هو ،،،الأربعة التانيين ورق
زينه/ ورق إيه دة أنس وأيهم ربنا يستر منهم لولا واقفة قصاد عبدالله كان قتلهم العيال صعبين ،،،،يوة خلينا فى مشكلتى
راضية ألتقطت الكنكنه تجهز قهوتها على الثبرتايه وقالت:- الحل أنتى عارفاه،،،،، متعرفيش تبقا تقعدى فى بيتك وكفايه شغل
زينه/ مستحيل
طرق الباب فتحت هى وقالت:- جاى ليه
أنس/ عايز أكل ومفيش أكل
راضية/ أدخل المطبخ يا ضنايا عامله شويه ملوخية بشوربه بط
أنس/ بط يع
راضية/ جيل خايب ثم لسعته كف على ظهرة وقالت:- أطلع السطح شوف الفراخ باضت ولا لسه ولو باضت ٠٠٠
أنس بمقاطعة/ بيض إيه ،،، إيدك على ٤٠٠ جنية
زينه/ بتوع إيه يلااااا
أنس/ أشترى دليفرى
زينه/ مفيش زفت ،،،أبوك لو سمعك يرميك من البلكونه،،، ثم زقته ونزلت شقتها تجهز الطعام
راضية/ واد يا أنس
أنس/ عايزة إيه
راضية/ أسمها نعم يا تيته
أنس / أوووف نعم يا تيته
راضية/ هو أنت طلبت تأكل إيه ب ٤٠٠ جنيه وأمك زعلت
أنس / دليفرى
راضيه بتعلثم/ يعنى إيه
أنس بمكر/ دة مش أكل دة علاج لواحد صاحبى يتيم غلبان ويابخت من شارك فى الثواب
راضية/ ثواب وماله ياضنايا بس أنت مش شايف ٤٠٠ جنية كتير حبتين
أنس بمكر/ يدوب حق الحقنه يا تيته الواد بيفرفر.
أخرجت راضية المنديل القماش من ملابسها العلويه وفتحته/ خد ١٠٠ جنية دول إللى معايا
أنس بخبث مد إيدة فى جزء معين فى الكنبة التى تجلس عليها راضية وأخرج رزمه مال وأخذ ٣٠٠ جنية وقال:- ما أنتى معاكى أهو يا أروبه
راضية/ هات يا أبن العبيطة الفلوس كفايه ١٠٠ هو الثواب مينفعش غير ل٤٠٠ جنية
أنس/ أبقا أدعيلك أقصد صاحبى يدعيلك سلام يا ريرى
راضية/ أتفوة عليك تربية وس**،، الواد لهف ٤٠٠ جنيه بحالهم دة كان مرتب راجلين زمان ،،،شيطان هو وتوأمه ،،ودينى لو شوفتك يا أنس لأقطع شبشبى عليك عيل غلس،،،،تنهدت وقالت:- هو فى ذى عصام حبيب قلب تيته يارب طول فى عمرى لحد مجوزك يا عصام يا قلب تيته أنت
_________
فى روما أستطاع سيف تكوين أمبراطوريه فى مجال الهندسه وأتميز شركته أنها للذكور فقط لا توجد فيها تاء مؤنثة
وفاروق و والده زاره فى منزله رغم العتاب بينهم كان شديد على هروبه، ،،،، لكن رجع الأمر كما كان أبوة مشغول بحياته مع زوجته وأولادة، ، وعمه فاروق طلع معاش وأكتفى بشغل العيادة فقط ومن الحين لأخر يزور سيف فى روما ،،و والدته كما هى فى عالمها الخاص ،،
بالنسبة لسمر لم تتذكر أى شئ عن الماضى أما الأحداث التى حدثت بعد فقدان الذاكرة فاكرَها كأنها أتولدت من جديد وهذا أخذ سنوات لكن من يتعامل معاها يشعر فى عقلها شئ فسيف يعطى لها مهدئات وهى لا تحتاج إليها،،، حتى تعود جسدها عليها وتتناولها بمواعيد حتى تكون مثل القطه الوديعة
_________
فتح عصام باب شقة راضية وقبل رأسها وجلس على الكنبة بأهمال
راضية/ شكلك تعبان
عصام/ أووى ،، طول اليوم واقف على رجلى
راضية/ قولت لأمك أنك جيت هى سألت عليك
عصام/ طلعت عليكى على طول ،،أخدتى علاجك
راضية/ أيوة يا حبيبى
عصام/ داخل أوضتى أريح شويه
راضية/ عامله شويه ملوخية بشوربه بط وفى بط
