رواية حين يغار القلب الفصل السابع7بقلم مصطفي جابر
هو البت المرميه جوا دي سقطت بجد ولا لسه حامل؟
سعدية بشماتة: اه سقطت والبركة في دماغي.
صفيه باستغراب: دماغك ازاي؟
سعدية بشر: انا اللي حرقت قلوبهم و حطيت الصابون قدام سلمها عشان تقع وتغور في داهيه علشان تبقي تزعلك عدل وتقعد تلقح عليكي في الرايحة والجاية.
صفية بصدمة: ينهار ابيض انتي ياما؟ انتي اللي عملتي فيها كدا؟
سعدية بغل وحقد: اه انا ويارب كانت تقع علي جدور رقبتها ونخلص منها عشان هي السبب هيا اللي لعبت في دماغ امها وخلت زين يروح يخطب البت اللي معاه ويسيبك.. حرقوا قلبك يضنايا وانا حرقت قلبهم.
صوت من وراهم: للدرجة دي انتي سموية.
بصوا للصوت بصدمة وخضه: ا انت مين.
وليد بخبث: انا وليد ابن عم قمر وزين خد مني حبيبة قلبه و هيتجوزها ونفسي بأي طريقة انتقم منه واخد قمر منه واتجوزها
صفيه بغل: انا وانت في كفه واحده انت زين خطف منك حبيبتك وهيا خطفت مني حبيبي... انت عاوز قمر وانا عاوزاه يبقا نحط ايدينا في ايد بعض ونشوف طريقة نبعدهم .
وليد بمكر: موافق علي اي حاجة طالما قمر هتكون ليا انا بس بشرط محدش فيكم يفكر حتي يقرب منها او يأذيها عشان قسما بالله لو حد قرب منها انا هقتله بايدي.
سعدية بمكر: متخفش عليها اوي كدا احنا كل اللي يهمنا انه زين يتجوز بنتي ومش عاوزين منها حاجه.
وليد بابتسامة : يبقا اتفقنا وانا عندي خطة اخلي زين يبعد عن قمر.
صفيه باستغراب: خطة ايه.
وليد بخبث طلع تليفونه: مكنتش ناوي اعمل كدا بس طالما هتكون ليا يبقا اي حاجه مباحه.
بصت سعدية للتليفون بشهقة: مش معقول اي الصور الحقيرة دي.
وليد ببرود: دي صور مفبركها ل قمر و مركبها علي جسم بنت اعرفها وهي في حضني.
صفيه بسخرية: زين مش هيصدق ولو عرف انك انت اللي معاها مش بعيد ينفخك.
وليد ببرود: انا عايزو يعرف ان انا اللي معاها ومش بس كدا انا بنفسي اللي هقوله.
قبل الفجر ب ساعة..
عند نور..
كانت قاعده في الضلمة و دموعها نازلة في صمت...
زياد دخل لاقى امه نايمه و نور قاعده كدا ابتسم بحزن وراح قعد جنبها: اي يا حبيبتي هتفضلي كدا.
نور لارد..
زياد بحنان وبيمسح دموعها: دموعك دي بتوجعني اوي يا نور عشان خاطري حاولي تتأقلمي انا حاسس بيكي وجعك هو وجعي .
نور بصت له بدموع: طلقني.
زياد بصدمة: ايهه... نور اي التخاريف دي.
نور بجمود: زي ما سمعت انا مش طايقاك ولا طايقه نفسي طلقني يا زياد.
زياد بهدؤء: طب بالعقل كده انا زنبي اي في اللي جرا ده وبعدين هوا في حد يسيب روحه تروح منه.
نور بدموع وانهيار: خلاص رجع لي ابني انا والله كنت مستنياه بقالي كتير اوي ومصدقت عشان خاطري يا زياد رجعه او بص صحيني قولي لي اننا في حلم او كابوس وانا هصدقك انا هنام اهو واصحي بقا علي الفطار ونقعد نفطر كلنا وو.. قعدت تعيط و زياد شدها لحضنه ودموعه نزلت ..
عند زين..
كان قاعد زعلان بتيجي رحاب ومعاها السحور: يلا يا زين عشان تتسحر.
