رواية سرطان الفصل الحادي عشر 11 والاخير بقلم محمد منصور
ساطول اتصدم لما سمع سرطان بيقول انه هو السفاح
وقال ساطول
انت السفاح
سرطان
ومالك مستغرب لية كدة
ساطول
اصل في زمنا دة ما حدش بيعترف علي نفسه بجريمة هتكون السبب في قطع راسه
سرطان
انا بقي باعترف وعندي الدليل علي اني انا السفاح
ساطول
اية دليلك
سرطان
انا اعرف مكان جثث البنات الخمسة اللي انا خطفتهم
ساطول
فين هما
سرطان
هقول لك، ،،،،،،،
سرطان
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
ومن عند البحر اللي كان سرطان بيرمي في ضحايا. يقف ساطول ومع لويس اللي نزل البحر و طلع جثث خمس بنات وسرطان باصص لهم بلامبالاة. وراح ناحيته ساطول وقال
اية اللي في دماغك ولية اعترفت علي نفسك ولية ما خلتنيش اجيب حراس معايا لغاية هنا
سرطان
سيبك مني وقولي انت اية اللي في دماغك بعد ما الملك الفريد كذب عليك وخطف بنتك ورماها جوة سجن من سجونه
ساطول
دي لي حساب عسير
سرطان
و مكافأتي هتكون اية بعد ما هبقي السبب في رجوع بنتك ليك
ساطول
قبل ما اقول لك مكافأتي ليك. احب اعرف ازاي خليت لويس خادم ليك وجاسوس علي الملك ل مصلحتك مع انك خطفت بنته
سرطان
السر في العطر
ساطول
يعني اية
سرطان
ما فيش كلمة تاني تتقال
الا لما اعرف هتعمل معايا اية
ساطول
هسلمك للملك واخد بنتي في حضني وامشي
سرطان
لما سالت عليك عرفت انك اذكي مذنب جه في تاريخ المملكة وفضلو 15 سنه يدورو عليك لغاية ما تم الايقاع بيك بعد خيانه تابع من اتباعك ليك. لكن واضح ان كبر سنك خلي معدل ذكائك ينزل
ساطول اتعصب وقال
عايز تقول اية
سرطان
الملك مش غبي علشان يمنح الحرية لمذنب زيك داخ وراء سنين لغاية ما قدر يوقعه. اكيد هيرجعك السجن
ساطول
ما يقدرش يعمل كدة لانه في احتياج ليا
سرطان ابتسم بخبث وقال
اتمني اني اكون غلطان.
ومد سرطان ايده قصاد منه وقال
لف السلاسل حوالين ايدي علشان تسلمني للملك. ،،،،،،
ويتغير المشهد ونشوف سرطان واقف قصاد الملك الفريد والقاضي انتوني وهو متقيد وساطول واقف وراء منه وبيقول بتعالي وغرور
السفاح بين ايدك وفي اقل من يومين. قدرت اوقعه وبنفسي وبدون مساعدة من حراسك لكن بنتي مش من ضحايا. واكيد هي عندك.
الفريد
موجوده وهتكون قصاد منك في الحال ودة اقل شئ نقدمه ل بطل زيك انقذ المملكة من سفاح زي دة
ميل ساطول علي ودن سرطان وقال
مش قولت لك ما يقدرش يغدر بيا
سرطان
مش دي النهاية. للمشهد تكمله
وندهه الفريد علي الحراس
و جم الحراس وقال الفريد
سلسلو ساطول ورجعو سجنه
ابتسم سرطان وبص بطرف عينه ل ساطول اللي قال
الغدر في دمك يا مولاي
الفريد
دة مش غدر دة انا بنقذ شعبي من شرير زيك
لكن ساطول بحركة مفاجئة طلع سيفه من جرابه وجري ناحية الملك الفريد ولف حوالين منه وحط السيف علي رقبته وقال
خطوة تاني من حراسك هتكون راسك علي ارضية البلاط الملكي و معاها نهايتك
الفريد لحراسه
تقدمو واقبضو عليه حتي لو فيها موتي
انتوني للحراس
اثبتو مكانكم حياة الملك مش رخيصة علشان تضيع علي ايد مذنب زي دة
الفريد
انتوني خليهم يقبضو عليه
انتوني
مولاي حياتك اهم ولو عايز تضحي بيها ما تكنش في موقف زي دة
ساطول
مع كبر سنك لكنك لسة حكيم. أمر الحراس باحضار بنتي من السجن
سرطان
دة لو بنتك موجوده في السجن
ساطول اتصدم وقال
تقصد اية
سرطان
بنتك خطفها السفاح
ساطول
م انت السفاح
سرطان
انا غدير صانع العطور
و علشان انا غريب ومش من المملكة قبض عليه و قدمتني للملك علي اني انا السفاح. وفي حد قابلك في طريقنا لقصر الملك وسمعتو وهو بيقول لك السفاح خطف بنتك من سجن الملك
ساطول
كذاب و مخادع. ودة ما حصلش وانت بنفسك اللي اعترفت وقولت انك السفاح وكمان عرفتني مكان الجثث الموجودة في قاع البحر
سرطان
هات شهودك علي اني انا اللي عرفتك مكان الجثث
ساطول
لويس كان معايا وانت بتعرفني مكان الجثث
سرطان
الملك يطلب شهادة لويس ونعرف مين صادق ومين كذاب.
وفعلا يطلب الملك احضار لويس وجه لويس ووقف قصاد الملك وتم مواجهته بكلام ساطول وسرطان وقال لويس
كلام السيد غدير مظبوط وكل دة من تدبير ساطول
ساطول كان هايتجنن وقال
انت خدام لي وتابع ذليل
و اتفقت مع عليه
سرطان
هايتفق ازاي معايا لو انا السفاح وبنته اخر ضحايا السفاح.
ساطول
سالتك السؤال دة وقولت لي السر في العطر
سرطان
ودة كلام يتقال. عطر اية اللي يخلي لويس يساعدني لو انا فعلا قاتل بنته. اعترف واقول ان اللي بيخطف بنات المملكة مذنب تبعك و عرفك مكان الجثث علشان تاخد حريتك مكافاة من الملك الفريد. و اتهمتني بالزور لاني مجرد غريب عن المملكة
ساطول اتعصب اكتر وقال
انت ملعون شيطان رجيم من مواليد جهنم وان،،،،،،،
لكنه سكت لان خنجر انتوني اترشق في رقبه ساطول. اصل انتوني استغل تركيز ساطول مع سرطان وطعنه علشان ينقذ الملك ووقع ساطول علي الارض جثة هامدة والفريد بص للحراس وقال
فكو قيود السيد غدير. ويرجع دكانه في موكب يليق بغريب اتظلم في مملكتي
سرطان
شكرا يا مولاي
ورجع سرطان الدكان في موكب عظيم يليق ب شر ملهوش نهاية. لكن لكل بداية نهاية. ونهاية سرطان هتكون في الموسم التاني من حكايتنا. بعد العيد باذن الله مستني راي كل اللي شرفني بقراءة الموسم الاول. ورمضان كريم
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
لقراءة باقي الفصول اضغط هنا