عصام/ الله الله أتغدا وأنام
راضية/ أنا أجهزلك
عصام/ وربى ميحصل ناكل سوا شكلك مكلتيش
راضية/ بستناك
عصام/ حقك عليا أتأخرت
راضية/ ولا يهمك يا ضنايا والنبى زينه مخلفت غيرك، ،،، أخواتك جزم وبالذات الواد أنس البلطجى دة
ضحك عصام بشدة فهو يقيم مع جدته من أولى ثانوي حتى لا تكون بمفردها بعد وفاه أختها التى تعيش معاها ٠ وهذا مضايق زينه وعبدالله لكن ما الإيد حيله فراضية رافضة تعيش فى شقة عبدالله وحابه الأستقلال فأنس وأيهم كتله ضوضاء متحركه وهى تحب الهدوء
___________
يجتمع أفراد أسرة عبدالله على سفرة الطعام معدآ عصام وأنس
عبدالله/ أيهم توأمك فين
أيهم بمراوغة/ معرفش
عبدالله/ يعنى إيه متعرفش أكيد فى نصيبه وأنت بتدارى عليه
أيهم بخوف/ معرفش يا بابا،،، نولينى يا نور طبق الكفته دة
عبدالله/ ماشى يا أنس يومك ذى أسفلت الشارع أكيد بتصيع
نور/ بابا يا حبيبى
عبدالله/ قلب بابا
نور بدلع/ الباطلو الأبيض بتاعى نسيته فى كافتريا الجامعة
زينه/ أسألى عليه بكرا
نور/ سألت ملقتهوش
عبدالله/ حاضر الصبح يكون عندك أتنين
زينه/ كدة كتير وهى متخليش بالها من حاجتها ليه
عبدالله/ كولى يا زينه وخلى يومك يعدى ،،دى بنتى الوحيدة تضَيع ويكون عندها غيره إيه المشكله ثم نظر لبنته:' أحلى بالطو أبيض لأحلى دكتورة فى الدنيا ،،طبقك يخلص يا جلب أبوكى
آيه/ بحبك يا بابا أووى
عبدالله/ جلب بابا الصغنن
زينه بغيرة/ الكفته تبرد ثم وضعت فى فمه الطعام
عبدالله/ براحة يا بنت المجنونه أشرق، بهاء نادى أخوك من فوق يتغدى معانا
زينه/ ماما عامله ملوخية وبط أكيد مش يبص لكفته ومكرونه
عبدالله/ الله يرحم زمان كانت الكفته دى يا عيال صنف جنب الأكل ذى السلطه دلوقتى بقت صنف أساسى ،،،
زينه بضيق/ تقصد إيه
عبدالله/ فين البط والرومى أمكم يا عيال كانت تعمل الغدا كأنه عزومه مش ذى دلوقتى
زينه/ وقتى ضيق وكل حاجة بتتغير يا عبدالله
عبدالله بنبره عتاب/ فعلآ بتتغير من عبدو وبودى لعبدالله ثم ترك الطعام ودخل الحمام يغسل إيده
نظرت زينه فى آثرة وتعصبت على الأولاد ثم دخلت المطبخ تلهو نفسها فى أى شئ
نور/ بهاء كفايه أكل بوظت الرجيم
بهاء عدل نظارته الطبيه/ المكرونه حلوة
نور / أنا أختك الكبيرة عارفة مصلحتك كُل سلطه كتير
بهاء/ حاضر
أيهم/ خفى يا نور ياكل براحته
نور/ خليك فى حالك. أنس فين أنت عارف طريقة بلغة بابا زعلان منه ومواعيد الأكل مقدسه ولا الباشا طلب دليفرى وبابا وماما مانعين
أيهم/ لما يجى أسأليه
نور/ لازم تدخل ثانوى أنت وهو
أيهم/ متوجعيش راسى بقا والله ما أنا واكل
نور/ أيهم أيهم ،،، أووف غلس،،،وأنت مش تسيطر على أخواتك الصغيرين
بهاء/ بابا وماما موجودين مليش كلمه عليهم ثم ترك الطعام
نور/ أوووووف بقا ثم تركت الطعام ورحلت
زينه أتت وجدت الطعام صرخت/ أنتم يا بهايم هو أنا أفضل طول اليوم فى شغل البيت ،،نووووور يا نووووور
نور/ نعم يا ماما
زينه/ محسوبه عليا بنت وخلاص شيلى السفرة وأغسلى المواعين
نور بتهرب/ لاء لاء أنا أخر سنه فى كلية الطب لازم أذاكر ثم قفزت لغرفتها
