رواية دموع الورد الفصل الخامس عشر 15 بقلم جمال المصري
بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
اسماء .. بتقرب من شريف امشي من وشي يا شريف بدل ما اقسم بالله اسلمك بايدي للمركز
شريف .. انتي اتجننتي ولا ايه يا اسماء و هتسلميني للمركز ليه
اسماء .. عشان انت والكلب اللي وراك اللى ضربته عادل بالنار عند الخص اللي في ارضي تحب اقولك تفاصيل كمان
شريف .. ارتبك وانتي عرفتي ده كله من فين
اسماء .. انا معايا فيديو كامل ليك وانت بتعمل كده وكمان معايا شهود
شريف .. بس هتسكتي يا اسماء عشان انا جوزك
اسماء .. انت لا جوزي ولا عمرك كنت ولا هتكون جوزي انت عارف اتجوزتك ليه ودي كانت اكبر غلطه بحياتي وبكره ورقة الطلاق تكون عندي فاهم يا شريف
شريف .. ولو ما حصلش
اسماء .. اقسم بالله ما هخلي حاجه اسمها بيت الزناتي اصلا في البلد وكل السنين الي فاتت انا كنت بجهز نفسي لمواجهة الهلاليه بس واضح ان المواجهة دي هتكون من نصيبكم انته
شريف .. بتهدديني عشان الفيديو اللي في ايدك
اسماء .. لا بهددك بالقوه الي في ايدي اما ضربك لعادل بالنار عادل هو الي هيقرارها بنفسه بس ترجعله صحته
شريف .. ما تنسيش ان عادل هو اللي قتل ابوكي وعمك
اسماء .. ما تقلقش اللي قتل ابويا وعمي انا هعرفه وهتاكد ان كان عادل ولا ووقتها انا هاخد طار ابويا بايدي ودلوقتى يلا امشي من هنا قبل ما صبري ينفد
شريف .. حاضر بس هنتقابل تاني
اسماء .. بعد الطلاق مش قبل وبتلف ناحيت الغفر ورجلتها يا رجاله اي كلب يفكر يدخل المستوصف اضربه بالنار
الرجالة .. حاضر يا جناب العمده
محمود .. بيشوف كل حاجه من الشباك وبيستغرب هي اسماء بتعمل كده ليه
اسماء .. بتدخل المستوصف وبتروح ناحيت وعد طمنيني يا بنتي ان شاء الله هيقوم منها
وعد .. اللي ياخد من دمك اكيد ان شاء الله هيقوم ويبقا زي الحصان
اسماء .. بتبتسم وبتاخدها في حضنها
وعد .. بتحس احساس جميل وبتحضنها جامد هي كمان
اسماء .. بتحس ان وعد مش عايزه تبعد عن حضنها فبتحضنها اكتر
محمود .. واقف ودماغه هتنفجر من كل اللي بيشوفه وبيسمعه وبيقرب منهم لو سمحتي يا دكتوره انا اول مره اشوفك هنا انتي من فين
وعد .. بتسيب حضن اسماء بالراحه وعنيها دمعت وبصت لي محمود انا وعد العدلي من الاسكندريه
محمود .. اهلآ وسهلآ نورتي البلد يعني ليكي قرايب هنا
وعد .. اه وسكتت قصدي لا انا حابه اعيش هنا
محمود .. تنورينا ومن دلوقت احنا كلنا اهلك ولو احتاجتى حاجه كلنا تحت امرك يا بنتي
وعد .. شكرا يا عمو
شريف .. دخل القصر ولقي نسرين قاعده في الصالون
نسرين .. كنت فين وواخد كل الرجاله معاك
شريف عادل الهلالي مضروب بالنار وفي المستوصف واسماء هي الي جبته بنفسها
نسرين .. انت بتقول ايه اذاى اسماء تعمل كده ومين اللي اتجراء وضربه وبصت علي شريف اوعي تكون انت
شريف .. ايوه انا و المصيبه ان اسماء عرفت و معاها فيديو ليا وانا بضربه بالنار
نسرين .. وازاي هي عرفت ده كله
شريف .. مش عارف انا هتجنن
نسرين .. انا هروح كاني بطمن عليها وافهم كل حاجه
شريف .. ياريت انا هتجنن دي كمان طالبه الطلاق
نسرين .. لا كده في حاجه غلط انا هطلع اغير وروحلها
وعد .. بتدخل هي واسماء عشان يطمنه علي عادل
اسماء .. هيفوق امتي
وعد .. خلاص المفروض دلوقت
اسماء .. بتكون قاعده وايدها علي السرير جنبه واول ما بتسمع انه هيفوف بتقوم عشان تمشي
عادل .. بيفوق وبيمسك ايد اسماء
اسماء .. جسمها بيترعش والدموع بتنزل من عينيها
وعد .. الحمد لله اهو فاق و بتبص علي اسماء لقيت الدموع نزله من عينيها في ايه يا اسماء
اسماء .. ولا حاجه انا هطلع
عادل .. لسا ما فقش كويس وبيسيب ايدها براحه
اسماء .. بتطلع جري لبره
محمود .. لقي الدموع نازله من عينيها جري عليها عادل حصله حاجه
اسماء .. لا الحمد لله فاق
محمود .. امال مالك بتبكي ليه
اسماء .. عينيه انطرفت
عادل .. انا فين
وعد .. انتي هنا في المستوصف
عادل .. وانتي مين
وعد .. انا وعد اللي طلعت الرصاصتين من جسمك والحمد لله انت بخير
عادل .. اه انا افتكرت وبيحاول يتعدل
وعد .. لا مش هتقوم انت لازم ترتاح
عادل .. انا عايز امشي من هنا وشوف مين اللي اتجراء وضربني بنار
...اسماء بتسمع وبتدخل هي ومحمود ..
