رواية رحمه في رمضان الفصل السادس6بقلم سلوي عوض
وها هو اتي ميعاد السحور فالحاره مضاءه بشكل جميل وهنا ياءتي العم كتكوت المسحراتي ليبدء ف الطرق علي طبلته
رحمه: الله عم كتكوت جيه هنزل الف معاه
امينه: اقعدي يا طويله يا هايفه
رحمه: ايه مفرحش مع العيال
صابر: مش كبرتي انتي علي كده
رحمه: معلش يا أبا وافق وحياتك
صابر: خلاص روحي ومتعمليش مشاكل
رحمه: قول يا فكيك
لتنزل رحمه الي الحاره لتجد الاطفال يسيرون خلف العم كتكوت
رحمه: كل سنه وانته طيب يا عم كتكوت
كتكوت: وانتي طيبه يا رحومه
رحمه: وقف الطبله شويه
كتكوت: يا بنتي بسحر الناس
رحمه: وقف بس
كتكوت: اه عايزه ايه
رحمه: هيا ليه امك سمتك كتكوت هو انته ابوك كان ديك
ليضحك الاطفال علي رحمه
كتكوت: يا معلم صابر يا ابو رحمه
صابر: هو كتكوت بينادي عليا ليه
امينه: خليك انته انا هبص عليه
امينه: خير يا كتكوت عايز جوزي ف ايه
كتكوت: طلعي بنتك بتتريق عليا
رحمه: وياتري بقا انك عتقيه ولا شامورت قول متتكسفش
كتكوت: طب والله ما جاي اسحر ف الحاره ديه تاني
ليتركهم كتكوت ويذهب
لتدخل امينه علي زوجها
امينه: شوفت اخر عمايل بتك زعلت كتكوت واتريقت عليه وحلف ما هو جاي الحاره تاني ولا مسحرنا
صابر: ليه كده بس يا بنتي
امينه: طاب نادي عليها
اما رحمه عنك
رحمه: مسحرتنا انا هسحر الحاره كلها خليكم واقفين هنا يا عيال هجيب حاجه من عم خليل
لتدخل رحمه شقه العم خليل
رحمه: خلو يا جميل عندك طبله
خليل: طبله ليه
رحمه: اصل انا اتخانقت مع كتكوت ومش هيسحر الحاره تاني وانا اللي هسحركم بعد كده
خليل: طاب خشي عندك جركن بلاستيك وشيلي الغطا بتاعه هيعمل صوت زي الطبله وعندك عصايه مقشه مكسوره وحلي عني خليني الحق اصلي ركعتين وانام
رحمه: مش هتتسحر
خليل: كلت علبه زبادي فضل ونعمه
رحمه: طاب سلام انا بقا
لتخرج رحمه لتقرع علي الجركن
رحمه: اصحي يا حاره اصحي يا عم حسن يا اللي متجوز اتنين مقشفين وانته كمان يا عم يا اسود يا شوكولاته يا اللي متجوز تلاته اصحي يا ذكيه يا حراميه السرقه حرام ف رمضان اصحي يا ام عصام وصحي ابو عصام ايوه البليه لاعبه معاكم وعصام مروق عليكم الخليج وفلوس الخليج اصحي يا استاذه نجاه يااللي ليل نهار بتدي ف دروس وعامله لجوزك كابوس اصحي يا عم يا بخيل يا اللي مرضيتش تديني كيس شيبسي اصحي يا خاله بخيته وصحي جوزك اللي هربان من التار حضري السحور يا اما وبطلي بخل ياله يا ولاد انا كده سحرت الحاره كلها اطلع انا بقا اتسحر
لتصعد رحمه شقتهم لتجلس علي الطلبيه مع عاءلتها
رحمه: فين الزبادي
امينه: انتي ليكي نفس تأكلي بتتخانقي مع كتكوت ليه يا وش الاءذي
رحمه: راجل رخم
ليسمعو صوت طرق علي الباب
صابر: يا ستار يارب في ايه
ليفطح صابر الباب ليجد أهل الحاره جميعا أمامه
صابر: تعالو اتفضلو
شاهين الجزار: نتفضل فين
ذكيه: هيا فين البت ديه والله لاموتها
رحمه: ايه في ايه مالكم عايزين ايه
حسن: مش عارفه عملتي ايه بنتك فضحتنا ف الحاره
شاهين الجزار: انا هبقا هحبسك ف تلاجه اللحمه