زين بهدؤء: كلي انتي يا رحاب انا مليش نفس.
رحاب بحزن: ومين له نفس بس لازم ناكل و نكون جمب نور ونوقفها علي رجليها
زين بهدؤء: عندك حق يا رحاب بس انا صدقيني انا فعلا مليش نفس.
رحاب وهي بتأكله غصب: دوق الفول بالزيت الحار هيعجبك اوي يلا.
زين ضحك و اكلها ...
تاني يوم..
نور صحيت لاقت نفسها في اوضتها في بيتها وزياد جنبها..
زياد بحنان: صباح الخير يا حبيبتي.
نور باستغراب: انا جيت هنا ازاي.
زياد بابتسامة: انتي جيتي بليل يا نور انتي ناسية ولا اي متقلقنيش عليكي
نور بهدؤء: تمم.
زياد قام جاب شنطة و طلع منها العاب: جبت لك الالعاب اللي بتحبيها اهو وهنلعبو بيها سوا
نور بهدؤء: مش عاوزة حاجة يا زياد.
زياد بحب: بس انا بقا عاوز ولا هو لما احب اشاركك في عبطك تبطلي.
نور بغيظ: انا مش عبيطة انت اللي عبيط عامل زي اللوح ومفكر نفسك لسه عيل صغير .
زياد ابتسم بفرحه: قولتي ايه والنبي لتقولي تاني.
نور بضحك: انت بتحب تتهزق ولا اي.
زياد بفرحه: قولي كمان سمعيني هي دي نور حبيبتي المجنونة.
نور ضحكت وهو بقا بيتنطط من الفرحه..
رحاب بتيجي وبتبص ل اخوها بذهول: بسم الله انت اتجننت ولا اتلبست يا زياد دا احنا في رمضان حتي.
زياد بفرحه: نور هزقتني يا رحاب
رحاب بسعادة: بجد قول والله... بصت ل نور.. هزقيني انا كمان يسترك ربنا يا شيخه.
نور بذهول: انتو عيلة مهزقه وانا مكنتش اعرف ولا ايه.
رحاب حضنتها بدموع: وحشتينا اووي يا بت انتي فرحه البيت دا.
نور بأبتسامة بتقوم تقعد : ربنا يخليكم ليا يا رحاب.. تعالي اسنديني عايزة انزل لماما رباب شوية
زياد بأبتسامة: تعالي هسندك انا
نور كانت ساندة عليه وفتحت الباب ولسه هينزلو..
فجاءة سمعوا صوت زعيق و صريخ رباب تحت..
نزلوا بسرعة كلهم..
زين ماسك في وليد بغضب: اطلع برا وارحم نفسك والا مش هتروح علي رجلك انت فاهم انا حذرتك كتير اوي..
وليد زقه ببرود: انا عارف انه الحقيقه صعبه بس هي دي ومعايا اكبر دليل كمان.
زين لكمه بغضب وقعه و زياد مسك اخوه: اهدا يا زين في اي.
زين بغضب و زعيق عالي: سبنيييي يا زززياددد اوووعا بن الكلب دا جاي و بيقولي انه قمر مراته عرفييييي وبيوريني صور مزورة سبنييي عليههه انا هخرجه من هنا علي ضهره.
وليد مسح بوقه بالم و مثل البرود: انا عارف انك مستحيل تصدق بس هسمعك مراتي بنفسها قمررر تعالي.
بصوا للباب بصدمة لاقوا قمر دخله..
رحاب راحت عليها: قمر في ايه هو كلام المجنون دا صح.
قمر بتبص ل زين بصدمة..
زين ساب زياد وراح ليها بلهفه: قمر يا حبيبتي انتي جيتي ليه معه.
وليد راح مسك ايده: ابعد ايدك قولتلك دي مراتي.
زين بغضب: مرات مييين. زين دخل اوضته بسرعة وجاب سلاحه وكان هيضرب وليد قمر وقفت في النص بينهم : لا يا زين لا وليد كلامه صح انا وهو متجوزين عرفي و الصور دي بتاعتي.
زين بصدمه: