رواية احلام ودموع الفصل الواحد والعشرون 21 والاخير بقلم ماريه عبدالله مسعود
المظلوم
فالله لم يكله إلى ضعفه ولم يحمّله عبء الانتقام
ولم يطالبه بأن يرد الأذى بيده بل تولى شأنه بنفسه
وكفله بعدله وأحاطه بعنايته ولو لم ير ذلك بعينيه
كل دمعة راها الله كل تنهيدة سمعها،
كل وجع سكن صدره ولم يشكُه لأحد
كلها محفوظة عند من لا تضيع عنده الحقوق
وقد يتأخر الفرج في نظر البشر، لكن تأخره ليس إهمالًا بل إعداد.
ليس نسيانًا بل ترتيب أدقّ مما نتخيل
فالحق حين يعود بعد صبر يعود أعمق أثرًا وأشد وقعًا
أوضح برهانًا ليعلم الجميع أن ما كان لله دام
وما كان بغيره زال ولو بعد حين
فاطمئن أيها المظلوم
ليس لأن الألم قليل بل لأن الله عظيم
وليس لأن الطريق سهل بل لأن النهاية بيد أعدل العادلين
فما من ظلمٍ إلا وله آخر
وما من باطلٍ إلا وله لحظة انكشاف
وما من حقٍّ ضاع عند الله
ولو طال انتظاره في أعين الناس
❤️❤️❤️❤️❤️❤️
[سحر بنت المايقوما] [سحر وليد ][فتاة الطاووس 🤍✨️]
رفعت الصور رجعتها الظرف وقمت اتوضيت وصليت ركعتين وقعدت ادعي ليهم
الليلة ١٥ يوم من ابوي اتوفه كنت قاعده وماسكة الدفتر ارسم تلفوني اتصل رفعتو كان المحامي بعد سلم قال لي تعالي الشركة
لبست عباية سوده وطرحه سودا ونظارات سود
طلعت لقيت علي طالع كان لابس قميص بيجي وبنطلون اسود واسبورت بيجي ونظارت
قال لي على وين قلت ليو الشركة قال لي يلا شارعنا واحد وطلعنا عاين فيني وابتسم وقال لي يليق بيك الأسود ياسحر
فخم فيك شديد قرب مني وهمس لي بس ماتلوني بيو حياتك لانو حياتك انتي لونها ابيض زي لون الغيوم وزي لون قلبك يا مراتي
طلع النظاره و واصل كلامو ماسالتيني ماشي وين قلت ليو اااها وين قال لي عندي موعد غرامي ابتسمت قلت ليو اها كويس موفق
ابتسم وقال لي اهاااا راجلك دا كسار ولا لا
قلت ليو بتقصد اخوي واكيد كسار الماشي تشوفها دي من اول نظره حتحبك ضحك ورجع لي ورا وهو بضحك ويصفق في يدينو رجع قرب مني عاين لي وقال لي وحياتك مافي وحده تاني تدخل قلبي❤️🔥
انا قلبي دا قفلتو عليك ياسحر ورميت مفتاحو في البحر والبحر حفظ المفتاح في اعماقو زي لما يحفظ اسرانا ❤️🔥
عاينت فيو وابتسمت قلت ليو علي انت متأكد انو عمرك ١٩ وانو انت مااتعلمت لانو كلامك دا كلام واحد متعلم وعمرو اكتر من ٣٠ ابتسم ورفع حاجبو ودخل يدينو في جيب البنطلون وقال لي انا حبيتك
واي كلمة بتطلع مني صدقيني طالعة من قلبي ولساني بترجمه قلبي هو البتكلم ولساني بترجم كلام قلبي ❤️🔥
حركاتو ورفعت الحاجب لما اتكلم ويدينو الفي جيوب البنطلون حسيت الواقف جنبي دا رياض ما علي قلبي ضرب شديد
اتحرك سريع وهو وينادي لي دموعي نزلو لبست النظارة وركبت العربية والسواق اتحرك لما جيت بي عندو كان واقف ويعاين فيني بعيون حزينه وقلب مكسور اخ بس لو بقدر اطلع رياض من قلبي ولا لو بقدر اطلع روحي من قلب علي كنت بعاين بي الشباك وسرحانه عيوني الكانت مع الشوارع وقلبي وعقلي الكان مع قلب علي وقلب رياض💔