رحمه: طاب ياريت اصل احنا مبنشوفش اللحمه وبعدين في ايه الحق عليا اللي بسيطكو ف الحته ده انته بكره هيجيلك زبائن من اخر الدنيا ده اسمه فن التسويق
شاهين: مش فاهم انا
رحمه: ما كده الناس هيجو يتفرجو علي شاهين الجزار البطل وهيساءلوك بتاكل ايه عشان تخلف العيال ديه كلها هتقولهم انك بتاكل من اللحمه بتاعتك
شاهين: صدقي فكره حلوه ده انا كلمت واحد عشان يعملي اعلان علي النت قاللي عاوز مبلغ كبير
رحمه: المفروض تشكرني
ذكيه: طاب وانا اللي فضحتيني وبتقوللي عليا حراميه
رحمه: مش انتي قولتي انك هتصلي ف الجامع
ذكيه: اه وانتي عرفتي منين
رحمه: ايه الغباء ده من ابنك طبعا
ذكيه: بت انتي
رحمه: افهمي بس لما الستات ف الحاره يلاقوكي رايحه تصلي يقومو يتكسفو علي دمهم يعني ذكيه الحراميه تصلي وهما لاء ده انتي هتاخدي ثواب كبير اوي
ام عصام: طاب واحنا ياشملوله
رحمه: ايه يا خالتي ام عصام الناس هنا ف الحاره بيقولوا انكم مش لا قيين ناكلو وابنكم مبيساءلش فيكم فقولت اعرفهم غلطانه انا
وهنا يؤذن الفجر
الجميع: الله يخربيتك متسحرناش منك لله
رحمه: وانا مالي اديني وفرتلكم
بخيته: طاب ينفع يعني يا بنتي تتكلمي ف موضوع التار ده افرضي حد مراقبنا هتفرحي يعني لما يموتو جوزي
رحمه: يعني كتي عايزاني اسمع أن الخاله بمبه بتجيب ف سيره جوزك مع الحاره كلها وتقول إن جوزك مش شغال وعايشين علي الشحاته كان لازم اقول كده عشان مش كل الناس ف الحاره عارفين موضوع التار ده لكن لما الناس عرفو موضوع التار محدش يقدر يقول إن جوزك مش شغال غلطانه انا
نجاه: طاب وانا بقا اخباري ايه معاكي
رحمه: اهو كل الحاره كوم وانتي كوم تاني جوزك كان قاعد علي القهوه بيقول انك معفنه ومافيش وراكي غير انك تدي دروس وتلمي فلوس ومهمله ف نفسك وف عيالك كان لازم اقول كده عشان يتكسف من نفسه وميجيبش سيره اهل بيته علي القهوه تاني وبعدين انتي جوزك بيكسب اد كد ده متريحي نفسك واقعدي شوفي مصالح بيتك
نجاه: انا باءمن مستقبلي الرجاله ملهمش امان
رحمه: ياله بقا اتهوو عاوزين نصلي الفجر وتنام حاره هم
لينصرف أهل الحاره
رحمه: اظن كده بقا يا امونه وفرتلك السحور قشطه
امينه: عارفه يا رحمه نفسي اغمض وافتح والاقيكي غورتي من وشي
رحمه: بتدعي عليا ف ليله ف رمضان
امينه: وانتي محوق فيكي حاجه
صابر: رحمه خفي عمايلك بدل ما اوريكي وش متحبيش تشوفيه
رانيا: متتعبش نفسك يا أبا بتك عمرها مهتعقل
صابر: خلاص يبقا اعقلها بطريقتي
رحمه: يا خبر اروح اصلي الفجر
امينه: روحي ياكش ربنا يهديكي
ليمر وها هو اول يوم رمضان الساعه الان الثانيه عشر
في شقه ام عصام
شكريه: ايه يا اخويه اخبار الصيام معاك ايه
زوجها: الحمدلله
شكريه: ايه ده عصام بيتصل
شكريه: ايوه يا حبيبي كل رمضان وانته طيب
عصام: وانتو طيبين يا اما وبخير
زوجه عصام هبه: كل سنه وانتم طيبين وحشتوني اوي ووحشتو الولاد مصر كلها وحشتني
شكريه: مترجعو بقا كفايه غربه
عصام: هنرجع انشاء الله بس هنعملها مفاجاءه
ابوعصام: نفسي يا ابني اسمع صوت تكه مفتاحك وانته داخل علينا