زينه/ أيهم أنت يا زززززززفت
أتها صوته/ مليش فيه هو أنا بنت ،،عندك نور
زينه/ ساعدنى يااااااض
أتها صوته/ بذاكر
زينه/ خلاص ألهام المذاكرة نزل عليك يا فاشل والله ما أنت نافع أنت والصايع التانى أما أشوف وشه ،،،،
بهاء/ أنا أساعد حضرتك عايزة تعملى إيه
تنهدت زينه براحة/ يا بنى بلاش دور الضحية دة ،،لية مسالم كدة ،،أنا بقا مش عايزة منك مساعدة
بدأ بهاء يلم الأطباق/ وبالوالدين أحسانآ يا أمى
زينه/ أنت جيت العيله دى غلط،،،،أكيد بدلوك فى المستشفى لما ولدتك،،بص بقا شيل السفرة وأغسل المواعين وياريت تشطب المطبخ وأنا أغسل الهدوم تمام
بهاء/ بس كدة
زينه/ أنت عايز كمان
بهاء/ أساعدك
زينه/ تمام، ،،لما تخلص أفرش السراير بملايات نظيفة تمام يا بشمهندس
عدل بهاء نظارته الطبيه/ تمام يا أمى
___________
(أتى المساء )
أتى عبدالله من شغل الفترة المسائية وجد زينه تجلس على طاوله السفرة منشغله فى أوراق كتير أمامها واللاب توب مفتوح والموبيل ،،،
((أهى التكنولوجيا دخلت 😃 ))
عبدالله/ السلام عليكم
لم يجد رد منها،،،،،،، ألقى المفاتيح فى الأرض متعمد ،،لم يجد رد منها ،،عقد حاجبة ثم ترجل ليها وقال:- زينه، ،،زينهههههه
أنتبهت له/ خضتنى
عبدالله/ وحيات أمك بقالى ساعة واقف ،،هو أنتى رجعتى تذاكري مش خلصتي كليه الحمد لله وأشتغلتى
زينه وهى تنظر للاب توب ،قالت:- بذاكر لرساله الماجستير
عبدالله بعدم فهم/ يعنى إيه رجعتى الكلية تانى فاهمني أنا مش فاهم الناس تكبر وأنتى تصغرى ولا سقطى وبتعيدي السنه بس أزاى أنتى سايبه الكليه من زمان
نفخت زينه/ مفيش وقت أشرحلك سبنى أركز مصدقت العيال نامت
تحكم عبدالله فى غضبه/ جهزى العشاء ولا أجهزة ذى كل يوم
زينه /أعمل لنفسك بس ،،مش عايزة أكل وسبنى بقا أنت معطلنى
عبدالله/ أنس جه
زينه بعدم تركيز لكلامه/ أممم
عبدالله/ يعنى العيال نايمه
زينه/ أمممم ،،،
شيطان عبدالله يصور له كسر اللاب توب فوق رأسها ،،ترجل لسماعة التليفون الأرضى وأتصل على الشقة العلويه التى تسكن فيها أمه يطمن عليها ويتأكد آن عصام بايت فى البيت فهذا نظامه ثم دخل غرفة بهاء وجده نائم على نفسة على مكتبة سندة للسرير وخلع نظارته الطبيه وقبل رأسه ،،
ثم ترجل لغرفة التؤام المشاكس نظر للمكتب وجدة كما تركه الصبح وعلم علية علامه حتى يعرف أولادة ذاكروا ولا لاء وبالفعل لم يذاكروا بحث عن التليفونات وجدها تحت المخدة أخذها ووضعها فى جيبه يراودة شك هذا الثنائي أخر العنود يفسدوا ،،، وأمهم أنانية ،،، ثم دعى لهم بأصلاح حالهم ،،،،
ثم دخل غرفة نور وأتفزع وجد جمجمه على مخدتها أمسكها وركلها مثل الكورة وقال:- يلعن أبو شكلك خضتنى ،،،،،ثم لم الكتب والأقلام من على سريرها وأغلق اللاب توب وعدل وضعها لتنعم بنوم هادى وتعصب حين وجدها ترتدى بجامه بشورت تحت الركبه بقليل فتح دولابها وأخذ بنطلون وبدأ يلبسهولها على ملابسها وهى تململت فى نومها ومضايقة، ،فقال هو بحنان أب:- دة أنا بابا حبيبك متخافيش ،،حسابنا بعدين الصبح،،،،،،،
وبعد الإنتهاء ،ربت على رأسها بحنان وقال:- أهو كدة حلو أنا دخلت أو حد من أخواتك تبقى مستورة ،،ثم قبل رأسها وفك التكوكه البلاستك حتى لا تأذى رأسها وأغلق بابها وأشغل الراديو بصوت منخفض على القرأن الكريم بجوارها فهو معتقد جسد الفتاة مطمع للشيطان والجان خصوصآ لوحدها بالليل ولازم تنام بملابسها كامله
،، خرج للصاله وجد زينه مازالت منشغله فقال بصوت عالى :- دورك تشوفى عيالك نايمين أزاى
زينه/ أووووف هما كبار عبدالله أعملى معاك كوبايه قهوة
عبدالله/ من أمتى المرا تشرب قهوة
زينه/ أتمدن شويه أسمها ست مش مرا،،وبعدين عادى عايزة أفوووق
عبدالله/ ناويه تسهري
زينه/ أيوه
عبدالله/ أعملى لنفسك شاى قهوة لاء أنا داخل أنام
زينه/ مش تتعشى
عبدالله/ مش عايز. متعودش أطفح لوحدى ،،ربنا يرجعك ليا يا زينه بالسلامه ثم دفن نفسه فى غرفته حتى لا يحدث مشكله معاها
نفخت هى وقالت لنفسها:- مفيش فايدة فيك مش مقدر تعبى وأسمى مش قابل للتغير
__________
مر ساعتين وعبدالله لم يعرف النوم جفونه وهى بعيدة عنه ،،،خرج ليها وقال:- كفايه كدة تعالى نامى أشبع بيكى فى حضنى
زينه/ لازم أقرأ الفايل دة أوووف أقصد أقرأ الملف
بدون كلام ترجل عبدالله لغرفة بنته وأخذ مخدة ورماها على الأرض على السجادة ونام وهو كاتم غضبه وشيطانه يصور يضربها ضربآ مربحآ
_____________
(فى السعودية )
أستيقظ بهاء وجد أبنته تذاكر فقال:- كفايه مذاكرة نامى وأرتاحى
زينه بنته/ عايزة أدخل ثانويه عامه بمجموع كبير
بهاء / ولو مجموعك مجبش أدخلك خاص أنا كُلى ملكك يا زينه يا حبيبتى
زينه/ أنت طيب أووى يا بابا
بهاء/ أنتى حبيبتى من زمان يا زوزو المفروض تكونى ليا لوحدى
زينه / حبتنى من زمان أزاى يا بابا هو أنا كنت أتولدت لسه
بهاء وقد رأى زينه حبيبته قدامه لمس وش بنته بحنان/ بحبك وأنا صغير وكنت شايفك نجمه بعيدة عنى مش قادر أنساكى مش قادر
زينه بنته/ مش فاهمه يا بابا
انتبه بهاء لنفسة كأن عقرب لدغة وأبتعد وخرج برا الغرفة وهو يعنف نفسة ويصرخ ويقول دى بنتك فوووق مش حببتك مينفعش كدة لازم فى حدود ،،،
مينفعش ودنها تسمع الغزل دة فوووق فوووق دى بنتك يا خوفي أنسى بنتى وأشوفها حببتى وأضيعها يارب لاء لاء فكرنى فكرنى
___________
أستيقظ عبدالله بألم من رقبته وظهرة من أثر النومه على الأرض وجد أبنته نايمه طبطب عليها ثم خرج للصاله وجد زينه كما هى ،،خلع عبايته البيتى ورماها فى وشها متعمد ،،نظرت هى له بعيون ناعسه مهلكه فقال:- مخدتش بالى أنتى لسه صاحيه
زينه / البحث مش عايز يخلص أبقا أشحن باقه النت شكله بيشطب
عبدالله بضيق/ لما أفتكر ،،ثم دخل الحمام
بعد عشر دقائق خرج عبدالله من الحمام ولم يجد زينه مكانها يبدو نامت فى غرفتهم ،،وجد أبنه بهاء أستيقظ ويقرأ قرأن فقال:- صحى أختك وأنا أصحى جوز البقر أخواتك
نور بنعاس/ صحيت أهو يا بابا صباح الخير، ،،صباح الخير يا بهاء
بهاء/ صباح الخير يا نور أدخلى الحمام بسرعة وهو فاضى