وصلت الشركة ونزلت من دخلت جات السكرتيرة وسلمت علي وعزتني في ابوي وباركت لي وجو الموظفين سلمو وعزوني وباركو لي اتحركت وصلت المكتب ختيت يدي في الباب دموعي نزلو ومسحتها انا ماكنت محتاجة القروش ياابوي كنت محتاجة الحنان والطمأنينة والسند كنت محتاجة ليك كتير 💔
من فتحت الباب جاتني ريحتو في المكتب اتحركت على الكرسي ختيت يدي في اطراف الكرسي و رفعتها وختيتها في الطاولة الكانت جنب كرسيو ورجعت قعدت في الكنبة الكانت في المكتب وانا اعاين في كراسي ابوي صح ماحصل شوفتو في الشركة ولا هو قاعد في المكتب لكن كنت بتخيل فيو وهو قاعد في المكتب وعلى الكرسي 💔
الباب ضرب ودخل المحامي والسكرتيرة سلم على المحامي
وقعدنا
كانو بشرحو لي طريقة الشغل بعد ساعتين طلعت واتحركت مع السكرتيرة ولفيت الشركة كنت في كل خطوة فيها بحس انو ابوي ماشي معاي وحتى ريحتو حاسه بيه في كل ركن من أركان الشركة 💔
وصلت جنب باب الشركة لقيت اخوان ابوي واقفين جنب باب الشركة وحد فيهم قال لي اعفي لينا يابتي كانت لحظة شيطان انا بعد الحصل لي في شركة الازياء حرفيآ ماعندي ثقة في اي زول بقيت بشوف الناس بي وشين اي زول بعاين فيو بحس عندو وشين وش طيب ظاهر بيو قدام الناس ووش خبيث خافي عن الناس
عاينت في وش اي واحد فيهم و ابتسمت قلت ليهم حصل خير قلتها بطريقة بارده
مناقصني تاني حرب وانتقام واكون انا الضحية فيها
اتحركت لبست نظاراتي وطلعت
انا سحر بنت المايقوما قبل كم شهر كنت منبوذه في المجتمع ماكان عندي هوية كنت مجهولة الهوية قبل كم شهر كنت ولا شي واسه انا سحر وليد
عندي اسم وهوية انا الكنت منبوذة في المجتمع اسه انا عندي مكانة في المجتمع الكنت منبوذه فيو
انا الكنت بجري من شركة لي شركة عشان فرصة عمل اسه انا صاحبة أكبر شركة في السودان و صاحبة شركة فاشون لي الازياء
الدنيا دي غريبه شديد ممكن انت تكون عايش في الشارع وتصحا تلاقي نفسك في قصر سبحان الله على الدنيا
كل خطوة بخطيها برا الشركة كنت بحمد رب العالمين صح عشت وجع والم وحرمان كنت بصبر وبقول كلو بيد رب العالمين والحمد لله كان نهاية الصبر الفرج 🤍✨️
ركبت العربية واتحركت وصلت البيت نزلت شنطتي جا طارق قلت ليو يلا نرحل قال لي نحنا عايزين نرحل مع علي الشقة وقبل ارد عليو علي دخل وقال لي سحر نحنا بنكون جنبك وسندك ومستحيل نتخلا عنك بس حابين نرحل الشقة قلت ليهم تمام زي مابتحبو والبيت مفتوح ليكم في اي وقت كنت بتكلم وبتمتم
رفعت شنطتي علي وقف وشال مني الشنطة
قلت ليو اها الحصل شنو في الموعد ضحك وقال لي موعد شنو كان المنتج وقال لي انو الالبوم جاب أرباح خيالية قلت ليو اخ نسيت أسألك مشاء الله الف مبروك ياعلي والله فرحت ليك من كل قلبي وتستاهل قال قولي ألف مبروك لينا الالبوم لينا انا وانتي