عصام: إنشاءالله قريب يا أبا وكمان هنستقر ف مصر وهنعمل حتت مشروع نعيش منه كلنا
ام عصام: الهي يسعدك الهي يجعل اليابسه ف ايدك خضرا
عصام: ويخليكم ليا يارب هاه هتعملي اكل ايه النهارده
شكريه: اسكت مش امبارح الحاره كلها متسحرتش
عصام: ليه مكانش في عيش
شكريه: عيش ايه ده بسبب الست رحمه
عصام: رحمه ليه عملت ايه
لتقص عليه والدته كل ماحدث
ليضحك عصام وزوجته حتي يقعو من الضحك
عصام: والله رحمه ديه مصيبه من مصائب الزمن طيب يا امي بلغيها أن الموبايل بتاعها هبعتهولها علي اخر الاسبوع
زوجه عصام: وانا كمان باعته لها شويت حاجات بنات عصام محتاجين اي حاجه ابعتها
شكريه: تسلم يا ابني
عصام: برده مقولتيش هتعملي فطار ايه
شكريه: هعمل فضله خيرك دكر بط ومحشي كرنب وملوخيه والعصير تمر هندي وكمان عمك خليل هيفطر معانا
زوجه عصام: الله يا امي أكلك وحشني اوي
عصام: اه يا اما جريتي ريقي
شكريه: وانتو هتفطرو ايه
عصام: هنفطر كبسه دجاج
ابوعصام: الف هنا
اما في شقه العم خليل
فكان خليل يقرء القرءان وبعد أن انهي القراءه تذكر زوجته الراحلة
خليل بحزن: اكيد رمضان ف الجنه اجمل بكتير وحشتيني اوي ونفسي اجيلك اقوم اروح اقعد ف المسجد استني صلاه الضهر
اما بخيته
فكانت قد ذهبت الي شقه نجاه وبعد أن انتهت ذهبت الي مدام ناني صديقه نجاه
ناني: تعالي يا حبيبتي شوفي احنا شغلنا مش كتير يعني كل اللي هتعمليه هو انك تظبطي الشقه
بخيته: تحت امرك
ناني: هو انتي بتعرفي تطبخي
بخيته: اه الحمدلله
ليخرج زوج ناني فهو يعمل وكيل نيابة وهو رجل صعيدي واسمه كريم
كريم: أهلا بيكي
بخيته: اهلا بيك يا باشتنا
كريم: انتي صعيديه
بخيته بخوف: اه يا بيه ليه
كريم: تعرفي انك جيتيلي نجده من السما
بخيته: انا والله ماعملت حاجه كل الحكايه ان جوزي عليه تار واحنا هربنا من الصعيد وجينا علي مصر
ناني: اهدي متخافيش
كريم: موضوع جوزك نتكلم فيه بعدين انا قصدي يعني اني نفسي ف اكل صعيدي ف الطاجن يعني طاجن لحمه بالفريك
بخيته: ايوه بالتجليه
كريم: ولا كمان الفطير بالتقليه مراتي اقولها تقولي هعمله باللحمه المفرومه
بخيته: حاضر يا باشتنا بعد اذن الهانم طبعا
ناني: اخيرا حد هيرحمني من تريقتك علي اكلي خلاص يا بخيته انتي بقا مسؤله عن أكل البيه بس
بخيته: طاب ابدء ف الشقه
ناني: لاء يا حبيبتي انتي هتطبخي اكل كريم بس والحساب زي ما اتفقت مع نجاه
كريم: ولو أكلك عجبني انا ليا حساب تاني خالص
بخيته: الله يوسع عليكم ويراضيكم طاب حضرتك عندك طواجن
ناني: اه عندي
كريم: عندها اللي بيتباع هنا مش بتاعنا الجميل
بخيته: انا عندي هبقا اجيبهم لحضرتك
كريم: بتعرفي تخبزي عيش شمسي
بخيته: اه يا بيه
كريم: ده انا هححق كل احلامي علي ايدك
ليخرج ميلغ
كريم: اتفضلي انتي عندك ولاد
بخيته: عندي ابراهيم
كريم: خلاص يا ام ابراهيم روحي النهارده افطري ف بيتك عشان النهارده هنفطر عند حمايا وبكره إنشاءالله تيجي وتجيبي العيش والطواجن
بخيته: حاضر يابيه تؤمريني باءي حاجه ياست هانم
ناني: اسمي ناني خليكي ثواني
لتتركها ناني وتدخل غرفتها
كريم: مقولتليش بقا جوزك شغال ايه
بخيته: والله ياباشتنا جوزي كان شغال سواق بس واحنا ف البلد الناس اللي ليهم التار واحد منهم ضرب عليه نار الطلقه جات ف رجله ولما جينا علي مصر محدش رضي يشغله
كريم: طاب هاتيه معاكي بكره
بخيته بخوف: ليه يا بيه
ليتحدث كريم باللهجة الصعيديه
كريم: ايه خوفتي من ده انا هشغله معايا سواج خصوصي
بخيته: صح يا باشتنا
كريم: اه صح لكن قوليلي انتو منين من الصعيد
بخيته: من سوهاج يا باشا مركز دار السلام
كريم: من عيله مين
بخيته: احنا غلابه يا بيه عيلتنا علي جدها
كريم: ايوه يعني مين
بخيته: من ضبع ابو السيوف
كريم: ايه مش ده اللي كان بيحفظ الولاد القرءان وساعات كان بيؤم بالناس ف الصلاه
بخيته: هو حضرتك تعرف ابوي الله يرحمه
كريم: ناني يا ناني تعالي بسرعه
لتخرج ناني من غرفه النوم ومعها اشياء كثيره
ناني: ف ايه
كريم: انا كنت بتكلم معاكي ف ايه امبارح
ناني: انته اتكلمت كتير
كريم: لما جات سيره البلد
ناني: اه لما كنت بتشرحلي أن ربنا سبحانه وتعالى أسري بسيدنا محمد صل الله عليه وسلم وأن سيدنا محمد صل الله عليه وسلم صعد إلى السماء وصلي بالاءنبياء
كريم: برافو عليكي طاب فاكره انا قولتلك مين اللي علمني اقرء القرآن بالتجويد
ناني: طبعا هو انته بتتكلم غير عنه
كريم: ايوه يعني هو مين
ناني: الشيخ ضبع ابوالسيوف
كريم: اهو ده بقا يبقا والد بخيته
ناني: مش معقول
بخيته: صح يا باشتنا
كريم: اه ما هو انا بقا ابقا ابن عضو مجلس الشعب كامل زيدان
بخيته: يا صلاه النبي
ناني: ادينا طلعنا قرايب
بخيته: العفو يا ست هانم العين متعلاش علي الحاجب
ناني: من النهارده انا ناني اختك وده كريم اخوكي يعني لا بيه ولا هانم
بخيته: زي ما تكون ليله الجدر النهارده الف حمد والف شكر يارب
اما في شقه رحمه
كانت امينه توقظها
امينه: بت يا رحمه قومي يا اختي العصر خلاص هيدن
رحمه: صيام ايه ده رحمه عايزه ايه سيبني انام انا جعانه اوي ايه انا مش شامه اي ريحه اكل انتي مطبختيش
امينه: لاء ورحمه امك
رحمه: تعالي انزلي هاتي كيلو رز
رحمه: ليه مش ابويا اداكي فلوس عشان تشتري خزين رمضان
امينه: وهو انا فضيت من نصايبك
رحمه: طاب هتعملي محشي
امينه: امال عايزه الرز ليه
رحمه: طاب هاتي اجيبلك وارجع اكمل نوم
امينه: عارفه لو جيبتي حاجه غير الرز
رحمه: هجيب احنا ف صيام
امينه: طاب ياله
رحمه: هاتي الفلوس
امينه: خدي هاتي رز سايب من ابو ٢٠جنيه
رحمه: وهو كيلو هيكفي المحشي
امينه: روحي بس
رحمه: هاتي
لتنزل رحمه وتذهب الي العم عبده
عبده: عايزه ايه الدنيا صيام ومش عايز وجع دماغ
رحمه: انا جايه انفعك هات كيلو رز من ابو ٢٠جنيه
عبده: هاتي الفلوس الاول
رحمه: خد
عبده: اقفي هنا علي ما اوزنلك متلعبيش ف حاجه
رحمه: الا قوللي هو انته هتفطر لوحدك
عبده: اه عندك مانع
رحمه: يا عيني كل الناس بتفطر مع اهلها وانته عامل زي قرد قطع
عبده: اللهم اني صائم
رحمه: خلاص حقك عليا هات الرز
عبده: خدي واسحبي من هنا
رحمه: ايه الرز ده كله طوب
عبده: علي اد فلوسكم