عبدالله/ صباح العسل يا جلب أبوكى ،،ثم دخل لغرفة التؤام المشاكس وحفله صباحية لكى يستيقظوا ،،،لكن هذة المرة أفرغ عبدالله طاقه غضبه من زوجته فيهم وخصوصآ أنس الذى لم يتناول معاهم وجبه الغداء أمس ثم جمعهم وصلى بيهم صلاة الفجر حاضر وكان الأمام أبنه بهاء،،، وزينه دخلت تنام شويه ،،،،،وبهاء من تلقاء نفسه جهز وجبه الفطار والشاي لأبوه واللبن ليه ولأخواته ،،،عبدالله حاول يفطر واللقمه لا تُبلع ومقعد زوجته خالى، أنتبهت نور وبهاء لذلك فأجبره عنوه على تناول الطعام
طرق الباب فتح بهاء وجد أخوه عصام الذى قبل إيد أبوة وسأل على أمه وحكى له عبدالله الموضوع
عصام/ ماجستير إيه إللى تعمله هى محتاجة فلوس تتزود بيها المرتب
عبدالله أنفجر/ أمك خابت ودينى أحلف يمين طلاق متخرج برا عتبه البيت ذى زمان بقا أنا مش بتغير دة أنا قلعت الجلبية توب أهلى علشانها
نور/ براحة يا بابا الجيران تقول إيه
عصام بهدوء/ سبيه يا نور ماما زودتها البيت محتاج ليها ،،البيت حالته صعبه مش نظيف
عبدالله/ قولها يا أبنى أنت الوحيد فى أخواتك فاهم دماغى أمك بنت المجنونه بنت **&&********&&&& دماغها فوت ناقص تقولى تبات برا البيت كمان
نور/ حرام عليك يا أبيه كان ساكت
عصام/ ورينى يا نور طقم الخروج بتاعك
نور/ ليه
عصام/ أشوفه ضيق ولا لاء
عبدالله بحدة/ ملكش دعوة بنور طول ما أنا موجود سامع
عصام نفخ/ الشباب بتصور البنات وهى ماشية
عبدالله/ أختك عصاية مفهاش جسم ،،على الله حد يبصلها أدخل فيها أعدام
لغوش عصام على موضوع حبس أبوه فأخواته لم يعرفوا هذا الموضوع وقال:" العيال إللى ولعوا فى المخزن سبتهم بسهوله
نور / مخزن إيه
عبدالله نظر لأبنه بعتاب/ بتاع واحد صاحبى،،،،،، ثم ترجل معاة لخارج البيت وذهب لمحل العطارة يتحدث على راحته مع أبنه فى هذا الموضوع بعد ما أمر بنته تجهز للجامعة حتى يوصلها وأمر بهاء أبنه يترك سفرة الطعام كما هى رغم لا يوجد طعام عليها لغرض لنفسة وتعمد يسكب الشاى على السجادة ومفرش السفرة ولم يراة عياله
____________
فى روما تلعب سمر لعبه إلكترونيه على تليفونها التاتش ،،زهقت ثم فتحت اليوتيوب لتشاهد شئ يسلى فراغها فهى ليس لديها فيس بوك أو واتس بأمر من أخوها أو بمعنى أخر لم تهتم لذلك من خوفها من البشر ،، كانت تتأثر داخليآ بأغانى الرومانسية تلمس مشاعرها للغايه وسؤال يجننها لماذا أطلقت ،،أين طليقها ،شكله إيه ،،لماذا لم تمتلك ألبوم صور زفافها ،،فتصمت فأخوها أدخل داخل عقلها أنها عملت حادث وأطلقت وشالت الرحم فقط ولا يبوح لها بالحقيقة أنها أخطأت مع شاب ولجأ عمها لزواجها من شخص مقابل الفلوس وطلقها حتى يحافظ على سمعتها ،،
أتت الخادمه الأفريقيه التى تتحدث العربية الفصحى وقالت:- أريد أخذ أجازة أسبوع واحد فقط سيدتى
سمر / قولى لسيف أنا مليش كلمه
الخادمه/ أخشى أخسر وظيفتى
سمر/ مش فاهمه
الخادمه/ رفيقة لى فى الماضى تعمل هنا وخسرت وظيفتها حين تزوجت
سمر بأنتباة/ أنتى تتجوزى
الخادمه/ نعم سيدتى
سمر بتردد/ بتحبيه
الخادمه/ نعم
سمر/ يعنى إيه حب بتحسى بإيه
قطع كلام الخادمه دخول سيف المفاجأ الذى أستمع لكل حرف وقال:- لمى شنطتك ومشفش وشك هنا
الخادمه بصدمه/ لم أفعل شئ سيدى.