طارق قال لينا والله جامد ياخي دا نزل ترند العالم كلو يحضر فيو والله عجيب عديل
قلت لي طارق انو انا عايزه هو وياسين يكونو معاي في شركة فاشون رد لي طارق انو هم قررو يرجعو يتعلمو قلت ليو والله احلا خبر اسمعو ولو احتجتو لي اي مساعده انا موجوده طارق قال لي مابتقصري وتمام يازولة لي قدام
علي كان ساكت وشال الشنطة واتحركنا
طلعنا
علي رفع الشنطة في العربية وقفت جنبهم مديت يدي لي ياسين وودعتو طارق خت يدو في كتف علي مديت يدي لي طارق قال لي بنجي ليك ونعمل ليك وجع وش يومي بنط عندك ظبطي لينا اكل واوع من العدس ياسحر وضحك ضحكت معاو
التفت على علي طارق ربت على كتف علي
مد لي يدو مديت يدي كنت برجف سحبتها سريع
علي كان ساكت مع انو كان كلامو كتير وما بسكت نهاي قلت ليو كابوكي لسانك وين الليله وضحكت عاين فيني مسافة واتحرك ناديت ليو علي
وقف ومن غير مايعاين فيني وقال لي جنبك وحدك وسندك ياسحر انتي قول علي وبس بتلاقيتي جنبك ❤️🔥يلا ربنا معاك وعندك تلاته اخوان طارق وياسين وعلي واتحرك فات
دموعي نزلو مسحتهم وركبت طارق رفع لي يدو رفعت ليو يدي والعربية اتحركت عاينت في علي الكان واقف وبعاين فيني رفعت ليو يدي رفع يدو لبست نظارتي والتفت على السواق وانا ببكي
وصلت البيت ودخلت
ال بيت كان كبير من برا وفاضي من جوه كان نفسي يكون فيو أسرة ام وأب واخوان صوت ونسه وضحك صوت ام تنادي لي واخوان ااتشاكل معهم وابو ينزعج من صوتنا العالي جد وجده وخال وعمه اخ بس💔
انا عرفت منو اهلي بس فقدتهم كلهم 💔
وصلت غرفة ابوي ختيت صورتو الكانت في يدي في الطربيزه الجنب سريري ونمت في السرير الكانت فيو ريحتو ودموعي نازلة كنت وحيده من وانا صغيره وحيده واسه انا وحيده
الايام بتمشي مابين الشغل والبيت شركة الازياء بعد العرض الفي تركيا اشتهرت شديد وتصامي بلبسوها المشاهيره واشتهرت شديد وبقا عندي ماركة تجاريه بي اسم[ فتاة الطاووس✨️🤍[ وحتي في شركات ازياء برا السودان بشترو من ماركتي وكم شركات اعلام بتشيل من تصاميمي
فاتو ١٠سنوات وانا بين البيت والشغل ودفتر الرسومات كنت كل نهاية الأسبوع بمشي قبر ابوي بدعي ليو وبقعد هناك بتكلم معاو وبحكي ليو فرحي وحزني همي
وبمشي المايقوما وبشيل معاي هدايا لي الاطفال عملت مدرسة داخل المايقوم ومستوصف صغير
واي طفل بكون مرمي في الشارع كنت بحاول اعرف عنو اي معلومة ممكن توصلنا لي الجدعو وحتى عينت متحري عشان الموضوع دا ماعايزه يعيشو العشتو
لانو من غير الاهل بعيشو و بكونو مكسورين 💔
وحاولت اغير في الاورق الثبوتيه انو يكون في فحص DNA لي اي سوداني ويضاف في شهادة الميلاد والرقم الوطني والجواز ويكون في السجلات واي مستشفى او دار ايتام او قسم شرطة يكون عندها السجل دا السجل البكون فيو DNA