اسماء .. اهدا يا عادل بيه واسمع كلام الدكتوره
عادل .. انتي بتعملي ايه هنا
اسماء .. ايه انت كمان هتقول زي ابن عمك اني انا اللي ضربتك بالنار
عادل .. لا انا مش زيك يا عمده ومستحيل اصدق انك تعملي كده حتي لو شوفتك بعنيه هكدب عينيه
اسماء .. لا قريب انا هعملها بس هضربك بالنار وعيني في عينك
عادل .. وليه تستني احنا فيها وانا اهو قدامك و مفيش حد هيمنعك
اسماء .. لما اخد طاري منك لازم تكون بصحتك
عادل .. ابتسم طول عمرك مجنونه وعنيده
وعد .. اهدو هو فيه ايه لده كله ده انتي كنتي حضناه وبتبكي علي الطريق
اسماء .. بتحاول تسكتها لا ما حصلش انا كنت خايفه انه يموت والبلد تولع
عادل .. ماشي يا اسماء الزناتي
اسماء .. لو قولت الاسم ده تاني هقتلك انا عمري ما كنت منهم ولا هكون
..تليفون اسماء بيرن ..
اسماء .. الو ايوه يا شمندي
شمندي ..نسرين هانم عايزه تدخل
اسماء .. خليها تيجي
عادل .. فيه ايه
اسماء .. دي نسرين هطلع اشوفها عايزه ايه
عادل .. دي عقربه يا اسماء خالي بالك منها
اسماء .. ما تقلقش عليا اقلق علي نفسك
عادل .. مجنونه
اسماء .. بتطلع بره الاوضه
نسرين .. حبيبتي وبتاخدها بالحض وهي بتبص حواليها رجالة عادل في كل مكان في المستوصف انتي بخير يا حبيبتي
اسماء .. بخير
نسرين .. احكيلي ايه الي حصل
اسماء .. هو شريف ما حكالكيش
نسرين .. ما انتي عارفه مش بيقول كلمتين علي بعض
اسماء .. غريبه مع اني اعرف اني سره معاكي علي العموم الحمد لله عادل بخير وربنا كرمنا بملاك
نسرين .. مش فاهمه ملاك ايه
وعد .. بتطلع يا اسماء عايزين اكل عشان عادل
اسماء .. بتمد ايدها ناحيت وعد
وعد .. بتقرب وتمسك ايدها
اسماء .. هي دي الملاك الدكتوره وعد العدلي من دلوقت زي بنتي
نسرين .. سمعت الاسم وزي ما يكون نزل عليها صاعقه وعد ايه
وعد .. العدلي يا طنط
نسرين .. بارتباك بس انا اول مره اشوفك هنا
وعد .. انا من الاسكندريه ولسا واصله
نسرين .. ابتسمت بصعوبه وهي بتحاول تخبي ارتباكها وانتي طلعتي دكتوره كده يعني قصدي في حد في اهلك دكتور
وعد .. اه ماما الله يرحمها
نسرين .. الله يرحمها كان اسمها ايه
وعد .. عفاف
اسماء .. فيه ايه يا نسرين ايه هتفتحي لها محضر
نسرين .. ما انتي عارفه انا فوضليه اوي يلا اسيبك دلوقت وابقي اجيلك وقت تاني مع السلامه
اسماء .. الله يسلمك
وعد .. مش عارفه ما ارتحتلهاش
اسماء .. سيبك منها
شمندي .. السلام عليكم
الكل .. وعليكم السلام ورحمة الله وبركاته
شمندي .. الاكل جه من الدوار
اسماء .. اخدت الاكل ودخلت علي عادل ومحمود
عادل .. ايه حاطه سم في الاكل وابتسم
اسماء .. حطت الاكل جنب عادل ومسكت المعلقه وشربت من الشربه وكلت من اللحمه
عادل .. اذا كان كده ممكن اكل
اسماء .. شلا عنك ما كلت
وعد .. اسماء اهدى وانت يا عمه وسكتت هو انا ممكن اندهك بي اسمك مش حابه اقولك عمو
عادل .. اكيد يا دكتوره
وعد .. لا اسمي وعد من غير دكتوره يا عادل
عادل .. اجمل وعد في الدنيا
وعد .. طاب يلا انا هاكلك وفضلت معاه لحد ما شبع واسماء واقفه جنبها هي ومحمود
نسرين.. نزلت من المستوصف وهي مرتبكه وبعد ما بعدت عن رجالة اسماء طلعت التليفون ورنت علي شريف
شريف .. رد علي طول طمنيني مات ولا عايش
نسرين .. سيبك منه في مصيبه اكبر
شريف .. فيه ايه
نسرين .. بنت عادل واسماء هي الدكتوره اللي معاهم في المستوصف
شريف .. انتي بتقولي ايه مش معقول ايه الي هيجيبها من الاسكندريه لحد هنا
نسرين .. مفيش غير سبب واحد انها جايه تدور علي امها
شريف .. البنت دي لازم تموت