رواية احببت متمرده الفصل السابع7بقلم احمد عمار
عند رعد
كانت العيله رجعت القصر وهوا راح البار هوا وحسام
داخل البار..... كان قاعد رعد وماسك كأس وهوا بيفتكر ذكريات قديمه
حسام:مالك يارعد
رعد بضيق:مفيش حاجه انا كوييس
حسام:مالك ياصاحبي حاسك مضايق
رعد بغضب:مش عارف حاسس اني كاره الحياه وكاره نفسي وكل حاجه حواليا انا بجد عاوز اموت
(استغفر الله العظيم )
حسام بتنهيده:مينفعش يارعد الي بتقوله دا في ناس بتحبك وهتحزن عليك متبقاش اناني
رعد بسخريه:هههه بيحبوني انا اكتشفت ان محدش بيفكر فيا اصلا دا كل الي حبيتهم غدرو بيا وسابوني لوحدي
حسام بضيق:انسي يارعد انسي هيا غارت في داهيه وانتا الكسبان والله متشيلش نفسك الهم
رعد بحزن:مش قادر انا بحبها هيا بس ليه سابتني دا انا كنت شايلها من علي الارض شيل وعمري مزعلتها نفسي ترجع لو لحظه اشوفها بس
حسام:معلش ياصاحبي بكرا ربنا يعدلها
@@@@@@@@@@@@@@@@@@@@@@
عند ملاك ويونس
كانو قاعديين في كافيه فخم
يونس بتوتر:ملاك ممكن تسامحيني
ملاك ببرود:الموضوع منتهي يا يونس انت حلفت بالله وانا صدقتك مترجعش تتأسف وتعمل وبعدين مش وقت الكلام دا خالص
يونس:تب عملتي ايه مع عاصم
ملاك ببرود:عادي قرصتله ودنه بس ومشيت
يونس:تب ولما قابلتيه حسيتي بأيه
ملاك بكره:حسيت اني عاوزه اق"تله بس لاء لسا شويه اما اذله وادمرله حياته الاول
يونس:ملاك حرام عليكي انتي عارفه ان مايا السبب وو
ملاك بغضب:اخرس يايونس اخرس ومتجيبش السيره دي فاهمم اخرس
يونس بعصبيه:لاء مش هخرس انا ومش هشوف الغلط واسكت يابنت عمي انتي واحده ظالمه وانانيه عاوزه الكل يغفرلك وانتي متغفريش لحد متكونيش انانيه وانتي عارفه ان مايا الي عملت كل حاجه
ملاك وقفت بغضب:عموما انتا متعرفش حاجه وانا مش هرد عليك وعاوزاك تعرف ان من الثانيه دي لا هتعرف عني حاجه ولا عاوزه اعرف عنك حاجه وسلام يايونس يا نجار انتهت يا ابن عمي
وخرجت من الكافيه بغضب ويونس اتعصب واتدايق انه قال الكلام دا
@@@@@@@@@@@@@@@@@@@@@@
في قصر النجار
كان الجميع في غرفته والي صاحي والي نايم
دخلت ملاك القصر واتجهت لغرفة قاسم وخبطت
قاسم:ادخل
دخلت ملاك ولقته قاعد علي السرير ولابس نظاره نظر وبيشتغل في الاب توب
قاسم بدهشه:ملاك
ملاك بضحك:يااه يا قاسم ياعسل انت لسا صاحي
قاسم بإبتسامه:ااه مجليش نوم قولت اشتغل شويه ايه الي جابك
ملاك:انت مش عاوزني اجي ولا ايه
قاسم:لاء ياحبيبتي بس مستغرب انتي بقالك سنين مدخلتيش اوضتي
ملاك بمرح:لاء عادي صعبت عليا قولت اجي اقعد معاك شويه وامشي
وقربت منه ورمت نفسها علي السرير وهوا قفل الاب توب وحطه جمبه
قاسم حط ايده علي كتفها بحنيه:مالك يا ملاك
ملاك بخنقه:مفيش مضايقه شويه بس
قاسم:عشان الي نرمين عملته
ملاك ببرود وقهر :كل الي حصل ولا يشغلني ولا انت ناسي الي حصل زمان ياجدي دي كانت اكتر من كدا
قاسم بحزن:معلش ياملاك هيا معذوره بردو يابنتي
ملاك:معذوره ان هيا تجرحني وانا ايه مليش في اي حاجه
قاسم بضيق:ملاك متكونيش انانيه دي امك بردو وفيها ايه لما تغلط عديها
ملاك وقفت وبصتله وحطت ايدها في جيبها وبزعل
.....