عشان تاني مايكون في اطفال حرام او زنا او شوارع ومافي واحد او وحده تغلط لانو لو حاولو يغلطو بنكشفو سريع بي DNA البكون واضح في اي ورق ثبوتي واي سجل واي مركز او مستشفى او دار يعنني الطفلة او الطفل بعملو ليو فحص Dna وبقارنو بي السجل العندهم وبي كده بعرفو ابو وامو منو 🤍
كنت بحاول في الموضوع دا كتير وبتمنا صوتي يوصل ✨️🤍
وبالنسبه لي الاولاد الفي شوارع خصصت ليهم مجموعة من الشباب كان عندهم حافلة بلفو بيها واي ولد في الشارع برفعو معهم لي المايقوما
ام علي كمل تعليمو ودخل كلية الفنون والموسيقى وياسين ممتحن تالته وشغال معاي في شركة الازياء هو وطارق طارق دخل الكلية الحربية
قاعده في غرفتي ماسكة دفتر الرسومات وارسم رسمت بنت قاعدة في الأرض وشايلة ليه لعبة وجنبها تلاته اولاد مادين ليها يدينهم وهي ماده يدها وتضحك
قفلت الدفتر لبست لي عباية وطلعت ركبت عربتي واتحركت تلفوني اتصل رفعتو كان علي
علي تاني عرض علي الزواج ومنتظر ارد ليو
سمعت صوتو بقول لي سحر انا بتكلم معاك ماتقول لي سرحانه اخ منك. ضحكت قلت ليو علي بالنسبه لي عرض الزواج انا موافقة قال لي قلتي شنوووو شنو شنو ماسامع عيدي لي ياسحر قلتي شنو ضحكت قلت ليو انا موافقة ياعلي قال لي اخيرااااا ياسحر اخيرااا مامصدق والله مامصدق قولي لي تاني قولي موافق ياعلي قوليها ياسحر قلت ليو ماموافقة
ضحك وقال لي احذفي الما عشان ما اطلع ليك من التلفون قال لي وين انتي قلت ليو متحركة على البحر قال لي تمام تمام بتلاقينني هناك منتظرك
كنت بتونس معاو حاسه بيو مبسوط شديد وانا اكيد بنبسط لما هو ينبسط
صح لسه في قلبي رياض بس ماعايزه أظلم علي كفاية قلبي الانكسار ماعايزه تاني يكون في قلب مكسور
علي كويس شديد كان نعم الأخ والسند ومتاكده انو بكون معاو مبسوطة لانو عارفة انا لو ضعفت بقويني ولو وقعت بسندي 🤍
وصلت البحر
شايفة عربتو نزلت جا علي وشايل كمان وقف وغنى ليه ياسمر
كان بغني والله يـــا أســـمــر
يــا رائــع الـمـنـظر
مـمـشوق قــوام فـاتن
جــل الالــه صــور
وجـهـه الـقمر ضـواى
بــدر الـسـما الـنـور
ادعــج كـحيل نـعسان
وردي الـخـدود مـحـمر
وعـيـون كـتير حـلوين
مـــن طـبـعهم فـتـر
شـعـرك ســواد الـليل
مــن نـسـمة يـتـبعثر
والـحـكمه لــو يـبسم
بـحـرفا خـريـفه هـدر
فـى نـغيمه احـلى نـغم
مـوسـيـقى تـتـصـور
سـلـب الـعقول جـذاب
مــا شـفنا زيـه بـشر
🤍❤️
اول اغنية سجلها وانا اعاين فيو وابتسم قرب مني وفتح علبة طلع خاتم مسك يدي ولبسني ليو سمعت صوت صفاافير طلعو طارق وياسين من عربية علي ياسين كان شايل الكاميرا علي قعد يغني ويلف حوالي وانا واقفه وااضحك خاته يدي في خشمي وياسين يصور
انا وعلي اتزوجتنا والله رزقنا بي ولد سميتو وليد طارق خطب وياسين اتخرج من كلية الطب
كنت قاعده العب مع وليد في حديقة البيت علي جا داخل
