رواية مدمر بعشقك الفصل السادس6بقلم صباح عبد الله فتحي

ردّ محروس بمكر الثعالب:أيوه يا باشا، ده اللي كان بيحصل كل يوم. وأنا ومرفت فضلنا ساكتين علشان الباشا عصام يحكي لك اللي حصل بنفسه.

فوزي بغضب: ومين ابن الكلب ده اللي كان مع الفاجرة كنوز؟

عصام: ما أعرفوش مين ولا أبن مين؟ بس هو واد محزّق وملزّق كده. بس تعالى، أنا مراقب كاميرات في البيت. تعالى شوف بنفسك علشان تصدق اللي حصل.

وبالفعل ذهب فوزي مع عصام، لكن عصام كتم الصوت وقطع مشاهد من الفيديو قبل أن يعرضه على فوزي، دون أن ينتبه فوزي لذلك.

وعندما رأى فوزي جاسر يظهر في الكاميرات، جنّ جنونه وصدّق كل ما قاله عصام، وكذبت مرفت وزوجها محروس.

فقال بغضب جامح: ماشي يا ابن الكلب، أنا هعلمك انت والفاجرة دي الأدب من أول وجديد. ورحمة وأمي وأبوي وأخويا، لأدفنك بالحي يا كنوز، ولا كلاب هيعرفوا لك مكان. بس اصبري عليّ وشوفي أنا هعمل فيكي إيه.

ثم نظر إلى رجاله وهو يقول: عاوز الاتنين دول قدّامي قبل طلوع الشمس. كلامي واضح.

الرجال بصوت واحد:أمرك يا باشا.

هرول الرجال خلف بعضهم ألي خارج البيت.. وقف فوزي عينياه مشتعله بالغضب. وقف خلفه عصام يبتسم بخبث وهو ينظر ألي كلا من مرفت ومحروس الذي اشار الي عصام أنه يريد ينتظر المال منه.