ملاك بزعل وبرود:وانا مش معذوره وكمان انانيه ومعنديش قلب مليش نفس زي البنات اعيش وسط ناس بيحبوني بس ازاي طول عمر الحب والحنان منكم كلكم لمايا حتي انت ياجدي بتحبني عشان شايفني مايا بس بسكت ومبتكلمش بس اقولك حاجه صدقني انا معتش هوريكم وشي تاني كلكم عن اذنك ياقاسم
وخرجت بحزن من الدنيا كلها وقاسم اتنهد بحزن
قاسم بحزن:ربنا يهديكي ياملاك
@@@@@@@@@@@@@@@@@@@@@@
تاني يوم في القطاع
بيكون زياد وحسام ورعد قاعدين في مكتب محمود
رعد:تب الخطه ايه الي هنمشي عليها
محمود:احنا مستنين ملاك
رعد بضيق:هوا مينفعش يدخل معانا ظابط احسن
محمود:لاء مينفعش دي من غيرها مش هيكون في عمليه أصلا
حسام:ازاي يعني مفيش عمليه
محمود:هتعرفو كل حاجه دلوقتي
...... بعد شويه بيخبط الباب وبتدخل ملاك الي كانت لابسه تيشرت اسود بنص كم وبنطلون اسود وكوتش ابيض وشعرها ديل حصان وكانت فكت السناده وجرحها بقا كويس
محمود:كل دا تأخير
ملاك بضيق:معلش الطريق كان زحمه
محمود:تب اتفضلو...... واتجه الجميع لتربيزه الاجتماعات
رعد:ها حضرتك ايه الخطه بقا
محمود بتنهيده:ركزو معايا الخطه عباره عن ايه ودور كل واحد ايه
رعد:سامعينك
محمود بجديه:اولا ملاك هيا الي عليها الخطه كلها ازاي هيكون اسمها ..أوليفيا.. اكبر زعيمه في اوروبا كلها
رعد:تب و أوليفيا الحقيقة لما تعرف
محمود:ما أوليفيا الحقيقيه مقبوض عليها من اسبوع هيا وكل رجالتها وجوزها الي هما شغالين سوا
زياد:مين الي قبض عليهم وفين
محمود:المخبارات الامريكيه قبضو عليهم متلبسين وهما اعترفو علي الباقي بس مش معاهم دليل واحنا الي هنقبض عليهم متلبسين
ملاك:وانا هعمل ايه بقا
محمود:انتي هتسافري المانيا وهتتجهزي هناك وهتركبي الطياره وهتوصلك لحد أمريكا
ملاك:تب والرجاله الي هما المفروض رجاله أوليفيا دي
محمود بتوتر:ما هوا انتي هيكون معاكي جوزك
ملاك بستغراب:جوزي؟!
محمود:احم ماهو انتي ورعد هتتجوزو مؤقتاً
اتصدم الجميع وملاك ورعد اتعصبو وبصو لبعض بصدمه
ملاك بغضب:انا اتجوز الكائن دا
رعد بعصبيه:احترمي نفسك انا اصلا الي مستنضفش اتجوزك
ملاك بغيظ:لم لسانك يابتاع انت انا مستحيل اوافق علي الهطل دا
رعد بضيق:ولا انا ممكن اتجوز المجنونه دي هيا ناقصه مستحيل
ملاك بغضب:مجنونه في عينك انا الي مش هقبلك اصلا يا بتاع انت
رعد:بت انتي لمي نفسك اصل انا الي مقطع نفسي عليكي
محمود بصراخ:بسسسس اخرسو بقا انتو الاتنين
بص الاتنين لبعض بكره وتحدي
محمود بغضب:خلصنا الاوامر جايه من الاعلي مني ومنكم وهيا القيادات العليا اسكتو بقا
رعد:احنا ممكن نشتغل اه انما اتجوزها مستحيييل
محمود بضيق:وانا استحاله اطلع بنتي معاك وتقرب منها كدا من غير جواز
ملاك بغضب:يبقا الغي العمليه انا مش طالعه العمليه دي مع المجنون دا
رعد اتعصب وعروق ايده ورقبته برزت