وليد جر عليو وقفت اعاين فيهم علي شال وليد ولف بيو
وقال لي حبيبتي يلا نطلع قلت ليو يلا دخلت لبست لي فستان كبدي وطرحة وعملت روج كبدي عااينت لي الدبلة وخاتم الزواج واتذكرت يوم العرس لما جا خالي وطلب مني اسامحو ولما مسكني من كتفي كان معاو اولادو وزوجتو ولما سلم علي في راسي وحضني وسلمني لي علي ولما اتحركنا الصالة وعلي غني لي ولما حملت بي وليد تعبتو تعب بصحي في نص الليل وببكي ليو وهو بجري بي المستشفى
و بعد ما يجي من الشغل تعبان برجعو تاني عشان مشتهي لي حاجه وهي مابتكون في البيت ولما دخلت التاسع كنت ببكي ليو ليل ونهار وهو يبكي معاي ويحنس فيني
علي كان نعم السند والكتف الكنت بميل عليو لما اتعب 🤍
ولما ولدت ولما شلت وليد اول مره كانت دموع فرح على خوف انو مااقدر اربي كان صغير شديد
ولما علي دخل علينا وبارك لي وشال وليد سلم عليو في راسو واذان ليو ولما طارق بارك ليننا وياسين رفع الكاميرا وصورنا علي وياسين وطارق عوضوني حنان الاهل الفقدتو ❤️
طلعت من سرحتي علي صوت علي البنادي علي يلا يا حبيبتي
طلعت علي قعد يصفر وقال لي وليد امك مزه مزه
ابتسمت قرب مني وقال لي مانخلي الطلعة وغمز لي ضحكت على كلامو واتحركت على وليد مسكتو من يدو وركبنا العربية علي واقف وبعاين فينا طلعت راسي قلت ليو يلا
اتحرك علينا وهو مبتسم ركب العربية و شغل اغنية بصوتو وكان بغني معها وانا ووليد بنشيل معاو فتحت التلفون وقعد اصور وصلنا مطعم ودخلنا اكلنا وطلعنا المنتزة علي مسك وليد من يدو واتحركو على الألعاب انا قعدت في مقعد واعاين فيهم جاني صوتو ااااهاااا صوتو صوت يالله صوتو رياض صوت رياض وهو بقول سحر ياااسحر التفت سريع على الصوت شفت رياض بجري على طفلة صغير وبنادي عليه سحر حبيبتي انا اسه بمسكك وين بتجري مني وهي جارية وبتضحك وبتقول يلا يانورس يلا عشان بابا مايمسكنا دموعي نزلو وقمت اتحركت عليهم ورفعت الطفلة سلمت عليها
وقف جنبي رفعت راسي عاينت فيو قال لي س سحر الطفلة قالت ليو اي بابا ابتسمت مديت يدي مد يدو جات وحده وقفت التفت عليه كانت جميلة شديد مديت يدي ليها
رياض قال لي اعرفك مايا زوجتي قلت ليها وانا بتتمتم اتشرفت بيك
قال ليها سحر صديقة وكنا بنشتغل في شركة وحده عاينت في رياض مسافة والتفت علي
قالت لي وانا اتشرفت بيك حبيبتي
نزلت الطفلة وعاينت لي الطفلة التانيه ابتسمت
رياض قال لي نورس وسحر بناتي تؤام عندهم ٤سنوت اتحركت على نورس قعدت جنبها في الأرض و سلمت عليه وقمت وقفت سامعه صوت علي ووليد بنادو علي اتحركت عليهم وانا ببكي مسحت دموعي سريع وقفت جنبهم شلت وليد سلمت عليو علي مسكني من كتفي واتحركنا
[مرة واحده بالعمر
ستعشق أحدهم بجنون
بغباء بلا تحفظ ستفعل أشياء كثيرة
لم تكن تتخيل أبداً بأنك قادر على فعلها مرة واحده بالعمر
ستغمض عينيك وتعطل عقلك عن التفكير وترتكب حماقات سخيفةلا تخطُر على البال