لتذهب رحمه الي شقتها
رحمه: خدي يا اما
امينه: هاتي يا شملوله
رحمه: طاب ابقي نقي الرز كويس كله طوب
امينه: طيب يا اختي روحي شوفي هتعملي خليني اخلص قبل المغرب
رحمه: هنام وصحيني علي الفطار ومتنسيش الخشاف
امينه: اه طيب
لتتركها رحمه وتدخل غرفتها لتضع يدها علي معدتها
رحمه: معدتي يا حبيبتي جهزي نفسك هنشرب خشاف وناكل محشي امينه مضحيه ياله ننام بقا
ويمر الوقت وها هو مدفع الافطار
رحمه: الله المدفع هيضرب اخيرا
لتخرج من غرفتها
رحمه: الله ايه الروايح دي ريحه محشي كرنب وطشه ملوخيه الله وريحه بط بيتحمر معلش يا امينه كت ظلماكي
وهنا يدخل صابر
رحمه: شامم يا أبا امينه مبدعه ف الاكل النهارده
صابر: مش اول يوم رمضان واحنا صايمين امال اختك فين
رحمه: بتذاكر ف اوضتها
صابر: طاب روحي اندهيها عشان ديه لما بتمسك كتاب بتنسي نفسها
رحمه: حاضر
لتدخل غرفه اختها
رحمه: بت يا رانيا ياله المغرب هيدن وامك عامله محشي وبط وملوخيه
رانيا: الله ده انا كنت قربت انساهم
لتخرج رحمه من غرفه رانيا وتخرج رانيا خلفها
وهنا يؤذن المغرب
رحمه: هيه هناكل
وهنا تخرج امينه من المطبخ ومعها طبقين ارز
رحمه: اقوم اجيب باقي الاكل والعصير
امينه: اقعدي يا بت هو ده الاكل ومافيش عصير بلو ريقكم علي مايه
رحمه: نعم طبقين رز وكل طبق في حتت فرخه امال فين المحشي والبط والملوخيه اللي انا شاماهم
صابر: ايه مالكم
رحمه: تعالي شوف مراتك
لينظر صابر الي الطبليه
صابر: فين الفطور يا ولاد
امينه: ماهو ده
رحمه: اقطع دراعي أن ماكانت ديه فرخه عم خليل
امينه: بس يا بت اطفحي وانتي ساكته
صابر: يا وليه انا مش مديكي فلوس الخزين
امينه: بقولك ايه سيبني امشي البيت زي ما انا اهم حاجه تيجي تلاقي اكل
صابر: طاب لمي دورك عشان مش عايز انكد عليكي ف الايام المفترجه
اما منزل المعلم شاهين
فكان يجلس هو وزوجاته الثلاثه واولاده
شاهين: كلو يا عيال خير ربنا كتير وبعد الفطار ها اخدكم كلكم ف العربيه الجامبو ونروح نسهر ف خيمه رمضان ونسحر برا كمان انتي عزوتي يا ولاد
زوجاته وأبناءه: ربنا يخليك لينا
اما في منزل ام هبه باءعه الجرجير
كانت تجلس هيا وابنتها علي الطبليه
ام هبه: كلي يا هبه بري نفسك يا بنتي انتي صايمه طول النهار
هبه: ما انا باكل اهو يا امي بس قوليلي
ام هبه: خير
هبه: ماشاءالله يعني الطبليه مليانه منين ده كله
ام هبه: من باب الله هو ربك بينسي حد
هبه: ونعم بالله شوفي يا ستي النهارده وانا قاعده بشويت الخضره كت يا دوبك بعت نص الحاجه وكان العصر خلاص اذن صليت العصر جنب الفرشه ودعيت ربنا وقولت يارب يا رازق الدوده ف الحجر والطير علي الشجر يا صاحب الفرج يا عالي بلا درج وبعد ما سلمت لقيتلك واحده ست شكلها هانم كده اشترت مني كل الزرع وادتني الف جنيه فبقولها كده كتير اوي قالتلي استني هودي الحاجه العربية وراجعه وراحت عربيتها ولقيتها راجعه بأكياس كتيره فيها خيرات ربنا ادتهالي كلها وقالتلي تعرفي اني انا كنت رايحه أفطر عند والدتي لكن سبحان الله العربية كاءنها ماءموره أنها تغير الطريق