سيف/ واقفه تتكلمي مع الهانم الصغيرة براحة ودة مرفوض والأهم تتجوزى ممنوع إللى تشتغل هنا ترتبط
الخادمه/ لم أفعل شئ مخل،،، أتزوج من شخص أحبه وأعيش معه بعقد رسمى
سيف بألم وأنفعال/ بكره الحب مش بطيق أسمع أسمه قووووولت برااااااااااااااا
خرجت الخادمه تبكى
سمر/ لية بتعمل كدة ،،،أنا ممنوع أتكلم مع أى حد أتكلم مع مين
سيف/ جبتلك تليفون ونت تتسلى بيهم
سمر/ حياتى من شاشه تليفون عايزة أتكلم مع حد
سيف بهدوء/ الناس وحشة محدش بيحبك غيرى أمك عايشة لمزاجها وأبوكى أتجوز ومخلف وعايش حياته حتى عمك رجعلنا لما طلق مراته ،،وهى على زمته مسألش فينا. ناقصك إيه فيلا وأكل وشرب ولابس عايزة إيه
تانى
سمر بتوجس نظرت من شباك غرفتها/ عايزة أبقا ذى البنات دول أمشى لوحدى
سكت سيف لبرهة هل ذاكرتها رجعت للماضى مستحيل كانت متعبه فقال بهدوء فين دواكى
سمر ببراءة/ فى الدرج
ترجل سيف للمكان وألتقط الشريط وأخذ قرص مهدأ وقال:- خدى الدواء
سمر/ لاء بنام منه
سيف/ أنتى مريضة والعلاج مش بيشتغل غير وأنتى نايمه
سمر/ عايزة ،،،،،، ثم قطع جملتها وسيف وضع قرص المهدأ بفمها وشربها مايه وقال:- لو عايزة تقطعي عيش حد هنا فى الفيلا أتكلمى معاه ،،ممنوع تخرجى من أوضتك فى غيابى سامعة وأنا كتبتلك ورقة على الباب علشان تفتكرى
هزت سمر رأسها بإيجابية ولأن العلاج قوى وغالي جدآ مفعوله يبدأ من خمس إلى عشر دقائق ويستمر مفعول القرص ل٢٤ ساعة متجاهل أعراضة الجانبية وهى الأكتئاب المزمن والهلاوس السمعية والبصريه
بقلم نجلاءفتحى عاشقةالكلمات
___________
أستيقظت زينه وأتنفضت حين وجدت ضوء النهار يغزو غرفتها ،،،،ألتقطت التليفون وجدته مغلق ،،،ظنت فصل شحن ، لأسف وجدته مغلق وهى لم تفعل ذلك جريت للحمام لتجهز وتذهب لعملها الذى أتأخرت عليه وجدت سفرة الفطار كما هى والبيت مكركب لمحت على السجادة الفاتحة شئ تفقدته وقالت:- تفل شاى يانهار مين كب الشاى على السجادة مفيش وقت ،، جريت للحمام تغسل وشها لم تجد مياة فى الصنبور ،،ترجلت للمطبخ لتأخذ مياة من الإناء المخصص لتخرين المياة وجدته فارغ هذا غير معقول بحثت عن أى زجاجة بيها مياة لا يوجد حتى أزايز الثلاجة فارغة ،،الوقت يسرقها ،،أتصلت على راضية، جرس محدش يرد يبدو نائمه ،،خرجت البلكونه لمحت عبدالله يجلس أمام المحله يشيش أتصلت عليه بالتليفون المحمول وقالت:- أبعتلى مايه حالآ
عبدالله بخبث/ لية
زينه/ المايه مقطوعة
عبدالله بمكر/ بتحصل يا دكتورة شوفى أى أزازة
زينه بضيق/ مفيش ولا نقطه مايه فى البيت حتى تليفونى أتقفل أنت قفلته
عبدالله بمراوغة/ وأنا أعمل لية كدة وأنتى دكتورة وشغلك على التليفون
زينه بأنفعال/ المفروض أكون فى الشارع من الساعة عشرة عندى نبطشية الساعة ال١٢ الظهر ودلوقتى الساعة أتنين بعد الظهر
عبدالله بهدوء/ صوتك يا دكتورة ،،،أنتى فى الشارع، ،،،،وأنا مالى أنتى سهرتى لحد الفجر
زينه/ عامله حسابى منبه التليفون يصحينى
عبدالله/ أقفلى يا بت مش فاضى
زينه/ هنزل الشغل يعنى هنزل
عبدالله/ براحتك يا جلبى مستقبلك محدش يمنعك يا قشطه
،،،،،
ثم أغلق التليفون وندة على الصبى وقال:- واد شايف عربيه الدكتورة أم عصام بوظ الأربع عجلات بتوعها ثم أعطى له مطواه،، وقال:- أبقى ورينى تخرجى من البيت أزاى يا جزمه يا أنا يا الشغل علشان أنا معرفتش أربى
____________
مر الوقت أتت زينه أمام المحل وقالت:- ألحقنى عربيتى الأربع عجلات باظوا
عبدالله بتصنع الصدمه/ ولاد الحرام مخلوش لولاد الحلال حاجة زمن غدار
زينه/ إيه الكلام إللى بتقوله دة أتصرف عايزة أروح شغلى
عبدالله/ أقعدى وأهدى ساعتين وعربيتك تجهز
زينه/ لسة أستنا أنا متأخرة
أتى الصبى التى أفسد عجلات السيارة وقال:- خد المطواه بتاعتك يا معلم بوظتهم مبقتش نافعة
نظرت له زينه
٠٠٠٠٠٠٠٠٠٠
____________
(على الجانب الأخر )
أيهم/ بلاش ماما تزعل منك
أنس /هى فضيالى خلينا نعيش يا أسطى ههههه
أيهم/ عصام يبهدلنا وبابا
أنس/ ومين يقولهم ،، هات مصروفك على مصروفى ندخل السيما فى فيلم أجنبى ولعة ياض نار
أيهم/ مليش فى الأكشن
أنس/ بقولك نار رومانسي واحد صاحبى دخله جامد
أيهم/ بابا مانع السيما لوحدينا لازم هو معانا
أنس/ أحنا كبار
أيهم/ أحنا لسة ٣ أعدادى أكيد مش يدخلونا فيلم ذى دة
أنس/ أحنا طوال لو حد مسكنا نقول فى أولى جامعة قشطه
أيهم/ قشطه،،،،،،أنت كنت فين أمبارح مجتش على الغداء
أنس/ أمك طبخت مكرونه وكفته مليش مزاج ليها، ،،أكلت دليفرى
أيهم/ جبت فلوسه منين
أنس/ من ستك حوار كدة وأخدت منها ٤٠٠ جنيه
أيهم/ بابا لو عرف
أنس/ راضية طيبه وسهل تضحك على عقلها مش تقوله عارفه أبنها غضبة وحش علينا
أيهم/ مفيش حاجة لأخوك من ٤٠٠ جنيه
أنس/ يدوب الدليفرى ٣٥٠ والباقى حاجة ساقعة وتاكسى
أيهم/ قدامنا ٣ ساعات ونروح البيت
أنس/ الفيلم يبدأ بعد ساعة وكدة كدة براحتنا كأننا فى الدروس والمستر أخرنا وبابا مش راجع من شغله غير بالليل علشان ماما فى شغلها طول اليوم ونور عندها كلية وبهاء كمان والبيت فاضى محدش يحس أتأخرنا
أيهم / ماشى
__________
تجلس آيه فى منزلها تشرب النسكافيه وأمامها شاشه التلفاز تطرح فيلم كوميدى لكن آيه عقلها كالعادة غارق فى الذكريات أنتبهت على صوت يطرق بابها بطريقة غريبة وضوضاء بالخارج وضعت مج النسكافيه على الطاوله وأغلقت التلفاز ثم أستطالت على أطراف أقدامها و نظرت من العين السحريه وأتسعت عينها