مرة واحدة بالعمر ستشعر بأن لكلمة أحبك مذاقا آخر وبعدها
سيكون أعظم دروسك بالحياه💔]
سحر وعلي وطارق وياسين ويقين اولا الشوارع اولاد الحرام اولاد الزنه اولاد المايقوما المنبوذين في المجتمع بسبب غلطة ماعندهم اي ذنب فيها
كانو منتظرين اليد البتتمد ليهم اليد البتطلعهم من الظلام لي النور
اليد البطبطب عليهم و بدل ما تشيل الحجر وترمي عليهم
اليد البتتمد ليهم بي ملابس نظيفه اكل نظيف بدل الملابس المقطعة الوسخانه وبدل الأكل من حاوية القمامة
يد وحده كان ممكن تغير حيات انسان
يد كانت غيرت من هوية ولد شارع لي هوية دكتور مهندس معلم ضابط يد كانت عملت بصمة في المجتمع
يد كانت غيرت كيان انسان
سحر بنت المايقوما إلى سحر بنت وليد
[عليكم الله في زول في الحرب دي فكر كيف بكون حال الأطفال الفي الشوارع واطفال المايقوما
اغلب الناس الميته في الشوارع دي اغلبهم بكونو من اولاد الشوارع 💔] وَلَا_تَحْسَبَنَّ_اللَّهَ_غَافِلًا_عَمَّا_يَعْمَلُ_الظَّالِمُونَ
آيةٌ واحدة
لكنها كفيلة بأن تُعيد للروح اتزانها وللقلب يقينه
وللمظلوم طمأنينته التي كادت تهتز تحت وطأة الألم
هي ليست مجرد وعدٍ مؤجَّل بل حقيقة قائمة
تعمل في الخفاء بينما يظن الناس أن الأمور تُدار بلا حساب
قد يرى المظلوم المشهد ناقصًا وقد يظن أن الظالم أفلت
وأن الباطل استقر لكن عين الله لا تنام وعدله لا يتأخر
وحكمته لا تخطئ التوقيت أبدًا
يمضي الظالم في طريقه مزهوًّا يظن أن قوته حَمَته
وأن حيلته أنقذته وأن ما فعله طُوي وانتهى
لكنه لا يدري أن الحساب بدأ منذ اللحظة الأولى لظلمه
بدأ يوم نُزعت البركة من أيامه دون أن يشعر
يوم ضاق صدره بلا سبب واضح
يوم صار القلق رفيقًا دائمًا له حتى في أوقات الفرح
ويوم تحوّل أمانه الظاهري إلى خوفٍ خفيٍّ يسكن أعماقه
فالظلم لا يمرّ مرور الكرام بل يترك في الروح صدعًا
وفي الحياة تعثّرًا وفي القلب ظلمة لا يبددها شيء
أما المظلوم…
فالله لم يكلّه إلى ضعفه ولم يحمّله عبء الانتقام
ولم يطالبه بأن يرد الأذى بيده بل تولّى شأنه بنفسه
وكفله بعدله، وأحاطه بعنايته، ولو لم يرَ ذلك بعينيه
كل دمعةٍ رآها الله كل تنهيدةٍ سمعها،
كل وجعٍ سكن صدره ولم يشكُه لأحد
كلها محفوظة عند من لا تضيع عنده الحقوق
وقد يتأخر الفرج في نظر البشر، لكن تأخره ليس إهمالًا، بل إعداد
ليس نسيانًا، بل ترتيب أدقّ مما نتخيل
فالحق حين يعود بعد صبر، يعود أعمق أثرًا، وأشد وقعًا،
وأوضح برهانًا، ليعلم الجميع أن ما كان لله دام،
وما كان بغيره زال ولو بعد حين..
فاطمئن أيها المظلوم…
ليس لأن الألم قليل، بل لأن الله عظيم..
وليس لأن الطريق سهل، بل لأن النهاية بيد أعدل العادلين..
فما من ظلمٍ إلا وله آخر،
وما من باطلٍ إلا وله لحظة انكشاف،
وما من حقٍّ ضاع عند الله…
ولو طال انتظاره في أعين الناس🤍
تمت بحمد الله